[CPD Classification 2.5.15]
\n[PTS Vol Cp - ] [\z Cp /] [\f I /]
\n[PTS Page 073] [\q  73/]
\n[BJT Vol Cp - ] [\z Cp /] [\w I /]
\n[BJT Page 324] [\x 324/]
Cariyāpiṭaka pāḷi
\nNamo tassa bhagavato arahato sammā sambuddhassa

7. Upekkhā pāramitā

15. Mahālomahaṃsa cariyaṃ

359. Susāne seyyaṃ kappemi javaṭṭhikaṃ upanidhāya haṃ1
\nGomaṇḍalā2 upāgantvā rūpaṃ dassenti nappakaṃ4.

360. Apare gandhañca mālañca 5 bhojanaṃ vividhaṃ bahuṃ
\nUpāyanānyupanenti haṭṭhā saṃviggamānasā.

361. Ye me dukkhaṃ upadahanti ye ca denti sukhaṃ mama
\nSabbesaṃ samako homi dayākopo6 navijjati.

362. Sukhadukkhatulā bhūto yasesu ayasesuca
\nSabbattha samako homi esā me upekkhā pāramīti.

Mahālomahaṃsa cariyaṃ paṇṇarasamaṃ.

Upekkhā pāramitā niṭṭhitā.
\n 

Uddāna gāthā:

363. Yudhañjayo somanasso ayoghara bhisenaca
\nSoṇanando7 mūgapakkho kapirājā8 saccasavhayo.

364. Vaṭṭako maccharājāca kaṇhadīpāyano isi
\nSutasomo puna āsiṃ sāmoca ekarājahu
\nUpekkhā pāramī āsi iti vuttaṃ mahesinā.

365. Evaṃ bahuvidhiṃ dukkhaṃ sampatti ca 9 bahuvidhā10
\nBhavā bhave anubhavitvā patto sambodhimuttamaṃ.

366. Datvā dātabbakaṃ dānaṃ sīlaṃ pūretvā asesato
\nNekkhamme11 pāramiṃ gantvā patto sambodhimuttamaṃ.

1. Upanidhā-machasaṃ javaṭṭhiṃ upadhāyahaṃ- 2. Gāmaṇḍalā-machasaṃ. 3. Upaganatvā-nāmachasaṃ. 4. Dassenta nappaka-pa. 5. Gandhamāla bhuca-machasaṃ. 6. Dayakopo-nā.
\n7. Soṇadaṇḍo-nā- 8. Kapirāja-nā. 9. Sampattiṃca-machasaṃ. 10. Bahuvidhaṃ-machasaṃ-tatthaci. 11. Nekkhamma-machasaṃ.
\n 

[BJT Page 326] [\x 326/]

367. Paṇḍite paripucchitvā viriyaṃ katvāna muttamaṃ1.
\nKhantiyā pāramiṃ gantvā patto sambodhi muttamaṃ.
\n[PTS Page 103] [\q 103/]
\n368. Katvā daḷhamadhiṭṭhānaṃ saccavāvānurakkhiya 2
\nMettāya pāramiṃ gantvā patto sambodhimuttamaṃ.

369. Lābhālābhe yasa yase sammānanāvamānane
\nSabbattha samako hutvā patto sambādhi muttamaṃ.

370. Kosajjaṃ bhayato disvā viriyārambhañca khemato
\nĀraddhaviriyā hotha esā buddhānusāsanī 3.

371. Vivādaṃ bhayato disvā avivādañca khemato
\nSamaggā sakhilā hotha esā buddhānusāsanī 4.

Yudhañjayavaggo tatiyo.

Itthaṃ sudaṃ bhagavā attano pubbacariyaṃ sambhāvayamāno
\nBuddhāpadāniyaṃ nāma dhammapariyāyaṃ abhāsitthāti.

Cariyāpiṭakapāḷi samattā5

1. Uttamaṃ-sīmu-
\n2. Rakkhiyā-nā-
\n3. Buddhāna sāsanī-aṭṭha-sīmu-.
\n4. Buddhānasāsanī-aṭṭha-sīmu-
\n5. Cariyā piṭakaṃ niṭṭhataṃ-katthaci.
\n 
\n