[CPD Classification 2.5.15]
\n[PTS Vol Cp - ] [\z Cp /] [\f I /]
\n[PTS Page 096] [\q  96/]
\n[BJT Vol Cp - ] [\z Cp /] [\w I /]
\n[BJT Page 308] [\x 308/]

Cariyāpiṭaka pāḷi
\nNamo tassa bhagavato arahato sammā sambuddhassa
\n4. Adhiṭṭhāna pāramitā

6. Temiya paṇḍita cariyaṃ
\n288. Punā paraṃ yadā homi kāsirājassa atrajo
\nMūgapakkhoti nāmena temiyoti vadanti maṃ.

289. Noḷasitthi sahassānaṃ na vijjati pumo tadā1
\nAhorattānaṃ accayena nibbatto ahamekako.

290. Kicchā laddhaṃ piyaṃ puttaṃ abhijātaṃ jutindharaṃ
\nSetacchattaṃ dhārayitvāna sayane poseti maṃ pitā.

291. Niddāyamāno sayanavare pabujjhitvānahaṃ tadā
\nAddasaṃ paṇḍaraṃ chattaṃ yenāhaṃ nirayaṃ gato.

292. Sahadiṭṭhassa me chattaṃ tāso uppajji bheravo
\nVinicchayaṃ samāpanno kadāhaṃ2 imaṃ muñcissaṃ3.

293. Pubbasālohitā mayhaṃ devatā atthakāminī
\nSāmaṃ disvāna dukkhitaṃ tīsu ṭhānesu yojayī.

294. Māpaṇḍiccaṃ4 vihāya bālamato bhava sabbapāṇinaṃ5
\nSabbo jano ocināyatu 6 evaṃ tava attho7 bhavissati.

295. Evaṃ vuttāya haṃ tassā idaṃ vacanamabraviṃ8
\nKaromi te naṃ vacanaṃ yaṃ tvaṃ9 bhaṇasi devate
\nAtthakāmāsi me amma! Hitakāmāsi devate!.

296. Tassāhaṃ vacanaṃ sutvā sāgareva thalaṃ labhiṃ
\nHaṭṭho saṃviggamānaso tayo aṅge adhiṭṭhahiṃ.

1. Sadā-sīmu. 2. Kathāhaṃ-sī-mu-pa. 3. Muccissaṃ-machasaṃ.
\n4. Mā paṇḍiccayaṃ-sīmu-pa. 5. Bahumataṃ sappāṇiṃ-katthaci. 6. Ojināyatu-sīmu.
\n7. Evaṃ attho-katthaci. 8. Mabruvi-nā-katthaci. 9. Yaṃ maṃ - katthaci.

[BJT Page 310] [\x 310/]

297. Mūgo ahosiṃ badhiro pakkho gati vivajjito
\nEte aṅge adhiṭṭhāya vassānaṃ soḷasaṃ1 vasiṃ.

298. Tato me hatthapāde ca jivhaṃ2 sotañca maddiya
\nAnūnataṃ me passitvā kālakaṃṇīti nindisuṃ3.

299. Tato jānapadā4 sabbe senāpati purohitā
\nSabbe ekamanā hutvā chaḍḍanaṃ anumodiṃsu. 5

300. Sohaṃ tesaṃ matiṃ sutvā haṭṭho saṃviggamānaso
\nYassatthāya tapo ciṇṇo some attho samijjhatha.

301. Nahāpetvā6 anulimpitvā veṭhetvā rājaveṭhanaṃ
\nChattena abhisiñcitvā7 kāresuṃ pura 8 padakkhiṇaṃ.
\n302. Satta haṃ dhārayitvāna uggate ravimaṇḍale
\nRathena maṃ nīharitvā sārathī vanamupāgamī.
\n[PTS Page 097] [\q  97/]
\n303. Ekokāse rathaṃ katvā sajjassa 9 hatthamuñcito10
\nSārathī khaṇatī kāsuṃ nikhātuṃ paṭhaviyā11 mamaṃ12.

304. Adhiṭṭhitamadhiṭṭhānaṃ tajjento13 vividhakāraṇā
\nNābhindiṃ14 vatamadhiṭṭhānaṃ bodhiyā yeva kāraṇā.

305. Mātā pitā na me dessā attā me na ca15 dessiyo
\nSabbaññutaṃ piyaṃ mayhaṃ tasmā vatamadhiṭṭhahiṃ.

306. Ete aṅge adhiṭṭhāya vassāni soḷasiṃ16 vasiṃ17.
\nAdhiṭṭhānena samo natthi esā me adhiṭṭhānapāramīti.

Temiya18 cariyaṃ chaṭṭhamaṃ.
\nAdhiṭṭhānapāramitā niṭṭhitā.

1. Vassāni soḷasaṃ-katthaci
\n2. Jivhā-machasaṃ.
\n3. Niddisuṃ-mu-nā-niddiṃsu-machasaṃ vassāni soḷasiṃ-sīmu.

6. Nāhapetvā-machasaṃ.
\n7. Abhisicetva-katthaci.
\n8. Puraṃ-machasaṃ.
\n9. Sajjissaṃ-machasaṃ.
\n10. Muccito-machasaṃ.
\n11. Paṭhaviyaṃ-sīmu.
\n12. Mama-machasaṃ.
\n13. Tajjento-sīmu.
\n14. Nabhindivatamadhiṭṭhānaṃ-nā-. Gacchanto-katthaci. Nabhindita madhiṭṭhānaṃ-ma.
\n15. Attānameva-nā-katthaci.
\n16. Soḷasaṃ-katthaci.
\n17. Imaṃgāthaddhaṃ marammapotthakesu natthi.
\n18. Temiya paṇḍita cariyaṃ-sīmu-.
\n 
\n