[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 240] [\x 240/]
\n[PTS Page 066] [\q  66/]      
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\nBuddhapakiṇṇaka kaṇḍo

1. Aparimeyye ito kappe caturo āsuṃ vināyakā
\nTaṇhaṅkaro medhaṅkaro atho’pi saraṇaṅkaro
\nDīpaṅkaro ca samabuddho ekakappamhi te jinā.

2. Dīpaṅkarassa aparena koṇḍañño nāma nāyako
\nEko’va eka kappamhi tāresi janataṃ bahuṃ.

3. Dīpaṅkarassa bhagavato koṇḍaññassa ca satthuno
\nEtesaṃ antarā tappā gaṇanāto asaṅkhiyā.

4. Koṇḍaññassa aparena maṅgalo nāma nāyako
\nTesampi antarā kappā gaṇanāto asaṅkhiyā.

5. Maṅgalo ca sumano ca revato sobhito muni
\nTepi buddhā eka kappe cakkhumanto pabhaṅkarā.
\n[PTS Page 067] [\q  67/]
\n6. Sobhitassa aparena anomadassī mahāyaso
\nTesampi antarā kappā gaṇanāto asaṅkhiyā.

7. Anomadassī padumo nārado cā’pi nāyako
\nTe’ pi buddhā ekakappe tamantakārakā munī.

8. Nāradassa aparena padumuttaro nāma nāyako
\nEkakappamhi uppanno tāresi janataṃ bahuṃ.

9. Nāradassa bhagavato padumuttarassa satthuno
\nTesampi antarā kappā gaṇanāto asaṅkhiyā.

10. Kappasatasahassamhi eko āsi mahāmuni
\nPadumuttaro lokavidū āhutīnaṃ paṭiggaho.

11. Tiṃsakappasahassamhi duce āsuṃ vināyakā
\nSumedho ca sujāto ca orato padumuttarā1.

1. Dharaso padumuttaro-sīmu. Dharato padumuttaro-syā.
\n 

[BJT Page 242] [\x 242/]

12. Aṭṭhārase kappasate tayo āsuṃ vināyakā
\nPiyadassī atthadassī dhammadassī ca nāyakā
\nOrato1 ca sujātassa sambuddhā dvīpaduttamā.

13. Catunavute ito kappe eko āsi mahāmuni
\nSiddhattho so lokavidū sallakatto anuttaro.

14. Dvenavute ito kappe duve āsuṃ vināyakā
\nTisso phusso ca sambuddho asamā appaṭi puggalā.

15. Ekanavute ito kappe vipassī nāma nāyako
\nSo’pi buddho kāruṇiko satte mocesi bandhanā.

16. Ekatiṃse ito kappe duve āsuṃ vināyakā
\nSikhī ca vessabhū ce’va asamā appaṭipuggalā.

17. Imamhi bhaddake kappe tayo āsuṃ vināyakā
\nKakusandho2 koṇāgamano kassapo cā’pi nāyako
\nAha’metarahi sambuddho metteyyo cā’pi hessati.

18. Ete’pi pañca sambuddhā3 dhīrā lokānukampakā
\nEtesaṃ dhammarājūnaṃ aññesaṃ neka koṭinaṃ
\nĀcīkkhitvāna taṃ maggaṃ nibbutā te sasāvakā’ti.

Buddhapakiṇṇakakaṇḍo niṭṭhito.

1. Dharaso-sīmu.
\n2. Kukkusandho-syā.
\n3. Etepime pañca buddhā-machasaṃ, syā. Etepi pañca buddhā-sīmu.
\n 
\n