[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 234] [\x 234/]
\n[PTS Page 065] [\q  65/] 
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n25.Gotama buddhavaṃso

1. Ahame’tarahi sambuddho1 gotamo sakyavaḍḍhano2
\nPadhānaṃ padahitvāna patto sambodhimu’ttamaṃ.

2. Brahmunā yācito santo dhammacakkaṃ pavattayiṃ
\nAṭṭhārasannaṃ koṭīnaṃ paṭhamā’bhi samayo ahū.

3. Tato parañca desente naramarūnaṃ3 samāgame
\nGaṇanāya na vattabbo dutiyā’bhi samayo ahū.

4. Idhevā’haṃ etarahi ovadiṃ mama 4 atrajaṃ
\nGaṇanāya na vattabbo tatiyā’bhi samayo ahū.

5. Eko’va 5 sannipāto me sāvakānaṃ mahesinaṃ
\nAḍḍhateḷasasatānaṃ bhikkhunāsi samāgamo.

6. Virocamāno vimalo bhikkhusaṅghassa majjhago
\nDadāmī patthitaṃ sabbaṃ maṇī’va sabbakāmado.

7. Phalamā’kaṅkhamānānaṃ bhavacchandajahesinaṃ
\nCatusaccaṃ pakāsemi 6 anukampāya pāṇinaṃ.

8. Dasavīsasahassānaṃ dhammābhisamayo ahū
\nEkadvinnaṃ abhisamayo gaṇanāto asaṅkhiyo.

9. Vitthārikaṃ bāhujaññaṃ7 iddhaṃ phītaṃ suphullitaṃ
\nIdha mayhaṃ sakyamunino sāsanaṃ suvisodhitaṃ.

10. Anāsavā vītarāgā santacittā samāhitā
\nBhikkhū’neka satā sabbe parivārenti maṃ sadā.

11. Idāni ye etarahi jahanti-mānusaṃ bhavaṃ
\nAppattamānasā sekhā te bhikkhu viññūgarahitā.

1. Ahaṃ etarahi buddho-sīmu. 2. Sakyavaddhano-mavi, sakyapuṅgavo - pu.
\n3. Naradeva - sīmu, sya, machasaṃ. 4. Dhavadissāmi-mavi. 5. Ekosi-mavi.
\n6. Pakāsesiṃ-sīmu. 7. Bahūjaññaṃ - sīmu.
\n 

[BJT Page 236] [\x 236/]

12. Ariyañjasaṃ thomayantā sadā dhammaratā janā
\nBujjhissanti satimanto saṃsārasaritā narā.

13. Nagaraṃ kapilavatthu me rājā suddhodano pitā
\nMayhaṃ janettikā mātā māyā devī’ti vuccati.

14. Ekūnatiṃsa vassāni agāmajjhahaṃ vasiṃ
\nRammo surammo subhako1 tayo pāsāda muttamā.

15. Cattārīsa sahassāni nāriyo samalaṅkatā
\nBhaddakaccānā2 nāma nārī rāhulo nāma atrajo.

16. Nimitte caturo disvā assayānena nikkhakamiṃ
\nChabbassaṃ padhānacāraṃ acariṃ dukkaraṃ ahaṃ.
\n[PTS Page 066] [\q  66/]
\n17. Bārāṇasiyaṃ isipatane jinacakkaṃ pavattitaṃ3
\nAhaṃ gotama sambuddho saraṇo4 sabbapāṇinaṃ.

18. Kolito upatisso ca dve bhikkhu aggasāvakā
\nĀnando nāmu’paṭṭhāko santikāvacaro mama.

19. Khemā uppalavaṇṇā ca bhikkhūnī aggasāvikā
\nCitto ca hatthāḷavako aggupaṭṭhāku’pāsakā.

20. Uttarā nandamātā ca aggupaṭṭhīku’pāsikā
\nAhaṃ assatthamūlamhi patto sambodhi muttamaṃ.

21. Byāmappabhā sadā mayhaṃ soḷasahatthamuggatā5
\nAppaṃ vassasataṃ āyu idāne’tarahi vijjati
\nTāvatā tiṭṭhamāno’haṃ tāremi janataṃ bahuṃ.

1. Sucandako kokanudo ko bhuvo - syā. 2. Yasodharā-mavi. Syā.
\n3. Cakkaṃ pavattitaṃ mayā-sīmu. 4. Saraṇaṃ-sīmu, machasaṃ, syā. 5. Muggato - sīmu.
\n 

[BJT Page 238] [\x 238/]
\n22. Ṭhapayitvāna dhammukkaṃ1 pacchimaṃ janabodhanaṃ
\nAha’mpi 2na cirasseva saddhiṃ sāvakasaṅghato
\nIdhe’va parinibbissaṃ aggī’vāhārasaṅkhayā.

23. Tāni ca atulatejāni imāni ca dasabalāni iddhiyo3
\nAyaṃ ca guṇadharavaradeho4 dvattiṃsa lakkhaṇavicitto5.

24. Dasa disā pabhāsetvā sataraṃsī’va jappabhā
\nSabbā samantarahessanti nanu rittā sabbasaṅkhārā’ti.

Gotama buddhavaṃso pañcavīsatimo.

1. Dhammokkaṃ-sīmu.
\n2. Ahampi-sīmu.
\n3. Imāni ca dasabalāni ca - sīmu, imāni ca yasabalāni iddhiyo-syā, imāni ca dasabalānibalāni-machasaṃ
\n4. Ayaṃcaguṇavaradeho-sīmu, ahaṃguṇadhāraṇe deho-syā, aya bhuva guṇadhāraṇo deho-machasaṃ.
\n5. Dvattisaṃvaralakkhaṇavicitto-machasaṃ, sya dvattisaṃvara lakkhaṇacito-sīmu
\n 
\n