[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 224] [\x 224/]
\n[PTS Page 062] [\q  62/]
\n 
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n24. Kassapa buddhavaṃso

1. Koṇāgamanassa aparena sambuddho dipaduttamo
\nKassapo nāma nāmena dhammarājā pabhaṅkaro.
\n2. Sañjiḍḍhitaṃ, kulamūlaṃ bahuṃ ca pānabhojanaṃ1
\nDatvāna yācake dānaṃ pūrayitvāna mānasaṃ
\nUsabho’va ālakaṃ hetvā patto sambodhimuttamaṃ.

3. Dhammacakkaṃ pavattente kassape lokanāyake
\nVīsatikoṭisahassānaṃ paṭhamā’bhisamayo ahū.

4. Catumāsaṃ yadā buddho loke carati cārikaṃ
\nDasakoṭisahassānaṃ dutiyā’bhisamayo ahū.

5. Yamakaṃ vikubbanaṃ katvā ñāṇadhātuṃ pakittayi 3
\nPañcakoṭisahassānaṃ, tatiyā’bhi samayo ahū.

6. Sudhammadevapure ramme tattha dhammaṃ pakāsayi
\nTīṇi koṭisahassāni 4 devānaṃ bodhayī jino.

7. Naradevassa yakkhassa apare dhammadesane
\nEtesānaṃ abhisamayo5 gaṇanāto asaṅkhiyo6.

8. Tassā’pi devadevassa eko āsi samāgamo
\nKhīṇāsavānaṃ vimalānaṃ santacittānatādinaṃ.

9. Vīsati bhikkhusahassānaṃ tadā āsi samāgamo
\nAtikkantarāgavantānaṃ7 hirisīlena tādinaṃ.

10. Ahaṃ tadā māṇavako8 jotipāle ti vissuto
\nAjjhāyako mantadharo tiṇṇaṃ vedāna’pāragū.

1. Saṃjinditaṃ-manupa. 2. Bahunnapāna bhojanaṃ-machasaṃ, bavhanna.
\nPāna bhojanaṃ-mavi. Bahunaṃpānaṃ bhojanaṃ-[PTS.]
\n3. Pakāsayī-mavi. 4. Sahassānaṃ-sīmu, machasaṃ. 5. Abhisamayā-sīmu, mavi.
\n6. Asaṅkhiyā-sīmu, mavi. 7. Itikkanta bhavantānaṃ-syā, machasaṃ.
\nAtikkanta bhavakaṃtānaṃ-sīmu, atikkanta bhagavantānaṃ-[PTS] 8. Ahaṃ tena samayena - mavi.
\n 

[BJT Page 226] [\x 226/]

11. Lakkhaṇe itihāse ca sadhamme pāramiṃ gato
\nBhūmantaḷikkhe1 kusalo katavijjo anāvayo2.

12. Kassapassa bhagavato ghaṭikāro nāmu’paṭṭhāko
\nSagāravo sappatisso nibbuto tatiyo phale.

13. Ādāya maṃ ghaṭīkāro upagañji kassapaṃ jinaṃ
\nTassa dhammaṃ suṇitvāna pabbajiṃ tassa santike.

14. Āraddhaviriyo hutvā vattā’vattesu kovido
\nNa kvā’pi 3 parihāyāmi pūremi jinasāsanaṃ.

15. Yāvatā buddhabhaṇitaṃ navaṅgaṃ jinasāsanaṃ
\nSabbaṃ pariyāpuṇitvāna sobhayiṃ jinasāsanaṃ.

16. Mama acchariyaṃ disvā so’pi buddho viyākari
\nImamhi bhaddake kappe ayaṃ buddho bhavissati.
\n[PTS Page 063] [\q  63/]
\n17. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

18. Ajapālarukkhamūlamhi nisīditvā tathāgato
\nTattha pāyāsamaggayha nerañjara’mupehiti.

19. Nerañjarāya tīramhi pāyāsaṃ paribhuñjiya paṭiyattavaramaggena bodhimaṇḍamupehiti.
\n20. Tato padakkhiṇaṃ katvā bodhimaṇḍaṃ naruttaro4 aparājitaṭhānamhi bodhipallaṅkamuttame
\nPallaṅkena nisīditvā bujjhissati mahāyaso.
\n21. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

22. Anāsavā vītarāgā5 santacittā samāhitā
\nKolito upatisso ca aggā hessanti sāvakā
\nĀnandonāmu ’paṭṭhāko upaṭṭhissati taṃ jinaṃ.

1. Bhummantalikkhe-syā, mavi. 2. Anāmayo-mavi. 3. Kvaci-syā, mavi, machasaṃ. 4. Naruttamo-sīmu. 5. Vītamalā-sīmu.
\n[BJT Page 228] [\x 228/]
\n23. Khemā uppalavaṇṇā ca aggā hessanti sāvikā
\nAnāsavā vītarāgā santacittā samāhitā bodhi tassa bhagavato assattho’ti pavuccati.

24. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

25. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

26. Ukkuṭṭhi saddaṃ vattenti apphoṭhenti hasanti ca
\nKatañjalī namassanti dasasahassī sadevakā.

27. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

28. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

29. Eva’meva mayaṃ sabbe yadi muñcāmimaṃ jinaṃ
\nAnāgatamhi addhāne hessāma sammukhā imaṃ.

30. Tassā’haṃ vacanaṃ sutvā bhiyyo1 cittaṃ pasādayiṃ
\nUttariṃ2 vata madhiṭṭhāsiṃ dasa pāramī puriyā. 31. Evaṃ ahaṃ saṃsaritvā parivajjento anācāraṃ3 dukkarañca kataṃ mayhaṃ bodhiyā’yeva kāraṇā.

32. Nagaraṃ bārāṇasī nāma kikīnāmā’si khattiyo
\nVasati tattha nagare sambuddhassa mahākulaṃ.

33. Brāhmaṇo brahmadatto ca āsi buddhassa so pitā
\nDhanavatī nāma janikā4 kassapassa mahesino.
\n[PTS Page 064] [\q  64/]
\n34. Duve vassasahassāni agāramajjhaso vasī
\nHaṃso yaso sirinando tayo pāsādamuttamā.

1. Bhīyo-mavi, manupa. 2. Uttari-machasaṃ. 3. Anāvaraṃ-machasaṃ.
\n4. Mātā dhanavatī nāma-mavi, manupa.
\n 

[BJT Page 230] [\x 230/]

35. Tisoḷasasahassāni nāriyo samalaṅkatā
\nSunandā nāma sā nāri vijitaseno nāma atrajo.

36. Nimitte caturo disvā pāsādenā’bhinikkhami
\nSattā’haṃ padhānacāraṃ acarī purisuttamo.
\n37. Brahmunā yācito santo kassapo loka nāyako
\nVatti cakkaṃ mahāvīro migadāye naruttamo.
\n38. Tisso ca bhāradvājo ca ahesuṃ aggasāvakā
\nSabbamitto upaṭṭhāko kassapassa mahesino.

39. Anulā ca uruvelā ca ahesuṃ aggasāvikā bodhi tassa bhagavato nigrodho’ti pavuccati.

40. Sumaṅgalo ghaṭīkāro ca ahesuṃ aggu’paṭṭhakā
\nVijitasenā ca bhaddā ca ahesuṃ aggu’paṭṭhikā.

41. Uccattanena so buddho vīsatiratanamuggato
\nVijjulaṭṭhiva ākāse cando’va gahapūrito.

42. Vīsativassasahassāni āyu tassa mahesino
\nTāvatā tiṭṭhamāno so tāresi janataṃ bahuṃ.

43. Dhammataḷākaṃ māpetvā sīlaṃ datvā vilepanaṃ
\nDhammadussaṃ nivāsetvā dhammamālaṃ vibhajjiya 1.

44. Dhammavimalamādāsaṃ ṭhapayitvā mahājane
\nKeci nibbānaṃ patthentā passantu me alaṅkaraṃ.

45. Sīlakañcukaṃ datvāna jhānakavacavammitaṃ2
\nDhammacammaṃ pārupitvā datvā santāha’muttamaṃ.

46. Satiphalakaṃ datvāna tikhiṇaṃ ñāṇakuntimaṃ
\nDhammakhaggavaraṃ datvā sīlaṃ3 saṃsaggamaddanaṃ

1. Virājiya-sīmu. 2. Jhāna kavaca dhammikaṃ-sīmu. 3. Sīla - sīmu.
\n 

[BJT Page 232] [\x 232/]

47. Tevijja 1 bhūsanaṃ datvā āvelaṃ caturo phale
\nChaḷabhiññābharaṇaṃ datvā dhammapupphipilandhanaṃ.

48. Saddhammapaṇḍaracchattaṃ2 datvā pāpanivāraṇaṃ
\nMāpayitvā’bhayaṃ3 pupphaṃ nibbuto so sāvako.

49. Eso hi sammā sambuddho appameyyo durāsado
\nEsohi dhammaratano svākkhāto ehipassiko.

50. Eso hi saṅgharatano suppaṭipanno anuttaro
\nSabbaṃ samantarahitaṃ nanu rittā sabbasaṅkhārā.

51. So kassapo jinavaro satthā setyārāmamhi nibbuto
\nTatthe’va tassa jinathūpo yojanubbedhamuggato’ti.

Kassapa buddhavaṃso catuvīsatimo.

1. Te vijjā-sīmu.
\n2. Saddhammapaṇḍaraṃjatanaṃ-sīmu.
\n3. Māpetvāabhayaṃ-sīmu.
\n