[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 216] [\x 216/]
\n[PTS Page 060] [\q  60/]      
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n23. Koṇāgamana buddhavaṃso

1. Kakusandhassa aparena sambuddho dipaduttamo
\nKoṇāgamano nāma jino lokajeṭṭho narāsabho
\n2. Dasadhamme pūrayitvāna1 kantāraṃ samatikkami
\nPavāhiya malaṃ sabbaṃ patto sambodhimuttamaṃ.

3. Dhammacakkaṃ pavattente koṇāgamananāyake 2
\nTiṃsakoṭisahassānaṃ paṭhamā’bhisamayo ahū.

4. Pāṭihīraṃ karonte ca paravādappamaddane
\nVīsatikoṭisahassānaṃ dutiyā’bhisamayo ahū.

5. Tato vikubbanaṃ katvā jino devapuraṃ gato
\nVasati tattha sambuddho sīlāyaṃ paṇḍukambale

6. Pakaraṇe satta desento vassaṃ vasati so muni
\nDasakoṭisahassānaṃ tatiyā’bhisamayo ahū.

7. Tassā’pi devadevassa eko āsi samāgamo
\nKhīṇāsavānaṃ vimalānaṃ santacittāna’tādinaṃ.

8. Tiṃsabhikkhusahassānaṃ tadā āsi samāgamo
\nOghānama’tikkantānaṃ3 bhijjitānañca 4 maccunaṃ.

9. Ahaṃ tena samayena pabbato nāma khattiyo
\nMittāmaccehi sampanno balavāhanamanappakaṃ5.

10. Sambuddhadassanaṃ gantvā sutvā dhammamanuttaraṃ
\nNimantetvā sajinaṃ saṅghaṃ dānaṃ datvā yadicchakaṃ6.

11. Pattuṇṇaṃ cīnapaṭṭañca koseyyaṃ kambala’mpi ca
\nSovaṇṇapādukañce’va adāsiṃ satthusāvake.

1. Pūrayitvā-mavi. 2. Koṇāgamanenāma nāyake-sīmu. 3. Atikkantacaturoghanaṃ-[PTS] 4. Bhañjitānaṃ-machasaṃ. 5. Anantabalavāhano-sīmu.
\n6. Yaticchakaṃ-sīmu.
\n 

[BJT Page 218] [\x 218/]

12. So’pi maṃ muni vyākāsi saṅghamajjhe nisīdiya
\nImamhi bhaddake kappe ayaṃ buddho bhavissati.
\n13. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

14. Ajapālarukkhamūlamhi nisīditvā tathāgato
\nTattha pāyāsamaggayha nerañjara’mupehiti.

15. Nerañjarāya tīramhi pāyāsaṃ2 ādāya so jino,
\nPaṭiyattavaramaggena bodhimūla’mupehiti.

16. Tato padakkhiṇaṃ katvā bodhimaṇḍaṃ anuttaro
\nAssatthamūle sambodhiṃ bujjhissati mahāyaso.

17. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

18. Anāsavā vītarāgā santacittā samāhitā
\nKolito upatisso ca aggā hessanti sāvakā
\nĀnandonāmu ’paṭṭhāko upaṭṭhissati taṃ jinaṃ.

19. Khemā uppalavaṇṇā ca aggā hessanti sāvikā
\nAnāsavā vītarāgā4 santacittā samāhitā bodhi tassa bhagavato assattho’ti pavuccati.
\n20. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

21. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

22. Ukkuṭṭhi saddaṃ vattenti apphoṭhenti hasanti ca
\nKatañjalī namassanti dasasahassī sadevakā.

1. Kāriyaṃ-sīmu. 2. Pāyāsaṃ-sīmu. 3. Anuttaraṃ-sīmu. 4. Vītamalā-sīmu.

[BJT Page 220] [\x 220/]
\n23. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

24. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

25. Eva’meva mayaṃ sabbe yadi muñcāmimaṃ jinaṃ
\nAnāgatamhi addhāne hessāma sammukhā imaṃ.

26. Tassā’haṃ vacanaṃ sutvā bhiyyo cittaṃ pasādayiṃ
\nUttariṃ vata madhiṭṭhāsiṃ dasa pāramī puriyā.
\n27. Sabbaññutaṃ gavesanto dānaṃ datvā naruttame
\nOhāyāhaṃ1 mahārajjaṃ pabbajiṃ tassa santike

28. Nagaraṃ sobhavatī nāma sobho nāmā’si khattiyo
\nVasati tattha nagare sambuddhassa mahākulaṃ
\n[PTS Page 061] [\q  61/]
\n29. Brāhmaṇo yaññadatto ca āsi buddhassa so pitā
\nUttarā nāma janikā koṇāgamanassa satthuno

30. Tīṇi vassasahassāni agāramajjhaso vasī
\nTusitasantusita santuṭṭhā tayo pāsādamuttamā.
\n31. Anūnasoḷasasahassāni nāriyo samalaṅkatā
\nRucigattā nāma nāri satthavāho2 nāma atrajo

32. Nimitte caturo disvā hatthiyānena nikkhami
\nChamāsaṃ padhānavāraṃ acarī purisuttamo.

33. Brahmunā yācito santo koṇāgamano nāma nāyako
\nVatti cakkaṃ mahāvīro migadāye naruttamo

34. Bhiyyaso3 uttaro nāma ahesuṃ aggasāvakā
\nSotthijo4 nāmupaṭṭhāko koṇāgamanassa satthuno

35. Samuddā ca uttarāceti 5 ahesuṃ aggasāvikā
\nBodhi tassa bhagavato udumbaro’ti pavuccati.

1. Ohāyimaṃ-sīmu. 2. Santadhāvo-manupa. 3. Bhiyyoso-manupa.
\n4. Soṭṭhajo-sīmu. [PTS. 5.] Uttarāceva - sīmu.
\n 

[BJT Page 222] [\x 222/]

36. Uggo ca somadevo ca ahesuṃ aggupaṭṭhakā
\nSīvalā ceva sāmā ca ahesuṃ aggupaṭṭhikā.

37. Uccattanena so buddho tiṃsahatthasamuggato
\nUkkāmukhe yathā kambu evaṃ raṃsīhi maṇḍito.

38. Tiṃsavassasahassāni āyu vijjati1 tāvade
\nTāvatā tiṭṭhamāno so tāresi janataṃ bahuṃ.

39. Dhammacetiṃ samussitvā2 dhammadussavibhūsitaṃ
\nDhammapupphagulaṃ katvā nibbuto so sasāvako.

40. Mahāvilāso tassa jano siridhammappakāsano
\nSabbaṃ samantarahitaṃ nanu rittā sabbasaṅkhārā.

41. Koṇāgamano sambuddho pabbatārāmhi nibbuto
\nDhātuvitthārikaṃ āsi tesu tesu padesato’ti.

Koṇāgamana buddhavaṃso tevīsati mo.

1. Buddhassa-sīmu.
\n2. Samussetvā-mavi.
\n