[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 200] [\x 200/]
\n[PTS Page 056] [\q  56/]  
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n21. Vessabhū buddhavaṃso

1. Tattheva maṇḍakappamhi asamo appaṭipuggalo
\nVessabhū nāma nāmena loke uppajji nāyako.
\n2. Ādittanti ca 1 rāgaggi taṇhānaṃ vijitaṃ tadā
\nNāgo’va bandhanaṃ chetvā patto sambodhimuttamaṃ.

3. Dhammacakkaṃ pavattente 2 vessabhūlokanāyake
\nAsītikoṭisahassānaṃ paṭhamā’bhisamayo ahū.

4. Pakkante cārikaṃ raṭṭhe lokajeṭṭhe 3 narāsabhe
\nSattati koṭisahassānaṃ dutiyā’bhisamayo ahū.
\n5. Mahādiṭṭhiṃ vinodento pāṭihīraṃ karoti so
\nSamāgatā naramarū dasasahassī sadevake.
\n6. Mahā acchariyaṃ disvā abbhutaṃ lomahaṃsanaṃ
\nDevā ce’va manussā ca bujjhare saṭṭhikoṭiyo.

7. Sannipātā tayo āsuṃ vessabhussa mahesino
\nKhīṇāsavānaṃ vimalānaṃ santacittāna tādinaṃ.

8. Asītibhikkhusahassānaṃ paṭhamo āsi samāgamo
\nSattatibhikkhusahassānaṃ dutiyo āsi samāgamo.

9. Saṭṭhi bhikkhusahassānaṃ tatiyo āsi samāgamo
\nJarādi bhayā’tītānaṃ4 orasānaṃ mahesino.

10. Ahaṃ tena samayena sudassano nāma khattiyo
\nNimantetvā mahāvīraṃ dānaṃ datvā mahārahaṃ
\nAnnapānena vatthena sasaṅghaṃ jinamapūjayiṃ.

1. Ādittaṃ vata-machasaṃ, asittamva-sīmu. 2. Dhammacakkappavattane - sīmu.
\nĀdittaṃ ida - syā. 3. Lokaseṭṭhe - mavi. 4. Jarādibhayabhītānaṃ - sīmu. Machasaṃ.
\n 

[BJT Page 202] [\x 202/]

11. Tassa budadhassa asamassa cakkaṃ vattita’muttamaṃ
\nSutvāna paṇītaṃ dhammaṃ pabbajja’mahirocayiṃ.

12. Mahādānaṃ pavattetvā rattiṃ divamatandito
\nPabbajjaṃ guṇasampannaṃ pabbajiṃ jinasantike.
\n13. Ācāraguṇasampanno vattasīlasamāhito
\nSabbaññutaṃ gavesanto ramāmī jinasāsane

14. Saddhāpītimu’pāgantvā pāde vandāmi satthari1
\nPīti uppajjatī mayhaṃ bodhiyāye’va kāraṇā.

15. Anivattimānasaṃ2 ñatvā sambuddho etada’bravi
\nEkatiṃse ito kappe ayaṃ buddho bhavissati.

16. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

17. Ajapālarukkhamūlamhi nisīditvā tathāgato
\nTattha pāyāsaṃ paggayha neraṃjaramupehiti.

18. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamupehiti.

19. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

20. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

21. Anāsavā vītarāgā santacittā samāhitā
\nKolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ

1. Saddhāpītiṃ upagantvā buddhaṃ vandāmi sattharaṃ - machasaṃ.
\nSddhāpītiṃ upāgantvā buddhaṃ vandāmi satthāraṃ - sīmu.
\nSaddhāpītiṃ uppādetvā buddhaṃ vandāmi sattharaṃ - syā.
\n2. Anivattamānasaṃ - sīmu, machasaṃ.
\n 

[BJT Page 204] [\x 204/]
\n[BJT Page 204] [\x 204/]

22. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

23. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu paṭṭhikā
\nĀyu vassasataṃ tassa gotamassa yasassino.

24. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

25. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

26. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

27. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

28. Eva’meva mayaṃ sabbe yadi muñcāmi maṃ jinaṃ
\nAnāgatamhi addhāne hessāma sammukhā imaṃ.
\n[PTS Page 057] [\q  57/]
\n29. Tassā’haṃ vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapāramīpūriyā.

30. Anūpamaṃ1 nāma nagaraṃ suppatito nāma khattiyo
\nMātā yasavatī nāma vessabhussa mahesino.

31. Chabbassasahassāni agāramajjhaso vasī
\nRucisurucirativaḍḍhano2 tayo pāsādamuttamā.

32. Anūnatiṃsasahassāni nāriyo samalaṅkatā
\nSucittā nāma sā nārī suppabuddho nāma atrajo.

1. Anomaṃ-sīmu, machasaṃ. 2. Rucisurucivaḍḍhamānā-sīmu, rucisurucivaḍḍhakā-syā.
\n 

[BJT Page 206] [\x 206/]

33. Nimitte caturo disvā sivikāyā’bhinikkhamī
\nCha māsaṃ padhānacāraṃ acarī purisuttamo.

34. Brahmunā yācito santo vessabhulokanāyako
\nVatti cakkaṃ mahāvīro aruṇārāme naruttamo.

35. Soṇo ca uttaro ceva ahesuṃ aggasāvakā
\nUpasanto nāmu’paṭṭhāko vessabhussa mahesino.

36. Dāmā1 deva samālā ca ahesuṃ aggasāvikā
\nBodhi tassa bhagavato sālo iti pavuccati 2.

37. Sotthiko ceva rammo ca ahesuṃ aggu’paṭṭhakā
\nGotamī ca sirimā ca 3 ahesuṃ aggu’paṭṭhikā.

38. Saṭṭhiratanamubbedho hemayūpasamūpamo
\nKāyā niccharatī raṃsi 4 rattiṃ sikhī va pabbate.

39. Saṭṭhivassasahassāni āyu vijjati tāvade5
\nTāvatā tiṭṭhamāno so tāresi janataṃ bahuṃ.

40. Dhammaṃ vitthārikaṃ katvā vibhajitvā mahājanaṃ
\nDhammanāvaṃ ṭhapetvāna nibbuto so sasāvako.

41. Dassanīyaṃ sabbajanaṃ vihārañciriyāpathaṃ
\nSabbaṃ samantarahitaṃ nanu rittā sabbasaṅkhārā

42. Vessabhū jinavaro satthā khemārāmamhi 6 nibbuto
\nDhātu vitthārikaṃ āsī tesu tesu padesatoti.

Vessabhū buddhavaṃso ekavīsatimo.

1. Rāmā-machasaṃ.
\n2. Mahā sāloti vuccati-sīmu, machasaṃ.
\n3. Kāligotamī-mavi, gotami sirimāceva-machasaṃ.
\n4. Rasmimachasaṃ.
\n5. Āyu tassa, mahesino-mavi.
\n6. Kheme migadāye-mavi.
\n