[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 192] [\x 192/]
\n[PTS Page 054] [\q  54/]   
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n20. Sikhī buddhavaṃso

1. Vipassissa aparena sambuddho dipaduttamo
\nSikhīvhayo1 āsi jino asamo appaṭipuggalo.

2. Mārasenaṃ pamadditvā2 patto sambodhimuttamaṃ
\nDhammacakkaṃ pavattesi anukampāya pāṇinaṃ.

3. Dhammacakkaṃ pavattente sikhimhi muni puṅgave 3 koṭisatasahassānaṃ paṭhamā’bhisamayo ahū.

4. Aparampi dhammaṃ desento gaṇaseṭṭhe naruttame
\nNavutikoṭisahassānaṃ dutiyā’bhisamayo ahū.

5. Yamakaṃ pāṭihīrañca dassayante sadevake
\nAsītikoṭisahassānaṃ tatiyā’bhisamayo ahū.

6. Sannipātā tayo āsuṃ sikhissa’pi mahesino
\nKhīṇāsavānaṃ vimalānaṃ santacittāna’tādinaṃ.

7. Bhikkhusatasahassānaṃ paṭhamo āsi samāgamo
\nAsīti bhikkhusahassānaṃ dutiyo āsi samāgamo.

8. Sattati bhikkhusahassānaṃ tatiyo āsi samāgamo
\nAnupalitto padūmaṃ’va toyamhi sampavaḍḍhitaṃ.

9. Ahaṃ tena samayena arindamo nāma khattiyo
\nSambuddhapamukhaṃ saṅghaṃ annapānena tappayiṃ.

10. Bahu dussavaraṃ datvā dussakoṭiṃ anappakaṃ
\nAlaṅkataṃ hatthiyānaṃ sambuddhassa adāsa’haṃ.

11. Hatthiyānaṃ nimminitvā kappiyaṃ upanāmayiṃ
\nPūrayiṃ mānasaṃ mayhaṃ niccaṃ daḷhamupaṭṭhitaṃ.

1. Sikhīsavhayo nāma-sīmu. 2. Pahinditvā-mavi. 3. Jinapuṅgave-mavi. Machasaṃ. Syā.
\n 

[BJT Page 194] [\x 194/]
\n[PTS Page 055] [\q  55/]
\n12. So’pi maṃ buddho vyākāsi sikhīlokagganāyako
\nEkatiṃse ito kappe ayaṃ buddho bhavissati.
\n13. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

14. Ajapālarukkhamūlamhi nisīditvā tathāgato
\nTattha pāyāsamaggayha nerañjara’mupehiti.

15. Nerañjarānadītīre pāyāsaṃ asati jino,
\nPaṭiyattavaramaggena bodhimūla’mupehiti.

16. Tato padakkhiṇaṃ katvā bodhimaṇḍamanuttaraṃ
\nAssatthamūle sambodhiṃ bujjhissati mahāyaso.

17. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

18. Anāsavā vītarāgā1 santacittā samāhitā
\nKolito upatisso ca aggā hessanti sāvakā
\nĀnandonāmu ’paṭṭhāko upaṭṭhissati taṃ jinaṃ.

19. Khemā uppalavaṇṇā ca aggā hessanti sāvikā
\nBodhi tassa bhagavato assatthoti pavuccati.

20. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

21. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

22. Ukkuṭṭhi saddaṃ vattenti apphoṭhenti hasanti ca
\nKatañjalī namassanti dasasahassī sadevakā.

[BJT Page 196] [\x 196/]
\n23. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

24. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

25. Eva’meva mayaṃ sabbe yadi muñcāmimaṃ jinaṃ
\nAnāgatamhi addhāne hessāma sammukhā imaṃ.

26. Tassā’haṃ vacanaṃ sutvā bhiyyo cittaṃ pasādayiṃ
\nUttariṃ vata madhiṭṭhāsiṃ dasa pāramī puriyā.
\n27. Nagaraṃ aruṇavatī nāma aruṇavā nāma 1 khattiyo
\nPabhāvati nāma janikā sikhissa ca mahesino.

28. Sattavassasahassāni agāramajjhaso vasī
\nSucando girivasabho tayo pāsādamuttamaṃ.

29. Catuvīsati sahassāni nāriyo samalaṅkatā
\nSabbakāmā nāma nāri atulo nāma atrajo.

30. Nimitte caturo disvā hatthiyānena nikkhami
\nAṭṭhamāsaṃ padhānavāraṃ acarī purisuttamo.
\n31. Brahmunā yācito santo sikhī lokagganāyako
\nVatti cakkaṃ mahāvīro migācire naruttamo2.

32. Abhibhū sambhavo nāma ahesuṃ aggasāvakā
\nKhemaṅkaro nāmu’paṭṭhāko sikhissa’pi mahesino.

33. Makhilā3 ca padumā ceti ahesuṃ aggasāvikā
\nBodhi tassa bhagavato puṇḍarīkoti vuccati.

34. Sirivaḍḍho ca nando4 ca ahesuṃ aggu’paṭṭhakā
\nCittā ce’va suguttā ca ahesuṃ aggu’paṭṭhikā.

1. Aruṇo nāma-sīmu, machasaṃ, syā. 2. Migadāye - sīmu.
\n3. Akhilā-sīmu. 4. Cando - sīmu.
\n 

[BJT Page 198] [\x 198/]

35. Uccattanena so buddho sattati hatthamuggato
\nKañcanagghiya 1 saṃkāso dvattiṃsavaralakkhaṇo.

36. Tassa 2 byāmappabhā kāyā divārattiṃ nirantaraṃ
\nDiso disaṃ niccharanti tīṇiyojanaso pabhā.

37. Sattativassasahassāni āyu tassa mahesino
\nTāvatā tiṭṭhamāno so tāresi janataṃ bahuṃ.

38. Dhammameghaṃ pavassetvā temayitvā sadevake
\nKhemantaṃ3 pāpayitvāna nibbuto so sasāvako.

39. Anuvyañjanasampannaṃ dvattiṃsavaralakkhaṇaṃ
\nSabbaṃ samantarahitaṃ nanu rittā sabbasaṅkhārā.

40. Sikhī munivaro buddho dussārāmamhi nibbuto
\nTatthe’va tassa thūpavaro tīṇiyojanamuggato.

Sikhī buddhavāso vīsatimo.

1. Kañcanagghika-sīmu.
\n2. Tassāpi-machasaṃ, sīmu, syā.
\n3. Khemattaṃ-sīmu.
\n 
\n