[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 178] [\x 178/]
\n[PTS Page 050] [\q  50/]  
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n18. Phussa buddhavaṃso

1. Tatthe’va maṇḍakappamhi ahu satthā anuttaro
\nAnupamo asadiso1 phusso lokagganāyako.

2. So’pi sabbaṃ tamaṃ hantvā vijaṭetvā mahājaṭaṃ
\nSadevakaṃ tappayanto abhivassī amatambunā.

3. Dhammacakkaṃ pavattente phusse nakkhattamaṅgale
\nKoṭisatasahassānaṃ paṭhamā’bhisamayo ahū.

4. Navutisatasahassānaṃ dutiyā’bhisamayo ahū
\nAsītisatasahassānaṃ tatiyā’bhisamayo ahū.

5. Sannipātā tayo āsuṃ phussassa’pi mahesino
\nKhīṇāsavānaṃ vimalānaṃ santacittāna’tādinaṃ.

6. Saṭṭhisatasahassānaṃ paṭhamo āsi samāgamo
\nPaññāsasatasahassānaṃ dutiyo āsi samāgamo.

7. Cattārīsasatasahassānaṃ tatiyo āsi samāgamo
\nAnupādā vimuttānāṃ vocchinnapaṭisandhinaṃ.
\n8. Ahaṃ tena samayena vijitāvi nāma khattiyo
\nChaḍḍayitvā2 mahārajjaṃ pabbajiṃ tassa santike.
\n9. So’pi maṃ buddho vyākāsi phusso lokagganāyako
\nIto dve navuti 3 kappe ayaṃ buddho bhavissati.

10. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

11. Ajapālarukkhamūlamhi nisīditvā tathāgato
\nTattha pāyāsamaggayha nerañjaramupehiti.

1. Asamasamo-sīmu. 2. Jāḍḍayitvāna-sīmu. 3. Dvānavrate-mavi, dvenavute-sīmu.
\n 

[BJT Page 180] [\x 180/]

12. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

13. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

14. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.
\n15. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

16. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

17. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

18. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

19. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

20. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

21. Yathā manussā nadiṃ tarantā paṭititthaṃ virajhiya
\nHeṭṭhā titthe1 gahetvāna uttaranti mahānadiṃ.

22. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

23. Tassā’pi vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapāramīpūriyā.

24. Suttantaṃ vinayañcā’pi navaṅgaṃ satthusāsanaṃ
\nSabbaṃ pariyāpuṇitvāna sobhayiṃ jinasāsanaṃ.

1. Titthaṃ -mua.

[BJT Page 182] [\x 182/]
\n[PTS Page 051] [\q  51/]
\n25. Tatthappa’matto viharanto brahmaṃ bhāvetva1 bhāvanaṃ
\nAbhiññāsu pāramiṃ gantvā brahmaloka’ magaccha’haṃ.

26. Kāsikaṃ nāma nagaraṃ jayaseno nāma khattiyo
\nSirimā nāma janikā phussa’ssāpi mahesino.

27. Navavassasahassāni agāramajjhaso vasī
\nGaruḷapakkhahaṃsasuvaṇṇahārā2 tayo pāsādamuttamā.

28. Tīṇidasasahassāni 3 nāriyo samalaṅkatā
\nKisāgotamī nāma nāri anupamo4 nāma atrajo.

29. Nimitte caturo disvā hatthiyānena nikkhami
\nChamāsaṃ padhānacāraṃ acarī purisuttamo.

30. Brahmunā yācito santo phusso lokagganāyako
\nVatti cakkaṃ mahāvīro migadāye naruttamo.

31. Surakkhito5 dhammaseno ca ahesuṃ aggasāvakā
\nSabhiyo nāmu’paṭṭhāko phussassa ca mahesino.

32. Cālā ca upacālā ca ahesuṃ aggasāvikā
\nBodhi tassa bhagavato āmaṇḍo’ti pavuccati.

33. Dhanañjayo visākho ca ahesuṃ aggu’paṭṭhakā
\nPadumā ce’va nāgā ca ahesuṃ aggupaṭṭhikā.

34. Aṭṭhapaññāsaratanaṃ so’pi accuggato muni
\nSobhati sataraṃsīva ulurājāva pūrito6.

35. Navutivassasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

36. Ovaditvā bahū satte santāretvā mahājane
\nSo’pi satthā atulayaso nibbuto’so sasāvako7.

37. Phusso jinavaro satthā setārāmamhi 8 nibbuto
\nDhātuvitthārikaṃ āsī tesu tesu padesato’ti.

Phussa buddhavaṃso aṭṭhārasamo.

1. Bhāvetvā-
\n[PTS] 2. Garuḷapakkhahaṃsasuvaṇṇabhārā- machasaṃ. Garuḷa haṃsa suvaṇṇatārā- syā.
\n3. Tevīsatisahassāni-sīmu.
\n4. Ānando-sīmu.
\n5. Sukhito-sīmu.
\n6. Uḷurajāva pūjito-mavi.
\n7. Nibbutovasasāko-mavi.
\n8. Sotārāmamhi-sīmu, senāramamhi-syā-machasaṃ.
\n 
\n