[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 164] [\x 164/]
\n[PTS Page 047] [\q  47/]      
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n16. Siddhattha buddhavaṃso

1. Dhammadassissa aparena siddhattho lokanāyako1
\nNihanitvā tamaṃ sabbaṃ suriyo abbhuggato yathā2

2. So’pi patvāna sambodhiṃ3 santārento4 sadevakaṃ
\nAbhivassi dhammameghenana nibbāpento sadevakaṃ.

3. Tassā’pi atulatejassa ahesuṃ abhisamayā tayo
\nKoṭisatasahassānaṃ paṭhamā’bhisamayo ahu.

4. Punā’paraṃ bhīmarathe 5 yadā ahani dundubhiṃ6
\nTadā navutikoṭīnaṃ dutiyā’bhi samayo ahu.

5. Yadā buddho dhammaṃ desesi vehāre so puruttame
\nTadā navuti koṭīnaṃ tatiyā’bhisamayo ahu.

6. Sannipātā tayo āsuṃ tasmi’mpi dīpaduttame
\nKhīṇāsavānaṃ vamalānaṃ santacittāna’tādinaṃ.

7. Koṭisatānaṃ navutīnaṃ asītiyā ca koṭīnaṃ
\nEte āsuṃ tayo ṭhānā vimalānaṃ samāgame.

8. Ahaṃ tena samayena maṅgalo nāma tāpaso
\nUggatejo duppasaho abhiññābalasamāhito.

9. Jambuto phalamā’netvā7 siddhatthassa adāsa’haṃ
\nPaṭiggahetvā sambuddho idaṃ vacana’mabruvi.

10. Passatha imaṃ tāpasaṃ jaṭilaṃ uggatāpanaṃ
\nCatunavute ito kappe ayaṃ buddho bhavissati.

11. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

12. Ajapālarukkhamūlamhi nisīditvā tathāgato
\nTattha pāyāsamaggayha nerañjaramupehitī.

1. Nāmanāyako-sīmu. 2. Suriyovabbhuggato tadā-mavi. 3. Sambuddhaṃ-sīmu.
\n4. Santāretvā-mavi. 5. Bhīmaraṭṭho-sīmu, [PTS] syā.
\n6. Yadiāhanidundubhiṃ-[PTS. 7.] Phalamāhatvā-sīmu. [PTS.]
\n 

[BJT Page 166] [\x 166/]
\n13. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

14. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

15. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.
\n16. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

17. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

18. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

19. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

20. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

21. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

22. Yathā manussā nadiṃ tarantā paṭititthaṃ virajhiya
\nHeṭṭhā titthe gahetvāna uttaranti mahānadiṃ.

23. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

24. Tassā’pi vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapāramīpūriyā.
\n25. Vehāraṃ nāma nagaraṃ udeno nāma khattiyo
\nSuphassā nāma janikā siddhatthassa mahesino.
\n 

[BJT Page 168] [\x 168/]

26. Dasavassasahassāni agāramajjhaso vasī
\nKokāsuppalakokanadā tayo pāsādamuttamā.

27. Tisoḷasasahassāni nāriyo samalaṅkatā
\nSumanā nāma sā nārī anupamo nāma atrajo.

28. Nimitte caturo disvā sivikāyānena nikkhami
\nAnūnadasamāsāni padhānaṃ padahī jino.
\n[PTS Page 048] [\q  48/]
\n29. Brahmunā yācito santo siddhattho lokanāyako
\nVatti cakkaṃ mahāvīro migadāye naruttamo. 1

30. Sambalo ca sumitto ca ahesuṃ aggasāvakā
\nRevato nāmu’paṭṭhāko siddhatthassa mahesino.

31. Sīvalā ca surāmā ca ahesuṃ aggasāvikā
\nBodhi tassa bhagavato kaṇikāroti vuccati.

32. Suppiyo ca samuddo ca ahesuṃ aggu’paṭṭhakā
\nRammā ceva surammā ca ahesuṃ aggu’paṭṭhikā.

33. So buddho saṭṭhī ratanaṃ ahosi nabhamuggato,
\nKañcanagghiya 2 saṃkāso dasasahassī virocati.

34. So’pi buddho asama samo atulo appaṭipuggalo
\nVassasatasahassāni loke aṭṭhāsi cakkhumā.

35. Vipulaṃ3 pabhaṃ dassayitvā pupphāpetvāna sāvake
\nVilāsetvā ca samāpatyā4 nibbuto so sāsavako.

36. Siddhattho munivaro buddho anomārāmamhi nibbuto
\nTatthe’va’ssa thūpavaro catuyojanamuggato’ti.

Siddhattha buddhavaṃso soḷasamo.

1. Puruttame-sīmu.
\n2. Kañcanagsika-sīmu.
\n3. Vimalaṃ-sīmu.
\n4. Samāpattiyā-sīmu. [PTS]
\n