[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 158] [\x 158/]
\n[PTS Page 045] [\q  45/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n15. Dhammadassī buddhavaṃso

1. Tatthe’va maṇḍakappamhi dhammadassī mahāyaso
\nTama’ndhakāraṃ vidhametvā atirocati sadevake.

2. Tassā’pi atulatejassa dhammacakkappavattane
\nKoṭisatasahassānaṃ paṭhamā’bhi samayo ahū.

3. Yadā buddho dhammadassī vinesi sañjayaṃ isiṃ
\nTadā navutikoṭīnaṃ dutiyā’bhisamayo ahu.

4. Yadā sakko upagañji sahapariso1 vināyakaṃ
\nTadā asīti koṭīnaṃ tatiyā’bhisamayo ahū.

5. Tassā’pi devadevassa sannipātā tayo ahū 2
\nKhīṇāsavānaṃ vimalānaṃ santacittāna’ tādinaṃ.

6. Yadā buddho dhammadassī saraṇe vassaṃ upāgamī
\nTadā koṭisahassānaṃ3 paṭhamo āsi samāgamo.

7. Punā’paraṃ yadā buddho devato eti mānusaṃ4
\nTadā’pi satakoṭīnaṃ dutiyo āsi samāgamo.

8. Punā’paraṃ yadā buddho pakāsesi dhute guṇe
\nTadā asīti koṭīnaṃ tatiyo āsi samāgamo.

9. Ahaṃ tena samayena sakko āsiṃ purindade
\nDibbena gandhamālena 5 turiyena abhipūjayiṃ.

10. So’pi maṃ buddho vyākāsi devamajjhe nisīdiya
\nAṭṭhārase kappasate ayaṃ buddho bhavissati.

11. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkakārikaṃ.

12. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

1. Sapariso-sīmu, machasaṃ. 2. Āsuṃ-mavi, ahuṃ-machasaṃ.
\n3. Koṭisatasahassānaṃ-sīmu, machasaṃ. 4. Mānuse-sīmu,
\n5. Dibbagandhenamālena-manupa.

[BJT Page 160] [\x 160/]
\n13. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

14. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

15. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

16. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

17. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

18. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

19. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

20. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

21. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

22. Yathā manussā nadiṃ tarantā paṭititthaṃ virajhiya
\nHeṭṭhā titthe gahetvāna uttaranti mahānadiṃ.

23. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

24. Tassā’pi vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapāramīpūriyā.
\n25. Saraṇaṃ nāma nagaraṃ saraṇo nāma khattiyo
\nSunandā nāma janikā dhammadassissa satthuno.
\n 

[BJT Page 162] [\x 162/]

26. Aṭṭha vassasahassāni agāramajjhaso vasī arajo virajo sudassano tayo pāsādamuttamā.

27. Ticattārīsasahassāni nāriyo samalaṅkatā
\nVicatolī nāma nārī atrajo puññavaḍḍhano.
\n[PTS Page 046] [\q  46/]
\n28. Nimitte caturo disvā pāsādenā’bhinikkhami
\nSattāhaṃ padhānacāraṃ acarī purisuttamo.

29. Brahmunā yācito santo dhammadassī narāsabho
\nVatti cakkaṃ mahāvīro migadāye naruttame.

30. Padumo phussadevo ca ahesuṃ aggasāvakā
\nSunento nāmu’paṭṭhāko dhammadassissa satthuno.

31. Khemā ca saccanāmā ca ahesuṃ aggasāvikā
\nBodhi tassa bhagavato bimbijālo1 ti vuccati.

32. Subhaddo kaṭisabho ceva ahesuṃ aggu’paṭṭhakā
\nSāliyā ca valiyā ca ahesuṃ aggu’paṭṭhikā.

33. So’pi buddho asamasamo asītihatthamuggato
\nAtirocati tejena dasasahassimhi dhātuyā.

34. Suphullo sālarājāva vijjū’va gagane yathā
\nMajjhantike va suriyo evaṃ so upasobhatha 2.

35. Tassā’pi atulatejassa samakaṃ āsi jīvitaṃ
\nVassasatasahassāni loke aṭṭhāsi cakkhumā.

36. Obhāsaṃ dassayitvāna vimalaṃ katvāna sāsanaṃ
\nRavicando va gagane nibbuto so sasāvako’ti.

37. Dhammadassī mahāvīro kesārāmamhi 3 nibbuto
\nTatthe’va’ssa 4 thūpavaro tiyojana samuggatoti.

Dhammadassī buddhavaṃso paṇṇarasamo.

1. Bimbajālo-sīmu,
\n2. Upasobhittha-
\n[PTS] 3. Sālārāmamhi-machasaṃ.
\n4. So-sīmu. [PTS.]
\n