[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 152] [\x 152/]
\n[PTS Page 043] [\q  43/]  
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n14. Atthadassī buddhavaṃso

1. Tatthe’va maṇḍakappamhi atthadassī narāsabho1
\nMahā tamaṃ nihantvāna patto sambodhimuttamaṃ.

2. Brahmunā yācito santo dhammacakkaṃ pavattayī
\nAmatena tappayī lokaṃ dasasahassī sadevakaṃ.

3. Tassā’pi lokanāthassa ahesuṃ abhisamayā tayo
\nKoṭisatasahassānaṃ paṭhamābhisamayo ahū.

4. Yadā buddho atthadassī carati devacārikaṃ
\nKoṭisatasahassānaṃ dutiyā’bhisamayo ahū.
\n5. Punāparaṃ yadā buddho desesi pitusantike
\nToṭisatasahassānaṃ tatiyā’bhisamayo ahū.

6. Sannipātā tayo āsuṃ tassā’pi ca mahesino
\nKhīṇāsavānaṃ vimalānaṃ santacittāna’tādinaṃ.

7. Aṭṭhanavutisahassānaṃ paṭhamo āsi samāgamo
\nAṭṭhāsītisahassānaṃ dutiyo āsi samāgamo.

8. Aṭṭhasattatisahassānaṃ tatiyo āsi samāgamo
\nAnupādāvimuttānaṃ vimalānaṃ mahesinaṃ.

9. Ahaṃ tena samayena jaṭilo uggatāpano
\nSusīmo2 nāma nāmena mahiyā seṭṭhasammato

10. Dibbaṃ mandāravaṃ pupphaṃ padumaṃ pāricchattakaṃ
\nDevalokā haritvāna 3 sambuddhaṃ abhipūjayiṃ.

11. Sopi maṃ buddho4 vyākāsi atthadassī mahāmuni
\nAṭṭhāraso kappasate ayaṃ buddho bhavissati.

1. Mahāyaso-mavi. 2. Supino-manupa, susimo-[PTS. 3.] Devalokato ā haritvā. 4. Tadā-bu. A.
\n 

[BJT Page 154] [\x 154/]

12. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

13. Ajapālarukkhamulasmiṃ nisīditvā tathāgato
\nTattha pāyāsamaggayha nerañjaramupehiti.

14. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

15. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi brajjhissati mahāyaso.

16. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

17. Kolito upatisso ca aggā hessanti sāvakā
\nĀnando nā’mupaṭṭhāko upaṭṭhissati taṃ jinaṃ.

18. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

19. Citto ca hatthālavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassa sataṃ tassa gotamassa yasassino.

20. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

21. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

22. Yadimassa lokanāthassa virajjhissāma sāsanaṃ

23. Yathā manussā nadiṃ tarantā paṭititthaṃ virajjhiya
\nHeṭṭhātitthe gahetvāna uttaranti mahānadiṃ.

24. Eva’meva mayaṃ sabbe yadi muñcami’maṃ jinaṃ
\nAnāgatamhi addhāne hessāma sammukhā imaṃ.
\n 

[BJT Page 156] [\x 156/]

25. Tassā’pi vacanaṃ sutvā haṭṭho saṃviggamānaso
\nUttariṃ vatamadhiṭṭhāsiṃ dasapāramīpūriyā.

26. Sobhanaṃ nāma nagaraṃ sāgaro nāma khattiyo
\nSudassanā nāma janitā atthadassissa satthuno.

27. Dasavassasahassāni agāramajjhaso vasī
\nAmaragirisuragirigirivāhanā1 tayo pāsādamuttamā.

28. Tettiṃsatisahassāni 2 nāriyo samalaṅkatā
\nVisākhā nāma sā nārī selo3 nāmā’si atrajo.
\n[PTS Page 044] [\q  44/]
\n29. Nimitte caturo disvā assayānena nikkhamī
\nAnunaaṭṭhamāsāni padhānaṃ padahī jino.

30. Brahmunā yācito santo atthadassī mahāyaso
\nVatti cakkaṃ mahāvīro anomuyyāne narāsabho.

31. Santo ca upasanto ca ahesuṃ aggasāvakā
\nAbhayo nāmu’paṭṭhāko atthadassissa satthuno.

32. Dhammā ce’va sudhammā ca ahesuṃ aggasāvikā
\nBodhi tassa bhagavato campako’ti pavuccati.

33. Nakulo ca nisabho ca ahesuṃ aggu’paṭṭhakā
\nMakilā ca sunandā ca ahesuṃ aggu’paṭṭhikā.

34. So’pi buddho asamasamo asīti ratanuggato4
\nSobhati sālarājā’va uḷurājā’va pūrito.

35. Tassa pākatikā raṃsī 5 anekasatakoṭiyo
\nUddhaṃ adho dasadisā pharanti yojanaṃ tadā6.

36. So’pi buddho narāsabho sabbasattu’ttamo muni
\nVassasatasahassāni loke aṭṭhāsi cakkhumā.

37. Atulaṃ dassetvā obhāsaṃ virocetvā sadevake
\nSo’pi aniccataṃ patto yatha’ggu’pādānasaṅkhayā.

38. Atthadassī jinavaro anomārāmamhi nibbuto
\nDhātuvitthārikaṃ āsi tesu tesu padesato’ti.

Atthadassī buddhavaṃso cuddasamo.

1. Aparagirisugirivāhano-machasaṃ.
\n2. Tettisaṃca-sīmu.
\n3. Sono-sīmu. Seno-
\n[PTS] 4. Buddhavaṃse 26 gā.
\n6. Sadā-machasaṃ.
\n