[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 146] [\x 146/]
\n[PTS Page 041] [\q  41/]     
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n13. Piyadassī buddhavaṃso

1. Sujātassa aparena sayambhū1 loka nāyako
\nDurāsado asamasa piyadassī mahāyaso.

2. So’pi buddho amitayaso ādicco’va virocati
\nNihantvāna tamaṃ sabbaṃ2 dhammacakkaṃ pavattayī.

3. Tassā’pi atulatejassa ahesuṃ abhisamayā tayo
\nKoṭisatasahassānaṃ paṭhamā’bhisamayo ahū.

4. Sudassano devarājā micchādiṭṭhima’ rocayī
\nTassa diṭṭhiṃ vinodento satthā dhamma ma’ desayī.

5. Janasannipāto atulo mahāsannipatī tadā
\nNavutikoṭisahassānaṃ dutiyābhisamayo ahū.

6. Yadā doṇamukhaṃ hatthiṃ vinesi narasārathi
\nAsītikoṭisahassānaṃ tatiyā’bhisamayo ahū.
\n7. Sannipātā tayo āsuṃ tassā’pi piyadassino
\nKoṭisatasahassānaṃ paṭhamo āsi samāgamo.

8. Tato paraṃ navutikoṭī samiṃsu ekato munī
\nTatiye sannipātamhi asītikoṭiyo ahū.

9. Ahaṃ tena samayena kassapo nāma brāhmaṇo
\nAjjhāyako mantadharo tiṇṇaṃ vedānapāragū.

10. Tassa dhammaṃ suṇitvāna pasādaṃ janayiṃ ahaṃ
\nKoṭisatasahassehi saṅghārāmaṃ amāpayiṃ.

11. Tassa datvāna ārāmaṃ haṭṭho saṃviggamānaso
\nSareṇa pañcasīle ca 3 daḷhaṃ katvā samādiyiṃ4

12. So’pi maṃ buddho vyākāsi saṅghamajjhe nisīdiya
\nAṭṭhārase kappasate ayaṃ buddho bhavissati.

1. Sambuddho-sīmu. 2. Sabbaṃ tamaṃ nihantvāna-machasaṃ. 3. Saraṇaṃ pañcasīlañca-sīmu.
\n4. Samādayi-manupa.
\n 

[BJT Page 148] [\x 148/]

13. Ahū kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

14. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

15. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlaṃ hi ehiti.

16. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

17. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

18. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

19. Khemaṃ uppalavaṇṇā ca aggā hessanti sāvikā.
\nBodhi tassa bhagavato assattho’ti pavuccati.
\n20. Citto ca hatthālavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassīno.

21. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

22. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

23. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

24. Yathā manussā nadiṃ tarantā paṭititthaṃ virajjhiya
\nHeṭṭhātitthe hahetvāna uttaranti mahānadiṃ.
\n[PTS Page 042] [\q  42/]
\n25. Evame’va mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

[BJT Page 150] [\x 150/]

26. Tassā’pi vacanaṃ sutvā bhiyyo cittaṃ pasādayiṃ
\nUttariṃ vatamadhiṭṭhāsi dasapāramīpūriyā.

27. Sudhaññaṃ nāma nagaraṃ sudatto nāma khattiyo
\nSucandā nāma1 janikā piyadassissa satthuno.

28. Nava vassa sahassāni agāramajjhaso vasī
\nSunimmalavimalagiribrahā2 tayo pāsādamuttamā.

29. Tettiṃsatisahassāni nāriyo samalaṅkatā
\nVimalā nāma nārī ca kañcanāvelo3 nāma atrajo.

30. Nimitte caturo disvā rathayānena nikkhami
\nChamāsaṃ padhānacāraṃ acarī purisuttamo.

31. Brahmunā yācito santo piyadassī mahāmuni
\nVatti cakkaṃ mahāvīro usabhuyyāne manorame

32. Pālito sabbadassī 4 ca ahesuṃ aggasāvakā
\nSobhito nāmupaṭṭhāko piyadassissa satthuno.

33. Sujātā dhammadinnā ca ahesuṃ aggasāvikā
\nBodhi tassa bhagavato kakudho’ti pavuccati.

34. Sandhako5 dhammako6 ceva ahesuṃ aggu’paṭṭhakā
\nVisākhā7 dhammadinnā ca ahesuṃ aggu’paṭṭhikā.

35. So’pi buddho amitayaso dvattiṃsavaralakkhaṇo
\nAsītihatthamubbedho sālarājā’va dissati.
\n36. Aggīcanda suriyānaṃ natthi tādisikā pabhā
\nYathā ahu 8 pabhā tassa asamassa mahesino.

37. Tassā’pi devadevassa āyu tāvatakaṃ ahū
\nNavutivassasahassāni loke aṭṭhāsi cakkhumā.

38. So’pi buddho asamasamo yugāni’pi tāni atuliyāni
\nSabbaṃ samantarahitaṃ nanu rittā sabbasaṅkhārā.

39. So piyadassī munivaro assatthārāmamhi nibbuto
\nTattheva tassa jinathūpo tīṇi yojana muggato’ti.

Piyadassī buddhavaṃso terasamo.

1. Candānamāsi-machasaṃ,
\n2. Giriguhā-machasaṃ.
\n3. Kañcanacelo-sīmu.
\n4. Piyadassī-sīmu, manupa.
\n5. Santako-sīmu.
\n6. Dhammiko-sīmu.
\nSandako-syā.
\n7. Visikho-sīmu.
\n8. Āsuṃ-mavi.
\n