[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 130] [\x 130/]
\n[PTS Page 037] [\q  37/]    
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n11. Sumedha buddhavaṃso

1. Padumuttarassa aparena sumedho nāma nāyako
\nDurāsado uggatejo sabbalokuttamo1 muni.

2. Pasannanetto sumukho brahā uju patāpavā hitesī sabbasattānaṃ bahū mocesi bandhanā.

3. Yadā buddho pāpuṇitvā kevalaṃ bodhimuttamaṃ
\nSudassanamhi nagare dhammacakkaṃ pavattayi,

4. Tassābhisamayā tīṇi ahesuṃ dhammadesane
\nKoṭisatasahassānaṃ paṭhamā’bhisamayo ahū.

5. Punāparaṃ kumbhakaṇṇaṃ yakkhaṃ so damayī jino navuti koṭisahassānaṃ dutiyābhi samayo ahū.

6. Punāparaṃ amitayaso catusaccaṃ pakāsayi
\nAsīti koṭisahassānaṃ tatiyābhisamayo ahu.

7. Sannipātā tayo āsuṃ sumedhassa mahesino
\nKhīṇāsavānaṃ vimalānaṃ santacittāna’tādinaṃ2.

8. Sudassanaṃ nagaravaraṃ upagañchi jino yadā
\nTadā khīṇāsavā bhikkhū samiṃsu satakoṭiyo.

9. Punāparaṃ devakūṭe bhikkhūnaṃ kaṭhinatthate
\nTadā navuti koṭīnaṃ dutiyo āsi samāgamo.

10. Punāparaṃ dasabalo yadā carati cārikaṃ
\nTadā asītikoṭīnaṃ tatiyo āsi samāgamo.

11. Ahaṃ tena samayena uttaro nāma māṇavo
\nAsītikoṭiyo mayhaṃ ghare sannivitaṃ dhanaṃ.

1. Lokuttaro-sīmu. 2. Cittānatādinaṃ-manupa,
\n 

[BJT Page 132] [\x 132/]

12. Kevalaṃ sabbaṃ datvāna sasaṅghe lokanāyake1
\nSaraṇaṃ tassu’pāgañjiṃ pabbajjañcā’bhirocayi 2.

13. So’pi maṃ buddho3 vyākāsi karonto anumodanaṃ
\nTiṃsakappasahassamhi ayaṃ buddho bhavissati.

14. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

15. Ajapālarukkhamūlasmiṃ nisīditvā tathāgato
\nTatthapāyāsamaggayha nerañjaramupehiti.

16. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

17. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

18. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

19. Kolito upatisso ca aggā hessanti sāvakā
\nĀnando nāmupaṭṭhāko upaṭṭhissati taṃ jinaṃ.

20. Khemā uppalavaṇṇā ca aggā hessanti sāvakā
\nBodhi tassa bhagavato assattho’ti pavuccati.

21. Citto ca hatthālavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

22. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

23. Ukkuṭṭhisaddaṃ vattenti apphoṭenti hasantī ca
\nKatañjalī namassanti dasasahassī sadevakā.

1. Sasaṅghaṃ lokanāyakaṃ - [PTS] 2. Abhirocayi - [PTS] 3. Tadā - mavi.
\n 

[BJT Page 134] [\x 134/]

24. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

25. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

26. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

27. Tassā’pi vacanaṃ sutvā bhiyyo cittaṃ pasādayiṃ
\nUttariṃ vatamadhiṭṭhāsiṃ dasapāramī pūriyā.

28. Suttantaṃ vinayañcāpi navaṅgaṃ satthusāsanaṃ
\nSabbaṃ pariyāpuṇitvāna sobhahiṃ jinasāsanaṃ.
\n[PTS Page 038] [\q  38/]
\n29. Tattha’ppamatto viharanto nisajjaṭṭhānacaṅkame
\nAbhiññāsu pāramiṃ gantvā brahmalokamagañcha’haṃ. 1

30. Sudassanaṃ nāma nagaraṃ sudatto nāma khattiyo
\nSudattā nāma janikā sumedhassa mahesino.

31. Navavassasahassāni agāramajjhaso vasī
\nSucandanaka koñca sirivaḍḍhā2 tayo pāsāda muttamā.

32. Ti soḷasasahassāni nāriyo samalaṅkatā
\nSumanā nāma sā nārīpunabba sumitte 3 nāma atrajo.

33. Nimitte caturo disvā hatthiyānena nikkhami
\nAnūnakaṃ aṭṭhamāsaṃ4 padhānaṃ padahī jino.

34. Brahmunā yācito santo sumedho lokanāyako
\nVatti cakkaṃ mahāvīro sudassanuyyānamuttame.

35. Saraṇo sabbakāmo ca ahesuṃ aggasāvakā
\nSāgaro nāmupaṭṭhāko sumedhassa mahesino.

1. Brahmalokamagacchahaṃ-sīmu.
\n2. Sucanda kañcana sirivaḍḍhā-machasaṃ.
\nSugandho kañcano sirivaḍḍho-syā.
\n3. Punabbasu-machasaṃ.
\nPunabbo-syā.
\n4. Aḍḍhamāsaṃ-machasaṃ, manupa.
\n 

[BJT Page 136] [\x 136/]

36. Rāmā ceva surāmā ca ahesuṃ aggasāvikā
\nBodhi tassa bhagavato mahānīpoti1 vuccatī.

37. Uruvelo ca yasavo ca ahesuṃ aggu’paṭṭhakā
\nYasodharā sirimā ca ahesuṃ aggupaṭṭhikā.

38. Aṭṭhāsīti ratanāni accuggato mahāmuni
\nObhāsesi 2 disā sabbā cando tārāgaṇe 3 yathā.

39. Cakkavattimaṇi nāma yathā tapati yojanaṃ
\nTathe’va tassa ratanaṃ samantā pharati yojanaṃ.

40. Navutivassasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

41. Tevijjachaḷabhiññehi balappattehi tādihi
\nSamākulamidaṃ āsi arahantehi sādhuhi 4.

42. Te’pi sabbe amitayasā vippamuttā nirūpadhī
\nÑāṇālokaṃ dassayitvā nibbutā te mahāyasā.

43. Sumedho jinavaro buddho medhārāmamhi nibbuto
\nDhātuvitthārikaṃ āsi tesu tesu padesato’ti.

Sumedha buddhavaṃso.

1. Nimboti-sīmu, nimbarukkhoti-syā.
\n2. Pahāseti-mavi, obhāseti-syā.
\n3. Tāragaṇe-mavi.
\n4. Tādihi [PTS] Sāsanaṃ-syā.
\n 
\n