[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 122] [\x 122/]
\n[PTS Page 035] [\q  35/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n10. Padumuttara buddhavaṃso

1. Nāradassa aparena sambuddho dipaduttamo1 padumuttaro nāma jino akkhobho2 sāgarūpamo.
\n2. Maṇḍakappo’va so āsi yamhi buddho3 ajāyatha
\nUssannakusalā janatā tamhi kappe 4 ajāyatha.

3. Padumuttarassa bhagavato paṭhame dhammadesane
\nKoṭisatasahassānaṃ dhammābhisamayo ahū.

4. Tato parampi vassante tappayante ca pāṇino
\nSattatiṃsatasahassānaṃ dutiyā’bhisamayo ahū.

5. Yamhi kāle mahāvīro ānandaṃ upasaṅkami
\nPitusantikamupāgantvā ahani 5 amatadundubhiṃ.

6. Āhate 6 amatabherimhi 7 vassante dhammavuṭṭhiyā8
\nPaññāsasatasahassānaṃ tatiyā’bhisamayo ahū.

7. Ovādako viññāpako tārako sabbapāṇinaṃ
\nDesanākusalo buddho tāresi janataṃ bahuṃ.

8. Sannipātā tayo āsuṃ padumuttarassa satthuno
\nKoṭisatasahassānaṃ paṭhamo āsi samāgamo.

9. Yadā buddho asamasamo vasī vehārapabbate
\nNavutikoṭisahassānaṃ dutiyo āsi samāgamo.

10. Puna cārikaṃ pakkante gāmanigamaraṭṭhato asītikoṭisahassānaṃ tatiyo āsi samāgamo.

11. Ahaṃ tena samayena jaṭilo nāma raṭṭhiko
\nSambuddhapamukhaṃ saṅghaṃ sahattaṃ dussama’dāsa’haṃ.

1. Dvīpaduttamo-sīmu. 2. Akkhobho-mavi. [PTS] 3. Buddhā-sīmu.
\n4. Kāle - sīmu. 5. Āhani-machasaṃ. 6. Ahate-sīmu.
\n7. Dhammabherīmhi-sīmu amatadundubhiṃ [PTS] 8. Vuṭṭhiyo-sīmu.
\n 

[BJT Page 124] [\x 124/]

12. So’pi maṃ buddho1 vyākāsi saṅghamajjhe nisīdiya
\nSatasahasse ito kappe ayaṃ buddho bhavissati.

13. Ahu kapilavhayā rammā nikkhamitvā tathāgato.
\nPadhānaṃ padahitvāna katvā dukkarakārikaṃ.

14. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

15. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

16. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

17. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

18. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

19. Khemā uppalavaṇṇā ca aggāhessanti sāvikā
\nBodhi tassa bhagavato assatthoti pavuccati.

20. Citto ca hatthālavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassasataṃ tassa gotamassa yasassino.

21. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

22. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

1. Tadā - sīmu.
\n 

[BJT Page 126] [\x 126/]

23. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

24. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

25. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

26. Tassā’pi vacanaṃ sutvā uttariṃ vatamadhiṭṭhahiṃ
\nAkāsi’muggaṃ daḷhadhitiṃ dasapāramipūriyā.

27. Vyāhatā1 titthiyā sabbe vimanā dummanā tadā
\nNa tesaṃ keci paricaranti raṭṭhato nicchubhanti te.
\n[PTS Page 036] [\q  36/]
\n28. Sabbe tattha samāgantvā upagañjuṃ2 buddhasantike
\nTuvaṃ nātho mahāvīra saraṇaṃ hohi cakkhuma 3.

29. Anukampako kāruṇiko hitesī sabbapāṇinaṃ
\nSampatte titthiye sabbe pañcasīle patiṭṭhahi.

30. Evaṃ nirākulaṃ āsi suññakaṃ titthiyehi taṃ
\nVicittaṃ arahantehi vasībhūtehi tādihi.

31. Nagaraṃ haṃsavatīnāma4 ānando nāma khattiyo
\nSujātā nāma janikā padumuttarassa mahesino.
\n32. Dasa 5 vassasahassāni agāramajjhaso vasī
\nNaravāhano yaso vasavatti tayo pāsādamuttamā.
\n33. Ticattārisasahassāni nāriyo samalaṅkatā
\nVasudattā nāma nārī uttaro nāma atrajo.

34. Nimitte caturo disvā pāsādenā’bhinikkhami
\nSattāhaṃ padhānacāraṃ acarī purisuttamo.

1. Byāhatā-machasaṃ. 2. Upagacchuṃ-sīmu, [PTS] 3. Cakkhumā-sīmu.
\n4. Hemavatī-sīmu. 5. Navaṃ-manupa,
\n 

[BJT Page 128] [\x 128/]

35. Brahmunā yācito santo padumuttaro vināyako1
\nVatti cakkaṃ mahāvīro mīthiluyyānamuttame.

36. Devalo ca sujāto ca ahesuṃ aggasāvakā
\nSumano nāmupaṭṭhāko padumuttarassa satthuno2.

37. Amitā asamā veva ahesuṃ aggasāvikā
\nBodhi tassa bhagavato salalo’ti pavuccati.

38. Vitiṇṇo ceva tisso ca ahesuṃ aggu’paṭṭhakā
\nHatthā ceva vicittā ca ahesuṃ aggu’paṭṭhikā.

39. Aṭṭhapaññāsaratanaṃ3 accuggato mahāmuni
\nKañcanagghiya 4 saṃkāso dvattiṃsavaralakkhaṇo.

40. Kuḍḍā kavāṭā bhittī ca rukkhā nagasiluccayā
\nNa tassā’varaṇaṃ atthi samantā dvādasayojane.

41. Vassasatasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

42. Santāretvā bahujanaṃ chinditvā sabbasaṃsayaṃ
\nJalitvā aggikkhandho’va nibbuto so sasāvako.

43. Padumuttaro jino buddho nandārāmamhi nibbuto
\nTatthe’va tassa 5 thūpavaro dvādasubbedha yojano’ti.

Padumuttarabuddhavaṃso dasamo.

1. Padumuttaranāyako-manupa.
\n2. Mahesino-mavi.
\n[PTS] 3. Aṭṭhapaṇṇasaṃ-machasaṃ.
\n4. Kañcanagghika-sīmu.
\n5. Tatthevassa-machasaṃ.
\n 
\n