[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 114] [\x 114/]
\n[PTS Page 033] [\q  33/]    
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n9. Nārada buddhavaṃso

1. Padumassa aparena sambuddho dipaduttamo
\nNārado nāma nāmena asamo appaṭipuggalo.

2. So buddho cakkavattissa jeṭṭho dayitaoraso
\nĀmuttamālābharaṇo1 uyyānaṃ upasaṅkami.

3. Tatthā’si 2 rukkho yasavipulo abhirūpo brahā suvī
\nTamajjhappatvā upanisīdi mahāsoṇassa heṭṭhato,

4. Tattha ñāṇavaruppajji anantaṃ vajirūpamaṃ
\nTena vicini saṅkhāre ukkujjama’vakujjakaṃ.

5. Tattha sabba kilesāni asesamabhivāhayī
\nPāpuṇi kevalaṃ bodhiṃ buddhañāṇo ca cuddasa.
\n6. Pāpuṇitvāna sambodhiṃ dhammacakkaṃ pavattayī
\nKoṭisatasahassānaṃ paṭhamābhisamayo ahū.
\n7. Mahādoṇaṃ nāgarājaṃ vinayanto mahāmuni
\nPāṭiheraṃ tadākāsi dassayanto sadevake.

8. Tadā devamanussānaṃ tamhi dhammappakāsane
\nNavutikoṭisahassāni tariṃsu sabbasaṃsayaṃ.

9. Yamhi kāle mahāvīro ovadi sakamatrajaṃ
\nAsītikoṭi sahassānaṃ tatiyā’bhisamayo ahu.
\n10. Sannipātā tayo āsuṃ nāradassa mahesino
\nKoṭisatasassānaṃ paṭhamo āsi samāgamo.

11. Yadā buddho buddhaguṇaṃ sanidānaṃ pakāsayi
\nNavutikoṭisahassāni samiṃsu vimalā tadā.

1. Āmuttamālyābharaṇo-sīmu. [PTS] 2. Tatrāsi-sīmu.
\nĀmuttamalyābharaṇo-syā. Tatthāpi-manupa.

[BJT Page 116] [\x 116/]

12. Yadā cerocano nāgo dānaṃ dadāti satthuno
\nTadā samiṃsu jinaputtā asitisatasahassiyo1.

13. Ahaṃ tena samayena jaṭilo uggatāpano,
\nAntalikkhacaro āsiṃ pañcābhiññāsu pāragū.

14. Tadā’pa’haṃ2 asamasamaṃ sasaṅghaṃ saparijjanaṃ
\nAnnapānena tappetvā candanenā’bhipūjayiṃ.

15. So’pi maṃ buddho3 vyākāsi, nārado loka nāyako
\nAparimeyye ito kappe ayaṃ buddho bhavissati.

16. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

17. Ajapālarukkhamūlasmi nisīditvā tathāgato
\nTattha pāyāsamaggayha nerañjaramupehiti.

18. Nerañjarāya tiramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

19. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

20. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.
\n21. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

22. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

23. Citto ca hatthāḷavako aggā hessantu’paṭṭhakā
\nUttarānandamātā ca aggā hessantupaṭṭhikā
\nĀyu vassasataṃ tassa gotamassa yasassino.

1. Asītisatasahassino-syā. 2. Tadāpāhaṃ-machasaṃ, syā, sīmu; manupa.
\n3. Sambuddho-sīmu.
\n 

[BJT Page 118] [\x 118/]

24. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

25. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasasahassī sadevakā.

26. Yadi’massa lokanāthassa virajjhissāma sāsanaṃ.
\nAnāgatamhi addhāne hessāma sammukhā imaṃ.

27. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

28. Evameva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.
\n[PTS Page 034] [\q  34/]
\n29. Tassā’pi vacanaṃ sutvā bhīyyo bhāvetva1 mānasaṃ
\nAdhiṭṭhahiṃ vataṃ uggaṃ dasapāramīpūriyā.
\n30. Nagaraṃ dhaññavatī nāma sudevo nāma khattiyo
\nAnomā nāma janikā nāradassa mahesino.

31. Navavassasahassāni agāramajjhaso vasī
\nJito vijito vijitā’bhirāmo2 tayo pāsāda muttamā.

32. Ticattārīsasahassāni nāriyo samalaṅkatā
\nVijitasenā3 nāma nārī nanduttaro nāma atrajo.

33. Nimitte caturo disvā pa sā4 gamanena nikkhamī
\nSattāhaṃ padhanacariyaṃ5. Acarī lokanāyako.

1. Bhāsetva-sīmu, machasaṃ, syā, bhāsetvā. [PTS.]
\n2. Jino vijitābhirāmo-machasaṃ, syā.
\nJitā vijitā bhūrimā-sīmu. 3. Jitasenā-sīmu. 4. Pāsāda-sīmu. 5. Padhānacāraṃ-machasaṃ, syā.
\n 

[BJT Page 120] [\x 120/]

34. Brahmunā yācito santo nārado lokanāyako
\nVatti cakkaṃ mahāvīro dhanañjayu’yyāna muttame.

35. Bhaddasālo jitamitto ahesuṃ aggasāvakā
\nVāseṭṭho nāmu’paṭṭhāko nāradassa mahesino.

36. Uttarā phaggunī ce’va ahesuṃ aggasāvikā
\nBodhi tassa bhagavato mahāsono’ti vuccati.

37. Uggarindo ca vasabho ca ahesuṃ aggupaṭṭhakā
\nIndīvarī ca undī ca1 ahesuṃ aggu’paṭṭhikā.

38. Aṭṭhāsītiratanāni accuggato mahāmuni
\nKañcanagghiyasaṃkāso dasasahassī virocati 2.

39. Tassa vyāmappabhā kāyā niddhāvati disodisaṃ
\nNirantaraṃ divārattiṃ yojanaṃ pharate tadā3.

40. Na keci tena samayena samantā yojane janā
\nUkkā padīpe ujjālenti 4 buddharaṃsena otthaṭā.

41. Navutivassasahassāni ayu vijjati tāvade
\nTāvatā tiṭṭhamāno so tāresi janataṃ bahuṃ.

42. Yathā uḷuhi gaganaṃ vicittaṃ upasobhati
\nTathe’va sāsanaṃ tassa arahantehi sobhati.

43. Saṃsārasotaṃ taraṇāya sesake paṭipantake
\nDhammasetuṃ daḷhaṃ katvā nibbuto so narāsabho.

44. So’pi buddho asamasamo te’pi khīṇāsavā atulatejā
\nSabbaṃ samantarahitaṃ nanu rittā sabbasaṅkhārā.

45. Nārado jinavasabho nibbuto sudassane pure
\nTatthe’va jinatūpavaro catuyojana’muggato’ti.

Nārada buddhavaṃso navamo.

1. Indāvarī ca caṇḍī ca - machasaṃ. Indavarī ca gaṇḍī ca -syā.
\n2. Virocatha-sīmu.
\n3. Disā-sīmu. Sadā-syā, machasaṃ.
\n4. Ujjalenti-[PTS.]
\n 
\n