[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 108] [\x 108/]
\n[PTS Page 031] [\q  31/]     
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n8. Paduma buddhavaṃso

1. Anoma dassissa aparena sambuddho dipaduttamo
\nPadumo nāma nāmena asamo appaṭipuggalo.
\n2. Tassā’pi asamaṃ sīlaṃ samādhi’pi anantako
\nAsaṅkheyyaṃ ñāṇavaraṃ vimutti ca anūpamā.
\n3. Tassā’pi atulatejassa dhammacakkappavattane
\nAbhisamayā tayo āsuṃ mahātamapavāhanā.

4. Paṭhamābhisamaye buddho koṭisatamabodhayī
\nDutiyābhisamaye dhīro navutikoṭimabodhayī.

5. Yadā ca padumo buddho ovadī sakama’trajaṃ
\nTadā asītikoṭīnaṃ tatiyā’bhisamayo ahū.

6. Sannipātā tayo āsuṃ padumassa mahesino,
\nKoṭisatasahassānaṃ paṭhaho āsi samāgamo.

7. Kaṭhina1tthārasamaye uppanne kaṭhina1cīvare
\nDhammasenāpata’tthāya 2 bhikkhu sibbiṃsu cīvaraṃ. 3

8. Tadā te vimalā bhikkhu chaḷabhiññā mahiddhikā
\nTīṇi satasahassāni samiṃsu aparājitā.
\n9. Punāparaṃ so narāsabho4 pavane vāsaṃ upāgato5
\nTadā samāgamo āsā dvinnaṃ satasahassānaṃ6.

10. Ahaṃ tena samayena sīho āsiṃ migādhibhū7 pavivekamanubrūhantaṃ pavane addasaṃ jinaṃ8.

11. Vanditvā sirasā pāde katvāna taṃ padakkhiṇaṃ
\nTikkhattuṃ abhināditvā sattāhaṃ jinamupaṭṭhahiṃ9.

12. Sattāhaṃ varasamāpattiyā uṭṭhahitvā tathāgato
\nManasā cintayitvāna koṭibhikkhu samānayī.

1. Kathina-machasaṃ. 2. Dhammasenāpatitthāya-machasaṃ. 3. Cīvare-mavi.
\n4. Narausabho-syā. 5. Upāgami-machasaṃ, syā, [PTS] 6. Satasahassīnaṃ-machasaṃ.
\n7. Migāhibhū-syā. 8. Vivekamanubrūhanataṃ pavane vāsaṃ upāgataṃ-sīmu.
\n9. Jinamupaṭṭhahaṃ-machasaṃ, mavi.
\n 

[BJT Page 110] [\x 110/]

13. Tadāpi so mahāvīro tesaṃ majjhe viyākarī
\nAparimeyye ito kappe ayaṃ buddho bhavissati.

14. Ahu kapilamhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

15. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

16. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

17. Tato padakkhīṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

18. Imassa janikā mātā māyā nāma bhavissati pitā suddhodano nāma ayaṃ hessati gotamo.

19. Kolito upatisso ca aggā hessanti sāvakā
\nĀnando nāmupaṭṭhāko upaṭṭhissati taṃ jinaṃ.

20. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

21. Citto ca hatthālavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassa sataṃ tassa gotamassa yasassino.

22. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

23. Ukkuṭṭhisaddaṃ vattenti apphoṭhenti hasanti ca
\nKatañjalī namassanti dasasahassī sadevakā.

24. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

25. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

26. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

[BJT Page 112] [\x 112/]

27. Tassā’pi vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapāramī pūriyā.
\n28. Campakaṃ nāma nagaraṃ asamo nāma khattiyo
\nAsamā nāma janikā padumassa mahesino.
\n[PTS Page 032] [\q  32/]
\n29. Dasavassasahassāni agāramajjhaso vasi
\nUttaravasuyasuttarā1 tayo pāsādamuttamā.

30. Tettiṃsa satasahassāni nāriyo samalaṅkatā
\nUttarā nāma sā nāri rammo nāmā’si atrajo.

31. Nimitte caturo disvā rathayānena nikkhamī
\nAnūnaaṭṭhamāsāni 2 padhānaṃ padahī jino.

32. Brahmunā yācito’santo padumo lokanāyako
\nVatti cakkaṃ mahāvīro dhanañjayuyyānamuttame.

33. Sālo ca upasālo ca ahesuṃ aggasāvakā
\nVaruṇo nāmu’paṭṭhāko padumassa mahesino.
\n34. Rādhā ce’va surādhā’ca ahesuṃ aggasāvikā
\nBodhi tassa bhagavato mahāsoṇo’ti vuccati.

35. Bhīyyo ceva asamo ca ahesuṃ aggu’paṭṭhakā
\nRucī ca nandarāmā ca ahesuṃ aggupaṭṭhikā.

36. Aṭṭhapaññasaratanaṃ accuggato mahāmunī
\nPabhā niddhāvati tassa asamā sabbato disā.

37. Candappabhā suriyappabhā ratanaggi-maṇippabhā3
\nSabbā’pi tā hatā honti patvā jinapabhuttamaṃ.

38. Vassasatasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

39. Paripakkamānase satte bodhayitvā asesato
\nSesa’ññe4 anusāsitvā nibbuto so sasāvako.

40. Uragova tacaṃ jiṇṇaṃ vaddhaṃ5 pattaṃ’va pādapo
\nJahitvā sabbasaṅkhāre nibbuto so yathā sikhī.

41. Padumo jinavaro satthā dhammārāmamhi nibbuto
\nDhātuvitthārikaṃ āsi tesu tesu padesato.

1. Nandā vasu yasuttarā-machasaṃ, nandā ca suyasā uttarā-sīmu.
\nNando vasu yasuttaro-syā.
\n2. Anūnakaṭṭhamāsāni-machasaṃ, anūnakaṃaḍḍhamāsaṃ sīmu.
\n[PTS] 3. Ratanagghi-sīmu.
\n4. Sesake-sīmu, machasaṃ.
\n5. Vuḍḍhaṃ sīmu, [PTS.]
\n