[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 100] [\x 100/]
\n[PTS Page 029] [\q  29/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n7. Anomadassi buddhavaṃso

1. Sobhitassa aparena sambuddho dipaduttamo
\nAnomadassī amitayaso tejassī1 duratikkamo.

2. So chetvā bandhanaṃ sabbaṃ viddhaṃsetvā tayo bhave
\nAnivatti gamanaṃ maggaṃ desesi devamānuse.

3. Sāgaro’va asaṅkhobho2 pabbato’va durāsado
\nĀkāso’va ananto so sālarājāva phullito.

4. Dassanena’pi taṃ buddhaṃ tositā honti pāṇino
\nVyāharantaṃ gira sutvā amataṃ pāpuṇanti te.
\n5. Dhammābhisamayo tassa iddho phito tadā ahu
\nKoṭisatāni abhisamiṃsu paṭhame dhammadesane.

6. Tato paramhi samaye 3 vassante dhammavuṭṭhiyo
\nAsītikoṭiyo abhisamiṃsu dutiye dhammadesane.

7. Tato parampi vassante tappayante ca pāṇinaṃ
\nAṭṭhasattatikoṭīnaṃ tatiyā’bhisamayo ahū

8. Sannipātā tayo āsuṃ tassāpi ca mahesino
\nAbhiññā balappattānaṃ pupphitānaṃ vimuttiyā.

9. Aṭṭhasatasahassānaṃ sannipāto tadā ahū

Pahīnamadamohānaṃ santacittāna 4 tādinaṃ.

10. Sattasatasahassānaṃ dutiyo āsi samāgamo
\nAnaṅgaṇānaṃ virajānaṃ upasantāna tādinaṃ.
\n1. Techasi-sīmu, syā. 2. Asaṅkhobho-mavi. 3. Tato paraṃ, abhisamaye-machasaṃ, syā
\nTato parampi, abhisamaye-sīmu.
\n4. Santacittānaṃ-ma.
\n 

[BJT Page 102] [\x 102/]

11. Channaṃ satasahassānaṃ tatiyo āsi samāgamo
\nAbhiññābalappattānaṃ1 nibbutānaṃ tapassīnaṃ.

12. Ahaṃ tena samayena yakkho āsiṃ mahiddhiko
\nNekānaṃ yakkhakoṭīnaṃ vasavattīmahissaro. 2

13. Tadā’pi taṃ buddhavaraṃ upagantvā mahesinaṃ
\nAnnapānena tappesiṃ sasaṅghaṃ lokanāyakaṃ.
\n14. So’pi maṃ tadā vyākāsi 3 visuddhanayano muni
\nAparimeyye ito kappe ayaṃ buddho4 bhavissati.

15. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

16. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

17. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

18. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

19. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

20. Kolito upatisso ca aggā hessanti sāvakā
\nĀnando nāmu’paṭṭhāko upaṭṭhissati taṃ jinaṃ.

21. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

1. Balapattānaṃ-mavi. 2. Vasavattimhi-sīmu, machasaṃ, syā. 3. Vyākāsi-sīmu.
\n4. Sambuddho-sīmu.
\n 

[BJT Page 104] [\x 104/]

22. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā.
\nĀyu vassasataṃ tassa gotamassa yasassino.

23. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

24. Ukkuṭṭhisaddaṃ vattenti apphoṭenti hasanti ca
\nKatañjalī samassanti dasasahassī sadevakā.

25. Yadi’massa lokanāthassa virajjhissāma sāsanaṃ anāgatamhi addhāne hessāma sammukhā imaṃ.
\n26. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

27. Eva’meva mayaṃ sabbe yadi muñcāmi’maṃ jinaṃ
\nAnāgatamhi addhāne hessāma sammukhā imaṃ.

28. Tassā’pi vacanaṃ sutvā haṭṭho saṃviggamānaso
\nUttariṃ vata madhiṭṭhāsiṃ dasa pāramipūriyā.
\n[PTS Page 030] [\q  30/]
\n29. Nagaraṃ candavatī1 nāma yasavā nāma khattiyo
\nMātā yasodharā nāma anomadassissa satthuno.

30. Dasa vassasahassāni agāramajjhaso vasī
\nSiri upasirisirivaḍḍho tayo pāsāda muttamā.

31. Tevīsatisahassāni nāriyo samalaṅkatā
\nSirimā nāma nārī ca upavāno2 nāma atrajo.

32. Nimitte caturo disvā sivikāyā’bhinikkhami
\nAnūnadasamāsāni padhānaṃ padahī jino.

33. Brahmunā yācito santo anomadassī mahāmuni
\nVattivakkaṃ mahāvīro uyyāne so sudassane.

1. Bandhumatī dhammapadaaggasāvaka 53. 2. Upavāraṇo-mavi.
\n 

[BJT Page 106] [\x 106/]

34. Nisabho ca 1 anomo2 ca ahesuṃ aggasāvakā
\nVaruṇo nāmu’paṭṭhāko anomadassissa satthuno.

35. Sundarī 3 ca sumanā ca ahesuṃ aggasāvikā
\nBodhi tassa bhagavato ajjuno’ti pavuccati.

36. Nandivaḍḍho sirivaḍḍho ahesuṃ aggu’paṭṭhakā
\nUppalā ceva padumā ca ahesuṃ aggu’paṭṭhikā.
\n37. Aṭṭhapaññāsa ratanaṃ accuggato mahāmuni
\nPabhā niddhāvati tassa sataraṃsī’va uggato.
\n38. Vassasatasahassāni āyu vijjati tāvade tāvatā tiṭṭhamāno so tāresi janataṃ bahuṃ.

39. Supupphitaṃ pāvacanaṃ arahantehi tādihi
\nVītarāgehi vimalehi sobhittha jinasāsanaṃ.

40. So ca satthā amitayaso yugāni tāni 4 atuliyāni
\nSabbaṃ samantarahitaṃ nanu rittā sabbasaṅkhārā.

41. Anomadassī jino satthā dhammārāmamhi nibbuto
\nTatthe’va tassa jinathūpo ubbedho pañcavīsatī’ti.

Anomadassī buddhavaṃso sattamo.

1. Nipako-manupa,
\n2. Asoko-sīmu.
\n3. Sundarā-dhammapadaṭṭakathā 53.
\n4. Tīṇi-sīmu.
\n