[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 92] [\x  92/]
\n[PTS Page 027] [\q  27/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n6. Sobhita buddhavaṃso

1. Revatassa aparena sobhito nāma nāyako
\nSamāhito santacitto asamo appaṭipuggalo.

2. So jino sakagehamhi mānasaṃ vinīvaṭṭayī1
\nPatvāna kevalaṃ bodhiṃ dhammacakkaṃ pavattavī 2.

3. Yāva heṭṭhā avīcito bhavaggācā’pi uddhato3
\nEtthantare ekaparisā ahosi dhammadesane.

4. Tāya parisāya sambuddho dhammacakkaṃ pavattayī
\nGaṇanāya na vattabbo paṭhamā’bhisamayo ahū.

5. Tato parampi desente 4 marūnaṃ ca 5 samāgame
\nNavutikoṭisahassānaṃ dutiyā’bhisamayo ahū.

6. Punāparaṃ rājaputto jayaseno nāma khattiyo
\nĀrāmaṃ ropayitvāna buddhe niyādayi tadā.

7. Tassa yāgaṃ pakittento dhammaṃ desesi cakkhumā
\nTadā koṭisahassānaṃ tatiyā’bhisamayo ahū.

8. Sannipātā tayo āsuṃ sobhitassa mahesino
\nKhīṇāsavānaṃ vimalānaṃ santacittāna’tādinaṃ.

9. Uggato nāma so rājā dānaṃ deti naruttame
\nTamhi dāne samāgañchuṃ arahantā satakoṭiyo.

10. Punāparaṃ puragaṇo6 deti dānaṃ naruttame
\nTadā navutikoṭinaṃ dutiyo āsi samāgamo.

1. Vinivattayi, [PTS] machasaṃ, syā. 2. Cakkappavattayi-sīmu
\n3. Yāva uddhaṃ avīvito bhavaggācāpiheṭṭhato [PTS] 4. Desento-mavi,
\n5. Naramarūnaṃ- sīmu, syā. 6. Pūgagaṇe-syā.
\n 

[BJT Page 11] [\x  11/]
\n11. Devaloke vasitvāna yadā orohatī jino
\nKadā asītikoṭinaṃ tatiyo āsi samāgamo.

12. Ahaṃ tena samayena sujāto nāma brāhmano
\nTadā sasāvakaṃ buddhaṃ annapānena tappayiṃ.

13. So’pi maṃ buddho vyākāsi 1 sobhito lokanāyako
\nAparīmeyye ito kappe ayaṃ buddho bhavissati.

14. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

15. Ajapārukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

16. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.
\n17. Tato padakkhiṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

18. Imassa janikā mātā māyā nāma bhavissati,
\nPitā suddhodano nāma, ayaṃ hessati gotamo.

19. Kolito upatisso ca, aggā hessanti sāvakā,
\nĀnando nāmu’ paṭṭhāko, upaṭṭhissati taṃ jinaṃ.
\n20. Khemā uppalavaṇṇā ca, aggā hessanti sāvikā,
\nBodhi tassa bhagavato, assattho’ti pavuccati.

21. Citto ca hatthāḷavako, aggā hessantu’ paṭṭhakā,
\nUttarā nandamātā ca, aggā hessantu’ paṭṭhikā,
\nĀyu vassa sataṃ tassa, gotamassa yasassino.
\n22. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

1. Viyākāsi-mavi.
\n 

[BJT Page 96] [\x  96/]

23. Ukkuṭṭhisaddaṃ vattenti apphoṭenti hasanti ca
\nKatañjalī namassanti dasa sahassī sadevakā.

24. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

25. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

26. Eva’meva mayaṃ sabbe yadimuñcāmi’maṃ jinaṃ
\nAnāgatamhi addhāne hessāma sammukhā imaṃ.

27. Tassā’pi vacanaṃ sutvā haṭṭho saṃviggamānaso
\nTamevatthamanuppattiyā uggaṃ dhitimakāsahaṃ.

28. Sudhammaṃ nāma nagaraṃ sudhammo nāma khattiyo
\nSudhammā nāma janikā sobhitassa mahesino.
\n[PTS Page 028] [\q  28/]
\n29. Navavassasahassāni agāramajjhaso vasī
\nKumudokalīro1 padumo tayo pāsādamuttamā.

30. Sattati sahassāni 2 nāriyo samalaṅkatā
\nMakhīlā3 nāma sā nārī sīho nāmā’si atrajo.

31. Nimitte caturo disvā pāsādenā’bhi nikkhami
\nSattā’haṃ padhānācāraṃ caritvā purisuttamo
\nBujjhamāno ca so buddho nāgamūle abujjhatha.

32. Brahmunā yācito santo sobhito lokanāyako
\nVatti cakkaṃ mahāvīro sudhamamuyyānamuttame.

33. Asamo ca sunento ca ahesuṃ aggasāvakā
\nAnomo4 nāmu paṭṭhāko sobhitassa mahesino
\nNakulā ca sujātā ca ahesuṃ aggasāvikā.

1. Nāḷino-machasaṃ. 2. Sattatiṃsa sahassāni-machasaṃ.
\nTicattāri sahassāni-syā.
\nChasattati sahassāni-sīmu.
\n3. Maṇīlā-machasaṃ, makilā-syā.
\n* Gāthaddho’yaṃ, machasaṃ, syāma potthakesu, na vijjati.
\n4. Vattacakko-syā. 5. Anumo-sīmu.
\n 

[BJT Page 98] [\x  98/]

34. Rammo ceva sudatto ca ahesuṃ aggupaṭṭhakā
\nNakulā ceva cittā ca ahesuṃ aggupaṭṭhikā.

35. Aṭṭhapaññāya ratanaṃ accuggato mahāmuni
\nObhāseti disā sabbā sataraṃsī’va uggato.

36. Yathā suphullaṃ pavanaṃ nānā gandhehi dhūpitaṃ
\nTatheva tassa pāvacanaṃ sīlagandhehi dhūpitaṃ.

37. Yathāpi sāgaro nāma dassanena atappiyo
\nTathe’va tassa pāvacanaṃ savaṇena atappiyaṃ.

38. Navutivassasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

39. Ovādaṃ anusiṭṭhiñca datvāna sesake jane
\nHūtāsanova tāpetvā nibbuto so sa sāvako.

40. So ca buddho asamasamo te’ca1 sāvakā balappattā
\nSabbaṃ samantarahitaṃ nanu rittā sabbasaṅkhārā.

41. Sobhito varasambuddho sīhārāmamhi nibbuto
\nDhātu vitthārikaṃ āsi tesu tesu padesato’ti.

Sobhita buddhavaṃso chaṭṭho.
\n1. Tepi ca-sīmu tepi-machasaṃ.
\n