[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 84] [\x  84/]
\n[PTS Page 025] [\q  25/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n5. Revata buddhavaṃso

1. Sumanassa aparena revato nāma nāyako
\nAnupamo asadiso atulo uttamo jino.
\n2. So’pi dhammaṃ pakāsesi brahmunā abhiyācito
\nKhandhadhātuvavatthānaṃ appavattaṃ bhavā’bhave.
\n3. Tassā’bhisamayā tīṇi ahesuṃ dhammadesane
\nGaṇanāya na vattabbo paṭhamā’bhisamayo ahū.

4. Yadā arindamaṃ rājaṃ vinesi revato muni
\nTadā koṭisahassānaṃ1 dutiyā’bhisamayo ahū.

5. Sattā’haṃ paṭisallānā vuṭṭhahitvā narāsabho
\nKoṭisataṃ naramarūnaṃ2 vinesi uttame phale.

6. Sannīpātā tayo āsuṃ revatassa mahesino
\nKhīṇāsavānaṃ vimalānaṃ suvimuttāna’ tādinaṃ. 3

7. Atikkattā gaṇanapathaṃ4 paṭhamaṃ ye samāgatā
\nKoṭisatasahassānāṃ dutiyo āsi samāgamo.

8. Yo’pi 5 paññāya asamo tassa cakkānuvattako
\nSo tadā vyādhito āsi patto jīvitasaṃsayaṃ.

9. Tassa gilānapucchāya 6 ye tadā upagatā muni
\nKoṭisatasahassā7 arahanto tatiyo āsi samāgamo.

10. Ahaṃ tena samayena atidevo nāma brāhmaṇo
\nUpagantvā revataṃ buddhaṃ saraṇaṃ tassa gacchahaṃ.

11. Tassa sīlaṃ samādhiñca paññāguṇamanuttamaṃ8
\nThomayitvā yathāthāmaṃ uttarīya’madāsa’haṃ.
\n[PTS Page 026] [\q  26/]
\n12. So’pi maṃ buddho vyākāsi revato lokanāyako
\nAparimeyye ito kappe ayaṃ buddho9 bhavissati.
\n1. Koṭisatasahassānaṃ-sīmu. 2. Naravarā-machasaṃ. 3. Suvimuttānaṃ tādīnaṃ-khasu, sīmu,
\n[PTS] 4. Atikkantagaṇapathā-khaya, vmu, [PTS] 5. Yoso-machasaṃ, vmu, [PTS.]
\n6. Gilāni-mavi. 7. Koṭisahasahassa-machasa, koṭisatasahassānaṃ-syā. 8. Guṇavaruttamaṃ-sīmu. 9. Sambuddhe-sīmu.
\n 

[BJT Page 86] [\x  86/]

13. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

14. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjaramupehiti.

15. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

16. Tato padakkhīṇaṃ katvā bodhimaṇḍaṃ anuttaro
\nAssattharukkhamūlamhi bujjhissati mahāyaso.

17. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

18. Kolito upatisso ca aggā hessanti sāvakā
\nĀnando nāmu’ paṭṭhāko upaṭṭhissati taṃ jinaṃ.

19. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

20. Citto ca hatthālavako aggā hessantu’ paṭṭhakā
\nUttarā nandamātā ca aggā hessantu’ paṭṭhikā
\nĀyu vassasataṃ tassa gotamassa yasassino.

21. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

22. Ukkuṭṭhisaddaṃ vattenti apphoṭenti hasanti ca
\nKatañjali namassanti dasasahassī sadevakā.

23. Yadi’massa lokanāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

24. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

25. Eva’meva mayaṃ sabbe yadi muñcāmi’ maṃ jinaṃ
\nAnāgatamhi addhāne hessāma sammukhā imaṃ.
\n 

[BJT Page 88] [\x  88/]

26. Tassā’pi vacanaṃ sutvā bhīyyo cittaṃ pasādayiṃ
\nUttariṃ vata’madhiṭṭhāsiṃ dasapāramīpūriyā.
\n27. Tadā’pi maṃ1 buddhadhammaṃ saritvā anubrūhayiṃ āharissā mi taṃ dhammaṃ yaṃ mayhaṃ2 abhipatthitaṃ.

28. Nagaraṃ sudhaññavati 3 nāma vipulo nāma khattiyo
\nVipulā nāma janikā revatassa mahesino.

29. Chabbassasahassāni 4 agāramajjhaso vasī
\nSudassano ca ratanagaghi 5 āceḷo6 ca vibhūsito
\nPuññakammābhinibbattā tayo pāsāda muttamā.

30. Tettiṃsa sahassāni 7 nāriyo samalaṅkatā
\nSudassanā nāma devī varuṇo nāma atrajo.

31. Nimitte caturo disvā rathayānena nikkhami
\nAnūnasattamāsāni padhānaṃ padahī jino.

32. Brahmunā yācito santo revato loka nāyako
\nVattī cakkaṃ mahāvīro varuṇā rāme sirīghare. 8

33. Varuṇo brahmadevo ca ahesuṃ aggasāvakā
\nSambhavo nāmupaṭṭhāko revatassa mahesino.

34. Bhaddā ceva subhaddā ca ahesuṃ aggasāvikā
\nSo’pi buddho asamasamo nāgamūle abujjhatha.

35. Padumo kuñjaro ceva ahesuṃ aggu’paṭṭhakā sirimā veva yasavatī ahesuṃ aggu’paṭṭhikā.

36. Uccattanena 9 so buddho asīti hattha muggato
\nOhāseti disā sabbā indaketūva uggato.

1. Taṃ-machasaṃ. 2. Mayaṃ-manupa. 3. Sudhammakaṃ-sīmu, sudhaññakaṃ, [PTS,] syā.
\n4. Cha ca vassasahassāni-machasaṃ. 5. Sudassane, ratanagghi-machasaṃ. 6. Acelo-sīmu.
\n7. Tettiṃsa ca sahassa ni-machasaṃ. 8. Sirīghane-sīmu. "Vatatavatetā, mahāvīro, varuṇārāme vasi jino"-syā. 9. Uccatarena-sīmu.
\n 

[BJT Page 90] [\x  90/]

37. Tassa sarīre nibbattā pahā mālā anuttarā
\nDivā vā yadivā rattiṃ samantā pharati1 yojanaṃ. 2

38. Saṭṭhivassasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.

39. Dassayitvā buddhabalaṃ amataṃ loke pakāsayaṃ
\nNibbāyi anupādāno yatha’ggu’pādānasaṅkhayā.

40. So ca kāyo ratananibho so ca dhammo asādiso
\nSabbaṃ samantarahitaṃ nanu rittā sabbasaṅkhārā.

41. Revato yasadharo buddho nibbuto so mahāmuni 3
\nDhātuvitthārikaṃ āsī tesu tesu padesato’ti.

Revata buddhavaṃso pañcamo.

1. Eri-sīmu.
\n2. Tassa dehābhinibbattaṃ pahājālamanuttaraṃ
\nDivā ceva tadā rattiṃ, niccaṃ pharati yojanaṃ"
\nDhātuyo mama sabbāpi, vikirantuti so jino,
\nAdhiṭṭhāsi mahā vīro, sabba sattānu kampako"
\nMahāsāre panuyyāne, mahato nagarassa yojane pūjito nara sārehi, parinibbāyi revato"-bua.
\n3. Mahāpūre-machasaṃ.
\n