[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 76] [\x  76/]
\n[PTS Page 023] [\q  23/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n4. Sumana buddhavaṃso

1. Maṅgalassa aparena sumano nāma nāyako
\nSabbadhammehi asamo sabbasattāna’ muttamo.

2. So’pi tadā amatabheriṃ1 ahanī 2 mekhale pure,
\nDhammasaṅkhasamāyuttaṃ navaṅgaṃ jinasāsanaṃ.

3. Nijjinitvā3 kilese so4 patvā sambodhi’muttamaṃ
\nMāpesi nagaraṃ satthā5 saddhammapuravaruttamaṃ. 6

4. Nirantaraṃ akuṭilaṃ ujuṃ7 vipula vitthataṃ māpesi so mahāvīthiṃ satipaṭṭhānavaruttamaṃ.

5. Phale cattāri sāmaññe catasso paṭisambhidā
\nChaḷabhiññāṭṭha samāpatti pasāresi tattha vīthiyaṃ.

6. Ye appamattā akhilā hiri viriyehu’pāgatā
\nTe te ime guṇavare ādiyanti yathā sukhaṃ.

7. Evametena yogena uddharanto mahājanaṃ
\nBodhesi paṭhamaṃ satthā koṭisatasahassiyo.

8. Yamhi kāle mahāvīro ovadi 8 titthiye gaṇe
\nKoṭi sahassābhisamiṃsu 9 dutiye dhammadesane.

9. Yadā devā manussā ca samaggā ekamānasā
\nNirodha pañhaṃ pucchiṃsu saṃsayañcā’pi mānasaṃ. 10

10. Tadā’pi dhammadesane11 nirodha paridīpane12
\nNavuti koṭi sahassānaṃ tatiyā’bhisamayo13 ahu.

1. Tadāamatabheriṃ so-machasaṃ 2. Āhani-machasaṃ āhari manupa, 3. Nijinitvā-manupa,
\nVicinitvā-sīmu, jinitvāna-[PTS. 4.] Kilesehi-pu. 5. Tattha-sīmu.
\n6. Dhammapuravaruttame-sīmu. 7. Uca-manupa, ma, [PTS] 8. Ovadati-sīmu.
\n9. Koṭisatasahassānaṃ abhisamiṃsu-manupa. 10. Mānaso-mavi. 11. Dhammaṃ desento-mavi. 12. Paridīpanaṃ-mavi. 13. Dhammābhisamayo-mavi
\n 

[BJT Page 78] [\x  78/]

11. Sannipātā tayo āsuṃ sumanassa mahesino
\nKhīṇāsavānaṃ vimalānaṃ santa cittāna tādinaṃ.
\n[PTS Page 024] [\q  24/]
\n12. Vassaṃ vutthassa bhagavato abhighuṭṭhe1 pavāraṇe
\nKoṭisatasahassehi pavāresi tathāgato.

13. Tato paraṃ sannipāte vimale kañcana pabbate
\nNavutikoṭisahassānaṃ dutiyo āsi samāgamo.

14. Yadā sakko devarājā buddhadassanu’pāgami
\nAsītikoṭisahassānaṃ tatiyo āsi samāgamo.

15. Ahaṃ tena samayena nāgarājā mahiddhiko
\nAtulo nāma nāmena ussannakusalasañcayo. 2

16. Tadā’haṃ nāgabhavanā nikkhamitvā sa ñātihi
\nNāgānaṃ dibbaturiyehi sasaṅghaṃ jinamupaṭṭhahiṃ.

17. Koṭi sata sahassānaṃ annapānena tappayiṃ3
\nPaccekaṃ4 dussayugaṃ datvā saraṇaṃ taṃ upāgamiṃ.

18. Sopi maṃ buddho vyākāsi sumano loka nāyako
\nAparimeyye ito kappe ayaṃ buddho bhavissati.

19. Ahu kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ.

20. Ajapālarukkhamūlasmiṃ nisīditvā tathāgato
\nTattha pāyāsamaggayha nerañjara mupehiti.

21. Nerañjarāya tīramhi pāyāsaṃ ādāya so jino
\nPaṭiyattavaramaggena bodhimūlamhi ehiti.

22. Tato padakkhiṇaṃ katvā bodhimaṇḍaṃ anuttaro
\nAssattha rukkhamūlamhi bujjhissati mahāyaso.

1. Abhisaṃghuṭṭhe-sya. 2. Ussannakusalapaccayo-sīmu. 3. Tappayi-dhasu, vmu.
\n4. Sacceka-mua, [PTS] Uppannakusala sañcayo syā.
\n 

[BJT Page 80] [\x  80/]

23. Imassa janitā mātā māyā nāma bhavissati
\nSītā suddhodano nāma ayaṃ hessati gotamo.

24. Kolito upatisso ca aggāhessanti sāvakā
\nĀnando nāmu’paṭṭhāko upaṭṭhissati taṃ jinaṃ.
\n25. Khemā uppalavaṇṇā ca aggā hessanti sāvikā
\nBodhi tassa bhagavato assattho’ti pavuccati.

26. Citto ca hatthāḷavako aggā hessantu’paṭṭhakā
\nUttarā nandamātā ca aggā hessantu’paṭṭhikā
\nĀyu vassa sataṃ tassa gotamassa yasassino.

27. Idaṃ sutvāna vacanaṃ asamassa mahesino
\nĀmoditā naramarū buddha bījaṅkuro ayaṃ.
\n28. Ukkuṭṭhi saddaṃ vattenti apphoṭenti hasanti ca
\nKatañjalī namassanti dasa sahassī sadevakā.

29. Yadi’massa loka nāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

30. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.

31. Eva’meva mayaṃ sabbe yadi muñcāmi’maṃ jinaṃ anāgatamhi addhāne hessāma sammukhā imaṃ.

32. Tassā’pi vacanaṃ sutvā bhīyyo cittaṃ pasādayiṃ
\nUttariṃ vatamadhiṭṭhāsiṃ dasapārami pūriyā.

33. Mekhalaṃ nāma1 nagaraṃ sudatto nāma khattiyo
\nSirimā nāma janikā sumanassa mahesino.

34. Nava vassa sahassāni agāramajjhaso vasī 2
\nCando sucando caṭaṃso ca tayo pāsādamuttamā.

1. Nagaraṃ mekhalaṃ nāma-machasaṃ. 2. Agāraṃ ajjha so vasī-machasaṃ.
\n 

[BJT Page 82] [\x  82/]

35. Te saṭṭhisahassāni 1 nāriyo samalaṅkatā,
\nVaṭaṃsikā 2 nāma nārī anupamo nāma atrajo.

36. Nimitte caturo disvā hatthiyānena nikkhami
\nAnūnadasamāsāni padhānaṃ padahī jino.

37. Brahmunā yācito santo sumano loka nāyako
\nVatti cakkaṃ mahāvīro mekhale puramuttame. 3

38. Saraṇo bhāvitatto ca ahesuṃ aggasāvakā
\nUdeno nāmu’paṭṭhāko sumanassa mahesino.

39. Soṇā ca upasoṇā ca ahesuṃ aggasāvikā
\nSo’pi buddho amitayaso nāgamūle abujjhatha.

40. Varuṇo ca saraṇo ca ahesuṃ aggu’paṭṭhakā
\nCālā ca upacālā ca ahesuṃ aggupaṭṭhikā.

41. Uccavattanena 4 so buddho navuti hatthasamuggato
\nKañcanagghiya saṃkāso dasa sahassī virocati. 5

42. Navuti vassa sahassāni āyuvijjati tāvade
\nTāvatā tiṭṭhamāno so tāresi janataṃ bahuṃ.
\n[PTS Page 025] [\q  25/]
\n43. Tāraṇīye tārayitvā bodhanīye ca bodhayī
\nParinibbāyi sambuddho uḷurājā’ca atthamī. 6

44. Te’pi khīṇāsavā bhikkhu so ca buddho asādiso
\nAtulaṃ pahaṃ dassayitvā nibbutā te mahāyasā.

45. Tañca ñāṇaṃ atuliyaṃ tāni cā’tuliyāni ratanāni
\nSabbaṃ samantarahitaṃ nanu rittā sabbasaṅkhārā.

46. Sumano yasadharo buddho aṅgāramamhi nibbuto
\nTatve’va tassa jinathūpo catuyojana muggato’ti.

Sumana buddhavaṃso catuttho.

1. Tesaṭṭhisata sahassāni-machasaṃ.
\n2. Vaṭaṃsakī-sīmu, syā, vaṭaṃsakā-mavi, valaṃ sīki-
\n[PTS] 3. Puravaruttame-sīmu, mavi, syā.
\n4. Uccatarena-sīmu.
\n5. Virocatha-sīmu.
\n6. Aṭṭhavī-sīmu.
\n 
\n