[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 54] [\x  54/]
\n[PTS Page 017] [\q  17/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n1. Dīpaṅkara buddhavaṃso

 
\n1. Tadā te bhojayitvāna sasaṅghaṃ lokanāyakaṃ
\nUpagañchuṃ saraṇaṃ tassa 1 dīpaṅkarassa satthuno.

2. Saraṇāgamane kañci niveseti 2 tathāgato
\nKañcī pañcasu sīlesu sīle dasavidhe paraṃ

3. Kassaci deti sāmaññaṃ caturo phalamuttame
\nKassaci asame dhamme deti so paṭisambhidā.

4. Kassaci varasamāpattiyo aṭṭha deti narāsabho
\nTisso kassaci vijjāyo chaḷabhiññā pavecchati.

5. Tena yogena janakāyaṃ ovadi so mahāmuni
\nTena vitthārikaṃ āsi lokanāthassa sāsanaṃ

6. Mahāhanūsahakkhandho3 dīpaṅkarasanāmako4.
\nBahū jane tārayati parimoceti duggatiṃ.

7. Bodhaneyyaṃ janaṃ disvā satasahassepi yojane
\nKhaṇena upagantvāna bodheti taṃ mahāmuni.

8. Paṭhamābhisamaye buddho koṭisatamabodhayi
\nDutiyābhisamaye nātho navutikoṭimabodhayī.

9. Yadā ca devabhavanamhi buddho dhammamadesayi
\nNavutikoṭisahassānaṃ tatiyābhisamayo ahu.

10. Sannipātā tayo āsuṃ dīpaṅkarassa satthuno
\nKoṭisatasahassānaṃ paṭhamo āsi samāgamo.

1. Tattha-pu 2. Nivesesi-machasaṃ, nivāsesi-sīmu. 3. Mahāhanu usabhakkhandho-mavi 4. Dīpaṅkarassa nāmako-machasaṃ.
\n 

[BJT Page 56] [\x  56/]

11. Puna nāradakūṭamhi pavivekagate jine
\nKhīṇāsavā vītamanā samiṃsu satakoṭiyo.

12. Yamhī kāle mahāvīro sudassanasiluccaye
\nNavutikoṭisahassehi pavāresi1 mahāmuni.

13. (Ahaṃ tena samayena jaṭilo uggatāpano
\nAntalikkhamhi caraṇe pañcābhiññāsu pāragū. *)

14. Dasavīsasahassānaṃ dhammābhisamayo ahu
\nEkadvinnaṃ abhīsamayā gaṇanāto asaṅkhiyā.

15. Vitthārikaṃ bāhujaññaṃ iddhaṃ phītaṃ ahū tadā
\nDīpaṅkarassa bhagavato sāsanaṃ suvisodhitaṃ.

16. Cattārisatasahassāni chaḷabhiññā mahiddhikā
\nDīpaṅkaraṃ lokaviduṃ parivārenti sabbadā.

17. Ye keci tena samayena jananti mānusaṃ bhavaṃ
\nAppattamānasā sekhā garahitā va 2 bhavanti te.

18. Supupphitaṃ pāvacanaṃ arahantehi tādihi
\nKhīṇāsavehi vimalehi upasobhati sabbadā3

19. Nagaraṃ rammavatī nāma sudevo nāma khattiyo
\nSumedhā nāma jānikā dīpaṅkarassa satthuno.
\n[PTS Page 018] [\q  18/]
\n20. Dasavassasahassāni agāramajjhaso4 vasī
\nHaṃsā koñcā mayūrā ca tayo pāsādamuttamā.

21. Tīṇi satasahāni nāriyo samalaṅkatā
\nPadumā nāma sā nārī usabhakkhandho nāma atrajo.

22. Nimitte caturo disvā hatthiyānena nikkhami
\nAnūnadasamāsāni padhānaṃ padahi jino.

1. Parivāresi-sīmu. 2. Garahitā-machasaṃ. 3. Upasobhati sadevake-pu.
\n4. Agāraṃ ajjhaso-sīmu. -Machasaṃ, agāraṃ ajjhāvasi jino-syā
\n* Ayaṃ gāthā atthasāliniyā dhammasaṅgaṇi-aṭṭha kathā nidānavaṇṇanāya dīpaṅkara buddhavaṃse likhitā imasmiṃ pana buddhavaṃse natthibhāvo yeva panassā yuttataro. Kasmāti ce? Heṭṭha, sumedhakathāsu kathitā hi. (Aṭṭha kathā)
\n 

[BJT Page 58] [\x  58/]

23. Padhānacāraṃ caritvāna abujjhi mānasaṃ1 muni
\nBrahmunā yācito sanno dīpaṅkaro mahāmuni.

24. Vatti cakkaṃ mahāvīro nandāme sirīghare 3
\nNisinno sirīsamūlamhi akā titthiyamaddanaṃ.

25. Sumaṅgalo ca tisso ca ahesuṃ aggasāvakā
\nSāgato nāmupaṭṭhāko dīpaṅkarassa satthuno

26. Nandā ceva sunandā ca ahesuṃ aggasāvikā
\nBodhi tassa bhagavato pipphalīti pavuccati.

27. Tapussa bhallikā4 nāma ahesuṃ aggupaṭṭhakā
\nSirimā soṇā upaṭṭhikā dīpaṅkarassa satthuno.

28. Asīti hatthamubbedho dīpaṅkaro mahāmuni
\n*Sobhati dīparukkho’va sālarājā’va phullito

29. Satavassasahassāni 5 āyu 6 tassa mahesino
\nTāvatā tiṭṭhamāno so tāresi janataṃ bahuṃ.

30. Jotayitvāna saddhammaṃ santāretvā mahāsanaṃ7
\nJalitvā aggikkhandho’va nibbuto so sasāvako

31. Sā ca iddhi so ca yaso tāni capādesu cakkarattāni
\nSabbaṃ samantarahitaṃ nanu rittā sabbasaṅkhārāti.
\n32. Dīpaṅkaro jino satthā nandārāmamhi nibbuto
\nTattheva tassa jinathūpo chattiṃsubbedhayojanoti.

Dīpaṅkarabuddhavaṃso paṭhamo.

1. Mānasā-syā.
\n2. Vattacakko-syā.
\n3. Siridhare-sīmu, vasī jino-syā.
\n4. Tapassubhallikā-sīmu.
\n*"Pahāniddhāvati tassa samantā dasayojane"-syāmā
\nPotthake idampi gāthaddhaṃ dissati.
\n5. Satasahassa vassani-sīmu-machasaṃ, mavi.
\n6. Āyuṃ-sīmu.
\n7. Santāretvā sadevakaṃ-pū
\n 
\n