[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 20] [\x  20/]
\n[PTS Page 006] [\q   6/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\nSumedhakathā

 Sumedha kathā

1. Kappe ca satasahasse ca caturo ca asaṅkhiye
\nAmaraṃ nāma nagaraṃ dassaneyyaṃ manoramaṃ.

2. Dasahi saddehi avivittaṃ annapānasamāyutaṃ hatthisaddaṃ assasaddaṃ bherisaṅkharathāni ca 1
\nKhādatha pivatha ceva annapānena ghositaṃ.
\n3. Nagaraṃ sabbaṅgasampannaṃ sabbakammamupāgataṃ
\nSattaratanasampannaṃ nānājanasamākulaṃ
\nSamiddhaṃ devanagaraṃva āvāsaṃ puññakamminaṃ.

4. Nagare amaravatiyā sumedho nāma brāhmaṇo
\nAnekakoṭinicayo pahūtadhanadhaññavā.
\n[PTS Page 007] [\q   7/]
\n5. Ajjhāyako mantadharo tiṇṇaṃ vedānapāragu
\nLakkhaṇe itihāse ca sadhamme pāramiṃ gato.

6. Rahogato nisīditvā evaṃ cintesahaṃ tadā
\nDukkho punabbhavo nāma sarīrassa ca bhedanaṃ
\n(Sammohamaraṇaṃ dukkhaṃ jarāya abhimaddanaṃ. )*

7. Jātidhammo jarādhammo vyādhidhammo ca’haṃ sadā
\nAjaraṃ amaraṃ khemaṃ pariyesissāmi nibbutiṃ.

8. Yannūnimaṃ pūtikāyaṃ nānā kuṇapapūritaṃ
\nChaḍḍhayitvāna gaccheyyaṃ anapekho2 anatthiko.

9. Atthi hehiti so maggo na so sakkā na hetuye
\nPariyesissāmi taṃ maggaṃ bhavato parimuttiyā.

10. Yathā’pi dukkhe vijjante sukhaṃ nāma’pi vijjatī
\nEvaṃ bhave vijjamāne vibhavo’pi icchitabbako.

1. Bherisaṅkarathāna ca-asā * gāthaddhamidaṃ, sammohavinodaniyā, aṭṭhakathāya, dissate. 2. Anepekkho-machasaṃ.
\n 

[BJT Page 22] [\x  22/]

11. Yathā’pi uṇhe vijjante aparaṃ vijjati sītalaṃ
\nEvaṃ tividhaggi vijjante nibbānaṃ icchitabbakaṃ.

12. Yathā’pi pāpe vijjante kalyāṇampi vijjati
\nEvameva jāti vijjante ajātipicchitabbakā1

13. Yathā gūthagato puriso taḷākaṃ disvāna pūritaṃ
\nNa gavesati taṃ taḷākaṃ na doso taḷākassa so.

14. Evaṃ kilesamaladhovaṃ 2 vijjante amatantaḷe
\nNa gavesati taṃ taḷākaṃ na doso amatantaḷe.

15. Yathā arīhi pariruddho vijjante gamanaṃpathe3.
\nNa palāyati so puriso na doso añjasassa so.

16. Evaṃ kilesapariruddho vijjamāne sive pathe
\nNa gavesati taṃ maggaṃ na doso sivamañjase.

17. Yatha’pi byādhito puriso vijjamāne tikicchake
\nNa tikicchāpeti taṃ vyādhiṃ na so doso tikicchake.

18. Evaṃ kilesavyādhīhi dukkhito paripīḷito4.
\nNa gavesati taṃ ācariyaṃ na so doso5 vināyake.

19. Yathā’pi kuṇapaṃ puriso kaṇṭhe baddhaṃ jigucchiya
\nMovayitvāna gaccheyya sukhī serī sayaṃ vasī.

20. Tathe’vimaṃ pūtikāyaṃ nānā kuṇapasañcayaṃ6
\nChaḍḍayitvāna 7 gaccheyyaṃ anapekho8 anatthiko.

21. Yathā uccāraṭhānamhi 9 karīsaṃ naranāriyo
\nChaḍḍayitvāna 7 gacchanti anapekhā anatthikā.

1. Ajātipicchitabbakaṃ-sīmu. 2. Kilesamaladhove-dha. A. Sīmu, kilesamaladhova-machasaṃ. 3. Gamane pathe-sīmu, asā. 4. Patipiḷito-mavi. 5. Na doso so-sīmu, machasaṃ. 6. Nānā kuṇapapūritaṃ-pu. 7. Chaḍḍhayitvā-sīmu. 8. Anapekkho-sīmu. Machasaṃ, asā. 9. Ussāsaṭhānamhi - pu
\n 

[BJT Page 24] [\x  24/]

22. Evamevā’haṃ imaṃ kāyaṃ nānā kuṇapapūritaṃ
\nChaḍḍayitvāna gacchissaṃ vaccaṃ katvā yathā kuṭiṃ.

23. Yathā’pi jajjaraṃ nāvaṃ paluggaṃ udakagāhiniṃ1
\nSāmī chaḍḍetva 2 gacchanti anapekhā anatthikā.
\n[PTS Page 008] [\q   8/]
\n24. Evamevāhaṃ imaṃ kāyaṃ navacchiddaṃ dhuvassavaṃ
\nChaḍḍayitvāna gacchissaṃ chinnanāvaṃ’va sāmikā.

25. Yathā’pi puriso corehi gacchanto bhaṇḍamādiya
\nBhaṇḍacchedahayaṃ disvā chaḍḍayitvāna gacchati.

26. Evamevamayaṃ kāyo mahācorasamo viya
\nPahāyimaṃ gamissāmi kusalacchedanā bhayā.

27. Evā’haṃ cintayitvāna nekakoṭisataṃ dhanaṃ
\nNāthānāthānaṃ datvāna himavantamupāgamiṃ.

28. Himavantassa avidūre 3 dhammako nāma pabbato
\nAssamo sukato mayhaṃ paṇṇasālā sumāpitā.

29. Caṅkamaṃ tattha māpesi pañcadosavivajjitaṃ
\nAṭṭhaguṇasamupetaṃ abhiññābalamāhariṃ.

30. Sāṭakaṃ pajahiṃ tattha navadesamupāgataṃ
\nVākacīraṃ nivāsesiṃ dvādasaguṇamupāgataṃ4

31. Aṭṭhadosasamākiṇṇaṃ pajahiṃ paṇṇasālakaṃ
\nUpāgamiṃ rukkhakamūlaṃ guṇedasahupāgataṃ5.

32. Vāpitaṃ ropitaṃ dhaññaṃ pajahiṃ niravasesato
\nAnekaguṇasampannaṃ pavattaphalamādiyiṃ.

33. Tattha padhānaṃ6 padahiṃ nisajjaṭṭhānacaṅkame
\nAbbhantaramhi sattāhe abhiññābalamapāpuṇiṃ7

1. Paluggaṃ udagāhiniṃ-machasaṃ, paluggaṃ udakavāhiniṃ-sī. 2. Chaḍḍetvā-machasaṃ, mavi.
\n3. Himavanatasasāvidūre-machasaṃ. 4. Dvādasaguṇupāgataṃ-sīmu. 5. Guṇe dasamupagataṃ-sīmu, guṇehi dasahupāgataṃ-asā. 6. Tatthapapadhānaṃ-machasaṃ. 7. Abhiññā balapāpuṇiṃ-machasaṃ
\n 

[BJT Page 26] [\x  26/]

34. Evaṃ me siddhippattassa vasībhūtassa sāsane
\nDīpaṅkaro nāma jino uppajji lokanāyako.

35. Uppajjante ca jāyante bujjhante dhammadesane
\nCaturo nimitte nāddasaṃ jhānaratisamappito.

36. Paccantadesavisaye nimantetvā tathāgataṃ
\nTassa āgamanaṃ maggaṃ sodhenti tuṭṭhamānasā.

37. Ahaṃ tena samayena nikkhamitvā sakassamā
\nDhunanto vākacīrāni gacchāmi ambare tadā.

38. Vedajātaṃ janaṃ disvā tuṭṭhahaṭṭhaṃ pamoditaṃ
\nOrohitvāna gaganā mānuse pucchiṃ tāvade.

39. Tuṭṭhahaṭṭho pamudito "vedajāto mahājano
\nKassa sodhīyati maggo añjasaṃ vaṭumāyanaṃ.
\n40. Te me puṭṭhā byākariṃsu1 buddho loke anuttaro
\nDīpaṅkaro nāma jino uppajji lokanāyako.
\nTassa sodīyato maggo2 añjasaṃ vaṭumāyanaṃ.

41. Buddho’ti mama sutvāna pīti uppajji tāvade
\n’Buddho buddho’ti kathayanto somanassaṃ pavedayiṃ.

42. Tattha ṭhatvā vicintesiṃ tuṭṭho saṃviggamānaso
\nIdha bījāni ropissaṃ khaṇo ce mā upaccagā.
\n[PTS Page 009] [\q   9/]
\n43. Yadi buddhassa sodhetha ekokāsaṃ dadātha me
\nAhampi sodhayissāmi añjasaṃ vaṭumāyanaṃ.

44. Adaṃsu te mamokāsaṃ sodhetuṃ añjasaṃ tadā
\n’Buddho buddho’ti cintento maggaṃ sodhemahaṃ tadā

1. Viyākāsuṃ-sīmu, viyākaṃsuṃ-machasaṃ.
\n2. Sodhīyati patho-pu, sodhīyati maggo-sīmu, machasaṃ.
\n 

[BJT Page 28] [\x  28/]

45. Aniṭṭhite mamokāse dīpaṅkaro mahāmuni
\nCatūhi satasahassehi jaḷabhiññehi tādihi
\nKhīṇāsavehi vimalehi paṭipajji añjasaṃ jino.

46. Paccuggamanā vattanti vajjanti bheriyo bahū
\nAmoditā narumarū sādhukāraṃ pavattayuṃ.

47. Devā manusse passanti manussāpi ca devatā
\nUbho’pi te pañjalikā anuyanti tathāgataṃ.

48. Devā dibbehi turiyehi manussā mānusehi1 ca
\nUbho’pi te vajjayantā anuyanti tathāgataṃ.

49. Dibbaṃ mandāravaṃ pupphaṃ padumaṃ pāricchattakaṃ
\nDiso disaṃ okiranti ākāsanabhagatā marū.

50. Campakaṃ salalaṃ nīpaṃ nāgapunnāgaketakaṃ
\nDiso dasaṃ ukkhipanti bhūmitalagatā narā.

51. Kese muñcitvahaṃ tattha vākavīrañca cammakaṃ
\nKalale pattharitvāna avakujjo nipajjahaṃ.

52. Akkamitvāna maṃ buddho saha sissehi gacchatu
\nMā naṃ kalale akkamittho hitāya me bhavissati.

53. Paṭhaviyaṃ2 nipannassa evaṃ me āsi cetaso
\nIcchamāno ahaṃ ajja kilese jhāpaye mamaṃ

54. Kiṃ me aññātavesena dhammaṃ sacchikatenidha
\nSabbaññūtaṃ pāpuṇitvā buddho hessaṃ sadevake.

55. Kiṃ me ekena tiṇṇena purisena thāmadassinā
\nSabbaññūtaṃ pāpuṇitvā santāressaṃ sadevake.

56. Iminā me adhikārena katena purisuttame
\nSabbaññutaṃ pāpuṇitvā3 tāremi janataṃ bahu.

1. Mānusakehi-sīmu. 2. Pathaviyaṃ-machasaṃ, puthuviyā-pu. 3. Pāpuṇāmi-mavi.
\n 

[BJT Page 30] [\x  30/]

57. Sāsārasotaṃ chinditvā viddhaṃsetvā tayo bhave
\nDhammanāvaṃ samāruyha santāressaṃ sadevake.

58. Manussattaṃ liṅgasampatti hetu satthāradassanaṃ
\nPabbajjāguṇasampatti adhikāro ca chandatā
\nAṭṭhadhammasamodhānā abhinīhāro samijjhati.

59. Dīpaṅkaro lokavidū āhutīnaṃ paṭiggaho
\nUssīsake maṃ ṭhatvāna idaṃ vacanamabrūvi.
\n[PTS Page 010] [\q  10/]
\n60. Passatha imaṃ tāpasaṃ jaṭilaṃ uggatāpanaṃ
\nAparimeyye ito kappe buddho lokena bhavissati.

61. Ahu1 kapilavhayā rammā nikkhamitvā tathāgato
\nPadhānaṃ padahitvāna katvā dukkarakārikaṃ*

62. Ajapālarukkhamūlasmiṃ nisīditvā tathāgato*
\nTattha pāyāsamaggayha 2 nerañjaramupehiti

63. Nerañjarāya tiramhi pāyāsaṃ ādāya 3 so jino
\nPaṭiyattavaramaggena bodhimūlaṃ hi ehitī.

64. Tato padakkhiṇaṃ katvā bodhimaṇḍaṃ anuttaro4
\nAssattharukkhamūlamhi bujjhissati mahāyaso.

65. Imassa janikā mātā māyā nāma bhavissati
\nPitā suddhodano nāma ayaṃ hessati gotamo.

66. Anāsavā vītarāgā5 santacittā samāhitā
\nKolito upatisso ca aggā hessanti sāvakā.

67. Ānando nāmupaṭṭhāko upaṭṭhissati taṃ jinaṃ
\nKhemā uppalavaṇṇā ca aggā hessanti sāvikā.

68. Anāsavā vītarāgā5 santacittā samāhitā
\nBodhi tassa bhagavato assattho’ti pavuccati.

1. Atha-sīmu.
\n* Pādadvayamidaṃ sīhaḷakkhara muddita potthake na dissate.
\n2. Pāyasamaggayaha-sīmu, pasāsaṃ paggayaha-syā.
\n3. Pāyasaṃ adā-sīmu, pāyāsa-adi-machasaṃ, syā.
\n4. Naruttaro-sīmu, anuttaraṃ-syā.
\n5. Vītamalā-sīmu.
\n 

[BJT Page 32] [\x  32/]

69. Citto ca hatthāḷavako aggā hessantūpaṭṭhakā
\nUttarā nandamātā ca aggā hessantupaṭṭhikā.
\nĀyu vassasataṃ tassa gotamassa yasassino.

70. Idaṃ sutvāna vacanaṃ asamassa mahesino
\nĀmoditā naramarū buddhabījaṅkuro ayaṃ.

71. Ukkuṭṭhisaddaṃ vattenti1 apphoṭenti hasanti ca
\nKatañjalī namassanti dasasahassī sadevakā.

72. Yadimassa lonāthassa virajjhissāma sāsanaṃ
\nAnāgatamhi addhāne hessāma sammukhā imaṃ.

73. Yathā manussā nadiṃ tarantā paṭititthaṃ virajjhiya
\nHeṭṭhā titthe gahetvāna uttaranti mahānadiṃ.
\n74. Evameva mayaṃ sabbe yadimuñcāmimaṃ jinaṃ
\nAnāgatamhi addhāne hessāma sammukhā imaṃ.

75. Dīpaṅkaro lokavidū āhutīnaṃ paṭiggaho
\nMama kammaṃ pakittetvā dakkhiṇaṃ padamuddhari.

76. Ye tatthāsuṃ jinaputtā padakkhīṇamakaṃsu maṃ
\nDevā manussā asurā ca abhivādetvāna pakkamuṃ.

77. Dassanaṃ me atikkante sasaṅghe lokanāyake
\nSayanā vuṭṭhahitvāna pallaṅkamābhujiṃ tadā.

78. Sukhena sukhito homi pāmojjena pamodito
\nPītiyā ca abhissanto pallaṅkaṃ ābhujiṃ tadā.
\n[PTS Page 011] [\q  11/]
\n79. Pallaṅkena nisīditvā evaṃ cintesahaṃ tadā
\nVasībhūto ahaṃ jhāne abhiññāpāramiṃ gato.

80. Sahassiyamhi lokamhi isayo natthi me samā
\nAsamo iddhidhammesu alabhiṃ īdisaṃ sukhaṃ.

81. Pallaṅkābhūjena mayhaṃ dasasahassādhivāsino
\nMahānādaṃ pavattesuṃ dhuvaṃ buddho bhavissasi.

1. Ukakuṭaṭhī sadadā - sīmu.
\n 

[BJT Page 34] [\x  34/]

82. Yā pubbe bodhisattānaṃ pallaṅkavaramābhuṃ
\nNimittoni padissanti tāni ajja padīssare.

83. Sītaṃ vyapagataṃ hoti uṇhañca upasammati
\nTāni ajja padissanti dhūvaṃ buddho bhavissasi.

84. Dasasahassī lokadhātu nissaddā hoti nirukulā
\nTāni ajja padissanti dhuvaṃ buddho bhavissasi.

85. Mahāvātā na vāyanti na sandanti savantiyo
\nTāni ajja padissanti dhuvaṃ buddho bhavissasi.

86. Thalajā dakajā pupphā sabbe pupphanti tāvade
\nTepajja pupphitā sabbe dhuvaṃ buddho bhavissasi.

87. Latā vā yadi vā rukkhā phalabhārā honti tāvade tepajja phalitā sabbe dhuvaṃ buddho bhavissasi.

88. Ākāsaṭṭhā ca bhummaṭṭhā ratanā jotanni tāvade
\nTepajja ratanā jotanti dhuvaṃ buddho bhavissasi.

89. Mānusakā ca dibbā ca turiyā vajjanti tāvade
\nTepajjuho abhiravanti dhuvaṃ buddho bhavissasi.

90. Vicittapupphā gaganā abhivassanti tāvade
\nTepi ajja padissanti dhuvaṃ buddho bhavissasi.

91. Mahāsamuddo ābhujati dasasahassī pakampati
\nTepajjubho abhiravanti dhuvaṃ buddho bhavissasi.
\n 

[BJT Page 36] [\x  36/]

92. Nirayesu dasasahassī1 aggī nibbanti tāvade
\nTepajja nibbutā aggī dhuvaṃ buddho bhavissasi.

93. Vimalo hoti suriyo sabbā2 dissanti tārakā te’pi ajja padissanti dhuvaṃ buddho bhavissasi.

94. Anovaṭṭhena udakaṃ mahiyā ubbhijji tāvade
\nTampajjubbhijjate mahiyā dhuvaṃ buddho bhavissasi.

95. Tāragaṇā virocanti nakkhattā gaganamaṇḍale
\nVisākhā candimayuttā dhuvaṃ buddho bhavissasi.

96. Khīlāsayā darīsayā nikkhamanti sakāsayā
\nTepajja āsayā chuddhā dhuvaṃ buddho bhavissasi.

97. Na hoti arati sattānaṃ santuṭṭhā honti tāvade.
\nTepajja sabbe santuṭṭhā dhuvaṃ buddho bhavissasi.
\n[PTS Page 012] [\q  12/]
\n98. Rogā tadupasammanti jigacchā ca vinassati
\nTāni ajja padissanti dhuvaṃ buddho bhavissasi.

99. Rāgo tadā tanu hoti doso moho vinassati
\nTe’ pajja vīgatā sabbe dhuvaṃ buddho bhavissasi.

100. Bhayaṃ tadā na bhavati ajjapetaṃ padissati
\nTena liṅgena jānāma dhuvaṃ buddho bhavissasi.

101. Rajonuddhaṃsati uddhaṃ ajjapetaṃ padissati
\nTena liṅgena jānāma dhuvaṃ buddho bhavissasi.

102. Aniṭṭhagandho pakkamati dibbagandhe pavāyati
\nSopajja vāyati gandho dhuvaṃ buddho bhavissasī.

1. Nirayepi dasasahasesa-machasaṃ, asā.
\nNirayesu dasasahassīsu-maci.
\n2. Sabbe-sīmu.
\n 

[BJT Page 38] [\x  38/]

103. Sabbe devā padissanti ṭhapayitvā arūpino
\nTe’pajja sabbe dissanti dhuvaṃ buddho bhavissasi.

104. Yāvatā nirayā nāma sabbe dissanti tāvade
\nTe’pajja sabbe dissanti dhuvaṃ buddho bhavissasi.

105. Kuḍḍā kacāṭā selā ca na hontāvaraṇā1 tadā
\nĀkāsabhūtā te’ pajja dhuvaṃ buddho bhavissasi.

106. Cutī ca upapatti ca khaṇe tasmiṃ na vijjati
\nTāni ajja padissanti dhuvaṃ buddho bhavissasi.

107. Daḷhaṃ paggaṇha viriyaṃ mā nivatti2 abhikkama
\nMahampetaṃ pajānāma dhuvaṃ buddho bhavissasīti.

108. Buddhassa vacanaṃ sutvā dasasahassīna cūbhayaṃ
\nTuṭṭhahaṭṭho3 pamudito evaṃ cintesahaṃ tadā.

109. Advejjhāvacanā buddhā amoghavacanā jinā vitathaṃ natthi buddhānaṃ dhuvaṃ buddho bhavāmahaṃ

110. Yathā khittaṃ nabhe leḍḍu dhuvaṃ patati bhūmiyaṃ
\nTathe’va buddhaseṭṭhānaṃ vacanaṃ dhuvasassataṃ
\nVitathaṃ natthi buddhānaṃ dhuvaṃ buddho bhavāmahaṃ

111. Yathā’pi sabbasattānaṃ maraṇaṃ dhuvayassataṃ
\nTathe’va buddhaseṭṭhānaṃ vacanaṃ dhuvasassataṃ
\nVitathaṃ natthi buddhānaṃ dhuvaṃ buddho bhavāmahaṃ.

112. Yathā rattikkhaye patte suriyassuggamanaṃ dhuvaṃ
\nTathe’va buddhaseṭṭhānaṃ vacanaṃ dhuvasassataṃ
\nVitathaṃ natthi buddhānaṃ dhuvaṃ buddho bhavāmahaṃ.

1. Bhonatāvaraṇaṃ-sīmu. 2. Mā nivatta-machasaṃ. 3. Bhaṭaṭhatuṭeṭhā-sīmu.
\n[BJT Page 40] [\x  40/]

113. Yathā nikkhantasayanassa sīhassa nadanaṃ dhuvaṃ
\nTatheva budadhaseṭṭhānaṃ vacanaṃ dhuvasassataṃ
\nVitataṃ natthi buddhānaṃ dhuvaṃ buddho bhavāmahaṃ.
\n[PTS Page 013] [\q  13/]
\n114. Yathā āpannasattānaṃ bhāramoronaṃ dhuvaṃ
\nTatheva buddhaseṭṭhānaṃ vacanaṃ dhuvasassataṃ
\nVitathaṃ natthi buddhānaṃ dhuvaṃ buddho bhavāmahaṃ
\n115. Handa buddhakare dhamme vivināmi ito cito
\nUddhaṃ adho dasadisā yāvatā dhammadhātuyā,

116. Vicinanto tadā dakkhiṃ1 paṭhamaṃ dānapāramiṃ
\nPubbakehi mahesīhi anuciṇṇaṃ mahāpathaṃ.
\n117. Imaṃ tvaṃ paṭhamaṃ tāva daḷhaṃ katvā samādiya
\nDānapāramitaṃ gaccha yadi bodhiṃ pattumicchasi.

118. Yathā’pi kumbho sampuṇṇo yassa kassaci adhokato
\nVamate udakaṃ nissesaṃ na tattha parirakkhati

119. Tatheva yācake disvā hīnamukkaṭṭhamajjhime
\nDadāhi dānaṃ nissesaṃ kumbho viya adhokato

120. Na he te ettakāyeva buddhadhammā bhavissare
\nAññe’pi vicinissāmi ye dhammā bodhipācanā

121. Vicinanto tadādakkhiṃ1 dutiyaṃ sīlapāramiṃ
\nPubbakehi mahesīhi asevitanisevitaṃ.

122. Imaṃ tvaṃ dutiyaṃ tāva daḷhaṃ katvā samādiya
\nSīlapāramitaṃ gaccha yadi bodhiṃ pattumicchasi.

123. Yathāpi camarī vālaṃ2 kismīci 3 patilaggitaṃ upeti maraṇaṃ tattha na vikopeti vāladhiṃ.

124. Tatheva tvaṃ catusu bhūmīsu sīlāni paripūraya
\nParirakkha sabbadā sīlaṃ camarī viya vāladhiṃ.

1. Tadādakkhi-sīmu, machasaṃ. 2. Vāḷaṃ-sīmu. 3. Kisamiñci-machasaṃ.
\n 

[BJT Page 42] [\x  42/]

125. Na hete ettakāyeva buddhadhammā bhavissare
\nAññe’pi vicinissāmi ye dhammā bodhipācanā

126. Vicinanto tadā dakkhiṃ tatiyaṃ nekkhammapāramiṃ. Pubbakehi mahesīhi āsevitanisevitaṃ.

127. Imaṃ tvaṃ tatiyaṃ tāva daḷhaṃ katvā samādiya
\nNekkhammapārami1 gaccha yadi bodhiṃ pattumicchasi.

128. Yathā andughare puriso ciravuttho dukhaddito
\nTa tattha rāgaṃ abhijaneti muttiṃ yeva gavesati.

129. Tatheva tvaṃ sabbabhave passa andughare viya
\nNekkhammābhimukho hohi bhavato parimuttiyā.

130. Na hete ettakāyeva, buddhadhammā bhavissare
\nAññe’pi vicinissāmi ye dhammā bodhipācanā.

131. Vicinanto tadā dakkhiṃ catutthaṃ paññāpāramiṃ
\nPubbakehi mahesīhi āsevitanisevitaṃ.
\n132. Imaṃ tvaṃ catutthaṃ tāva daḷhaṃ katvā samādiya
\nPaññāpāramitaṃ2 gaccha yadi bodhiṃ pattumicchasi.

133. Yathā’pi 3 bhikkhu bhikkhanto hīnamukkaṭṭhamajjhime
\nKulāni na vivajjento evaṃ labhati yāpanaṃ.
\n[PTS Page 014] [\q  14/]
\n134. Tatheva tvaṃ sabbakālaṃ paripucchanto budhaṃ janaṃ
\nPaññāpāramitaṃ2 gantvā sambodhiṃ pāpuṇissasi.

135. Na hete ettakāyeva buddhadhammā bhavissare
\nAññepi vicinissāmi ye dhammā bodhipācanā.

136. Vicinanto tadā dakkhiṃ pañcamiṃ viriya pāramiṃ4
\nPubbakehi mahesīhi āsavitanisevitaṃ.

1. Nekkhammapāramitaṃ-syā. Machasaṃ 2. Paññāya pāramiṃ-maci.
\n3. Yathāhi-maci. 4. Viriya pāramiṃ-machasaṃ.
\n 

[BJT Page 44] [\x  44/]

137. Imaṃ tvaṃ pañcamaṃ tāva daḷhaṃ katvā samādiya
\nViriya pāramitaṃ gaccha yadi bodhiṃ pattumicchasi.

138. Yathā’pi sīho migarājā nisajjaṭṭhānacaṅkame
\nAlīnaviriyo hoti paggahitamano tadā

139. Tatheva tvaṃ1 sabbabhave paggaṇha viriyaṃ daḷhaṃ
\nViriyapāramitaṃ gantvā sambodhiṃ pāpuṇissasi.

140. Na hete ettakāyeva buddhadhammā bhavissare
\nAññe’pi vicinissāmi ye dhammā bodhipācanā.

141. Vicinanto tadā dakkhiṃ chaṭṭhamaṃ khantipāramiṃ
\nPubbakehi mahesīhi āsevitanisevitaṃ.

142. Imaṃ tvaṃ chaṭṭhamaṃ tāva daḷhaṃ katvā samādiya
\nTattha advejjhamanaso2 sambodhiṃ pāpuṇissasi.

143. Yathā’pi paṭhavī 3 nāma sucimpi asucimpi ca
\nSabbaṃ sahati nikkhepaṃ na karoti paṭighaṃ dayaṃ4
\n144. Tathe’va tvampi sabbesaṃ sammānāvamānakkhamo5
\nKhantipāramitaṃ gantvā sambodhiṃ pāpuṇissasi.

145. Na hete ettakāyeva buddhadhammā bhavissare
\nAññepi vicinissāmi ye dhammā bodhipācanā.

146. Vicinanto tadā dakkhiṃ sattamaṃ saccapāramiṃ
\nPubbakehi mahesīhi āsevitanisevitaṃ.
\n147. Imaṃ tvaṃ sattamaṃ tāva daḷhaṃ katvā samādiya
\nTattha advejjhavacano sambodhiṃ pāpuṇissasi.

1. Tvamapi-sīmu. 2. Adevajjhamānaso-machasaṃ. 3. Pathavī-machasaṃ. 4. Tayā-pu.
\n5. Sammānanāvamānanakkhamo-maci sabbabhave sammānanacimāna kakhamo-pu.
\n 

[BJT Page 46] [\x  46/]

148. Yathā’pi osadhī nāma tulābhūtā sadevake
\nSamaye utuvasse1 vā nevokkamati 2 vīthito.

149. Tathe’va tvampi saccesu mā okkami hi 3 vīthito
\nSaccapāramitaṃ gantvā sambodhiṃ pāpuṇissasi.

150. Na hete ettakāyeva buddhadhammā bhavissare
\nAññe’pi vicinissāmi ye dhammā bodhipācanā.
\n[PTS Page 015] [\q  15/]
\n151. Vicinanto tadā dakkhiṃ aṭṭhamaṃ adhiṭṭhānapāramiṃ
\nPubbakehi mahesīhi āsevitanisevitaṃ.

152. Imaṃ tvaṃ aṭṭhamaṃ tāva daḷhaṃ katvā samādiya
\nTattha tvaṃ acalo hutvā sambodhiṃ pāpuṇissasi.

153. Yathā’pi pabbato selo acalo suppatiṭṭhito
\nNa kampati bhusavātehi sakaṭṭhāne’va tiṭṭhati.

154. Tathe’ca tvampi adhiṭṭhāne sabbadā acalo bhava
\nAdhiṭṭhānapāramiṃ4 gantvā sambodhiṃ pāpuṇissasi.

155. Na hete ettakāyeva buddhadhammā bhavissare
\nAññe’pi vicinissāmi ye dhammā bodhipācanā.

156. Vicinanto tadā dakkhiṃ navamaṃ mettāpāramiṃ pubbakehi mahesīhi āsevitanisevitaṃ.

157. Imaṃ tvaṃ navamaṃ daḷhaṃ katvā samādiya
\nMettāya asamo hohi yadi bodhiṃ pattumicchasi.

158. Yathā’pi udakaṃ nāma kalyāṇe pāpake jane
\nSamaṃ pharati sītena pavāheti rajomalaṃ. 5

1. Utuvaṭṭe-pu. 2. Na vokkamati-sīmu, machasaṃ, syā, na okkamati-asā.
\n3. Nātikkama hi-sīmu, mā vokkama hi-machasaṃ, mā vokkami hi-maci. Mā vokkamasi-syā
\n4. Adhiṭṭhāna pāramitaṃ-sīmu, machasaṃ. 5. Rajaṃ malaṃ-pu.
\n 

[BJT Page 48] [\x  48/]

159. Tathe’va tvampi hitāhite7 samaṃ mettāya bhāvaya
\nMettāpāramitaṃ gantvā sambodhiṃ pāpuṇissasi.

160. Na hete ettakāyeva buddhadhammā bhavissare
\nAññe’pi vicinissāmi ye dhammā bodhipācanā.

161. Vicinanto tadā dakkhiṃ dasamaṃ upekkhāpāramiṃ.
\nPubbakehi mahesīhi āsevitanisevitaṃ.

162. Imaṃ tvā asamaṃ tāva daḷhaṃ katvā samādiya
\nTulābhūto daḷho hutvā sambodhiṃ pāpuṇissasi.

163. Yathā’pi paṭhavī 2 nāma nikkhittaṃ asuciṃ suciṃ
\nUpekkhati ubhopete kopānunayavajjitā.

164. Tathe’va tvampi sukhadukkhe tulābhūto sadā bhava
\nUpekkhāpāramiṃ gantvā sambodhiṃ pāpuṇissasi.

165. Ettakāye’va te loke ye dhammā bodhipācanā
\nTatuddhaṃ natthi aññatra daḷhaṃ tattha patiṭṭhaha.

166. Ime dhamme sammasato sabhāvasarasalakkhaṇā. 3
\nDhammatejena vasudhā dasasahassī pakampatha.

167. Calati ravati paṭhavī 4 ucchuyantaṃ va pīḷitaṃ5
\nTelayante yathā cakkaṃ evaṃ kampati medinī.

168. Yāvatā parisā6 āsī buddhassa parivesane
\nPavedhamānā sā tattha mucchitā seti bhūmiyaṃ.

169. Ghaṭānekasahassāni kumbhīnañca satā bahū
\nSañcuṇṇā mathitā tattha aññamaññaṃ paghaṭṭitā. 7
\n[PTS Page 016] [\q  16/]
\n170. Ubbiggā tasitā bhītā bhantā byādhitamānasā
\nMahājanā samāgamma dīpaṅkaramupāgamuṃ.

1. Tvaṃ hitāhite-syā-machasaṃ, tvaṃ ahitahite-sīmu, maci. 2. Pathavimachasaṃ.
\n3. Sabhāva sarasalakkhaṇe-syā, machasaṃ, maci. 4. Calatī ravatī pathavī-machasaṃ, calatī ravatī puthūvī, - maci. 5. Guḷayantaṃva pīḷitaṃ-pu, 6. Sā tadā parisā-pu 7. Aññamaññapaghaṭṭitā-asā.
\n 

[BJT Page 50] [\x  50/]

171. Kiṃ bhavissati lokassa kalyāṇamatha pāpakaṃ
\nSabbo upadduto loko taṃ vinodehi cakkhūma.

172. Tesaṃ tadā saññapesi dīpaṅkaro mahāmuni
\nVissatthā hotha mā bhātha1 imasmiṃ paṭhavikampane.

173. Yamahaṃ ajja byākāsiṃ buddho loke bhavissati
\nEso sammasati dhammaṃ pubbakaṃ jinasevitaṃ

174. Tassa sammasato dhammaṃ buddhabhūmiṃ asesato
\nTenā’yaṃ kampitā paṭhavī 2 dasasahassī sadevake.

175. Buddhassa vacanaṃ sutvā mano nibbāyi tāvade
\nSabbe maṃ upasaṅkamma punāpi abhivādayuṃ3

176. Samādiyitvā buddhaguṇaṃ daḷhaṃ katvāna mānasaṃ
\nDīpaṅkaraṃ namassitvā āsanā uṭṭhahiṃ tadā.

177. Dibbaṃ māsusataṃ pupphaṃ devā mānusakā ubho
\nSamokiranti pupphehi vuṭṭhāhantassa āsanā.

178. Vedayanti ca te sotthiṃ devā mānusakā. Ubho
\nMahantaṃ patthitaṃ tuyhaṃ taṃ labhassu yathicchitaṃ.

179. Sabbītiyo vivajjantu soko rogo4 vinassatu
\nMā te bhavatthavantarāyo5 phusa khippaṃ bodhimuttamaṃ.

180. Yathā’pi samaye patte pupphanti pupphino dumā
\nTatheva tvaṃ buddhavīra buddhañāṇena pupphasi.

181. Yathā ye keci sambuddhā pūrayuṃ dasapāramī
\nTatheva tvaṃ mahāvīra pūraya dasapāramī.

1. Haṅgatha-machasaṃ. 2. Pathavī-machasaṃ, puthuvī-sīmu. 3. Punapi maṃ abhivandisuṃ-sīmu, maci, punāpi abhivandisuṃ-machasaṃ, syā. 4. Sabbarogo-sīmu. 5. Bhavanatvantarāyā-machasaṃ.
\n 

[BJT Page 52] [\x  52/]

182. Yathā ye keci sambuddhā bodhimaṇḍamhi bujjhare
\nTatheva tvaṃ mahāvīra bujjhassu jinabodhiyaṃ.

183. Yathā ye keci sambuddhā dhammacakkaṃ pavattayuṃ
\nTatheva tvaṃ mahāvīra dhammacakkaṃ pavattaya.

184. Puṇṇamāse yathā cando parisuddho virocati
\nTatheva tvaṃ puṇṇamano viroca dasasahassiyaṃ.

185. Rāhumutto yathā suriyo tāpena abhirocati1
\nTatheva lokā muñcitvā viroca siriyā tuvaṃ.

186. Yathā yā kāci nadiyo osaranti mahodadhiṃ
\nEvaṃ sadevakā lokā osarantu 2 tavantike.

187. Tehi thutappasattho3 so dasadhamme samādiya
\nTe dhamme paripūrento pavanaṃ pāvisī 4 tadāti.

Sumedhakathā niṭṭhitā

1. Atirocati-machasaṃ.
\n2. Osaranti-sīmu.
\n3. Thutippasattho-sīmu.
\n4. Pāvisī-machasaṃ.
\n 
\n