[CPD Classification 2.5.14]
\n[PTS Vol Bu - ] [\z Bv /] [\f I /]
\n[BJT Vol Bu - ] [\z Bv /] [\w I /]
\n[BJT Page 002] [\x   2/]
\n[PTS Page 001] [\q   1/]
\n 
Suttantapiṭake khuddakanikāye
\nBuddhavaṃsapāḷi

Namo tassa bhagavato arahato sammāsambuddhassa
\n 
\n 

Ratanacaṅkamanakaṇḍo


\n 


\n
\n

1. Brahmā ca lokādhipatī sahampati1
\nKatañjalī anadhivaraṃ ayāvatha
\nSantīdha sattā apparajakkhajātikā2
\nDesehi dhammaṃ anukampimaṃ pajaṃ.

2. Sampannavijjācaraṇassa tādino
\nJutindharassantimadehadhārino
\nTathāgatassappaṭipuggalassa
\nUppajji kāruññatā sabbasatte.

3. Na hete jānanti sadevamānusā
\nBuddho ayaṃ kīdisako naruttamo
\nIddhibalaṃ paññābalañca kīdisaṃ buddhibalaṃ lokahitassa kīdisaṃ.

4. Na hete jānanti sadevamānusā
\nBuddho ayaṃ īdisako naruttamo
\nIddhibalaṃ paññābalañca īdisaṃ3
\nBuddhabalaṃ lokahitassa īdisaṃ3

5. Handāhaṃ dassayissāmi - buddhabalaṃ anuttaraṃ4
\nCaṅkamaṃ māpayissāmi - nahe ratanamaṇḍitaṃ5

1. Sahampatī, machasaṃ, sīmu, mavi 4. Buddhabalamanuttara - machasaṃ, mavi.
\n2. Sattāpparajakkhajātikā - machasaṃ, mavi 5. Sabbaratanamaṇḍitaṃ - mavi
\n3. Edisaṃ - machasaṃ, mavi
\n[BJT Page 4] [\x   4/]

6. Bhummā mahārājikā tāvatiṃsā
\nYāmā ca devā tusitā ca nimmitā
\nParanimmitā yepi ca brahmakāyikā
\nĀnanditā vipulamakaṃsu ghosaṃ.
\n[PTS Page 002] [\q   2/]
\n7. Obhāsitā ca paṭhavī sadevakā
\nPuthū ca lokantarikā asaṃvutā
\nTamo ca tibbo vihato tadā ahū
\nDisvāna accherakaṃ pāṭihīraṃ.

8. Sadevagandhabbamanussarakkhase
\nĀbhā uḷārā vipulā ajāyata
\nImasmiṃ loke parasmiñcohayasmiṃ1
\nAdho’pi uddhaṃ tiriyañca vitthataṃ.

9. Sattuttamo anadhivaro vināyako
\nSatthā ahū devamanussapūjito
\nMahānubhāvo satapuññalakkhaṇo
\nDassesi accherakaṃ pāṭihīraṃ

10. So yācito devavarena cakkhumā
\nAtthaṃ samekkhitva tadā naruttamo
\nCaṅkamaṃ tattha 2 māpayi lokanāyako
\nSuniṭṭhitaṃ sabbaratanānimmitaṃ.

11. Iddhi ca ādesana nusāsanī
\nTipāṭihīre bhagavā vasī ahū
\nCaṅkamaṃ māpayi lokanāyako
\nSuniṭṭhitaṃ sabbaratananimmitaṃ.

12. Dasasahassī lokadhātuyā sinerupabbatuttame
\nThambhe’va dassesi paṭipāṭiyā caṅkame ratanāmaye

13. Dasasahassī atikkamma caṅkamaṃ māpayī jino
\nSabbasovaṇṇamayā3 passe caṅkame ratanāmaye

1. Parasmiñcobhaye - mavi, cūhaye - syā
\n2. Tattha iti - machasaṃ natthi
\n3. Sabbasoṇṇamayā - machasaṃ
\n 

[BJT Page 6] [\x   6/]

14. Tulāsaṅghāṭānuvaggā sovaṇṇaphalakatthatā
\nVedikā sabbasovaṇṇā1 dubhato passesu nimmitā

15. Maṇimuttā vālukākiṇṇā2nimmitā ratanāmayā
\nObhāseti disā sabbā sataraṃsī’va uggato.

16. Tasmiṃ caṅkamane dhīro dvattiṃsavaralakkhaṇo
\nVirocamāno sambuddho caṅkame caṅkamī jino.

17. Dibbaṃ mandāravaṃ pupphaṃ padumaṃ pāricchattakaṃ3
\nCaṅkamane okiranti sabbe devā samāgatā.

18. Passanti taṃ devasaṅghā dasasahassī pamoditā
\nNamassamānā nipatanti tuṭṭhahaṭṭhā pamoditā.

19. Tāvatiṃsā ca yāmā ca tusitā cā’pi devatā
\nNimmānaratino devā ye devā vasavattino
\nUdaggavittā sumanā passanti lokanāyakaṃ.

20. Sadevagandhabbamanussarakkhasā
\nNāgā supaṇṇā athavā’pi rakkhasā
\n[PTS Page 003] [\q   3/]
\nPassanti taṃ lokahitānukampakaṃ
\nNabhe’va accuggatacandamaṇḍalaṃ.

21. Ābhassarā subhakiṇṇā
\nVehapphalā akaniṭṭhā ca devatā
\nSusuddha sukkavatthavasanā4
\nTiṭṭhanti pañjalīkatā.

22. Muñcanti pupphaṃ pana 5 pañcavaṇṇikaṃ
\nMandāravaṃ candanavuṇṇamissitaṃ
\nBhamenti celāni ca ambare tadā
\nAho jino lokahitānukampako.

23. Tuvaṃ satthā ca ketu ca dhajo yūpo ca pāṇinaṃ
\nParāyano patiṭṭhā6 ca dīpo ca dipaduttamo7

1. Sabbā sovaṇṇa-sīmu 5. Supaphāni vā-pu
\n2. Vālikākiṇṇā-machasaṃ, maci 6. Patiṭṭho-sīmu 3. Pārichatatakaṃ-machasaṃ 7. Dvīpaduttamo-machasaṃ, sīmu
\n4. Susuddhasukkavasanā-pu
\n 

[BJT Page 8] [\x   8/]

24. Dasasahassīlokadhātuyā devatāyo mahiddhikā
\nParivāretvā namassanti tuṭṭhahaṭṭhā pamoditā.

25. Devatā devakaññā ca pasantā tuṭṭhamānasā
\nPañcavaṇṇikapupphehi pūjayanti narāsabhaṃ.

26. Passanti taṃ devasaṅghā pasannā tuṭṭhamānasā
\nPañcavaṇṇikapupphehi pūjayanti narāsabhaṃ.

27. Aho acchariyaṃ loke abbhutaṃ lomahaṃsanaṃ
\nNa medisaṃ bhūtapubbaṃ accheraṃ lomahaṃsanaṃ.

28. Sakaṃ sakaṃ hi1 bhavane nisīditvāna devatā
\nHasanti tā2 mahāhasitaṃ disvānaccherakaṃ nabhe.

29. Ākāsaṭṭhā ca bhūmaṭṭhā tiṇapanthanivāsino3
\nKatañjalī namassanti tuṭṭhahaṭṭhāpamoditā.

30. Ye’pi dīghāyukā nāgā puññavanto mahiddhikā
\nPamoditā namassanti pūjayanti naruttamaṃ.

31. Saṅgītiyo pavattenti ambare anilañjase
\nCammanaddhāni vādenti disvānaccherakaṃ nabhe.

32. Saṅkhā ca paṇavā ceva atho deṇḍimā4 bahū
\nAntalikkhasmiṃ vajjenti 5 disvānaccherakaṃ nabhe.

33. Abbhuto vata no ajja uppajji lomahaṃsano
\nDhuvaṃ atthasiddhiṃ 6 labhāma khaṇo no paṭipādito.

34. Buddho’ti tesaṃ sutvāna pīti uppajji tāvade
\nBuddho buddho’ti kathayantā tiṭṭhanti pañjalī katā.

35. Hiṃkāraṃ sādhukārañca 7 ukkuṭṭhiṃ sampasādanaṃ 8
\nPajā ca vividhā gagane vattenti 9 pañjalīkatā.

1. Sakasakamhi-machasaṃ sakaṃ sakamhi-sīmu. Mavi. 6. Dhuvamatthasiddhiṃ-machasaṃ
\n2. Hasanti-sīmu 7. Hiṅkārā, sādhūkārā ca-machasaṃ
\n3. Tiṇapiṭṭhanivāsano-sīmu 8. Ukkuṭṭhisampahaṃsanaṃ-machasaṃ
\n4. Ḍiṇaḍimā-machasaṃ 9. Ukkuṭṭhisampahaṃsanaṃ-machasaṃ
\n5. Vajjanti-machasaṃ
\n 

[BJT Page 10] [\x  10/]

36. Gāyanti selenti ca vādayanti ca
\nBhujāni poṭhenti1 ca naccayanti ca
\nMuñcanti pupphaṃ pana pañcavaṇṇikaṃ
\nMandāravaṃ candanacuṇṇamissitaṃ.
\n[PTS Page 004] [\q   4/]
\n37. Yathā tuyhaṃ mahāvīra pādesu cakkalakkhaṇaṃ
\nDhajavajirapatākā2 vaḍḍhamānaṅkusācitaṃ

38. Rūpe sīlasamādhimhi paññāya ca asādiso
\nVimuttiyā asamasamo dhammacakkappavattane

39. Dasanāgabalaṃ kāye tuyhaṃ pākatikaṃ balaṃ
\nIddhibalena asamo dhammacakkappavattane.

40. Evaṃ sabbaguṇopetaṃ sabbaṅgasamupāgataṃ
\nMahāmuniṃ kāruṇikaṃ lokanāthaṃ namassatha.

41. Abhivādanaṃ thomanañca vandanañca pasaṃsanaṃ
\nNamassanañca pūjañca sabbaṃ arahasī tuvaṃ.

42. Ye keci loke vandaneyyā
\nVandanaṃ arahanti ye
\nSabbaseṭṭho mahāvīra
\nSadiso te na vijjati.

43. Sāriputto mahāpañño samādhijjhānakovido
\nGijjhakūṭe ṭhitoyeva passati lokanāyakaṃ.

44. Suphullaṃ sālarājaṃ va 3 candaṃva gagane yathā
\nMajjhantike’va 4 suriyaṃ oloketi narāsabhaṃ

45. Jalantaṃ dīparukkhaṃ’va taruṇasuriyaṃ’va 5 uggataṃ.
\nByāmappabhānurañjitaṃ dhīraṃ passati nāyakaṃ.

46. Pañcannaṃ bhikkhusatānaṃ katakiccānatādinaṃ
\nKhīṇāsavānaṃ vimalānaṃ khaṇena sannipātayi.

1. Pothenti-machasaṃ 4. Majjhanahikeva-machasaṃ
\n2. Paṭākā-machasaṃ 5. Sūriyaṃ’va-machasaṃ
\n3. Suphullasālarājaṃva-mavi.
\n 

[BJT Page 12] [\x  12/]

47. Lokappasādanaṃ1 nāma pāṭibhīraṃ nidassayi
\nAmhe’pi tattha gamissāma 2 vandissāma mayaṃ jinaṃ.

48. Etha sabbe samāgantvā pucchissāma mayaṃ jinaṃ.
\nKaṅkhaṃ vinodayissāma passitvā lokanāyakaṃ.

49. Sādhūti te paṭissutvā nipakā saṃvutindiyā
\nPattacīvaramādāya taramānā upāgamuṃ3

50. Khīṇāsavehi vimalehi dantehi uttame dame
\nSāriputto mahāpañño iddhiyā upasaṅkami.

51. Tehi bhikkhūhi parivuto sāriputto mahāgaṇī.
\nJalanto devo gagane’va 4 iddhiyā upasaṅkamī.

52. Ukkāsitañca khipitaṃ5 ajjhupekkhitva 6 subbatā
\nSagāravā sappatissā sambuddhaṃ upasaṅkamuṃ.

53. Upasaṅkamitvā passanti sayambhuṃ lokanāyakaṃ
\nNabhe accuggataṃ dhīraṃ candaṃ’ca gagane yathā.

54. Jalantaṃ dīparukkhaṃ’va vijjuṃ’va7 gagane yathā
\nMajjhantike’va suriyaṃ passanti lokanāyakaṃ.

55. Pañcabhikkhusatā sabbe passanti lokanāyakaṃ
\nRahadamiva vippasannaṃ salilaṃ suphulla padumaṃ yathā8
\n[PTS Page 005] [\q   5/]
\n56. Añjaliṃ paggahetvāna tuṭṭhahaṭṭhā9 pamoditā
\nNamassamānā nipatanti satthuno cakkalakkhaṇe.

57. Sāriputto mahāpañño koraṇḍasamasādino
\nSamādhijjhānakusalo vandati10 lokanāyakaṃ.

1. Lokappasādakaṃ-pū 2. Gantvāna-machasaṃ 3. Mūpāgamuṃ-mavi. 4. Laḷanetā, devo’va gagane-machasaṃ 5. Khipitañca-syā 6 ajjhūpekkhiya-machasaṃ 7. Vijjūva-sīmu 8. Suphullaṃ padumaṃ yathā-machasaṃ, sīmu, pu. 9. Bhaṭṭhatuṭṭhā-mavi. 10. Vandate-machasaṃ.
\n 

[BJT Page 14] [\x  14/]

58. Gajjitā1 kālamegho’va nīluppalasamasādiso
\nIddhibalena 2 asamo moggallāno mahiddhiko.

59. Mahākassapo’pi ca thero uttattakanakasantibho
\nDhutaguṇe agganikkhitto thomito satthu vaṇṇito.

60. Dibbakkhūnaṃ yo aggo anuruddho mahāgaṇī
\nÑātiseṭṭho bhagavato avidūre’va tiṭṭhati.

61. Āpattianāpattiyā satekicchāya 3 kovido
\nVinaye agganikkhitto upāli satthu vaṇṇito.

62. Sukhumanipuṇatthapaṭividdho kathikānaṃ pavaro gaṇī
\nIsi mantāniyā putto puṇṇo nāmā’ti vissuto.

63. Etesaṃ cittamaññāya opammakusalo muni
\nKaṅkhacchedo mahāvīro kathesi attano guṇaṃ.

64. Cattāro te asaṅkheyyā koṭi yesaṃ na ñāyati
\nSattakāyo ca ākāso cakkavāḷā ca nantakā
\nBuddhañāṇaṃ appameyyaṃ na sakkā ete vijānituṃ.

65. Kiṃ etaṃ acchariyaṃ loke yaṃ me iddhivikubbanaṃ
\nAññe bahū acchariyā abbhutā lomahaṃsanā.

66. Yadā’haṃ tusite kāye santusito nāmahaṃ tadā
\nDasasahassī samāgamma yāvanti pañjalī mamaṃ.

67. Kālo’yaṃ te 4 mahāvīra uppajjamātukucchiyaṃ
\nSadevakaṃ tārayanto bujjhassu amataṃ padaṃ.

1. Gajjito-sīmu. 2. Iddhivisaye-mavi. 3. Satikicchāya-pu 4. Kālo kho te-machasaṃ, kālo deva-sīmu, kālo te-pu.
\n 

[BJT Page 16] [\x  16/]

68. Tusitā kāyā cavitvāna yadā okkamī1 kucchiyaṃ
\nDasasahassīlokadhātu kampittha dharaṇī tadā.

69. Yadā’haṃ mātukucchito sampajāno’va nikkhamiṃ
\nSādhukāraṃ pavattentī 2 dasasahassī pakampatha 3.

70. Okkanti 4 me samo natthi jātito abhinikkhame
\nSambodhiyaṃ ahaṃ seṭṭho dhammacakkappavattane.

71. Aho acchariyaṃ loke buddhānaṃ guṇamahantatā
\nDasasahassīlokadhātu chappakāraṃ pakampatha
\nObhāso ca mahā āsi accheraṃ lomahaṃsanaṃ.

72. Bhagavā ca tamhi samaye lonajeṭṭho narāsabho
\nSadevakaṃ dassayanto iddhiyā caṅkamī jino.

73. Caṅkame caṅkakamanto’va kathesi lokanāyako
\nAntarā na nivatteti catuhatthe caṅkame yathā5.
\n[PTS Page 006] [\q   6/]
\n74. Sāriputto mahāpañño samādhijjhānakovido
\nPaññāya pāramīppanno 6 pucchati lokanāyakaṃ.

75. Kīdiso te mahāvīra abhinīhāro narāsabha
\nKamhī kāle tayā dhira patthitā bodhimuttamā.

76. Dānaṃ sīlaṃ ca nekkhammaṃ paññāviriyaṃ ca kīdisaṃ
\nKhantisaccamadhiṭṭhānaṃ mettupekkhā ca kīdisā.

1. Okkami-sīmu. 2. Pavattenti-machasaṃ. 3. Pakamapittha-mavi. 4. Okkantiṃ-machasaṃ 5. Tadā-sīmu. 6. Pārappatto’pi, sīmu.
\n 

[BJT Page 18] [\x  18/]

77. Dasapāramī tayā dhīra kīdisā1 lokanāyaka
\nKathaṃ upapāramī puṇṇā paramatthapāramī kathaṃ.

78. Tassa puṭṭho viyākāsi 2 karavīkamadhuraṃ giro3
\nNibbāpayanto hadayaṃ hāsayanto sadevakaṃ.

79. Atītabuddhānaṃ jinānaṃ desitaṃ
\nNikīḷitaṃ4 buddhaparamparāgataṃ
\nPubbenivāsānugatāya buddhiyā
\nPakāsayī lokahitaṃ sadevake.

80. Pītipāmojjajananaṃ sokasallavinodanaṃ
\nSabbasampattipaṭilābhaṃ cittikatvā suṇotha 5 me

81. Madanimmadanaṃ sokanudaṃ saṃsāraparimocanaṃ6
\nSabbadukkhakkhayaṃ maggaṃ sakkaccaṃ paṭipajjathā’ti.

Ratanacaṅkamanakaṇḍo niṭṭhito.

1. Kīdisi-machasaṃ.
\n2. Vyākāyi-sīmu.
\n3. Karavikamadhuragiro-machasaṃ.
\n4. Nikīlitaṃ(machasaṃ).
\n5. Punātha-machasaṃ,
\n6. Saṃsāramochanaṃ-sīmu, saṃsārasamatikkamaṃ-pu.
\n 
\n