[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[PTS Page 597] [\q 597/]
\n[BJT Vol Ap 3 ] [\z Ap /] [\w IIb /]
\n[BJT Page 184] [\x 184/]

Suttantapiṭake khuddaka nikāye
\nApadānapāḷi
\nTatiyo bhāgo
\nTherī apadāna pāḷi

Namo tassa bhagavato arahato sammā sambuddhassa
\nKhattiyāvaggo

4 - 1 Yasavatipamukhabhikkhunīnaṃ apadānaṃ

1104. Bhavā sabbe parikkhiṇā bhavasandhi vimocitā
\nSabbāsavā ca no natthi ārocema mahāmune.

1105. Purimaṃ kusalaṃ kammaṃ yaṃ kiñci sādhu patthitaṃ
\nParibhogamayaṃ dinnaṃ tuyhatthāya mahāmune.

1106. Buddhapaccekabuddhānaṃ buddhānaṃ sāvakānana ca
\nParibhogamayaṃ dinnaṃ tuyahatthāya mahāmune.

1107. Uccanicamayaṃ kammaṃ bhikkhunaṃ sādhu patthitaṃ
\nUccākulaparikamamaṃ katametaṃ mahāmune.

1108. Teneva sukkamūlena coditā kammasampadā
\nMānusikamatikkantā jāyiṃsu khattiye kule.

1109. Uppatte ca kate kamme jātiyā cā’pi ekato
\nPaccime ekato jātā khattiyā kulasambhavā.

1110. Rūpavati bhogavati lābhasakkārapujitā
\nAntepure māvira devānaṃ viya nandane.

1111. Nibbinditvā agārambhā pabbajimha’nagāriyaṃ
\nKatipāhaṃ upādāya sababā pattā’mha nibbuti.

1112. Civaraṃ paṇḍapātaṃ ca paccayaṃ sayanāsanaṃ
\nUpanenti bahu ambe sadā sakkatapujitā.

1113. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1114. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1115. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ yasavatipamukhāni aṭṭhāsakhattiyakaññā bhikkhunīssāni bhagavato sammukhā imā gāthāyo abhāsitthāti.
\n- Yasavatipumukhaaṭṭhārasabhikkhunīsahasāpadānaṃ paṭhamaṃ. -
\n[PTS Page 598] [\q 598/]
\n[BJT Page 186] [\x 186/]
\n4 - 2 Brahmaṇakaññābhikkhunīnaṃ apadānaṃ
\n1116. Cullāsitisahassāni brahmaññakulasambhavā
\nSukhumālahatthapādā pure tuyhaṃ mahāmune

1117. Vessasuddakule jātā devā nāgā ca kintarā
\nCātuddipā bahu kaññā pure tuyahaṃ mahāmune

1118. Keci pabbajitā atthi saccadassāvino bahu
\nDevā ca kintarā nāgā khujjhissanti anāgate

1119. Anubhotvā yasaṃ sabbaṃ satvāna sabbasampadā
\nTvasi pasādaṃ paṭiladdhā bujjhissanti anāgate

1120. Ambhe brāhmaṇadhitā tu brahmaññakulasambhavā
\nPekkhato no mahāvīra pāde vandama cakkhuma

1121. Upahatā bhavā sabbe mulataṇhā samuhatā
\nSamucchinnā anusayā puññasaṅkhārā dālitā

1122. Samādhigocarā sabbā samāpattivasi tathā
\nJhānena dhammaratiyā viharissāma no sadā

1123. Bhavanetti avijjā ca saṅkhārā’pi ca khepitā
\nSududdasaṃ padaṃ gantuṃ anujānātha nāyaka

1124. Upakārā mamaṃ tumbhe digharattaṃ katāvino
\nBahuttaṃ saṃsayaṃ chetvā sabbā gacchantu1- nibbutiṃ.

1125. Vanditvā munino pāde katvā iddhivikubbaṇaṃ.
\nKāci dassenti ālokaṃ andhakāramathāparā.

1126. Dassenti candasuriye sāgaraṃ ca samacchakaṃ
\nSineruparibhaṇḍaṃ ca dassenti pārichattakaṃ.

1. Gacchata - [PTS]

[BJT Page 188] [\x 188/]
\n1127. Tāvatiṃsaṃ ca bhavanaṃ yāmaṃ dassenti iddhiyā
\nTusitaṃ nimmite deve vasavatti mahissare
\n1128. Buhmāno kāci dassenti caṅkamaṃ ca mahārahaṃ
\nBrahmavaṇṇaṃ ca māpetvā dhammaṃ desenti suññataṃ.

1129. Nānāvikubbaṇaṃ katvā iddhiṃ dasasiya patthuno
\nDassāyiṃsu khalaṃ sabbā pade vandiṃsu satthuno.
\n[PTS Page 599] [\q 599/]
\n1130. Iddhisu ca vasi homa dibbāya sotadhātuyā
\nCetopariyañāṇassa vasi homa mahāmune.

1131. Iddhisu ca vasi homa dibbāya sotadhātuyā
\nSabbāsavā parikkhiṇā nathidoni punabbhavo.

1132. Atthadhamamaniruttisu paṭibhāne tatheva ca
\nÑāṇaṃ ambhaṃ mahāvīra uppannaṃ tava santike.

1133. Pubbānaṃ lokanāthānaṃ saṅgamaṃ no nidassitaṃ
\nAdhikārā bahu ambhaṃ tuyhatthāya mahāmune

1134. Yaṃ ambhehi kataṃ kammaṃ kusalaṃ sarataṃ mune
\nTuyhatthāya mahāvīra puññā’nupacitāni no.

1135. Yaṃ ambhehi kataṃ kammaṃ kusalaṃ sarataṃ mune
\nPuraṃ haṃsavati nāma sambuddhassa kulāsayaṃ.

1136. Dvārena haṃsavatiyā gaṅgā sandati sababadā
\nUbbāḷha nadiyā bhikkhu gamanaṃ na labhantite

1137. Divasaṃ dve tayo ceva sattāhaṃ māsakaṃ tato
\nCatumāsampi sampuṇṇaṃ gamanaṃ na labhanti te

1138. Tadā ahu sattasāro jaṭilo nāma jaṭṭhiko
\nOruddhe bhikkhavo disvā setuṃ gaṅgāya kārayī

1139. Tadā satasahassehi setuṃ gaṅgāya kārayi
\nSaṅghassa orime tīre vihāraṃ ca akārayi

[BJT Page 190] [\x 190/]
\n1140. Itthiyo purisā ceva uccanicakulāni ca
\nTassa secuvihāre ca1- samabhāgaṃ akaṃsu te.

1141. Ambhe aññe ca manujā vippasanenna cetasā
\nTassa kammesu dāyādā nagare janapadesu ca.

1142. Itthi purisā kumārā ca bahu ceva kumārikā
\nSetuno ca vihārassa vālukā ākiriṃsu te.
\n[PTS Page 600] [\q 600/]
\n1143. Vithisammajjanaṃ katvā kadali puṇaṇaghaṭe dhaje2-
\nDhupaṃ cuṇaṇaṇaṃ ca3- mālaṃ ca kāraṃ katvāna satthuno.

1144. Setuvihāre kāretvā nimantetvā vināyakaṃ
\nMahādānaṃ daditvāna sambodhiṃ abhipatthayi.

1145. Padumuttaro mahāvīro tārako sabbapāṇinaṃ
\nAnumadeniyaṃ’kāsi jaṭilassa mahāmuni.

1146. "Satahasasse atikkante kappo hessati bhaddako
\nBhavābhave’nubhotvāna pupāṇissati bodhiyaṃ.

1147. Ye keci hatthaparikammaṃ katāvi naranāriyo
\nAnāgatasmiṃ addhāne sabbā hessanti sammukhā.

1148. Tena kammavipākena cetanāpaṇidhīhi ca
\nUpapannā devabhavanaṃ tuyhaṃ tā paricārikā.

1149. Dibbaṃ sukhaṃ asaṅkheyyaṃ mānusaṃ ca asaṅkhyayaṃ
\nAnubhonti ciraṃ kālaṃ saṃsarimbha bhavābhave.

1150. Satasahasse ito kappe sukataṃ kammasampadaṃ
\nSukhumāli manussesu atho devapure vare.

1151. Rūpabhogayase ceva atho kittiṃ ca sakkataṃ
\nLabhāma satataṃ sabbaṃ sukataṃ kammasampadaṃ.

1152. Pacchime bhave sampatte jātāmha brāhmaṇe kule
\nSudhumālahatthapādā sakyaputtanivesane.

1. Tesu setuvihāresu - simu 2. Suṇaṇakuṭadadhajā - [PTS] puṇaṇaghaṭā dhajā - machasaṃ 3. Dhumavuṇaṇañca - [PTS]

[BJT Page 192] [\x 192/]
\n1153. Sabbakālampi paṭhaviṃ na pasasāma’nalaṅkataṃ
\nVikkhallabhumimasuciṃ na passāma mahāmune. *
\n[PTS Page 601] [\q 601/]
\n1154. Agāraṃ vasante ambhe sakkāraṃ sabbakālikaṃ
\nUpanenati tadā sabbaṃ pubbakammabalena no.

1155. Agāraṃ pajahitvāna pabbajitvā’nagāriyaṃ
\nSaṃsārapathanittiṇaṇā vitarāgā bhavāmase.

1156. Civaraṃ piṇḍapātaṃ ca paccayaṃ sayanāsanaṃ
\nUpanetti sadā ambhe sahassāni tato tato.

1157. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1158. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1159. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ caturāsitibrāhmaṇakaññābhikkhunīssānisahassāni bhagavato sammukhā imā gāthāyo abhāsitthāti.
\n- Caturāsitibhikkhunīsahasāpadānaṃ dutiyaṃ. -

4 - 3 Uppaladāyikāpadānaṃ
\n1160. Nagare aruṇavatiyā aruṇo nāma khattiyo
\nTassa rañño ahaṃ bhariyā ekajjhaṃ cārayāmahaṃ.

1161. Rahogatā nisīditvā evaṃ cintesa’haṃ tadā
\nĀdāya gamaniyaṃ hi kusalaṃ natthi me kataṃ.

1162. Mahāsitāpa kaṭukaṃ ghorarūpaṃ sudāruṇaṃ
\nNirayaṃ nūna gacchāmi ettha me natthi saṃsayo.

1163. Evāhaṃ cintayitvāna pahaṃsatvona mānasaṃ
\nRājānaṃ upagantvāna idaṃ vacanamabraviṃ.

[BJT Page 194] [\x 194/]
\n1164. "Itthi nāma mayaṃ deva purisānugatā sadā
\nEkaṃ me samaṇaṃ dehi bhojayissāmi khattiya"

1165. Adāsi me tadā rājā samaṇaṃ bhāvitinduyaṃ
\nTassa pattaṃ gahetvāna paramantena purayiṃ.
\n[PTS Page 602] [\q 602/]
\n1166. Puretvā paramaṃ annaṃ sahassagghanakenahaṃ1-
\nMahācelena chādetvā adāsiṃ tuṭṭhamānasā.

1167. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

1168. Sahassaṃ devarājunaṃ2- mahesittamakārayiṃ.
\nSahassaṃ cakkavattinaṃ mahesittamakārayiṃ.

1169. Padesarajjaṃ vipulaṃ gaṇanāto asaṅkhiyaṃ
\nNānāvidhaṃ bahuṃ aññaṃ tassa kammaphalaṃ tato.

1170. Uppalasseva me vaṇeṇā abhirūpā sudassanā
\nItthi sabbaṅgasampannā abhijātā jutindharā.

1171. Pacchimbhave sampatte ajāyiṃ sākiye kule
\nNārisahassapāmokkhā suddhodanasutassahaṃ.

1172. Nibbanditvā agārehaṃ pabbajiṃ anagāriyaṃ
\nSattamiṃ rattimappatvā catusaccamapāpuṇiṃ

1173. Cīvaraṃ piṇḍapātaṃ ca paccayaṃ sayanāsanaṃ
\nParimetuṃ na sakkomi piṇḍapātassidaṃ phalaṃ

1174. Yaṃ mayhaṃ purimaṃ kammaṃ kusalaṃ sarase muti
\nTuyhatthāya mahāvīra pariccattaṃ bahuṃ mayā.

1175. Ekatiṃse ito kappe yaṃ dānamadadiṃ tadā
\nDuggatiṃ nābhijānāmi piṇḍapātassidaṃ phalaṃ.

1176. Dve gatiyo pajānāmi devattaṃ atha mānusaṃ
\nAññaṃ gatiṃ na jānāmi piṇḍapātassidaṃ phalaṃ

1177. Ucce kule pajāyāmi mahāsāle mahaddhane
\nAññe kule na jānāmi piṇḍapātassidaṃ phalaṃ

1. Sahagandhalepanaṃ - simu 2. Sahasayadevarājunaṃ - simu.

[BJT Page 196] [\x 196/]
\n1178. Bhavābhave saṃsaritvā sukkamūlena coditā
\nAmanāpaṃ na passāmi somanassakataṃ phalaṃ1-
\n[PTS Page 603] [\q 603/]
\n1179. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1180. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1181. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.

1182. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1183. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1184. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ uppaladāyikā bhikkhunī bhagavato sammukhā imā gāthāyo abhāsitthāti.
\n- Uppaladāyikātheriyāpadānaṃ tatiyaṃ. -

4-4 Sigālamātāpadānaṃ 1185. Padumuttaro nāma jino sabbadhammānapāragu
\nIto satasahassamhi kappe upapajji nāyako.

1186. Tadāhaṃ haṃsavatiyaṃ jātāmaccakule ahaṃ
\nNānāratanapajjote iddhe phīte maddhane.

1187. Pitunā saha gantvāna mahājanapurakkhatā
\nDhammaṃ buddhassa sutvāna pabbajiṃ anagāriyaṃ.

1188. Pabbajitvāna kāyena pāpakammaṃ vivajjayiṃ
\nVaciduccaritaṃ hitvā ājīvaṃ parisodhayiṃ.

1189. Buddhe pasannā dhamme ca saṅghe ca tibbagāravā
\nSaddhammasavane yuttā buddhadassanalālasā.

1190. Aggaṃ saddhādhimuttānaṃ assosiṃ bhikkhunīṃ tadā
\nTaṃ ṭhānaṃ patthayitvāna tisso sikkhā apūrayiṃ,
\nTato maṃ sugato āha karuṇānugatāsayo.

1. Somanassakatāphalaṃ - simu
\n[PTS Page 604] [\q 604/]
\n[BJT Page 198] [\x 198/]
\n1191. "Yassa saddhā tathāgate acalā suppatiṭṭhitā
\nSīlaṃ ca yassa kalyāṇaṃ ariyakantaṃ pasaṃsitaṃ.

1192. Saṅghe pasāde yassatthi ujubhūtaṃ ca dassanaṃ
\nAdaḷiddoti taṃ āhu amoghaṃ tassa jīvitaṃ

1193. Tasmā saddhaṃ ca sīlaṃ ca pasādaṃ dhammadassanaṃ
\nAnuyuñejatha medhāvi saraṃ buddhānasāsanaṃ"

1194. Taṃ sutvā’haṃ pamuditā apucchiṃ paṇidhiṃ mama
\nTadā anomo amito vyākarittha vināyako.

1195. Buddhe pasannā kalyāṇi lacchase taṃ supatthitaṃ
\nSatasahasse ito kappe okkākakulasambhavo
\nGotamo nāma nāmena satthā loke bhavissati.

1196. Tassa dhammesu dāyādā orasā dhammanimmitā
\nSigālakassa mātā ti hessati satthu sivikā.

1197. Taṃ sutvā muditā hutvā yāvajīvaṃ tadā jinaṃ
\nMettacittā paricariṃ paṭipattihi nāyakaṃ.

1198. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.
\n1199. Pacchime ca bhave’dāni giribbajapuruttame.
\nJātā seṭṭhikule phīte mahāratanasañcaye.

1200. Putto sigāleko nāma mamāsi vipatho rato
\nDiṭṭhigahanapakkhanto1- disāpujanatapparo

1201. Nānādisā namassantaṃ piṇḍāya nagaraṃ vajaṃ
\nTaṃ disvā ovadi buddho magge ṭhatvā vināyako.

1202. Tassa desayato dhammaṃ ninādo2- vimbhayo ahu
\nDevakoṭinaranārinaṃ dhammā’bhisamayo ahu.

1203. Tadāhaṃ3- parisaṃ gantvā sutvā sugatabhāsitaṃ
\nSotāpattiphalaṃ pattā pabbajiṃ anagāriyaṃ.

1. Diṭṭhigahaṇapakkhanto - simu 2. Panādo - simu 3. Tadā taṃ - [PTS]
\n[PTS Page 605] [\q 605/]
\n[BJT Page 200] [\x 200/]
\n1204. Na cireneva kālena buddhadassanalālasā
\nAnussatiṃ taṃ bhāvetvā arahattaṃ apāpuṇiṃ

1205. Dassanatthāya buddhassa sabbadāva vajāmahaṃ
\nAtittāyeva passāmi rūpaṃ nayananandanaṃ.

1206. Sabbapāramisambhutaṃ lakkhinilayanaṃ varaṃ
\nRūpaṃ sabbasubhākiṇaṇaṃ atittā viharāmahaṃ.

1207. Jino tasmiṃ guṇe tuṭṭho etadagge ṭhapesi maṃ
\n"Sigālakassa yā mātā aggā saddhādhimuttikā"

1208. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1209. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1210. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.

1211. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1212. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1213. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ sigālamātā bhikkhunī bhagavato sammukhā imā gāthāyo abhāsitthāti.
\n- Sigālamātātheriyāpadānaṃ catutthaṃ. -

4-5 Sukakāpadānaṃ
\n1214. Ekanavute ito kappe vipassī nāma nāyako
\nUppajji cārunayano1- sabbadhammavipassako

1215. Tadā’haṃ bandhumatiyaṃ jātā aññatare kule
\nDhammaṃ sutvāna munino pabbajiṃ anagāriyaṃ.

1216. Bahussutā dhammadharā paṭibhānavati tathā
\nVicittakathikā cāpi jinasāsanakārikā.

1. Cārudassayo - machasaṃ
\n[PTS Page 606] [\q 606/]
\n[BJT Page 202] [\x 202/]
\n1217. Tadā dhammakathaṃ katvā janatāya hitaṃ bahuṃ
\nTato cutā’haṃ tusitaṃ upapannā yasassiti.

1218. Ekatiṃse ito kappe sikhi viya sikhi jino
\nTapanto yasasā loke uppajji vadataṃ varo

1219. Tadāpi pabbajitvāna buddhasāsanakovidā
\nJotetvā jinavākyāni tatopi tidivaṃ.

1220. Ekatiṃse ito kappe vessabhu nāma nāyako
\nUppajjitvā mahāñāṇi tadāpi ca tathevahaṃ.

1221. Pabbajitvā dhammadharā jotayiṃ jinasāsanaṃ
\nGantvā marupuraṃ rammaṃ anubhosiṃ mahāsukhaṃ.

1222. Imamhi bhaddake kappe kakusandho jinuttamo
\nUppajji narasaddulo1- tadāpi ca tathevahaṃ.

1223. Pabbajitvā munimataṃ jotayitvā yathāyukaṃ
\nTato cutā’haṃ tidivaṃ agaṃ sahavanaṃ yathā.

1224. Imasmiṃ yeva kappamhi koṇāgamana nāyako.
\nUppajji lokasaraṇo sabbasattanamuttamo.

1225. Tadāpi pabbajitvāna sāsane tassa tādino
\nBahusasutā dhamamadharā jotayiṃ jinasāsanaṃ.

1226. Imasamiṃyeva kappamhi kassapo purisuttamo
\nUppajji lokanayano araṇo maraṇanatagu2-

1227. Tassāpi naravirassa pabbajitvāna sāsane
\nPariyāputasaddhammā paripucchāvisāradā.

1228. Susilā lajjiti ceva tisu sikkhāsu kovidā
\nBahuṃ dhammakathaṃ katvā yāvajīvaṃ hitāvahaṃ3-
\n[PTS Page 607] [\q 607/]
\n1229. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

1. Varasaddulo - [PTS] 2. Araṇo amataṃgate - simu 3. Mahāmune - simu

[BJT Page 204] [\x 204/]
\n1230. Pacchime ca bhave’dāni giribbajapuruttame
\nJātā seṭṭhikule phīte mahāratanasañcaye.

1231. Yadā bhikkhusahassena parito lokanāyako
\nUpāgami rājagahaṃ sahassakkhena vaṇaṇito

1232. "Danto dantehi saha purāṇajaṭilehi vippamutto
\nSiṅgitikkhasamaṇeṇā rajāgahaṃ pāvisi bhagavā"

1233. Disvā buddhānubhāvaṃ taṃ sutvā ca guṇasañcayaṃ
\nBuddhe cittaṃ pasādetvā pujayiṃ taṃ yathābalaṃ

1234. Aparena ca kālena dhammadinnāya santike
\nAgārā nikkhamitvāna sabbajiṃ anagāriyaṃ

1235. Kesesu chijjamānesu kilese jhāpayiṃ ahaṃ
\nUggahiṃ sāsanaṃ sabbaṃ pabbajitvā ’cirenahaṃ.

1236. Tato dhammamadesesiṃ mahājanasamāgame
\nDhamme desiyamānambhi dhammābhisamayo ahu.

1237. Nekapāṇasahassānaṃ taṃ viditvā’ticimbhito
\nAbhippasanno me yakkho hamitvāna giribbajaṃ.

1238. "Kiṃ me katā rājagahe manussā madhu pitāva acchare
\nYe sukkaṃ na upāsanti desentiṃ amataṃ padaṃ.

1239. Tañca appaṭivāniyaṃ asevanakamojavaṃ
\nPivanti maññe sappaññā valāhakamivaddhagu"

1240. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1241. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.
\n[PTS Page 608] [\q 608/]
\n1242. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.

1243. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1244. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1245. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ sukkā bhikkhunī bhagavato sammukhā imā gāthāyo abhāsitthāti.
\n- Sukkātheriyāpadānaṃ pañcamaṃ. -

[BJT Page 206] [\x 206/]
\n4-6 Rūpanandāpadānaṃ
\n1246. Ekanavute ito kappe vipassi nāma nāyako
\nUppajji cārunayano sabbadhammesu cakkhumā.

1247. Tadā’haṃ bandhumatiyaṃ iddhe phīte mahākule
\nJātā surūpā dayitā pujaniyā janassa ca.

1248. Upagantvā mahāvīraṃ vipassiṃ lokanāyakaṃ
\nDhammaṃ suṇitvā saraṇaṃ upesiṃ naranāyakaṃ

1249. Silesu saṃvutā hutvā nibbute ca naruttame
\nDhātuthupassa upari soṇaṇacchattaṃ apūjayiṃ.

1250. Mutatacāgā silavati yāvajīvaṃ tato cutā
\nJahitvā mānusaṃ dehaṃ tāvatiṃsupagatā ahaṃ.

1251. Tadā dasahi ṭhānehi adhibhotvāna sesake
\nRūpasaddehi gandhehi rasehi phusanehi ca.

1252. Āyunā’pi ca vaṇṇena sukhena yasasāpi ca
\nTathevādhipateyyena adhigayha virocahaṃ.

1253. Pacchime ca bhave’dāni jātāhaṃ kapilamhaye
\nṬhitā khemakasakkassa nandanāmā’tivissutā.

1254. Abhirūpaṃ upapadaṃ ahu me kattisuvakaṃ
\nYadā’haṃ yobbanappattā rūpalāvaññabhusitā
\n[PTS Page 609] [\q 609/]
\n1255. Tadā mamatthaṃ1- sakānaṃ vivādo sumahā ahu
\nPabbājesi tato mā sakyā vinassisuṃti2-

1256. Pabbajitvā tathāgataṃ3- rūpadessiṃ naruttamaṃ
\nSutvāna nopagacchāmi mama rūpena gabbitā.

1257. Ovādampi na gacchāmi buddhadassanabhirukā
\nTadā jino upāyena upanetvā sasantikaṃ

1258. Tisso’tthiyo nidassesi iddhiyā maggakovido
\nAccharārūpasadisaṃ taruṇiṃ jaritaṃ mataṃ

1. Idaṃ mamatthe - machasaṃ [PTS] 2. Vinassuṃ iti - machasaṃ, [PTS] 3. Tathā cāhaṃ- [PTS]

[BJT Page 208] [\x 208/]
\n1259. Tāyo disvā susaṃviggā cirantā se kalebare
\nAṭṭhāsiṃ bhavanibbintā tadā maṃ āha nāyako
\n1260. "Āturaṃ asuciṃ putiṃ passa nande samussayaṃ uggharantaṃ paggharantaṃ bālānaṃ abhinanditaṃ

1261. Asubhāya cintaṃ bhāvehi ekaggaṃ susamāhitaṃ
\nYathā idaṃ tathā etaṃ yathā etaṃ tathā idaṃ

1262. Evametaṃ avekkhanti rattindivamananditā
\nTato sakāya paññāya abhinibbijja vacchasi"

1263. Tassā me appamatatāya viharantyā’dha yoniso
\nYathābhūtaṃ ayaṃ kāyo diṭṭho santarabāhiro.

1264. Atha nibbinda’haṃ kāyo ajjhattaṃ ca virajja’haṃ
\nAppamattā visaṃyuttā upasannā’mbhi nibbutā.

1265. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1266. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1267. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.
\n[PTS Page 610] [\q 610/]
\n1268. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1269. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1270. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ rūpanandā bhikkhunī bhagavato sammukhā imā gāthāyo abhāsitthāti.
\n- Rūpanandātheriyāpadānaṃ chaṭṭhaṃ. -

4-7 Aḍḍhakāsi apadānaṃ
\n1271. Imamhi bhaddake kappe brahmabandhu mahāyaso
\nKassapo nāma nāmena uppajji vadataṃ varo

[BJT Page 210] [\x 210/]
\n1272. Tadāhaṃ pabbajitvāna tassa buddhassa sāsane
\nSaṃvutā pātimokkhasmiṃ indriyesu ca pañcasu.

1273. Mattaññuni ca asane yuttā jāgariyepi ca
\nVasanti yutayogā’haṃ bhikkhunīṃ vigatāsavaṃ.

1274. Akkosiṃ duṭṭhavittāhaṃ "gaṇike"ti ca bhaṇiṃ tadā
\nTena pāpena kammena nirayambhi apaccisaṃ.

1275. Teneva kammasesena ajāyiṃ gaṇikākule
\nBahusova parādhinā pacchimāya ca jātiyaṃ

1276. Kāsisu seṭṭhikulajā brahmacariyaphalenahaṃ
\nAccharā viya devesu ahosiṃ rūpasampadā

1277. Disvāna dassaniyaṃ maṃ giribbajapuruttame
\nGaṇikatte nivesesuṃ akkosanaphalena me.

1278. Sā’haṃ sutvāna saddhammaṃ buddhaseṭṭhassa desitaṃ
\nPubbavāsesampannā pabbajiṃ anagāriyaṃ

1279. Tatopasampadatthāya gacchanti jinasantikaṃ
\nMagge dhutte ṭhite sutvā labhiṃ dutopasampadaṃ.
\n[PTS Page 611] [\q 611/]
\n1280. Sabbaṃ kammaṃ parikkhiṇaṃ puññaṃ pāpaṃ tatheva ca
\nSabbasaṃsāramuttiṇṇā gaṇikattaṃ ca khepitaṃ.

1281. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1282. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1283. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.

1284. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1285. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1286. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ aḍḍhakāsi bhikkhunī bhagavato sammukhā imā gāthāyo abhāsitthāti.
\n- Aḍḍhakāsitheriyāpadānaṃ sattamaṃ. -

[BJT Page 212] [\x 212/]
\n4-8 Puṇṇāpadānaṃ
\n1287. Vipassito bhagavato sikhino vessabhussa ca
\nKakusandhassa munino koṇāgamanatādino

1288. Kassapassa ca buddhassa pabbajitvāna sāsane
\nBhikkhunī silasampannā nipakā saṃvutindriyā.

1289. Bahussutā dhammadharā dhammatthaparipucchikā
\nUggahetā ca dhammānaṃ sotā payirupāsikā

1290. Desenti janamajjhe’haṃ ahosiṃ jinasāsane
\nBāhusaccena tenā’haṃ pesalā atimaññisaṃ

1291. Pacchime ca bhave’dāni sāvatthiyaṃ puruttame.
\nAnāthapiṇḍino gehe jātā’haṃ kumbhadāsiyā.

1292. Gatā udakahārikaṃ sotthiyaṃ dijamaddasaṃ
\nSitaṭṭaṃ toyamajjhambhi taṃ disvā idamabraviṃ.
\n[PTS Page 612] [\q 612/]
\n1293. Udahāri ahaṃ site sadā udakamotariṃ
\nAyyānaṃ daṇḍabhayabhitā vācādosabhayaṭṭitā.

1294. Kassa brāhmaṇa tvaṃ hito sadā udakamotari
\nVedhamānahi gattehi sītaṃ vedayase bhusaṃ.

1295. Jānanti vata maṃ bhoti puṇṇike paripucchasi
\nKarontataṃ kusalaṃ kammaṃ rundhantaṃ katapāpakaṃ.

1296. Yo vuḍḍho daharo vāpi pāpakammaṃ pakubbati
\nDakāhisiñcanā bhoti pāpakammā pamuccati.

1297. Uttarantassa akkhāsiṃ dhammatthasaṃhitaṃ padaṃ
\nTaṃ ca ñatvā sa saṃviggo pabbajitvā’rahā ahu.

1298. Purenti ūnakasataṃ jātā dāsikule yato
\nTato puṇṇā’ti nāmaṃ me bhujissaṃ maṃ akaṃsu’te

1299. Seṭṭhiṃ tatonumodetvā pabbajiṃ anagāriyaṃ
\nNa cireneva kālena arahattaṃ apāpuṇiṃ.

[BJT Page 214] [\x 214/]
\n1300. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1301. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1302. Atthadhammaniruttisu paṭibhāne tatheva ca
\nÑāṇaṃ mama mahāvīra uppannaṃ tava santike.

1303. Bhāvanāya mahāpaññā sutena ca sutāvini
\nMānena nicakulajā na hi kammaṃ vinassati.

1304. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1305. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1306. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ puṇṇā bhikkhunī bhagavato sammukhā imā gāthāyo abhāsitthāti.
\n- Puṇṇātheriyāpadānaṃ aṭṭhamaṃ. -
\n[PTS Page 613] [\q 613/]
\n4-9 Ambapālī apadānaṃ
\n1307. Yo raṃsiphusitāvelo phusso nāma mahāmuni
\nTassā’haṃ bhagini āsiṃ ajāyiṃ khattiye kule

1308. Tassa dhammaṃ suṇitvā’haṃ vippasannena cetasā
\nMahādānaṃ daditvāna patthayiṃ rūpasampadaṃ

1309. Ekatiṃse ito kappe sikhi lokagganāyako
\nUppajji lokapajoto tilokasaraṇo jito

1310. Tadā’ruṇupare ramme brahmaññakulasambhavā
\nVimuttacittaṃ kupitā bhikkhunīṃ abhisāpayiṃ.

1311. "Cesikāva anācārā jinasāsanadusikā"
\nEvaṃ akkosaṭitvāna tena pāpena kammunā

1312. Dāruṇaṃ nirayaṃ gantvā mahādukkhasamapajitā
\nTato cutā manussesu upapannā tapassini.

1313. Dasajātisahassāni gaṇikattamakārayiṃ
\nTambhā pāpā na muccissaṃ bhutvā duṭṭhavisaṃ yathā.

[BJT Page 216] [\x 216/]
\n1314. Brahmacariyamasevissaṃ kassape jina sāsane
\nTena kammavipākena ajāyiṃ tidase pure.

1315. Pacchimabhave sampatte ahosiṃ opapatikā
\nAmbasākhantare jātā ambapāliti tena haṃ.

1316. Parivutā pāṇakoṭihi pabbajiṃ jinasāsane
\nPattāhaṃ acalaṃ ṭhānaṃ ṭhitā buddhassa orasā.

1317. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

1318. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1319. Atthadhammaniruttisu paṭibhāne tatheva ca
\nÑāṇaṃ me vimalaṃ suddhaṃ buddhaseṭṭhassa vāhasā
\n[PTS Page 614] [\q 614/]
\n1320. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1321. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1322. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ ambapāli bhikkhunī bhagavato sammukhā imā gāthāyo abhāsitthāti.
\n- Ambapālitheriyāpadānaṃ navamaṃ. -

4-10 Pesalāpadānaṃ
\n1323. Imamhi bhaddake kappe brahmabandhumahāyaso
\nKassapo nāma nāmena uppajji vadataṃ varo

1324. Sāvatthiyaṃ puravare upāsakakule ahaṃ
\nPasutā taṃ jinavaraṃ disvā sutvā ca desanaṃ

1325. Taṃ viraṃ saraṇaṃ gantvā silāni ca samādiyiṃ
\nKadāci so mahāvīro mahājanasamāgame.

1326. Antano abhisambodhiṃ pakāsesi narāsabho
\n"Ananussutesu dhammesu pubbe dukkhādikesu ca.

1327. Cakkhu ñāṇaṃ ca paññā ca vijjāloko ca āsi me"
\nTaṃ sutvā uggahetvāna paripucchiṃ ca bhikkhavo.

1328. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

1329. Pacchime ca bhave’dāni jātā seṭṭhimahākule
\nUpecca buddhaṃ saddhammaṃ sutvā saccupasaṃhitaṃ.

[BJT Page 218] [\x 218/]
\n1330. Pabbajitvā cireneva saccatthāni vicintayaṃ
\nKhepetvā āsave sabbe arahattaṃ apāpuṇiṃ.

1331. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmune.

1332. Pubbe nivāsaṃ jānāmi dibbacakkhu visodhitaṃ
\nSabbāsavā parikkhiṇā natthi’dāni punabbhavo.

1333. Atthadhammaniruttisu paṭibhāne tatheva ca
\nÑāṇaṃ me vimalaṃ suddhaṃ buddhaseṭṭhassa vāhasā

1334. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.
\n[PTS Page 615] [\q 615/]
\n1335. Svāgataṃ  vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1336. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ pesalā bhikkhunī imā gāthāyo abhāsitthāti.
\n- Pesalātheriyāpadānaṃ dasamaṃ. -

Khattiyāvaggo catuttho

Tatthuddānaṃ:
\nKhattiyā brāhmaṇi ceva tathā uppaladāyikā
\nSigālamātā sukkā ca abhirūpā aḍḍhakāsikā,

Suṇṇā ca ambapāli ca pesalāti ca tā dasa
\nGāthāyo dvisatānettha dvicattālisa cuttari.

Atha vagguddānaṃ:
\nSumedhā ekuposathā kuṇḍalakesi khattiyā
\nSahassaṃ tisatā gāthā sattatālisa piṇḍitā,
\nSaha uddānagāthāhi gaṇitāyo vibhāvihi
\nSahassaṃ tisatā gāthā sattapaññāsameva cā’ti.

Theriapadānaṃ samattaṃ.
\nSamattā apadānapāḷi.


\n