[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[PTS Page 560] [\q 560/]
\n[BJT Vol Ap 3 ] [\z Ap /] [\w IIb /]
\n[BJT Page 108] [\x 108/]

Suttantapiṭake khuddaka nikāye
\nApadānapāḷi
\nTatiyo bhāgo
\nTherī apadāna pāḷi

Namo tassa bhagavato arahato sammā sambuddhassa
\nKuṇḍalakesivaggo

21. Kuṇḍalakesāpadānaṃ.
\n639. Padamuttaro nāma jino sabbadhammānapāragu
\nIto satasahassamhi kappe uppajji nāyako.

640. Tadāhaṃ saṃsavatiyaṃ jātā seṭṭhikule ahuṃ.
\nNānāratanapajjote mahāsukhasamappite.
\n[PTS Page 561] [\q 561/]
\n641. Upetvā taṃ mahāvīraṃ assosiṃ dhammadesanaṃ
\nTato jātappasādā’haṃ upesiṃ saraṇaṃ jinaṃ.

642. Tadā mahākāruṇiko padumuttaranāmako
\nKhippabhiññānamaggatte ṭhapesi bhikkhunīṃ subhaṃ.

643. Taṃ sutvā muditā hutvā dānaṃ datvā mahesino
\nNipajja sirasā pāde taṃ ṭhānaṃ abhipatthayiṃ.

644. Anumodi mahāvīro bhadde yaṃ te’bhipatthitaṃ
\nSamijjhissati taṃ sabbaṃ sukhini bhogi nibbutā.

645. Satasahasse ito kappe okkākakulasambhavo
\nGotamo nāma gottena1- satthā loke bhavissati.

646. Tassa dhammesu dāyādā orasā dhammanimmitā
\nBhadadā kuṇḍakesāti hessasi satthusāvikā

647. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

648. Tato cutā yāmamagā tato’haṃ tusitaṃ gatā
\nTato ca nimamāṇaratiṃ vasavattipuraṃ tato.

649. Yattha yatthupapajjāmi tassa kammassa vābhasā
\nTattha tattheva rājunaṃ mahesittamakārayiṃ.

1. Nāmena - simu

[BJT Page 110] [\x 110/]
\n650. Tato cutā manussesu rājunaṃ vasavattinaṃ
\nMaṇḍapinañca rājunaṃ mahesittamakārayiṃ.

651. Sampattiṃ anubotvāna devesu mānusesu ca
\nSabbattha sukhinā hutvā nekakappesu saṃsariṃ.

652. Imasmiṃ bhaddake kappe brahmabandhu mahāyaso
\nKassapo nāma gottena1- uppajji vadataṃ varo.
\n653. Upaṭṭhāko mahesissa tadā āsi narissaro
\nKāsirājā kiki nāma bārāṇasi puruttame.

654. Tassā’dhitā catutthā’siṃ bhikkhudāsiti vissutā
\nDhammaṃ sutvā jinaggassa pabbajjaṃ samarocayiṃ.

655. Anujāni na no tāto agāreva tadā mayaṃ
\nVisaṃ vassasahassāni vicarimha atanditā

656. Komāribrahmacariyaṃ rājakaññā sukhedhitā
\nBuddhupaṭṭhāna niratā muditā satta dhitaro.

657. Samaṇi samaṇaguttā ca bhikkhunī bhikkhudāsikā
\nDhammā ceva sudhammā ca sattami saṅghadāsikā.
\n[PTS Page 562] [\q 562/]
\n658. Khemā uplavaṇṇā ca paṭācārā ahaṃ tathā
\nKisāgotami dhammadinnā visākhā hoti sattami.

659. Tehi kammehi sukatehi cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

660. Pacchime ca bhavedāni giribbajapuruttame
\nJātā seṭṭhikule phīte yadā’haṃ yobbane phitā

661. Coraṃ vadhatthaṃ niyantaṃ disvā rattā tahiṃ ahaṃ
\nPitā me taṃ sahasseta mocayitvā vadhā tato

662. Adāsi tassa maṃ tāto viditvāna manaṃ mama
\nTassāhamāsiṃ vissatthā2- ativa dayitā hitā.

663. So me bhusanalobhena khalitajjhāsayo3- diso
\nCorappapātaṃ netvāna pabbataṃ cetayī vadhaṃ.

1. Nāmena - simu 2. Visasaṭṭhā - machasaṃ 3. Khalimajjhāsayo - machasaṃkhaliṃ paccārahaṃ - syā mālapacchāhataṃ - [PTS]

[BJT Page 112. [\x 112/]     ]
\n664. Tadā’haṃ paṇamitvāna bhattukaṃ sukatañjali
\nRakkhanti attano pāṇaṃ idaṃ vacanamabraviṃ:

665. "Idaṃ suvaṇṇaṃ keyuraṃ muttā veḷuriyā bahu
\nSabbaṃ harassu bhaddante mañca dāsiti sāvaya"

666. Oropayassu kalyāṇi mā bāḷhaṃ paridevasi
\nNa cā’haṃ abhijānāmi ahanatvā dhanamābhataṃ"

667. Yato sarāmi attānaṃ yato pattasmi viññataṃ
\nNa cā’haṃ abhijānāmi aññaṃ piyataraṃ tayā.

668. Ehi taṃ upaguhissaṃ kassañca1- taṃ padakkhiṇaṃ.
\nNa vadāni puno atthi2- mama tuyhañca saṅgamo

669. Na hi3- sabbesu ṭhānesu puriso hoti paṇḍito
\nItthipi paṇḍitā hoti tattha tattha vivakkhaṇā.

670. Na hi3- sabbesu ṭhānesu puriso hoti paṇḍito
\nItthipi paṇḍitā hoti lahuṃ atthavicintakā4-
\n[PTS Page 563] [\q 563/]
\n671. Lahuñca vata khippañca nikiṭṭhe5samacetayiṃ
\nMigamuṇaṇā6- yathā evaṃ7- tadā’haṃ sattukaṃ vadhiṃ.

672. Yo ca uppatitaṃ atthaṃ na khippamanukhujjhati
\nSo bhaññate mandamati corova girigabbhare.

673. Yo ca uppatitaṃ atthaṃ khippameva nibodhati
\nMuccate sattusambadhā tadā’haṃ sattukā yathā.

674. Tadā taṃ pātayitvāna giriduggamhi sattukaṃ
\nSattikaṃ setavatthānaṃ upetvā pabbajiṃ ahaṃ.

675. Saṇḍāsena ca kese me luñcitvā sabbaso tadā
\nPabbājetvā sasamayaṃ ācikkhiṃsu nirantaraṃ.

1. Katvāna - sīmu, machasaṃ 2. Taṃ vadāmi puna natthi - syā 3. So - mano 4. Muhutatamapi cintaye - mano 5. Nikaṭṭhe - si , [PTS] nekatthe - simu 6. Migaṃ uṇaṇā - machasaṃ 7. Citatapuṇaṇāyatāneva - syā migaṃ puṇaṇāya teneva - [PTS]

[BJT Page 114] [\x 114/]
\n676. Tato taṃ uggahetvāna nisīditvāna ekikā
\nSamayaṃ taṃ vicintesiṃ suvāno mānusaṃ karaṃ.

677. Chinnaṃ gayha samipe me pātayitvā apakkami
\nDisvā nimittamalabhiṃ hatthaṃ taṃ puḷavākulaṃ.

678. Tato vuṭṭhāya saṃviggā apucchiṃ sahadhammike
\nTe avocuṃ: ’vijānanti tamatthaṃ1- sakyabhikkhavo’

679. Sāhaṃ tamatthaṃ pucchissaṃ upetvā buddhasāvake
\nTe mamādāya gacchiṃsu buddhaseṭṭhassa santikaṃ.

680. So me dhammamadesesi khandāyatanadhātuyo
\nAsubhāniccā dukkhāti2- anattā’ti ca nāyako.

681. Tassa dhammaṃ suṇitvā’haṃ dhammacakkhuṃ3- visodhayiṃ
\nTato viññātasaddhammā pabbajjaṃ upasampadaṃ.

682. Āyāciṃ so4- tadā āha ’ehi bhadde’ti nāyako
\nTadā’haṃ upasampanannā parittaṃ5- toyamaddasaṃ.
\n[PTS Page 564] [\q 564/]
\n683. Pādapakkhālanenā’haṃ ñatvā saudayaṃ vayaṃ6-
\nTathā sabbepi saṅkhārā iti saṃvintayiṃ7- tadā

684. Tato cittaṃ vimucci me anupādāya sabbaso
\nKhippābhiññānamaggaṃ maṃ tadā paññāpayi8- jino.

685. Iddhisu ca vasi homi dibbāya sotadhātuyā
\nKhepetvā jānāmi santhusāsanakārikā.

686. Pubbanivāsaṃ jānāmi dibbacakkhuvisodhitaṃ
\nKhepetvā āsave sabbe visuddhā’siṃ sunimmalā.

687. Pariciṇeṇā mayā satthā kataṃ buddhassa sāsanaṃ.
\nOhito garuko bhāro bhavanettisamuhatā

1. Taṃ atthaṃ - machasaṃ 2. Asubhāniccadukkhāti - machasaṃ 3. Dhammacakkhu - machasaṃ 4. Āyācito - machasaṃ 5. Gacchanti - si 6. Saudayabbayaṃ - machasaṃ 7. Saṅkhāre īdisaṃ cintayiṃ - machasaṃ 8. Tadā ca ṭhapayi - si

[BJT Page 116] [\x 116/]
\n688. Yassa’tthāya pabbajitā agārasamānagāriyaṃ
\nSo me attho anupapatto sabbasaṃyojanakkhayo.

689. Athedhammaniruttisu paṭibhāṇe tatheva ca
\nÑāṇaṃ me vipulaṃ suddhaṃ buddhaseṭṭhassa sāsane. 1-

690. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

691. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n692. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ bhaddā kuṇḍalakesā bhikkhunī imā gāthāyo abhāsitthāti.
\n- Kuṇḍalakesātheriyāpadānaṃ paṭhamaṃ. -

22. Kisāgotami apādānaṃ.
\n693. Padumuttaro nāma jino sabbadhammānapāragu
\nIto satasahassamhi kappe uppajji nāyako.

694. Tadā’haṃ haṃsavatiyaṃ jātā aññatare kule
\nUpetvā taṃ naravaraṃ saraṇaṃ samupāgamiṃ.

695. Dhammañca tassa assosiṃ vatusaccupasaṃhitaṃ
\nMadhuraṃ paramassādaṃ vaṭṭasanti40 sukhāvahaṃ.

696. Tadā ca5- bhikkhunīṃ viro lukacivaradhāriniṃ
\nṬhapento etaggamhi vaṇaṇayi purisuttamo.
\n[PTS Page 565] [\q 565/]
\n697. Janetvānappakaṃ pitiṃ sutvā bhikkhuṇiyā guṇaṃ
\nKāraṃ katvāna buddhassa yathāsatti yathābalaṃ.

698. Nipacca municiraṃ taṃ taṃ ṭhānamabhipatthayiṃ
\nTādānumodi sambuddho ṭhānalābhāya nāyako.

1. Vāhasā- [PTS] 2. Mama buddhassa sāsane - machasaṃ 3. Catasso - machasaṃ 4. Citatasanati - syā 5. Kacāci - [PTS]

[BJT Page 118] [\x 118/]
\n699. Satasahasse ito kappe okkākakulasambhavo
\nGotamo nāma gottena satthā loke bhavissati.

700. "Tassa dhammesu dāyādā orasā dhammanimmitā
\nGotami nāma nāmena1- hessasi satthu sāvikā"

701. Taṃ sutvā muditā hutvā yāvajīvaṃ tadā jinaṃ
\nMennacittā paricariṃ paccayehi vināyakaṃ.

702. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

703. Imasmiṃ bhaddake kappe brahmabandhu mahāyaso
\nKassapo nāma gottena uppajji vadataṃ varo.
\n704. Upaṭṭhāko mahesissa tadā āsi narissaro
\nKāsirājā kiki nāma bārāṇasi puruttame.

705. Pañcami tassa dhītā’siṃ dhammā nāmena vissutā
\nDhammaṃ sutvā jinaggassa pabbajjaṃ samarocayiṃ.

706. Anujāni na no tāto agāreva tadā mayaṃ
\nVisaṃ vassasahassāni vicarimha atanditā

707. Komāribrahmacariyaṃ rājakaññā sukhedhitā
\nBuddhupaṭṭhāna niratā muditā satta dhitaro.

708. Samaṇi samaṇaguttā ca bhikkhunī bhikkhudāsikā
\nDhammā ceva sudhammā ca sattami saṅghadāsikā.

709. Khemā uplavaṇṇā ca paṭācārā ca kuṇḍalā
\nAhaṃ ceva dhammadinnā visākhā hoti sattami.

710. Tehi kammehi sukatehi cetanāpaṇidhīhi ca
\nJahitvā mānusaṃ dehaṃ tāvatiṃsaṃgacchahaṃ.

711. Pacchime ca bhavedāni jātā seṭṭhikule ahaṃ,
\nDuggate adhane naṭṭhe2- gatā ca sadhanaṃ kulaṃ

712. Patiṃ ṭhapetvā sesā disanti3- adhanā iti
\nYadā ca sasutā4- āsiṃ sabbesaṃ dayitā tadā.

1. Kisāgotami nāmena - machasaṃ 2. Nica - syā nidedha - [PTS] 3. Desasanati - machasaṃ 4. Pasutā - machasaṃ
\n[PTS Page 566] [\q 566/]
\n[BJT Page 120] [\x 120/]
\n713. Yadā so taruṇo bhado1komalaṅgo2- sukhedhito
\nSapāṇamiva kanto me tadā yamacasaṃ gato.

714. Sokaṭṭā dinavadanā assunettā rudammukhā
\nMataṃ kuṇapamādāya vilapanti bhamāmahaṃ.

715. Tadā ekena sandiṭṭhā upetvā bhisajuttamaṃ3-
\nAvocaṃ "dehi bhesajjaṃ puttasañajivananti bho"

716. "Na vijjante matā yasamiṃ gehe siddhathekaṃ tato
\nĀharā"ti jino āha vinayopāyakovido.

717. Tadā gamitvāna sāvatthiyaṃ na labhiṃ tādisaṃ gharaṃ
\nKuto siddhatthakaṃ kasmā tato laddhā satiṃ ahaṃ.

718. Kuṇapaṃ chaḍḍhayitvāna upesiṃ lokanāyakaṃ
\nDuratova mamaṃ disvā avoca madhurassaro.

719. "Yoca vassasataṃ jive apassaṃ udayabbayaṃ
\nEkāhaṃ jīvitaṃ seyyo passato udayabbayaṃ.

720. Na gāmadhammo no nigamassa dhammo
\nNacāpayaṃ ekakulassa dhammo
\nSabbassa lokassa sadevakassa
\nEsova dhammo yadidaṃ aniccatā"

721. Sāhaṃ sutvānimā gāthā dhammacakkhuṃ visodhayiṃ.
\nTato viññātasaddhammā pabbajiṃ anagāriyaṃ.

722. Tathā pabbajitā santi yuñajanti jinasāsane
\nNa cireneva kālena arahattamapāpuṇiṃ

723. Iddhisu ca vasi homi dibbāya sotadhātuyā
\nParacittāni jānāmi satthusāsanakārikā.

724. Pubbenivāsaṃ jānāmi dibbacakkhuṃ visodhitaṃ
\nKhepetvā āsave sabbe visuddhāsiṃ sunimmalā.

1. Putto - simu 2. Komalako - machasaṃ komārako - syā 3. Bhisakakunatamaṃ - machasaṃ bhisagutatamaṃ - simu

[BJT Page 122] [\x 122/]
\n725. Pariciṇeṇā mayā satthā kataṃ buddhassa sāsanaṃ.
\nOhito garuko bhāro bhavanettisamuhatā
\n[PTS Page 567] [\q 567/]
\n726. Yassa’tthāya pabbajitā agārasamānagāriyaṃ
\nSo me attho anupapatto sabbasaṃyojanakkhayo.

727. Athedhammaniruttisu paṭibhāṇe tatheva ca
\nÑāṇaṃ me vimalaṃ suddhaṃ buddhaseṭṭhassa vāhasā

728. Saṅkārakuṭā āhatvā susānā rathiyāpi ca
\nTato saṅghāṭikaṃ katvā lukhaṃ dharemi civaraṃ.

729. Jino tasmiṃ guṇe tuṭṭho lukhavicaradhāraṇe
\nṬhapesi etadaggamhi parisāsu vināyako.

730. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

731. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n732. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ bhaddā kisāgotami bhikkhunī imā gāthāyo abhāsitthāti.
\n- Kisāgotamitheriyāpadānaṃ dutiyaṃ. -

23. Dhammadinnāpādānaṃ.
\n733. Padumuttaro nāma jino sabbadhammānapāragu
\nIto satasahassamhi kappe uppajji nāyako.

734. Tadā’haṃ haṃsavatiyaṃ kule aññatare ahuṃ
\nParakammakari āsiṃ nipakā silasaṃvutā

735. Padumuttara buddhassa sujāto aggasāvako
\nVihārā abhinikkhamma piṇḍapātāya gacchati.

736. Ghaṭaṃ gahetvā gacchanti tadā udakahārikā
\nTaṃ disvā adadiṃ1- puvaṃ2- pasannā sehi pāṇihi

1. Adadaṃ - machasaṃ 2. Supaṃ - [PTS]

[BJT Page 124] [\x 124/]
\n737. Paṭiggahetvā tattheva nisinno paribhuñaji so
\nTato netvāna taṃ gehaṃ adāsiṃ tassa bhojanaṃ.

738. Tato me ayyako tuṭṭho akari suṇisaṃ sakaṃ
\nSassuyā saha gantvāna sambuddhaṃ abhivādayiṃ.

739. Tadā so dhammakathikaṃ bhikkhunīṃ parikittayaṃ
\nṬhapesi etadaggasmiṃ taṃ sutvā muditā ahaṃ.
\n[PTS Page 568] [\q 568/]
\n740. Nimantayitvā sugataṃ sasaṅghaṃ lokanāyakaṃ
\nMahādānaṃ daditvāna taṃ ṭhānaṃ abhipatthayiṃ.

741. Tato maṃ sugato āha ghananinnādasussaro
\n"Mamupaṭṭhānanirate sasaṅghaṃ parivesike.

742. Saddhammasamaṇe yutte guṇavaḍḍhitamānase
\nBhadde bhavassu muditā lacchase paṇiḍhiphalaṃ.

743. Satasahasse ito kappe okkākakulasambhavo
\nGotamo nāma gottena satthā loke bhavissati.

744. Tassa dhammesu dāyādā orasā dhammanimmitā
\nDhammadinnāti nāmena hessasi satthu sāvikā"

745. Taṃ sutvā muditā hutvā yāvajīvaṃ mahāmuniṃ
\nMennacittā paricariṃ paccayehi vināyakaṃ.

746. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

747. Imasmiṃ bhaddake kappe brahmabandhu mahāyaso
\nKassapo nāma gottena uppajji vadataṃ varo.
\n748. Upaṭṭhāko mahesissa tadā āsi narissaro
\nKāsirājā kiki nāma bārāṇasi puruttame.

749. Chaṭṭhā tassāsahaṃ ṭhitā sudhammā iti vissutā
\nDhammaṃ sutvā jinaggagassa pabbajjaṃ samarocayiṃ.

[BJT Page 126] [\x 126/]
\n750. Nānujānāsi1- maṃ tāto agāre’nālayā2- mayaṃ
\nVisaṃ vassasahassāni vicarimbha atanditā.
\n- Bhāṇavāraṃ tatiyaṃ -

751. Komāribrahmacariyaṃ rājakaññā sukhedhitā
\nBuddhupaṭṭhāna niratā muditā satta dhitaro.

752. Samaṇi samaṇaguttā ca bhikkhunī bhikkhudāsikā
\nDhammā ceva sudhammā ca sattami saṅghadāsikā.

753. Khemā uplavaṇṇā ca paṭācārā ca kuṇḍalā
\nGotami ca ahaṃ ceva visākhā hoti sattami.

754. Tehi kammehi sukatehi cetanāpaṇidhīhi ca
\nJahitvā mānusaṃ dehaṃ tāvatiṃsaṃgacchahaṃ.
\n[PTS Page 569] [\q 569/]
\n755. Pacchime ca bhavedāni giribbajapuruttame,
\nJātā seṭṭhikule phīte sabbakāmasamiddhake3-

756. Yadā rūpaguṇopetā paṭhame yobbate ṭhitā
\nTadā parakulaṃ gantvā vasiṃ sukhasamappitā

757. Upetvā lokasaraṇaṃ suṇitvā dhammadesanaṃ
\nAnāgāmiphalaṃ patto sāmiko me sukhuddhimā

758. Tadā taṃ anujānetvā pabbajiṃ anagāriyaṃ
\nNa cireneva kālena arahattamapāpuṇiṃ.

759. Tadā upāsako so maṃ upagantvā apucchatha
\nGambhire nipuṇe paññe te sabbe vyākariṃ ahaṃ

760. Jino tasmiṃ guṇe tuṭṭho etadagge ṭhapesi maṃ
\nBhikkhunīṃ dhamammakathikaṃ nāññaṃ passāmi edisaṃ.

761. Dhammadinnā yathā dhīrā evaṃ dhāretha bhikkhavo
\nEvāhaṃ paṇḍatā jātā nāyakenānukampitā.

762. Pariciṇeṇā mayā satthā kataṃ buddhassa sāsanaṃ.
\nOhito garuko bhāro bhavanettisamuhatā

763. Yassa’tthāya pabbajitā agārasamānagāriyaṃ
\nSo me attho anupapatto sabbasaṃyojanakkhayo.

1. Anujāni no - machasaṃ 2. Samidadhine - machasaṃ 3. Sabbakāmisamiddhane

[BJT Page 128] [\x 128/]
\n764. Iddhisu ca vasi homi dibbāya sotadhātuyā
\nParacittāni jānāmi satthu sāsanakārikā

765. Pubbanivāsaṃ jānāmi dibbacakkhu visodhitaṃ
\nKhepetvā āsave sabbe visuddhāmhi sunimmalā.

766. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

767. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n768. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ dhammadinnā bhikkhunī imā gāthāyo abhāsitthāti.
\n- Dhammadinnātheriyāpadānaṃ tatiyaṃ. -

24. Sakulāpadānaṃ.
\n769. Padumuttaro nāma jino sabbadhammānapāragu
\nIto satasahassamhi kappe uppajji nāyako
\n770. Hitāya sabbasattānaṃ sukhāya vadataṃ varo
\nAtthāya purisājañño paṭipanno sadevake.
\n[PTS Page 570] [\q 570/]
\n771. Yasaggappatto simā vaṇṇakittibhattā1jino
\nPujito sabbalokassa disā sabbāsu vissuto.

772. Uttiṇṇavicikiccho so vitivattakathaṃkatho
\nSampuṇaṇamanasaṅkappo patto sambodhimuttamaṃ.

773. Anuppantassa maggassa uppādetā naruttamo.
\nAnakkhātañca akkhāsi asasañajātañca sañajati

774. Maggañcu ca maggavidu maggakkhāyi nanarāsabho
\nMaggassa kusalo satthā sārathinaṃ varuttamo.

775. Mahākaruṇiko satthā2- dhammaṃ desesi nāyako
\nNimugge kāmapaṅkambhi samuddharati pāṇino.

1. Kittivaṇaṇagato - machasaṃ 2. Tadā mahākāruṇiko - simu

[BJT Page 130] [\x 130/]
\n776. Tadā’haṃ haṃsavatiyaṃ jātā khattinandanā
\nSurūpā sadhanā cāsiṃ dayitā ca sirimati.

777. Ānandassa mahārañño dhītā paramasobhanā
\nVemātu1-bhagini cāpi padumuttaranāmino.

778. Rājakaññāhi sahitā sabbabharaṇabhusitā
\nUpagamma2- mahāvīraṃ assosiṃ dhammadesanaṃ.

779. Tadā hi so lokagaru bhikkhunīṃ dibbacakkhukaṃ
\nKittayaṃ parisāmajjhe3- aggaṭṭhāne ṭhapesi taṃ.

780. Suṇitvā tamahaṃ haṭṭhā dānaṃ datvāna santhuno
\nPujetvāna4- ca sambuddhaṃ dibbacakkhuṃ apatthayiṃ.

781. Tato5- avoca maṃ satthā "nande lacchasi patthitaṃ
\nPadipadhammadānānaṃ phalametaṃ sunicchitaṃ.

782. Satasahasse ito kappe okkākakulasambhavo
\nGotamo nāma gottena satthā loke bhavissati.

783. Tassa dhammesu dāyādā orasā dhammanimmitā
\nSakulā nāma6- hessasi satthusāvikā"
\n[PTS Page 571] [\q 571/]
\n784. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

785. Imamhi bhaddake kappe brahmabandhu mahāyaso
\nKassapo nāma gottena uppajji vadataṃ varo.
\n786. Paribbājakini āsiṃ tadā’haṃ ekacārini
\nBhikkhāya vicaritvāna alabhiṃ telamattakaṃ.

787. Tena dīpaṃ padipetvā upaṭṭhiṃ sabbasaṃvariṃ
\nCetiyaṃ dipadaggassa7- vippasannena cetasā

787. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

1. Vemātā - machasaṃ 2. Upāgamma - machasaṃ 3. Catuparisāya majjhe - syā
\n4. Pujitvāna - machasaṃ 5. Tadā - simu 6. Sakulāti ca - syā 7. Davipadagagasasa - machasaṃ

[BJT Page 132] [\x 132/]
\n789. Yattha yatthupapajjāmi tassa kammassa vāhasā
\nPajjalanti1- mahādipā tattha tattha gatāya me.

790. Tirokuḍḍaṃ tiroselaṃ samatiggayha pabbataṃ
\nPassāma’haṃ2- yadiccāmi dipadānassidaṃ phalaṃ

791. Visuddhanayanā homi yasasā ca jalāma’haṃ
\nSaddhāpaññāvati ceva dipadānassidaṃ phalaṃ

792. Paccime ca havedāni jātā vippakule ahaṃ
\nPahutadhanadhaññamhi mudite rājapujite.

793. Ahuṃ3- sabbaṅgasampannā sabbābharaṇabhusitā
\nPurappavese sugataṃ vātapāne ṭhitā ahaṃ.

794. Disvā jalantaṃ yasasā devamānusa4- sakkataṃ
\nAnubyañajana5- sampannaṃ lakkhaṇehi vibhusitaṃ.

795. Udaggacittā sumanā pabbajjaṃ samarocayiṃ
\nNa cireneva kālena arahattamapāpuṇiṃ

796. Iddhisu ca vasi homi dibbāya sotadhātuyā
\nParacittāni jānāmi satthusāsanakārikā.

797. Pubbenivāsaṃ jānāmi dibbacakkhu visodhitaṃ
\nKhepetvā āsave sabbe visuddhāsiṃ sunimmalā.

798. Pariciṇṇo mahā satthā kataṃ buddhassa sāsanaṃ
\nOhito garukobhāro bhavanetti samuhatā.
\n[PTS Page 572] [\q 572/]
\n799. Yassatthāya pabbajitā agārasmānagāriyaṃ
\nSo me attho anuppatto tibbasaṃyojanakkhayo.

800. Tato mahākāruṇino etadagge ṭhapesi maṃ
\n"Dibbacakkhukinaṃ aggā sakulā"ti naruttamo.

801. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

802. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n803. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ sakulā bhikkhunī imā gāthāyo abhāsitthāti.
\n- Sakulātheriyāpadānaṃ catutthaṃ. -

1. Saṃjalanti - syā saṃvaranti - [PTS] 2. Pasāyāmihaṃ - simu 3. Ahaṃ - machasaṃ 4. Devamanusasa - machasaṃ 5. Anuvyañajana - simu

[BJT Page 134] [\x 134/]
\n25. Nandājanapadakalyāṇi apadānaṃ.

804. Padumuttaro nāma jino sabbadhammānapāragu
\nIto satasahassamhi kappe uppajji nāyako
\n805. Ovādako viññāpako kārako sabbajāṇinaṃ
\nDesanākusalo buddho tāresi janataṃ bahuṃ.

806. Anukampako kāruṇiko hitesi sabbapāṇinaṃ
\nSampatte titthiye sabbe pañcasile patiṭṭhahi.

807. Evaṃ nirākulaṃ āsi suññakaṃ titthiyehi ca
\nVicinnaṃ arahantehi vasibhutehi tādihi.

808. Ratanānaṭṭhapaññāsaṃ uggato so mahāmuni
\nKañcanagghiyasaṅkāso khattiṃsavaralakkhaṇo.

809. Vassasatasahassāni āyu vijjati tāvade
\nTāvatā tiṭṭhamāno so tāresi janataṃ bahuṃ.
\n810. Tadā’haṃ haṃsavatiyaṃ jātā seṭṭhikule ahuṃ
\nNānāratatapajjota mahāsukhasamappite.

811. Upetvā taṃ mahāvīraṃ assosiṃ dhammadesanaṃ
\nAmataṃ paramassādaṃ paramatthanivedakaṃ.

812. Tadā nimantayitvāna sasaṅghaṃ lokanāyakaṃ1-
\nDatvā tassa mahādānaṃ pasantā sehi pāṇihi.
\n[PTS Page 573] [\q 573/]
\n813. Jhāyininaṃ bhikkhunīnaṃ aggaṭṭhānaṃ apatthayiṃ.
\nNipacca sirasā viraṃ sasaṅghaṃ lokanāyakaṃ.

814. Tadā adantadamako tilokasaraṇo pabhu
\nVyākāsi narasaddulo2- lacchase taṃ pasupatthitaṃ.

815. Satasahasse ito kappe okkākakulasambhavo
\nGotamo nāma gottena satthā loke bhavissati.

1. Tibhavatatagaṃ - [PTS] 2. Byākāsi narasārathi - machasaṃ - sārathi [PTS]

Piṭuva: 136
\n816. Tassa dhammesu dāyādā orasā dhammanimmitā
\nNandāti nāma hessasi satthusāvikā"

817. Taṃ sutvā muditā hutvā yāvajīvaṃ tadā jinaṃ
\nMettacittā paricariṃ paccayehi vināyakaṃ.

818. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

819. Tato cutā yāmamagaṃ tato’haṃ tusitaṃ agaṃ1-
\nTato ca nimmāṇaratiṃ vasavattipuraṃ tato2-

820. Yattha yatthupapajjāmi tassa kammassa vāhasā
\nTattha tattheva rājānaṃ mahesittamakārayiṃ.

821. Tato cutā manussatte rājānaṃ cakkavattinaṃ
\nMaṇḍalinañca rājānaṃ mahesittamakārayiṃ.

822. Sampattiṃ anubhotvāna devesu manujesu ca
\nSabbattha sukhitā hutvā nekakappesu saṃsariṃ

823. Pacchime bhave sampatte purambhi3- kapilavhaye
\nRañño suddhodanassāhaṃ dhītā āsiṃ aninditā.

824. Siriṃva4- rūpiniṃ disvā nanditaṃ āsi taṃ kulaṃ
\nTena nandati me nāmaṃ sundaropapadaṃ5- ahu

825. Yuvatinañca sabbāsaṃ kalyāṇiti ca vissutā
\nTasmimpi nagare ramme ṭhapetvā ca6- yasodharā.

826. Jeṭṭho hātā tilokaggo pacchimo7- arahā tathā
\nEkānini gahaṭṭhāhaṃ mātarā paricoditā.
\n[PTS Page 574] [\q 574/]
\n827. "Sākiyamhi kule jātā putte buddhānujā tuvaṃ
\nNandenapi vinā bhūtā agāre kinnu vacchasi?
\n1. Gatā - machasaṃ 2. Gatā - syā 3. Suramme - simu, machasaṃ 4. Siriyā -machasaṃ 5. Sundaraṃ pavaraṃ - machasaṃ, [PTS] sundarā pavarā - syā 6. Ṭhapetvā taṃ - machasaṃ 7. Majjhimo - si, [PTS]

[BJT Page 138] [\x 138/]
\n828. Jarāvasānaṃ yobbaññaṃ rūpaṃ asuvisammataṃ
\nRogantampi ca ārogyaṃ jīvitaṃ maraṇantikaṃ

829. Idampi te subhaṃ rūpaṃ sasikantaṃ manoharaṃ
\nBhusanānamalaṅkāraṃ sirisaṅghātasantanibhaṃ.

830. Piṇḍitaṃ1- lokasāraṃva nayanānaṃ rasāyanaṃ
\nPuññānaṃ kittijananaṃ okkākakula2- nandanaṃ

831. Na cireneva kālena jarā samatibhossati3-
\nVihāya gehaṃ tāruññe4- cara dhammamanindite.

832. Sutvā’haṃ mātuvacanaṃ pabbajiṃ anagāriyaṃ
\nDehena natu cittena rūpayobbanalālitā5-

833. Mahatā ca payantena jhānajjhenaparaṃ mamaṃ6-
\nKātuṃ ca vadate mātā na cāhaṃ tattha ussukā.

834. Tato mahākāruṇiko disvā maṃ kāmalālasaṃ7-
\nNibbindanatheṃ rūpasmiṃ mama cakkhupathe jino.

835. Sakena anubhāvena8- itthiṃ māpesi sobhaniṃ
\nDassaniyaṃ suruciraṃ mamatopi surūpiniṃ.

836. Tamahaṃ vimhitā disvā ativimhitadehiniṃ
\nCittahayiṃ saphalaṃ meti nettalābhañca mānusaṃ’

837. Tamahaṃ ehi subhage yenatthā taṃ vadehi me
\nKulaṃ te nāmagottañca vada me yadi te piyaṃ.

838. Na pañcakālo9- subhage ucchaṅge maṃ nivesaya10-
\nSidantiva11- mamaṅgāni supasuppaya muhuttakaṃ.

839. Tato sisaṃ mamaṅke sā katvā sayi sulocanā
\nTassā nalāṭe patitā lutā12- paramadāruṇā.

1. Puñajitaṃ - si, machasaṃ, [PTS] 2. Ukkākaka - machasaṃ 3. Samadhisessati - machasaṃ, [PTS] 4. Kāruññe - si, machasaṃ, [PTS] 5. Lāḷitā - machasaṃ 6. Mama - machasaṃ 7. Kamalānanaṃ - syā 8. Ānubhāvena - machasaṃ 9. Cañcakālo - machasaṃ 10. Nivāsaya - machasaṃ 11. Nisidanti - si, [PTS 12.] Luddhā - machasaṃ

[BJT Page 140] [\x 140/]
\n840. Saha tassā nipātena siḷakā uppajjatha
\nPagghariṃsu pahittā ca kuṇapā pubbalohitā

841. Pabhinnaṃ vadanaṃ cāsi kuṇapaṃ putigandhikaṃ1-
\nUdadhumātaṃ vinilañca vipubbañca2- sarirakaṃ.

842. Sā pavedhitasabbaṅgi nissasanti muhuṃ muhuṃ
\nVedayanti sakaṃ dukkhaṃ karuṇaṃ paridevayi.

843. "Dukkhena dukkhitā homi phusayanti ca vedanā
\nMahādukkhe nimuggāmhi saraṇaṃ hohi me sakhi"

844. "Kuhiṃ vadanasohā te kuhiṃ te tuṅganāsikā
\nTambabimbavaroṭṭhaṃ te vadanaṃ te kuhiṃ gataṃ.

845. Kuhiṃ sasinibhaṃ vantaṃ3- kambugivā kuhiṃ gatā
\nDoḷālālā ca4- te kaṇaṇā vevaṇṇaṃ samupāgatā.

846. Makuḷamburuhākārā5- kalasāva6- payodharā
\nPabhinnā putikuṇapā duggandhittamāgatā.

847. Tanumajjhā puthussoṇi7- sunā vaṇitakibbisā8-
\nJātā amejjhaharitā aho rūpaṃ asassataṃ.

848. Sabbaṃ sarirasañajātaṃ putigandhaṃ bhayānakaṃ
\nSusānamiva bibhacchaṃ ramante yattha bālisā9"
\n[PTS Page 576] [\q 576/]
\n849. Tadā mahākāruṇiko bhātā me lokanāyako
\nDisvā saṃviggacittaṃ maṃ imā gāthā abhāsatha.

850. "Āturaṃ asuciṃ passa nande samussayaṃ
\nAsubhāya cittaṃ bhāvehi ekaggaṃ susamāhitaṃ.

851. Yathā idaṃ tathā etaṃ yathā etaṃ tathā idaṃ
\nDuggandhaṃ putikaṃ vāpi bālānaṃ abhinanditaṃ.

1. Putigandhanaṃ - machasaṃ 2. Pubbañcāpi - machasaṃ sabbañcāpi - [PTS] 3. Vaṇaṇaṃ -machasaṃ 4. Doḷālolāva - machasaṃ dāmāmālañca - syā 5. Makuḷakārakākārā- machasaṃ makuḷapadumākārā - syā 6. Kalikā ca - machasaṃ 7. Vedibajjhāva sussoṇi - machasaṃ vedimajjhā puthusessāṇi - [PTS] 8. Yunāva nitakibbisā - machasaṃ 9. Bāliyā - simu

[BJT Page 142] [\x 142/]
\n852. Evametaṃ acekkhanti rattindivamatanditā
\nTato satāya paññāya abhinibbijja dakkhasi"

853. Tato’haṃ atisaṃviggā1- sutvā gāthā subhāsitā
\nTatuṭṭhitā vipassanti2- arahattamapāpuṇaṃ.

854. Yattha yattha nisinnāhaṃ sadā jhānaparāyanā
\nJino tasmiṃ guṇe tuṭṭho etadagge ṭhapesi maṃ.

855. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

856. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n857. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ nandā bhikkhunī imā gāthāyo abhāsitthāti.
\n- Nandātheriyāpadānaṃ pañcamaṃ. -

26. Soṇāpadānaṃ.
\n858. Padumuttaro nāma jino sabbadhammānapāragu
\nIto satasahassamhi kappe uppajji nāyako
\n859. Tadā seṭṭhikule jātā sukhitā pujitā piyā
\nUpetvā taṃ munivaraṃ assosiṃ madhuraṃ vacaṃ

860. Āraddhaviriyānagga vaṇeṇasi3- bhikkhunīṃ jino
\nTaṃ sutvā muditā hutvā kāraṃ katvāna satthuno.

861. Abhivādetvā sambuddhaṃ taṃ ṭhānaṃ patthayiṃ tadā
\nAnumodi mahāvīro "sijjhataṃ paṇidhi tava.

862. Satasahasse ito kappe okkākakulasambhavo
\nGotamo nāma gottena satthā loke bhavissati.
\n[PTS Page 577] [\q 577/]
\n863. Tassa dhammesu dāyādā orasā dhammanimmitā
\nNandāti nāma hessasi satthusāvikā"

864. Taṃ sutvā muditā hutvā yāvajīvaṃ tadā jinaṃ
\nMettacittā paricariṃ paccayehi vināyakaṃ.

1. Tatohamāsiṃ saṃviggā - syā, [PTS] 2. Tatuṭṭhitāvahaṃ santi - machasaṃ 3. Vaṇeṇati - syā

[BJT Page 144] [\x 144/]
\n865. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsaṃ agacchahaṃ.

866. Pacchime ca bhavedāni jātā saṭṭhikele ahaṃ
\nSāvatthiyaṃ puravare iddhe phīte mahaddhane.

867. Yadā ca yobbanappattā gantvā patikulaṃ ahaṃ
\nDasaputtāni ajaniṃ surūpāni visasato.

868. Sukhedhitā ca te sabbe jananettamanoharā
\nAmitatānampi te rucitā mamaṃ sageva1- te piyā.

869. Tato mayhaṃ akāmāya dasapuntapurakkhato
\nPabbajittha sa me bhattā devadevassa sāsane.

870. Tadekikā vicintesuṃ jivitenālamatthu me
\nCattāya2- patiputtehi vuṭṭhāya ca varākiyā.

871. Ahmapi tattha gacchissaṃ sampatto yattha me pati"
\nEvā’haṃ cintayitvāna pabbajiṃ anagāriyaṃ.

872. Tato ca maṃ bhikkhunīyo evaṃ bhikkhunupassaye
\nVihāya gacchumovādaṃ "tāpehi udakaṃ" iti.

873. Tadā udakāhitvā okiritvā kumhiyā
\nCullyaṃ3- ṭhapetvā āsinā tato cittaṃ samādahiṃ.

874. Khandhe aniccato disvā dukkhato ca antatato
\nChenvāna4- āsave sabbe arahattamapāpuṇiṃ.

875. Tadā’gantvā bhikkhunīyo uṇhodakamapucchisuṃ
\nTejodhātuṃ adhiṭā khippaṃ santāpayiṃ jalaṃ.
\n[PTS Page 578] [\q 578/]
\n876. Vimhitā tā jinavaraṃ etamatthamasāvayuṃ
\nTaṃ sutvā mudito nātho imaṃ gāthaṃ abhāsatha:

1. Paṇehi - si 2. Jināya - si, syā, [PTS] 3. Culle - si, machasaṃ, syā, [PTS] 4. Khepetvā - syā, [PTS]

[BJT Page 146] [\x 146/]
\n877. Yo ce1- vassasataṃ jive kusito hinaviriyo
\nEkāhaṃ jīvitaṃ seyyo viriyamārabhato daḷahaṃ"

878. Ārādhito mahāvīro mama2- suppaṭipattiyā
\nĀraddhaviriyānaggaṃ mamāha sa3- mahāmuni.

879. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

880. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n881. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ soṇā bhikkhunī imā gāthāyo abhāsitthāti.
\n- Soṇātheriyāpadānaṃ chaṭṭhaṃ. -

27. Bhaddākāpilāni apadānaṃ.
\n882. Padumuttaro nāma jino sabbadhammānapāragu
\nIto satasahassamhi kappe uppajji nāyako
\n883. Tadā’hu haṃsavatiyaṃ videho nāma nāmato5-
\nSeṭṭhi pahutaratano tassa jāyā ahosa’haṃ

884. Kadāci so narādiccaṃ upecca saparijjano6-
\nDhammamassosi buddhassa sabbadukkhakkhayāvahaṃ7-

885. Sāvakaṃ dhutavādānaṃ aggaṃ kittesi nāyako
\nSutvā sattāhitaṃ dānaṃ datvā buddhassa tādino

886. Nipacca sirasā pāde taṃ ṭhānaṃ abhipatthayi
\nSa hāsayanto parisaṃ tadā hi narapuṅgavo.

887. Seṭṭhino anukampāya imā gāthā abhāsatha:
\n"Lacchase patthitaṃ ṭhānaṃ nibbuto hohi puttaka
\n[PTS Page 579] [\q 579/]
\n888. Satasahasse  ito kappe okkākakulasambhavo
\nGotamo nāma gottena satthā loke bhavissati.

1. Ca - simu machasaṃ 2. Mayā - sīmu, machasaṃ 3. Mamaṃ bhāsi - simu 4. Sabbadhammānapāragu- machasaṃ 5. Nāmako - syā, [PTS] nāyako - thea. 6. Sapari jano - thea 7. Sabbadukkhabhayappahaṃ - simu, machasaṃ

[BJT Page 148] [\x 148/]
\n889. Tassa dhammesu dāyādā orasā dhammanimmitā
\nKassapo nāma nāmena hessasi satthusāvikā"

890. Taṃ sutvā muditā hutvā yāvajīvaṃ tadā jinaṃ
\nMettacittā paricariṃ paccayehi vināyakaṃ.

891. Sāsanaṃ jotayitvāna1- madaditvā ca kutithiye
\nVeneyye2- vinayitvā ca nibbuto so sasāvako.

892. Nibbute tamahi lokagge pujanatthāya satthuno
\nÑātimitte samānetvā saha tehi akārayi.

893. Sattaṭojanikaṃ thupaṃ ubbiddhaṃ ratanāmayaṃ
\nJalantaṃ sataraṃsiva sālarājavaṃva phullitaṃ

894. Sattasatasahassāni pātiyo3- tattha kāra’yi
\nNaḷaggi viya jotanti4- rataneheva sattahi.

895. Gandhatelena puretvā dipānujālayi tahiṃ
\nPujatthāya5- mahesissa sabbabhūtānukampino.

896. Santa satasahassāni puṇaṇakumbhāni kārayī
\nRataneheva puṇṇāni pujatthāya mahesino.

897. Majjhe aṭṭhaṭṭha kumbhinaṃ ussitā kañcanagghiyā
\nAtirocanti vaṇeṇana saradeva divākaro.

898. Catudvāresu sobhanti toraṇā ratanāmayā
\nUssitā phalakā rammā sobhanti ratanāmayā.

899. Virocanti parikkhittā avataṃsā6- sunimmitā
\nUssitāni paṭākāni ratanāni virocare.

900. Surattaṃ sukataṃ cetaṃ7- cetiyaṃ ratanāmayaṃ
\nAtirocati vaṇeṇana sasañejhāva8- divākare.

1. Jotayitvā so - simu thea. 2. Veneyyaṃ - machasaṃ 3. Cātiyo - syā 4. Jotante - syā, [PTS] 5. Pujanatthāya - machasaṃ pujāya - syā 6. Avaṭaṃsā - machasaṃ 7. Vitakaṃ - machasaṃ 8. Sasañjhāva - syā

[BJT Page 150] [\x 150/]
\n[PTS Page 580] [\q 580/]
\n901. Thupassa vediyo tisso1- haritālena purayi
\nEkaṃ manosilāyekaṃ añajanena ca ekikaṃ

902. Pujāmetādisaṃ rammaṃ kāretvā varavādino
\nAdāsi dānaṃ saṅghassa yāvajīvaṃ yathābalaṃ

903. Sahā’haṃ seṭṭhinā tena tāni puññāni sabbaso
\nYāvajīvaṃ karitvāna sahāva sugatiṃ gatā.

904. Sampattiyonubhotvāna devatte atha mānuse
\nChāyā viya sarirena saha teneva saṃsariṃ.

905. Ekanavute ito kappe vipassi nāma nāyako
\nUppajji cārunayano2- sabbadhammavipasasako

906. Tadā’yaṃ bandhumatiyaṃ brāhmaṇo sādhusammato
\nAḍḍho satthāgamenā’si3- dhanena ca suduggato.

907. Tadāpi tassa’haṃ āsiṃ brahmaṇi samacetasā
\nKadāci so dijavaro saṃgamesi mahāmuniṃ

908. Nisinnaṃ janakāyasmiṃ desentaṃ amataṃ padaṃ
\nSutvā dhammaṃ pamudito adāsi ekasāṭakaṃ

909. Gharamekena vatthenāgatvānetaṃ4- mama’braviṃ5-
\nAnumoda mahāññe6- dinnaṃ buddhassa sāṭakaṃ.

910. Tadā’haṃ añjaliṃ katvā anumodiṃ supiṇitā7-
\nSuditto sāṭako sāmi buddhaseṭṭhassa tādino.

911. Sukhito sajjito hutvā saṃsaranto bhavābhāvo
\nBārāṇasipure ramme rā āsi mahipati
\n[PTS Page 581] [\q 581/]
\n912. Tadā tassa mahesihaṃ itthigumbassa uttamā
\nTassātidayitā āsiṃ pubbasenahena hatatuno8-

1. Thupassimā disā tisso - si, syā thupassima dipādiyo - thea 3. Aḍḍho santo guṇenāpi - machasaṃ 4. Vatthena gantvānetaṃ - machasaṃ, syā 5. Sa mabravi- machasaṃ 6. Mahāpuññe - thea mahāpuññaṃ - machasaṃ, [PTS] 7. Supitiyā - the a 8. Cuttari - syā, [PTS] bhattari - the a.

[BJT Page 152] [\x 152/]
\n913. Piṇḍāya vicarante so1- aṭṭha paccekanāyake
\nDisvā pamudito hutvā datvā piṇḍaṃ mahārahaṃ.

914. Pano nimantayitvāna katvā ratanamaṇḍapaṃ
\nKammārehi kataṃ chatataṃ2- sovaṇṇaṃ satahatthakaṃ3-

915. Samānetvāna te sabbe tesaṃ dānamadāsi so
\nSoṇaṇāsanopaviṭṭhānaṃ4- pasanno sehi pāṇihi.

916. Tampi dānaṃ sahā’dāsiṃ kāsirājena’haṃ tadā
\nPunā’haṃ bārāṇasiyaṃ ajāyiṃ dvāragāmake5-

917. Kuṭumbikakule phīte sukhito so sabhātuko
\nJeṭṭhassa bhātuno jāyā ahosiṃ supatibbatā.

918. Paccekabuddhaṃ disvāna mama bhattu kaniyasi6-
\nBhāgannaṃ tassa datvāna āgate tambhi pāvadi7-

919. Nābhinandittha so dānaṃ tato tassa adāsa’haṃ
\nŪkhā āniya taṃ annaṃ puno tasseva so adā.

920. Tadantaṃ chaḍḍhayitvāna duṭṭhā buddhassa’haṃ tadā
\nPattaṃ kalalapuṇaṇaṃ taṃ adāsiṃ tassa tādino

921. Dāne ca gahaṇe ceva amejjhe padume yathā8-
\nSamacittamukhaṃ disvā tadāhaṃ saṃvijiṃ bhusaṃ.
\n[PTS Page 582] [\q 582/]
\n922. Puno pantaṃ gahetvāna sodhayitvā sugandhinā
\nPasannacittā puretvā saghataṃ sakkharaṃ adaṃ.

923. Yattha yatthupapajjāmi surūpā homi dānato
\nBuddhassa apakārena9- duggandhā vadanena ca.

924. Puna kassapacirassa niṭṭhāyantamhi10- cetiye
\nSovaṇaṇaḍaṭṭhakavaraṃ adāsiṃ muditā ahaṃ

1. Te - machasaṃ the a 2. Pattaṃ - machasaṃ, [PTS] katamaṭṭhaṃ - syā 3. Vata tattakaṃ - machasaṃ 4. Soṇaṇāsane paṭiṭṭhānaṃ - machasaṃ senāsane paṭiṭṭhānaṃ - syā senāsano paviṭṭhānaṃ - the a 5. Jātā kāsikagāmake - machasaṃ, syā 6. Kaṇiyassa mama bhatatuno - simu, machasaṃ kaṇiyaso - syā, [PTS] 7. Pāvadiṃ - simu machasaṃ 8. Apace padusepi ca - machasaṃ, syā, [PTS] majjhatatamanaso ahu - the a 9. Apasādena - the a 10. Niṭṭhāpentampi - the a.

[BJT Page 154] [\x 154/]
\n925. Catujjāttena gandhena nivayitvā1- tamiṭṭhakaṃ
\nMuttā duggandhadosambhā sabbaṅgasusamāgatā

926. Sattapānisahassāni rataneheva sattihi
\nKāretvā ghatapurāni vaṭṭiyo2- ca sahassaso.

927. Pakkhipitvā padipetvā ṭhapayi30 sattapantiyo
\nPujatthaṃ4- lokanāthassa vippasannena cetasā.

928. Tadāpi tamhi puññamhi bhāgini’haṃ visesato
\nPuna kāsisu sañajāto sumitto iti vissuto

829. Tassā’haṃ bhariyā sukhitā sajjitā piyā
\nTadāpi paccekamunino adāsi5- ghanaceṭhanaṃ.

830. Tassā’pi bhāgini āsiṃ moditvā dānamuttamaṃ
\nPunā’pi kāsiraṭṭhambhi jāto koliyajātiyā.

831. Tadā koliyaputtānaṃ satehi saha pañcahi
\nPañca paccekabuddhānaṃ satānisamupaṭṭhahi.

832. Temāsaṃ tappayitvāna6- adāsi ca ticivaraṃ7-
\nJāyā tassatadā āsiṃ puññakammapathānugāta
\n[PTS Page 583] [\q 583/]
\n833. Tato cuto ahu rājā nando nāma mahāyaso
\nTassāpi mahesi āsiṃ sabbakāmasamiddhini.

934. Tadā ca so8- bhavitvāna brahmadatto mahipati
\nPadumavatiputtānaṃ paccekamuninaṃ tadā.

935. Satānipañca’nunāni yāvajīvaṃ upaṭṭhahi
\nRājuyyāne nivāsetvā nibbutāni ca pujayi.

936. Cetiyāni ca kāretvā pabbajitvā ubho mayaṃ
\nBhāvevo appamaññāyo brahmalokaṃ aggambhase.

937. Tato cuto mahātitthe sujāto pipphalāyano
\nMātā sumanadeviti kosiyagotto dijo pitā

1. Temayitvā - syā, the a 2. Vaṭṭini - machasaṃ, the a 3. Ṭhapayiṃ - machasaṃ 4. Pujanatthaṃ - machasaṃ 5. Adāsiṃ - machasaṃ 6. Vāsayitvāna - syā, [PTS] 7. Pattacivare - the a 8. Tadā rājā - machasaṃ tato cuto - simu.

[BJT Page 156] [\x 156/]
\n938. Ahaṃ maddajanapade sāgalāya puruttame
\nKapilassa dijassā’siṃ dhītā mātā sucimati.

939. Ghanakañcanabambena nimmiṇitvāna maṃ pitā
\nAdā kassapadhirassa kāmāsāvajjitassa1- maṃ.

940. Kadāci so kāruṇiko gantvā kammantapekkhanaṃ2-
\nKākādikehi khajjante pāṇe disvāna saṃviji

941. Ghare cā’haṃ tile jāte disvānāpatāpane
\nKimi kākehi khajjante saṃvegamalabhiṃ tadā.

942. Tadā so pabbaji dhīro ahaṃ tamanupabbajiṃ
\nPañca vassāni nivasiṃ paribbājavate3- ahaṃ.

943. Yadā pabbajitā āsi gotami jinaposikā
\nTadā’haṃ tamupāgantvā buddhena anusāsitā.

944. Na cireneva kālena arahattamapāpuṇiṃ
\nAho kalaṇāṇamittattaṃ kassapassa sirimato

945. Suto buddhassa dāyado kassapo susamāhito
\nPubbanivasāṃ yo vedi saggāpāyañca passati.
\n[PTS Page 584] [\q 584/]
\n946. Atho jātikkhayaṃ patto abhiññāvosito muni
\nEtāhi tihi vijjahi tevijjo hoti brāhmaṇo

947. Tatheva bhaddā kāpilāni tevijjā maccubhāyini
\nDhāreti antimaṃ dehaṃ jetvā māraṃ savāhiniṃ.

948. Disvā ādinavaṃ loke ubho pabbajitā mayaṃ
\nTyambhā khiṇāsavā dantā sitibhūtāmha nibbutā.

949. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

950. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n951. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ bhaddākāpilāni bhikkhunī imā gāthāyo abhāsitthāti.
\n- Bhaddākāpilāni theriyāpadānaṃ sattamaṃ. -

1. Kāmehi - vajjitassa - machasaṃ, syā, the a 2. Pekkhako - machasaṃ, syā [PTS] 3. Paribbājapathe - syā, [PTS]

[BJT Page 158] [\x 158/]
\n28. Yasodharāpadānaṃ
\n952. Ekasmiṃ samaye ramma iddhe rājagahe pure
\nPabbhārambhi varekasmiṃ vasante naranāyake.

953. Vasantiyā tamhi nagare ramme bhikkhunupassaye
\nYasodharā bhikkhunīyā evaṃ āsi vitakkitaṃ;

954. "Nando rāhulabhaddo ca sāvakaggā tatheva ca
\nSuddhodano mahārājā gotami ca pajāpati.

955. Abhiññātā ca mahātherā theriyo ca mahiddhikā
\nSattiṃ gatāva āsuṃ te dipacciva nirāsavā.

956. Lokanāthe dharanteva ahampi ca sivaṃ padaṃ
\nGamissāmi"ti cintetvā passanti āyumattano.
\n957. Passitvā āyusaṅkhāraṃ tadaheva khayaṃ gataṃ
\nPattacivaramādāya nikkhamitvā sakassamā.
\n958. Purakkhatā bhikkhunīhi satehi sahassehi sā1-
\nMahiddhikā mahāpaññā sambuddhaṃ upasaṅkami.

959. Sambuddhaṃ abhivādetvā satthuno cakkalakkhino
\nNisinnā ekamantamhi idaṃ vacanamabravi:

960. "Aṭṭhasattativassā’haṃ pacchimo vattate vayo3-
\nPabbhāraṃ hi4- anupapattā ārocemi mahāmune

961. Paripakko vayo mayhaṃ pararittaṃ mama jīvitaṃ
\nPahāya vo gamissāmi kataṃ me saraṇamatta.

962. Vayaṃ hi5- pacchime kāle maraṇaṃ uparundhati6-
\nAjja rattiṃ mahāvīra pāpuṇissāmi nibbutiṃ.

1. Satehi saha pañcahi - simu, [PTS] 2. Masasāmahi - simu 3. Pacchimā vattati vayā - syā 4. Pabbhāramahi - machasaṃ 5. Vayamhi - machasaṃ 6. Uparuddhati - machasaṃ uparujjhati - pujā

[BJT Page 160] [\x 160/]
\n963. Natthi jāti jarā vyādhi maraṇañca yahiṃ mune1-
\nTattha gacchāma’haṃ vīra gato yattha na dissati2-

964. Yāvatā parisā ettha3- samupāsanti satthuno
\nAparādhaṃ pajānanti40 khamantaṃ sammukhā mune.
\n[PTS Page 585] [\q 585/]
\n965. Saṃsaritvā ca saṃsāre khalitaṃ ce mamaṃ tayi
\nĀrocemi mahāvīra aparādhaṃ khamassu me.

966. Sutvāna tassā vacanaṃ munindo idamabravi
\nKimuttaraṃ te cakkhāmi nibbānāya vajantiyā

967. Iddhiṃ cāpi nidassehi mama sāsanakārike
\nParisānañca sabbāsaṃ kaṅkhaṃ chindassu sāne

968. Sutvā taṃ munino vācaṃ bhikkhunī sā yasodharā
\nVanditvā munirājaṃ taṃ idaṃ vacanamabravi:

969. "Yasodharā ahaṃ vīra agāre te pajāpati
\nSākiyambhi kule jātā itthiyaṅge patiṭṭhitā.

970. Thinaṃ satahasassānaṃ navutinaṃ chaḷuttari5-
\nAgāre te ahaṃ vīra pāmokkhā sabbaisasarā

971. Rūpācāraguṇupetā yobbanaṭṭhā piyaṃvadā
\nSabbā maṃ apacāyanti devatā viya mānusā

972. Kaññāsahassappamuṇā sakyaputtanivesane
\nSamānasukhadukkhā tā devatā viya nandane.

973. Kāmadhātumatikkantā6 saṇṭhitā rūpadhātuyā
\nRūpena sadisā natthi ṭhapetvā lokanāyakaṃ"

974. Evamādini vatvāna uppatitvāna ambaraṃ
\nIddhi anekā dasessi buddhānuññā yasodharā==

1. Mahāmune - machasaṃ 2. Ajarāmaṃ santipuraṃ gamissāmi asaṅkhataṃ - simu ajarāmaṃpuraṃ - machasaṃ 3. Nāma - simu machasaṃ 4. Sace metthi - simu aparādhamajānanti - machasaṃ 5. Chaduttari - machasaṃ 6. Kāmādhātumatikkamma - machasaṃ ==machasaṃ - phasā gāthā na disasate, apica ayaṃ gāthā dissate: "sambuddhaṃ abhivādetvā iddhiṃ dasessi satthuno nekā nānāvidhākārā mahāiddhipi dassayi"

[BJT Page 162] [\x 162/]
\n975. Cakkavāḷasamaṃ kāyaṃ sīsaṃ uttarato kuru
\nUbho pakkhā duve dipā jambudipo1- sarirato

976. Dakkhiṇañca saraṃ piñajaṃ nānāsākhā tu pattakā
\nCando ca suriyo akkhi2- merupabbatato sikhā3-

977. Cakkavāḷagiri4- tuṇḍaṃ5- jamburukkhaṃ samulakaṃ
\nVijamānā upāgantvā vandate lokanāyakaṃ.

978. Hatthivaṇaṇaṃ tatheva’ssaṃ pabbataṃ jaladhiṃ tathā
\nVandimaṃ suriyaṃ meruṃ6- sakkavaṇaṇañca dassayi.
\n[PTS Page 586] [\q 586/]
\n979. "Yasodharā ahaṃ cira pāde vandāmi cakkhuma"
\nSahassaṃ lokadhātunaṃ phullapadmena7- chādayi.

980. Brahmavaṇaṇañca māpetvā dhammaṃ desesi suññataṃ
\n"Yasodharā ahaṃ cira pade vandāmi cakkhuma

981. Iddhisu ca vasi homi dibbāya sotadhātuyā
\nCetopariyañāṇassa vasi homi mahāmuni.

982. Pubbenivāsaṃ jānāmi dibbacakkhu visodhitaṃ.
\nSabbesavā parikkhiṇā nanthidāni punabbhavo.

983. Atthadhammaniruttisu paṭibhāne tatheva ca
\nÑāṇaṃ mayhaṃ mahāvīra uppannaṃ tava santike.

984. Buddhānaṃ lokanāthānaṃ saṅgamaṃ te8- sudassitaṃ9-
\nAdhikāraṃ bahuṃ mayhaṃ tuyhatthāya mahāmune.

985. Yaṃ mayhaṃ purimaṃ kammaṃ kusalaṃ sarase mune
\nTuyhatthāya mahāvīra puññaṃ upacitaṃ mayā.

986. Abhabbaṭṭhāne vajjetvā vārayitvā anācaraṃ
\nTuyhatthāya mahāvīra sañcattaṃ jīvitaṃ mayā

1. Jamabudipā - sabbesuṃ 2. Vandañca suriyañcakkhi - machasaṃ, si, syā candasuriyavisālakkhi - pujā 3. Sikhaṃ - machasaṃ, pujā 4. Giriṃ - machasaṃ 5. Tuṇḍā - pujā 6. Vandasuriyamahaṃmeruṃ - pujā 7. Thullapādena - pujā 8. Saṅgamanetasu - sima 9. Nidassitā - machasaṃ

[BJT Page 164] [\x 164/]
\n987. Nekakoṭisahassānaṃ bhariyathoya’dāsi maṃ
\nNa tattha vimanā homi tuyhatthāya mahāmuni

988. Nekakoṭisahassānaṃ1- upakārāya’dāsi maṃ
\nNa tattha vimanā homi tuyhatthāya mahāmuni.

989. Nekakoṭisahassānaṃ bhojanatthāya’dāsi maṃ
\nNa tattha vimanā homi tuyhatthāya mahāmuni.

990. Nekakoṭisahassāni jīvitāni pariccachiṃ
\nBhayamokkhaṃ karissaṃ ti cajāmi2- mama jīvitaṃ.

991. Aṅgagate alaṅkāre vatthe nānāvidhe bahu itthimaṇḍe na guhāmi tuyhattāya mahāmuni.
\n[PTS Page 587] [\q 587/]
\n992. Dhanadhaññapariccāgaṃ gāmāna nagamāni ca
\nKhetatā3- puttā ca dhītā ca pariccattā mahumune.

993. Hatthi assā gavā cāpi dāsiyo paricārikā
\nTuyhatthāya mahāvīra pariccattā asaṅkhiyā.

994. Yaṃ mayhaṃ paṭimantesi4- dānaṃ dassāmi yācake
\nVimanaṃ me na passāmi dadato dānamuttamaṃ

995. Nānāvidhaṃ bahuṃ dukkhaṃ saṃsāre ca bahubbidhe
\nTuyhatthāya mahāvīra anubhuttaṃ asaṅkhiyā.

996. Sukhappattā na modāmi na ca dukkhesu dummanā
\nSabbattha tulitā homi tuyhatthāya mahāmune.

997. Anumaggena sambuddho yaṃ dhammaṃ abhinihari
\nAnubhutvā sukhaṃ dukkhaṃ patto bodhiṃ mahāmuni.

998. Buhmadevañca sambuddhaṃ gotamaṃ lokanāyakaṃ.
\nAññesaṃ lokanāthānaṃ saṅgamā te bahu mayā.

1. Sahasasāni - machasaṃ pujā 2. Dadāmi - machasaṃ 3. Khettaṃ - machasaṃ 4. Patimattesi - simu

[BJT Page 166] [\x 166/]
\n999. Adhikāraṃ bahuṃ mayhaṃ tuyhatthāya mahāmune
\nGavesato buddhadhamme ahaṃ te paricārikā
\n[PTS Page 590] [\q 590/]
\n1000. Kappe satasahasse ca caturo ca asaṅkhiye
\nDipaṅkaro mahāvīro uppajji lokanāyako.

1001. Paccantadesaviseye nimantetvā tathāgataṃ
\nTassa āgamana ṃmaggaṃ sodhenti tuṭṭhamānasā.

1002. Tena kālena so āsi sumedho nāma brāhmaṇo.
\nMaggañca paṭiyādesi āyato1- sabbadassino.

1003. Tena kālena’haṃ āsiṃ kaññā brāhmaṇasambhavā
\nSumittā nāma nāmena upagañachiṃ samāgamaṃ.

1004. Aṭṭha uppalahatthāni pujanatthāya satthuno
\nĀdāya janasammejjha2- addasaṃ isimugagataṃ.
\n[PTS Page 588] [\q 588/]
\n1005. Cirānupari āsinaṃ3- atikantaṃ manoharaṃ
\nDisvā tadā amaññissaṃ "saphalaṃ jīvitaṃ mama"

1006. Parakkamaṃ taṃ saphalaṃ addasaṃ isino tadā
\nPubbakammena sambuddhe vittañcāpi pasidi me.

1007. Bhiyyo cittaṃ pasādesiṃ ise uggatamānase4-
\nDeyyaṃ aññaṃ na passāmi demi pupphāni te ise.

1008. Pañca hatthā tava hontu tayo hontu mamaṃ ise
\nTena siddhi5- samā hotu6- bodhatthāya tavaṃ ise
\n- Bhāṇavāraṃ catutthaṃ -

1009. Isi gahetvā pupphāni āgacchantaṃ mahāyasaṃ
\nPujesi janasammajjhe7- bodhatthāya mahāisiṃ8-

1010. Passitvā janasammajjhe dipaṅkaro mahāmuni
\nViyākāsi mahāvīro isiṃ uggatamānasaṃ==

1. Āyataṃ - simu 2. Janatāmajjhe - simu 3. Virānugataṃ dayitaṃ - machasaṃ syā 4. Isimahuggatamānase - simu 5. Saddhiṃ - machasaṃ, syā 6. Hontu - machasaṃ 7. Janatāmajjhe - simu 8. Mahāisi - simu, machasaṃ ==imissānantaraṃ simu, machasaṃ, potthakesu ayaṃ gāthā dissate, na tu pujāvaliyaṃ: "aparimeyye ito kappe dipaṅkaro mahāmuni mama kammaṃ viyākāsi ujubhāvaṃ mahāmuni"

[BJT Page 168] [\x 168/]
\n1011. Samacittā samakammā samakāri bhavisasti
\nPiyā hessati kammenana tuyhatthāya mahāise1-

1012. Sudassanā suppiyā2- ca manāpā piyavādini
\nTassa dhammesu dāyadā piyā hessati3- itthikā,

1013. Yathāpi bhaṇḍasāmuggaṃ anurakkhanti4- sāmino
\nEvaṃ kusaladhammānaṃ anurakkhissate ayaṃ.

1014. Tassa te5- anukampanti purayissati pārami
\nSihova pañajaraṃ hetvā6- pāpuṇissati bodhiyaṃ.

1015. Aparimeyye ito kappe yaṃ maṃ buddho viyākari
\nTaṃ vācaṃ anumodanti evaṃkāri bhaviṃ ahaṃ.
\n[PTS Page 589] [\q 589/]
\n1016. Tassa kammassa sukatassa tattha cittaṃ pasādayiṃ
\nDevamānusakaṃ yoniṃ upapajja7- asaṅkhiyaṃ.

1017. Anubhotvā sukhaṃ dukkhaṃ devesu mānusesu ca
\nPacchime bhave sampatte ajāyiṃ sākiye kule.

1018. Rūpavati bhogavati yasasilavati tathā
\nSabbaṅgasampadā homi kusalesu atisakkatā.

1019. Lābhaṃ silokaṃ sakakāraṃ lokadhammasamāgamaṃ
\nCittañca dukkhitaṃ natthi vasāmi akutobhayā.

1020. Nibbinditvāna saṃsāre pabbajiṃ anagāriyaṃ
\nSahassaparivārena pabbajitvā akiñcanā.

1021. Agāraṃ vijahitvāna pabbajiṃ anagāriyaṃ
\nAddhamāse asampatte catusaccaṃ apāpuṇiṃ.

1022. Civaraṃ piṇḍapātaṃ ca paccayaṃ sayanāsanaṃ
\nUpanenti bahu teke sāgarasseva ūmiyo.

1. Mahāisi - simu 2. Supiyā - machasaṃ 3. Viharissati - machasaṃ 4. Anurakkhati - machasaṃ 5. Maṃ - syā 6. Hitvā - si, syā hetvā - [PTS] 7. Anubhotvā- simu, machasaṃ

[BJT Page 170] [\x 170/]
\n1023. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1024. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1025. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

1026. Evaṃ bahuvidhaṃ dukkhaṃ sampatti ca bahubbidhā
\nVisuddhabhāvaṃ sampattā labhāmi sabbasampadā.

1027. Sā dadāti sakattānaṃ puññatthāya mahesino
\nSahāyasampadā honti nibbānapadamasaṅkhataṃ.

1028. Parikkhiṇaṃ atitaṃ ca pacacuppannaṃ anāgataṃ
\nSabbaṃ kammaṃ mamaṃ khiṇaṃ pāde vandāmi cakkhumaṃ.

Itthaṃ sudaṃ yasodharā bhikkhunī imā gāthāyo abhāsitthāti.
\n- Sayodharātheriyāpadānaṃ aṭṭhamaṃ. -
\n[PTS Page 591] [\q 591/]
\n3- 9 Dasabhikkhunīsahassāpadānaṃ
\n1029. Kappe ca satasahasse caturo ca asaṅkhiye
\nDīpaṅkaro nāma jino uppajji lokanāyako

1030. Dipaṅkaro mahāvīro viyākāsi vināyako
\nSumedhaṃ ca sumittaṃ ca samānasukhadukkhaṃ.

1031. Sadevakaṃ ca passantā civarantā sadevakaṃ
\nTesaṃ pakittane amhe upagamma samāgamamaṃ1-

1032. Amhaṃ sabbapati hohi2- anāgatasamāgame
\nSabbāva tuyahaṃ bhariyā manāpā piyavādikā.

1033. Dānasilamayaṃ sabbaṃ bhāvanā ca subhāvitā3-
\nDīgharattaṃ ca no4- sabbaṃ pariccatataṃ mahāmune.

1. Sadevake - simu 2. Sabbā patibhonti - [PTS] 3. Bhāvanaṃ ca subhāvitaṃ - [PTS] 4. Mayaṃ - [PTS]

[BJT Page 172] [\x 172/]
\n1034. Gandhaṃ vilepanaṃ mālaṃ dipaṃ ca ratanāmayaṃ
\nYaṃ kiñci patthitaṃ sabbaṃ pariccattaṃ mahāmune.

1035. Aññaṃ cā’pi kataṃ kammaṃ paribhogaṃ ca mānusaṃ
\nDīgharattaṃ hi no sabbaṃ pariccattaṃ mahāmune.

1036. Anekajātisaṃsāraṃ bahuṃ puññaṃ hi no kataṃ
\nIssaramanubhotvāna saṃsaritvā bhavābhave.

1037. Pacchimahave sampatte sakyaputtanivesane
\nNānākuluppanānāyo accharākāmavaṇaṇini.

1038. Lābhaggena yasaṃ pattā pujitā sabbasakkatā
\nBābhiyo annapānānaṃ sadā sammānitā mayaṃ.

1039. Agāraṃ pajahitvāna pabbajitvāgāriyaṃ
\nAḍḍhamāse asampatte sabbā pattāmaha nibbutiṃ.

1040. Lābhiyo annapānānaṃ vatthasenāsanāni ca
\nUpenti paccayā sabbe sadā sakkatapujitā.
\n[PTS Page 592] [\q 592/]
\n1042. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1043. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1043. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ yasodharāpamukhāni dasabhikkhunīsahassāni bhagavato sammukhā imā gāthāyo abhāsitthāti.
\n- Dasahibhikkhunīsahassāpadānaṃ navamaṃ. -

[BJT Page 174] [\x 174/]
\n3 - 10. Aṭṭhārasabhikkhunīsahassāpadānaṃ.
\n1044. Aṭṭhārasasahassāni bhikkhunī sakyasambhavā
\nYasodharāpamukhāti sambuddhaṃ upasaṅkamuṃ.

1045. Aṭṭhārasasahassāni sabbā honti mahiddhikā
\nVandanti munino pāde ārocenti yathābalaṃ.

1046. Jāti khiṇā jarā vyādhi maranaṃ ca mahāmuni
\nAnāsavaṃ padaṃ santaṃ amataṃ yāma nāyaka

1047. Khalitaṃ ce pure atthi sabbāsampi mahāmuni
\nAparādhamajānanti1- khama amhaṃ vināyaka

1048. "Iddhiṃ cāpi nidassetha mama sāsanakārikā
\nParisānaṃ ca sabbāsaṃ kaṅkhaṃ chindatha yācatā"

1049. Yasodhari mahāvīra manāpā piyadassanā
\nSabbā tuyhaṃ mahāvīra agārasmiṃ pajāpati.

1050. Thinaṃ satasahassānaṃ navutina chaḷuttari
\nAgāre te mayaṃ vīra pāmokkhā sabbaissarā.

1051. Rūpācāraguṇupetā yobbanaṭṭhā piyaṃvadā
\nSabbāyo apacāyanti devatā viya mānusā.

1052. Aṭṭhārasasahassāni sabbā sākiyasambhavā
\nYasodarā2- sahassāni pāmokkhā issarā tadā.
\n[PTS Page 593] [\q 593/]
\n1053. Kāmadhātumatikkanattā saṇṭhitā rūpadhatuyā
\nRūpena sadisā natthi sahassānaṃ
\n1054. Sambuddhaṃ abhivādetvā iddhiṃ dassesu satthuno
\nNekā3- nānāvidhākārā mahāiddhipi dassayuṃ.

1055. Cakkavāḷasamaṃ kāyaṃ sisaṃ uttarato kuru
\nUbho pakkhā duve dipā jambudipaṃ sarirato.

1056. Dakkhiṇaṃ ca saraṃ piñajaṃ nānāsākhā tu pattakā
\nCandasuravisālakkhā4- merupabbatato sikhā.

1. Aparādhaṃ pajānanti - [PTS] 2. Yasovati - si, [PTS] 3. Loke - simu 4. Candaṃ ca suriyaṃ vakkhi - machasaṃ, [PTS]

[BJT Page 176] [\x 176/]
\n1057. Cakkavāḷagirituṇḍā jamburukkhaṃ samulakaṃ
\nVijamānā upagantvā vandanti lokanāyakaṃ.

1058. Hatthivaṇṇaṃ tathevassaṃ pabbataṃ jaladhiṃ tathā
\nCanda ca suriyaṃ meruṃ sakkavaṇṇaṃ ca dassayuṃ.

1059. Yasodharā mayaṃ vīra pāde candāma cakkhuma
\nTava vīra pabhāvane nipphantā naranāyaka

1060. Buddhisu ca vasi homa dibbāya sotadhātuyā
\nCetoparāyañāṇassa vasi homa mahāmune.

1061. Pubbe nivāsaṃ jānāma dibbacakkhu visodhitaṃ
\nSababāsavā parikkhiṇā natthi’dāni punabbhavo.

1062. Atthadhammaniruttisu paṭibhāne tatheva ca
\nÑāṇaṃ amhaṃ mahāvīra uppannaṃ tava sattike

1063. Subbānaṃ lokanāthānaṃ saṅgamaṃ no nidassitaṃ
\nAdhikārā bahu ambhaṃ tumhatthāya mahāmune.

1064. Yaṃ amhaṃ purimaṃ kammaṃ kusalaṃ sarase mune
\nTumhatthāya mahāvīra puññānupacitāni no.

1065. Abhabbaṭṭhāne vajjetvā vārayimaha anācaraṃ
\nTuyhatthāya mahāvīra cattāni jīvitāni no.
\n[PTS Page 594] [\q 594/]
\n1066. Nekakoṭisahassānaṃ bhariyatthāya’dāsi no
\nNa tattha vimanā homa tuyhatthāya mahāmune.

1067. Nekakoṭisahassānaṃ upakārāya’dāsi no
\nNa tattha vimanā homa tuyhatthā mahāmune.

1068. Nekakoṭisahassānaṃ bhojanatthāya’dāsi no
\nNa tattha vimanā homa tuyhatthā mahāmune.

1069. Nekakoṭisahassāni jīvitāni vajimbha no
\nBhayamokkhaṃ karissāma’ jīvitāni cajimha se.

1070. Aṅgagate alaṅkāre vatthe nānāvidhe bahu
\nItthibhaṇḍe na guhāma tuyhatthāya mahāmune.

[BJT Page 178] [\x 178/]
\n1071. Dhanadhaññapariccāgaṃ gāmāni nigamāni ca
\nKhettā puttā ca dhītā ca pariccattā1- mahāmune

1072. Hatthi assā gavā cāpi2- dāsiyo paricārikā
\nTuyhatthāya mahāvīra pariccatatā asaṅkhiyā3-

1073. Yaṃ amhe paṭimantesi dānaṃ dassāma yācake
\nVimanaṃ no na passāma dadato dānamuttamaṃ.

1074. Nānāvidhaṃ bahuṃ dukkhaṃ saṃsāre ca bahubadhe
\nTuyhatthāya mahāvīra anubhuttaṃ asaṅkhiyaṃ.

1075. Sukhappattā na modāma4- na ca dukkhesu dummanā
\nSabbattha tulitā homa tuyhatthāya mahāmune.

1076. Anumaggena sambuddho yaṃ dhammaṃ abhinihari
\nAnubhutvā sukhaṃ dukkhaṃ patto bodhiṃ mahāmuni.

1077. Brahmadevaṃ ca sambuddhaṃ gotamaṃ lokanāyakaṃ
\nAññesaṃ lokanāthānaṃ saṅgamā tehi no bahu.

1078. Adhikārā bahu amhaṃ5- tuyhatthā mahāmune
\nGavesato buddhadhamme mayaṃ te paricārikā

1079. Kappe ca sahatahasse caturo ca asaṅkhiye
\nDipaṅkaro mahāvīro uppajji lokanāyako.

1080. Paccantadesavisaye nimantetvā tathāgataṃ
\nTassa āgamanaṃ maggaṃ sodhenti tuṭṭhamānasā.

1081. Tena kālena so āsi sumodho nāma brāhmaṇo
\nMaggeṃ ca paṭiyādesi āyataṃ6- sabbadasisano
\n[PTS Page 595] [\q 595/]
\n1082. Tena kālena āsimbha sabbā brāhmaṇasambhavā
\nThaludajāni pupphāni āharimbha samāgamaṃ.

1083. Tasmiṃ so samaye buddho dipaṅkaro mahāyaso
\nViyākāsi mahāvaro isimuggatamānasaṃ.

1. Khettaṃ putataṃ ca dhitaṃ ca pariccattaṃ - [PTS] 2. Hatthiassaṃgavaṃ cāpi - [PTS] 3. Pariccattaṃ asaṃkhiyaṃ - [PTS] 4. Numodāma - machasaṃ 5. Adhikāraṃ bahuṃ ameha - [PTS] 6. Āyato - machasaṃ, [PTS]

[BJT Page 180] [\x 180/]
\n1084. Calati racati paṭhavi saṅkampati sadevakaṃ
\nTassa kammaṃ pakittente isinuggatamānaso1-

1085. Devakaññā manussā ca mayaṃ cā’pi sadevakā
\nNānāpujaniyaṃ bhaṇḍaṃ pujayitvāna patthayuṃ.

1086. Tesaṃ buddho viyākāsi jotidipasanāmako
\n"Ajja ye patthitā atthi te bhavissanti sammukhā"

1087. Aparimeyye ito kappe yaṃ no buddho viyākari
\nTaṃ vācamanumodanti evaṅkāri ahumha no.

1088. Tassa kammassa sukatassa tattha cittaṃ pasādiya2-
\nDevamānusakaṃ yoni anubhotvā asaṅkhiyaṃ.

1089. Sukhadukkhe’nubhotvāna devesu mānusesu ca
\nPacchimabhave sampatte jātā’mbha sākiye kule

1090. Rūpati bhogavati yasasilavati tato
\nSabbaṅgasampadā homa kulesu atisakkatā.

1091. Lābhaṃ silokaṃ sakkāraṃ lokadhammasamāgamaṃ
\nCittaṃ ca dukkhitaṃ natthi vasāma akutobhayā.

1092. Vuttaṃ hetaṃ bhagavatā rañño antepare tadā
\nKhattiyānaṃ pure viro upakāraṃ ca niddasi.

1093. Upakārā ca yā nāri yā ca nāri sukhe dukhe
\nAtthakkhāyi ca yā nāri yā ca nāri’nukampikā.
\n[PTS Page 596] [\q 596/]
\n1094. Dhammaṃ care sucaritaṃ na naṃ duccaritaṃ care
\nDhammacāri sukhaṃ seti asmiṃ loke parambhi ca

1095. Agāraṃ vijahitvāna pabbajimbha’nagāriyaṃ
\nAḍḍhamāse asampatte catusaccaṃ phusimbha no.

1096. Civaraṃ piṇḍapātaṃ ca paccayaṃ sayanāsanaṃ
\nUpanenti bahuṃ ambhe sāgarasseva ūmiyo.

1. Isimuggata mānasaṃ - machasaṃ [PTS] 2. Pasādayuṃ - simu

[BJT Page 182] [\x 182/]
\n1097. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

1098. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1099. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

1100. Evaṃ bahuvidhaṃ dukkhaṃ sampatti ca bahubbidhā
\nVisuddhabhāvaṃ sampannā labhāma sabbasampadā.

1101. Yā dadanti sakattānaṃ puññatthāya mahesino
\nSahāyasampadā honti nibbānapadamasaṅkhataṃ.

1102. Parikkhiṇaṃ atitaṃ ca pacacuppannaṃ anāgataṃ
\nSabbaṃ kammampi no khiṇaṃ pāde candāma cakkhuma.

1103. Nibbānāya vajantinaṃ kiṃ vo cakkhāma uttariṃ
\nSantasaṅkhatadosaṃ hi pappotha amataṃ padaṃ

Itthaṃ sudaṃ yasodharāpamukhāni aṭṭhārasabhikkhunīsahassāni bhagavato sammukhā imā gāthāyo abhāsitthāti.
\n- Yasodharāpamukhaaṭṭhārasabhikukhunisahassāpadānaṃ dasamaṃ. -

Kuṇḍalakesivaggo tatiyo

Tatthuddānaṃ:
\nKuṇḍalā gotami ceva dhammadinnā ca sakulā
\nCaranandā soṇā ca kāpilāni yasodharā,
\nDasasahassabhikkhunī aṭṭhārasasahassakā
\nGāthāsatāni cattāri cha ca sattani meva ca
\n 
\n