[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[PTS Page 512] [\q 512/]
\n[BJT Vol Ap 3 ] [\z Ap /] [\w IIb /]
\n[BJT Page 002] [\x   2/]

Suttantapiṭake khuddaka nikāye
\nApadānapāḷi
\nTatiyo bhāgo
\nTherī apadāna pāḷi

Namo tassa bhagavato arahato sammā sambuddhassa
\n 


\n

1. Sumedhāvaggo

 
\n1. 1 Sumedhāpadānaṃ.

1. Bhagavati koṇāgamane saṅghārāmambhi navanivesamhi1-
\nSakhiyo tisso janiyo vihāradānaṃ adāsimbha.

2. Dasakkhattuṃ satakkhattuṃ dasasatakkhattuṃ satānaṃ ca satakkhattu2-
\nDevesu upapajjimha ko vādo mānusake bhave.

3. Deve mahiddhikā ahumbha mānusakamhi ko vādo
\nSattaratanassa mahesi3- itthiratanaṃ ahaṃ āsiṃ4-

4. Idha5- sañcitakusalā susamiddhakulappajā
\nDhanañajāni ca khemā ca ahmapi ca tayo janā.

5. Ārāmaṃ sukataṃ katvā sabbāvayavamaṇḍitaṃ
\nBuddhappamukhasaṅghassa niyyādetvā pamoditā6-

6. Yattha yatthupapajjāmi tassa kammassa vāhasā
\nDevesu aggataṃ pattā manussesu tatheva ca.

7. Imasmiyeva kappambhi brahmabandhu mahāyaso
\nKassapo nāma gottena uppajji vadataṃ varo.

8. Upaṭṭhāko mahesissa tadā āsi narissaro
\nKāsirājā kikī nāma bārāṇasipuruttame.

1. Nivesanambi - simu machasaṃ 2. Satāni ca satakkattuṃ - syā satakkhattuṃ satānaṃ -[PTS] 3. Sattaratanamahesi - machasaṃ 4. Bhaviṃ - machasaṃ [PTS] 5. Tattha - syā 6. Sammoditā - machasaṃ

[BJT Page 04] [\x   4/]
\n9. Tassāsuṃ satta dhitaro rājaññā sukhedhitā1-
\nBuddhadhupaṭṭhānaniratā2- brahmacariyaṃ cariṃsu tā.

10. Tāsaṃ sahāyikā hutvā silesu susamāhitā
\nDatvā dānāni sakkaccaṃ agāreva vataṃ3- cariṃ.

11. Tena kammena sukatena cetanāpaṇidhīhi ca
\nJahitvā mānusaṃ dehaṃ tāvatiṃsupagā ahaṃ.
\n[PTS Page 513] [\q 513/]
\n12. Tato cutā yāmamagaṃ4- tato’haṃ tusitaṃ gatā
\nTato ca nimmāṇaratiṃ vasavattipuraṃ tato.

13. Yattha yatthupapajjāmi puññakamamasamohitā5-
\nTtha tattheva rājunaṃ mahesittamakārayiṃ.

14. Tato cutā manussatte rājunaṃ cakkavattinaṃ.
\nMaṇḍalinañca rājunaṃ mahesittamakārayiṃ.

15. Sampattimanubhotvāna devesu mānusesu ca
\nSabbattha sukhitā hutvā nekajātisu saṃsariṃ.

16. So bhetu ca so pahavo taṃ mulaṃ sā ca sāsane khatti6-
\nTaṃ paṭhamaṃ7- samodhānaṃ taṃ dhammaratāya nibbānaṃ.

17. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.
\n[PTS Page 514] [\q 514/]
\n18. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n19. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ sumedhā bhikkhunī imā gathāyo abhāsitthāti.
\n- Sumedhātheriyāpadānaṃ paṭhamaṃ -

1. Sukhe ṭhitā - syā 2. Budedhāpaṭṭhānaniratā - machasaṃ 3. Vattaṃ - syā 4. Yācasagagaṃ - syā 5. Puññakammasamāhitā - simu 6. Khamaṃ - machasaṃ 7. Paṭhamaṃ taṃ - machasaṃ 8. Mama buddhassa - machasaṃ 9. Catasso - machasaṃ (sabbatthevaṃ)

[BJT Page 06] [\x   6/]
\n1. 2 Mekhalādāyikāpadānaṃ
\n20. Siddhatthassa bhagavāte thupaṃ kārāpikā1- ahuṃ,
\nMekhalikā mayā dinnā navakammāya satthuno.

21. Niṭṭhite ca mahāthupe mekhalaṃ puna’dāsahaṃ,
\nLokanāthassa munino pasannā sehi pāṇihi.

22. Catunavute ito2- kappe yaṃ mekhalamadaṃ tadā,
\nDuggatiṃ nābhājānāmi thupakārassidaṃ phalaṃ.

23. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.
\n[PTS Page 514] [\q 514/]
\n24. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n25. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ mekhalādāyikā bhikkhunī imā gathāyo abhāsitthāti.
\n- Mekhalādāyikātheriyāpadānaṃ dutiyaṃ -

1. 3 Maṇḍapadāyikāpadānaṃ.
\n26. Koṇāgamanassa munino maṇḍapo kārito mayā
\nDhuvaṃ ca civaramadaṃ3- buddhassa lokabandhuno.

27. Yaṃ yaṃ janapadaṃ yāmi nigame rājadhāniyo
\nSabbattha pujitā homi puññakammassidaṃ phalaṃ.

28. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

29. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n30. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ maṇḍapadāyākā bhikkhunī imā gathāyo abhāsitthāti.
\n- Paṇḍapadāyikātheriyāpadānaṃ tatiṃ -

1. Thupakāraṃpikā - machasaṃ, simu thupakāramakāyahaṃ - syā 2. Catunavutito - machasaṃ 3. Evaṃ ticiraṃdāsiṃ - simu, machasaṃ

[BJT Page 08] [\x   8/]
\n1. 4 Saṅkamanatthāpadānaṃ
\n31. Vipassissa1- bhagavato lokajeṭṭhassa tādino,
\nRathiyaṃ paṭipannassa kārayantassa pāṇino.

32. Gharato nikkhamitvāna avakakujjā nippajja’haṃ
\nAnukampako lokanātho sisante2- akkami mama3-

33. Akkamitvāna sirasi4- agamā lokanāyako
\nTena cittappasādena tusitaṃ uppajjahaṃ5-

34. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.
\n[PTS Page 515] [\q 515/]
\n35. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n36. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ saṅkamamanatthā bhikkhunī imā gathāyo abhāsitthāti.
\n- Saṅkamanatthātheriyāpadānaṃ catutthaṃ -

1. 5 Naḷamālikāpadānaṃ
\n37. Candabhāgānaditire ahosiṃ kintari tadā,
\nAddasaṃ virajaṃ buddhaṃ sayambhuṃ aparājitaṃ.

38. Pasannacittā sumanā vedajātā katañajali,
\nNaḷamālaṃ lahetvāna sayambhuṃ abhipujayiṃ.

39. Tena kammena sukatena cetanāpaṇidhīhi ca,
\nJahitvā kintaridehaṃ agacchiṃ tidasaṃ gatiṃ6-

40. Chattiṃsadevarājunaṃ mahesittamakārayiṃ,
\nDasannaṃ cakakvattaṃ mahesittamakārayiṃ,
\nSaṃvejetvāna me cittaṃ7- pababajiṃ anagāriyaṃ.

1. Koṇḍaññassa - syā [PTS] 2. Sirasi - [PTS] 3. Tadā - [PTS] 4. Sirasmiṃsyā 5. Agamāsa’haṃ - machasaṃ 6. Gaṇaṃ [X] syā, [PTS] 7. Saṃvedayitvā kusalaṃ - syā, [PTS] saṃvejayitvā me cittaṃ - sīmu.

[BJT Page 10] [\x  10/]
\n41. Catunavute ito kappe yaṃ pupphamabhipūjayiṃ,
\nDuggatiṃ nābhijānāmi pupphapujāyidaṃ phalaṃ.

42. Kilesā jhāpitā mayhaṃ bhavā sabbe samuhatā,
\nSabbāsavā parikkhiṇā nathidoni punabbhavo==

43. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

44. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n45. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ naḷamāḷikā bhikkhunī1- imā gathāyo abhāsitthāti.
\n- Naḷamālikātheriyāpadānaṃ pañcamaṃ -

1. 6 Ekapiṇḍapātadāyikāpadānaṃ.
\n46. Nagare bandhumatiyā bandhumā nāma khattiyo
\nTassa2- rañño ahuṃ bhariyā ekajjhaṃ cārayāmahaṃ3-

47. Rahogatā nisīditvā evaṃ cintesa’haṃ tadā,
\n"Adāya gamaniyaṃ hi kusalaṃ natthi me kataṃ.
\n[PTS Page 516] [\q 516/]
\n48. Mahābhitāpaṃ kaṭukaṃ gorarūpaṃ sudāruṇaṃ,
\nNirayaṃ nūna gacchāmi ettha me natthi saṃsayo"

49. Rājānaṃ upasaṅkamma idaṃ vacanamabraviṃ,
\n"Ekaṃ me samaṇaṃ dehi bhojayissāmi khattiya"

50. Adāsi me mahārājā samaṇaṃ bhāvitinduyaṃ,
\nTassa pattaṃ gahetvāna paramantena purayiṃ4-

51. Purayitvā paramantaṃ gandhālepamakāsahaṃ,
\nSahassagaghanakeneva5- vatthayugena6- chādayiṃ.

1. Theri - simu machasaṃ 2. Yassa - simu 3. Ekaccaṃ vādayāmahaṃ - syā 4. Tappayiṃ - syā, [PTS] 5. Jālena pidahitvāna - machasaṃ, syā, [PTS] 6. Pitacolena - syā mahānelena - [PTS ==]simu potthakesu ayaṃ gāthā na dissate.

[BJT Page 12] [\x  12/]
\n52. Ārammaṇaṃ mama1- etaṃ sarāmi yāvajīvitaṃ,
\nTattha cintaṃ pasādetvā tāvatiṃsaṃ agacchahaṃ.
\n53. Tiṃsānaṃ devarājunaṃ mahesittamakārayiṃ,
\nManasā patthitaṃ mayhaṃ nibbattati yathicchitaṃ2-

54. Visānaṃ cakkavattinaṃ mahesittamakārayiṃ,
\nOcitattāva3- hutvāna saṃsarāmi bhavesvahaṃ.

55. Sbababandhanamuttāhaṃ apetā me upādikā,
\nSabbāsavā parikkhiṇā4- natthidāni punabbhavo.

56. Ekanavute ito kappe - yaṃ dānamadadiṃ tadā,
\nDuggatiṃ nābhijānāmi piṇḍapātassidaṃ phalaṃ.

57. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

58. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n59. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ ekapiṇḍapātadāyikā bhikkhunī imā gathāyo abhāsitthāti.
\n- Ekapiṇḍapātadāyikāpadānaṃ chaṭṭhaṃ -

1. 7 Kaṭacchubhikkhādāyikāpadānaṃ.
\n60. Piṇḍacāraṃ carantassa tissa nāmassa satthuno,
\nKaṭacchubhikkhaṃ paggayha buddhaseṭṭhassa’dāsa’haṃ.
\n[PTS Page 517] [\q 517/]
\n61. Paṭiggahetvā sambuddho tisso lokagganāyako,
\nVithiyā saṇṭhito satthā akā me anumodanaṃ.

62. "Kaṭacchubhikkhaṃ datvāna tāvatiṃsaṃ gamissasi,
\nChattiṃsadevarājunaṃ mahesittaṃ karissasi.

63. Paññāsa5- cakkavattinaṃ mahesittaṃ karissasi,
\nManasā patthitaṃ sabbaṃ paṭilacchasi sabbadā.

64. Sampattiṃ anubhotvāna pabbajissasi’kikañcanā6,
\nSabbāsave pariññāya nibbāyissasi’nāsavā"7-

1. Mamaṃ - machasaṃ 2. Yathicchakaṃ - syā yadicchakaṃ - [PTS] 3. Upacitattā- syā 4. Sabbāsavaparikkhiṇā - machasaṃ 5. Paññāsaṃ - machasaṃ 6. Pabbajissasakiñcanā - simu 7. Nibbāyissasanāsavā - simu

[BJT Page 14] [\x  14/]
\n65. Idaṃ vatvāna sambuddho tisso logganāyako,
\nNabhaṃ abbhuggami dhīro1- haṃsarājāva ambare.

66. Sudinnaṃ me dānavaraṃ suyiṭṭhā yāgasampadā,
\nKaṭacchubhikkhaṃ datvāna pattāhaṃ acalaṃ padaṃ.

67. Dve navute ito kappe - yaṃ dānamadadiṃ tadā,
\nDuggatiṃ nābhijānāmi bhikkhāpadānassidaṃ phalaṃ.

68. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

69. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n70. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ kaṭacchubhikkhādāyikā bhikkhunī imā gathāyo abhāsitthāti.
\n-Kaṭacchubhikkhādāyikā theriyāpadānaṃ sattaṃ -

1. 8 Sattuppalamālikāpadānaṃ.
\n71. Nagare aruṇavatiyā aruṇavā2- nāma khattiyo,
\nTassa rañño ahuṃ bhariyā cārikaṃ cārayāmahaṃ3-

72. Sattamālā4- gahetvāna uppalā devagandhikā,
\nNisajjapāsādavare evaṃ cintesi tāvade.

73. "Kiṃ me imāhi mālāhi sirasāropitāhi me,
\nVaraṃ me buddhaseṭṭhassa ñāṇambhi abhiropitaṃ"
\n[PTS Page 518] [\q 518/]
\n74. Sambuddhaṃ patimānenti dvārāsanne nisida’haṃ,
\n"Yadā ehiti5- sambuddho pujayissaṃ mahāmuniṃ"

75. Kakudho vilasantova migarājāva kesarī,
\nBhikkhusaṅghena sahito āgacchi vithiyaṃ jino.

76. Buddhassa raṃsiṃ disvāna haṭṭhā saṃviggamānasā,
\nDvāraṃ avāpuritvāna6- buddhaseṭṭhaṃ apūjayiṃ.

1. Viro - machasaṃ 2. Aruṇo - machasaṃ 3. Cāritaṃ vārayāmaha - machasaṃ 4. Sattamālaṃ - machasaṃ 5. Etiha - [PTS] 6. Apāpuṇitvā - syā

[BJT Page 16] [\x  16/]
\n77. Sattauppalapupphāni parikiṇṇāni1- ambare,
\nChadaṃ2- karontā buddhassa matthake dhārayanti te.

78. Udaggacittā sumanā vedajātā katañajali,
\nTattha cittaṃ pasādetvā tāvatiṃsaṃ agañacha’haṃ.

79. Mahānelassa chadanaṃ dhārenti mama muddhani,
\nDibbagandhaṃ pavāyāmi sattuppalānidaṃ phalaṃ.

80. Kadāci niyamānāya ñātisaṅghena me tadā,
\nYāvatā parisā mayhaṃ mahānelaṃ dhariyati.

81. Sattati devarājunaṃ mahesittamakārayiṃ,
\nSabbattha issarā hutvā saṃsarāmi bhavābhave.

82. Tesaṭṭhicakkavattinaṃ mahesittamakārayiṃ,
\nSabbe maṃ anuvattanti4- ādeyyavacanā ahaṃ.

83. Uppalasseva me vaṇṇo gandho ceva pavāyati
\nDubbaṇṇiyaṃ na jānāmi5- buddhapūjāyidaṃ phalaṃ.

84. Iddhipādesu kusalā bojjhaṅgabhāvanāratā,
\nAbhiññāpāramippatatā buddhapūjāyidaṃ phalaṃ.

85. Satipaṭṭhānakusalā samādhijjhānagocarā,
\nSammappadhānamanuyuttā buddhapūjāyidaṃ phalaṃ.

86. Viriyaṃ me dhuradhorayhaṃ yogakkhemādhivāhanaṃ,
\nSabbāsavā parikkhiṇā6- natthidāni punabbhavo.
\n[PTS Page 519] [\q 519/]
\n87. Ekatiṃse ito kappe yaṃ kammamakariṃ tadā7-,
\nDuggatiṃ nābhijānāmi pupphadānassidaṃ8- phalaṃ.
\n88. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

89. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n90. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ sattupapalamālikā bhikkhunī imā gathāyo abhāsitthāti.
\n- Sattuppalamālikātheripadānaṃ aṭṭhamaṃ -

1. Sucitthiṇṇāni - syā pavitthiṇṇāni - [PTS] 2. Chadiṃ - machasaṃ 3. Agacchahaṃ -machasaṃ 4. Mamanuvattanti - machasaṃ 5. Duggatiṃ nābhijānāmi - syā, [PTS] 6. Sabbāsavaparikkhiṇā - machasaṃ 7. Pupphamabhipūjayiṃ - machasaṃ 8. Budadhapujayidaṃ - machasaṃ

[BJT Page 18] [\x  18/]
\n1. 9 Pañcadipikāpadānaṃ.
\n91. Nagare haṃsavatiyā cāriki1- āsa’haṃ tadā,
\nĀrāmena ca ārāmaṃ carāmi kusalatthikā.

92. Kālapakkhambhi divase addasaṃ bodhimuttamaṃ,
\nTattha cittaṃ pasādetvā bodhimule nisidahaṃ.

93. Garucittaṃ upaṭṭhapetvā sire katvāna añjaliṃ,
\nSomanassaṃ pavedetvā evaṃ cintesi tāvade.

94. "Yadi budedhā amitaguṇo asamappaṭipuggalo,
\nDassetu pāṭihiraṃ me bodhi obhāsatu ayaṃ"

95. Saha āvajjanā2- mayhaṃ bodhi pajjali tāvade,
\nSabbasoṇṇamāyo3- āsi disā sabbā virocayaṃ4-

96. Sattarattindivaṃ tattha bodhimule nisida’haṃ,
\nSattame divase patte dipapujaṃ akāsa’haṃ.

97. Āsanaṃ parivāretvā pañcadipāni pajjaluṃ,
\nYāva udeti suriyo dipā me pajjaluṃ tadā.

98. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

99. Tattha me sukataṃ vyambhaṃ pañcadipiti5- vuccati
\nSaṭṭhiyojanamubbedhaṃ6- tiṃsayojanavitthataṃ.

100. Asaṅkhyāni dipāni parivāre jalanti me
\nYāvatā devabhavanaṃ dipālokena jotati7-
\n[PTS Page 520] [\q 520/]
\n101. Parammukhā nisīditvā yadi icchāmi passituṃ,
\nUddhaṃ adho ca tiriyaṃ sabbaṃ passāmi cakkhunā.

102. Yāvatā abhikaṅkhāmi daṭṭhuṃ sugataduggate,
\nTattha āvaraṇaṃ natthi rukkhesu pabbatesu va.

1. Cārini - syā 2. Āvajjite - machasaṃ, syā, [PTS] 3. Sbasovaṇṇamayā - simu 4. Virocayi - simu, machasaṃ 5. Pañcadipāti - machasaṃ 6. Satayojanamubbedhaṃ - simu, syā, [PTS] 7. Jotayi - simu.

[BJT Page 20] [\x  20/]
\n103. Asiti devarājunaṃ mahesittamakārayiṃ,
\nSatānaṃ cakakvattinaṃ mahesittamakārayiṃ.

104. Yaṃ yaṃ yonupapajjāmi devattaṃ atha mānusaṃ,
\nDipasatasahassāni parivāretvā jalatti maṃ1-

105. Devalokā cavitvāna uppajjiṃ mātukucchiyaṃ,
\nMātukucchigataṃ sattiṃ2- akkhi me na nimilati.

106. Dipasatasahassāni puññakammasamaṅgitā,
\nSutighare pajjalanti3- pañcadipinādaṃ phalaṃ.

107. Pacchime bhave4- sampanne mānasaṃ vinivaṭṭayiṃ,
\nAjarāmaraṃ5- sitibhāvaṃ nibbānaṃ phassayiṃ6- ahaṃ.

108. Jātiyā sattavassā’haṃ arahattamapāpuṇiṃ,
\nUpasampādayi buddho guṇamaññāya gotamo.

109. Maṇḍape rukkhamule vā pāsādesu guhāsu vā,
\nSuññāgāre ca jhāyantyā7- pañcadipā jalanti me.

110. Dibbacakkhu visuddhaṃ me samādhikusalā ahaṃ,
\nAbhiññāpāramippattā pañcadipānidaṃ phalaṃ.

111. Sabbavositavosānā katakiccā anāsavā,
\nPañcadipā mahāvīra pāde vandati8- cakkhuma.

112. Satasahasse ito9- kappe yaṃ dipamadadiṃ tadā,
\nDuggatiṃ nābhijānāmi pañcadipānidaṃ phalaṃ.

113. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.
\n[PTS Page 521] [\q 521/]
\n114. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n115. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ pañcadipikā bhikkhunī imā gathāyo abhāsitthāti.
\n- Pañcadipikātheriyāpadānaṃ navamaṃ -

1. Paravāre jalanati me - machasaṃ 2. Gatā santi - machasaṃ [PTS] 3. Jalanati sutikāgehe - machasaṃ 4. Pacachimabhave - simu 5. Ajarāmataṃ - machasaṃ 6. Passayiṃ - syā 7. Jhāyaneta - simu jhāyanatā - [PTS] vachanatiyā - machasaṃ 8. Vandāmi - machasaṃ [PTS] 9. Satasahassito - machasaṃ

[BJT Page 22] [\x  22/]
\n1. 10 Udakadāyikāpadānaṃ.
\n116. Nagare banadhumatiyā ahosiṃ udahārikā,
\nUdahārena jivāmi tena posemi dārake.

117. Deyyadhammo ca me natthi puññakkhette anuttare,
\nKoṭṭhakaṃ upasaṅkamma udakaṃ paṭṭhapesa’haṃ.

118. Tena kammena sukatena tāvatiṃsamagaccha’haṃ,
\nTattha me sukataṃ vyambhaṃ udahārena nimmitaṃ.

119. Accharānaṃ sahassassa1- ahaṃ hi pavarā tadā,
\nDasaṭṭhānehi tā sabbā abhibhomi sadā ahaṃ.

120. Paññāsaṃ devarājunaṃ mahesittamakārayiṃ,
\nVisaticakkavattinaṃ mahesittamakārayiṃ.

121. Duve bhāve saṃsarāmi devatte atha mānuse,
\nDuggatiṃ nābhijānāmi dakadānassidaṃ2- phalaṃ.

122. Pabbatagge dumagge vā antalikkhe ca bhumiyaṃ,
\nYadā udakamicchāmi khippaṃ paṭilabhāmahaṃ.

123. Avuṭṭhikā disā natthi santattakuthitā na ca3,
\nMama saṅkappamaññāya mahāmegho pavassati.

124. Kadāci niyamānāya ñātisaṅghena me tadā
\nYadā icchāmahaṃ vassaṃ mahāmegho pavassati4,

125. Uṇhaṃ vā pariḷāho vā sarire me na vijjati,
\nKāye ca me rajo natthi dakadānassidaṃ phalaṃ.
\n[PTS Page 522] [\q 522/]
\n126. Visuddhamanasā ajja apetamalapāpikā5,
\nSababāsavā parikkhiṇā6- natthidāni punabbhāvo.

1. Sahassānaṃ - syā 2. Udakadānassidaṃ - simu 3. Satattā kuthitāpi ca - machasaṃ 4. Ajāyatha - machasaṃ 5. Apetamanapa pikā - machasaṃ, [PTS] 6. Sababāsavaparikkhiṇā - simu machasaṃ

[BJT Page 24] [\x  24/]
\n127. Ekanavute ito kappe yaṃ kammamakariṃ1- tadā,
\nDuggatiṃ nābhijānāmi dākadānassidaṃ phalaṃ.
\n128. Kilesā jhāpitā mayhaṃ bhavā sabbe samuhatā,
\nNāgiva bandhanaṃ chetvā viharāmi anāsavā.

129. Svāgataṃ vata me āsi mama buddhaseṭṭhassa8- santike,
\nTisso vijjā anuppattā kataṃ buddhassa sāsanaṃ.
\n130. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ udakadāyikā bhikkhunī imā gathāyo abhāsitthāti.
\n- Udakadāyikātheriyāpadānaṃ dasamaṃ -

Tassuddānaṃ:
\nSumedhā mekhalādāyi maṇḍapasaṅkamaṃ dadā,
\nNaḷamāli piṇḍadadā kaṭacchu uppalappadā.

Dipadā dakadā ceva gāthāyo gaṇitā iha,
\nEkaṃ gāthāsataṃ ceva tiṃsati ca taduttariṃ.

- Sumedhāvaggo paṭhamo. -

1. Yamudakamadadiṃ - simu
\n 
\n