[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 398] [\x 398/]
\n[PTS Page 511] [\q 511/]    

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nYavavaggo

 

551. Yasattherāpadānaṃ

6331. Mahāsamuddaṃ ogayha1 bhavanaṃ me sunimmitaṃ,
\nSunimmitā pokkharaṇi cakkavākupakujitā.

6332. Mandālakehi2 sañchannā padumuppalakehi ca,
\nNadī ca sandate tattha supatitthā manoramā.

6333. Macchakacchapasañchannā nānādijasamākulā3,
\nMayurakoñcābhirudā kokilādibhi4 vaggubhi.

6334. Pārevatā ravihāsā cakkavākā nadīvarā,
\nDindibhā5 sāḷikā cettha pampakā jīvaṃjīvakā.

6335. Haṃsā koñcābhinaditā kosiyā piṅgalā bahū,
\nSattaratanasampannā maṇimuttikavālikā6.

6336. Sabbe soṇṇamayā rukkhā nānāgandhasameritā,
\nUjjotenti divārattiṃ bhavanaṃ sabbakālikaṃta

6337. Saṭṭhituriyasahassāni sāyaṃ pāto pavajjare,
\nSoḷasitthisahassāni parivārenti maṃ sadā.

6338. Abhinikkhamma bhavanā sumedhaṃ lokanāyakaṃ,
\nPasannacitto sumano vandayiṃ taṃ mahāyasaṃ.

6339. Sambuddhaṃ abhivādetvā sasaṅghaṃ taṃ nimantayiṃ,
\nAdhivāsesi so dhīro sumedho lokanāyako.

6340. Mama dhammakathaṃ katvā uyyojesi mahāmuni,
\nSambuddhaṃ abhivādetvā bhavanaṃ me upāgamiṃ.

6341. Āmantayiṃ parijanaṃ sabbe sannipatuṃ tadā,
\nPubbanhasamayaṃ buddho bhavanaṃ āgamissati.

6342. Lābhā amhaṃ suladdhā no ye vasāma navantike,
\nMayampi buddhaseṭṭhassa pūjayissāma satthuno.

6343. Annaṃ pānaṃ paṭṭhapetvā kālaṃ ārocayiṃ ahaṃ,
\nVasīsatasahassehi upesi lokanāyako.

6344. Pañcaṅgikehi turiyehi paccuggamamakāsahaṃ,
\nSabbasoṇṇamaye pīṭhe nisīdi purisuttamo.

6345. Uparicchadanaṃ āsi sabbasoṇṇamayaṃ tadā,
\nVījaniyo pavāyanti bhikkhusaṅghaṃ anuttaraṃ.

1. Oggayha, machasaṃ.
\n2. Mandārakehi, machasaṃ.
\n3. Nānādijasamotthaṭā, machasaṃ, nānāmihasamotthaṭā, syā.
\n4. Kokilādīhi, machasaṃ.
\n5. Tittirā, machasaṃ.
\n6. Maṇimuttavāḷikā, machasaṃ.

[BJT Page 400] [\x 400/]

6346. Pahūtenannapānena1 bhikkhusaṅghaṃ atappayiṃ,
\nPaccekadussayugale bhikkhusaṅghassadāhaṃ.

6347. Yaṃ vadanti sumedhoti2 āhutīnaṃ paṭiggaho,
\nBhikkhu saṅghe nisīditvā imā gāthā abhāsatha:

6348. "Yo me annena pānena sabbe ime ca tappayi,
\nTamhaṃ kittayissāmi suṇātha mama bhāsato:

6349. Aṭṭhārase kappasate devaloke ramissati,
\nSahassakkhattuṃ rājāyaṃ cakkavatti bhavissati.

6350. Upagacchati yaṃ yoniṃ devattaṃ athamānusaṃ,
\nSabbasoṇṇamayaṃ tassa chadanaṃ dhārayissati.

6351. Tiṃsakappasahassamhi okkākakulasambhavo,
\nGotamo nāma nāmena3 satthā loke bhavissati.

6352. Tassa dhammesu dāyādo oraso dhammanimmito,
\nSabbāsave pariññāya nibbāyissatanāsavo.

6353. Bhikkhu saṅghe nisīditvā sīhanādaṃ nadissati,
\nCitake chattaṃ dhārenti heṭṭhā chattamhi ḍayhatha. "

6354. Sāmaññaṃ me anuppattaṃ kilesā jhāpitā mayā,
\nMaṇḍape rukkhamūle vā santāse me na vijjati.

6355. Tiṃsa kappasahassamhi yaṃ dānamadadiṃ tadā,
\nDuggatiṃ nābhājānāmi sabbadānassidaṃ phalaṃ.

6356. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6357. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6358. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā yaso thero imā gāthāyo abhāsitthāti.

Yasattherassāpadānaṃ paṭhamaṃ.

1. Pahute annapānena, machasaṃ.
\n2. Sumedho so, machasaṃ.
\n3. Gottena, machasaṃ.
\n4. Mama buddhassa, machasaṃ.

[BJT Page 402] [\x 402/]

552. Nadīkassapattherāpadānaṃ

6359. Padumuttarassa bhagavato lokajeṭṭhassa tādino
\nPiṇḍacāraṃ carantassa vārato uttamaṃ yasaṃ,
\nAggaphalaṃ gahetvāna adāsiṃ satthuno ahaṃ.

6360. Tena kammena devindo lokajeṭṭhā narāsabho,
\nSampattomhi acalaṃ ṭhānaṃ bhitvā jayaparājayaṃ.

6361. Satasahassito kappe yaṃ phalaṃ adadiṃ tadā,
\nDuggatiṃ nābhijānāmi aggadānassidaṃ phalaṃ.

6362. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6363. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6364. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā nadīkassapo thero imā gāthāyo abhāsitthāti.

Nadīkassapatthepadānaṃ dutiyaṃ.

553. Gayākassapattherāpadānaṃ

6365. Ajinacammavatthohaṃ1 khāribhāradharo tadā,
\nKhārikaṃ hārayitvāna kolaṃ ahāsimassamaṃ.

6366. Bhagavā tasmiṃ2 samaye eko adutiyo jino,
\nMamassamaṃ upaṃgañji3 jotento sabbakālikaṃ.

6367. Sakaṃ cittaṃ pasādetvā abhivādetvāna subbataṃ,
\nUbhohatthehi paggayha kolaṃ buddhassa’dāsa’haṃ.

6368. Ekatiṃse ito kappe yaṃ phalaṃ adadiṃ tadā,
\nDuggatiṃ nābhijānāmi koladānassidaṃ phalaṃ.

1. Abhinavatthaṃ nivatthohaṃ - sī
\n2. Tamhi - machasaṃ. 3. Upāgacchi - machasaṃ.

[BJT Page 404] [\x 404/]

6369. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6370. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6371. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā gayākassapo thero imā gāthāyo abhāsitthāti.

Gayākassapattherassāpadānaṃ tatiyaṃ.

554. Kimbilattherāpadānaṃ

6372. Nibbute kakusandhasmiṃ2 brāhmaṇasmiṃ3 vusīmati,
\nGahetvā salalaṃ mālaṃ maṇḍapaṃ kārayiṃ ahaṃ.

6373. Tāvatiṃsaṃ gato santo labhimha vyamhamuttamaṃ,
\nAññe deve’tirocāmi puññakammassidaṃ phalaṃ.

6374. Divā vā yadi vā rattiṃ caṅkamanto ṭhito cahaṃ,
\nChatto salalapupphehi puññakammassidaṃ phalaṃ.

6375. Imasmiṃ yeva kappamhi yaṃ buddhambhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

6376. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6377. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6378. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kimbilo thero imā gāthāyo abhāsitthāti.

Kimbilattherāpadānaṃ catutthaṃ.

1. Kimila - machasaṃ.
\n2. Kakusandhamhi - machasaṃ.
\n3. Brāhmaṇampi - machasaṃ.

[BJT Page 406] [\x 406/]

555. Vajjiputtattherāpadānaṃ

6379. Sahassaraṃsī bhagavā sayambhu aparājito,
\nVivekā vuṭṭhahitvāna govarāyābhinikkhami.

6380. Phalahattho ahaṃ disvā upagañchiṃ1 narāsahaṃ,
\nPasannacitto sumano savaṇṭaṃ adadiṃ phalaṃ.

6381. Catunavutito2 kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

6382. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6383. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6384. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vajjiputto thero imā gāthāyo abhāsitthāti.

Vajjiputtattherassāpadānaṃ pañcamaṃ.

556. Uttarattherāpadānaṃ

6385. Sumedho nāma sambuddho battiṃsa3 varalakkhaṇo,
\nVivekakāmo bhagavā himavanta mupāgami.

6386. Ajjhogahetvā himavantaṃ aggo kāruṇiko muni,
\nPallanaṅkaṃ ābhujitvāna nisīdi purisuttamo.

6387. Vijjādharo4 tadā āsiṃ antalikkhacaro ahaṃ,
\nTisūlaṃ sugataṃ gayha gacchāmi ambare tadā.

6388. Pabbatagge yathā aggi puṇṇamāyeva candimā,
\nVanaṃ obhāsate buddho sālarājāva phullito.

6389. Vanaggā nikkhamitvāna buddharaṃsī vidhāvare, 5
\nNaḷaggivaṇṇasaṅkāsā6 disvā cittaṃ pasādayiṃ.

6390. Vicinaṃ addasaṃ pupphaṃ kaṇikāraṃ devagandhikaṃ,
\nTīṇi puppāni ādāya buddhaseṭṭhamapūjayiṃ.

1. Upagacchiṃ - machasaṃ.
\n2. Catunanavutito - machasaṃ.
\n3. Bāttiṃsa - machasaṃ.
\n4. Vijjadharo - machasaṃ.
\n5. Abhidhāvare - machasaṃ.
\n6. Naḷagagivanasaṅkāsaṃ - sīmu.

[BJT Page 408] [\x 408/]

6391. Buddhassa ānubhāvena tīṇi pupphāni me tadā,
\nUddhavaṇṭā1 adhopattā chāyaṃ kubbanti satthuno.

6392. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

6393. Tattha me sukataṃ vyamhaṃ2 kaṇikārīti3 ñāyate4.
\nSaṭṭhiyejanamubbedhaṃ tiṃsayojanavitthataṃ.

6394. Sahassakaṇḍaṃ satabheṇḍu dhajālu haritāmayaṃ,
\nSatasassaniyyuhā5 vyamhe pāturahaṃsu6 me.

6395. Sovaṇṇamā maṇimayā lohitaṅkamayā’pi ca,
\nPhalikā’pi ca pallaṅkā yenicchakā yadicchakā.

6396. Mahārahañca sayanaṃ tulikāvikatīyutaṃ,
\nUddhalomiñca ekantaṃ bimbohanasamāyutaṃ.

6397. Bhavanā nikkhamitvāna caranto devacārikaṃ,
\nYadā icchāmi7 gamanaṃ devasaṅghapurakkhato.

6398. Pupphassa heṭṭhā tiṭṭhāmi uparicchadanaṃ mama,
\nSamantā yojanasataṃ kaṇikārehi chāditaṃ.

6399. Saṭṭhituriyasahassāni sāyaṃ pātaṃ upaṭṭhahuṃ,
\nParivārenti maṃ niccaṃ rattindivamatanditā.

6400. Tattha naccehi gītehi tāḷehi8 vāditehi ca,
\nRamāmi khiḍḍāratiyā modāmi kāmakāmahaṃ.

6401. Tattha bhutvā pivitvā ca modāmi tidase pure,
\nNārigaṇehi sahito modāmi vyamhamuttame.

6402. Satānaṃ pañcakkhattuñca devarajjamakārayiṃ,
\nSatānaṃ tīṇikkhattuñca cakkavatti ahosa’haṃ,
\nPadesarajjaṃ vipulaṃ gaṇanāto asaṅkhiyaṃ.

1. Uddhaṃ vaṇṭā - machasaṃ.
\n2. Byamhaṃ - machasaṃ.
\n3. Kaṇikāroti - sī
\n4. Ñāyati - machasaṃ.
\n5. Satasahassāni byuhāni - sī
\n6. Pātubhaviṃsu - machasaṃ.
\n7. Yathā gacchāmi - sī
\nYathā icchāmi - machasaṃ.
\n8. Tālehi - machasaṃ.

[BJT Page 410] [\x 410/]

6403. Bhave bhave saṃsaratto mahābhogaṃ labhāmahaṃ,
\nBhoge me ūnatā natthi buddhapūjāyidaṃ phalaṃ.

6404. Duve bhave saṃsarāmi1 devatte atha mānuse,
\nAññaṃ gatiṃ na jānāmi buddhapūjāyidaṃ phalaṃ.

6405. Duve kule pajāyāmi khattiye cāpi brāhmaṇe,
\nNīce kule na jānāmi buddhapūjāyidaṃ phalaṃ.

6406. Hatthiyānaṃ assayānaṃ sivikaṃ sandamānikaṃ,
\nLabhāmi sabbamevetaṃ buddhapūjāyidaṃ phalaṃ.

6407. Dāsigaṇaṃ dāsagaṇaṃ nāriyo samalaṅkatā,
\nLabhāmi sabbamevetaṃ buddhapūjāyidaṃ phalaṃ.

6408. Koseyya kambaliyāni khomakappāsikāni ca,
\nLabhāmi sabbamevetaṃ buddhapūjāyidaṃ phalaṃ.

6409. Navavatthaṃ navaphalaṃ navaggarasabhojanaṃ,
\nLabhāmi sabbamevetaṃ buddhapūjāyidaṃ phalaṃ.

6410. Imaṃ khāda imaṃ bhuñja imasmiṃ2 sayane saya,
\nLabhāmi sabbamevetaṃ buddhapūjāyidaṃ phalaṃ.

6411. Sabbattha pūjito bhomi yaso accuggato mama,
\nMahāpakkho sadā homi abhejjapariso sadā.

6412. Sītaṃ uṇhaṃ na jānāmi parilābho na vijjati,
\nAtho cetasikaṃ dukkhaṃ hadaye me na vijjati.

6413. Suvaṇṇavaṇṇo hutvāna saṃsarāmi bhavābhave,
\nVevaṇṇiyaṃ na jānāmi buddhapūjāyidaṃ phalaṃ.

6414. Devalokā cavitvāna sukkamūlena codito,
\nSāvatthiyaṃ pure jāto mahāsālesu aḍḍhake.

6415. Pañcakāmaguṇe hitvā pabbajiṃ anagāriyaṃ,
\nJātiyā sattavasso’haṃ arahattamapāpuṇiṃ.

1. Yattha pacchā pajāyāmi - sīmu.
\n2. Imambhi - machasaṃ.

[BJT Page 412] [\x 412/]

6416. Upasampādayī1 buddho guṇamaññāya cakkhumā,
\nTaruṇo pūjanīyo’haṃ buddhapūjāyidaṃ phalaṃ.

6417. Dibbacakkhu visuddha me samādhikusalo ahaṃ,
\nAbhiññāpāramippatto buddhapūjāyidaṃ phalaṃ.

6418. Paṭisambhidā anuppatto iddhipādesu kovido,
\nDhammesu pāramippatto buddhapūjāyidaṃ phalaṃ.

6419. Tiṃsakappasahassamhi yaṃ buddhamhipujayiṃ,
\nDuggatiṃ nābhijānāmi buddhapūjāyidaṃ phalaṃ.

6420. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6421. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6422. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā uttaro thero imā gāthāyo abhāsitthāti.

Uttaratherassāpadānaṃ chaṭṭhaṃ.

557. Aparauttarattherāpadānaṃ

6423. Nibbute lokanāthamhi siddhate lokanāyake,
\nMama ñāti samānetvā dhātupūjaṃ akāsa’haṃ.

6424. Catunavutito kappe yaṃ dhātumhipūjayiṃ,
\nDuggatiṃ nābhijānāmi dhātupūjāyidaṃ phalaṃ.

6425. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6426. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6427. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā apara uttāratthero imā gāthāyo abhāsitthāti.

Aparassa uttarattherassāpadānaṃ sattamaṃ.

1. Upasampadayi - machasaṃ

[BJT Page 414] [\x 414/]

558. Bhaddajīttherāpadānaṃ

6428. Ogayha yaṃ pokkharaṇiṃ nānākuñjarasevitaṃ,
\nUddharāmi bhisaṃ tattha ghāsahetu ahaṃ tadā.

6429. Bhagavā tamhiṃ1 samaye padumuttarasavhayo,
\nRattambaradharo buddho gacchate anilañjase.

6430. Dhunanto paṃsukūlāni saddaṃ asso’haṃ tadā,
\nUddhaṃ nijjhāyamāno’haṃ addasaṃ lokanāyakaṃ.

6431. Nattheva ṭhitako santo āyāciṃ lokanāyakaṃ,
\n"Madhuṃbhisehi sahitaṃ khīraṃ sappiṃ mulālikaṃ,
\nPatitaṇhātu2 me buddho anukampāya cakkhumā. "

6432. Tato kāruṇiko satthā orohitvā mahāyaso,
\nPatigaṇhī3 mama bhikkhuṃ anukampāya cakkhumā,
\nPaṭiggahetvā sambuddho akā me anumodanaṃ.

6433. "Sukhī hotu mahāpuñña gati tuyhaṃ samijjhatu,
\nIminā bhisadānena labhassu vipulaṃ sukhaṃ".

6435. Tato bhisaṃ gahetvāna āgañjiṃ4 mama assamaṃ,
\nBhisaṃ rukkhe laggetvāna mama dānaṃ anussariṃ.

6436. Mahāvāto uṭṭhahitvā sañcālesi vanaṃ tadā,
\nĀkāso abhinādittha asanī ca phalī tadā.

6437. Tato me asanīpāto matthake nipatī tadā,
\nSohaṃ nisinnako santo tattha kālakato5 ahaṃ.

6438. Puññakammena saññutto tusitaṃ upapajja’haṃ,
\nKalevaraṃ me patitaṃ devaloke ramā’mahaṃ.

6439. Chaḷāsīti6 sahassāni nāriyo samalaṅkatā,
\nSāyaṃ pātaṃ upaṭṭhāhanti bhisadānassidaṃ phalaṃ.

1. Tasmiṃ - sīmu.
\n2. Paṭiggaṇhātu - machasaṃ.
\n3. Paṭigagaṇhi - machasaṃ.
\n4. Āgacchiṃ - machasaṃ.
\n5. Kālaṅkato - machasaṃ. 6. Chalasīti - machasaṃ.

[BJT Page 416] [\x 416/]

6440. Manussayonimāgantvā sukhito bhoma’haṃ tadā,
\nBhoge1 me unatā natthi bhisadānassidaṃ phalaṃ.

6441. Anukampitako tena devadevena tādinā,
\nSabbāsavāparikkhiṇā2 natthidāni punabbhavo.

6442. Satasahassito kappe yaṃ bhisaṃ adadiṃ tadā,
\nDuggatiṃ nābhijānāmi bhisadānadassiṃ phalaṃ.

6443. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6444. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6445. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā bhaddajitthero imā gāthāyo abhāsitthāti.

Bhaddajittherassāpadānaṃ aṭṭhamaṃ.

559. Sīvakattherāpadānaṃ

6446. Esanāya carantassa vipassissa mahesino,
\nRittakaṃ pattaṃ disvāna kummasaṃ pūrayiṃ ahaṃ.

6447. Ekanavutito kappe yaṃ bhikkhamadadiṃ tadā,
\nDuggatiṃ nābhijānāmi kummāsassa idaṃ phalaṃ.

6448. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6449. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6450. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sīvakatthero imā gāthāyo abhāsitthāti.

Sīvakattherassāpadānaṃ navamaṃ.

Tasasuddānaṃ

Yaso nadīkassapo ca gayākimbilavajjino,
\nDve uttarā bhaddaji ca sīvako cāpi uttamo.

Yavavaggo chapaññāsatimo.

Therāpadānaṃ samattaṃ.

(Raṭṭhapāla - upavāna ttherānaṃ apadānāni "machasaṃ" potthake yasavaggantogadhāni dissante, tathāpi apadānapāḷi paṭhamabhāge dutiya tatiyavaggesu tesaṃ āgatattā idha na dassitānīti daṭṭhabbaṃ. )

1. Bhogā - machasaṃ.
\n2. Sabbasava parikkhiṇā - machasaṃ.
\n 
\n 
\n 
\n 
\n 
\n 
\n 
\n 
\n 
\n 
\n 
\n 
\n 
\n 
\n