[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 348] [\x 348/]
\n[PTS Page 488] [\q 488/]

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nBhaddiyavaggo

 
\n541. Lakuṇaṭakabhaddiyattherāpadānaṃ

6023. Padumuttaro [PTS Page 489] [\q 489/]      nāma jino sabbadhammesu cakkhumā,
\nIto satasahassamhi kappe uppajji nāyako.

6024. Tadāhaṃ haṃsavatiyaṃ seṭṭhiputto mahādhano,
\nJaṅghāvihāraṃ vicaraṃ saṃghārāmamagacchahaṃ1.

6025. Tadā so lokapajjoto dhammaṃ desesi nāyako,
\nMañjussarānaṃ pavaraṃ sāvakaṃ abhikittayī.

6026. Taṃ sutvā mudito hutvā kāraṃ katvā mahesino,
\nVanditvā satthuno pāde taṃ ṭhānambhipatthayiṃ.

6027. Tadā buddho viyākāsi saṃghamajjhe vināyako,
\nAnāgatamhi addhāne lacchase taṃ manorathaṃ.

6028. Satasahasse ito2 kappe okkākakulasambhavo,
\nGotamo nāma nāmena satthā loke bhavissati.

6029. Tassa dhammesu dāyādo oraso dhammanimmito,
\nBhaddiyo nāma nāmena hessati satthu sāvako.

6030. Tena kammena sukatena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

6031. Dvānavute3 ito kappe phusso uppajji nāyako,
\nDurāsade duppasaho sabbalokuttamo jino.

6032. Caraṇena ca sampanno brahā uju patāpavā,
\nHitesī sabbapāṇinaṃ4 bahuṃ5 mocesi bandhanā.

1. Saṅghārāmaṃ agacchahaṃ, machasaṃ.
\n2. Satasahassito, machasaṃ.
\n3. Devanavute, machasaṃ.
\n4. Sabbasattānaṃ, machasaṃ.
\n5. Bahu, machasaṃ.
\n 

[BJT Page 350] [\x 350/]

6033. Nandarāmavane tassa ahosiṃ phussakokilo, 1
\nGandhakuṭisamāsante ambarukkhe vasāmahaṃ.

6034. Tadā piṇḍāya gacchantaṃ dakkhiṇeyyaṃ jinuttamaṃ,
\nDisvā cittaṃ pasādetvā mañjunādena kūjahaṃ. 2

6035. Rājuyyānaṃ tadā gantvā supakkaṃ kanakattacaṃ,
\nAmbapiṇḍiṃ3 gahetvāna sambuddhassopanāmayiṃ.

6036. Tadā me cittamaññāya mahākāruṇiko jino,
\nUpaṭṭhākassa hatthano pattā paggaṇhi nāyako.

6037. Adāsiṃ [PTS Page 490] [\q 490/]      tuṭṭhacitto’haṃ4 ambapiṇḍiṃ mahāmune,
\nPatte pakkhippa pakkhehañjaliṃ katvāna mañjunā.

6038. Sarena rajanīyena sacaṇīyena vaggunā,
\nVassanto buddhajūjatthaṃ niḷaṃ5 gantvā nipajjahaṃ.

6039. Tadā muditacittaṃ maṃ buddhapemagatāsayaṃ,
\nSakuṇagghiṃ upāgantvā ghātayī duṭṭhamānaso.

6040. Tato cutohaṃ tusite anubhotvā mahāsukhaṃ,
\nManussayonimāgacchiṃ tassa kammassa vāhasā.

6041. Imamhi bhaddake kappe brahmabandhu mahāyaso,
\nKassapo nāma gottena uppajji vadataṃvaro.

6042. Sāsanaṃ jotayitvā so abhibhuyya kutitthiye,
\nVinayitvāna veneyye nibbuto so sasāvako.

6043. Nibbute tamhi lokagge pasannā janatā bahu,
\nPūjanatthāya buddhassa thūpā kubbanti satthuno.

6044. Sattayojanikaṃ thūpaṃ sattaratanabhūsitaṃ,
\nKarissāma mahesissa iccevaṃ mantayanti te.

6045. Kikito kāsirājassa tadā senāya nāyako,
\nHutvāhaṃ appamāṇassa pamāṇaṃ cetiye vadiṃ.

6046. Tadā te mama vākyena cetiyaṃ yojanuggataṃ,
\nAkaṃsu naravīrassa nānāratanabhūsitaṃ.

6047. Tena kammena saketena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

1. Pussakokilo, syā.
\n2. Mañjunābhinikujahaṃ, machasaṃ.
\n3. Ambapiṇḍaṃ, machasaṃ.
\n4. Haṭṭhacittohaṃ, machasaṃ.
\n5. Niḍḍaṃ, syā [PTS.]

[BJT Page 352] [\x 352/]

6048. Pacchime ca bhave’dāni jāto seṭṭhikule ahaṃ,
\nSāvatthiyaṃ puravare phīte mahaddhane.

6049. Purappavese sugataṃ disvā vimhitamānaso,
\nPabbatvājāna na ciraṃ arahattamapāpuṇiṃ.

6050. Cetiyassa pamāṇaṃ yaṃ akariṃ tena kammutā,
\nLakuṇṭakasarīrohaṃ jāto paribhavāraho.

6051. Sarena madhurenāhaṃ pūjetvā isisattamaṃ,
\nMañjussarānaṃ bhikkhūnaṃ aggattamanupāpuṇiṃ.

6052. Phaladānena [PTS Page 491] [\q 491/]      buddhassa guṇānussaraṇena ca,
\nSāmaññaphalasampanno viharāmi anāsavo.

6053. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6054. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6055. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā lakuṇaṭakabhaddiyo thero imā gāthāyo abhāsitthāti.

Lakuṇaṭakabhaddiyattherassa apadānaṃ paṭhamaṃ.

542. Kaṅkhārevatattherāpadānaṃ

6056. Padumuttaro [PTS Page 489] [\q 489/]      nāma jino sabbadhammesu cakkhumā,
\nIto satasahassamhi kappe uppajji nāyako.

6057. Sīhahanu brahmagiro haṃsadundūbhinissaro1,
\nNāgavikkantagamano candasurādhikappabho2.

6058. Mahāmati mahāvīro mahājhāyī bahābalo, 3
\nMahākāruṇiko nātho mahātamapanūdano4.

1. Haṃsadundunissano, machasaṃ - nisāvano, syā. - Nissavano. [PTS.]
\n2. Candasurādikappabho, machasaṃ.
\n3. Mahāgati, syā. Mahābhito, [PTS.]
\n4. Mahātamavidhaṃsato, syā mahātamanisudano, [PTS.]
\n[BJT Page 354] [\x 354/]

6059. Sakadāci tilokaggo veneyye vinayaṃ bahu, 1
\nDhamma desesi sambuddho sattāsayavidū muni.

6060. Jhāyi jhānarataṃ vīraṃ upasantaṃ anāvilaṃ,
\nVaṇṇayanto parisatiṃ tosesi2 janatā jino.

6061. Tadāhaṃ haṃsavatiyaṃ brāhmaṇo vedapāragu,
\nDhammaṃ sutvāna mudito taṃ ṭhānambhipatthayiṃ.

6062. Tadā jino viyākāsi saṅghamajjhe vināyako,
\nMudito hehi tvaṃ brahme lacchase taṃ manorathaṃ.

6063. Satasahasse ito kappe okkākakulasambhavo,
\nGotamo nāma nāmena hessasi3 satthusāvako.

6064. Tassa dhammesu dāyādo oraso dhammanimmito,
\nRevato nāma nāmena hessasi3 satthusāvako.

6065. Tena kammena sukatena cetanāpaṇidhīhi ca,
\nJahitvā mānusaṃ dehi tāvatisamagacchahaṃ.

6066. Pacchime ca bhave dāni jātohaṃ koliye pure,
\nKhattiye kulasampanne iddhe phīte mahaddhane.

6067. Yadā [PTS Page 492] [\q 492/]      kapilavatthusmiṃ buddho dhammamadesayi,
\nTadā pasanno sugate pabbajiṃ anagāriyaṃ.

6068. Kaṅkhā me bahulā āsi kappākappe tahiṃ tahiṃ,
\nSabbaṃ taṃ vinayī buddho desetvā dhammamuttamaṃ.

6069. Tatohaṃ tiṇṇasaṃsāro sadā jhānasukhe rato,
\nViharāmi tadā buddho maṃ disvā etadabravi:

6070. Yaṃ kāci kaṅkhā idha vā huraṃ vā,
\nSakavediyā vā paravediyā vā:
\nYe jhāyino tā pajahanti sabbā
\nĀtāpino brahmacariyaṃ carantā.

1. Bahuṃ, machasaṃ.
\n2. Toseti, syā. [PTS.]
\n3. Hessati, machasaṃ.

[BJT Page 356] [\x 356/]

6071. Satasahasse kataṃ kammaṃ phalaṃ dassesi me idha,
\nSumutto saravegova kilese jhāpayī1 mama.

6072. Tato jhānarataṃ disvā buddho lokantagū muni,
\nJhāyīnaṃ bhikkhūnaṃ aggo paññāpesi2 mahāmati.

6073. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.
\n6074. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6075. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā khaṅkhārevato thero imā gāthāyo abhāsitthāti.

Kaṅkhārevatattherassa apadānaṃ dutiyaṃ.

543. Sīvalittherāpadānaṃ

6076. Padumuttaro nāma jino sabbadhammesu cakkhumā,
\nIto satasahassamhi kappe uppajji nāyako.

6077. Sīlaṃ tassa asaṅkheyyaṃ samādhi vajirūpamo,
\nAsaṅkheyyaṃ ñāṇavaraṃ vimutti ca anūpamā.

6078. Manujāmaranāgānaṃ brahmānaṃ ca samāgame, samaṇabrāhmaṇākiṇṇe dhammaṃ desesi nāyako.

6079. Sasāvakaṃ mahālābhiṃ puññavantaṃ jutindharaṃ,
\nṬhapesi etadaggamhi parisāsu visārado.

6080. Tadāhaṃ khattiyo āsiṃ nagare haṃsasavhaye,
\nSutvā jinassa taṃ vākyaṃ sāvakassa guṇaṃ bahuṃ.

6081. Nimantayitvā [PTS Page 493] [\q 493/]      sattāhaṃ bhojayitvā sasāvakaṃ,
\nMahādānaṃ daditvāna taṃ ṭhānambhipatthayiṃ.

6082. Tadā maṃ cittaṃ pāde disvāna purisāsabho,
\nSussarena mahāvīro idaṃ vacanamabravī:

1. Jhāpayiṃ, machasaṃ.
\n2. Paññāpeti, machasaṃ.

[BJT Page 358] [\x 358/]

6083. Tato jinassa vacanaṃ sotukāmā mahājanā,
\nDevadānavagandhabbā brahmāno ca mahiddhikā.

6084. Samaṇabrāhmaṇā ceva namassiṃsu katañjalī,
\nNamo te purisājaññā namo te purisuttama.

6085. Khattiyena mahādānaṃ dinnaṃ sattāhikaṃ yi vo, 1
\nSotukāmā phalaṃ tassa vyākarohi mahāmune.

6086. Tato avoca bhagavā suṇātha mama bhāsitaṃ,
\nAppameyyamhi buddhamhi saṅghamhi suppatiṭṭhitā. 2

6087. Dakkhiṇā tāya ko vattā appameyyaphalā hi sā,
\nApivesa mahābhogo ṭhānaṃ pattheti uttamaṃ.

6088. Lābhī vipullābhānaṃ yathā bhikkhu sudassano,
\nTathāhampi bhaveyyanti lacchatetaṃ anāgate.

6089. Satasahasse ito kappe okkākakulasambhavo,
\nGotamo nāma nāmena satthā loke bhavissati.

6090. Tassa dhammesu dāyādo oraso dhammanimmito,
\nSīvali nāma nāmesa hessati satthusāvako.

6091. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsūpago ahaṃ.

6092. Ekanavute ito kappe vipassī lokanāyako,
\nUppajji cārunayano3 sabbadhammavipassako.

6093. Tadāhaṃ bandhumatiyaṃ kulassaññatarassa ca,
\nDayito patthito ceva4 āsiṃ kammantavyāvaṭo5.

6094. Tadā aññataro pūgo vipassissa mahesino,
\nParivesaṃ akāresi6 mahantamativissutaṃ.

6095. Tiṭṭhite [PTS Page 494] [\q 494/]      ca mahādāne dadaṃ7 khajjakasaṃhitaṃ8,
\nNavaṃ dadhiṃ madhuṃ ceva vicinaṃ neva addasa9.

6096. Tadāhaṃ taṃ gahetvāna navaṃ dadhiṃ madhumpi ca,
\nKammassāmigharaṃ gacchiṃ tamesantā mamaddasuṃ.

1. Sattabhikādhikaṃ, syā sattāhikampi co, machasaṃ.
\n2. Patiṭṭhitā, machasaṃ.
\n3. Cārudassano, machasaṃ.
\n4. Passito ceva, machasaṃ.
\n5. Vāvaṭo, machasaṃ.
\n6. Akāreyi.
\n7. Daduṃ, machasaṃ.
\n8. Khajjakasañhitaṃ, machasaṃ.
\n9. Addasuṃ, machasaṃ.

[BJT Page 360] [\x 360/]

6097. Sahassampi datvāna nālahiṃsu ca taṃ dvayaṃ,
\nTatohaṃ evaṃ cintesiṃ netaṃ hessati orakaṃ.

6098. Yathā ime janā sabbe sakkaronti tathāgataṃ,
\nAhampi kāraṃ kassāmi sasaṅghe lokanāyake.

6099. Tadāhamevaṃ cintetvā dadhiṃ madhuñca ekato,
\nMadditvā lokanāthassa sasaṅghassa adāsahaṃ.

6100. Tena kammena sukatena cetanāpaṇīdhīhi ca,
\nJahitvā mānusaṃ dehaṃ tāvatiṃsaṃ agacchahaṃ.

6101. Punāhaṃ bārāṇasiyaṃ rājā hutvā mahāyaso,
\nSattukassa tadā ruṭṭho1 dvārarodhaṃ akārayiṃ.

6102. Tadā sapattino2 ruddhā sattāhaṃ3 rakkhitā ahuṃ,
\nTato tassa vipākena papatiṃ4 nirayaṃ bhūsaṃ.

6103. Pacchime ca bhave dāni jātohaṃ koliye pure,
\nSuppavāyā ca me mātā mahālilicchavī pitā.

6104. Khattiye puññakammena dvārarodhassa vāhasā,
\nSattavassāni nivasiṃ mātukucchimhi dukkhito.

6105. Sattāhaṃ dvāramūḷhohaṃ mahādukkhasamappito,
\nMātā me chandadānena evamāsi sudukkhitā.

6106. Svatthitohaṃ nikkhanto buddhena anukampito,
\nNikkhantadivaseyeva pabbajiṃ anagāriyaṃ.

6107. Upajjhā5 sāriputto me moggallāno mahiddhiko,
\nKese oropayanto me anusāsi mahāmati.

6108. Kesesu [PTS Page 495] [\q 495/]      chijjamānesu arahattamapāpuṇiṃ,
\nDevā nāgā manussā ca paccaye upanenti me.

6109. Padumuttaranāthañca vipassiñca vināyakaṃ,
\nYaṃ pūjayiṃ pamudito paccayehi visesato.

1. Duṭṭho, machasaṃ.
\n2. Tapassito, machasaṃ.
\n3. Ekāhaṃ, sabbattha
\n4. Pāpatiṃ, machasaṃ. Pāpiṭṭhaṃ, syā.
\n5. Upajjho, sīmu.

[BJT Page 362] [\x 362/]

6110. Tato tesaṃ visesena1 kammānaṃ vipuluttamaṃ,
\nLābhaṃ labhāmi sabbattha vane gāme jale thale.

6111. Revataṃ dassanatthāya yadā yāti vināyako,
\nTiṃsabhikkhusahassehi saha lokagganāyako.

6112. Tadā devopanītehi mamatthāya mahāmati,
\nPaccayehi mahāvīro sasaṅgho lokanāyako.

6113. Upaṭṭhito mayā buddho gantvā revatamaddasa,
\nTato jetavanaṃ gantvā etadagge ṭhapesi maṃ.

6114. Lābhīnaṃ sivalī aggo mama sissesu bhikkhavo,
\nSabbalokahito satthā kittayī parisāsu maṃ.

6115. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6116. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6117. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sīvalī thero imā gāthāyo abhāsitthāti.

Sīvalittherassa apadānaṃ tatiyaṃ.

544. Vaṅgīsattherāpadānaṃ

6118. Padumuttaro nāma jino sabbadhammesu cakkhumā,
\nIto satasahassamhi kappe uppajji nāyako.

6119. Yathāpi sāgare ūmi gagane viya tārakā,
\nEvaṃ pāvacanaṃ tassa arahantehi cittitaṃ.

6120. Sa devāsuranāgehi manujehi purakkhato,
\nSamaṇabrāhmaṇākiṇṇe janamajjhe januttamo.

6121. Pabhābhi anurañjento2 lokaṃ3 lokantagū jino,
\nVacanena vibodhento veneyyapadumāni so.

1. Vipākena, sīmu.
\n2. Anurañjananto, machasaṃ.
\n3. Loke, machasaṃ.

[BJT Page 364] [\x 364/]

6122. Vesārajjehi sampanno catūhi purisuttamo,
\nPahīnabhayasārajjo khemappatto visārado.

6123. Āsahaṃ [PTS Page 496] [\q 496/]      pavaraṃ ṭhānaṃ buddhabhūmiṃ ca kevalaṃ,
\nPaṭijānāti lokaggo natthi sañcodako kvaci.

6124. Sīhanādamasambhītaṃ nadato tassa tādino,
\nDevo naro vā brammā vā paṭivattā na vijjati.

6125. Desento pavaraṃ dhammaṃ santārento sadevakaṃ,
\nDhammacakkaṃ pavatteti parisāsu visārado.

6126. Paṭibhānavataṃ aggaṃ sāvakaṃ sādhusammataṃ,
\nGuṇaṃ bahuṃ pakittetvā etadagge ṭhapesi taṃ.

6127. Tadāhaṃ haṃsavatiyaṃ brāhmaṇo sādhusammato,
\nSabbavedavidu jāto vaṅgīso1 vādisudano.

6128. Upecca taṃ mahāvīraṃ sutvā taṃ dhammadesanaṃ,
\nPītivaraṃ paṭilabhiṃ sāvakassa guṇe rato.

6129. Nimattayitvā2 sugataṃ sasaṅghaṃ lokanandanaṃ,
\nSattāhaṃ bhojayitvāhaṃ dussehacchādayiṃ tadā.

6130. Nipacca sirasā pāde katokāso katañjalī,
\nEkamantaṃ ṭhito haṭṭho santhaviṃ jinamuttamaṃ:

6131. "Namo te vādisaddūla3 namo te purisuttama, 4
\nNamo te sabbalokagga namo te abhayaṅkara.

6132. Namo te māramathana namo te diṭṭhisudana,
\nNamo te santisukhada namo te saraṇaṅkara.

6133. Anāthānaṃ bhavaṃ nātho bhītānaṃ abhayappado,
\nVissāmabhūmi4 sattānaṃ saraṇaṃ saraṇesitaṃ.

1. Vāgīso, sīmu.
\n2. Nimantetvāva, machasaṃ.
\n3. Vādimaddana, machasaṃ.
\n4. Isisattama, machasaṃ.
\n5. Vissāsaṃ bhūmi, syā. Vissāsabhūmi, [PTS.]

[BJT Page 366] [\x 366/]

6134. Evamādīhi sambuddhaṃ santhavitvā mahāguṇaṃ,
\nAvocaṃ vādisūrassa1 gatiṃ pappomi bhikkhūno.

6135. Tadā avoca bhagavā anantapaṭibhānavā,
\nYo so buddhaṃ abhojesi sattāhaṃ saha sāvakaṃ.

6136. Guṇaṃ ca me pakittesi pasanto sehi pāṇihi,
\nEso patthayate ṭhānaṃ vādisūrassa bhikkhuno.

6137. Anāgatamhi [PTS Page 497] [\q 497/]      addhāne lacchate taṃ manorathaṃ,
\nDevamānusasampattiṃ anubhotvā anappakaṃ.

6138. Satasahasse ito kappe okkākakulasambhavo,
\nGotamo nāma nāmena satthā loke bhavissati.

6139. Tassa dhammesu dāyādo oraso dhammanimmito,
\nVaṅgīso nāma nāmena hessati satthusāvako.

6140. Taṃ sutvā mudito hutvā yāvajīvaṃ tadā jinaṃ,
\nPaccayehi upaṭṭhāsi mettacitto tathāgataṃ.

6141. Tena kammena sukatena cetanāpaṇidhīhi ca,
\nJahitvā mānusaṃ dehaṃ tusitaṃ2 agamāsahaṃ.

6142. Pacchime ca bhavedāni paribbājakule3 ahaṃ,
\nPaccājāto yadā āsiṃ jātiyā sattavassiko.

6143. Sabbavedavidū jāto vādasatthavisārado,
\nVādissaro cittakathi paravādappamaddano.

6144. Vaṅge jāto’ti vaṅgiso vacane issaroti vā,
\nVaṅgīso iti me nāmaṃ abhavī lokasammataṃ.

6145. Yadāhaṃ viññutaṃ patto ṭhito paṭhamayobbane,
\nTadā rājagahe ramme sāriputtamathaddasaṃ4.

Pañcavisatimaṃ bhāṇavāraṃ.

6146. Piṇḍāya vicarantaṃ taṃ pattapāṇiṃ susaṃvutaṃ,
\nAlolakkhiṃ mitabhāṇiṃ yugamattanirikkhakaṃ. 5

1. Vādisudassa, machasaṃ.
\n2. Tāvatiṃsaṃ, syā.
\n3. Jāto vippakule, machasaṃ.
\n4. Sāriputtamabhaddasaṃ, machasaṃ. Ca addasaṃ, syā.
\n5. Nidakkhitaṃ, machasaṃ.

[BJT Page 368] [\x 368/]

6147. Taṃ disvā vimhito hutvā avocaṃ mananucchavaṃ1
\nKhaṇikaṃ ṭhānaracitaṃ2 cittaṃ gāthāpadaṃ ahaṃ.

6148. Ācikkhi so me satthāraṃ sambuddhaṃ lokanāyakaṃ,
\nTadā so paṇḍito vīro uttaraṃ3 samavoca me.

6149. Virāgasaṃhitaṃ vākyaṃ katvā duddasamuttamaṃ,
\nVicittapaṭibhānehi tosito tena tādinā,
\nNipacca sirasā pāde pabbājehīti maṃ braviṃ.

6150. Tato maṃ sa mahāpañño buddhaseṭṭhamupānayi,
\nNipacca sirasā pāde nisīdiṃ satthu sattike.

6151. Mamāha vadanaṃ seṭṭho kacci vaṅgīsa jānasi, 4
\nKiñci sippanti tassāhaṃ jānāmi ti ca abraviṃ. 5

6152. Matasīsaṃ [PTS Page 498] [\q 498/]      vanacchaddhaṃ api bārasavassikaṃ,
\nTava vijjāvisesena sace sakkosi bhāsaya. 6

6153. Āmāti me paṭiññāte tīṇi sīsāni dassayī.
\nNiraya nara devesu upapanne avācayiṃ.

6154. Tadā paccekabuddhassa7 siraṃ dassesi nāyako,
\nTatohaṃ vihatārambho pabbajjaṃ samayācisaṃ.

6155. Pabbajitvāna sugataṃ santhavāmi tahiṃ tahiṃ,
\nTato maṃ kabbavīttoti8 ujjhāyantiha bhikkhavo.

6156. Tato vimaṃsanatthaṃ me āha buddho vināyako,
\nTakkitā panimā gāthā ṭhānaso paṭibhanti vā

6157. Na kabbavittohaṃ vīra ṭhānaso paṭibhanti maṃ, 9
\nTena hi dāni vaṅgīsa ṭhānaso santhavāhi maṃ.

1. Mamanucchaṃ, machasaṃ.
\n2. Kaṇikāraṃvanicitaṃ, machasaṃ.
\n3. Uttariṃ, machasaṃ.
\n4. Saccaṃ vaṅgīsa kaccino, syā.
\n5. Braciṃ, machasaṃ.
\n6. Vācāya, machasaṃ.
\n7. Khīṇasavasseva, machasaṃ.
\n8. Kavicittoti, syā. [PTS.]
\n9. Taṃ, machasaṃ.

[BJT Page 370] [\x 370/]

6158. Tadāhaṃ santhaviṃ vīraṃ gāthāhi isisattamaṃ,
\nṬhānāso me tadā tuṭṭho jino agge ṭhapesi maṃ.

6159. Paṭibhānena cittena aññe samatimaññahaṃ,
\nPesale tena saṃviggo arahattamapāpuṇiṃ.

6160. Paṭibhānavataṃ aggo añño koci na vijjati,
\nYathāyaṃ bhikkhu vaṅgīso evaṃ dhāretha bhikkhavo.

6161. Satasahasse kataṃ kammaṃ phalaṃ dassesi me idha,
\nSumutto saravegova kilese jhāpayiṃ ahaṃ1.

6162. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6163. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6164. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vaṅgīso thero imā gāthāyo abhāsitthāti.

Vaṅgīsattherassa apadānaṃ catutthaṃ.

545. Nandakattherāpadānaṃ

6165. Padumuttaro [PTS Page 499] [\q 499/]      nāma jino sabbadhammesu cakkhumā,
\nIto satasahassamhi kappe uppajji nāyako.

6166. Hitāya sabbasattānaṃ sukhāya vadataṃ varo,
\nAtthāya purisājañño paṭipanno sadevake.

6167. Yasaggappatto sirimā kittivaṇṇabhato2 jino,
\nPūjito sabbalokassa disāsabbāsu vissuto.

6168. Uttiṇṇavicikiccho so vītivattakathaṃkatho,
\nParipuṇṇamanasaṃkappo patto sambodhimuttamaṃ.

1. Jhāpayiṃ mama, sīmu.
\n2. Kittivaṇṇabhaṭo, syā.

[BJT Page 372] [\x 372/]

6169. Anuppannassa maggassa uppādetā naruttamo,
\nAnakkhātañca akkhāsi asañjātaṃ ca sañjanī.

6170. Maggaññū so maggavidū1 maggakkhāyī nārāsabho,
\nMaggassa kusalo satthā sārathīnaṃ varuttamo.

6171. Tadā mahākāruṇiko dhammaṃ deseti2 nāyako,
\nNimugge mohapaṅkamhi3 samuddharati pāṇito4.

6172. Bhikkhūnīnaṃ ovadane sāvakaṃ seṭṭhasammataṃ,
\nVaṇṇayaṃ etadaggamhi paññāpesi mahāmuni.

6173. Taṃ sutvāhaṃ pamudito nimantetvā tathāgataṃ,
\nBhojayitvā sasaṅghaṃ taṃ patthayiṃ ṭhānamuttamaṃ.

6174. Tadā pamudito nātho maṃ avoca mahāisi,
\nSukhī bhavassu dighāyu5 lacchase taṃ manorathaṃ.

6175. Satasahasse ito kappe okkākakulasambhavo,
\nGotamo nāma nāmena satthā loke bhavissati.

6176. Tassa dhammesu dāyādo oraso dhammanimmito,
\nNandako nāma nāmena hessati satthusāvako.

6177. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsupago ahaṃ.

6178. Pacchime ca bhave’dāni jāto seṭṭhikule ahaṃ,
\nSāvatthiyaṃ puravare6 iddhe phīte mahaddhane.

6179. Purappavese sugataṃ disvā vimhitamānaso,
\nJetārāmapaṭiggāhe pabbajiṃ anagāriyaṃ.

6180. Na [PTS Page 500] [\q 500/]      cireneva kālena arahattamapāpuṇiṃ,
\nTatohi tiṇṇasaṃsāro sāsito sabbadassitā.

1. Maggaññūmaggavidu ca, machasaṃ.
\n2. Desesī, machasaṃ.
\n3. Kāmapaṅkamhi, machasaṃ.
\n4. Pāṇine, machasaṃ.
\n5. Dighāvu, machasaṃ.
\n6. Pure vare, machasaṃ.

[BJT Page 374] [\x 374/]

6181. Bhikkhūnīnaṃ dhammakathaṃ paṭipucchā kariṃ ahaṃ,
\nSāsitā tā mayā sabbā abhaviṃsu anāsavā.

6182. Satāni pañcanūnāni tadā tuṭṭho mahāhito,
\nBhikkhunīnaṃ ovadataṃ aggaṭṭhāne ṭhapesi maṃ.

6183. Satasahasse kataṃ kammaṃ phalaṃ dassesi me idha,
\nSumutto saravegova kilese jhāpayiṃ ahaṃ.

6184. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6195. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6186. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā nandako thero imā gāthāyo abhāsitthāti.

Nandakattherassa apadānaṃ pañcamaṃ.

546. Kāḷudāyittherāpadānaṃ

6187. Padumuttaro nāma jino sabbadhammesu cakkhumā,
\nIto satasahassamhi kappe uppajji nāyako.

6188. Nāyakānaṃ varo satthā guṇāguṇavidu jino,
\nKataññu katavedi ca titthe yojeti pāṇino2

6189. Sabbaññutena ñāṇena tulayitvā dayāsayo,
\nDeseti pavaraṃ dhammaṃ anantaguṇasañcayo.

6190. Sa kadāci mahāvīro anantajanasaṃsadi3,
\nDeseti madhuraṃ dhammaṃ catusaccupasaṃhitaṃ.

6191. Sutvāna taṃ dhammavaraṃ ādimajjhantasobhanaṃ,
\nPāṇasatasahassānaṃ dhammābhisamayo ahu.

1. Jhāpayiṃ mama, sīmu.
\n2. Pāṇine, machasaṃ
\n3. Anantajinasaṃsari, machasaṃ. Anantajanasaṃsudhi, syā. Anantajanataṃsari, [PTS.]

[BJT Page 376] [\x 376/]

6192. Ninnāditā tadā bhūmi gajjiṃsu ca payodharā,
\nSādhukāraṃ pavattesuṃ1 devabrahmanarāsurā.

6193. Aho kāruṇiko satthā aho saddhammadesanā,
\nAho bhavasamuddamhi nimugge uddharī jino.

6194. Evaṃ pavedajātesu2 satarāmarabrahmasu,
\nKulappasādakānaggaṃ sāvakaṃ vaṇṇayī jino.

6195. Tadāhaṃ haṃsavatiyaṃ jātomaccakule ahuṃ,
\nPasādiko dassanīyo pahūtadhanadhaññavā.

6196. Haṃsārāma [PTS Page 501] [\q 501/]      mupeccāhaṃ vanditvā taṃ tathāgataṃ,
\nSuṇitvā madhuraṃ dhammaṃ kāraṃ katvā ca tādino.

6197. Nipacca pādamūlehaṃ imaṃ vacanamabraviṃ,
\nKulappasādakānaggo yo tayā santhūto3 mune.

6198. Tādiso hemahaṃ vīra4 buddhaseṭṭhassa sāsane,
\nTadā mahākāruṇiko siñcanto’vāmatena maṃ. -

6199. Āha maṃ putta uttiṭṭha lacchase taṃ manorathaṃ,
\nKathaṃ nāma jine kāraṃ katvāna viphalo siyā.

6200. Satasahasse ito kappe okkākakulasambhavo,
\nGotamo nāma nāmena satthā loke bhavissati.

6201. Tassa dhammesu dāyādo oraso dhammanimmito,
\nUdāyi nāma nāmena hessati satthū sāvako.

6202. Taṃ sutvā mudito hutvā yāvajīvaṃ tadā jinaṃ,
\nMettacitto paricariṃ paccayehi vināyakaṃ.

6203. Tena kammavipākena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

6204. Pacchime ca bhave’dāni ramme kāpilavatthave,
\nJāto mahāmaccakule suddhodanamahīpate.

6205. Yadā ajāyi siddhattho ramme lumbinikānate,
\nHitāya sabbalokassa sukhāya ca narāsabho.

1. Pavantiṃsu, machasaṃ.
\n2. Saṃvegajātesu, sīmu.
\n3. Yo tava sāsane, syā.
\n4. Tādisohaṃ mahāvīra, syā.

[BJT Page 378] [\x 378/]

6206. Tadaheva ahaṃ jāto saha teneva vaḍḍhito,
\nPiyo sahāyo dayito viyatto tītikovido.

6207. Ekūnatiṃso vayasā nikkhanto pabbajittha so, 1
\nChabbassaṃ vītināmetvā buddho āsi vināyako.

6208. Jetvā sasenakaṃ māraṃ khepayitvā āsave,
\nBhavaṇṇavaṃ taritvāna āsi buddho sadevake. 2

6209. Isivhayaṃ gamitvāna3 vinetvā pañcavaggiye,
\nTato vinesi bhagavā gantvā gantvā tahiṃ tahiṃ.

6210. Veneyye vinayanto so saṃgaṇahanto sadevakaṃ,
\nUpecca māgadhagiriṃ4 viharittha tadā jino.

6211. Tadā [PTS Page 502] [\q 502/]      suddhodanenāhaṃ bhūmipālena pesito,
\nGantvā disvā dasabalaṃ pabbajitvā’rahā ahuṃ.

6212. Tadā mahesiṃ yācitvā pāpayiṃ kapilavhayaṃ,
\nTato purāhaṃ gantvāna pasādesiṃ mahākulaṃ.

6213. Jino tasmiṃ guṇe tuṭṭho maṃ mahāparisāya so, 5
\nKulappasādakānaggaṃ paññāpesi vināyako.

6214. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6215. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6216. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kāḷudāyi thero imā gāthāyo abhāsitthāti.

Kāḷudāyittherassa apadānaṃ chaṭṭhaṃ.

547. Abhayattherāpadānaṃ

6217. Padumuttaro nāma jino sabbadhammesu cakkhumā,
\nIto satasamassamhi kappe uppajji nāyako.

6218. Saraṇagamane kañci6 niveseti tathāgato,
\nKañci sīle niveseti dasakammapathuttame.

1. Nikkhamitvā agārato, machasaṃ.
\n2. Buddho āsi sadevake, machasaṃ. 3. Isivhayaṃ pattaṃ gantvā, syā.
\n4. Magadhe giriṃ, machasaṃ. Maṅgalāgiriṃ. [PTS.]
\n5. Mamāha purisāsabho syā. [PTS.]
\n6. Kiñci, machasaṃ.

[BJT Page 380] [\x 380/]

6219. Deti kassavi so vīro sāmaññaphalamuttamaṃ,
\nSamāpatti tathā aṭṭha tisso vijjā pavecchati. 1

6220. Chaḷabhiññāsu yojeti kañci sattaṃ naruttamo,
\nDeti kassaci so nātho catasso paṭisambhidā.

6221. Bodhaneyyaṃ pajaṃ disvā asaṅkheyye pi yojane, 2
\nKhaṇena upagantvāna vineti narasārathi.

6222. Tadāhaṃ haṃsavatiyaṃ ahosiṃ brāhmaṇatrajo,
\nPāragu sabbavedānaṃ veyyākaraṇasammato.

6223. Niruttiyā ca kusalo nighaṇṭumhi visārado,
\nPadako keṭubhavidu chandovicitikovido.

6224. Jaṅghāvihāraṃ vivaraṃ haṃsārāmamupeccahaṃ,
\nAddasaṃ vadataṃ seṭṭhaṃ3 mahājanapurakkhataṃ.

6225. Desentaṃ virajaṃ dhammaṃ paccanīkamatī ahaṃ,
\nUpetvā tassa vākyāti sutvāna vimalānahaṃ. 4

6226. Vyāhaṭaṃ5 [PTS Page 503] [\q 503/]      punaruttaṃ vā apatthaṃ vā niratthakaṃ,
\nNāddasaṃ tassa munito tato pabbajito ahaṃ.

6227. Na cireneva kālena sabbasatthavisārado,
\nNipuṇo buddhavacane ahosiṃ gaṇisammato.

6228. Tadā catasso gāthāyo ganthayitvā suvyañjanā,
\nSanthavitvā tilokaggaṃ desayissaṃ dine dine.

6229. Virattoyiṃ mahāvīra saṃsāre sabhaye vasaṃ,
\nKaruṇāya na nibbāyi tato kāruṇiko muni.

6230. Puthujjanova yo santo na kilesavaso ahu,
\nSampajāno satiyutto tasmā eso acintiyo.

1. Pavacchati, machasaṃ.
\n2. Asaṅkheyyampiyojanaṃ, machasaṃ.
\n3. Varadaṃ seṭṭhaṃ, machasaṃ. Pavaraṃ seṭṭhaṃ, syā.
\n4. Vākyānaṃ, machasaṃ.
\n5. Vyāhataṃ, machasaṃ.

[BJT Page 382] [\x 382/]

6231. Dubbalāni kilesāni yassāsayagatānime,
\nÑāṇaggiparidaḍḍhāni na khīyiṃsu tadabbhutaṃ1.

6232. Yo sabbalokassa garu loko yassa tathā garu,
\nTthāpi lokācariyo loko tassānuvattako.

6233. Evamādīhi sambuddhaṃ kittayaṃ dhammadesanaṃ,
\nYāvajīvaṃ karitvāna gato saggaṃ tato cuto.

6234. Evamādīhi sambuddhaṃ kittayaṃ dhammadesanaṃ,
\nYāvajīvaṃ karitvāna gato saggaṃ tato cuto.

6234. Satasahasse ito kappe yaṃ buddhambhikittayiṃ,
\nDuggatiṃ nābhijānāmi kittanāya idaṃ phalaṃ.

6235. Devaloke mahārajjaṃ rajjā pādesikaṃ ca yaṃ, 2
\nCakkavattimahārajjaṃ bahuso’nubhaviṃ ahaṃ.

6236. Duve bhave pajāyāmi devatte atha mānuse,
\nAññaṃ gatiṃ na jānāmi kittanāya idaṃ phalaṃ.

6237. Duve kule pajāyāmi khattiye atha brāhmaṇe,
\nNīce kule na jāyāmi kittanāya idaṃ phalaṃ.

6238. Pacchime ca bhave’ dāni giribbajapuruttame,
\nRaññohaṃ bimbisārassa putto nāmena cābhayo.

6239. Pāpamittavasaṃ gantvā nigaṇṭhena vimohito,
\nPesito nātaputtena3 buddhaseṭṭhaṃ upeccahaṃ.

6240. Puccitvā [PTS Page 504] [\q 504/]      nipuṇaṃ pañhaṃ sutvā vyākaraṇuttamaṃ,
\nPabbajitvāna naciraṃ arahattamapāpuṇiṃ.

6241. Kittayitvā jinavaraṃ kittito bhomi sabbadā,
\nSugandhadehavadano āsiṃ sukhasamappito.

6242. Tikkha hāsu lahupañño4 mahāpañño tathevahaṃ,
\nVicittapaṭibhāno ca tassa kammassa vāhasā.

6243. Abhitthavitvā padumuttarābyaṃ4
\nPasannacitto asamaṃ sayambhuṃ,
\nNa gacchi kappāni apāyabhūmiṃ
\nSataṃ sahassāni phalena tassa.

6244. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

1. Tambabhūtaṃ, machasaṃ.
\n2. Pādesiṃ kañcanagghiyaṃ, machasaṃ. 3. Nāṭaputtena, sīmu.
\n4. Tikkhabhāsalahupaññā, machasaṃ.
\n5. Padumuttarāhaṃ, machasaṃ.

[BJT Page 384] [\x 384/]

6245. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6246. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā abhayatthero imā gāthāyo abhāsitthāti.

Abhayattherassa apadānaṃ sattamaṃ.

548. Lomasakaṅgiyattherāpadānaṃ

6247. Imamhi bhaddake kappe brahmabandhu mahāyaso,
\nKassapo nāma nāmena1 uppajji vadanaṃ varo.

6248. Tadāhaṃ candano ceva pabbajitvāna sāsane,
\nĀpāṇakoṭikaṃ dhammaṃ pūrayitvāna sāsane-

6249. Tato cutā santusitaṃ upapannā ubho mayaṃ. Tattha dibbehi naccehi gītehi vāditehi ca-

6250. Rūpādidasahaṅgehi abhibhotvāna sesake,
\nYāvatāyuṃ vasitvāna anubhotvā mahāsukhaṃ-

6251. Tato cavitvā tidasaṃ candano upapajjatha,
\nAhaṃ kapilavatthusmiṃ ahosiṃ2 sākiyatrajo.

6252. Yadā udāyitherena ajjhiṭṭho lokanāyako,
\nAnukampiya sakyānaṃ upesi kapilavhayaṃ.

6253. Tadātimānino sakyā na buddhassa guṇaññuno,
\nPanamanti na sambuddhaṃ jātitthaddhā anādarā.

6254. Tesaṃ [PTS Page 505] [\q 505/]      saṅkappamaññāya ākāse caṅkamī jino,
\nPajjunno viya vassittha pajjalittha yathā sīkhi.

6255. Dassetvā rūpamatulaṃ puna antaradhāyatha,
\nEkopi hutvā bahudhā ahosi punarekako.

6256. Andhakāraṃ pakāsaṃ ca dassayitvā anekadhā,
\nPāṭihīraṃ3 karitvāna vinayī ñātake muni.

1. Gottena, machasaṃ.
\n2. Ajāyiṃ, machasaṃ.
\n3. Pāṭiheraṃ, machasaṃ.

[BJT Page 386] [\x 386/]

6257. Cātuddīpo mahāmegho tāvade sampavassatha, 1
\nTadā hi jātakaṃ buddho vessantaramadesayi.

6258. Tadā te khattiyā sabbe tihantvā jātijaṃ madaṃ,
\nUpesuṃ saraṇaṃ buddhaṃ - āha suddhodano tadā:

6259. Idaṃ tatiyaṃ tava bhūripañña
\nPādāni vandāmi samantacakkhu,
\nYadā’bhijāno paṭhaviṃ2 pakampayi
\nYadā ca taṃ tajjahi jambuchāyā.

6260. Tadā buddhānubhāvaṃ taṃ disvā vimhitamānaso,
\nPabbajitvāna tattheva nivasiṃ mātupūjako.

6261. Candano devaputto maṃ upagantvāna’pucchatha,
\nBhaddekarattassa tadā saṃkhepavitthāranayaṃ3.

6262. Coditohaṃ tadā tena upecca naranāyakaṃ,
\nBhaddekarattaṃ sutvāna saṃviggo vanamāmako.

6263. Tadā mātaramāpucchiṃ4 vane vacchāmi ekako,
\nSukhumāloti me mātā vārayi taṃ tadā’vacaṃ:

6264. Dabbaṃ kusaṃ5 poṭakilaṃ usīraṃ muñjababbajaṃ6,
\nUrasā panudissāmi vivekamanubrūhayaṃ.

6265. Tadā vanaṃ paviṭṭhohaṃ saritvā jinasāsanaṃ,
\nBhaddekarattaovādaṃ arahattamapāpuṇiṃ.

6266. Atitaṃ [PTS Page 506] [\q 506/]      nanvāgameyya nappaṭikaṃkhe anāgataṃ,
\nYadititaṃ pahīnaṃ taṃ appattañca anāgataṃ.

6267. Paccuppannañca yo dhammaṃ tattha tattha vipassati,
\nAsaṃhīraṃ asaṃkuppaṃ taṃ vidvā anubrūhaye.

1. Tāvadeva pavassatha, machasaṃ.
\n2. Pathavī, machasaṃ.
\n3. Saṅkhepavitthāraṃ nayaṃ, machasaṃ.
\n4. Tadāmātaramapucchiṃ, machasaṃ.
\n5. Te, machasaṃ.
\n6. Muñjapabbajaṃ, machasaṃ.

[BJT Page 388] [\x 388/]

6268. Ajjeva kiccaṃ ātappaṃ ko jaññā maraṇaṃ suve,
\nNa hi no saṃgaraṃ tena mahāsenena maccunā.
\n6269. Evaṃ viharamātāpī1 ahorattamatanditaṃ,
\nTaṃ ve bhaddekarattoti santo ācikkhate muni.

6270. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6271. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6272. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā lomasakaṅgiyo2 thero imā gāthāyo abhāsitthāti.

Lomasakaṅgiyattherassa apadānaṃ aṭṭhamaṃ.

549. Vanavacchattherāpadānaṃ

6273. Imamhi bhaddake kappe brahmabandhu mahāyaso,
\nKassapo nāma nāmena3 uppajji vadataṃvaro.

6274. Tadāhaṃ pabbajitvāna tassa buddhassa sāsane,
\nYāvajīvaṃ caritvāna brahmacariyaṃ tato cuto.

6275. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

6276. Tato cuto araññamhi kapoto āsahaṃ tahiṃ,
\nVasate guṇasampanno bhikkhu jhānarato sadā -
\n6277. Mettacitto kāruṇiko sadā pamuditānano,
\nUpekkhako mahāvīro appamaññāsu kovido.

6278. Vinīvaraṇasaṅkappe sabbasattahitāsaye,
\nVissattho4 nacirenāsiṃ tasmiṃ sugatasāvake.

6279. Upecca [PTS Page 507] [\q 507/]      pādamūlamhi nisinnassa tadā sa me, 5
\nKadāci āmisaṃ deti dhammaṃ deseti cekadā

1. Vihāriṃ ātāpiṃ, machasaṃ.
\n2. Lomasaṃkhiyo, syā.
\n3. Gottena, machasaṃ.
\n4. Visaṭṭho, machasaṃ.
\n5. Tadāssame, machasaṃ.

[BJT Page 390] [\x 390/]

6280. Tadā vipulapemeta upāsitvā jinatrajaṃ,
\nTato cuto gato saggaṃ pavāsā1 sagharaṃ yathā.

6281. Saggā cuto manussesu nibbatto puññakammunā,
\nAgāraṃ chaḍḍayitvāna pabbajiṃ lahuso ahaṃ.

6282. Samaṇo tāpaso vippo paribbājo tathevahaṃ,
\nHutvā vāsiṃ araññamhi anekasataso ahaṃ.

6283. Pacchime ca bhade dāni ramme kāpilavatthave2,
\nVacchagotto dvijo3 tassa jāyāya ahamokkamiṃ.

6284. Mātu me dohaḷo āsi tirokucchigatassa me,
\nJāyamānasamīpamhi vanavāsāya nicchayo.

6285. Tato me ajanī mātā ramanīye vanantare,
\nGabbhato nikkhamantaṃ maṃ kāsāyena paṭiggahuṃ.

6286. Tato kumāro siddhattho jāto sakyakuladdhajo,
\nTassa mitto piyo āsiṃ saṃvissattho sumāniyo.

6287. Sattasāre’hi nikkhante ohāya vipulaṃ yasaṃ,
\nAhampi pabbajitvāna himavantamupāgamiṃ.

6288. Vanālayaṃ bhāvanīyaṃ kassapaṃ dhūtavādakaṃ4,
\nDisvā sutvā jinuppādaṃ upesiṃ narasārathiṃ.

6289. So me dhammamadesesi sabbatthaṃ sampakāsayaṃ,
\nTatohaṃ pabbajitvāna vanameva punāgamiṃ5.

6290. Tatthāppamatto6 viharaṃ chalabhiññā aphassayiṃ7,
\nAho suladdhalābhomhi sumittenānukampito.

6291. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6292. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6293. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vanavaccho thero imā gāthāyo abhāsitthāti.

Vanavacchattherassa apadānaṃ navamaṃ.

1. Pavāso, machasaṃ.
\n2. Kapilavatthave, machasaṃ. 3. Dijo, machasaṃ.
\n4. Dhūtavādikaṃ, machasaṃ.
\n5. Pūnāgamaṃ, machasaṃ.
\n6. Tatthappamatto, sīmu.
\n7. Apassayiṃ, syā.

[BJT Page 392] [\x 392/]

550. Cūḷasugandhattherāpadānaṃ

6294. Imamhi [PTS Page 508] [\q 508/]      bhaddake kappe brahmabandhu mahāyaso,
\nKassapo nāma nāmena1 uppajji vadataṃ varo.

6295. Anuvyañjanasampanno battiṃsavaralakkhaṇo2,
\nByāmappabhāparivuto raṃsijālasamotthato3.

6296. Assāsetā yathā cando suriyova pabhaṅkaro,
\nNibbāpetā yathā megho sāgarova guṇākaro.

6297. Dharaṇiriva sīlena himavāva samādhinā,
\nĀkāso viya paññāya asaṅgo anilo yathā.

6298. Tadāhaṃ bārāṇasiyaṃ upapanno mahākule,
\nPahūtadhanadhaññasmiṃ nānāratanasañcaye.

6299. Mahatā parivārena nisinnaṃ lokanāyakaṃ,
\nUpecca dhammamassosiṃ amataṃva manoharaṃ.

6300. Khattiṃsalakkhaṇadharo4 sanakkhattova candimā,
\nAnuvyañjanasampanno sālarājāva phullito.

6301. Raṃsijālaparikkhitto dittova kanakācalo,
\nByāmappabhāparivuto sarasmīva divākaro.

6302. Soṇṇānano jinavaro samaṇīva5 siluccayo,
\nKaruṇāpuṇṇahadayo guṇena viya sāgaro.

6303. Lokavissutakitti ca sinerūva naguttamo,
\nYasasā vitthato vīro ākāsasadiso muni.

6304. Asaṅgacitto sabbattha anilo viya nāyako,
\nPatiṭṭhā sabbabhūtānaṃ mahīva muni sattamo.

6305. Anupalitto lokena toyena padumaṃ yathā,
\nKuvādagacchadahano aggikkhandhova sobhati6.

6306. Agado viya sabbattha kilesavisanāsako,
\nGandhamādanaselova guṇagandhavibhusito.

6307. Guṇānaṃ ākaro vīro ratanānaṃva sāgaro,
\nSindhūva vanarājinaṃ kilesamalahārako.

1. Gottena, machasaṃ.
\n2. Bāttiṃsavaralakkhaṇo, machasaṃ.
\n3. Samotthaṭo, machasaṃ.
\n4. Davattiṃsalakkhaṇadharo, machasaṃ.
\n5. Ramaṇīva, syā.
\n6. Sobhasi, machasaṃ. Sovasi, syā.

[BJT Page 394] [\x 394/]

6308. Vijayīva [PTS Page 509] [\q 509/]      mahāyodho mārasenappamaddano1,
\nCakkavattīva so rājā bojjhaṅgaratanissaro.

6309. Mahābhisakkasaṅkāso dosavyādhitikicchako,
\nSallakatto yathā seṭṭho2 diṭṭhigaṇḍaviphālako.

6310. So tadā lokapajjoto sanarāmarasakkato,
\nParisāsu narādicco dhammaṃ desayate jino.

6311. Dānaṃ datvā mahābhogo sīlena sugatūpago,
\nBhāvanāya ca nibbāti iccevamanusāsatha.

6312. Desanaṃ taṃ mahassādaṃ ādimajjhantasobhanaṃ,
\nSuṇanti parisā sabbā amataṃva mahārasaṃ.

6313. Sutvā sumadhuraṃ dhammaṃ pasanno jinasāsane,
\nSugataṃ saraṇaṃ gantvā yāvajīvaṃ namassahaṃ.

6314. Munino gandhakuṭiyā opuñchesiṃ3 tadā mahiṃ,
\nCatujjātena gandhena māse aṭṭhadinesvahaṃ.

6315. Paṇidhāya sugandhattaṃ sarīrassa dugandhino4,
\nTadā jino viyākāsi sugandhatanulābhitaṃ.

6316. Yo yaṃ gandhakuṭibhūmiṃ gandhenopuñchate’sakiṃ,
\nTena kammavipākena upapanno tahiṃ tahiṃ.

6317. Sugandhadeho sabbattha bhavissati ayaṃ naro,
\nGuṇakandhayuto5 hutvā nibbāyissatanāsavo.

6318. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

6319. Pacchime ca bhave dāni jāto vippakule ahaṃ,
\nGabbhe me vasato mātā dehenāsi sugandhikā6.

6320. Yadā ca mātukucchimhā nikkhamāmi tadā purī7,
\nSāvatthi sabbagandhehi vāsitā viya vāyatha.

6321. Pupphavassaṃ ca surabhi dibbagandhamanoramaṃ,
\nDhūpāni ca mahagghāni upavāyiṃsu tāvade.

6322. Devā [PTS Page 510] [\q 510/]      ca sabbagandhehi dhūpapupphehi taṃ gharaṃ,
\nVāsayiṃsu sugandhena yasmiṃ jāto ahaṃ ghare.

1. Mārasenāvamaddano, machasaṃ.
\n2. Vejjo, machasaṃ.
\n3. Ubbaṭṭesiṃ, syā. 4. Sarīravissagandhino, machasaṃ. Vigandhino, sīmu.
\n5. Guṇagandhayutto, machasaṃ.
\n6. Sugandhitā, machasaṃ.
\n7. Puraṃ, machasaṃ.

[BJT Page 396] [\x 396/]

6323. Yadā ca taruṇo bhaddo paṭhame yobbane ṭhito,
\nTadā selaṃ1 saparisaṃ vinetvā narasārathi-

6324. Tehi sabbehi sahito2 sāvatthipuramāgato,
\nTadā buddhānubhāvaṃ taṃ disvā pabbajito ahaṃ.

6325. Sīlaṃ samādhiṃ paññañca3 vimuttiñca anuttaraṃ,
\nBhāvetvā caturo dhamme pāpuṇiṃ āsavakkhayaṃ.

6326. Yadā pabbajito cāhaṃ yadā ca arahā ahuṃ,
\nNibbāyissaṃ yadā cāhaṃ gandhavasso tadā ahu.

6327. Sarīragandho ca sadā’tiseti me
\nMahārahaṃ candanavampakuppalaṃ,
\nTatheva gandhe itare ca sabbaso
\nPasayha vāyāmi gato tahiṃ4 tahiṃ.

6328. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

6329. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

6330. Paṭisambhidā catasso ca vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā cūḷasugandho thero imā gāthāyo abhāsitthāti.

Cūḷasugandhattherassa apadānaṃ dasamaṃ.

Bhaddiyavaggo pañcapaññāsamo.

Uddānaṃ: -

Bhaddiyo revato thero mahālābhi ca sīvalī
\nVaṅgiso nandako ceva kāḷudāyi tathābhayo
\nLomaso vanavaccho ca sugandho dasamo kato5.
\nTīṇi gāthāsanā tattha soḷasa6 ca taduttariṃ.

Atha vagguddānaṃ: -

Kaṇikāravhayo vaggo phalado tiṇadāyako,
\nKaccāno bhaddiyo vaggo gāthāyo gaṇitā cimā.
\nNavagāthā [PTS Page 511] [\q 511/]      satānīha caturāsīti eva ca.
\nSapaññāsā pañcasatā7 apadānā pakāsitā.
\nSaha uddānagāthāhi chasahassani hontimā,
\nDve satāni ca gāthānaṃ aṭṭhārasa taduttariṃ.

1. Sesaṃ, syā.
\n2. Parivuto, machasaṃ.
\n3. Sīlaṃsamādhipaññañca, machasaṃ.
\n4. Yahiṃ, syā.
\n5. Sugandho cevadasamo, machasaṃ.
\n6. Soḷasāca taduttari, machasaṃ.
\n7. Sapaññāsaṃ pañcasataṃ, machasaṃ.
\n 
\n