[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 292] [\x 292/]
\n[PTS Page 463] [\q 463/]    

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nKaccānavaggo

 
\n531. Mahākaccānattherāpadānaṃ

5663. Padumuttaro nāma jino anejo ajitañjayo,
\nSatasahasse kappānaṃ ito uppajji nāyako.

5664. Vīro kamalapattakkho sasaṅkavimalānano,
\nKanakāvalasaṅkāso3 ravidittiyasamappabho.

5665. Sattanettamanohārī varalakkhaṇabhusito,
\nSabbavākyapathātīto manujāmarasakkato.

5666. Sambuddho bodhayaṃ satte vāgīso madhurassaro,
\nKaruṇānibaddha4 santāno parisāsu visārado.

5667. Deseti [PTS Page 464] [\q 464/]      madhuraṃ dhammaṃ catusaccupasaṃhitaṃ,
\nNimugge mohapaṅkamhi samuddharati pāṇino.

5668. Tadā ekacaro hutvā tāpaso himavālayo,
\nNabhasā mānusaṃ lokaṃ gacchanto jinamaddasaṃ.

5669. Upecca santikaṃ tassa assosiṃ dhammadesanaṃ,
\nVaṇṇayantassa vīrassa sāvakassa mahāguṇaṃ.

5670. Saṃkhittena mayā vuttaṃ vitthārena pakāsayaṃ,
\nParisaṃ mañca toseti yathā kaccāyano ayaṃ.

5671. Nāhaṃ evaṃ vidhaṃ kañci5 aññaṃ passāmi sāvakaṃ,
\nTasmātadagge6 esaggo evaṃ dhāretha bhikkhavo.

5672. Tadāhaṃ vimhito hutvā sutvā vākyaṃ manoramā,
\nHimavantaṃ gamitvāna āhatvā7 pupphasañcayaṃ.

5673. Pūjetvā lokasaraṇaṃ taṃ ṭhānaṃ abhipatthayiṃ,
\nTadā mamāsayaṃ ñatvā vyākāsi saraṇañjaho.

1. Bodhisammajjako maṇḍo, machasaṃ.
\n2. Ti ca, machasaṃ.
\n3. Kañcanakavasaṅkalāso, syā
\n4. Nibandha, sabbattha.
\n5. Nāśaṃ evaṃmidhekakaccaṃ, machasaṃ.
\n6. Tasematadagge, sīmu. Tasmātadagge ṭhapemi, theragāthaṭṭhakathā.
\n7. Āhitvā.

[BJT Page 294] [\x 294/]

5673. "Passathetaṃ isivaraṃ niddhantakanakattacaṃ,
\nUddhaggalomaṃ pīṇaṃsaṃ acalaṃ pañjaliṃ ṭhitaṃ.

5674. Hāsassupuṇṇanayanaṃ1 buddhavaṇṇagatāsayaṃ,
\nDhammaṃva viggahavaraṃ2 amatāsittasantibhaṃ.

5675. Kaccānassa guṇaṃ sutvā taṃ ṭhānaṃ patthayaṃ ṭhito,
\nAnāgatamhi addhāne gotamassa mahāmune.

5676. Tassa dhammesu dāyādo oraso dhammanimmito,
\nKaccāno nāma nāmena hessi satthusāvako.

5677. Bahussuto mahāñāṇi adhippāyavidū mune,
\nPāpuṇissati taṃ ṭhānaṃ yathāyaṃ vyākato mayā.

5678. Satasahasse ito kappe yaṃ kammamakariṃ tadā,
\nDuggatiṃ nābhijānāmi buddhapūjāyidaṃ phalaṃ.

5679. Duve bhave saṃsarāmi devatte atha mānuse,
\nAññaṃ gatiṃ na gacchāmi buddhapūjāyidaṃ phalaṃ.

5680. Duve kule pajāyāmi khattiye atha brāhmaṇe,
\nNīce kule na jāyāmi buddhapūjāyidaṃ phalaṃ.

5681. Pacchime [PTS Page 465] [\q 465/]      va3 bhave dāni jāto ujjeniyā pure, 4
\nPajjotassa ca caṇḍassa purohitadijātino. 5

5682. Putto tiraṭavacchassa6 nipuṇo vedapāragū,
\nMātā ca candimā nāma kaccānohaṃ varattavo.

5683. Vīmaṃsatthaṃ buddhassa bhumipālena pesito,
\nDisvā mokkhapuradvāraṃ nāyakaṃ guṇasañcayaṃ.

5684. Sutvā ca vimalaṃ vākyaṃ gatipaṅkavisosanaṃ,
\nPāpuṇiṃ amataṃ santaṃ sosehi saha sattahi. 7

5685. Adhippāyavidū jāto sugatassa mahāmune, 8
\nṬhapito etadagge ca susamiddhamanoratho.

5686. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

1. Bhāsaṃsapuṇṇanayanaṃ, machasaṃ.
\n2. Dhammajaṃuggahadayaṃ, machasaṃ. Dhammapaṭiggabhavaraṃ, syā.
\n3. Pacchime ca, machasaṃ.
\n4. Ujjeniyaṃ pure, machasaṃ.
\n5. Purohitadijādhino, machasaṃ.
\n6. Nidīvacchassa, theragāthaṭṭhakathā. Tiriṭivacchassa, machasaṃ.
\n7. Sesebhi saha pañcahi, sīmu: theragāthaṭṭhakathā. "Sesehi saha sattahi" iti manorathapūraṇi ādiaṭṭhakathāhi saddhiṃ sameti.
\n8. Mahāmate, machasaṃ.

[BJT Page 296] [\x 296/]

5687. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5688. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Ittha sudaṃ āyasmā mahākaccāno thero imā gāthāyo abhisitthāti.

Mahākaccānattherassa apadānaṃ paṭhamaṃ.

532. Vakkalittherāpadānaṃ

5689. Ito satasahassamhi kappe uppajji nāyako,
\nAnomanāmo amito nāmena padumuttaro.

5690. Padumākāravadano padumāmalasucchavī,
\nLokenānupalittova teyena padumaṃ yathā.

5691. Vīro padumapattakkho santo ca padumaṃ yathā,
\nPadumuttaragandho ca1 tasmā so padumuttaro.

5692. Lokajeṭṭho ca nimmāno andhānaṃ nayanūpamo,
\nSantaveso guṇanidhi karuṇāmatisāgaro.

5693. Sakadāci mahāvīro brahmāsurasuraccito,
\nSadevamanujākiṇṇo2 janamajjhe anuttamo. 3

5694. Vadanena sugandhena madhurena rutena ca,
\nRañjayaṃ parisaṃ sabbaṃ santhavī sāvakaṃ sakaṃ.

5695. "Saddhādhimutto [PTS Page 466] [\q 466/]      sumatī mama dassanalālaso, 4
\nNatthi etādiso añño yathāyaṃ bhikkhu vakkali".

5696. Tadāhaṃ haṃsavatiyaṃ nagare brāhmaṇatrajo,
\nHutvā sutvā ca taṃ vākyaṃ taṃ ṭhānamabhirocayiṃ.

5697. Sasāvakaṃ taṃ vimalaṃ nimantetvā tathāgataṃ,
\nSattāhaṃ bhojayitvāna dussegacchādayiṃ tadā.

5698. Nipacca sirasā tassa anantaguṇasāgare,
\nNimuggo pītisampuṇṇo idaṃ pacanamabraviṃ:

1. Padumuttaragandhova, machasaṃ.
\n2. Sadevamanujākiṇṇe, machasaṃ.
\n3. Jinuttamo, machasaṃ.
\n4. Dassanasālayo, syā.

[BJT Page 298] [\x 298/]

5699. "Yo so tayā santhavito ito sattamake’hani, 1
\nBhikkhu saddhāvataṃ aggo tādiso homahaṃ mune. "

5700. Evaṃ vutte mahāvīro anāvaraṇadassano,
\nImaṃ vākyaṃ udīresi parisāyaṃ2 mahāmuni:

5701. "Passathetaṃ māṇavakaṃ pītamaṭṭhanivāsanaṃ,
\nHemayaññopavītaṅgaṃ3 jananettamanoharaṃ.

5702. Eso anāgataddhāne gotamassa mahesino,
\nAggo saddhādhimuttānaṃ sāvakoyaṃ bhavissati.

5703. Devabhūto manusso vā sabbasantāpavajjito,
\nSabbabhogaparibbūḷho sukhito saṃsarissati.

5704. Satasahasse ito kappe okkākakusalasambhavo,
\nGotamo nāma nāmena4 satthā loke bhavissati.

5705. Tassa dhammesu dāyādo oraso dhammanimmito,
\nVakkalī nāma nāmena hessati satthūsāvako.

5706. Tena kammavisesena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

5707. Sabbattha sukhito hutvā saṃsaranto bhavābhave,
\nSāvatthiyaṃ pure jāto kule aññatare ahaṃ.

5708. Nonītasukhumālaṃ maṃ jātapallavakomalaṃ,
\nMandaṃ uttānasayanaṃ pisācībhayatajjitā. 5

5709. Pādamūle mahesissa sāyesuṃ dīnamānasā,
\n’Imaṃ dadāma te nātha saraṇaṃ hohi nāyaka. ’

5710. Tadā [PTS Page 467] [\q 467/]      paṭiggahi so maṃ bhītānaṃ saraṇo muni,
\nJālitā saṅkhalaṅkena6 mudukomalapāṇinā.

5711. Tadāppabhūti tenāhaṃ arakkheyyena rakkhito,
\nSabbaveravinimmutto7 sukhena parivaḍḍhito.

5712. Sugatena vinābhūto ukkaṇṭhāmi muhuttakaṃ,
\nJātiyā sattavassohaṃ pabbajiṃ anagāriyaṃ.

1. Ito sattamake muni, machasaṃ. Ito saddhādhimutto iti, syā.
\n2. Parisāya, machasaṃ.
\n3. Hemayaññopacitaṅgaṃ, machasaṃ.
\n4. Gottena, machasaṃ.
\n5. Pisācabhayatajjitā, sīmu. Machasaṃ.
\n6. Jālinācakkakitena, machasaṃ.
\n7. Sabbāpadāvinimmutto, theragāthaṭṭhakathā, sabbabyādhivinimmutto, syā sabbupadhivinimmutto, [PTS]

5713. Sabbapāmisambhūtaṃ lakkhīnilayanaṃ paraṃ, 1
\nRūpaṃ sabbasubhākiṇṇaṃ atitto pihayāmahaṃ2.

5714. Buddharūparataṃ3 ñatvā tadā ovadi maṃ jino,
\n"Alaṃ vakkali kiṃ rūpe ramase bālanandite.

5715. Yo hi passati saddhammaṃ so maṃ passati paṇḍito,
\nApassamāno saddhammaṃ maṃ passampi na passati.

5716. Anattādīnavo kāyo visarukkhasamūpamo,
\nĀvāso sabbarogānaṃ puñjo dukkhassa kevalo.

5717. Tibbandiya tato rūpe khandhānaṃ uyadabbayaṃ,
\nPassa sabbakilesānaṃ sukhenantaṃ gamisassi. "

5718. Evaṃ tenānusiṭṭhohaṃ nāyakena hitesinā,
\nGijjhakūṭaṃ samāruyha jhāyāmi girikandare.

5719. Ṭhito pabbatapādamhi mamāha so mahāmuni, 4
\nVakkalī’ti jino vācaṃ taṃ sutvā mudito ahaṃ.

5720. Pakkhandiṃ selapabbhāre anekasataporise,
\nTadā buddhānubhāvena sukhena’va mahiṃ gato.

5721. Punopi5 dhammaṃ desesi6 khandhānaṃ udayabbayaṃ,
\nTamhaṃ dhammamaññāya arahattamāpuṇiṃ.

5722. Sumahāparisāmajjhe7 tadā maṃ maraṇantago8,
\nAggaṃ saddhādhimuttānaṃ paññapesi mahāmati.

5723. Satasahasse ito kappe yaṃ kammamakariṃ tadā,
\nDuggatiṃ nābhijānāmi buddhajūjāyidaṃ phalaṃ.

5724. Kilesā [PTS Page 468] [\q 468/]      jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5725. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

1. Nīlakkhitayanaṃ varaṃ, machasaṃ.
\n2. Vibharāmahaṃ, machasaṃ.
\n3. Buddho rūparataṃ, sīmu buddharūparatiṃ, machasaṃ.
\n4. Assāsayi mahāmuni, machasaṃ.
\n5. Punāpi, sīmu. Syā.
\n6. Deseti, machasaṃ.
\n7. Sumahāparisamajjhe, machasaṃ.
\n8. Caraṇantago, machasaṃ.

[BJT Page 302] [\x 302/]

5726. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vakkalitthero imaṃ gāthāyo abhisitthāti

Vakkalittherassa apadānaṃ dutiyaṃ

533. Mahākappinattherāpadānaṃ

5727. Padumuttaro nāma jino sabbadhammānapāragu,
\nUdito jagadākāse1 ravīva saradambare.

5728. Vacanābhāya bodheti veneyyapadumāni so,
\nKilesapaṅkaṃ soseti matiraṃsīhi nāyako.

5729. Titthiyānaṃ yaso hanti khajjotābhā yathā ravi,
\nSaccatthābhaṃ pakāseti ratanaṃva divākaro.

5730. Guṇānaṃ āyatibhūto ratanānaṃva sāgaro,
\nPajjunnoriva bhūtāni dhammameghena vassati.

5731. Akkhadasso tadā āsiṃ nagare haṃsasavhaye,
\nUpecca dhammamassosiṃ jalajuttaranāmino.

5732. Ovādakassa bikkhūnaṃ sāvakassa katāvino,
\nGuṇaṃ pakāsayantassa tosayantassa2 me manaṃ.

5733. Sutvā patīto sumano nimantetvāna taṃ ṭhānambhipatthayiṃ.
\nSasissaṃ bhojayitvāna taṃ ṭhānambhipatthayiṃ.

5734. Tadābhāsi mahābhāgo3 haṃsadundubhisussaro, 4
\nPassathetaṃ mahāmattaṃ vinicchayavisāradaṃ.

5735. Maṃpādamūle patītaṃ5 samuggatatanūruhaṃ,
\nJimutavaṇṇaṃ pīṇaṃsaṃ pasannanayanānanaṃ.

5736. Parivārena mahatā rañjayaṃ taṃ6 mahāyasaṃ,
\nEso katāvino ṭhānaṃ pattheti muditāsayo.

5737. Iminā [PTS Page 469] [\q 469/]      piṇḍapātena7 cetanāpaṇidhīhi ca, 8
\nKappasatasahassāni nūpapajjati duggatiṃ.

5738. Devesu devasobhaggaṃ manussesu mahantataṃ,
\nAnubhotvāvasesena9 nibbānaṃ pāpuṇissati.

1. Ajaṭākāse, machasaṃ. Jaladākāse, [PTS.]
\n2. Tappayantassa, machasaṃ.
\n3. Tadā haṃsasambhāgo, machasaṃ.
\n4. Haṃsadundubhinissaro, theragāthaṭṭhakathā: haṃsadundubhinissano, machasaṃ.
\n5. Patitaṃ pādamūle me, machasaṃ.
\n6. Rañjayannaṃ, sīmu, rājayuttaṃ, machasaṃ. 7. Paṇipātenaṃ, machasaṃ.
\n8. Cāgena paṇidhīhi ca, machasaṃ.
\n9. Anubhotvāna sesena, machasaṃ

[BJT Page 304] [\x 304/]

5739. Satasahasse ito kappe okkākakulasambhavo.
\nGotamo nāma gottana satthā loke bhavissati.
\n5740. Tassa dhammesu dāyādo oraso dhammanimmito,
\nKappino nāma nāmena hessati satthusāvako.

5741. Tatohaṃ sukataṃ kāraṃ katvāna jinasāsane,
\nJahitvā mānusaṃ dehaṃ tusitaṃ agamāsahaṃ.
\n5742. Devanamānusarajjāni sataso anusāsiya,
\nBārāṇasīsamāsanne jāto keniyajātiyaṃ.

5743. Sahassaparivārena1 sapajāpatiko ahaṃ,
\nPañca paccekabuddhānaṃ satāni samupaṭṭhahiṃ.

5744. Temāsaṃ bhojayitvāna pacchā’dambha ticīvaraṃ,
\nTato cutā mayaṃ sabbe ahumbha tidasūpagā.

5745. Puto sabbe manussattaṃ āgamimbha2 tato cutā,
\nKukkuṭambhi pure jātā himavantassa passato.

5746. Kappino nāmahaṃ āsiṃ rājaputto mahāyaso,
\nSesāmaccakule jātā mameva parivārayuṃ.

5747. Mahārajjasukhaṃ patto sabbakāmasamiddhimā,
\nVāṇijehi samakkhātaṃ buddhappādamahaṃ suṇiṃ.

5748. "Buddho loke samuppanno asamo ekapuggalo,
\nSo pakāseti saddhammaṃ amataṃ sukhamuttamaṃ.

5749. Suyuttā tassa sissā ca sumuttā ca anāsavā, "
\nSutvā tesaṃ suvacanaṃ sakkaritvāna vāṇije.

5750. Pahāya rajjaṃ sāmacco nikkhamaṃ buddhamāmako,
\nNadiṃ disvā mahācandā pūritaṃ samatittikaṃ.

5751. Appatiṭṭhaṃ anālambaṃ duttaraṃ sīghavāhiniṃ,
\nGuṇaṃ saritvā buddhassa sotthinā samatikkamiṃ.

5752. Bhavasotaṃ sace buddho tiṇṇo lokantagū vidu,
\nEtena saccavajjena gamanaṃ me samijjhatu.

1. Satasahasseparivāro, syā.
\n2. Agamimha, machasaṃ.

[BJT Page 306] [\x 306/]

5753. Yadi [PTS Page 470] [\q 470/]      santigamo maggo mokkho vaccantikaṃ1 sukhaṃ,
\nEtena saccavajjena gamanaṃ me samijjhatu.

5754. Saṅgho ce tiṇṇakantāro puññakkhetto anuttaro,
\nEtena saccavajjena gamanaṃ me samijjhatu.

5755. Saha kate saccavare maggā apagataṃ jalaṃ,
\nTato sukhena uttiṇṇo nadītīre manorame.

5756. Nisisannaṃ addasaṃ buddhaṃ udentaṃva pabhaṅkaraṃ,
\nJalantaṃ hemaselaṃva dīparukkhaṃva jotitaṃ.

5757. Sasī va2 tārāsabhitaṃ sāvakehi purakkhataṃ, vāsavaṃ viya vassantaṃ desanājaladaṃ tadā3

5758. Vanditvāna sahāmacco ekamantaṃ upāvisiṃ4
\nTato no āsayaṃ5 ñatvā buddho dhammamadesayī.

5759. Sutvāna dhammaṃ vimalaṃ avocumha mayaṃ jinaṃ,
\nPabbājehi mahāvīra nibbittamha6 mayaṃ bhave.

5760. Savākkhāto7 bhikkhave dhammo dukkhantakaraṇāya vo,
\nCaratha brahmacariyaṃ iccāha muni sattamo.

5761. Saha vācāya sabbepi bhikkhuvesadharā mayaṃ,
\nAhumbha upasampannā sotāpannā ca sāsane.

5762. Tato jetavanaṃ gavatvā anusāsi vināyako,
\nAnusiṭṭho jinenāhaṃ arahattamapāpuṇiṃ.

5763. Tato bhikkhusahassaṃ8 taṃ anāsāsiṃ ahaṃ tadā,
\nMamānusāsanakarā tepi āsuṃ anāsavā.

5764. Jino tasmiṃ guṇe tuṭṭho etadagge ṭhapesi maṃ,
\nBhikkhu ovādakānaggo kappinoti mahājane.

5765. Satasahasse kataṃ kammaṃ phalaṃ dassesi me idha,
\nSumutto saravevegova kilese jhāpayi9 mama.

1. Mokkhadaṃ santikaṃ, syā.
\n2. Sasiṃva, machasaṃ.
\n3. Desanājaladantaraṃ, machasaṃ. Devenajaladantaraṃ, syā. [PTS.]
\n4. Ekamantamupācisaṃ, machasaṃ. 5. Tatosajjhāsayaṃ, syā.
\n6. Nibbinnāmha, machasaṃ
\n7. Svakkhāto, machasaṃ.
\n8. Tatobhikkhusahassāni, machasaṃ.
\n9. Jhāpayiṃ, machasaṃ.

[BJT Page 308] [\x 308/]

5766. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5767. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5768. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā mahākappino thero imaṃ gāthāyo abhisitthāti

Mahākappinattherassa apadānaṃ tatiyaṃ.

534. Dabbattherāpadānaṃ

5769. Padumuttaro [PTS Page 471] [\q 471/]      nāma jino sabbalokavidū muni,
\nIto satasahassamhi kappe uppajji cakkhumā.

5770. Ovādako viññāpako tārako sabbapāṇinaṃ,
\nDesanākusalo buddho tāresi ranataṃ bahuṃ.

5771. Anukampako kāruṇiko hitesī sabbapāṇinaṃ,
\nSampatte titthiye sabbe pañcasīle patiṭṭhapi1

5772. Evaṃ nirākulaṃ āsi suññataṃ2 titthiyehi ca,
\nVicittaṃ arahantehi vasībhūtehi tādihi.

5773. Ratanānaṭṭhapaññāsa3 uggato so mahāmuni,
\nKañcanagghiyasaṅkāso battiṃsavaralakkhaṇo.

5774. Vassasatasahassāni āyu vijjati tāvade,
\nTāvatā tiṭṭhamāno so tāresi janataṃ bahuṃ.

5775. Tadāhaṃ haṃsavatiyā seṭṭhiputto mahāyaso,
\nUpetvā lokapajjotaṃ assosiṃ dhammadesanaṃ.

5776. Senāsanāni bhikkhūnaṃ paññāpentaṃ sasāvakaṃ,
\nKittayantassa vacanaṃ suṇitvā mudito ahaṃ.

5777. Adhikāraṃ sasaṅghassa katvā tassa mahesino,
\nNipacca sirasā pāde taṃ ṭhānambhipatthayiṃ.

1. Patiṭṭhahi, syā.
\n2. Suññakaṃ, syā.
\n3. Paññāsaṃ, machasaṃ.

[BJT Page 310] [\x 310/]

5778. Tadā bhāsi1 mahāvīro mama kammaṃ pakittayaṃ,
\nYo sasaṅghamabhojesi sattāhaṃ lokanāyakaṃ.

5779. Soyaṃ kamalapattakkho sīhaṃso kanakattavo,
\nMama pādamūle nipatī2 patthayaṃ ṭhānamuttamaṃ.

5780. Sahasahasse ito kappe okkākakulasambhavo,
\nGotamo nāma nāmena3 satthā loke bhavissati.

5781. Sāvako tassa buddhassa dabbo nāmena vissuto,
\nSenāsanapaññāpako aggo hessati’yaṃ4 tadā.

5782. Tena kammena sukatena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

5783. Satānaṃ tīṇikkhattuñca devarajjamakārayiṃ,
\nSatānaṃ pañcakkhattuñca cakkavatti ahosahaṃ.

5784. Padesarajjaṃ [PTS Page 472] [\q 472/]      vipulaṃ gaṇanāto asaṃkhiyaṃ,
\nSabbattha sukhito āsiṃ tassa kammassa vāhasā.

5785. Ekanavute ito kappe vipassī nāma nāyako,
\nUppajji cārunayano5 sabbadhammavipassako.

5786. Duṭṭhacitto upavadiṃ sāvakaṃ tassa tādino,
\nSabbāsavaparikkhīṇaṃ suddhoti ca vijāniya.

5787. Tasseva naravīrassa sāvakānaṃ mahesinaṃ,
\nSalākaṃ paggahetvāna6 khīrodanamadāsahaṃ.

5788. Imamhi bhaddake kappe brahmabandhu mahāyaso,
\nKassapo nāma nāmena uppajji vadataṃ varo.

5789. Sāsanaṃ jotayitvā so abhibhuyya kutitthiye,
\nVeneyye7 vinayitvāna nibbuto so sasāvako.

5790. Sasisse nibbute nāthe atthamentamhi8 sāsane,
\nDevā kandiṃsu saṃviggā muttakesā rudammukhā.

1. Tadāhāsa, sīmu. Machasaṃ.
\n2. Patito, [PTS.]
\n3. Gottena, machasaṃ.
\n4. Hessatayā, sīmu.
\n5. Cārudassano, machasaṃ.
\n6. Salākañcagahetvāna, machasaṃ.
\n7. Vineyya, machasaṃ.
\n8. Antappattambhi, theragāthaṭṭhakathā.

[BJT Page 312] [\x 312/]

5791. "Nibbāyissatī dhammakkho na passissāma subbate,
\nNa suṇissāma saddhammaṃ aho no appapuññatā. "

5792. Tadāyaṃ paṭhavī1 sabbā acalā sācalā’calī2,
\nSāgaro ca sasokova vinadī karuṇaṃ giraṃ.

5793. Catuddisā dundubhiyo nādayiṃsu amānusā,
\nSammantato asaniyo phaliṃsu3 ca bhayāvahā.

5794. Ukkā patiṃsu nabhasā dhūmaketu ca’dissatha, 4
\nSabbatthalajasattā ca5 raviṃsu karuṇaṃ migā.

5795. Uppāte6 dāruṇe disvā sāsanatthaṅgamasuvake,
\nSaṃviggā bhikkhavo satta cintayimha mayaṃ tadā.

5796. Sāsanena vināmhākaṃ jīvitena alaṃ mayaṃ,
\nPavisitvā mahāraññaṃ yuñjāma jinasāsane7.

5797. Addasumbha8 tadāraññe ubbiddhaṃ selamuttamaṃ,
\nTissenaṇiyā tamāruyha tisseṇiṃ pātayimhase.

5798. Tadā [PTS Page 473] [\q 473/]      ovadi no thero buddhuppādo sudullabho,
\nSaddhā ca dullabhā9 laddhā thokaṃ sesañca10 sāsanaṃ.

5799. Nipatanti khaṇātītā anante dukkhasāgare,
\nTasmā payogo kattabbo yāva ṭhāti mune mataṃ. 11

5800. Arahā āsi so thero anāgāmī tadānugo,
\nSusīlā itare yuttā devalokaṃ agamhase.

5801. Nibbuto tiṇṇasaṃsāro suddhāvāse ca ekako,
\nAhaṃ ca pukkusātī ca sabhiyo bāhiyo tathā.

5802. Kumārakassapo ceva tattha tatthūpagā mayaṃ,
\nSaṃsārabandhanā muttā gotamenānukampitā.

5803. Mallesu kusinārāyaṃ jāto gabbheva me sato,
\nMatā mātā citārūḷhā tato nippatito ahaṃ.

5804. Patito dabbapuñjamhi tato dabboti vissuto,
\nBrahmacārībalenāhaṃ vimutto sattavassiko.

1. Pathavi, machasaṃ.
\n2. Calācalā, machasaṃ. Pulāpūlī, syā.
\n3. Patiṃsu, sīmu.
\n4. Dissati, machasaṃ.
\n5. Sadhūmā jālavaṭṭā ca, machasaṃ.
\n6. Uppāde, machasaṃ.
\n7. Sāsanaṃ, machasaṃ.
\n8. Addasamha, machasaṃ. Sīmu.
\n9. Saddhātidullabhā, machasaṃ.
\n10. Thokasesañca, sīmu.
\n11. Yāva tiṭṭhati sāsanaṃ, syā. Theragāthaṭṭhakathā
\n12. Pakkusāti ca, machasaṃ.

[BJT Page 314] [\x 314/]

5805. Khīrodanaphalenāhaṃ pañcahaṅgehupāgato,
\nKhīṇāsavopavādena pāpehi bahucotito.

5806. Ubho puññaṃ ca pāpañca vītivattomhi’ dānahaṃ. 1
\nPatvāna paramaṃ santiṃ viharāmi anāsavo.

5807. Senāsanaṃ paññāpayiṃ bhāsayitvāna subbate,
\nJino tasmiṃ guṇe tuṭṭho etadaggo phapesi maṃ.

5808. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5809. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5810. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā dabbo mallaputto thero imaṃ gāthāyo abhisitthāti

Dabbo mallaputtattherassa apadānaṃ catutthaṃ.

535. Kumārakassapattherāpadānaṃ

5811. Ito satasahassamhi kappe uppajji nāyako,
\nSabbalokahito vīro padumuttaranāmako.

5812. Tadāhaṃ brāhmaṇo hutvā vissuto vedapāragū,
\nDivāvihāraṃ vivaraṃ addasaṃ lokanāyakaṃ.

5813. Catusaccaṃ [PTS Page 474] [\q 474/]      pakāsentaṃ bodhayantaṃ sadevakaṃ,
\nVicittakathikānaggaṃ vaṇṇayantaṃ mahājane.

5814. Tadā muditacittohaṃ nimantetvā tathāgataṃ,
\nNānārattehi vatthehi alaṅkatvāna maṇḍapaṃ.

5815. Nānāratanapajjotaṃ sasaṅghaṃ bhojayiṃ tahiṃ,
\nBhojayitvāna sattāhaṃ nānaggarasabhojanaṃ.

5816. Nānāvaṇṇehi2 pupphehi pūjayitvā sasāvakaṃ,
\nNipajja pādamūlamhi taṃ ṭhānaṃ patthayiṃ ahaṃ.

1. Dānihaṃ, machasaṃ.
\n2. Nānācittehi, machasaṃ,

[BJT Page 316] [\x 316/]

5817. Tadā munivaro āha kāruṇekarasāsayo, 1
\nPassathetaṃ dijavaraṃ padumānalovanaṃ.

5818. Pītipāmojjabahulaṃ samuggatatanūruhaṃ,
\nBhāsāhitavisālakkhaṃ2 mama sāsanalālasaṃ.

5819. Mama pādamūle patitaṃ3 ekāvatta sumānasaṃ,
\nEsa pattheti taṃ ṭhānaṃ vicittakathikattanaṃ4.

5820. Satasahasse ito kappe okkākakulasambhavo,
\nGotamo nāma gottena satthā loke bhavissati.

5821. Tassa dhammesu dāyādo oraso dhammanimmito,
\nKumārakassapo nāma hessati satthusāvako.

5822. Vicittapupphadussānaṃ ratanānaṃ ca vāhasā,
\nVicittakaṭhikānaṃ so aggataṃ pāpuṇissati.

5823. Tena kammena sukatena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

5824. Parimbhamaṃ bhavākāse5 raṅgamajjhenaṭo yathā, 6
\nSākhāmigatrajo hutvā migiyā kuccimokkamiṃ.

5825. Tadā mayi kucchigate majjhavāro upaṭṭhito,
\nSākhena vattā me mātā nigrodhaṃ saraṇaṃ gatā.

5826. Tena sā migarājena maraṇaṃ parimocitā,
\nPariccajitvā saṃ pāṇaṃ7 mamevaṃ ovadī tadā.

5827. Nigrodhameva seveyya na sākhamupasaṃvase,
\nNigrodhasmiṃ mataṃ seyyo yaṃ ce sākhamhi8 jīvitaṃ.

5828. Tenānusiṭṭho9 migayuthapena ahaṃ ca mātā ca tathetare ca,
\nĀgamma [PTS Page 475] [\q 475/]      rammaṃ tusitādhivāsaṃ gatā pavāsaṃ sagharaṃ yatheva.

5829. Puno kassapavīrassa atthamentamhi sāsane,
\nĀruyha selasikharaṃ yuñjitvā jinasāsanaṃ.

1. Karuṇokaruṇālayo, syā. Karuṇākarasāsayo, theragāthāṭṭhakathā.
\n2. Hāsamhitavisālakkhaṃ, machasaṃ. Sīmu. Hāsādhikaṃ, theragāthaṭṭhakathā
\n3. Patitaṃ pādamūle me, machasaṃ.
\n4. Vicittakathikatthadaṃ, sīmu.
\n5. Bhavābhave, machasaṃ.
\n6. Raṅgamajjhe yathā naṭo, theragāthaṭṭhakathā, raṅgamajjhanaṭo yathā, sīmu. Machasaṃ. 7. Sapāṇaṃ, machasaṃ.
\n8. Sākhasmi, machasaṃ.
\n9. Tenānusiṭṭhā, machasaṃ.

[BJT Page 320] [\x 320/]

5830. Idānahaṃ1 rājagahe jāto seṭṭhikule ahu, 2
\nĀpannasattā3 me mātā pabbaji anagāriyaṃ.

5831. Sagambhaṃ taṃ viditvāna devadattamupānayuṃ,
\nSo avoca vināsetha pāpikaṃ bhikkhunīṃ imaṃ.

5832. Idānipi munindena jinena anukampitā,
\nSukhīni ajanī mayhaṃ mātā bhikkhunupassaye.

5833. Taṃ viditvā mahīpālo kosalo maṃ aposayi,
\nKumāraparihārena nāmenāhañca kassapo.

5834. Mahākassapamāgamma ahaṃ kumārakassapo,
\nVammikasadisaṃ kāyaṃ sutvā buddhena desitaṃ.

5835. Tato cittaṃ vimucci me anupādāya sabbaso,
\nPāyāyiṃ damayitvāhaṃ etadaggaṃ apāpuṇiṃ.

5836. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5837. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5838. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kumārakassapo thero imaṃ gāthāyo abhisitthāti

Kumārakassapattherassa apadānaṃ pañcamaṃ.

Catuvīsatimaṃ bhāṇāvāraṃ.

536. Bāhiyattherāpadānaṃ

5839. Ito satasahassamhi kappe uppajji nāyako,
\nMahappabho tilokaggo nāmena padumuttaro.

5840. Khippābhiññassa bhikkhuno guṇaṃ kittayato mune,
\nSutvā udaggacittohaṃ kāraṃ katvā mahesino-

1. Idānāhaṃ machasaṃ.
\n2. Ahuṃ, machasaṃ.
\n3. Āpannagambhā, sīmu.

[BJT Page 320] [\x 320/]

5841. Datvā sattāhikaṃ dānaṃ sasissassa mune ahaṃ,
\nAbhivādiya sambuddhaṃ taṃ ṭhānaṃ patthayiṃ tadā.

5842. Tato maṃ vyākarī1 buddho etaṃ passatha brāhmaṇaṃ,
\nPatitaṃ pādamūle me pasannanayanānanaṃ2.

5843. Hemayaññopavitaṅgaṃ [PTS Page 476] [\q 476/]      avadātananuttavaṃ,
\nPalambibimbatamboṭṭhaṃ sitatiṇhasamaṃ dvījaṃ3

5844. Guṇatthāmabahutaraṃ4 samuggatatanūruhaṃ,
\nGuṇoghāyatanībhūtaṃ pītisamphullitānanaṃ.

5845. Eso patthayate ṭhānaṃ khippābhiññassa bhikkhuno,
\nAnāgate mahāvīro gotamo nāma hessati.

5846. Tassa dhammesu dāyādo oraso dhammanimmito,
\nBāhiyo nāma nāmena hessati satthusāvako.

5847. Tadātituṭṭho5 vuṭṭhāya yāvajīvaṃ mahāmune,
\nKāraṃ katvā cuto saggaṃ agaṃ sabhavanaṃ yathā.

5848. Devabhūto manusso vā sukhito tassa kammuno,
\nVāhasā saṃsaritvāna sampattiṃ anubhosahaṃ6.

5849. Puno7 kassapavīrassa atthamentamhi sāsane,
\nĀruyha selasikharaṃ yuñjitvā jinasāsanaṃ.

5850. Visuddhasīlā sappaññā jinasāsanakārakā,
\nTato cutā pañcajanā devalokaṃ agamhase.

5851. Tatohaṃ bāhiyo jāto bhārukacche puruttame,
\nTato nāvāya pakkhanto8 sāgaraṃ appasiddhiyaṃ. 9

5852. Tato nāvā abhijjittha gantvāna katipāhakaṃ,
\nTadā bhiṃsanake10 ghore patito makarākare.

5853. Tadāhaṃ vāyamitvāna santaritvā mahodadhiṃ.
\nSuppāra11 paṭṭanavaraṃ sampatto mandamedhiko. 12

5854. Dārucīraṃ nivāsetvā gāmaṃ piṇḍāya pāvisiṃ,
\nTadāha so jano tuṭṭho arahāyamidhāgato.

1. Byākari, machasaṃ
\n2. Cariyaṃ paccavekkhaṇaṃ, machasaṃ.
\n3. Setatiṇahasmiṃ dijaṃ, machasaṃ.
\n4. Guṇathāmbahutaraṃ, machasaṃ.
\n5. Tadāhituṭṭho, machasaṃ.
\n6. Anubhomahaṃ, machasaṃ.
\n7. Puna, machasaṃ.
\n8. Pakkhando, machasaṃ. Pakkanto, [PTS.]
\n9. Appasiddhikaṃ, sīmu.
\n10. Bhiṃsasanake, machasaṃ.
\n11. Suppāda, machasaṃ.
\n12. Mandamedhito, machasaṃ.

[BJT Page 322] [\x 322/]

5855. Imaṃ annena pānena vatthena sayanena ca,
\nBhesajjena ca sakkaccā hessāma sukhitā mayaṃ.

5856. Paccayānaṃ tadā lābhī tehi sakkatapūjito,
\nArahā’hanti saṃkappaṃ uppādesiṃ ayoniso.

5857. Tato [PTS Page 477] [\q 477/]      me cittamaññāya codayī pubbadevatā,
\nNa tvaṃ upāyamaggaññū kuto tvaṃ arahaṃ bhave.

5858. Codito tāya saṃviggo tadāhaṃ paripucchisaṃ,
\nKe vā ete kuhiṃ loke arahanto naruttamā.

5859. Sāvatthiyaṃ kosalamandire jino pahūtapañño varabhurimedhaso
\nSo sakyaputto arahā anāsavo deseti dhammaṃ arahattapattiyā.

5860. Tadassa sutvā vacanaṃ supīṇito
\nTidhiṃva laddhā kapaṇo’tivimhito,
\nUdaggacitto arahattamuttamaṃ1
\nSudussanaṃ daṭṭhumanantagocaraṃ.

5861. Tadā tato nikkhamitūna satvaraṃ2
\nKadā jinaṃ passāmi vimālananaṃ
\nUpecca rammaṃ vijitavhayaṃ vanaṃ
\nDije apucchiṃ kuhiṃ lokanandano.

5862. Tato avocuṃ naradevavandito
\nPuraṃ paviṭṭho asanesanāsayo3
\nSace hi4 khippaṃ munidassanussuko
\nUpecca vandāhi tamaggapuggalaṃ.

5863. Tatohaṃ tuvaṭṭaṃ gantvā sāvatthipuramuttamaṃ,
\nVicarantaṃ tamaddakkhiṃ piṇḍatthamapihāgidhaṃ5.

5864. Pattapāṇiṃ alolakkhaṃ bhājayantaṃ viyāmataṃ6,
\nSirīnilayasaṅkāsaṃ ravidittiharānanaṃ.

5865. Pāṇasantāraṇatthāya [PTS Page 478] [\q 478/]      piṇḍāya vicarāmahaṃ,
\nNa te dhammakathākālo iccāha munisattamo.

1. Arahattamuttamaṃ, machasaṃ.
\n2. Nikkhamitvāna satthuno, machasaṃ.
\n3. Asanesanāya so, machasaṃ.
\n4. Sasova, machasaṃ paccehi, syā.
\n5. Piṇḍatthaṃ apihāgidhaṃ, machasaṃ jotayantaṃ idhāmataṃ, syā.
\n6. Pācayantaṃ pītākaraṃ, machasaṃ.

[BJT Page 324] [\x 324/]

5867. Tadā punappunaṃ buddhaṃ āyāciṃ dhammalālaso,
\nSo me dhammadesesi gambhīraṃ suññataṃ padaṃ.

5868. Tassa dhammaṃ suṇitvāna pāpuṇiṃ āsavakkhayaṃ,
\nParikkhīṇāyuko santo aho satthā’nukampako.

5869. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5870. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5871. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

5872. Evaṃ thero viyākāsi bāhiyo dārucīriyo,
\nSaṅkārakūṭe patito bhūtāviṭṭhāya gāviyā.

5873. Attano pubbacaritaṃ1 kittayitvā mahāmati,
\nParinibbāyī so vīro2 sāvatthiyaṃ puruttame.

5874. Nagarā nikkhamanto taṃ disvāna isisattamo,
\nDārucīradharaṃ dhīraṃ bāhiyaṃ bāyināgamaṃ.

5875. Bhūmiyaṃ patitaṃ dantaṃ indaketuṃva3 pātitaṃ,
\nGatāyusaṃ gatakelasaṃ4 jinasāsanakārakaṃ.

5876. Tato āmantayī satthā sāvake sāsane rate,
\n"Gaṇhatha netvā5 jhāpetha tanuṃ sabrahmacārino.

5877. Thūpaṃ karotha pūjetha nibbuto so mahāmati,
\nKhippābhiññānamesaggo sāvako me vacokaro.

5878. Sahassampi ce gāthā anatthapadasaṃhitā,
\nEkaṃ kāthāpadaṃ seyyo sutvā upasammati.

5879. Yattha āpo ca paṭhavī6 tejo vāyo na gādhati,
\nNa tattha sukkā jotanti ādicco nappakāsati,
\nNa tattha candimā bhāti tamo tattha na vijjati.

1. Pubbacariyaṃ, machasaṃ.
\n2. Thero, machasaṃ. Dhīro, syā.
\n3. Indaketuva, machasaṃ.
\n4. Gatāyuṃ sukkhakilesaṃ, machasaṃ.
\n5. Hutvā, syā. [PTS.]
\n6. Pathavī, machasaṃ.

[BJT Page 326] [\x 326/]

5880. Yādā ca attanā vedi muni monena brāhmaṇo,
\nAtha rūpā arūpā ca sukhadukkhā vimuccati.
\nIccovaṃ abhaṇī nātho tilokasaraṇo muni.

Itthaṃ sudaṃ āyasmā bāhiyo thero imā gāthāyo abhisitthāti.

Bāhiyattherassa apadānaṃ chaṭṭhaṃ.

537. Koṭṭhitattherāpadānaṃ

5881. Padumuttaro [PTS Page 479] [\q 479/]      nāma jino sabbalokavidu muni,
\nIto satasahassamhi kappe uppajji cakkhumā.

5882. Ovādako viññāpako tārako sabbapāṇinaṃ,
\nDesanākusalo buddho tāresi janataṃ bahuṃ.

5883. Anukampako kāruṇiko hitesī sabbapāṇinaṃ,
\nSampatte titthiye sabbe pañcasīle patiṭṭhapi. 1

5884. Evaṃ nirākulaṃ āsi suññakaṃ titthiyehi ca,
\nVicittaṃ arahantehi vasībhūtehi tādihi.

5885. Ratanānaṭṭhapaññāsaṃ uggato so mahāmuni,
\nKañca nagghiyasaṅkāso battiṃsavaralakkhaṇo.

5886. Vassasatasahassāni āyu vijjati tāvade,
\nTāvatā tiṭṭhamāno so tāresi janataṃ bahuṃ.

5887. Tadāhaṃ haṃsavatiyaṃ brāhmaṇo vedapāragu,
\nUpetvā sattasāraggaṃ2 assosiṃ dhammadesanaṃ.

5888. Tadā so sāvakaṃ vīro pabhinnamatigocaraṃ,
\nAtthe dhamme ca nerutte3 paṭibhāne ca kovidaṃ.

5889. Ṭhapesi etadaggamhi taṃ sutvā mudito ahaṃ,
\nSasāvakaṃ jinavaraṃ sattāhaṃ bhojayiṃ tadā.

5890. Dussehakacchādayitvāna sasissaṃ buddhisāgaraṃ,
\nNipacca pādamūlamhi taṃ ṭhānaṃ patthayiṃ ahaṃ.

5891. Tato avoca lokaggo passathetaṃ dijuttamaṃ,
\nVinataṃ pādamūle me kamalodarasappabhaṃ.

1. Patiṭṭhayī, theragāthaṭṭhakathā.
\n2. Upeccasabbalokaggaṃ, machasaṃ.
\n3. Atthe dhamme nirutte ca, machasaṃ.

[BJT Page 328] [\x 328/]

5892. Buddhaseṭṭhassa bhikkhussa1 ṭhānaṃ patthayate ayaṃ,
\nTāya saddhāya cāgena dhammassa savaṇena2 ca.

5893. Sabbattha sukhito hutvā saṃsaritvā bhavābhave,
\nAnāgatamhi addhāne ladacchate taṃ manorathaṃ.

5894. Satasahasse ito kappe okkākakulasambhavo,
\nGotamo nāma nāmena3 satthā loke bhavissati.

5895. Tassa [PTS Page 480] [\q 480/]      dhammesu dāyādo oraso dhammanimmito
\nKoṭṭhito nāma nāmena hessati satthu sāvake.

5896. Taṃ sutvā mudito hutvā yāvajīvaṃ tadā jinaṃ,
\nMettacitto paricariṃ sato paññāsamāhito.

5897. Tena kammavipākena cetanāpaṇīdhīhi ca,
\nJahitvā mānusaṃ dehaṃ tāvatiṃsamagacchahaṃ.

5898. Sataṃ tīṇikkhattuñca devarajjamakārayiṃ,
\nSatānaṃ pañcakkhattuñca cakkavattī ahosahaṃ.

5899. Padesarajjaṃ vipulaṃ gaṇanāto asaṃkhiyaṃ,
\nSabbattha sukhito āsiṃ tassa kammassa vāhasā.

5900. Duve bhave saṃsarāmi devatte atha mānuse,
\nAññaṃ gatiṃ na gacchāmi suciṇṇassa idaṃ phalaṃ.

5901. Duve kule pajāyāmi khattiye atha brāhmaṇe,
\nNīce kule na jāyāmi suciṇṇassa idaṃ phalaṃ.

5902. Pacchimbhave4 sampatte brahmabandhu ahosahaṃ,
\nSāvatthiyaṃ vippakule paccājāto mahaddhane.

5903. Mātā candavatī nāma pitā me assalāyano,
\nYadā me pitaraṃ buddho vinayī sabbasuddhiyā.

5904. Tadā pasanno sugate pabbajiṃ anagāriyaṃ,
\nMoggallāno ācariyo upajjho5 sārisambhavo.

1. Seṭṭhaṃ buddhassa bhikkhussa, syā.
\n2. Tena dhammassavanena, sīmu. Saddhammassavanena, machasaṃ.
\n3. Gontena, machasaṃ.
\n4. Pacchime bhave, machasaṃ.
\n5. Upajjhā, machasaṃ.

[BJT Page 330] [\x 330/]

5905. Kesesu chijjamānesu diṭṭhi chinnā samūlikā,
\nNivāsento1 ca kāsāmaṃ arahattamapāpuṇiṃ.

5906. Atthadhammaniruttīsu paṭibhāne ca me mati,
\nPahinnā tena lokaggo etadagge ṭhapesi maṃ.

5907. Asandiddhaṃ vīyākāsiṃ upatissena pucchito,
\nPaṭisambhidāsu tenāhaṃ aggo sambuddhasāsane.

5908. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5909. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5910. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā mahākoṭṭhito thero imaṃ gāthāyo abhisitthāti

Mahākoṭṭhitattherassa apadānaṃ sattamaṃ.

538. Uruvelakassapattherāpadānaṃ

5911. Padumuttaro [PTS Page 481] [\q 481/]      nāma jino sabbalokavidu muni,
\nIto satasahassamhi kappe uppajji cakkhumā.

5912. Ovādako viññāpako tārako sabbapāṇinaṃ,
\nDesanākusalo buddho tāresi janataṃ bahuṃ.

5913. Anukampako kāruṇiko hitesī sabbapāṇinaṃ,
\nSampatte titthiye sabbe pañcasīle patiṭṭhapi. 2

5914. Evaṃ nirākulaṃ āsi puññakaṃ titthiyehi ca,
\nVicittaṃ arahantehi vasībhutehi tādihi.

5915. Ratanānaṭṭhapaññāsaṃ uggato so mahāmuni,
\nKañcanagghiyasaṅkāso battiṃsavaralakkhaṇo.

1. Nivāsanto, sīmu.
\n2. Patiṭṭhayī, sīmu. Theragāthaṭṭhakathā.

[BJT Page 332] [\x 332/]

5916. Vassasatasahassāni āyu vijjati tāvade,
\nTāvatā tiṭṭhamāno so tāresi janataṃ bahuṃ.

5917. Tadāhaṃ haṃsavatiyaṃ brāhmaṇo sādhusammato,
\nUpecca lokapajjotaṃ assosiṃ dhammadesanaṃ.

5918. Tadā mahāparisatiṃ mahāpurisasāvakaṃ,
\nṬhapentaṃ etadaggamhi sutvāna mudito ahaṃ.

5919. Mahatā parivārena nimannetvā mahājinaṃ,
\nBrāhmaṇānaṃ sahassena saha dānamadāsahaṃ.

5920. Mahādānaṃ daditvāna abhivādiya nāyakaṃ,
\nEkamante1 ṭhito haṭṭho saha dānamadāsahaṃ.

5921. Tayi saddhāya me vīra adhikaraguṇena ca,
\nParisā mahatī hotu nibbattassa tahiṃ tahiṃ.

5922. Tadā avoca parisaṃ gajagajjitasussaro,
\nKaravīkaruto satthā etaṃ passatha brāhmaṇaṃ.

5923. Hemavaṇṇaṃ mahābāhuṃ kamalānanalovanaṃ,
\nUddhaggatanujaṃ2 haṭṭhaṃ saddhāvantaṃ3 guṇe mama.

5924. Esa patthayate ṭhānaṃ4 sīhaghosassa bhikkhuno,
\nAnāgatamhi addhāne lacchite taṃ manorathaṃ.

5925. Satasahasse ito kappe okkākakulasambhavo,
\nGotamo nāma gottena satthā loka bhavissati.

5926. Tassa [PTS Page 482] [\q 482/]      dhammesu dāyādo oraso dhammanimmito,
\nKassapo nāma nāmena5 hessati satthu sāvako.

5927. Ite dvenavute kappe ahu satthā anuttaro,
\nAnūpamo asadiso phusso lokagganāyako.

5928. So ca sabbaṃ namaṃ hantvā vijaṭetvā mahājaṭaṃ,
\nVassate amataṃ vuṭṭhiṃ tappayanto sadevakaṃ.

5929. Tadāhi hi bārāṇasiyaṃ rājāpaccā ahumhase,
\nBhātaromha tayo sabbe saṃvissatthā ca6 rājino.

1. Ekamantaṃ, machasaṃ.
\n2. Udaggatanujaṃ, machasaṃ.
\n3. Saddhavatta, machasaṃ.
\n4. Patthayi taṃ ṭhānaṃ, syā.
\n5. Gottena, machasaṃ.
\n6. Saṃvisaṭṭhāva, machasaṃ.

[BJT Page 334] [\x 334/]

5930. Vīraṅgarūpā balino saṅgāme aparājitā,
\nTadā kupitapaccanto amhe āha mahipati.

5931. Etha gantvāna paccantaṃ sodhetvā aṭavībalaṃ,
\nKhemaṃ mevijitaṃ katvā punarethā ti1 bhāsatha.

5932. Tato mayaṃ avocumha yadi deyyāsi nāyakaṃ,
\nUpaṭṭhānāya amhākaṃ sādhayissāma vo tato.

5933. Tato mayaṃ laddhavarā bhūmipālena pesitā,
\nNikkhittasatthaṃ paccantaṃ katvā punarupecca taṃ.

5934. Yācitvā satthupaṭṭhānaṃ rājānaṃ lokanāyakaṃ,
\nMunivīraṃ labhitvāna yāvajīvaṃ yajimha taṃ.

5935. Mahagghāni ca vatthāni paṇītāni rasāni ca, senāsanāni rammāni bhesajjāni hitāni ca.

5936. Datvā sasaṃghassa mune2 dhammenuppāditāni no,
\nSīlavanto kāruṇikā bhāvatāyuttamānasā.

5937. Sadā3 paricaritvāna mettacittena nāyakaṃ,
\nNibbute tamhi lokagge pūjaṃ katvā yathābalaṃ.

5938. Tato cutā santusitaṃ gatā tattha mahāsukhaṃ,
\nAnubhūtā mayaṃ sabbe buddhapūjāyidaṃ phalaṃ.

5939. Māyākāro [PTS Page 483] [\q 483/]      yathā raṅge4 dasseti vikatī bahu, 5
\nTathā bhave bhamantohaṃ videhādhipatī ahuṃ.

5940. Guṇāvelassa vākyena micchādiṭṭhīgatāsayo,
\nNarakammaggamārūḷho rujāya6 mama dhītuyā.

5941. Ovādaṃ nādiyitvāna brahmunā nāradenahaṃ,
\nBahudhā sāsito7 santo diṭṭhaṃ hitvāna pāpikaṃ.

5942. Pūrayitvā visesena dasakammapathānahaṃ,
\nHitvāna dehamagamiṃ saggaṃ sabhavanaṃ yathā.

5943. Pacchimbhave sampatte8 brahmabandhu ahosahaṃ,
\nBārāṇasiyaṃ phitāyaṃ jāto vippamahākule.

5844. Maccuvyādhijarābhīto jahitvāna mahādhanaṃ, 9
\nNibbānaṃ padamesanto jaṭilesu paribbajiṃ.

1. Punadethāti, machasaṃ.
\n2. Sasaṅghamunino, machasaṃ.
\n3. Saddhā, machasaṃ.
\n4. Laddho, syā. [PTS.]
\n5. Vikatiṃ bahuṃ, machasaṃ.
\n6. Rucāya, machasaṃ. Rūpāsa theragāthaṭṭhakathā
\n7. Saṃsito, machasaṃ.
\n8. Pacchime bhave sampatte, machasaṃ.
\n9. Ogāhetvā mahāvanaṃ, machasaṃ.

[BJT Page 336] [\x 336/]

5945. Tadā dve bhātaro mayhaṃ pabbajiṃsu mayā saha,
\nUruvelāyaṃ māpetvā assamaṃ nivasiṃ ahaṃ.

5946. Kassapo nāma gottena uruvelanivāsiko1,
\nTato me āsi paññatti uruvelakassapo iti.

5947. Nādīsakāse bhātā me nādīkassapaavhayo,
\nĀsī samīpassanāmena yagāya gayakassapo. 2

5948. Dve satāni kaniṭṭhassa tīṇi majjhassa bhātuno,
\nMama pañcasatānūnā sissā sabbe mamānugā.

5949. Tadā pecca maṃ buddho katvā nānāvidhani me, 3
\nPāṭihīrāni lokaggo vinesi narasārathi.

5950. Sahassaparivārena ahosiṃ ehibhikkhuko,
\nTeheva saha sabbehi arahattamapāpuṇiṃ

5951. Te [PTS Page 484] [\q 484/]      cevaññe ca bahavo sissā maṃ parivārayuṃ,
\nSāsituṃ va samatthohaṃ tato maṃ isisattamo.

5952. Mahāparisabhāvasmiṃ etadagge ṭhapesi maṃ,
\nAho buddhe kataṃ kāraṃ saphalaṃ me ajāyatha.

5953. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5954. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5955. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā uruvelakassapo thero imaṃ gāthāyo abhisitthāti

Uruvelakassapattherassa apadānaṃ aṭṭhamaṃ.

539. Rādhattherāpadānaṃ

5956. Padumuttaro nāma jino sabbalokavidu muni,
\nIto satasahassamhi kappe uppajji cakkhumā.

5957. Ovādako viññāpako tārako sabbapāṇinaṃ,
\nDesanākusalo buddho tāresi janataṃ bahuṃ.

1. Uruvelāya nivasiṃ, syā.
\n2. Gayāyaṃ gayākassapo, machasaṃ.
\n3. Katvāna vividhāni me, machasaṃ.

[BJT Page 338] [\x 338/]

5958. Anukampako kāruṇiko hitesī sabbapāṇinaṃ,
\nSampatte titthiye sabbe pañcasīle patiṭṭhapi.

5959. Evaṃ nirākulaṃ āsi suññakaṃ1 titthiyehi ca,
\nVicittaṃ arahantehi vasībhūtehi tādihi.

5960. Ratanānaṭṭhapaññāsaṃ uggato so mahāmuni,
\nKañcanagghiyasaṅkāso battiṃsavaralakkhaṇo.

5961. Vassasatasahassāni āyu vijjati tāvade,
\nTāvatā tiṭṭhamāno so tāresi janataṃ bahuṃ.

5962. Tadāhaṃ haṃsavatiyaṃ brāhmaṇo mantapāragū,
\nUpecca taṃ naravaraṃ assosiṃ dhammadesanaṃ.

5963. Paññāpentaṃ mahāvīraṃ parisāsu visāradaṃ,
\nPaṭibhāṇeyyakaṃ bhikkhuṃ etadagge vināyakaṃ.

5964. Tadāhaṃ kāraṃ katvāna sasaṅghe lokanāyake,
\nNipacca sirasā pāde taṃ ṭhānambhipatthayiṃ.

5965. Tato maṃ bhagavā āha siṅgīnikkhasamappabho,
\nSarena rajanīyena kilesamalahārinā.

5966. "Sukhī bhavassu dighāyu sijjhataṃ2 paṇidhi tava,
\nSasaṅghe me kataṃ kāra anīva vipulaṃ tayā.

5967. Satasahasse [PTS Page 485] [\q 485/]      ito kappe okkākakulasambhavo,
\nGotamo nāma nāmena satthā loka bhavissati.

5968. Tassa dhammesu dāyādo oraso dhammanimmito,
\nRādhoti nāmadheyyena hessati satthusāvako.

5969. Sa te hetuguṇe tuṭṭho sakyaputto narāsabho,
\nPaṭibhāṇeyyakānaggaṃ paññāpessati nāyako. "

5970. Taṃ sutvā mudito hutvā yāvajīvaṃ tadā jinaṃ,
\nMettacitto paricariṃ sato paññāsamāhito.

5971. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

1. Suññataṃ, machasaṃ.
\n2. Sijjhatu, machasaṃ.

[BJT Page 340] [\x 340/]

5972. Satānaṃ tīṇikkhattuṃ ca devarajjamakārayiṃ,
\nSatānaṃ pañcakkhattuṃ ca cakkavattī ahosahaṃ.

5973. Padesarajjaṃ vipulaṃ gaṇanāto asaṃkhiyaṃ,
\nSabbattha sukhito āsiṃ tassa kammassa vāhasā.

5974. Pacchimbhave sampatte giribbapuruttame,
\nJāto vippakule’niddhe vikalacchādanāsate,

5975. Kaṭacchubhikkhā pādāsiṃ sāriputtassa tādino,
\nYadā jiṇṇo ca vuddho ca tadā’ rāmamupāgamiṃ.
\n5976. Pabbājenti na maṃ kekaci1 jiṇṇaṃ dubbalathāmakaṃ,
\nTena dīno vivaṇṇaṅgo sokī2 cāsiṃ tadā ahaṃ.

5977. Disvā mahākāruṇiko mamāha so mahāmuni3,
\nKimatthā putta sokaṭṭo brūhi te cittajaṃ rujaṃ.
\n5978. Pabbajjaṃ na labhe vīra svākkhāte tava sāsane,
\nTena sokena dīnosmi saraṇaṃ hohi nāyaka.

5979. Tadā bhikkhu samānetvā āpucchi muni sattamo,
\nImassa adhikāraṃ ye saranti vyāvarantu te.

5980. Sāriputto tadāvoca kāramassa sarāmahaṃ,
\nKaṭacchubhikkhaṃ dāpesi piṇḍāya cārato mama.

5981. Sādhu sādhu kataññusi sāriputta imaṃ tuvaṃ,
\nPabbājehi dijaṃ vuddhaṃ hessatājāniyo ahaṃ.

5982. Tato [PTS Page 486] [\q 486/]      alatthaṃ pabbajjaṃ kammavācepasampadaṃ,
\nNa cireneva kālena pāpuṇiṃ āsavakkhayaṃ.

5983. Sakkaccaṃ munino vākyaṃ suṇomi mudito yato,
\nPaṭibhāneyyakānaggaṃ tato maṃ ṭhapayī jino.

1. Pabbajati na maṃ koci, machasaṃ.
\n2. Soko, machasaṃ.
\n3. Mamamāha mahāmunī, machasaṃ.
\n[BJT Page 342] [\x 342/]

5984. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5985. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

5986. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā rādho thero imaṃ gāthāyo abhisitthāti

Rādhattherassa apadānaṃ navamaṃ.

540. Mogharājattherāpadānaṃ*

5987. Padumuttaro nāma jino sabbalokavidū muni,
\nIto satasahassamhi kappe uppajji cakkhumā.

5988. Ovādako viññāpako tārako sabbapāṇinaṃ,
\nDesanākusalo buddho tāresi janataṃ bahuṃ.

5989. Anukampako kāruṇiko hitesī sabbapāṇinaṃ,
\nSampatte titthiye sabbe pañcasīle patiṭṭhapi.

5990. Evaṃ nirākulaṃ āsi suññakaṃ titthiyehi ca,
\nVicittaṃ arahantehi vasībhūtehi tādihi.

5991. Ratanānaṭṭhapaññāsaṃ uggato so mahāmuni,
\nKañcanagghiye saṅkāso battiṃsavaralakkhaṇo. 1

5992. Vassasatasahassāni āyu vijjati tāvade,
\nTāvatā tiṭṭhamāno so tāresi janataṃ bahuṃ.

5993. Tadāhaṃ haṃsavatiyaṃ kule aññatare ahuṃ,
\nParakammāyane yutto natthi me kiñci saṃdhanaṃ.

5994. Paṭikkamanasālāyaṃ vasanto katabhumiyaṃ,
\nAggimujjālayiṃ natthi daḷhaṃ kaṇhāsi sā2 mahi.

5995. Tadā parisatiṃ nātho catusaccappakāsako,
\nSāvakā sampakittesi lukkhacivaradhārakaṃ.

* Catutthavagge aññaṃ mogharājāpadānaṃ vijjati. Theragāthaṭṭhakathāyaṃ tameva uddharitvā dassitaṃ.

1. Bāttiṃsavaralakkhaṇo, machasaṃ
\n2. Daḷhaṃ kaṇhāsiyā, sīmu. Daḷhakaṇhā sisā, syā.

[BJT Page 344] [\x 344/]

5996. Tassa tamhi guṇe tuṭṭho paṇipacca1 tathāgataṃ,
\nLukhacīvaradhāggaṃ patthayiṃ ṭhānamuttamaṃ.

5997. Tadā avoca bhagavā sāvake padumuttaro,
\nPassathetaṃ purikasaṃ kucelaṃ tanudehakaṃ.

5998. Pītippasannavadanaṃ [PTS Page 487] [\q 487/]      saddhādhanasamanvitaṃ,
\nUddhaggatanujaṃ haṭṭhaṃ acalaṃ sālapiṇḍikaṃ2.

5999. Eso pattheti taṃ ṭhānaṃ saccasenassa bhikkhuno.
\nLukhacīvaradhārissa tassa vaṇṇagatāsayo. 3

6000. Taṃ sutvā mudito hutvā nipacca sirasā jinaṃ,
\nYāvajīvaṃ subhaṃ kammaṃ karitvā jinasāsane.

6001. Tena kammena sukatena cetanāpaṇīdhīhi ca,
\nJahitvā mānusaṃ dehaṃ tāvatiṃsupago ahaṃ.

6002. Paṭikkamanasālāyaṃ bhūmidāhakakammunā,
\nSamasahassaṃ niraye adayhaṃ vedanaṭṭito.

6003. Tena kammāvasesena pañcajātisatānabhaṃ,
\nManusso kulajo hutvā jātiyā lakkhaṇaṅkito.

6004. Pañcajātisatāneva kuṭṭharogasamappito,
\nMahādukkhaṃ anubhaviṃ tassa kammassa vāhasā.

6005. Imasmiṃ bhaddake kappe upariṭṭhaṃ yasassinaṃ,
\nPiṇḍapātena tappesiṃ pasannamānaso ahaṃ.

6006. Tena kammavisesena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

6007. Macchimabhave sampatte ajāyiṃ khattiye kule,
\nPituno accayenāhaṃ mahārajjasamappito.

6008. Kuṭṭharogābhibhutohaṃ na ratiṃ na sukhaṃ labhe,
\nMoghaṃ rajjasukhaṃ4 yasmā mogharājā tato amaṃ.

6009. Kāyassa dosaṃ disvāna pabbajiṃ anagāriyaṃ,
\nBāvarissa dijaggassa sissattaṃ ajjhupāgamiṃ.

6010. Mahatā parivārena upecca naranāyakaṃ,
\nApucchiṃ nipuṇaṃ pañhaṃ taṃ vīraṃ vādisūdanaṃ.

1. Patipajja, syā
\n2. Sālapiṇḍitaṃ, machasaṃ.
\n3. Vaṇṇasitāsayo, machasaṃ.
\n4. Rajjaṃ sukhaṃ, machasaṃ.

[BJT Page 346] [\x 346/]

6011. Ayaṃ loko paro loko brahmaloko sadevako,
\nDiṭṭhiṃ1 te nābhijānāti2 gotamassa yasassino.

6012. Evābhikkantadassāviṃ [PTS Page 488] [\q 488/]      atthi pañhena āgamaṃ,
\nKathaṃ lokaṃ avekkhantaṃ maccurājā na passati.

6013. Suññato lokaṃ avekkhassu mogharāja sadā sato,
\nAttānudiṭṭhiṃ ūhacca evaṃ maccutaro siyā.

6014. Evaṃ lokaṃ avekkhantaṃ maccurājā na passati,
\nIti maṃ abhaṇi buddho sabbarogatikicchako,

6015. Saha gāthāvasānena kesamassuvivajjito,
\nKāsāvavatthavasano āsiṃ bhikkhu tathārahā.

6016. Saṃghikesu vihāresu na vasiṃ rogapiḷito,
\nMā vihāro padussīti vātarogehi piḷito. 3

6017. Saṃsārakūṭā āhitvā4 susānā rathākāhi ca,
\nTato saṃghāṭikaṃ katvā dhārayiṃ lukhacīvaraṃ.

6018. Mahābhisakko tasmiṃ me guṇe tuṭṭho vināyako,
\nLukhacīvaradhārīnaṃ etadagge ṭhapesi maṃ.

6019. Puññapāpaparikkhīṇo sabbarogavivajjito,
\nSikhīva anupādāno nibabāyissamanāsavo.

6020. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

6021. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassaṃ sāsanaṃ.

6022. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā mogharājatthero imaṃ gāthāyo abhisitthāti

Mogharājattherassa apadānaṃ dasamaṃ.

Kaccānavaggo catupaññāsamo.

1. Diṭṭhiṃ no, machasaṃ. Diṭṭhaṃ no, [PTS] Sīmu.
\n2. Nābhijānāmi, sīmu. Machasaṃ. Syā.
\n3. Vācāyābhisupīḷito, syā. [PTS.]
\n4. Āhatvā, sīmu.

[BJT Page 348] [\x 348/]

Uddānaṃ: -

Kaccāno vakkalī thero mahākappinasavhayo
\nDabbo kumāranāmo ca bāhiyo koṭṭhito vasī
\nUruvelakassapo rādho mogharājā ca paṇḍito,
\nTīṇi gāthāsatānettha dvāsaṭṭhi ceva piṇḍitā
\n