[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 238] [\x 238/]
\n[PTS Page 441] [\q 441/]      

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nKaṇikāravaggo


\n 


\n

501. Tikaṇikārapupphiyattherāpadānaṃ

5358. Sumedho nāma sambuddho battiṃsavaralakkhaṇo,
\nVivekakāmo bhagavā himavantamupāgami. 1

5359. Ajjhogahetvā hivavantaṃ aggo kāruṇiko muni,
\nPallaṅkaṃ ābhujitvāna nisīdi purisuttamo.

5360. Vijjādhare tadā āsiṃ antalikkhavaro ahaṃ,
\nTisulaṃ sukataṃ gayha gacchāmi ambare tadā.

5361. Pabbatagge yatha aggi puṇṇamāsīva2 candimā,
\nVane obhāsate buddho sālarājāva phullito.

5362. Vanaggā [PTS Page 442] [\q 442/]      nikkhamitvāna buddharaṃsī vidhāvare, 3
\nNaḷaggivaṇṇasaṅkāsā disvā cittaṃ pasādayiṃ.

5363. Vicinaṃ addasaṃ pupphaṃ kaṇikāraṃ devagandhikaṃ,
\nTīṇi pupphāni ādāya buddhaseṭṭhaṃ apūjayiṃ.

5364. Buddhassa ānubhāvena tīṇi pupphāni me tadā,
\nUddha vaṇṭā adhopattā chāyaṃ kubbanti satthuno.

6365. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

1. Mupāgamiṃ, machasaṃ.
\n2. Puṇṇamāseva, machasaṃ.
\n3. Buddharaṃsīhidhāvare, machasaṃ

[BJT Page 240] [\x 240/]

5366. Tattha me sukataṃ vyahmaṃ kaṇikārīti ñāyati,
\nSaṭṭhiyojanamubbedhaṃ tiṃsayojanavitthataṃ.

5367. Sahassakaṇḍaṃ sataheṇḍu dhajālu haritāmayaṃ,
\nSatasahassaniyyuhā vyambhe pātubhaviṃsu me.

5368. Soṇṇamayā maṇimayā lohitaṅkamayāpi ca,
\nPhalikāpi ca pallaṅkā yenicchakā yadicchakā1.

5369. Mahārahañca sayanaṃ tulikāvikatīyutaṃ,
\nUddalomika2 ekantaṃ bimbohanasamāyutaṃ.

5370. Bhavanā nikkhaminvāna caranto devacārikaṃ,
\nYadā icchāmi gamanaṃ devasaṅghapurakkhato.

5371. Pupphassa heeṭhā tiṭṭhāmi uparicchadanaṃ mama,
\nSamantā yojanasataṃ kaṇikārehi chāditaṃ.

5372. Saṭṭhituriyasahassāni sāyaṃ pātaṃ upaṭṭhahuṃ,
\nParivārenti maṃ niccaṃ rattindivamatanditā.

5373. Tattha nachi gītehi tālehi vāditehi ca,
\nRamāmi khiḍiḍāratiyā modāmi kāmakāmahaṃ3.

5374. Tattha bhutvā pivitvā ca modāmi tidase tadā,
\nNārīgaṇehi sahito modāmi vyamhamuttame.

5375. Satānaṃ pañcakkhattuñca devarajjamakārayiṃ,
\nSatānaṃ tīṇikkhattuñca cakkavatti ahosahaṃ,
\nPadesarajjaṃ vipulaṃ gaṇanāto asaṃkhiyaṃ.

5376. Bhavābhave saṃsaranto mahābhogaṃ labhāmahaṃ,
\nBhoge me ūnatā natthi buddhapūjāyidaṃ phalaṃ.

5377. Duve [PTS Page 443] [\q 443/]      bhave saṃsarāmi devatte atha mānuse,
\nAññaṃ gatiṃ na jānānami budadhapūjāyidaṃ phalaṃ.

5378. Duve kule pajāyāmi khattiye cāpi brāhmaṇe,
\nNīce kule na jānāmi buddhapūjāyidaṃ phalaṃ.

1. Yenicchakā yadicchakaṃ, syā.
\n2. Uddhalomika, sīmu machasaṃ.
\n3. Kāmakāmihaṃ, machasaṃ.

[BJT Page 242] [\x 242/]

5379. Hatthiyānaṃ assayānaṃ sivikaṃ sandamānikaṃ,
\nLabhāmi sabbamevetaṃ buddhapūjāyidaṃ phalaṃ.

5380. Dāsigaṇaṃ dāsagaṇaṃ nāriyo samalaṅkatā,
\nLabhāmi sabbamevetaṃ buddhapūjāyidaṃ phalaṃ.

5381. Koseyyakambalīyāni khomakappāsikāni ca,
\nLabhāmi sabbamevataṃ buddhapūjāyidaṃ phalaṃ.

5382. Navavatthaṃ navaphalaṃ navaggarasabhojanaṃ,
\nLabhāmi sabbamevataṃ buddhapūjāyidaṃ phalaṃ.

5383. Imaṃ khāda imaṃ bhuñja imamhi sayane saya
\nLabhāmi sabbamevataṃ buddhapūjāyidaṃ phalaṃ.

5384. Sabbattha pūjito homi yaso abbhuggato mama,
\nMahāpakkho sadā homi abhejjapariso sadā,
\nÑātīnaṃ uttamo homi buddhapūjāyidaṃ phalaṃ.

5385. Sītaṃ uṇhaṃ na jānāmi pariḷāho na vijjati,
\nAtho cetasiṃka dukkhaṃ hadaye me na vijjati.

5386. Suvaṇṇavaṇṇo hutvāna saṃsarāmi bhavābhave,
\nVevaṇṇiyaṃ na jānāmi buddhapūjāyidaṃ phalaṃ.

5387. Devalokā cavitvāna sukkamūlena codito,
\nSāvatthiyaṃ pure jāto mahāsāle suaḍḍhake,

5388. Pañcakāmaguṇe hitvā pabbajiṃ anagāriyaṃ,
\nJātiyā sattavassehaṃ arahattamapāpuṇiṃ.

5389. Upasampādayi buddho guṇamaññāya cakkhumā,
\nTaruṇo jūjanīyohaṃ buddhapūjāyidaṃ phalaṃ.

5390. Dibbacakkhu visusaddhaṃ me samādhukusalo ahaṃ,
\nAbhiññāpāramippatto buddhapūjayidaṃ phalaṃ.
\n5391. Paṭisambhidā anuppatto iddhipādesu kovido,
\nDhammesu pāramippatto buddhajūjāyidaṃ phalaṃ.

5392. Tiṃsakappasahassamhi [PTS Page 444] [\q 444/]      yaṃ buddhambhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

5393. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5394. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1. Mama buddhassa santike machasaṃ.

[BJT Page 244] [\x 244/]

5395. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā tikaṇikārapupphiyo thero imā gāthāyo abhisitthāti.

Tikaṇikārapupphiyattherassa apadānaṃ paṭhamaṃ.

502. Ekapattadāyakattherāpadānaṃ

5396. Nagare haṃsavatiyā kumbhakāro ahosahaṃ,
\nAddasaṃ virajaṃ buddha oghatiṇṇamanāsavaṃ.

5397. Sukataṃ mattikāpattaṃ buddhaseṭṭhassa’dāsahaṃ,
\nPattaṃ datvā bhagavato ujubhūtassa tādino.

5398. Bhave nibbattamānohaṃ soṇṇathāle labhāmahaṃ,
\nRūpimaye ca sovaṇṇe taṭiṭike ca maṇīmaye.
\n5399. Pātiyo paribhuñjāmi puññakammassidaṃ phalaṃ,
\nYasānañca dhanānañca1 pattabhūto2 ca homahaṃ.

5400. Yathāpi bhaddake khette bījamappampi ropitaṃ,
\nSammā dhāre3 pavecchante phalaṃ toseti kassakaṃ.

5401. Tathevimaṃ4 pattadānaṃ buddhakkhettamhi ropitaṃ,
\nPītidhāre pavassante phalaṃ maṃ tosayissati.

5402. Yāvatā khettā vijjanti saṅghāpi ca gaṇāpi ca,
\nBuddhakkhettasamo natthi sukhado sabbapāṇinaṃ.

5403. Namo te purisājañña namo te purisuttama,
\nEkapattaṃ daditvāna pattomhi acalaṃ padaṃ.

5404. Ekanavute ito kappe yaṃ pattamadadiṃ tadā,
\nDuggatiṃ nābhijānāmi pattadānassidaṃ phalaṃ.

5405. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5406. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1. Yassā ca janānañca, syā.
\n2. Aggabhūto, machasaṃ. 3. Sammādhāraṃ, machasaṃ.
\n4. Tathevidaṃ, machasaṃ.

[BJT Page 246] [\x 246/]

5407. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekapattadāyako thero imā gāthāyo abhisitthāti.

Ekapattadāyakattherassa apadānaṃ dutiyaṃ.

503. Kāsumāriphaladāyakattherāpadānaṃ*

5408. Kaṇikāraṃ’va [PTS Page 445] [\q 445/]      jotantaṃ nisinnaṃ pabbatantare,
\nAddasaṃ virajaṃ buddhaṃ lokajeṭṭhaṃ narāsabhaṃ.

5409. Pasannacitto sumano sire katvāna añjaliṃ,
\nKāsumārikamādāya buddhaseṭṭhassa’dāsahaṃ.

5410. Ekatiṃse ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5411. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5412. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5413. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kāsumāriphaladāyako thero imā gāthāyo abhisitthāti.

Kāsumāriphaladāyakattherassa apadānaṃ tatiyaṃ.

504. Avaṭaphaliyattherāpadānaṃ

5414. Sahassaraṃsī bhagavā sayambhu aparājito,
\nVivekā vuṭṭhahitvāna gocarāyābhinikkhami.

5415. Phalahattho ahaṃ disvā upagacchiṃ narāsabhaṃ,
\nPasannacitto sumano avaṭaṃ adadiṃ phalaṃ.

5416. Catunavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

* Kāsumāraphaliyattheraapadāna, machasaṃ.

[BJT Page 248] [\x 248/]

5417. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5418. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5419. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā avaṭaphaliyo thero imā gāthāyo abhisitthāti.

Avaṭaphaliyattherassa apadānaṃ catutthaṃ.
\n.
\n505. Vāphaliyattherāpadānaṃ*

5420. Suvaṇṇavaṇṇaṃ sambuddhaṃ āhutīnaṃ paṭiggahaṃ,
\nRathiyaṃ paṭipajjantaṃ vāraphalamadāsahaṃ. 1

5421. Ekanavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5422. Kilesā [PTS Page 446] [\q 446/]      jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5423. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5424. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vāraphaliyo thero imā gāthāyo abhisitthāti.

Vāraphaliyattherassa apadānaṃ pañcamaṃ.

506. Mātuluṅgaphaladākattherāpadānaṃ

5425. Kaṇikāraṃva jalitaṃ puṇṇamāseva candimaṃ,
\nJalantaṃ dīparukkhaṃ va addasaṃ lokanāyakaṃ.

5426. Mātuluṅgaphalaṃ gayha adāsiṃ satthuno ahaṃ,
\nDakkhiṇeyyassa dhīrassa pasanno sehi pāṇihi.

5427. Ekatiṃse ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

* Pādaphaliyattherāpadāna, machasaṃ.
\n1. Pādaphalā, machasaṃ. Cāraphalaṃ, syā.

[BJT Page 250] [\x 250/]

5428. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5429. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5430. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā mātuluṅgaphaladāyako thero imā gāthāyo abhisitthāti.

Mātuluṅgaphaladāyakattherassa apadānaṃ chaṭṭhaṃ.

507. Ajeliphaladāyakattherāpadānaṃ

5431. Ajjuno nāma sambudedhā himavante vasī tadā,
\nCaraṇena ca sampanno samādhikusalo muni.

5432. Kumhamattaṃ gahetvāna ajeliṃ jīvajīvakaṃ,
\nChattapaṇṇaṃ gahetvāna adāsiṃ satthuno ahaṃ.

5433. Catunavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5434. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5435. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5436. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ajeliphadāyako thero imā gāthāyo abhisitthāti.

Ajeliphaladāyakattherassa apadānaṃ sattamaṃ.

508. Amodaphaliyettherāpadānaṃ

5437. Suvaṇṇavaṇṇaṃ [PTS Page 447] [\q 447/]      sambuddhaṃ āhutīnaṃ paṭiggahaṃ,
\nRathiyaṃ paṭipajjantaṃ amodamadadiṃ phalaṃ.

5438. Ekanavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

[BJT Page 252] [\x 252/]

5439. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5440. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5441. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā amodaphaliyo thero imā gāthāyo abhisitthāti.

Amodaphaliyattherassa apadānaṃ aṭṭhamaṃ.

509. Tālaphaladāyakattherāpadānaṃ

5442. Sataraṃsī nāma bhagavā sayambhu aparājito,
\nVivekā vuṭṭhahitvāna gocarāyābhinikkhami.

5443. Phalahattho ahaṃ disvā upagacchiṃ narāsahaṃ,
\nPasannacitto sumano tālaphalamadāsahaṃ.

5444. Catunavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5445. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5446. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5447. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā tālaphaladāyako thero imā gāthāyo abhisitthāti.

Tālaphaladāyakattherassa apadānaṃ navamaṃ.

510. Nāḷikeradāyakattherāpadānaṃ

5448. Nagare bandhumatiyā ārāmiko ahaṃ tadā,
\nAddasaṃ virajaṃ buddhaṃ gacchantaṃ anilañjase.

[BJT Page 254] [\x 254/]

5449. Nāḷikeraphalaṃ yagha buddhaseṭṭhassadāsahaṃ,
\nĀkāse ṭhitako santo patigaṇhī mahāyaso.

5450. Vittisañjananaṃ [PTS Page 448] [\q 448/]      mayhaṃ diṭṭhadhammasukhāvahaṃ,
\nPhalaṃ buddhassa datvāna vippasannena cetasā.

5451. Adhigacchiṃ tadā pītiṃ vipulaṃ ca sukhuttamaṃ,
\nUppajjate ca ratanaṃ nibbattassa tahiṃ tahiṃ.

5452. Ekanavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5453. Dibbacakkhu visuddhaṃ me samādhikusalo ahaṃ,
\nAbhiññāpāramippatto phaladānassidaṃ phalaṃ.

5454. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5455. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5456. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā nāḷikeradāyako thero imā gāthāyo abhisitthāti.

Nāḷikeradāyakattherassa apadānaṃ dasamaṃ.

Uddānaṃ:

Kaṇikārekapatto ca kāsumārī tathāvaṭaṃ,
\nVārañca mātuluṅgañca ajelāmodameva ca.
\nTālaṃ tathā nāḷikeraṃ gāthāyo gaṇitā ciha,
\nEkaṃ gāthāsataṃ hoti ūnādhikavivajjitaṃ.

Kaṇikāravaggo ekapaññāsamo.