[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 186] [\x 186/]
\n[PTS Page 418] [\q 418/]  

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nSaṃsukulavaggo

 
\n481. Paṃsukūlasaññakattherāpadānaṃ

5031. Tisso nāmāsi bhagavā sayambhu aggapuggalo,
\nPaṃsukūlaṃ ṭhapetvāna vihāraṃ pāvisī jino.

5032. Vinataṃ dhanumādāya bhakkhatthāya cariṃ ahaṃ,
\nMaṇḍalaggaṃ gahetvāna kānanaṃ pāvisiṃ ahaṃ.

5033. Tatthaddasaṃ [PTS Page 419] [\q 419/]      paṃsukūlaṃ dumagge laggitaṃ tadā,
\nCāpaṃ tattheva nikkhippa sirekatvāna añjaliṃ.

[BJT Page 188] [\x 188/]

5034. Pasannacitto sumano vipulāya ca pītiyā,
\nBuddhaseṭṭhaṃ paritvāna paṃsukūlaṃ avandahaṃ.

5035. Dvenavute ito kappe paṃsukūlamavandahaṃ,
\nDuggatiṃ nābhijānāmi vandanāya idaṃ phalaṃ.

5036. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5037. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5038. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā paṃsukūlasaññako thero imā gāthāyo abhāsitthāti.

Paṃsukūlasaññakattherassa apadānaṃ paṭhamaṃ.

482. Buddhasaññakakattherāpadānaṃ

5039. Ajjhāyako mantadharo tiṇṇaṃ vedānapāragū,
\nLakkhaṇe itihāse ca sanighaṇḍusakeṭubhe.

5040. Nadīsotapaṭibhāgā sissā āyanti me tadā,
\nTesāhaṃ mante vācemi ratatindivamatandito.

5041. Siddhattho nāma sambuddho loke uppajji tāvade,
\nTamandhakāraṃ nāsetvā ñāṇālokaṃ pavattayī.

5042. Mama aññataro sisso sissānaṃ so kathesi me,
\nSutvāna te etamatthaṃ ārocesuṃ mamaṃ tadā.

5043. "Buddho loke samuppanno sabbaññū lokanāyako,
\nTassānuvattati jano lābho amhaṃ na hessati. "

5044. Adhiccuppattikā buddhā cakkhumanto mahāyasā,
\nYannūnanahaṃ buddhaseṭṭhaṃ passeyyaṃ lokanāyakaṃ.

5045. Ajinaṃ me gahetvāna vākacīraṃ kamaṇḍaluṃ,
\nAssamā abhinikkhahamma sisse āmantayiṃ āha.

[BJT Page 190] [\x 190/]

5046. "Audumbarikapupphaṃ ca candamhi sasakaṃ yathā,
\nVāyasānaṃ yathā khīraṃ dullabhā lokanāyakā. 1

5047. Buddho lokamhi uppanno manussattampi dullahaṃ,
\nUbhosu vijjamānesu savaṇaṃ ca sudullabhaṃ.

5048. Buddho loke samuppanno cakkhuṃ lacchāma no bhavaṃ,
\nEtha sabbe gamissāma sammāsambuddhasantikaṃ. "

5049. Kamaṇḍaludharā [PTS Page 420] [\q 420/]      sabbe kharājinanivāsino,
\nTe jaṭābhārabharitā nikkhamuṃ vipinā tadā.

5050. Yugamattaṃ pekkhamānā uttamatthagavesino,
\nĀsatidosarahitā2 asambhitāva kesarī.

5051. Appakicchā aloluppā nipakā santavuttino,
\nUñchaya caramānā te buddhaseṭṭhaṃ upāgamuṃ.

5052. Diyaḍḍhayojane sese vyādhi me upapajjatha,
\nBuddhaseṭṭhaṃ saritvāna tattha kālakato ahaṃ.

5053. Catunavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññā idaṃ3 phalaṃ.

5054. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5055. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5056. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā buddhasaññako thero imā gāthāyo abhāsitthāti.

Buddhasaññakattherassa apadānaṃ dutiyaṃ.

1. Dullabhaṃ lokanāyakaṃ, - machasaṃ.
\n2. Āyanatī nāgapotāca [PTS.]
\n3. Buddhasaññayidaṃ, sabbattha

[BJT Page 192] [\x 192/]

483. Bhisadāyakattherāpadānaṃ

5057. Ogayhāhaṃ pokkharaṇiṃ nānākuñjarasevitaṃ,
\nUddharāmi bhisaṃ tattha ghāsahetu ahaṃ tadā.

5058. Bhagavā tamhi samaye padumuttarasavhayo,
\nRattambaradharo buddho gacchati anilañjase.

5059. Dhunanto paṃsukūlāni saddamassosahaṃ tadā,
\nUddhaṃ nijjhāyamānohaṃ addasaṃ lokanāyakaṃ.

5060. Tattheva ṭhitako santo āyāciṃ lokanāyakaṃ,
\nMadhuṃ bhisehi sahitaṃ khīraṃ sappiṃ muḷālikaṃ. 1

5061. Patigaṇhātu me buddho anukampāya cakkhumā,
\nTato kāruṇiko satthā oruhitvā mahāyaso.

5062. Paṭigaṇhi mamaṃ bhikkhuṃ anukampāya cakkhumā,
\nPaṭiggahetvā sambuddho akā me anumodanaṃ.

5063. "Sukhī hohi mahāpuñña, gati tuyhaṃ samijjhatu,
\nIminā bhisadānena labhassu vipulaṃ sukhaṃ. "

5064. Idaṃ [PTS Page 421] [\q 421/]      vatvāna sambuddho jalajuttamanāmako,
\nBhikkhamādāya sambuddho ambarena’ gamā jino.

5065. Tato bhisaṃ gahetvāna sañcālesi vanaṃ tadā,
\nĀkāso abhinādittha asaniyā phalantiyā.

5066. Mahāvāto vuṭṭhahitvā sañcālesi vanaṃ tadā,
\nĀkāyo abhinādittha asaniyā phalantiyā.

5067. Tato me asanīpāto matthake nipati tadā,
\nSohaṃ nisinnako santo tattha kālakato ahuṃ.

5068. Puññakammena saṃyutto tusitaṃ upapajjahaṃ,
\nKalekharaṃ me patitaṃ devaloke ramiṃ abhaṃ.

5069. Chaḷāsītisahassāni nāriyo samalaṅkatā,
\nSāyapātaṃ upaṭṭhanti bhisadānassidaṃ phalaṃ.

5070. Manussayo nimāgantvā sukhito homahaṃ sadā,
\nBhoge me ūnatā natthi bhisadānassidaṃ phalaṃ.

5071. Anukampitako tena devadevena tādinā,
\nSabbāsavaparikkhīṇo natthidāni punabbhavo.

1. Madhūbhisehi sacati khīrasappimuḷālihi, machasaṃ [PTS.]

[BJT Page 194] [\x 194/]

5072. Satasahasse ito kappe yaṃ bhikkhamadadiṃ tadā,
\nDuggatiṃ nābhijānāmi bhisadānassidaṃ phalaṃ.

5073. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5074. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5075. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā bhiyadāyako thero imā gāthāyo abhāsitthāti.

Bhisadāyakattherassa apadānaṃ tatiyaṃ.

484. Ñāṇatthavikattherāpadānaṃ

5076. Dakkhiṇe himavantassa sukato assamo mama,
\nUttamatthaṃ gavesanto vasāmi vipine tadā.

5077. Lābhālābhena santuṭṭho mulena ca phalena ca,
\nAnvesanto ācariyaṃ vasāmi ekako ahaṃ.

5078. Sumedho nāma sambuddho loke uppajji tāvade,
\nCatusaccaṃ pakāseti uddharanto mahājanaṃ.

5079. Nāhaṃ suṇomi sambuddhaṃ napi me kovi bhāsati,
\nAṭṭhavasse atikkante assosiṃ lokanāyakaṃ.

5080. Aggidāruṃ [PTS Page 422] [\q 422/]      nīharitvā sammajjitvāna assamaṃ,
\nKhāribhāraṃ gahetvāna nikkamiṃ vipinā ahaṃ.

5081. Ekarattiṃ vasantohaṃ gāmesu nigamesu ca,
\nAnupubbena candavatiṃ tadāhaṃ upasaṅkamiṃ.

5082. Bhagavā tamhi samaye sumedho lokanāyako,
\nUddharanto bahū satte deseti amataṃ padaṃ.

5083. Janakāyamatikkamma vanditvā jinasāgaraṃ,
\nEkaṃsaṃ ajinaṃ katvā santhaviṃ lokanāyakaṃ:

5084. "Tuvaṃ satthā ca ketu ca dhajo yūpo ca pāṇinaṃ,
\nParāyaṇo patiṭṭhā ca dīpo ca dipaduttamo.

(Ekavīsatimo bhāṇavāro. )

[BJT Page 196] [\x 196/]

5085. Nepuñño dassane vīro tāresi janataṃ tuvaṃ,
\nNatthañño tārako loke tavuttaritaro mune.

5086. Sakkā bhave kusaggena pametuṃ sāgaruttamo,
\nNattheva tava sabbaññū ñāṇaṃ sakkā pametave.

5087. Tulāmaṇḍale ṭhapetvāna mahiṃ sakkā dharetave,
\nNatveva tava paññāya pamāṇaṃ atthi cakkhuma.

5088. Ākāso minitu sakkā rajjuyā aṅgulena vā,
\nNatveva tava sabbaññū sīlaṃ sakkā pametave.

5089. Mahāsamudde udakaṃ ākāso ca vasundharā,
\nParimeyyāni etāni appameyyosi cakkhuma. "

5090. Chahi gāthāhi sabbaññuṃ kittayitvā mahāyasaṃ.
\nAñjaliṃ paggahetvāna tuṇhī aṭṭhāsahaṃ tadā. .

5091. Yaṃ vadanti sumedhoti bhuripaññaṃ sumedhasaṃ,
\nBhikkhusaṅghe nisīditvā imā gāthā abhāsatha:

5092. "Yo me ñāṇaṃ pakittesi pasanno sena cetasā,
\nTamahaṃ kittayissāmi suṇotha mama bhāsato:

5093. Sattasattatikappāni devaloke ramissati,
\nSahassakkhattuṃ devindo devarajjaṃ karissati.

5094. Anekasatakkhattuñca cakkavattī bhavissati,
\nPadesarajjaṃ vipulaṃ gaṇanāto asaṅkhiyaṃ.

5095. Devabhūto [PTS Page 423] [\q 423/]      manusso vā puññakammasamāhito,
\nAnūnamanasaṅkappo tikkhapañño bhavissati.

5096. Tiṃsakappasahassamhi okkākakulasambhavo,
\nGotamo nāma nāmena satthā loke bhavissati.

5097. Agārā abhinikkhamma pabbajissatakiñcano,
\nJātiyā sattavassena arahattaṃ phusissati. "

[BJT Page 198] [\x 198/]

5098. Yato sarāmi attānaṃ yato pattesmi sāsanaṃ,
\nEtthantare na jānāmi cetanaṃ amanoramaṃ.

5099. Saṃsaritvā bhave sabbe sampattānubhaviṃ ahaṃ,
\nBhoge me ūnatā natthi phalaṃ ñāṇassa thomane.

5100. Tivaggī nibbutā mayhaṃ bhavā sabbe samūhatā,
\nSabbāsavā parikkhīṇā natthidāni punabbhavo.

5101. Tiṃsakappasahassamhi yaṃ ñāṇambhithomayiṃ.
\nDuggatiṃ nābhijānāmi phalaṃ ñāṇassa thomane.

5102. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5103. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5104. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ñāṇatthaviko thero imā gāthāyo abhāsitthāti.

Ñāṇatthavikattherassa apadānaṃ catutthaṃ.

485. Candanamāliyattherāpadānaṃ

5105. Pañcakāmaguṇe hitvā piyarūpe manorame,
\nAsītikoṭiyo hitvā pabbajiṃ anagāriyaṃ.

5106. Pabbajitvāna kāyena pāpakammaṃ vivajjayiṃ,
\nVacīduccaritaṃ hitvā nadīkule vasāmahaṃ.

5107. Ekakaṃ maṃ viharantaṃ buddhaseṭṭho upāgami,
\nNāhaṃ jānāmi buddhoti akāsiṃ paṭisantharaṃ. 1

5108. Karitvā paṭisanthāraṃ nāmagottamapucchahaṃ,
\nDevatānu’si gandhabbo ādu sakko purindado.

5109. Ko vā tvaṃ kassa vā putto mahābrahmā idhāgato,
\nVirocesi disā sabbā udayaṃ suriyo yathā.

5110. Sahassārāni [PTS Page 424] [\q 424/]      cakkāni pāde dissanti mārisa,
\nKo vā tvā kassa vā putto kathaṃ jānemu taṃ mayaṃ.
\nNāmagottāṃ pavedehi saṃsayaṃ apanehi me.

1. Paṭisatthāraṃ, machasaṃ.

[BJT Page 200] [\x 200/]

5111. "Namhi devo na gandhabbo nāpi sakko purindado,
\nBrahmabhāvo ca me natthi etesaṃ utatamo ahaṃ.

5112. Atīto visayaṃ tesaṃ dālayiṃ kāmabandhanaṃ.
\nSabbe kilese jhāpetvā patto sambodhimuttamaṃ".

5113. Tassa vācaṃ suṇitvāhaṃ idaṃ vacanamabraviṃ:
\nYadi buddhosi sabbaññu nisīda tvaṃ mahāmuni,
\nTamhaṃ pūjayissāmi dukkhassantakaro tuvaṃ.

5114. Pattharitvājinavammaṃ adāsiṃ satthuno ahaṃ,
\nNisīdi tattha bhagavā sīhova girigabbhare.

5115. Khippaṃ pabbatamāruyha ambassa phalamaggahiṃ,
\nSālakalyāṇikaṃ pupphaṃ candanaṃ ca mahārahaṃ.

5116. Khippaṃ paggayha taṃ sabbaṃ upetvā lokanāyakaṃ,
\nPhalaṃ buddhassa datvāna sālapupphamapūjayiṃ.

5117. Candanaṃ anupimpitvā avandiṃ satthuno ahaṃ,
\nPasannacitto sumano vipulāya ca pītiyā.

5118. Ajinambhi nisīditvā sumedho lokanāyako,
\nMama kammaṃ pakittesi haṃsayanto1 mamaṃ tadā:

5119. "Iminā phaladānena gandhamālehi cūbhayaṃ,
\nPañcavīse kappasate devaloke ramissati.
\nAnūnamanasaṃkappo vasavattī bhavissati.

5120. Chabbisatikappasate manussattaṃ gamissati.
\nBhavissati cakkavatti cāturanto mahiddhiko.

5121. Vebhāraṃ nāma nagaraṃ vissakammena māpitaṃ.
\nHessati sabbasovaṇṇaṃ nānāratanabhusitaṃ,

5122. Eteneva upāyena saṃsarissati so bhave.
\nSabbattha pūjito hutvā devatte atha mānuse.
\nPacchime2 bhave sampatte brahmabandhu bhavissati.

5123. Agārā abhinikkhamma anagāri bhavissati,
\nAbhiññāpāragū hutvā nibbāyissatanāsavo. "

5124. Idaṃ [PTS Page 425] [\q 425/]      vatvāna sambuddho sumedho lokanāyako,
\nMama nijjhāyamānassa pakkāmi anilañjase.

1. Hāsayanto, machasaṃ.
\n2. Pacchima bhave, sīmu.
\n3. Nibbāyissatināsavo, machasaṃ.

[BJT Page 202] [\x 202/]

5125. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

5126. Tusitāto1 cavitvāna nibbattiṃ mātukucchiyaṃ,
\nBhoge me ūnatā natthi yamhi gabbhe vasāmahaṃ.

5127. Mātukucchigate mayhaṃ2 annaṃ3 pānañca bhojanaṃ,
\nMātuyā mama chandena nibbattati yadicchakaṃ.

5128. Jātiyā pañcavassena pabbajiṃ anagāriyaṃ,
\nOropitamhi kesamhi arahattamapāpuṇiṃ.

5129. Pubbakammaṃ gavesanto orena nāddasaṃ ahaṃ,
\nTisakappasahassamhi mama kammaṃ anussariṃ.

5130. Namo te purisājañña namo te purisuttama,
\nTava sāsanamāgamma pattomhi acalaṃ padaṃ.

5131. Tiṃsakappasahassamhi yaṃ buddhambhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

5132. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5133. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5134. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā candanamāliyo thero imā gāthāyo abhisitthāti.

Candanamāliyattherassa apadānaṃ pañcamaṃ.

486. Dhātupūjakattherāpadānaṃ

5135. Nibbute lokanāthamhi siddhatthe lokanāyake,
\nMama ñātī samānetvā dhātupūjaṃ akāsahaṃ.

5136. Catunavute ito kappe yaṃ dhātumbhipūjayiṃ,
\nDuggatiṃ nābhijānāmi dhātupūjāyidaṃ phalaṃ.

5137. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5138. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1. Tusitato, machasaṃ.
\n2. Mayi, machasaṃ.
\n3. Anna, machasaṃ.

[BJT Page 204] [\x 204/]

5139. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā dhātupūjako thero imā gāthāyo abhisitthāti.

Dhātupūjakattherassa apadānaṃ chaṭṭhaṃ.

487. Pulinuppādakattherāpadānaṃ

5140. Pabbate [PTS Page 426] [\q 426/]      himavantamhi devaḷo nāma tāpaso,
\nTattha me caṅkamo āsi amanussehi māpito.

5141. Jaṭābhārena1 bharito kamaṇḍaludharo tadā,
\nUttamatthaṃ gavosanto pavanā abhinikkhamiṃ. 2

5142. Cullāsasītisahassāni sissā mayhaṃ upaṭṭhahuṃ,
\nSakakammābhipasutā vasanti pavane3 tadā.

5143. Assamā abhinikkamma akaṃ pulinacetiyaṃ,
\nNānāpupphaṃ samānetvā taṃ cetiyamapūjayiṃ.

5144. Tattha cittaṃ pasādetvā assamaṃ pavisāmahaṃ,
\nSabbe sissā samāgantvā etamatthamapukacchu maṃ4.

5145. "Pulinena kate thupe5 yaṃ tvaṃ devaṃ6 namassasi,
\nMayampi ñātumicchāma puṭṭho ācikkha no tuvaṃ"

5146. Niddiṭṭhā no7 mantapade cakkhumanto mahāyasa,
\nTe kho ahaṃ namassāmi buddhaseṭṭhe mahāyase.

5147. "Kīdisā te mahāvīrā sabbaññu lokanāyakā,
\nKathaṃ vaṇṇā kathaṃ sīlā kīdisā te mahāyasā?"

5148. Khattiṃ salakkhaṇā buddhā cattārīsadvijāpi ca,
\nNettā gopakhumā tesaṃ jiñjukāphalasannibhā.

5149. Gacchamānā ca te buddhā yugamattaṃva8 pekkhare,
\nNa tesaṃ jāṇu nadati sandhisaddo na suyyati.

5150. Gacchamānā ca sugatā uddharantāva gacchare,
\nPaṭhamaṃ dakkhiṇaṃ pādaṃ buddhānaṃ esa dhammatā.

5151. Asambhitā ca te buddhā migarājāva kesarī, nevukakkaṃsenti attānaṃ no ca vambhenti pāṇinaṃ.

1. Jaṭābhārassa, syā,
\n2. Vipīnā nikkhamiṃ tadā, machasaṃ.
\n3. Vipine, machasaṃ.
\n4. Etamatthaṃ pucchiṃsu maṃ, machasaṃ.
\n5. Kato thūpo, machasaṃ.
\n6. Deva, machasaṃ.
\n7. Niddiṭṭhānu, machasaṃ. Diṭṭhāno vo, syā.
\n8. Yugamattañca, machasaṃ.

[BJT Page 206] [\x 206/]

5152. Mānāvamānato muttā samā sabbesu pāṇisu,
\nAnattukkaṃsakā buddhā buddhānaṃ esa dhammatā.

5153. Uppajjantā ca sambuddhā ālokaṃ dassayanti te,
\nChappakāraṃ pakampenti kevalaṃ vasudhaṃ imaṃ.

5154. Passanti [PTS Page 427] [\q 427/]      nirayaṃ cete nibbāti nirayo tadā,
\nPavassati mahāmegho buddhānaṃ esa dhammatā.

5155. Edisā te mahānāgā atulyā1 ca mahāyasā,
\nVaṇṇato anatikkantā appameyyā tathāgatā.

5156. Anumodiṃsu me vāyyā sabbe sissā sagāravā,
\nTathā ca paṭipajjiṃsu yathāsatti2 yathābalaṃ.

5157. Patipūjenti pulinaṃ sakakammābhilāsino,
\nSaddahantā mamaṃ3 vākyaṃ buddhattagatamānasā.

5158. Tadā cavitvā tusitā devaputto mahāyaso,
\nUppajji mātukucchismiṃ4 dasasahassī pakampatha. 5

5159. Assamassāvidurambhi caṅkamamhi ṭhito ahaṃ,
\nSabbe sissā samāgantvā āgacchuṃ mama santikaṃ. 6

5160. Usabho’va mahī nadati migarājā’va kujati,
\nSuṃsumāro’va7 salati kiṃ vipāko bhavissati.

5161. "Yaṃ patittemi sambuddhaṃ sikatāthupasantike,
\nSo dāni bhagavā satthā mātukucchimupāgami. "

5162. Tesaṃ dhammakathaṃ katvā kittayitvā mahāmuniṃ,
\nUyyojetvā sake sisse pallaṅkaṃ ābhujiṃ ahaṃ.

5163. Balañca vata me khīṇaṃ vyādhito8 paramenahaṃ, 9
\nBuddhaseṭṭhaṃ saritvāna tattha kālakato10 ahaṃ.

5164. Sabbe sissā samāgantvā akaṃsu citakaṃ tadā,
\nKalebaraṃ ca me gayha citakaṃ abhiropayuṃ.

5165. Citakaṃ parivāretvā sīse katvāna añjaliṃ,
\nSokasallaparetā te vikandiṃsu11 samāgatā.

1. Atulā, machasaṃ.
\n2. Yathāsantiṃ, sīmu.
\n3. Mama, machasaṃ.
\n4. Mātukucchimhi, machasaṃ.
\n5. Kampatha, machasaṃ.
\n6. Mama santike, machasaṃ.
\n7. Susumāroma, machasaṃ.
\n8. Byādhinā, machasaṃ.
\n9. Paramena taṃ, machasaṃ.
\n10. Kālaṅkato, machasaṃ.
\n11. Vikkandiṃsu, machasaṃ.

[BJT Page 208] [\x 208/]

5166. Tesaṃ lālappamānānaṃ agamāsiṃ citantikaṃ1,
\n"Ahaṃ ācariyo tumhaṃ mā sovittha sumedhasā.

5167. Sadatthe vāyameyyātha rattindivamatanditā,
\nMā vo pamattā ahuvattha2 khaṇo vo paṭipādito"

5168. Sako sissenusāyitvā devalokaṃ punāgamiṃ,
\nAṭṭhārasa ca kappāni devaloke ramiṃ ahaṃ.

5169. Satānaṃ [PTS Page 428] [\q 428/]      pañcakkhattuñca cakkavatti ahosahaṃ,
\nAnekasatakkhattuñca devarajjamakārayiṃ.

5170. Avasesesu kappesu vekiṇṇaṃ saṃsariṃ ahaṃ,
\nDuggatiṃ nābhijānāmi pulinapūjāyidaṃ phalaṃ4.

5171. Yathā komudike māse bahū pupphanti pādapā,
\nTathomahampi samaye pupphitomhi mahesinā.

5172. Viriyameva dhuradhorayhaṃ yogakkhomādhivāhanaṃ,
\nNāgova bandhanaṃ chetvā viharāmi anāsavo.

5173. Satasahasse ito kappe yaṃ buddhambhikittayiṃ,
\nDuggatiṃ nābhijānāmi kittanāya idaṃ phalaṃ.

5174. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5175. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5176. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā pulinuppādako thero imā gāthāyo abhisitthāti.

Pulinuppādakattherassa apadānaṃ sattamaṃ.

488. Taraṇiyattherāpadānaṃ

5177. Atthadassī tu bhagavā sayambhu lokanāyako,
\nVinakānadiyā tīraṃ upagacchi tathāgato.

5178. Udakā abhinikkhamma kacchapo vārigocaro,
\nBuddhaṃ tāretukāmohaṃ upesiṃ lokanāyakaṃ.

1. Agamaṃ citakaṃ tadā, machasaṃ.
\n2. Ahuttha, machasaṃ.
\n3. Vokiṇṇo, machasaṃ.
\n4. Uppādassa idaṃ phalaṃ, machasaṃ.

[BJT Page 210] [\x 210/]

5179. Abhirūhatu maṃ buddho atthadassi mahāmuni,
\nAhaṃ taṃ tārayissāmi dukkhassantakaro tumaṃ.

5180. Mama saṅkappamaññāya atthadassī mahāyaso,
\nĀruhitvāna1 me piṭṭhiṃ aṭṭhāsi lokanāyako.

5181. Yato sarāmi attānaṃ yato pattosmiṃ viññutaṃ,
\nSukhaṃ me tādisaṃ natthi phuṭṭhe pādatale yathā.

5182. Uttaritvāna sambuddho atthadassī mahāyaso,
\nNadītīramhi ṭhatvāna imā gāthā abhāsatha.

5183. "Yāvatā [PTS Page 429] [\q 429/]      vattate cittaṃ gaṅgāsotaṃ tarāmahaṃ,
\nAyañca kacchapo rājā tāresi mama paññavā.

5184. Iminā buddhataraṇena mettacittavatāya ca,
\nAṭṭhārase kappasate devaloke ramissati.

5185. Devalokā idhāgantvā sukkamūlena vodito,
\nEkāsane nisīditvā kaṅkhāsotaṃ karissati. "

5186. Yathāpi bhaddake khette bījamappampi ropitaṃ,
\nSammādhare pavacchante2 phalaṃ toseti kassakaṃ.

5187. Tathevidaṃ buddhakhettaṃ sammāsambuddhadesitaṃ,
\nSammādhare pavacchante phalaṃ maṃ tosayissati.

5188. Sadhānahitattomhi upasanto nirūpadhi,
\nSabbāsave pariññāya viharāmi anāsavo.

5189. Aṭṭhārase kappasate yaṃ kammamakariṃ tadā,
\nDuggatiṃ nābhijānāmi taraṇāya idaṃ phalaṃ.

5190. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5191. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1. Abhiruhitvā, machasaṃ.
\n2. Pavassante, sīmu.

[BJT Page 212] [\x 212/]

5192. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā taraṇiyo thero imā gāthāyo abhisitthāti.

Taraṇiyattherassa apadānaṃ aṭṭhamaṃ.

489. Dhammarucittherāpadānaṃ*

5193. Yadā dīpaṅkaro buddho sumedhaṃ vyākari jino,
\n"Aparimeyye ito kappe ayaṃ buddho bhavissati.

5194. Imassa jātiyā mātā māyā nāma bhavissati,
\nPitā suddhodano nāma ayaṃ bhessati gotamo.

5195. Padhānaṃ padahitvāna katvā dukkarakārikaṃ,
\nAssanthamūle sambuddho bujjhissati mahāyaso.

5196. Upatisso kolito ca aggā bhessanti sāvakā,
\nĀnando nāmupaṭṭhāko1 upaṭṭhīssatimaṃ jinaṃ.

5197. Khemāuppalavaṇṇā ca aggā hessanti sāvikā,
\nCitto āḷavako ceva aggā hessantupāsakā.

5198. Khujjuntarā nandamātā aggā hessantupāsikā,
\nBodhī imassa vīrassa assatthoti pavuccati. "

5199. Idaṃ [PTS Page 430] [\q 430/]      sutvāna vacanaṃ asamassa mahesino,
\nAmoditā naramarū namassanti katañjalī.

5200. Tadāhaṃ māṇavo āsiṃ megho nāma susikkhito,
\nSutvā vyākaraṇaṃ seṭṭhaṃ sumedhassa mahāmune. -

5201. Saṃvissattho bhavitvāna sumedhe karuṇāsaye2,
\nSuddhājīvo sato vīro jinasāsanakārako.

5202. Saṃvuto pātimokkhasmiṃ indriyesu ca pañcasu,
\nSuddhājīvo sato vīro jinasāsanakārako.

5203. Evaṃ viharamānohaṃ pāpamittena kenaci,
\nNiyojito anācāre sumaggā paradhāsito.

5204. Vitakkavasiko hutvā sāsanāto3 apakkamiṃ,
\nPacchā tena kumittena payutto mātughātanaṃ.

*Dhammaruciyattherāpadānaṃ, machasaṃ.
\n1. Ānandonāmanāmena, sīmu.
\n2. Karuṇālaye, syā.
\n3. Sāsanato, machasaṃ.

[BJT Page 214] [\x 214/]

5205. Akariṃ ānantariyaṃ ghātayiṃ duṭṭhamānaso,
\nTato cuto mahāvīciṃ upapanno sudāruṇaṃ.

5206. Vināpātagato santo sañcariṃ dukkhito ciraṃ,
\nNa puto addasaṃ vīraṃ sumedhaṃ narapuṅgavaṃ.

5207. Asmiṃ kappe samuddamhi maccho āsiṃ timiṅgalo,
\nDisvāhaṃ sāgare nāvaṃ gocaratthamupāgamiṃ.

5208. Disvā maṃ vāṇijā bhītā buddhaseṭṭhamanussaruṃ.
\nGotamoti mahāghosaṃ hutvā tehi udīrutaṃ,

5209. Pubbasaññaṃ saritvāna tato kālakato1 ahaṃ, sāvatthiyaṃ kule iddhe jāto brāhmaṇajātiyaṃ.

5210. Āsiṃ dhammaruci nāma sabbapāpajigucchako,
\nDisvāhaṃ lokapajjotaṃ jātiyā sattavassiko.

5211. Mahājetavanaṃ gantvā pabbajiṃ anagāriyaṃ,
\nUpemi buddhaṃ nikkhattuṃ rattiyā divasassa ca.

5212. Tadā disvā munī āha ciraṃ dhammarucīti maṃ,
\nTatohaṃ avacaṃ buddhaṃ pubbakammapabhāvitaṃ:

5213. "Suciraṃ satapuññalakkhaṇaṃ patipubbena visuddhapaccayaṃ
\nAhamajja [PTS Page 431] [\q 431/]      supekkhanaṃ vata tava passāmi nirūpaviggahaṃ2

5214. Suviraṃ vihatattamo tayā sucirakkhena nadī visositā
\nSuciraṃ amalaṃ visodhitaṃ tayanaṃ ñāṇamayaṃ mahāmune.

5215. Cirakālaṃ samaṅgito3 tayā na vinaṭṭho4 punarantaraṃ ciraṃ,
\nPunarajja samāgato tayā na bhi nassanti katāni gotama. "

5216. Kilesā jhāpitā mayhaṃ bhavā sabbe samūhatā,
\nNāgo va bandhanaṃ chetvā viharāmi anāsavo.

5217. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5218. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā dhammarucitthero imā gāthāyo abhisitthāti.

Dhammarucittherassa apadānaṃ navamaṃ.

1. Kālaṅkato, machasaṃ.
\n2. Nirupamaṃ viggahaṃ, machasaṃ. Nirūpamaggahaṃ, sīmu.
\n3. Ciragānasamaṅgito, machasaṃ. Cirakālaṃ samagato, [PTS.]
\n4. Avinaṭṭho, machasaṃ.
\n[BJT Page 216] [\x 216/]

490. Sālamaṇḍapiyattherāpadānaṃ

5219. Ajjhogahetvā sālavataṃ sukato assamo mama,
\nSālapupphehi sañchanno vasāmi vipine tadā.

5220. Piyadassī ca bhagavā sayambhū aggapuggalo,
\nVivekakāmo sambuddho sālavanamupāgamī.

5221. Assamā abhinikkhamma pavanaṃ agamāsahaṃ,
\nMūlaphalaṃ gavesanto āhiṇḍāmi vane tadā.

5222. Tatthaddasāsiṃ sambuddhaṃ piyadassiṃ mahāyasaṃ,
\nSunisinnaṃ samāpannaṃ virocantaṃ mahāvane.

5223. Catudaṇḍe ṭhapetvāna buddhassa uparī ahaṃ,
\nMaṇḍapaṃ sukataṃ katvā sālapupphehi chādayiṃ.

5224. Sattāhaṃ dhārayitvāna maṇḍapaṃ sālachāditaṃ,
\nTattha cittaṃ pasādetvā buddhaseṭṭhaṃ avandahaṃ. 1

5225. Bhagavā [PTS Page 432] [\q 432/]      tamhi samaye vuṭṭhahitvā samādhito,
\nYugamattaṃ pekkhamāno nisīdi purisuttamo.

5226. Sāvako varuṇo nāma piyadassissa satthuno, vasīsatasahassehi upagacchi vināyakaṃ.

5227. Pidassī ca bhagavā lokajeṭṭho narāsabho,
\nBhikkhusaṅghe nisīditvā sītaṃ pātukarī jino.

5228. Anuruddho upaṭṭhāko piyadassissa satthuno,
\nEkaṃsaṃ cīvaraṃ katvā apucchittha mahāmuniṃ:

5229. Ko nu kho bhagavā hetu sitakammassa satthuno,
\nKāraṇe vijjamānambhi satthā pātukare sītaṃ.

5230. "Sattāhaṃ pupphachadanaṃ2 yo me dhāresi māṇavo,
\nTassa kammaṃ saritvāna sītaṃ pātukariṃ ahaṃ.

5231. Okāsāhaṃ3 na passāmi yattha4 puññaṃ vipaccati,
\nDevaloke manusse vā okāso ca5 na sammati.

5232. Devaloke vasantassa puññakammasamaṅgino,
\nYāvatā parisā tassa sālacchannā bhavissati.

5233. Tattha dibbehi taccehi gītehi vāditehi ca,
\nRamissati sadā santo puññakammasamāhito.

1. Buddhaseṭṭhamavandahaṃ, machasaṃ.
\n2. Sālacchadanaṃ, machasaṃ
\n3. Anokāsaṃ, machasaṃ.
\n4. Yaṃ taṃ, syā. [PTS.]
\n5. Okāso va, machasaṃ.

[BJT Page 218] [\x 218/]

5234. Yāvatā parisā tassa gandhagandhī bhavissati,
\nSālassa pupphavasso ca pavassissati tāvade.

5235. Tato cutoyaṃ manujo mānusaṃ āgamissati,
\nIdhāpi sālacchadanaṃ sabbakālaṃ dharīyati.

5236. Idha naccañca gītañca sammatālasamāhitaṃ,
\nParivāressantimaṃ niccaṃ buddhapūjāyidaṃ phalaṃ.

5237. Uggacchante ca suriye sālavassaṃ pavassati,
\nPuññakammena saṃyuttaṃ vassate sabbakālikaṃ.

5238. Aṭṭhārase kappasate okkākakulasambhavo,
\nGotamo nāma nāmena1 satthā loke bhavissati.

5239. Tassa dhammesu dāyādo oraso dhammanimmito,
\nSabbāsave pariññāya nibbāyisastanāsavo.

5240. Dhammaṃ abhisamentassa sālacchadanaṃ bhavissati,
\nCitake jhāyamānassa chadanaṃ tattha hessati. "

5241. Vipākaṃ kittayitvāna piyadassīmahāmuni,
\nParisāya dhammaṃ desesi tappento dhammavuṭṭhiyā.

5242. Tiṃsakappāni [PTS Page 433] [\q 433/]      devesu devarajjamakārayiṃ,
\nSaṭṭhi ca sattakkhattuñca cakkavatti ahosahaṃ.

5243. Devalokā idhāgantvā labhāmi vipulaṃ sukhaṃ,
\nIdhāpisālacchadanaṃ hessati sabbakālikaṃ.

5244. Mahāmuniṃ tosayitvā gotamaṃ sakyapuṅgavaṃ,
\nPattomhi acalaṃ ṭhānaṃ hitvā jayaparājayaṃ.

5245. Aṭṭhārase kappasate yaṃ buddhambhipūjayiṃ,
\nDuggatiṃ nābhājānāmi buddhapūjāyidaṃ phalaṃ.

5246. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5247. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

5248. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sālamaṇḍapiyo thero imā gāthāyo abhisitthāti.

Sālamaṇḍapiyattherassa apadānaṃ dasamaṃ.

1. Gottena, machasaṃ.

[BJT Page 220] [\x 220/]

Uddānaṃ:

Paṃsukūla buddhasaññi bhisado ñāṇakittako
\nCandanī dhātupūjī ca pulinuppādako pica
\nTaraṇo dhammaruciko sālamaṇḍapiyo tathā
\nGāthāsatāni dve honti1 ūnavīsati eva ca.

Saṃsukulavaggo ekunapaññāsamo.