[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 170] [\x 170/]
\n[PTS Page 412] [\q 412/] 

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nNaḷamālīvaggo

 

471. Naḷamāliyattherāpadānaṃ

4936. Suvaṇṇavaṇṇaṃ sambuddhaṃ āhutinaṃ paṭiggahaṃ,
\nPavanaggena4 gacchantaṃ addasaṃ lokanāyakaṃ.

4937. Naḷamālaṃ gahetvāna nikkhamantova tāvade,
\nTatthaddasāsiṃ sambuddhaṃ oghatiṇṇamanāsavaṃ.

4938. Pasannacitotā sumano naḷamālaṃ apūjayiṃ,
\nDakkhiṇeyyaṃ mahāvīraṃ sabbalokānukampakaṃ.

4939. Ekatiṃse ito kappe yaṃ pupphamabhiropayiṃ, 5
\nDuggatiṃ nābhijānāmi buddhapūjāyidaṃ phalaṃ.

4940. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

1. Sālapupphiyamaggo, sīmu.
\n2. Veyyākaraṇako, sīmu.
\n3. Deva satañceca, sīmu.
\n4. Vipinaggena, machasaṃ.
\n5. Mālambhiropayiṃ, machasaṃ.

[BJT Page 172] [\x 172/]

4941. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4942. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā naḷamāliyo thero imā gāthāyo abhāsitthāti.

Naḷamāliyattherassa apadānaṃ paṭhamaṃ.

472. Maṇipūjakattherāpadānaṃ

4943. Padumuttaro [PTS Page 413] [\q 413/]      nāma jino sabbadhammāna pāragu,
\nVivekakāmo sambuddho gacchate anilañjase.

4944. Avidūre himavato mahājātassaro ahu,
\nTattha me bhavanaṃ āsi puññakammena saṃyutaṃ.

4945. Bhavanā abhinikkhamma addasaṃ lokanāyakaṃ,
\nIndivaraṃva jalitaṃ ādittaṃva hutāsanaṃ.

4946. Vicinaṃ nāddasaṃ1 pupphaṃ pūjayissanti nāyakaṃ,
\nSakaṃ cittaṃ pasādetvā avandiṃ satthuno ahaṃ.

4947. Mama sīse maṇiṃ gayha pūjayiṃ lokanāyakaṃ,
\nImāya maṇipujāya vipāko hotu bhaddako.

4948. Padumuttaro lokavidū āhutīnaṃ paṭiggaho,
\nAntaḷikkhe ṭhīto satthā imaṃ gāthaṃ abhāsatha.

4949. So te ijjhatu saṅkappo labhassu vipulaṃ sukhaṃ,
\nImāya maṇipūjāya anubhohi mahāyasaṃ.

4950. Idaṃ vatvāna bhagavā jalajuttamanāmako,
\nAgamāsi buddhaseṭṭho yattha cittaṃ paṇihitaṃ.

4951. Saṭṭhikappāni devindo devarajjamakārayiṃ,
\nAnekasatakkhattuñca cakkavattī ahosahaṃ.

4952. Pubbakammaṃ sarantassa devabhūtassa me sato,
\nMaṇi nibbattate mayhaṃ ālokakaraṇo mamaṃ.

4953. Chaḷāsītisahassāni nāriyo me pariggahā,
\nVicittavatthābharaṇā āmuttamaṇikuṇḍalā2

4954. Aḷārapamhā hasulā sutthanā3 tanumajjhimā,
\nParivārenti maṃ niccaṃ maṇipūjāyidaṃ phalaṃ.

1. Naddasa, machasaṃ.
\n2. Āmukkamaṇikuṇḍalā, machasaṃ.
\n3. Susoññā, sīmu.

[BJT Page 174] [\x 174/]

4955. Soṇṇamayā maṇimayā lohitaṅkamayā tathā,
\nBhaṇḍā me sukatā honti yadicchāya1 piḷandhanā.

4956. Kūṭāgārā guhā rammā sayanañca mahārahā,
\nMama saṅkappamaññāya nibbattanti yadicchakaṃ.

4957. Lābhā tesaṃ suladdhaṃ ca ye labhanti upassutiṃ,
\nPuññakkhettaṃ manussānaṃ osadhaṃ sabbapāṇinaṃ.

4958. Mayhampi [PTS Page 414] [\q 414/]      sukataṃ kammaṃ yohaṃ addakkhi2 nāyakaṃ,
\nVinipātā pamuttomhi pattomhi acalaṃ padaṃ.

4959. Yaṃ yaṃ yonupapajjāmi devattaṃ atha mānusaṃ,
\nSamantā sattaratanā3 āloko hoti me sadā.

4960. Tāyeva maṇipūjāya anubhotvāna sampadā,
\nÑāṇāloko mayā diṭṭho pattemhi acalaṃ padaṃ.

4961. Satasahasse ito kappe yaṃ maṇiṃ abhipūjayiṃ,
\nDuggatiṃ nābhijānāmi maṇipūjayidaṃ phalaṃ.

4962. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4963. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4964. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā maṇipūjako thero imā gāthāyo abhāsitthāti.

Maṇipūjakattherassa apadānaṃ dutiyaṃ.

473. Ukkāsatikattherāpadānaṃ

4965. Kosiko nāma bhagavā cittakūṭe vasī tadā,
\nJhāyī jhānarato buddho vivekābhirato muni.

4966. Ajjhogahetvā4 himavantaṃ nārigaṇapurakkhato,
\nAddasaṃ kosikaṃ buddhaṃ puṇṇamāseva candimaṃ.

1. Yadicchanti, machasaṃ.
\n2. Adakkhī, machasaṃ.
\n3. Divasañceca rattiñca, machasaṃ.
\n4. Ajjhogāhetvā, machasaṃ.

[BJT Page 176] [\x 176/]

4967. Ukkāsate gahetvāna parivāresahaṃ tadā,
\nSattarattindivaṃ ṭhatvā1 aṭṭhamena agacchahaṃ.

4968. Vuṭṭhītaṃ kosikaṃ buddhaṃ sayambhuṃ aparājitaṃ,
\nPasannacitto vanditvā ekaṃ bhikkhaṃ adāsahaṃ.

4969. Tena kammena rattiñca āloko hoti me sadā,
\nSamantā yojanasataṃ obhāsena pharāmahaṃ.

4970. Divasañceva rattiñca āloko hoti me sadā,
\nSamantā yojanasataṃ obhāsena pharāmahaṃ.

4971. Pañcapaññāsakappamhi cakkavantī ahosahaṃ,
\nCāturanto vijitāvī jambusaṇḍassa2 issaro,

4972. Tadā me nagaraṃ ādi iddhaṃ phītaṃ sunimmitaṃ,
\nTiṃsayojanamāyāmaṃ vitthārena ca vīsati.

4973. Sobhanaṃ nāma nagaraṃ vissakammena māpitaṃ,
\nDasasaddāvicittantaṃ sammatāḷasamāhita.

4974. Na [PTS Page 415] [\q 415/]      tasmiṃ3 nagare atthi valli kaṭṭhaṃ ca matatikā,
\nSabbasoṇṇamayaṃ yeva jotate kiccakālikaṃ.
\n4975. Catupākaraparikkhittaṃ tayo āsuṃ maṇimayā,
\nCemajjhe tālapantī ca vissakammena māpitā,

4976. Dasasahassā pokkharañño padumuppalachāditā,
\nPuṇḍarīkehi4 sañchannā nānāgandhasameritā.

4977. Catunavute ito kappe yaṃ ukkaṃ dhārayiṃ ahaṃ,
\nDuggatiṃ nābhijānāmi ukkādhārassidaṃ phalaṃ.

4978. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4979. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1. Buddho, syā
\n2. Jambumaṇḍassa, machasaṃ.
\n3. Tambhi, machasaṃ.
\n4. Puṇḍarīkādi, syā.

[BJT Page 178] [\x 178/]

4980. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ukkāsatiko thero imā gāthāyo abhāsitthāti.

Ukkāsatikattherassa apadānaṃ tatiyaṃ.

474. Sumanavījaniyattherāpadānaṃ

4981. Vipassīno bhagavato bodhiyā pādaputtame,
\nSumanāvavījaniṃ1 gayha avījiṃ bodhimuttamaṃ.

4982. Ekanavute ito kappe avījiṃ bodhimuttamaṃ,
\nDuggatiṃ nābhijānāmi vījanāya idaṃ phalaṃ.

4983. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4984. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4985. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sumanavījaniyo thero imā gāthāyo abhāsitthāti.

Sumanavījaniyattherassa apadānaṃ catutthaṃ.

475. Kummāsadāyakattherāpadānaṃ

4986. Esanāya carantassa vipassīssa mahesino,
\nRittakaṃ pattaṃ disvāna kummāsaṃ purayiṃ ahaṃ.

4987. Ekanavute ito kappe yaṃ bhikkhamadadiṃ tadā,
\nDuggatiṃ nābhijānāmi kummāsassa idaṃ phalaṃ.

4988. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4989. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n1. Sumanovījani. Machasaṃ.

[BJT Page 180] [\x 180/]

4990. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kummāsadāyako thero imā gāthāyo abhāsitthāti.

Kummāsadāyakattherassa apadānaṃ pañcamaṃ.

476. Kusaṭṭhadāyakakattherāpadānaṃ

4991. Kassapassa [PTS Page 416] [\q 416/]      bhagavato brāhmaṇassa vusīmato,
\nPasannacitto sumano kusaṭṭhakamadāsahaṃ.

4992. Imasmiṃ yeva kappasmiṃ kusaṭṭhakamadāsahaṃ,
\nDuggatiṃ nābhijānāmi kusaṭṭhakassidaṃ phalaṃ.

4993. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4994. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4995. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā kusaṭṭhadāyako thero imā gāthāyo abhāsitthāti.

Kusaṭṭhadāyakattherassa apadānaṃ chaṭṭhaṃ.

477. Giripunnāgiyattherāpadānaṃ

4996. Sobhito nāma samubuddho cittakūṭe vasī tadā,
\nGahetvā giripunnāgaṃ sayambhumbhipūjayiṃ.

4997. Catunavute ito kappe yaṃ buddhambhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

4998. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4999. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n[BJT Page 182] [\x 182/]

5000. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā giripunnāgiyo thero imā gāthāyo abhāsitthāti.

Giripunnāgiyattherassa apadānaṃ sattamaṃ.

478. Vallikāraphaladāyakattherāpadānaṃ

5001. Sumano nāma sambuddho takkarāyaṃ vasī tadā,
\nVallikāraphalaṃ gayha sayambhussa adāsahaṃ.

5002. Ekatiṃse ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

5003. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5004. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5005. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vallikāraphaladāyako thero imā gāthāyo abhāsitthāti.

Vallikāraphaladāyakattherassa apadānaṃ aṭṭhamaṃ.

479. Pānadhidāyakattherāpadānaṃ

5006. Anomadassī [PTS Page 417] [\q 417/]      bhagavā lokajeṭṭho narāsabho,
\nDivivihārā nikkhamma pathamāruhi cakkhumā.

5007. Pānadhiṃ sukataṃ gayha addhānaṃ paṭipajjahaṃ,
\nTatthaddasāsiṃ sambuddhaṃ pattikaṃ cārudassanaṃ.

5008. Sakaṃ cittaṃ pasādetvā nīharitvāna pānadhiṃ,
\nPādamūle ṭhapetvāna idaṃ vacanamabraviṃ.

5009. Abhirūha mahāvīra sugatinda vināyaka,
\nIto phalaṃ labhissāmi yo me attho samijjhatu.

[BJT Page 184] [\x 184/]

5010. Anomadassī bhagavā lokajeṭṭhā narāsabho,
\nPānadhiṃ abhirūhitvā idaṃ vacanamabravī:

5011. "Yo pānadhiṃ me addā pasanno sehi pāṇihi,
\nTamhaṃ kittayissāmi, suṇotha mama bhāsato. "

5012. Buddhassa giramaññāya sabbe devā samāgatā,
\nUddaggacittā sumanā vedajātā katañjalī.

5013. "Pānadhīnaṃ padānena sukhitoyaṃ bhavissati,
\nPañcapaññāsakkhatatuñca devarajjaṃ karissati.

5014. Sahassakkhattuṃ rājā ca cakkavattī bhavissati,
\nPadesarajjaṃ vipulaṃ gaṇanāto asaṅkhiyaṃ.

5015. Aparimeyye ito kappe okkākakulasambhavo,
\nGotamo nāma nāmena satthā loke bhavissati.

5016. Tassa dhammesu dāyādo oraso dhammanimmito,
\nSabbāsave pariññāya nibbāyissatanāsavo.

5017. Devaloke manusso vā nibbattissati puññavā,
\nDevayānapaṭibhāgaṃ yānaṃ paṭilabhissati".

5018. Pāsāda sīvikā mayhaṃ1 hatthino samalaṅkatā,
\nRathā vājaññasaṃyuttā sadā pātubhavanti me.

5019. Agārā nikkhamantopi ratena nikkhamiṃ ahaṃ,
\nKesesu chijjamānesu arahattamapāpuṇiṃ.

5020. Lābhā mayhaṃ suladdhaṃ me vāṇijjaṃ suppayojitaṃ,
\nDatvāna pānadhiṃ ekaṃ pattomhi acalaṃ padaṃ.

5021. Aparimeyye ito kappe yaṃ pānadhimadāsabhaṃ,
\nDuggatiṃ nābhijānāmi pānadhissa idaṃ phalaṃ.

5022. Kilesā [PTS Page 418] [\q 418/]      jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5023. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5024. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā pānadhidāyako thero imā gāthāyo abhāsitthāti.

Pānadhidāyakattherassa apadānaṃ navamaṃ.

1. Vayhaṃ, sīmu.

[BJT Page 186] [\x 186/]

480. Pulinacaṅkamiyattherāpadānaṃ

5025. Migaluddo pure āsi araññe kānane ahaṃ,
\nVātamigaṃ gavesanto caṅkamaṃ addasaṃ ahaṃ.

5026. Ucchaṅgā pulinaṃ gayha caṅkamaṃ okiriṃ ahaṃ,
\nPasannacitto sumano sugatassa sirīmato.

5027. Ekatiṃse ito kappe pulinaṃ okiriṃ ahaṃ,
\nDuggatiṃ nābhijānāmi pulinassa idaṃ phalaṃ.

5028. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

5029. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n5030. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā pulinacaṅkamiyo thero imā gāthāyo abhāsitthāti.

Pulinacaṅkamiyattherassa apadānaṃ dasamaṃ.

Uddānaṃ:

Naḷamālī maṇidado ukkāsatika - vījanī,
\nKummāso ca kusaṭṭho ca giripunnāgiyopi ca.
\nVallikāro pānadhido atho pulinacaṅkamo,
\nGāthāyo pañcanavuti gaṇitāyo vibhāvihi.

Naḷamālīvaggo aṭṭhacattāḷisamo.