[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 156] [\x 156/]
\n[PTS Page 407] [\q 407/]

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nSālakusumiyavaggo

 
\n461. Sālakusumiyattherāpadānaṃ

4864. Parinibbute bhagavati jalajuttamanāmake,
\nĀropitambhi catake sālapupphamapūjayiṃ.

4865. Satasahasse ito kappe yaṃ pupphambhiropayiṃ,
\nDuggatiṃ nābhijānāmi citapūjāyidaṃ2 phalaṃ.

4866. Kilesā jhāpitā mayhaṃ bhavā sabbe samūhatā,
\nSabbāsavā parikkhīṇā viharāmi anāsavo.

1. Citāsu kurumānāsu, machasaṃ.
\n2. Buddhapūjāyidā, syā.

[BJT Page 158] [\x 158/]

4867. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4868. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sālakusumiyo thero imā gāthāyo abhisitthāti.

Sālakusumiyattherassa apadānaṃ paṭhamaṃ.

462. Citakapūjakattherāpadānaṃ

4869. Jhāyamānassa bhagavato sikhino lokabandhuno,
\nAṭṭhacampakapupphāni citakaṃ abhiropayiṃ.

4870. Ekatiṃse ito kappe yaṃ pupphambhiropayiṃ,
\nDuggatiṃ nābhijānāmi citakapūjāyidaṃ phalaṃ.

4871. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4872. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4873. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā citakapūjako thero imā gāthāyo abhāsitthāti.

Citakapūjakattherassa apadānaṃ dutiyaṃ.

463. Citakanibbāpakattherāpadānaṃ

4874. Dayhamāne [PTS Page 408] [\q 408/]      sarīrambhi vessabhussa mahesino,
\nGandhodakaṃ gahetvāna citaṃ nibbāpayiṃ ahaṃ.

4875. Ekatiṃse ito kappe citaṃ nibbāpayiṃ ahaṃ,
\nDuggatiṃ nābhijānāmi gandhodakassidaṃ phalaṃ.

4876. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.
\n[BJT Page 160] [\x 160/]

4877. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4878. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā citakanibbāpako thero imā gāthāyo abhāsitthāti.

Citakanibbāpakattherassa apadānaṃ tatiyaṃ.

464. Setudāyakattherāpadānaṃ

4879. Vipassino bhagavato caṅkamantassa sammukhā,
\nPasannacitto sumano setuṃ kārāpayiṃ ahaṃ.

4880. Ekanavute ito kappe yaṃ setuṃ kārayiṃ ahaṃ,
\nDuggatiṃ nābhijānāmi setudānassidaṃ phalaṃ.

4881. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4882. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4883. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā setudāyakatthero imā gāthāyo abhāsitthāti.

Setudāyakattherassa apadānaṃ catutthaṃ.

465. Sumanatālavaṇṭiyattherāpadānaṃ

4884. Siddhatthassa bhagavato tālavaṇṭadāsahaṃ,
\nSumanehi paṭicchannaṃ dhārayāmi mahāyasaṃ.

4885. Catunavute ito kappe tālavaṇṭamadāsahaṃ:
\nDuggatiṃ nābhijānāmi tālavaṇṭassidaṃ phalaṃ.

4886. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

162

4887. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4888. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sumanatālavaṇṭiyo thero imā gāthāyo abhāsitthāti.

Sumanatālavaṇṭiyattherassa apadānaṃ pañcamaṃ.

466. Avaṇṭaphaliyattherāpadānaṃ

4889. Sataraṃsi [PTS Page 409] [\q 409/]      nāma bhagavā sayambhu aparājito,
\nVivekakāmo sambuddho gocarāyābhinikkhami.

4890. Phalahattho ahaṃ disvā upagacchiṃ narāsabhaṃ,
\nPasannacitto sumano avaṇṭaṃ adadiṃ phalaṃ. 1

4891. Catunavute ito kappe yaṃ phalamadadiṃ tadā,
\nDuggatiṃ nābhijānāmi phaladānassidaṃ phalaṃ.

4892. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4893. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4894. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā avaṇṭaphaliyo thero imā gāthāyo abhāsitthāti.

Avaṇṭaphaliyattherāpadānaṃ chaṭṭhaṃ.

467. Labujadāyakattherāpadānaṃ

4895. Nagare bandhumatiyā ārāmiko ahuṃ tadā,
\nAddasaṃ virajaṃ buddhaṃ gacchantaṃ anilañjase.

1. Adāsiṃ avaṭaṃ phalaṃ, sīmu.

[BJT Page 164] [\x 164/]

4896. Labujaṃ phalamādāya buddhaseṭṭhassadāsahaṃ,
\nĀkāseva ṭhito santo paṭiggaṇhi mahāyaso.

4897. Cintisañjanano mayhaṃ diṭṭhadhammasukhāvaho,
\nPhala buddhassa datvāna vippasannena cetasā.

4898. Adhigacchiṃ tadā pītiṃ vipulaṃ sukhamuttamaṃ,
\nUppajjate ca1 ratanaṃ nibbantassa nahiṃ tahiṃ.

4899. Ekanavute ito kappe yaṃ phalamadadiṃ tadā,
\nDuggatiṃ nābhijānāmi phaladānassidaṃ phalaṃ.

4900. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4901. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4902. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā labujadāyako thero imā gāthāyo abhāsitthāti.

Labudāyakattherassa apadānaṃ sattamaṃ.

468. Pilakkhaphaladāyakattherāpadānaṃ

4903. Vanante [PTS Page 410] [\q 410/]      buddhaṃ disvāna2 atthadassiṃ mahāyasaṃ,
\nPasannacitto sumano pilakkhassa3 phalaṃ adaṃ4.

4904. Aṭṭhārase kappasate yaṃ phalamadadiṃ tadā,
\nDuggatiṃ nābhijānāmi phaladānassidaṃ phalaṃ.

4905. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4906. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4907. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā pilakkhaphaladāyako thero imā gāthāyo abhāsitthāti.

Pilakkhaphaladāyakattherassa apadānaṃ aṭṭhamaṃ.

1. Uppajjateva, machasaṃ. Uppajjate me, syā
\n2. Vanantare buddhaṃ disvā, machasaṃ.
\n3. Pilakkhussa, machasaṃ.
\n4. Adā, machasaṃ.

[BJT Page 166] [\x 166/]

469. Sayampaṭibhāṇiyatthorapadānaṃ

4908. Kakudhaṃ vilasantaṃva devadevaṃ narāsabhaṃ,
\nRathiyaṃ paṭipajjantaṃ ko disvā nappasīdati.

4909. Tamandhakāraṃ nāsetvā santāretvā bahuṃ janaṃ,
\nÑāṇālokena jotannaṃ ko disvā nappasīdati.

4910. Vasīsatasahassehi niyyantaṃ lokanāyakaṃ,
\nUddharantaṃ bahu satte ko disvā nippasīdati.

4911. Āhanantaṃ1 dhammabheriṃ maddantaṃ titthiye gaṇe,
\nSīhanādaṃ vinadantaṃ ko disvā nappasīdati.

4912. Yāvatā brahmalokato āgantvāna sabrahmakā,
\nPucchanti nipuṇe pañhe ko disvā nappasīdati.

4913. Yassañjaliṃ karitvāna āyācanti sadevakā,
\nTena puññaṃ anubhonti ko disvā nappasīdati.

4914. Sabbe janā samāgamma2 sampavārenti cakkhumaṃ,
\nNa vikampati ajjhiṭṭho ko disvā nappasīdati.

4915. Nagaraṃ pavisato yassa ravanti bheriyo bahū,
\nVinadanti gajā mattā ko disvā nappasīdati.

4917. Vyāharantassa [PTS Page 411] [\q 411/]      buddhassa cakkavāḷambhi sūyati,
\nSabbe satte viññāpeti ko disvā nappasīdati.

4918. Satasahasse ito kappe yaṃ buddhambhikittayiṃ,
\nDuggatiṃ nābhijānāmi kittanāya idaṃ phalaṃ.

4919. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

1. Āhanitvā, machasaṃ.
\n2. Samāgantvā, machasaṃ.

[BJT Page 168] [\x 168/]

4920. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4921. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sayampaṭibhāṇiyo thero imā gāthāyo abhāsitthāti.

Sayampaṭibhāṇiyattherassa apadānaṃ navamaṃ.

470. Nimittavyākaraṇiyattherāpadānaṃ

4922. Ajjhogahetvā himavaṃ mante vācemahaṃ tadā,
\nCatupaññāsahassāni sissā mayhaṃ upaṭṭhahuṃ.

4923. Adhītā vedagū sabbe chaḷaṅge pāramiṅgatā,
\nSakavijjāhupatthaddhā himavante vasanti te.

4924. Cavitvā tusitā kāyā devaputto mahāyaso,
\nUppajji mātukucchismiṃ sampajāno patissato.

4945. Sambuddhe upapajjante dasasahassī pakampatha, 1
\nAndhā cakkhuṃ alabhiṃsu uppajjantamhi nāyake.

4926. Sabbākāraṃ pakampittha kevalā vasudhā ayaṃ,
\nNigghosasaddaṃ sutvāna ubbijjiṃsu2 mahājanā.

4927. Sabbe janā samāgamma āgacchuṃ mama santikaṃ,
\nVasudhā’yaṃ pakampittha kiṃvipāko bhavissati.

4928. Avavāsiṃ3 tadā tesaṃ ’mā bhetha4 natthi vo bhayaṃ,
\nVissatthā hotha sabbepi uppādeyaṃ suvatthiko. 5

4929. Aṭṭhahetūhi samphussa vasudhāyaṃ pakampati,
\nTathā nimittā dissanti obhāso vipulo mahā.

4930. Asaṃsayaṃ buddhaseṭṭho uppajjissati cakkhumā,
\nSaññāpetvāna janataṃ pañcasīle kathesahaṃ.

4931. Sutvāna [PTS Page 412] [\q 412/]      pañcasīlāni buddhappādañca dullabhaṃ,
\nUbbegajātā sumanā tuṭṭhahaṭṭhā ahaṃsu te.

1. Kampatha, machasaṃ.
\n2. Vimbhayisu, syā.
\n3. Vidassāmi, syā.
\n4. Mābhāyittha, syā.
\n5. Sukhatthiko, syā

[BJT Page 170] [\x 170/]

4932. Devanapute ito kappe yaṃ nimittaṃ viyākariṃ,
\nDuggatiṃ nābhijānāmi vyākaraṇassidaṃ phalaṃ.

4933. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4934. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4935. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā nimittavyākaraṇiyo thero imā gāthāyo abhāsitthāti.

Nimittavyākaraṇiyattherāpadānaṃ dasamaṃ.

Sālakusumiyavaggo1 sattacattāḷīsamo.

Uddānaṃ:

Sālakusumiyo thero pūjānibbāpako pica
\nSetudo tālavaṇṭī ca avaṇṭa labujappado
\nPilakkha paṭibhāṇi ca veyyākaraṇiyo2 dijo
\nDvesattati3 gāthāyo gaṇitāyo vibhāvihi
\n