[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 144] [\x 144/]
\n[PTS Page 402] [\q 402/]  

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nJagatidāyakavaggo

 

451. Jatatidāyakattherāpadānaṃ

4797. Dhammadassissa munino bodhiyā pādaputtame,
\nPasannacitto sumano jagatiṃ kārayiṃ ahaṃ.

4798. Darito pabbatāto vā3 rukkhoto patito ahaṃ,
\nCuto patiṭṭhaṃ vindāmi jagatiyā idaṃ phalaṃ.

4799. Na me corā pasahanti4 nātimaññeti khattiyo, 5
\nSabbāmitte’tikkamāmi jagatiyā idaṃ phalaṃ.

4800. Yaṃ yaṃ yonupapajjāmi devattaṃ atha mānusaṃ,
\nSabbattha pūjato homi jagatiyā idaṃ phalaṃ.

4801. Aṭṭhārase kappasate jagatiṃ kārayiṃ ahaṃ,
\nDuggatiṃ nābhijānāmi jagatidānassidaṃ phalaṃ.

4802. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4803. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4804. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā jagatidāyako thero imā gāthāyo abhāsitthāti.

Jagatidāyakattherassa apadānaṃ paṭhamaṃ.

1. Billabhallātakappado, machasaṃ.
\n2. Nigrodhambāṭakī, sīmu
\n3. Darito pabbatato vā, machasaṃ.
\n4. Vibhesanti, machasaṃ.
\n* Nātimaññanti khantiyā, machasaṃ.

[BJT Page 146] [\x 146/]

452. Morahatthiyattherāpadānaṃ

4805. Morahatthaṃ [PTS Page 403] [\q 403/]      gahetvāna upesiṃ lokanāyakaṃ,
\nPasannacitto sumano morahatthamadāsahaṃ.

4806. Iminā morahatthena cetanā paṇīdhīhi ca,
\nNibbāyiṃsu tayo aggī labhāmi vipulaṃ sukhaṃ.

4807. Aho buddhā1 aho dhammā2 aho no satthusampadā,
\nDatvānahaṃ morahatthaṃ labhāmi vipulaṃ sukhaṃ.

4808. Tiyaggī3 nibbutā mayhaṃ bhavā sabbe samūhatā,
\nSabbāsavā parikkhīṇā natthi’dāni punabbhavo.

4809. Ekatiṃse ito kappe yaṃ dānamadadiṃ tadā,
\nDuggatiṃ nābhijānāmi morahatthassidaṃ phalaṃ.

4810. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4811. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4812. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā morahatthiyo thero imā gāthāyo abhāsitthāti.

Morahatthiyattherassa apadānaṃ dutiyaṃ.

453. Sīhāsanavījakattherāpadānaṃ

4813. Tissassāhaṃ bhagavato bodhirukkhamavandisaṃ,
\nPaggayhaṃ vījaniṃ tattha sīhāsanamavījayiṃ.

4814. Dvenavute ito kappe sīhāsanamavījahaṃ,
\nDuggatiṃ nābhijānāmi vījanāya idaṃ phalaṃ.

4815. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

1. Buddho, machasaṃ.
\n2. Dhammo, machasaṃ.
\n3. Tidhagagī, syā. Tivaggī, [PTS.]

[BJT Page 148] [\x 148/]

4816. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4817. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sīhāsanavījako thero imā gāthāyo abhāsitthāti.

Sīhāsanavījakattherassa apadānaṃ tatiyaṃ.

454. Tiukkādhārakattherāpadānaṃ

4818. Padumuttarabuddhassa [PTS Page 404] [\q 404/]      bodhiyā pādaputtame,
\nPasannacitto sumano tayo ukkā adhārayiṃ.

4819. Satasahasse ito kappe sohaṃ ukkamadhārayiṃ,
\nDuggatiṃ nābhijānāmi ukkādānassidaṃ phalaṃ.

4820. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4821. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4822. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā tiukkādhārako thero imā gāthāyo abhāsitthāti.

Tiukkādhārakattherassa apadānaṃ catutthaṃ.

455. Akkamanadāyakattherāpadānaṃ

4823. Kakusandhassa munino brāhmaṇassa vusīvato,
\nDivāvihāraṃ vajato akkamanamadāsahaṃ.

4824. Imasmiṃ yeva kappasmiṃ yaṃ dānamadadiṃ tadā,
\nDuggatiṃ nābhijānāmi akkamanassidaṃ phalaṃ.

4825. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

[BJT Page 150] [\x 150/]

4826. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4827. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā akkamanadāyako thero imā gāthāyo abhāsitthāti.

Akkamanadāyakattherassa apadānaṃ pañcamaṃ.

456. Vanakoraṇḍiyattherāpadānaṃ

4828. Siddhatthassa bhagavato lokajeṭṭhassa tādino,
\nVanakoraṇḍamādāya buddhassa abhiropayiṃ.

4829. Catunavute ito kappe yaṃ pupphambhiropayiṃ,
\nDuggatiṃ nābhijānāmi buddhapūjāyidaṃ phalaṃ.

4830. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4831. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4832. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vanakoraṇḍiyo thero imā gāthāyo abhāsitthāti.

Vanakoraṇḍiyattherassa apadānaṃ chaṭṭhiṃ.

Vīsatimaṃ bhāṇavāraṃ.

457. Ekachattiyattherāpadānaṃ

4833. Aṅgārajātā [PTS Page 405] [\q 405/]      paṭhavī1 kukkulānugatā mahī,
\nPadumuttaro bhagavā abbhokāsambhi caṅkami.

4834. Paṇḍaraṃ chattamādāya addhāna paṭipajjahaṃ,
\nTattha disvāna sambuddhaṃ vitti me upapajjatha.

1. Pathavavī, machasaṃ.

[BJT Page 152] [\x 152/]

4835. Marīciyotthaṭā1 bhūmi aṅgārava mahī ayaṃ,
\nUpavāyanti2 mahāvātā sarīrassāsukhepanā. 3

4836. Sītaṃ uṇhaṃ vihanantaṃ4 vātātapanivāraṇaṃ,
\nPaṭigaṇha imaṃ chattaṃ phassayissāmi nibbutiṃ.

4837. Anukampako kāruṇiko padumuttaro mahāisi, 5
\nMamasaṅkappamaññāya paṭigaṇhi tadā jino.

4838. Tiṃsakappāni devindo devarajjamakārayiṃ,
\nSatānaṃ pañcakkhattuñca cakkavatti sukatamattano.

4839. Padesarajjaṃ vipulaṃ gaṇanāto asaṅkhiyaṃ,
\nAnubhomi sakaṃ kammaṃ pubbe sukatamattano.

4840. Ayaṃ me pacchimā jāti carimo vattate bhavo,
\nAjjāpi setacchattaṃ me sabbakālaṃ dharīyati.

4841. Satasahasse ito kappe yaṃ chattamadadiṃ tadā,
\nDuggatiṃ nābhijānāmi chattadānassidaṃ phalaṃ.

4842. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4843. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4844. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekachattiyo thero imā gāthāyo abhāsitthāti.

Ekachattiyattherassa apadānaṃ sattamaṃ.

458. Jātipupphiyattherāpadānaṃ

4845. Jarinibbute bhagavati padumuttare mahāyase,
\nPupphavaṭaṃsake katvā6 sarīrambhiropayiṃ.

4846. Tattha cittaṃ pasādetvā nimmāṇaṃ agamāsahaṃ,
\nDevalokagato santo puññakammaṃ sarāmahaṃ.

1. Marīcivophunā, syā, marīcivophuṭā, [PTS]
\n2. Upahanti, machasaṃ.
\n3. Sarīrakāyukhopana, syā.
\n4. Vibhanti, syā
\n5. Mahāyaso, machasaṃ.
\n6. Pupphacaṅkoṭake gahetvā, syā.

[BJT Page 154] [\x 154/]

4847. Ambarā [PTS Page 406] [\q 406/]      pupphavasso me sabbakālaṃ pavassati,
\nSaṃsarāmi manusse ce rājā homi mahāyaso.

4848. Tahiṃ kusumavasso me abhivassati sabbadā,
\nTasseva1 pupphapūjāya vāhasā sabbadassino

4849. Ayaṃ pacchimako mayhaṃ carimo vattate bhavo,
\nAjjāpi pupphavasso me abhivassati sabbadā.

4850. Satasahasse ito kappe yaṃ pupphambhiropayiṃ,
\nDuggatiṃ nābhijānāmi dehapūjāyidaṃ phalaṃ.

4851. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4852. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4853. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā jātipupphiyo2 thero imā gāthāyo abhāsitthāti.

Jātipupphiyattherassa apadānaṃ aṭṭhamaṃ.

459. Paṭaṭipupphiyattherāpadānaṃ

4854. Nīharante sarīrambhi vajjamānāsu bherisu,
\nPasannacitto sumano paṭṭipupphamapūjayiṃ,

4855. Satasahasse ito kappe yaṃ pupphambhipūjayiṃ,
\nDuggatiṃ nābhijānāmi dehapūjāyidaṃ phalaṃ.

4856. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4857. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4858. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā paṭaṭipupphiyo thero imā gāthāyo abhāsitthāti.

Paṭaṭipupphiyayattherassa apadānaṃ navamaṃ.

1. Kāyesu, syā tāyeva, [PTS.]
\n2. Sattipaṇṇiyo, syā. [PTS.]

[BJT Page 156] [\x 156/]

460. Gandhapūjakattherāpadānaṃ

4859. Citesu kayiramānesu1 nānāgandhe samāhaṭe
\nPasanna citto sumano gandhamuṭṭhimapūjayiṃ.

4860. Satasahasse ito kappe citakaṃ yamapūjayiṃ,
\nDuggatiṃ nābhijānāmi citapūjāyidaṃ phalaṃ.

4861. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4862. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.
\n4863. Paṭisambhidā [PTS Page 407] [\q 407/]      catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā gandhapūjako thero imā gāthāyo abhāsitthāti.

Gandhapūjakattherassa apadānaṃ dasamaṃ.

Uddānaṃ:

Jagatī morahatthi ca āsanī ukkadhārako,
\nAkkamī vanakoraṇḍi chattado jātipūjako.
\nPaṭṭipupphī ca yo thero dasamo gandhapūjako,
\nSattasaṭṭhi ca gāthāyo gaṇitāyo vibhāvihi.

Jagatidāyakavaggo chacattāḷīsamo,