[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 130] [\x 130/]
\n[PTS Page 396] [\q 396/]

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nVibhīṭakavaggo

 
\n 
\n441. Vibhīṭakamiñjiyattherāpadānaṃ

4717. Kakusandho mahāvīro sabbadhammānapāragū,
\nGaṇamhā vūpakaṭṭho so agamāsi vanantaraṃ.

4718. Bījamiñjaṃ gahetvāna latāya āvuṇiṃ ahaṃ,
\nBhagavā tamhi samaye jhāyate pabbatantare.

4719. Disvānahaṃ devadevaṃ vippasannena cetasā,
\nDakkhiṇeyyassa vīrassa bījamiñjamadāsahaṃ

4720. Imasmiññeva kappasmiṃ1 yaṃ phalaṃ adadiṃ2 tadā,
\nDuggatiṃ nābhijānāmi bījamiñjassidaṃ phalaṃ.

4721. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4722. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4723. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vibhiṭakamiñjiyo3 thero imā gāthāyo abhāsitthāti.

Vibhiṭakamiñjiyattherassa apadānaṃ paṭhamaṃ.

442 Koladāyakattherāpadānaṃ

4724. Ajinena [PTS Page 397] [\q 397/]      nivatthehaṃ vākavīradharo tadā,
\nKhāribhāraṃ haritvāna4 kolamāharimassamaṃ. 5

4725. Tamhi kāle sikhī buddho eko adutiyo ahu,
\nMamassamamupāgañchi6 jānanto sabbakālikaṃ.

4726. Sakaṃ cittaṃ pasādetvā vanditvāna ca subbataṃ,
\nUbho hatthehi paggayha kolaṃ buddhassadāsahaṃ.

4727. Ekatiṃse ito kappe yaṃ phalaṃ adadiṃ tadā,
\nDuggatiṃ nābhijānāmi koladānassidaṃ phalaṃ.

1. Kappamhi, machasaṃ.
\n2. Miñjamadadiṃ, machasaṃ. Bījamadadiṃ, syā.
\n3. Vibhitakamiñjiyo, machasaṃ.
\n4. Khāriyā pūrayitvāna, machasaṃ.
\n5. Kolaṃhāsiṃ mamassamaṃ, machasaṃ.
\n6. Mamassamamupāgacchi, sīmu.

[BJT Page 132] [\x 132/]

4728. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4729. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4730. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā koladāyako thero imā gāthāyo abhāsitthāti.

Koladāyakattherassa apadānaṃ dutiyaṃ.

443. Billaphaliyattherāpadānaṃ*

4731. Candabhāgānadītīre assamo sukato mama,
\nBillarukkhehi1 ākiṇṇo nānādumanisevito.

4732. Sugandhaṃ beluvaṃ disvā buddhaseṭṭhamanussariṃ,
\nKhāribhāraṃ pūrayitvā tuṭṭho saṃviggamānaso.

4733. Kakusandhaṃ upāgamma billapakkamadāsahaṃ,
\nPuññakkhettassa vīrassa vippasannena cetasā.

4734. Imasmiṃ yeva kappasmiṃ yaṃ phalaṃ adadiṃ2 tadā,
\nDuggatiṃ nābhijānāmi phaladānassidaṃ phalaṃ.

4735. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4736. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4737. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā billaphaliyatthero thero imā gāthāyo abhāsitthāti.

Billaphaliyattherassa apadānaṃ tatiyaṃ.

1. Belurukkhehi, sīmu. Beluvarukkhehi, syā.
\n2. Yaṃ phalamadadiṃ, machasaṃ.
\n* Bilaliyatthera apadāna, machasaṃ.

[BJT Page 134] [\x 134/]

444. Bhallātakadāyakattherāpadānaṃ*

4738. Suvaṇṇavaṇṇaṃ [PTS Page 398] [\q 398/]      sambuddhaṃ khattiṃsavaralakkhaṇaṃ,
\nPavanaggena1 gacchantaṃ sālarājaṃva phullitaṃ

4739. Tiṇattharaṃ paññapetvā buddhaseṭṭhamayācahaṃ,
\nAnukampatu maṃ buddho bhikkhamicchāmi dātave.

4740. Anukampako kāruṇiko atthadassī mahāyaso,
\nMama saṅkappamaññāya oruhī mama assame.

4741. Oruhitvāna2 sambuddho nisīdi paṇṇasanthare,
\nBhallātakaṃ gahetvāna buddhaseṭṭhassadāsahaṃ.

4742. Mama nijjhāyamānassa paribhuñji tadā jino,
\nTattha cittaṃ pasādetvā abhivandiṃ tadā jinaṃ.

4743. Aṭṭhārase kappasate yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

4744. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4745. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4746. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Bhallātakadāyakattherassa apadānaṃ catutthaṃ.

Itthaṃ sudaṃ āyasmā koladāyako thero imā gāthāyo abhāsitthāti.

445. Uttalipupphiyattherāpadānaṃ

4747. Nigrodhe haritobhāse saṃvirūḷhamhi pādape,
\nUttalimālaṃ3 paggayha bodhiyā abhiropayiṃ.

4748. Imasmiṃ yeva kappamhi yaṃ pupphambhiropayiṃ,
\nDuggatiṃ nābhijānāmi bodhipūjāyidaṃ phalaṃ.

1. Vipinaggena, machasaṃ.
\n2. Oruyahitvāna, sīmu. Orohitvāna, machasaṃ.
\n3. Ummāmālaṃ hi, syā.
\n* Bhallātadāyakattherāpadānaṃ, machasaṃ.

[BJT Page 136] [\x 136/]

4749. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4750. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4751. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā uttalipupphiyo thero imā gāthāyo abhāsitthāti.

Uttalipupphiyattherassa apadānaṃ pañcamaṃ.

446. Ambāṭakiyattherāpadānaṃ

4752. Supupphitaṃ [PTS Page 399] [\q 399/]      sālavanaṃ ogayha vessabhu muni,
\nNisīdi giriduggesu abhijātova kesarī.

4753. Pasannacitto sumano ambāṭakamapūjayiṃ,
\nPuññakkhettaṃ mahāvīraṃ1 pasanno sehi pāṇihi.

4754. Ekatiṃse ito kappe yaṃ pupphambhiropayiṃ,
\nDuggatiṃ nābhijānāmi buddhapūjāyidaṃ phalaṃ.

4755. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4756. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4757. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ambāṭakiyo thero imā gāthāyo abhāsitthāti.

Ambāṭakiyakattherassa apadānaṃ chaṭṭhaṃ.

447. Sīhāsanikattherāpadānaṃ

4758. Padumuttarassa bhagavato sabbabhūtahitesino,
\nPasannacitto sumano sīhāsanamadāsahaṃ.

4759. Devaloke manusse vā yattha yattha vasāmahaṃ,
\nLabhāmi vipulaṃ vyamhaṃ sīhāsanassidaṃ phalaṃ.

1. Anuttaraṃ, machasaṃ.

[BJT Page 138] [\x 138/]

4760. Soṇṇamayā rūpimayā lohitaṅkamayā1 bahū,
\nMaṇimayā ca pallaṅkā nibbattanti mamaṃ sadā.

4761. Bodhiyā āsanaṃ katvā jalajuttamanāmino,
\nUcce kule pajāyāmi aho dhammasudhammatā.

4762. Satasahasse ito kappe sīhāsanamakāsahaṃ,
\nDuggatiṃ nābhijānāmi sīhāsanassidaṃ phalaṃ.

4763. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4764. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4765. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sīhāsaniko thero imā gāthāyo abhāsitthāti.

Sīhāsanikattherassa apadānaṃ sattamaṃ.

448. Pādapīṭhiyattherāpadānaṃ

4766. Sumedho [PTS Page 400] [\q 400/]      nāma sambuddho aggo kāruṇiko muni,
\nTārayitvā bahū satte nibbuto so mahāyaso.

4767. Sīhāsanassa sāmantā sumedhassa mahesino,
\nPasannacitto sumano pādapīṭhamakārayiṃ.

4768. Katvāna kusalaṃ sukhapākaṃ sukhudrayaṃ,
\nPuññakammena saṃyutto tāvatiṃsamagacchahaṃ.

4769. Tattha me vasamānassa puññakammasamaṅgino,
\nPadāni uddhārantassa soṇṇapīṭhā bhavanti me.

4770. Lābhā tesaṃ suladdhaṃ vo ye labhanti upassutiṃ,
\nNibbute kāraṃ katvāna labhanti vipulaṃ sukhaṃ.

1. Lohitaṅgamayā, machasaṃ.

[BJT Page 140] [\x 140/]

4771. Mayāpi sukataṃ kammaṃ vāṇijjaṃ suppayojitaṃ,
\nPādapīṭhaṃ karitvāna soṇṇapīṭhaṃ labhāmahaṃ.

4772. Yaṃ yaṃ disaṃ pakkamāmi kenaci paccayenahaṃ, 1
\nSoṇṇapīṭhe akkamāmi puññakammassidaṃ phalaṃ.

4773. Tiṃsakappasahassambhi yaṃ kammamakariṃ tadā,
\nDuggatiṃ nābhijānāmi pādapīṭhassidaṃ phalaṃ.

4774. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4775. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4776. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā pādapīṭhiyo thero imā gāthāyo abhāsitthāti.

Pādapīṭhīyattherassa apadānaṃ aṭṭhamaṃ.

449. Vedikārakattherāpadānaṃ

4777. Padumuttarabuddhassa2 bodhiyā pādaputtame,
\nVedikaṃ sukataṃ katvā sakaṃ cittaṃ pasādayiṃ.

4778. Atoḷārāni3 bhaṇḍāni katāni akatāni ca,
\nAntaḷikkhā pavassanti vedikāya idaṃ phalaṃ.

4779. Ubhato vyuḷhasaṅgāme pakkhandanto bhayānake,
\nBhayabheravaṃ na passāmi vedikāya idaṃ phalaṃ.

4780. Mama [PTS Page 401] [\q 401/]      saṅkappamaññāya vyambhaṃ nibbattate subhaṃ,
\nSayanāni mahagghāni vedikāya idaṃ phalaṃ.

4781. Satasahasso ito kappe yaṃ vedikamakārayiṃ,
\nDuggatiṃ nābhijānāmi vedikāya idaṃ phalaṃ.

4782. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

1. Kiccayenahaṃ, machasaṃ.
\n2. Padumuttarassa bhagavato, machasaṃ.
\n3. Athoḷārāni, sīmu. Aggoḷārāni, syā.
\n[BJT Page 142] [\x 142/]

4783. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

4784. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā vedikārako thero imā gāthāyo abhāsitthāti.

Vedikārakattherassa apadānaṃ navamaṃ.

450. Bodhighariyattherāpadānaṃ*

4785. Siddhatthassa bhagavato dipadindassa tādino,
\nPasannacitto sumano bodhigharamakārayiṃ.

4786. Tusitaṃ upapannomhi vasāmi ratane ghare,
\nNa me sītaṃ vā uṇhaṃ vā vāto gatte na samaphuse.

4787. Pañcasaṭṭhimhito kappe cakkavatti ahosahaṃ,
\nKāyikaṃ nāma nagaraṃ vissakammena1 māpitaṃ.

4788. Dasayojanaāyāmaṃ aṭṭhayojanavitthataṃ,
\nNa tamhi nagare atthi kaṭṭhaṃ vallī ca mattikā.

4789. Tiriyaṃ yojanaṃ āsi aḍḍhayojanacitthato, 2
\nMaṅgalo nāma pāsādo vissakammena māpito.

4790. Cullāsītisahassāni thamhā soṇṇamayā ahuṃ,
\nMaṇimayā ca niyyuhā chadanaṃ rūpiyaṃ ahu.

4791. Sabbasoṇṇamayaṃ gharaṃ vissakammena māpitaṃ,
\nAjjhāvutthaṃ mayā etaṃ gharadānassidaṃ phalaṃ.

4792. Te sabbe anubhotvāna devamānusake bhave,
\nAjja pattomhi nibbānaṃ santipadamanuttaraṃ.

4793. Catunavute ito kappe3 bodhigharamakārayiṃ,
\nDuggatiṃ nābhijānāmi gharadānassidaṃ phalaṃ.

4794. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4795. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ

1. Visukammena, syā.
\n2. Addhayojanacitthataṃ, machasaṃ.
\n3. Tiṃsakappasahassamhi, machasaṃ.
\n* Bodhigharadāyakattherāpadāna, machasaṃ.

[BJT Page 144] [\x 144/]

4796. Paṭisambhidā [PTS Page 402] [\q 402/]      catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā bodhighariyo thero imā gāthāyo abhāsitthāti.

Bodhighariyattherassa apadānaṃ dasamaṃ.

Vibhīṭakavaggo pañcacattāḷisamo.

Uddānaṃ:

Viṭabhīkī kolaphalī billa bhallātakappadā1
\nUttalambāṭakī2 ceva āsanī pādapīṭhako,
\nVediko bodhighariko gāthāyo gaṇitā viha,
\nEkūnāsītikā sabbā asmiṃ vagge sakittitā.
\n