[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 86] [\x  86/]
\n[PTS Page 378] [\q 378/]

Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\n 
\n 

Sakiṃsammajjakavaggo


\n 


\n

421. Sakiṃsammajjakattherāpadānaṃ.

4462. Vipassino bhagavato pāṭaliṃ bodhimuttamaṃ,
\nDisvāva taṃ pādapaggaṃ tattha cittaṃ pasādayiṃ.

4463. Sammajjaniṃ gahetvāna bodhiṃ sammajji tāvade,
\nSammajjitvāna taṃ bodhiṃ avandiṃ pāṭaliṃ ahaṃ.

4464. Tattha cittaṃ pasādetvā sire katvāna añjaliṃ,
\nNamassamāno taṃ bodhiṃ gacchiṃ paṭikūṭī2 ahaṃ.

4465. Cārimaggena3 gacchāmi saranto bodhimuttamaṃ,
\nAjagaro maṃ pīḷesi ghorarūpo mahābalo.

1. Sayanakāle, syā.
\n2. Paṭikuṭiṃ, machasaṃ.
\n3. Tādimaggena, machasaṃ.
\n* Asmiṃ vagge dissamānagāthānaṃ
\nGaṇanā ekasatacatunavutīti paññāyati.

[BJT Page 88] [\x  88/]

4466. Āsanne [PTS Page 379] [\q 379/]      me kataṃ kammaṃ phalena tosayī mamaṃ,
\nKaḷebaraṃ1 me gilati devaloke ramāmahaṃ

4467. Anāvilaṃ mama cittaṃ visuddhaṃ paṇḍaraṃ sadā,
\nSokasallaṃ na jānāmi cittasantāpanaṃ mama.

4468. Kuṭṭhaṃ gaṇḍo kilāso ca apamāro vitacchikā,
\nDaddu kaṇḍu ca me natthi phalaṃ sammajjane idaṃ. 2

4469. Soko ca paridevo ca hadaye me na vijjati,
\nAbhantaṃ ujukaṃ cittaṃ phalaṃ sammajjane idaṃ.

4470. Samādhīsu na sajjāmi3 visadaṃ hoti mānasaṃ,
\nYaṃ yaṃ samādhimicchāmi so so sampajjate mama. 4

4471. Rajanīye na rajjāmi atho dosaniyesu ca, 5
\nMohanīye na muyhāmi phalaṃ sammajjane idaṃ.

4472. Ekanavute ito6 kappe yaṃ kammamakariṃ tadā,
\nDuggatiṃ nābhijānāmi phalaṃ sammajjane idaṃ.

4473. Kilesā jhāpitā mayhaṃ bhavā sabbe samūhatā,
\nNāgo’ca bandhanaṃ chetvā viharāmi anāsavo.

4474. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4475. Paṭisambhidā catasso vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sakiṃsammajjako thero imā gāthāyo abhāsitthāti.

Sakiṃsammajjakattherassa apadānaṃ paṭhamaṃ.

422. Ekadūssadāyakattherāpadānaṃ

4476. Nagare haṃsavatiyā ahosiṃ tiṇahārako,
\nTiṇahārena jīvāmi tena posemi dārake.

4477. Padumuttaro nāma jino sabbadhammānapāragū,
\nTamandhakāraṃ nāsetvā uppajji lokanāyako.

1. Kaḷevaraṃ, machasaṃ.
\n2. Sammajjanāyidaṃ, machasaṃ.
\n3. Namajjāmi, machasaṃ.
\n4. Sampajjaye, sīmu. Sampajjate mamaṃ, machasaṃ.
\n5. Dussaniyesu ca, machasaṃ.
\n6. Ekanavutito, machasaṃ.

[BJT Page 90] [\x  90/]

4478. Sake ghare nisīditvā evaṃ cittesi tāvade,
\nBuddho loke samuppanno deyyadhammo na vijjati.

4479. Idaṃ me sāṭakaṃ ekaṃ natthi me koci dāyako,
\nDukkho nirayasamphasso ropayissāmi dakkhiṇaṃ.

4480. Evāhaṃ cinnayitvāna sakaṃ cittaṃ pasādayiṃ, ekaṃ dussaṃ gahetvāna buddhaseṭṭhassadāsahaṃ.
\n4481. Ekadussaṃ [PTS Page 380] [\q 380/]      daditvāna ukkuṭṭhiṃ sampavattayiṃ,
\nYadi buddho tvaṃ vīra tārehi maṃ mahāmuni.

4482. Padumuttaro lokavidū āhūtinaṃ paṭiggaho,
\nMama dānaṃ pakittento akā me anumodanaṃ:

4483. "Iminā ekadussena cetanāpaṇidhīhi ca,
\nKappasatasahassāni vinipātaṃ na gacchasi.

4484. Chattiṃsakkhattuṃ devindo devarajjaṃ karissasi,
\nTettiṃsakkhattuṃ rājā ca cakkavatti bhavissasi.

4485. Padesarajjaṃ vipulaṃ gaṇanāto asaṅkhiyaṃ,
\nDevaloke manusse vā saṃsaranto tuvaṃ bhave.

4486. Rūpavā guṇasampanno anavakkantadehavā,
\nAkkhobhaṃ amitaṃ dussaṃ labhissasi yadicchakaṃ. "

4487. Idaṃ vatvāna sambuddho jalajuttamanāyako,
\nNabhaṃ abbhuggamī dhīro haṃsarājā’va ambare.

4488. Yaṃ yaṃ yonupapajjāmi devattaṃ atha mānusaṃ,
\nBhoge me ūnatā natthi ekadussassidaṃ phalaṃ.

4489. Paduddhāre paduddhāre dussaṃ nibbattate mama,
\nHeṭṭhā dussambhi niṭṭhāmi uparicchadanaṃ mama.

4490. Cakkavāḷamupādāya sakānanaṃ sapabbataṃ,
\nIcchamāno cahaṃ ajja dussehacchādayeyya taṃ.

4491. Teneva ekadussena saṃsaranto bhavābhave,
\nSuvaṇṇavaṇṇo hutvāna saṃsarāmi bhavābhave.

[BJT Page 92] [\x  92/]

4492. Vipākaṃ ekadussassa nājjhagaṃ katthacikkhayaṃ,
\nAyaṃ me antimā jāti vipaccati idhāpi me.

4493. Satasahasse ito kappe yaṃ dussamadadiṃ tadā,
\nDuggatiṃ nābhijānāmi ekadussassidaṃ phalaṃ.

4494. Kilesā jhāpitā mayhaṃ bhavā sabbe samuhatā,
\nNāgo’va bandhanaṃ chetvā viharāmi anāsavo.

4495. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4496. Paṭisambhidā catasesā vimokkhā’pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekadussadāyako thero imā gāthāyo abhāsitthāti.

Ekadussadāyakattherassa apadānaṃ dutiyaṃ.

423. Ekāsanadāyakattherāpadānaṃ

4497. Himavantassa [PTS Page 381] [\q 381/]      avidūre gosito nāma pabbato,
\nAssamo sukato mayhaṃ paṇṇasālā sumāpitā.

4498. Nārado iti nāmena kassapo iti maṃ vidū,
\nSuddhimaggaṃ gavesanto vasāmi gosite tadā.

4499. Padumuttaro nāma jino sabbadhammānapāragū,
\nVivekakāmo sambuddho āgacchi anilañjasā.

4500. Vanagge gacchamānassa disvā raṃsiṃ mahesino,
\nKaṭṭhamañcaṃ paññapetvā ajinañca apatthariṃ.

4501. Āsanaṃ paññapetvāna sire katvāna añjaliṃ,
\nSomanassaṃ pavedetvā idaṃ vacanamabraviṃ:

4502. Sallakatto mahāvīra āturānaṃ tikicchako,
\nMamaṃ rogaparetassa tikicchaṃ dehi nāyaka.

4503. Kallatthikā ye passanti buddhaseṭṭha tuvaṃ mune,
\nDhuvatthasiddhiṃ papponti etesaṃ jajjaro bhavo.

[BJT Page 94] [\x  94/]

4504. Na me deyyaṃ tava atthi1 pavattaphalabhoji’haṃ,
\nIdaṃ me āsanaṃ atthi nisīdi kaṭṭhamañcake.

4505. Nisīdi tattha bhagavā asambhīto’va2 kesarī, muhuttaṃ vītināmetvā idaṃ vacanamabravī:

4506. "Vissattho3 hohi mā bhāyī laddho jotiraso tayā,
\nYaṃ tuyhaṃ patthitaṃ sabbaṃ paripūrissatanāgate. 4

4507. Na moghaṃ taṃ kataṃ tuyhaṃ puññakkhette anuttare,
\nSakkā uddharituṃ attā yassa cittaṃ paṇihitaṃ.

4508. Imināsanadānena cetanāpaṇidhīhi ca,
\nKappasatasahassāni vinipātaṃ na gacchasi.

4509. Paññāsakkhattuṃ devindo devarajjaṃ karissasi,
\nAsītikkhattuṃ rājā ca cakkavatti bhavissasi.

4510. Padesarajjaṃ [PTS Page 382] [\q 382/]      vipulaṃ gaṇanāto asaṅkhiyaṃ,
\nSabbattha sukhito hutvā saṃsāre saṃsarissasi. "

4511. Idaṃ vatvāna sambuddho jalajuttamanāyako,
\nNabhaṃ abbhuggamī dhīro haṃsarājāva ambare.

4512. Hatthiyānaṃ assayānaṃ sarathaṃsandamānikaṃ,
\nLabhāmi sabbamevetaṃ ekāsanassidaṃ phalaṃ.

4513. Kānanaṃ pavisitvāpi yadā icchāmi āsanaṃ,
\nMama saṅkappamaññāya pallaṅko upatiṭṭhati.

4514. Vārimajjhagato santo yadā icchāmi āsanaṃ,
\nMama saṅkappamaññāya pallaṅko upatiṭṭhati.

4515. Yaṃ yaṃ yonupapajjāmi devattaṃ atha mānusaṃ,
\nPallaṅkasatasahassāni parivārenti maṃ sadā.

4516. Duve bhave saṃsarāmi devatte atha mānuse,
\nDuve kule pajāyāmi khattiye atha brāhmaṇe.

4517. Ekāsanaṃ daditvāna puññakkhette anuttare,
\nDhammapallaṅkamādāya viharāmi anāsavo.

4518. Satasahasse ito kappe yaṃ dānamadadiṃ tadā,
\nDuggatiṃ nābhijānāmi ekāsanannidaṃ phalaṃ.

1. Na me deyyadhammo atthi, machasaṃ.
\n2. Acchambhitoca, machasaṃ.
\n3. Vissaṭṭho, machasaṃ.
\n4. Paripūressati nāgato, machasaṃ. Paripūrissatāsanaṃ, syā

[BJT Page 96] [\x  96/]

4519. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4520. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4521. Paṭismabhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekāsanadāyako thero imā gāthāyo abhāsitthāti.

Ekāsanadāyakattherassa apadānaṃ tatiyaṃ.

424. Sattakadambapupphiyattherāpadānaṃ

4522. Himavantassa avidūre kadambo1 nāma pabbato,
\nTasmiṃ pabbatapassambhi satta buddhā vasiṃsu te.

4523. Kadambaṃ pupphitaṃ disvā paggahetvāna añjaliṃ,
\nSatta mālā gahetvāna puññacittena okiriṃ.

4524. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

4525. Catunavute [PTS Page 383] [\q 383/]      ito kappe yaṃ kammamakariṃ tadā,
\nDuggatiṃ nābhijānāmi buddhapūjāyidaṃ phalaṃ.

4526. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4527. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4528. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sattakadambapupphiyo thero imā gāthāyo abhāsitthāti.

Sattakadambapupphiyattherassa apadānaṃ catutthaṃ.

1. Kukkuṭo, machasaṃ

[BJT Page 98] [\x  98/]

425. Koraṇḍapupphiyattherāpadānaṃ

4529. Vanakammiko pure āsiṃ pitumātumatenahaṃ, 1
\nPasumārena jīvāmi kusalaṃ me na vijjati.

4530. Mama āsayasāmantā tisso lokagganāyako,
\nPadāti tīṇi dassesi anukampāya cakkhumā.

4531. Akkante ca pade disvā tissanāmassa satthuno,
\nHaṭṭho haṭṭhena cittena pade cittaṃ pasādayiṃ.

4532. Koraṇḍaṃ pupphitaṃ disvā pādapaṃ dharaṇiruhaṃ,
\nSakoṭakaṃ2 gahetvāna padaseṭṭhe apūjayiṃ. 3

4533. Tena kammena sukatena cetanāpaṇidhīhi ca,
\nChahitvā mānusaṃ dehaṃ tāvatiṃsamagacchahaṃ.

4534. Yaṃ yaṃ yonupapajjāmi devattaṃ atha mānusaṃ,
\nKoraṇḍavaṇṇako yeva sappabhāso bhavāmahaṃ.

4535. Devanavute ito kappe yaṃ kammamakariṃ tadā,
\nDuggatiṃ nābhijānāmi padapūjāyidaṃ phalaṃ.

4536. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4537. Svāgataṃ vata me āsi buddhaseṭṭhassa santike,
\nTisso vijjā anuttā kataṃ buddhassa sāsanaṃ.

4538. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā koraṇḍapupphiyo thero imā gāthāyo abhāsitthāti.

Koraṇḍapupphiyattherassa apadānaṃ pañcamaṃ.

426. Ghatamaṇḍadāyakattherāpadānaṃ

4539. Sucintitaṃ bhagavantaṃ lojeṭṭhaṃ narāsabhaṃ.
\nUpaviṭṭhaṃ mahāraññaṃ vātābādhena pīḷitaṃ.
\nDisvā cittaṃ pasādetvā ghatamaṇḍaṃ upānayiṃ.

4540. Katattā [PTS Page 384] [\q 384/]      ācitattā ca gaṅgā bhāgīrathi ayaṃ,
\nMahāsamuddā cattāro ghataṃ sampajjare mama.

1. Pitupetāmahenahaṃ, sīmu.
\n2. Sakosakaṃ, machasaṃ.
\n3. Padaseṭṭhamapūjayiṃ, machasaṃ.

[BJT Page 100] [\x 100/]

4541. Ayaṃ ca paṭhavī ghorā appamāṇā asaṅkhiyā,
\nMama sanaṅkappamaññāya bhavate madhusakkharā.

4542. Catudīpā1 ime rukkhā pādapā dharaṇīruhā,
\nMama saṅkappamaññāya kapparukkhā bhavanti te.

4543. Paññāsakkhattuṃ devindo devarajjamakārayiṃ,
\nEkapaññāsakkhattuñca cakkavatti ahosahaṃ,
\nPadesarajjaṃ vipulaṃ gaṇanāto asaṃkhiyaṃ.
\n4544. Catunavute ito kappe yaṃ dānamadadiṃ tadā,
\nDuggatiṃ nābhijānāmi ghatamaṇḍassidaṃ phalaṃ.

4545. Kilesā jhāpitā mayhaṃ bhavā sabbe samūhatā,
\nNāgoca bandhanaṃ chetvā viharāmi anāsavo.

4546. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4547. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ghatamaṇḍadāyako thero imā gāthāyo abhāsitthāti.

Ghatamaṇḍadāyakattherassa apadānaṃ chaṭṭhaṃ.

427. Ekadhammasavaṇiyattherāpadānaṃ

4548. Padumuttaro nāma jino sabbadhammānapāragū,
\nCatusaccaṃ pakāsento santāresi bahuṃ janaṃ.

4549. Ahaṃ tena samayena jaṭilo uggatāpano,
\nDhunanto vākacīrāni gacchāmi ambare tadā.

4550. Buddhaseṭṭhassa upari gantuṃ na visahāmahaṃ,
\nPakkhīva selamāsajja gamanaṃ na labhāmahaṃ.

4551. Udake’vokkamitvāna evaṃ gacchāmi ambare,
\nNa me idaṃ bhūtapubbaṃ iriyāpathavikopānaṃ.

4552. Handametaṃ gavesissaṃ appeva’tthaṃ labheyyahaṃ,
\nOrohanto antalikkhā saddamassosi satthuno.

1. Cātuddasā, syā. Catuddīpā, machasaṃ.

[BJT Page 102] [\x 102/]

4553. Sarena rajanīyena savaṇiyena vaggunā,
\nAniccataṃ kathentassa taññeva uggahiṃ tadā.

4554. Aniccasaññaṃ [PTS Page 385] [\q 385/]      uggayha agamāsiṃ mamassamaṃ,
\nYāvatāyuṃ vasitvāna tattha kālakato ahaṃ.

4555. Carime vattamānamhi saddhammamasavaṇaṃ sariṃ,
\nTena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

4556. Tiṃsakappasahassāni devaloke ramiṃ ahaṃ,
\nEkapaññāsakkhattuñca devarajjamakārayiṃ.

4557. Ekavīsatikkhattuñca cakkavatti ahosahaṃ,
\nPadesarajjaṃ vipulaṃ gaṇanāto asaṃkhiyaṃ.

4558. Anubhosiṃ1 sakaṃ puññaṃ sukhitohaṃ bhavābhave,
\nAnussarāmi taṃ saññaṃ saṃsaranto bhavābhave,
\nNa koṭiṃ paṭivijjhāmi nibbānaṃ accutaṃ padaṃ.

4559. Pitu gehe nisīditvā samaṇo bhāvitindiyo,
\nKathayaṃ2 paridīpentā aniccatamudāhari.

4560. Aniccā vata saṃkhāra uppādavayadhammino,
\nUppajjitvā nirujjhanti tesaṃ vupasamo sukho.

4561. Saha gāthaṃ suṇitvāna pubbasaññamanussariṃ,
\nEkāsane nisīditvā arahattamapāpuṇiṃ.

4562. Jātiyā sattavassena arahattamapāpuṇiṃ,
\nUpasampādayī buddho dhammasavaṇassidaṃ phalaṃ.

4563. Satasahasse ito kappe yaṃ dhammamasuṇiṃ tadā,
\nDuggatiṃ nābhijānāmi dhammasavaṇassidaṃ phalaṃ.

4564. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4565. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

1. Anubhomi, machasaṃ.
\n2. Kathaṃsa, machasaṃ.

[BJT Page 104] [\x 104/]

4566. Paṭisambhidā vatasso ca vimokkhāpi ca aṭṭhime,
\nChaḷibhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekadhammasavaṇiyo thero imā gāthāyo abhisitthāti.

Ekadhammasavaṇiyattherassa apadānaṃ sattamaṃ.

428. Sucintitattherāpadānaṃ

4567. Nagare haṃsavatiyā ahosiṃ kassako tadā,
\nKasikammena jīvāmi tena posemi dārake.

4568. Susampannaṃ [PTS Page 386] [\q 386/]      tadā khettaṃ dhaññaṃ me phalitaṃ1 ahu,
\nPākakāle ca sampatte evaṃ citetasahaṃ tadā.

4569. Tacchannaṃ nappatirūpaṃ jānantassa guṇāguṇaṃ,
\nYo’haṃ saṅghe adatvāna aggaṃ bhuñjeyya ce tadā.

4570. Ayaṃ buddho asamasamo dvattiṃsavaralakkhaṇo,
\nTato pabhāvito saṅgho puññakkhetto anuttaro.

4571. Tattha dassāmahaṃ dānaṃ navasassaṃ pure pure,
\nEvāhaṃ cintayitvāna haṭṭho pīṇitamānaso.

4572. Khettato dhaññamāhatvā2 sambuddhamupasaṅkamiṃ,
\nUpasaṅkamma samubuddhaṃ lokajeṭṭhaṃ narāsabhaṃ,
\nVanditvā satthuno pāde imaṃ vacanamabraviṃ.

4573. Navasassaṃ ca sampannaṃ āyāgo pi3 ca tvaṃ mune,
\nAnukampamupādāya adhivāsehi cakkhuma.

4574. Padumuttaro lokavidū āhutinaṃ paṭiggaho,
\nMama saṅkappamaññāya imaṃ4 vacanamabravi.

4575. "Cattāro ca paṭipannā cattāro ca phale ṭhitā,
\nEsa saṅgho ujubhūto paññāsīlasamāhito.

4576. Yajantānaṃ manussānaṃ puññapekkhānapāṇinaṃ,
\nKarotopadhikaṃ puññaṃ saṅghe dinnaṃ mahapphalaṃ.

1. Phalinaṃ, machasaṃ.
\n2. Dhaññamāritvā, sīmu.
\n3. Āyāgosi, machasaṃ. Idhahosi, syā.
\n4. Idaṃ, machasaṃ.

[BJT Page 106] [\x 106/]

4577. Tasmiṃ saṅghe padātabbaṃ1 navasassaṃ? Tathetaraṃ,
\nSaṅghato uddisitvāna bhikkhū tetvāna saṃgharaṃ,
\nPaṭiyattaṃ ghare yantaṃ3 bhikkhusaṅghassa dehi tvaṃ. "

4578. Saṅghato uddisitvāna bhikkhu netvānahaṃ gharaṃ,
\nYaṃ ghare paṭiyattaṃ me bhikkhusaṅghassadāsahaṃ.

4579. Tena kammena sukatena cetanā paṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

4580. Tattha me sukataṃ vyamhaṃ sovaṇṇaṃ sappabhassaraṃ,
\nSaṭṭhiyojanamubbedhaṃ tiṃsayojanavitthataṃ.

(Ekūnavīsatimaṃ bhāṇavāraṃ. )

4581. Ākiṇṇaṃ bhavanaṃ mayhaṃ nārigaṇasamākulaṃ,
\nTattha bhutvā pivitvā ca vasāmi tidase ahaṃ.

4582. Satānaṃ tīṇikkhattuṃ ca devarajjamakārayiṃ,
\nSatānaṃ piñcakkhattuṃ ca cakkavatti ahosahaṃ,
\nPadesarajjaṃ vipulaṃ gaṇanāto asaṅkhiyo.

4583. Bhavābhave [PTS Page 387] [\q 387/]      saṃsaranto labhāmi amitaṃ dhanaṃ,
\nBhoge me ūnatā natthi navasassassidaṃ phalaṃ.

4584. Hatthiyānaṃ assayānaṃ sivikaṃ sandamānikaṃ,
\nLabhāmi sabbamevetaṃ navasassassidaṃ phalaṃ.

4585. Navavatthaṃ navaphalaṃ navaggarasabhojanaṃ,
\nLabhāmi sabbamevetaṃ navasassassidaṃ phalaṃ.

4586. Koseyyakambaliyāni khomakappāsikāni ca,
\nLabhāmi sabbamevetaṃ navasassassidaṃ phalaṃ.

4587. Dāsīgaṇaṃ dāsagaṇaṃ nāriyo ca alaṅkatā,
\nLabhāmi sabbamevetaṃ navasassassidaṃ phalaṃ.

4588. Na maṃ sītaṃ vā uṇhaṃ vā pariḷāho na vijjati,
\nAtho cetasikaṃ dukkhaṃ hadaye me na vijjati.

4589. Imaṃ khāda imaṃ bhuñja imamhi sayane saya,
\nLabhāmi sabbamevetaṃ navasassassidaṃ phalaṃ.

1. Saṅghedātabbaṃ, machasaṃ. Saṅghe ca dātabbaṃ syā. [PTS.]
\n2. Tava sassaṃ, machasaṃ.
\n3. Santaṃ, machasaṃ.

[BJT Page 108] [\x 108/]

4590. Ayaṃ pacchimakodāni carimo vattane bhavo,
\nAjjāpi deyyadhammo1 me phalaṃ toseti sabbadā.

4591. Navasassaṃ daditvāna saṅghe gaṇavaruttame,
\nAṭṭhānisaṃse anubhomi kammānucchavike mama.

4592. Vaṇṇavā yasavā homi mahābhogo anītiko,
\nMahesakkho2 sadā homi abhejjapariso sadā.

4593. Sabbe maṃ apavāyanti ye keci paṭhavissitā,
\nDeyyadhammā ca ye keci pure pure labhāmahaṃ.

4594. Bhikkhusaṅghassa vā majjhe buddhaseṭṭhassa sammukhā,
\nSabbepi samatikkamma denti mayheva3 dāyakā.

4595. Paṭhamaṃ navasassaṃ hi datvā saṅghe gaṇuttame,
\nImānisaṃse anubhomi navasassassidaṃ phalaṃ.

4596. Satasahasse ito kappe yaṃ dānamadadiṃ tadā,
\nDuggatiṃ nābhijānāmi navasassassidaṃ phalaṃ.

4597. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4598. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4599. Paṭisambhidā catasso ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sucintito thero imā gāthāyo abhāsitthāti.

Sucintitattherassa apadānaṃ aṭṭhamaṃ.

429. Soṇṇakiṅkaṇiyattherāpadānaṃ

4600. Saddhāya [PTS Page 388] [\q 388/]      abhinikkhamma pabbajiṃ anagāriyaṃ,
\nVākacīradharo āsiṃ tapokammamapassito.

4601. Atthadassī tu bhagavā lokajeṭṭho narāsabho,
\nUpapajji tamhi samaye tārayanto mahājanaṃ.

1. Deyyadhamme, sīmu.
\n2. Mahāsakkho, syā.
\n3. Mameva, machasaṃ.

[BJT Page 110] [\x 110/]

4602. Balañca vata me khīṇaṃ vyādhinā paramena tu,
\nBuddhaseṭṭhaṃ saritvāna pulite thūpamuttamaṃ-

4603. Karitvā haṭṭhavittohaṃ sahatthena samokiriṃ,
\nSoṇṇakiṅkaṇipupphāni udaggamanaso ahaṃ.

4604. Sammukhā viya sambuddhaṃ phūpaṃ parivariṃ ahaṃ,
\nTena cetopasādena atthidassissa tādino.

4605. Devalokaṃ gato santo labhāmi vipulaṃ sukhaṃ,
\nSuvaṇṇavaṇṇo tatthāsiṃ buddhapūjāyidaṃ phalaṃ.

4606. Asītikoṭiyo mayhaṃ nāriyo samalaṅkatā,
\nSadā mayhaṃ upaṭṭhanti buddhapūjāyidaṃ phalaṃ.

4607. Saṭṭhituriyasahassāni bheriyo paṇavāni ca,
\nSaṅkhā ca deṇḍimā1 tattha vagguṃ nadanti2 dunduhi.

4608. Cullāsītisahassāni hatthino samalaṅkatā,
\nTidhāpabhinnamātaṅgā kuñjarā saṭṭhīhāyanā -

4609. Hemajālāhi sañchannā upaṭṭhānaṃ karonti me,
\nBalakāye gaje ceva ūnatā me ne vijjati.

4610. Soṇṇakiṅkaṇipupphānaṃ cakkavatti ahosahaṃ,
\nPathavyārajjaṃ ekasataṃ mahiyā kārayiṃ ahaṃ.

4611. Ekasattatikkhattuñca cakkavatti ahosahaṃ,
\nPathavyārajjaṃ ekasataṃ mahiyā kārayiṃ ahaṃ.

4612. Sodāni patto amataṃ3 asaṅkhataṃ sududdasaṃ, 4
\nSaṃyojanaparikkhīṇo natthidāni punabbhavo.

4613. Aṭṭhārase kappasate yaṃ pupphambhiropayiṃ,
\nDuggatiṃ nābhijānāmi buddhapūjāyidaṃ phalaṃ.

4614. Kilesā [PTS Page 389] [\q 389/]      jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4615. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4616. Paṭisambhidā catasesā ca vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā sovaṇṇakiṅkaṇiyo thero imā gāthāyo abhāsitthāti.

Sovaṇṇakiṅkaṇiyattherassa apadānaṃ navamaṃ.

1. Ḍiṇḍimā, machasaṃ.
\n2. Vagguvajjanti, machasaṃ.
\n3. Amataṃ patto, machasaṃ.
\n4. Gambhīraṃ draddasaṃ padaṃ, syā.

[BJT Page 112] [\x 112/]

430. Soṇṇanakontarikattherāpadānaṃ

4617. Manobhāvanīyaṃ buddhaṃ attadantaṃ samāhitaṃ,
\nIrīyamānaṃ brahmapathe cittavūpasame rataṃ.

4618. Nittiṇṇaoghaṃ sambuddhaṃ jhāyiṃ jhānarataṃ muniṃ,
\nUpaviṭṭhaṃ samāpannaṃ indīvaradalappabhaṃ.

4619. Alābunodakaṃ gayha buddhaseṭṭhamupāgamiṃ,
\nBuddhassa pāde dhovitvā alābudakamadāsahaṃ.

4620. Āṇāpesi ca sambuddho padumuttaranāyako,
\nIminā dakamāhatvā1 pādamūle ṭhapehi me,

4621. Sādhūti’haṃ paṭissutvā satthugāravatāya ca,
\nDakaṃ alābunā’hitvā2 buddhaseṭṭhamupānayiṃ.

4622. Anumodi mahāvīro cittaṃ nibbāpayaṃ mama,
\nIminā lābudānena saṅkappo te samijjhatu.

4623. Paṇṇarasasu kappesu devaloke ramiṃ ahaṃ,
\nTiṃsatikkhattuṃ rājā ca cakkavatti ahosahaṃ.

4624. Divā vā yadi vā rattiṃ caṅkamantassa tiṭṭhato,
\nSovaṇṇakontaraṃ gayha tiṭṭhate3 purato mama.

4525. Buddhassa lābuṃ datvāna4 labhāmi soṇṇakontaraṃ,
\nAppakampi kataṃ kāraṃ vipulaṃ hoti tādisu.

4526. Satasahasse ito kappe yaṃ lābumadadiṃ tadā,
\nDuggatiṃ nābhijānāmi alābussa idaṃ phalaṃ.

4527. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4528. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

Itthaṃ sudaṃ āyasmā soṇṇakontariko thero imā gāthāyo abhāsitthāti.

Soṇṇakontarikattherassa [PTS Page 390] [\q 390/]      apadānaṃ dasamaṃ.

1. Imino dakamāhatvā, sīmu.
\n2. Alābunābhitvā, sīmu.
\n3. Tiṭṭhanti, sīmu
\n4. Datvāna lābu, machasaṃ.

[BJT Page 114] [\x 114/]

Uddānaṃ:

Sakiṃsammajjako thero ekadussī ekāsanī,
\nKadambakoraṇḍakadā1 ghataṃ savaṇiko2 pi ca.

Sucintito kiṅkaṇiko soṇṇakontariko pi ca,
\nEkaṃ gāthāsatañceva3 ekasattatimeva ca.

Sakiṃsammajjakavaggo tevattāḷisamo.