[CPD Classification 2.5.13]
\n[PTS Vol Ap 2 ] [\z Ap /] [\f IIa /]
\n[BJT Vol Ap 2 ] [\z Ap /] [\w IIa /]
\n[BJT Page 58] [\x  58/]
\n[PTS Page 365] [\q 365/] 
\n 
Suttantapiṭake khuddakanikāye
\nApadānapāḷi
\nDutiyo bhāgo

Namo tassa bhagavato arahato sammāsambuddhassa.
\nBhaddālivaggo

411 Bhaddālittherāpadānaṃ

4268. Sumedho nāma sambuddho aggo kāruṇiko muni,
\nVivekakāmo lokaggo himavantamupāgami.

4269. Ajjhogahetvā himavaṃ sumedho lokanāyako,
\nPallaṅkamābhujitvāna nisīdi purisuttamo.

4270. Samādhiṃ so samāpanto sumedho lokanāyako,
\nSattarattindivaṃ buddho nisīdi purisuttamo.

4271. Khārikājaṃ1 gahetvāna vanamajjhogahiṃ ahaṃ,
\nTatthaddasāsiṃ sambuddhaṃ oghatiṇṇamanāsavaṃ.

4272. Sammajjaniṃ gahetvāna sammajjitvāna assamaṃ,
\nCatudaṇḍe thambhītvāna2 akāsiṃ maṇḍapaṃ tadā.

4273. Sālapupphaṃ [PTS Page 366] [\q 366/]      āharitvā maṇḍapaṃ jādayiṃ ahaṃ,
\nPasannacitto sumano abhivandiṃ tathāgataṃ.

4274. Yaṃ vadanti sumedhoti bhūripaññaṃ sumedhasaṃ,
\nBhikkhusaṅghe nisīditvā imā gāthā abhāsatha.

4275. Buddhassa giramañña sabbe devā samāgamuṃ,
\nAsaṃsayaṃ buddhaseṭṭho imā gāthā abhāsatha.

4276. Sumedho nāma sambuddho āhutīnaṃ paṭiggaho,
\nDevasaṅghe nisīditvā imā gāthā abhāsatha.

4277. "Yo me sattāhaṃ maṇḍapaṃ dhārayī sālachāditaṃ,
\nTamahaṃ kittayissāmi suṇātha mama bhāsato.

4278. Devabhūto manusso vā hemavaṇṇo bhavissati,
\nPahūtabhogo hutvāna kāmabhogī bhavissati.

4279. Saṭṭhināgasahassāni sabbālaṅkārabhūsitā,
\nSuvaṇṇakacchā mātaṅgā hemakappanavāsasā.

4280. Ārūḷhā gāmaṇiyehi tomaraṅgusapāṇihi,
\nSāyaṃpāto3 upaṭṭhānaṃ āgamissanti’maṃ naraṃ,
\nTehi nāgehi parivuto ramissati ayaṃ naro.

1. Bāribhāraṃ - machasaṃ.
\n2. Ṭhapetvāna - machasaṃ.
\n3. Sāyapāto - [PTS]
\n[BJT Page 60] [\x  60/]

4281. Saṭṭhīassahasahassāni sabbālaṅkārabhūsitā,
\nĀjānīyā va jāniyā sindhavā sīghavāhino.

4282. Ārūḷhā gāmaṇiyehi illiyācāpadhārihi,
\nParivāressanti maṃ niccaṃ buddhapūjāyidaṃ phalaṃ.

4283. Saṭṭhirathasahassāni sabbālaṅkārabhūsitā,
\nDīpā athopi veyyagghā sannaddhā ussitaddhajā.

4284. Ārūḷhā gāmaṇīyehi cāpahatthehi vammihi,
\nParivāressanti maṃ niccaṃ buddhapūjāyidaṃ phalaṃ.

4285. Saṭṭhigāmasahassāni paripuṇṇāni sabbaso,
\nPahūtadhanadhaññāni susamiddhāni sabbaso,
\nSadā pātubhavissanti buddhapūjāyidaṃ phalaṃ.

4286. Hatthi assā rasā patti senā ca caturaṅgini,
\nParivāressanti maṃ niccaṃ buddhapūjāyidaṃ phalaṃ.

4287. Aṭṭhārase kappasate devaloke ramissati,
\nSahassakkhattuṃ rājā ca cakkavatti bhavissati.

4288. Satānaṃ [pts page 367] tīṇikkhatatuñca devarajjaṃ karissati,
\nPadesarajjaṃ vipulaṃ gaṇanāto asaṅkhiyaṃ.

4289. Tiṃsakappasahassamhi okkākakulasambhavo,
\nGotamo nāma nāmena satthā loke bhavissati.

4290. Tassa dhammesu dāyādo oraso dhammanimmito,
\nSabbāsave pariññāya viharissatanāsavo.

4291. Tiṃsakappasahassambhi addasaṃ lokanāyakaṃ,
\nEtthantaramupādāya gavesiṃ amataṃ padaṃ.

4292. Lābhā mayhaṃ suladdhaṃ me yamahaññāsi sāsanaṃ,
\nTisso vijjā anuppattā kataṃ buddhassa sāsanaṃ.

4293. Namo te purisājañña namo te purisuttama,
\nTava ñāṇaṃ pakittetvā pattombhi acalaṃ padaṃ.

4294. Yaṃ yaṃ yonuppajjāmi devattaṃ atha mānusaṃ,
\nSabbattha sukhito homi phalaṃ me ñāṇakittane,

[BJT Page 62] [\x  62/]

4295. Idaṃ pacchimakaṃ mayhaṃ carimo vattane bhavo,
\nNāgova bandhanaṃ chetvā viharāmi anāsavo.

4296. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4297. Svāgataṃ vana me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4298. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā bhaddāli thero imā gāthāyo abhāsitthāti.

Bhaddālittherassa apadānaṃ paṭhamaṃ.

412. Ekachattiyattherāpadānaṃ

4299. Candabhāgānadītīre assamo sukato mama,
\nSusuddhapulinākiṇṇā paṇṇasālā sumāpitā.

4300. Uttānakūlā nadikā supatitthā manoramā,
\nMacchakacchapasampannā susumāranisevitā.

4301. Acchā mayūrā dīpī ca karavīkā ca sālikā,
\nKūjanti sabbadā ete sobhayantā mama’ssamaṃ.

4302. Kokilā mañjubhāṇī va haṃsā ca madhurassarā,
\nAbhikujanti te tattha sobhayantā mamassamaṃ.

4303. Sīhā vyagghā varāhā ca cakā1 kokataracchakā,
\nGiriduggambhi nādenti sobhayantā mamassamaṃ.

4304. Eṇīmigā [PTS Page 368] [\q 368/]      ca sarabhā bheraṇḍā sūkarā bahū,
\nGiriduggambhi nādenti sobhayantā mamassamaṃ.

4305. Uddālakā campakā ca pāṭalī sinduvārakā2,
\nAtimuttā asokā ca pupphanti mama assame.

4306. Aṅkolā yūthikā ceva sattalī bimbijālikā,
\nKaṇṇikā kaṇikārā ca pupphanti mama assame.

1. Acchā - machasaṃ
\n2. Sinducārikā - sīmu.

[BJT Page 64] [\x  64/]

4307. Nāgā sālā ca saḷalā puṇḍarīkettha pupphitā,
\nDibbagandhaṃ sampavantā sobhayanti mamassamaṃ.

4308. Ajjunā asanā cettha mahānāmā ca pupphitā,
\nSālā ca kaṅgupupphā ca sobhanti mamassamaṃ.

4309. Ambā jambu ca tilakā nimbā ca sālakalyāṇi, dibbagandhaṃ sampavantā sobhayanti mamassamaṃ.

4310. Asokā ca kapitthā ca bhaginimālettha1 pupphitā,
\nDibbagandhaṃ sampavantā sobhayanti mamassamaṃ.

4311. Kadambā kadalī ceva isimuggā ca ropitā,
\nDhuvaṃ phalāni dhārenti sobhayantā mamassamaṃ.

4312. Harītakā āmalakā ambā jambu vibhītakā,
\nKolā bhallātakā billā phalino mama assame,
\n4313. Avidūre pokkharaṇī supatitthā manoramā,
\nMandālakehi sañjinnā padumuppalakehi ca.

4314. Gabbhaṃ gaṇhanti padumā aññe pupphanti kesarī,
\nOpattakaṇaṇikā ceva pupphanti mama assame.

4315. Pāṭhinā pāvusā macchā valajā2 muñjarohitā,
\nAcchodakambhi vicaraṃ sobhayanti mamassamaṃ.

4316. Nayitā ambagandhi ca anukūle ca ketakā, dibbagandhaṃ sampavantā sobhayanti mamassamaṃ.

4317. Madhū bhisambhā khirasappi mulāḷihi,
\nDibbagandhaṃ sampavantā sobhayanti mamassamaṃ.

4318. Pulinā sobhanā tattha ākiṇṇā jalasevitā,
\nOpupphā pupphitā senti sobhayantā mamassamaṃ.

4319. Jaṭābhārena bharitā ajinuttaravāsanā,
\nVākacīradharā sabbe sobhayanti mamassamaṃ.

4320. Yugamattamapekkhantā [PTS Page 369] [\q 369/]      nipakā santavuttino,
\nKāmabhoge anapekkhā vasanti mama assame.

1. Hiricālettha, machasaṃ
\n2. Khajā, machasaṃ.

[BJT Page 66] [\x  66/]

4321. Parūḷhakacchanakhalomā paṅkadantā rajassirā,
\nRajojalladharā sabbe vasanti mama assame.

4322. Abhiññāpāramippattā antalikkhacarā ca te,
\nUggacchantā nabhaṃ ete sobhayanti mamassamaṃ.

4323. Tehi sissehi parivuto vasāmi vipine tadā,
\nRattindivaṃ na jānāmi sadā jhānasamappito.

4324. Bhagavā tambhi samaye atthadassi mahāmuni,
\nTamandhakāraṃ nāsento uppajji lokanāyako.

4325. Atha aññataro sisso āgacchi mama santikaṃ,
\nMante ajjhetukāmo so chaḷaṅgaṃ nāmalakkhaṇaṃ.

4326. Buddho loke samuppanno atthadassī mahāmuni,
\nCatusaccaṃ pakāsento deseti amataṃ padaṃ.

4327. Tuṭṭhahaṭṭho pamudito dhammantaragatāsayo,
\nAssamā abhinikkhamma imaṃ vacanamabraviṃ:

4328. "Buddho loke samuppanto battiṃsavaralakkhaṇo,
\nHatha sabbe gamissāma sammāsambuddhasantikaṃ. "

4329. Ovādapaṭikarā te saddhamme pāramiṅgatā,
\nSādhū’ti sampaṭicchiṃsu uttamatthaṃ gavesakā.

4330. Jaṭābhārabharitā te ajinuttaravāsino,
\nUttamatthaṃ gavesanto1 nikkhamiṃsu vanā tadā.

4331. Bhagavā tamhi samaye atthadassī mahāyaso,
\nCatusaccaṃ pakāsento deseti amataṃ padaṃ.

4332. Setacchattaṃ gahetvāna buddhaseṭṭhassa dhārayiṃ,
\nEkāhaṃ dhārayitvāna buddhaseṭṭhamavandahaṃ.

4333. Atthadassī tu bhagavā lokajeṭṭho narāsabho,
\nBhikkhusaṅghe nisīditvā imā gāthā abhāsatha:

4334. "Yo me chattamadhāresi pasanno sehi pāṇihi,
\nTamahaṃ kittayissāmi suṇātha mama bhāsato.

4335. Imassa jāyamānassa devatte atha mānuse,
\nDhāressati sadā chattaṃ chattadānassidaṃ phalaṃ.

1. Gavesantā, machasaṃ.

[BJT Page 68] [\x  68/]

4336. Sattasattatikappāni [PTS Page 370] [\q 370/]      devaloke ramissati,
\nSahassakkhattuṃ rājā ca vakkavattī bhavissati.

4337. Sattasattatikkhattuñca devarajjaṃ karissati,
\nPadesarajjaṃ vipulaṃ gaṇanāto asaṅkhiyaṃ.

4338. Aṭṭhārase kappasate gotamo sakyapuṅgavo,
\nTamandhakāraṃ nāsento uppajjissati cakkhumā.

4339. Tassa dhammesu dāyādo oraso dhammanimmito,
\nSabbāsave pariññāya viharissatanāsavo. "

4340. Yato ahaṃ kammamakaṃ chattaṃ buddhassa dhārayaṃ,
\nEtthantare na jānāmi setacchattaṃ adhāritaṃ.

4341. Idaṃ pacchimakaṃ mayhaṃ carimo vattate bhavo,
\nChattadhāraṇamajjāpi vattate niccakālikaṃ.

4342. Aho me sukataṃ kammaṃ atthadassissa tādino,
\nSabbāsavaparikkhiṇo natthi’dāni punabbhavo.

4343. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4344. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4345. Paṭisambhidā vatasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekachattiyo thero imā gāthāyo abhāsitthāti.

Ekachattiyattherassa apadānaṃ dutiyaṃ.

413. Tiṇasulakachadaniyattherāpadānaṃ

4346. Jātijarañca maraṇaṃ paccavekkhiṃ ahaṃ tadā,
\nEkato abhinikkhamma pabbajiṃ anagāriyaṃ.

4347. Caramāno’ nupubbena gaṅgātīra mupāgamiṃ,
\nTatthaddasāsiṃ paṭhaviṃ gaṅgātīre samunnataṃ.

[BJT Page 70] [\x  70/]

4348. Asasmaṃ tattha māpetvā vasāmi assame ahaṃ,
\nSukato caṅkamo mayhaṃ nānādijagaṇāyuto.

4349. Mamupenti ca vissatthā kūjanti ca manoharaṃ,
\nRamamāno saha tehi vasāmi assame ahaṃ.

4350. Mama assamasāmantā migarājā catukkamo,
\nĀsayā abhinikkhamma gajji so asanī viya.

4351. Nidite [PTS Page 371] [\q 371/]      migarāje ca hāso me upapajjatha,
\nMigarājaṃ gavesanto addasaṃ lokanāyakaṃ.

4352. Disvānahaṃ devadevaṃ tissaṃ lokagganāyakaṃ,
\nHaṭṭho haṭṭhena cittena pūjayiṃ nāgakesaraṃ.

4353. Uggacchattaṃva suriyaṃ sālarājaṃva pupphitaṃ,
\nOsadhiṃva virocantaṃ santhaviṃ lokanāyakaṃ.

4354. Tava ñāṇena sabbaññu mocesī’maṃ sadevakaṃ,
\nTavaṃ ārādhayitvāna jātiyā parimuccare.

4355. Adassanena sabbaññu buddhānaṃ sabbadassinaṃ,
\nPatantyavīcinirayaṃ rāgadosehi ophuṭā. 1

4356. Tava dassanamāgamma sabbaññu lokanāyaka,
\nPamuccanti bhavā sabbe phusanti amataṃ padaṃ.

4357. Yadā buddhā cakkhumanto uppajjanti pabhaṅkarā,
\nKilese jhāpayitvāna ālokaṃ dassayanti te.

4358. Kittayitvāna sambuddhaṃ tissaṃ lokagganāyakaṃ,
\nHaṭṭho haṭṭhena cittena tiṇasūlaṃ apūjayiṃ.

4359. Mama saṅkappamaññāya tisso lokagganāyako,
\nSakāsane nisīditvā imā gāthā abhāsatha:

4360. "Yo maṃ pupphehi chādehi pasanno sehi pāṇihi,
\nTamahaṃ kittayissāmi suṇātha mama bhāsato.

4361. Pañcavīsatikkhattuṃ so devarajjaṃ karissati,
\nPañcasattatikkhattuñca cakkacatti bhavissati.

1. Otthaṭā, syā.

[BJT Page 72] [\x  72/]

4362. Padesarajjaṃ vipulaṃ gaṇanāto asaṃkhiyaṃ,
\nTassa kammassa nissando1 pupphānaṃ pūjanāya ca. 2

4363. Sīsaṃ nahāto ca’yaṃ poso pupphamākaṅkhate yadi,
\nPuññakammena saṃyutto3 purato pātubhavissati.

4364. Yaṃ yaṃ icchati kāmehi taṃ taṃ pātubhavissati,
\nSaṃkappaṃ paripūretvā nibbāyissatanāsavo. "

(Aṭṭhārasamaṃ bhāṇavāraṃ. )

4365. Kilese jhāpayitvāna sampajāno patissato,
\nEkāsane nisīditvā arahattamapāpuṇiṃ.

4366. Caṅkamanto [PTS Page 372] [\q 372/]      nipajjanto nisinno udavā ṭhīto,
\nBuddhaseṭṭhaṃ saritvāna viharāmi ahaṃ sadā.

4367. Cīvare piṇḍapāte ca paccaye sayanāsane,
\nTattha me ūnatā natthi buddhapūjāyidaṃ phalaṃ.

4368. So’dāni patto amataṃ santaṃ padamanuttaraṃ,
\nSabbāsave pariññāya viharāmi anāsavo.

4369. Dvenavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

4370. Kilesā jhāpitā mayhaṃ bhavā sabbe samūhatā,
\nNāgoca bandhanaṃ chetvā viharāmi anāsavo.

4371. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4372. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā tiṇasūlakachadaniyo thero imā gāthāyo abhāsitthāti.

Tiṇasulakachadaniyattherassa apadānaṃ tatiyaṃ.

414. Madhumaṃsadāyakattherāpadānaṃ

4373. Nagare bandhumatiyā sukariyo ahosahaṃ,
\nUkkoṭakaṃ randhayitvā madhu maṃsambhi okiriṃ.

4374. Sannipātaṃ ahaṃ gantvā ekaṃ pattaṃ gahesahaṃ,
\nPūrayitvāna taṃ pattaṃ bhikkhusaṅghassa’dāsahaṃ.

1. Kammanissandena, machasaṃ.
\n2. So, syā, [PTS.]
\n3. Saṃyuttaṃ, machasaṃ

[BJT Page 74] [\x  74/]

4375. Yo’ttha therataro bhikkhu niyyādesi mamaṃ tadā,
\nIminā pattapūrena labhassu vipulaṃ sukhaṃ.

4376. Dvesampattiyo bhutvā sukkamūlena codito,
\nPacchime vattamānambhi kilese jhāpayissati.

4377. Tattha cittaṃ pasādetvā tāvatiṃsaṃ agacchahaṃ,
\nTattha bhutvā pivitvā ca labhāmi vipulaṃ sukhaṃ.

4378. Maṇḍape rukkhamūle vā pubbakammaṃ anussariṃ,
\nAnnapānābhivasso me abhivassati tāvade.

4379. Idaṃ pacchimakaṃ mayhaṃ carimo vattate bhavo,
\nIdhāpi annapānaṃ me vassate sabbakālikaṃ.

4380. Teneva maṃsadānena1 sandhāvinvā bhave ahaṃ,
\nSabbāsave pariññāya viharāmi anāsavo.

4381. Ekanavute [PTS Page 373] [\q 373/]      ito kappe yaṃ dānamadadiṃ tadā,
\nDuggatiṃ nābhijānāmi madhudānassidaṃ phalaṃ.

4382. Kilesā jhāpitā mayhaṃ bhavā sabbe samuhatā,
\nNāgova bandhanaṃ chetvā viharāmi anāsavo.

4383. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4384. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā madhumaṃsadāyako thero imā gāthāyo abhāsitthāti.

Madhumaṃsadāyakattherassa apadānaṃ catutthaṃ.

415. Nāgapallavakattherāpadānaṃ*

4385. Nagare bandhumatiyā rājuyyāne vasāmahaṃ,
\nMama assamasāmantā nisīdi lokanāyako.

4386. Nāgapallavamādāya buddhassa abhiropayiṃ, pasannacitto sumano sugataṃ abhivādayiṃ.

4387. Ekanavute ito kappe yaṃ pallavamapūjayiṃ,
\nDuggatiṃ nābhijānāmi buddhapūjāyidaṃ phalaṃ.

1. Madhudānena, machasaṃ.
\n* Nāgapallavatthera, machasaṃ.

[BJT Page 76] [\x  76/]

4388. Kilesā jhāpitā mayhaṃ bhavā sabbe samuhatā,
\nNāgo’va bandhanaṃ chetvā viharāmi anāsavo.

4389. Svāgataṃ vata me āsi buddhaseṭṭhassa santike,
\nTisse vijjā anuppattā kataṃ buddhassa sāsanaṃ.

4390. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā nāgapallavako thero imā gāthāyo abhāsitthāti.

Nāgapallavakattherassa apadānaṃ pañcamaṃ.

416. Ekadīpiyattherāpadānaṃ

4391. Parinibbutambhi1 sugate siddhatthe lokanāyake,
\nSadevamānusā sabbe pūjenti dipaduttamaṃ.

4392. Āropite ca citake siddhatthe lokanāyake,
\nYathāsakena thāmena citaṃ pūjenti satthuno.

4393. Avidūre citakassa dīpamujjālayiṃ ahaṃ,
\nYāva udeti suriyo dīpaṃ me tāva ujjali.

4394. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

4395. Tattha me sukataṃ vyamhaṃ ekadīpiti ñāyati,
\nDīpasatasahassāni vyamhe pajjalare mama.

4396. Udayantoma [PTS Page 374] [\q 374/]      suriyo deho me jotate sadā,
\nSabbabhāhi sarīrassa āloko hoti me sadā.

4397. Tirokuḍḍaṃ tiroselaṃ sasamatiggayhaṃ pabbataṃ,
\nSamantā yojanasataṃ passāmi cakkhunā ahaṃ.

4398. Sattasattatikkhattuñca devaloke ramiṃ ahaṃ,
\nEkatiṃsatikkhattuñca devarajjamakārayiṃ.

4399. Aṭṭhivīsatikkhattuñca cakkavattī ahosahaṃ,
\nPadesarajjaṃ vipulaṃ gaṇanāto asaṃkhiyaṃ.

4400. Devalokā cavitvāna nibbattiṃ mātukucchiyaṃ,
\nMātukucchigatassāpi akkhi me na nimīlati.

4401. Jātiyā catumassohaṃ pabbajiṃ anagāriyaṃ,
\nAḍḍhamāse asampatte arahattamapāpuṇiṃ.

1. Parinibbute, machasaṃ.

[BJT Page 78] [\x  78/]

4402. Dibbacakkhuṃ visodhesiṃ bhavā sabbe samūhatā,
\nSabbe kilesā sañchinnā ekadīpassidaṃ phalaṃ.

4403. Tirokuḍḍaṃ tiroselaṃ pabbatañcāpi kevalaṃ,
\nSamatiktamma passāmi ekadīpassidaṃ phalaṃ.

4404. Visamā me samā honti andhakāro na vippati,
\nNāhaṃ passāmi timiraṃ ekadīpassidaṃ phalaṃ.

4405. Catunavute ito kappe yaṃ dīpamadadiṃ tadā,
\nDuggatiṃ nābhijānāmi dīpadānassidaṃ phalaṃ.

4406. Kilesā jhāpitā mayhaṃ bhavā sabbe samūhatā,
\nNāgova bandhanaṃ chetvā viharāmi anāsavo.

4407. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4408. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ekadīpiyo thero imā gāthāyo abhāsitthāti.

Ekadīpiyattherassa apadānaṃ chaṭṭhaṃ.

417. Ucchaṅgapupphiyattherāpadānaṃ

4409. Nagare bandhumatiyā ahosiṃ māliko tadā,
\nUcchaṅgaṃ pūrayitvāna agamaṃ antarāpaṇaṃ.

4410. Bhagavā tamhi samaye bhikkhusaṅghapurakkhato,
\nMahatā anubhāvena niyyāti lokanāyako.

4411. Disvāna [PTS Page 375] [\q 375/]      lokapajjotaṃ vipassiṃ lokatāraṇaṃ,
\nPupphaṃ paggayha ucchaṅgā buddhaseṭṭhaṃ apūjayiṃ.

4412. Ekanavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

4413. Kilesā jhāpitā mayhaṃ bhavā sabbe samūhatā,
\nNāgoca bandhanaṃ chetvā viharāmi anāsavo.

4414. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4415. Paṭisambhidā vatasso vimokkho pi ca aṭṭhime,
\nJaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā ucchaṅgapupphiyo thero imā gāthāyo abhāsitthāti.

Ucchaṅgapupphiyattherassa apadānaṃ sattamaṃ

[BJT Page 80] [\x  80/]

418. Yāgudāyakattherāpadānaṃ

4416. Atitiṃ me gahetvāna agacchiṃ gāmakaṃ tadā,
\nSampuṇṇanadikaṃ disvā saṅghārāma mupāgamiṃ.

4417. Āraññakā dhutadharā jhāyino lukhacīvarā,
\nVivekābhiratā dhīrā saṅgharāme vasanti te.

4418. Gatī tesaṃ upacchinnā suvimuttāna tādinaṃ,
\nPiṇḍāya te na gacchanti oruddhanaditāya hi.

4419. Pasannacitto sumano vedajāto katañjalī,
\nTaṇḍulaṃ me gahetvāna yāgudānamadāsahaṃ.

4420. Pañcannaṃ yāguṃ datvāna pasanno sehi pāṇihi,
\nSakakammābhiraddho’haṃ tāvatisaṃsamagacchahaṃ.

4421. Maṇimayañca me vyamhaṃ nibbatti tidase gaṇe,
\nNārīgaṇehi sahito modāmi vyambhamuttame.

4422. Tetatiṃsakkhattuṃ devindo devarajjamakārayiṃ,
\nTiṃsakkhattuṃ cakkavattimahārajjamakārayiṃ.

4423. Padesarajjaṃ vipulaṃ gaṇanāto asaṃkhiyaṃ,
\nDevaloke manusse vā anubhotvā yasaṃ ahaṃ.

4424. Pacchimabhave sampatte pabbajiṃ anagāriyaṃ,
\nSaha oropite kese sabbaṃ sampaṭivijjhahaṃ.

4425. Khayato vayato vā pi sammasanto kalebaraṃ,
\nPure sikkhāpadā dānā arahatta mapāpuṇiṃ.

4426. Sudinnaṃ [PTS Page 376] [\q 376/]      me dānavaraṃ vāṇijjaṃ suppayojitaṃ,
\nTeneva yāgudānena patto’mbhi acalaṃ padaṃ.

4427. Sokaṃ pariddavaṃ vyādhiṃ darathaṃ cittatāpanaṃ,
\nNābhijānāmi uppannaṃ yāgudānassidaṃ phalaṃ.

4428. Yāguṃ saṅghassa datvāna puññakkhette anuttare,
\nPañcānisaṃse anubhomi aho yāgu suyiṭṭhatā.

4429. Avyādhitā rūpavatā khippaṃ dhammanisantitā,
\nLābhitā annapānassa āyu pañcamakaṃ mama.

[BJT Page 82] [\x  82/]

4430. Yo koci vedaṃ janayaṃ saṅghe yāguṃ dadeyya so,
\nImāni pañcaṭhānāni patigaṇheyya paṇḍito. *

4431. Tiṃsa kappasahassambhi yaṃ dānamadadiṃ tadā,
\nDuggatiṃ nābhijānāmi yāgudānassidaṃ phalaṃ.

4432. Kilesā jhāpitā mayhaṃ bhavā sabbe samūhatā,
\nNāgo ca bandhanaṃ chetvā viharāmi anāsavo.

4433. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4434. Paṭisambhidā catasesā vimokkhā pi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā yāgudāyako thero imā gāthāyo abhāsitthāti.

Yāgudāyakattherassa apadānaṃ aṭṭhamaṃ.

419. Patthodanadāyakatthepāpadānaṃ

4435. Vanacārī pure āsiṃ satataṃ vanakammiko,
\nPatthodanaṃ gahetvāna kammantaṃ āgamāsahaṃ.

4436. Tatthaddasāsiṃ sambuddhaṃ sayambhuṃ aparājitaṃ,
\nVanā piṇḍāya nikkhantaṃ disvā cittaṃ pasādayiṃ.

4437. Parakammāyane yutto puññañca me na vijjati,
\nAyaṃ patthodano atthi bhojayissāmimaṃ1 muniṃ.

4438. Patthodanaṃ gahetvāna sayambhussa adāsahaṃ,
\nMama nijjhāyamānassa paribhuñji tadā muni.

4439. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsaṃ agacchahaṃ.

4440. Chattiṃsakkhattuṃ [PTS Page 377] [\q 377/]      devindo deverajjamakārayiṃ,
\nTettiṃsakkhattuṃ rājā ca cakkavattī ahosahaṃ.

4441. Padesarajjaṃ vipulaṃ gaṇanāto asaṅkhiyaṃ,
\nSukhito yasavā homi patthodanassidaṃ phalaṃ.

4442. Bhavābhave saṃsaranto labhāmi amitaṃ dhanaṃ,
\nBhoge me ūnatā natthi patthodanassidaṃ phalaṃ.

* Karaṇiyaṃ kataṃ sabbaṃ bhavā ugghāṭitā mayā,
\nSabbāsavā parikkhiṇā natthidāni punabbhavo.
\nSo ahaṃ vicarissāmi gāmāgāmaṃ purāpuraṃ,
\nNamassamāno sambuddhaṃ dhammassa ca sudhammataṃ - machasaṃ.
\n1. Bhojayissāmahaṃ, sīmu.

[BJT Page 84] [\x  84/]

4443. Nadīsotapaṭibhāgā bhogā nibbattare mama,
\nParimetuṃ na sakkomi patthodanassidaṃ phalaṃ.

4444. Imaṃ khāda imaṃ bhuñja imamhi sayane saya,
\nTenāhaṃ sukhito bhomi patthodanassidaṃ phalaṃ.

4446. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4447. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4448. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā patthodanadāyako thero imā gāthāyo abhāsitthātī.

Patthodanadāyakattherassa apadānaṃ navamaṃ.

420. Mañcadāyakattherāpadānaṃ

4449. Parinibbute kāruṇike siddhatthe lokanāyake,
\nVitthārite pāvacane devamānusasakkate.

4450. Caṇḍālo āsahaṃ tattha āsandipīṭhakārako,
\nTena kammena jīvāmi tena posemi dārake.

4451. Āsandiṃ sukataṃ katvā pasanno sehi pāṇihi,
\nSayamevupagantvāna bhikkhusaṅghassa’dāsahaṃ.

4452. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsamagacchahaṃ.

4453. Devalokagato santo modāmi tidasaṅgaṇe, 1
\nSayanāni mahagghāni nibbattanti yadicchakaṃ.

4454. Paññāsakkhattuṃ devindo devarajjamakārayiṃ,
\nAsītikkhattuṃ rājā ca cakkavatti ahosahaṃ.

1. Tidase gaṇe, machasaṃ.

[BJT Page 86] [\x  86/]

4455. Padesarajjaṃ [PTS Page 378] [\q 378/]      vipulaṃ gaṇanāto asaṅkhiyaṃ,
\nSukhito yasavā homi mañcadanissidaṃ phalaṃ.

4456. Devalokā cavitvāna emi ce mānusaṃ bhavaṃ,
\nMahārahā susayanā sayameva bhavanti me.

4457. Ayaṃ pacchimako mayhaṃ carimo vattate bhavo,
\nAjjāpi sayane kāle1 sayanaṃ upatiṭṭhati.

4458. Catunavute ito kappe yaṃ dānamaddiṃ tadā,
\nDuggatiṃ nābhijānāmi mañcadānassidaṃ phalaṃ.

4459. Kilesā jhāpitā mayhaṃ bhavā sabbe samūhatā,
\nNāgo’va bandhanaṃ chetvā viharāmi anāsavo.

4460. Svāgataṃ vata me āsi buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

4461. Paṭisambhidā catasso vimokkhāpi ca aṭṭhīme,
\nChaḷabhiññā sacchikatā kataṃ buddhassa sāsanaṃ.

Itthaṃ sudaṃ āyasmā mañcadāyako thero imā gāthāyo abhāsitthāti.

Mañcadāyakattherassa apadānaṃ dasamaṃ.

Uddānaṃ:

Bhaddālī ekachatto ca tiṇasūlo ca maṃsado,
\nNāgapallaviko dīpī ucchaṅgī yāgudāyako.
\nPatthodanī mañcadado gāthāyo gaṇitā ciha,
\nDvesatāni ca gāthānaṃ gāthā cekā taduttariṃ. *

Bhaddālivaggo dvācattāḷisatimo.