[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 552] [\x 552/]
\n[PTS Page 302] [\q 302/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Piḷindivacchavaggo

 

391. Piḷindicchattherāpadānaṃ.

3374. Nagare haṃsavatiyā āsiṃ dovāriko ahaṃ,
\nAkkhohaṃ amitaṃ bhogaṃ ghare santivitaṃ mama.

3375. Raho gato nisīditvā sampahaṃsitva2- mānasaṃ,
\nNisajja pāsādavare evaṃ cintesahaṃ tadā.

3376. Bahu3- me’dhigatā bhogā phītaṃ antepuraṃ mama,
\nRājāpi sannimantesi aānando paṭhavissaro4-

1. Kammapilonikaṃ, machasaṃ 2. Pahaṃsitvāna, machasaṃ 3. Pahu, machasaṃ 4. Pathavisasaro, machasaṃ

[BJT Page 554] [\x 554/]

3377. Ayañca buddho uppanno adhiccuppattiko muni,
\nSaṃvijjanti ca me bhogā dānaṃ dassāmi satthuno.

3378. Padumana rājaputtena dinnaṃ dānavaraṃ jane,
\nHatthināge ca pallaṅke apassenañca’nappakaṃ.

3379. Ahampi dānaṃ dassāmi saṅghe gaṇavaruttame,
\nAdinnapubbamaññesaṃ bhavissaṃ ādikammiko.

3380. Cintetvāhaṃ bahuvidhaṃ yāge yassa sukhaṃ phalaṃ,
\nParikkhāradānamadadakkhiṃ mama saṅkapappuraṇaṃ.

3381. Parikkhārāni dassāmi saṅghe gaṇavaruttame,
\nAdinnapubbamaññesaṃ bhavissaṃ ādikammiko.

3382. Naḷakāre apāgamma chattaṃ kāreyiṃ tāvade,
\nChattasatasahassāni ekato sannipātayiṃ.

3383. Dussasatasahassāni ekato sannipātayiṃ,
\nPattasatasahassāni ekato sannipātayiṃ.

3384. Vāsiyo satthake cāpi suciyo takhacheke1-,
\nHeṭṭhā chatte laggāpesiṃ2- kāretvā tadanucchave.

3385. Vidhupane tālavaṇeṭa morahatthe ca cāmare,
\nParissāvane teladhare3- kārayiṃ tadanucchave.

3386. Sucighare aṃsakhandhe athopi kāyabandhane,
\nĀdhārake ca sukate kārayiṃ tadanucchave.

3387. Paribhogabhājane ca athopi lohathālake,
\n[PTS Page 303] [\q 303/]
\nBhesajje purayitvana heṭṭhāchatte ṭhapesahaṃ.

3388. Vacaṃ usiraṃ laṭṭhimadhuṃ pipphali marivacāti ca,
\nHaritakiṃ siṅgiveraṃ4- sabaṃ puresiṃ bhājane.

3389. Osadhañajananāḷi ca6- salākā dhammakuttarā,
\nKuñcikā pañcavaṇṇehi sibbite kuñcikāghare.

3390. Āyoge dhumanette ca athopi dipadhārake,
\nTumbake ca karaṇḍe ca kārayiṃ tadanucchave.

1. Nakhachedane, machasaṃ 2. Ṭhapāpesiṃ, machasaṃ 3. Teladhāre, machasaṃ 4. Siṅgiveraṃ, machasaṃ 5. Upāhanā, machasaṃ 6. Osadhaṃ añajanāpi ca, syā

[BJT Page 556] [\x 556/]

3392. Saṇḍāse pipphale ceva athopi malahārake,
\nBhesajjathavike ceva kārayiṃ tadanucchave.

3393. Āsandiyo piṭhake ca pallaṅke caturomaye,
\nTadanucchave kārayitvā heṭṭhāchatte ṭhapesahaṃ.

3394. Uṇṇābhisi tulabhisi athopi piṭhikābhisi1,
\nBimbohane2- ca sukate kārayiṃ tadanucchave.

3395. Kuruvinde madhusitthe telaṃ hatthappatāpakaṃ,
\nSipāṭi phalake suci mañcamattharaṇena ca.

3396. Senāsane pādapuñecha sayanāsanadaṇḍake,
\nDantapoṇe ca āṭali sisālepanagandhake.

3397. Araṇi palālapiṭhe3- ca pattapidhānathālake,
\nUdakassa kaṭacchu ca cuṇṇakaṃ rajanammaṇaṃ4-

3398. Sammajjanaṃ5- udapattaṃ tathā vassikasāṭikaṃ,
\nNisidanaṃ kaṇḍuchādi atha antaravāsakaṃ.

3399. Uttarāsaṅgasaṅghāṭi natthukaṃ mukhasodhanaṃ,
\nBilaṅgaloṇaṃ putaṃ ca madhuñca dadhipānakaṃ.

3400. Dhupaṃ sitthaṃ piloticañca mukhapuñacha nasuttakaṃ,
\nDātabbaṃ nāma yaṃ atthi yaṃ ca kappati sutthuno.

3401. Sabbametaṃ samānetvā ānandaṃ upasaṅkamiṃ,
\n[PTS Page 304] [\q 304/]
\nUpasaṅkamma rājānaṃ janetāraṃ mahesino6,
\nSirasā abhivādetvā idaṃ vacanamabraviṃ:

3402. Ekato jātasaṃvaddhā ubhinnaṃ ekato manaṃ7,
\nSādhāraṇā sukhadukkhe ubho ca anuvattakā.

3403. Atthi cetasikaṃ dukkhaṃ tavādheyyaṃ arindama,
\nYadi sakosi taṃ dukkhaṃ vinodeyyāsi khattiya.

3404. Tava dukkhaṃ mamaṃ8- dukkhaṃ ubhinnaṃ ekato manaṃ9,
\nNiṭṭhitanti vijānāhi mamādheyyaṃ sace tuvaṃ.

3405. Jānābhi me mahārāja dukkhaṃ me dubbinodayaṃ,
\nPahu samano gajjassu ekaṃ te duccajaṃ varaṃ.

1. Piṭhakābhisi, syā 2. Bibbohane, syā 3. Phalapiṭhe, machasaṃ 4. Rajanambaṇaṃ, machasaṃ 5. Samamuñajanaṃ, syā 6. Mahesinaṃ, simu mahāyasaṃ, syā 7. Yaso, syā 8. Mama 9. Mano, machasaṃ

[BJT Page 558] [\x 558/]

3406. Yāvatā vijitaṃ atthi mama jīvitaṃ,
\nEtehi yadi te attho dassāmi avikampito.

3407. Gajjitaṃ kho tayā deva micchā taṃ bahugajjitaṃ,
\nJānissāmi tuvaṃ ajja sabbadhamme patiṭṭhitaṃ.

3408. Atibālhaṃ tipiḷesi dadamānassa me sato,
\nKinte me pilitenattho patthitaṃ te kathehi me.

3409. Icchāmahaṃ mahārājā buddhaseṭṭhamanuttaraṃ,
\nBhojayissāmi sambuddhaṃ vajjaṃ me māhu jīvitaṃ.

3410. Aññaṃ tehaṃ varaṃ dammi mā yācittho tathāgataṃ1,
\nAdeyyo kassaci buddho maṇijotiraso yathā.

3411. Nanu te gajjitaṃ deva yāva jīvitamattano2,
\nJīvitaṃ dadamānena yuttaṃ dātuṃ tathāgataṃ.

3412. Ṭhapaniyo mahāvīro adeyyo kassaci jino,
\nNa me paṭissuto buddho carassu amitaṃ dhanaṃ.

3413. Vinicchayaṃ pāpuṇāma puccissāmi vinicchaye,
\nYathāsantaṃ- kathessanti paṭipucchāma taṃ tathā.

3414. Rañño hatthe hahetthāna agamāsiṃ vinicchayaṃ,
\nParato10 akkhadassānaṃ idaṃ vacanamabraviṃ.

[PTS Page 305] [\q 305/]

3415. Suṇantu me akkhadassā jīvitampi pacārayi4,
\nNa kiñci ṭhapayitvāna rājā varamadāsi me5,

3416. Tassa me varadinnassa buddhaseṭṭhaṃ variṃ ahaṃ,
\nSudinno hoti me buddho athavā6- saṃsayaṃ mama.

3417. Sossāma tava vacanaṃ bhumipālassa rājino,
\nUbhinnaṃ vacanaṃ sutvā chindissāmettha saṃsayaṃ.

3418. Sabbaṃ deva tayā dinnaṃ imassa sabbagāhikaṃ7,
\nNa kiñci ṭhapayitvāna jīvitampi pavārayi.

1. Ayācito tathāgato, syā 2. Javitamatthikaṃ, syā 3. Yathāsaṇḍaṃ, machasaṃ 4. Rājā varamadāsi me, machasaṃ 5. Jīvitampi pavārayi, machasaṃ 7. Sabbagāhitaṃ, syā. 10. [Se PTS] purato

[BJT Page 560] [\x 560/]

3419. Kicchappattova hutvāna yāci caramanuttaraṃ1,
\nImaṃ sudukkhitaṃ ñātvā adāsiṃ sabbagābhikaṃ.

3420. Parājāyo tavaṃ2- deva, assa deyyo tathāgato,
\nUbhinnaṃ saṃsayo jinno yathāsantambhi3- tiṭṭhatha.

3421. Rājā tattheva ṭhatvāna akkhadasestadabravi,
\nSammā mayhampi deyyātha puna buddhaṃ labhāmahaṃ.

3422. Puretvā tava saṅkappaṃ bhojayitvā tathāgataṃ,
\nPuna deyyāsi sambuddhaṃ ānandassa yasasino.

3423. Akkhadasse’bhivādetvā ānandañcāpi khattiyaṃ,
\nTuṭṭho pamudito hutvā sambuddamupasaṅkamiṃ.

3424. Upasaṅkamma sambuddhaṃ oghatiṇṇamanāsavaṃ,
\nSirasā abhivādetvā idaṃ vacanamabraviṃ.

3425. Vasisatasahassehi adhivāsehi cakkhuma,
\nHāsayanto mamaṃ4- cittaṃ nivesanamupehi me.

3426. Padumuttaro lokavidu āhutinaṃ paṭiggaho,
\nMama saṅkappamaññāya adhivāsesi cakkhumā,

3427. Adhivāsanamaññāya abhivādiya satthuno,
\nHaṭṭho udaggacittohaṃ nivesanamupāgamiṃ.

3428. Mittāmacce samānetvā idaṃ vacanamabraviṃ,
\nSudullabho mayā laddho maṇi jotiraso yathā.

3429. Kena taṃ pujayissāma appameyyo anupamo,
\nAtulo asamo dhīro jino appaṭipuggalo.

3430. Tathā samasamo ceva adutiyo narāsabho,
\nDukkaraṃ adhikāraṃ hi buddhānucchavikaṃ mayā.

[PTS Page 306] [\q 306/]

3431. Nānāpupphe samānetvā karoma pupphamaṇḍapaṃ,
\nBuddhānucchavikaṃ etaṃ sabbapujā bhavissati.

1. Yāvajivamanuttaraṃ, syā 2. Tuvaṃ, machasaṃ 3. Yathāsaṇḍamhi, machasaṃ 4. Mama cittaṃ, machasaṃ

[BJT Page 562] [\x 562/]

3432. Uppalaṃ padumaṃ cāpi vassikaṃ adhimuttakaṃ,
\nCampakaṃ nāgapupphañca maṇḍapaṃ kārayiṃ ahaṃ.

3433. Satāsanasahassāni chattacachāyāya paññapiṃ,
\nPacchimaṃ āsanaṃ mayhaṃ adhikaṃ satamagghati.

3434. Satāsanasahassāni chattacchāyāya paññapiṃ,
\nPaṭiyādetvā antapānaṃ kālamārocayiṃ ahaṃ.

3435. Ārocitambhi kālambhi padumuttaro mahāmuni,
\nVasi satasahassehi nivesanamupesi me.

3436. Dhārentamupicchatte1- suphullapupphamaṇḍape,
\nVisasatasahassehi nisīdi purisuttamo.

3437. Chattasatasahassāni satasahassamāsanaṃ,
\nKappiyaṃ anavajjañca paṭigaṇhābhi cakkhuma.

3438. Padumuttaro lovidu āhutinaṃ paṭiggaho,
\nMamaṃ tāretukāmo so sampaṭicchi mahāmuni.

3439. Bhikkhuno ekamekassa paccekaṃ pattadāsahaṃ,
\nJabhiṃsu pubbakaṃ2- pattaṃ lohapattamadhārasuṃ.

3440. Sattarattandavaṃ buddho nisīdi pupphamaṇḍape,
\nBodhayanto bahu satte dhammacakkaṃ pavattayi.

3441. Dhammacakkaṃ pavatente3- heṭṭhato pupphamaṇḍape,
\nCulalāsitisahassānaṃ dhammābhisamayo ahu.

3442. Sattame divase pate padumuttaro mahāmuni,
\nChattacchāyāya māsino imā gāthā abhāsatha:

3443. "Anunakaṃ dānavaraṃ yo me pādāsi māṇavo,
\nTamahaṃ kittayissāmi suṇotha mama bhāsato.

3444. Hatthi assā rathā patti senā ca caturaṅgini,
\nParivāressanti’maṃ4- niccaṃ sabbadānassidaṃ phalaṃ.

3445. Hatthiyānaṃ assayānaṃ savikā sandamānikā,
\nUpaṭṭhissanti’maṃ niccaṃ sabbadānassidaṃ phalaṃ.

3446. Saṭṭhirathasahassāni sabbālaṅkārabhusitā,
\nParivāressanti’maṃ niccaṃ sabbadānassidaṃ phalaṃ.

[PTS Page 307] [\q 307/]

3447. Saṭṭhituriyasahassāni5- bheriyo samalaṅkatā,
\nVajjayissanati’maṃ niccaṃ sabbadānassidaṃ phalaṃ.

1. Dhārentaṃ uparicchattaṃ machasaṃ 2. Sumahakaṃ, machasaṃ sambhataṃ, syā 3. Pavattento, machasaṃ 4. Taṃ, syā 5. Saṭṭhituriyasahassāni, machasaṃ

[BJT Page 564] [\x 564/]

3448. Chaḷāsitisahassāni nāriyo samalaṅkatā,
\nVicittavatthabharaṇā āvuttamaṇikuṇḍalā1-

3449. Aḷārapamhā hasulā susaññā tanumajjhimā,
\nParivāressanti’maṃ niccaṃ sabbadānassidaṃ phalaṃ.

3450. Tiṃsakappasahassāni devaloke ramissati,
\nSahassakkhattuṃ devindo devarajjaṃ karissati.

3451. Sahassakkhattuṃ rājā ca cakkavatti bhavissati,
\nPadesarajjaṃ vipulaṃ gaṇanāto asaṃkhiyaṃ.

3452. Devaloke vasantassa puññakammasamaṅgino,
\nDevalokapariyattaṃ ratanachattaṃ dhariyati2-

3453. Icchissati yadā chāyaṃ3- chadanaṃ dussapupphajaṃ,
\nImassa cittamaññāya nibaddhaṃ chādayissati.

3454. Devalokā cavitvāna sukkamupena codito,
\nPuññakamme na saṃyutto brahmabandhu bhavissati.

3455. Kappasatasahassambhi okkākakulasambhavo,
\nGotamo nāma nāmena4- satthā loke bhavissati.

3456. Sabbametaṃ abhiññāya gotamo sakyapuṅgavo,
\nBhikkhusaṅghe nisīditvā etadagge ṭhapessati.

3457. Piḷindivaccha5- nāmena hessati satthusāvako,
\nDevānaṃ asurānañca gandhabbānaṃ ca sakkato.

3458. Bhikkhunaṃ bhikkhunīyaṃ ca gihīnaṃ ca tatheva so,
\nPiyo hutvāna sabbesaṃ viharissatanāsavo"

3459. Satasahasesa kataṃ kammaṃ phalaṃ dassesi me idha,
\nSumutto saravegova kilese jhāpayī mama6-

3460. Aho me sukataṃ kammaṃ puññakkhette anuttare,
\nYattha kāraṃ karitvāna pattombhi acalaṃ padaṃ.

3461. Anutakaṃ dānavaraṃ adāsi yo hi māṇavo,
\nĀdi pubbaṅgamo āsi tassa dānassidaṃ phalaṃ.

3462. Chatte sugate datvāna7- saṅghe gaṇavaruttame,
\nAṭṭhānisaṃse anubhomi kammānucchavike mama.

[PTS Page 308] [\q 308/]

3463. Sītaṃ uṇhaṃ na jānāmi rajojallaṃ na limpati,
\nAnupaddavo aniti ca homi apacitto sadā.

1. Āmukkamaṇikuṇḍalā, machasaṃ 2. Dharissati, machasaṃ 3. Yadāvāyaṃ, syā 4. Gottena, machasaṃ 5. Piḷindavaccha, machasaṃ 6. Jhāpayissati, simu 7. Chatte ca sugate datvā, machasaṃ

[BJT Page 566] [\x 566/]

3464. Sukhumacchaviko homi visadaṃ hoti mānasaṃ,
\nChattasatasahassāni bhave saṃsarato mama.

3465. Sabbālaṅkārayuttāni tassa kammassa vāhasā,
\nImaṃ jātiṃ ṭhapetvāna matthake dhārayanti me.

3466. Kasmā1- imāya rātiyā natthi me chattadhāraṇā,
\nMama sabbaṃ kataṃ kammaṃ vimuttichattapattiyaṃ.

3467. Dussāni sugate datvā saṅghe gaṇavarutteme,
\nAṭṭānisaṃse anubhomi kammānucchavike mama.

3468. Suvaṇṇavaṇṇo virajo sappabhāso patāpavā,
\nSiniddhaṃ hoti me gattaṃ bhave saṃsarato mama.

3469. Dussasatasahassāni setā pitā ca lohitā,
\nDhārenti matthake mayhaṃ dussadānassidaṃ phalaṃ.

3470. Koseyyakambaliyāni khomakappāsikāni ca,
\nSabbattha paṭilabhāmi tesaṃ nissandato ahaṃ.

3471. Patte sugate datvāna saṅghe gaṇavarutatame,
\nDasānisaṃse anubhomi kammānucchavike mama.

3472. Suvaṇṇathāle maṇithāle rajate pi ca thālake,
\nLohitaṃkamaye thāle paribhuñajāmi sabbadā.

3473. Anupaddavo aniti ca homi apacito sadā,
\nLābhi antassa pānassa vatthassa sayanassa ca.

3474. Na vinassanti me bhogā ṭhitacitto bhavāmahaṃ,
\nDhammakāmo sadā homi appakleso anāsavo.

3475. Devaloke manussa vā anubandhā ime guṇā,
\nChāyā yathāpi rukkhassa sabbattha na jahanti maṃ.

3476. Cittabandhanasambaddhā sukatā vāsiyo bahu,
\nDatvāna buddhaseṭṭassa saṅghassa ca tathevahaṃ,
\nAṭṭhānisaṃse anubhomi kammānucchavike mama.

[PTS Page 309] [\q 309/]

3477. Suro homa’visāri ca vesārajjesu pārami,
\nDhiti viriyavā bhomi paggahītamano sadā.

3478. Kilesacchedanaṃ ñāṇaṃ sukhumaṃ atulaṃ suciṃ,
\nSabbattha paṭilabhāmi tassa nissandato ahaṃ.

1. Tasmā, syā

[BJT Page 568] [\x 568/]

3479. Akakkase apharuse sudhote satthake bahu,
\nPasannacitto datvāna buddhe saṅghe tatheva ca.

3480. Pañcānisaṃse anubhomi kammānucchavike mama,
\nKalyāṇacittaṃ viriyaṃ khattiñca mettasatthakaṃ.

3481. Taṇhāsallassa chinnattā paññāsatthaṃ anuttaraṃ,
\nVajirena samaṃ ñāṇaṃ tesaṃ nissandato labhe.

3482. Suciyo sugate datvā saṅghe gaṇavarutteme,
\nPañcānisase anubhomi kammānucchavike mama.

3483. Na saṃsayo kaṅkhacchedo abhirūpo ca bhogavā,
\nTikkhapañño sadā homi saṃsaranto bhavābhave.

3484. Gamhīraṃ nipuṇaṃ ṭhānaṃ atthaṃ ñaṇena passayiṃ,
\nVajiraggasamaṃ ñāṇaṃ hoti me tamaghātanaṃ.

3485. Nakhacchedane sugate datvā saṅghe gaṇuttame,
\nPañcanisase anubhomi kammānucchavike mama.

3486. Dāsidāse gavasse bhatake ārakkhake bahu1,
\nNhāpite bhattake sude sabbattheva labhāmahaṃ.

3487. Vidhupane sugate datvā tālavaṇṭe ca sobhane,
\nAṭṭhānisase anubhomi kammānucchavike mama.

3488. Sītaṃ uṇhaṃ jānāmi pariḷāho na vijjati,
\nDarathaṃ nābhijānāmi cittasantāpanaṃ mama.

3489. Rāgaggi dosamohaggi mānaggi diṭṭiaggi ca,
\nSabbaggi nibbutā mayhaṃ tassa nisasandato mama.

3490. Morahatthe cāmariyo datvā saṅghe gaṇuttame,
\nUpasantakileso’haṃ virāmi anaṅgaṇo.

[PTS Page 310] [\q 310/]

3491. Parissāvane sugate datvā dhammakaruttama2,
\nPañcanisase anubhomi kammānucchavike mama.

3492. Sabbesaṃ samatikkhamma dibbaṃ āyuṃ labhāmahaṃ,
\nAppasayho sadā homi corapaccatthikehi ca.

1. Nāṭake bahu, machasaṃ 2. Datvā sukate dhammakuttare, syā

[BJT Page 570] [\x 570/]

3493. Satthena vā visena vā vihesampi na kubbate,
\nAntarā maraṇaṃ natthi tesaṃ nissandato mama.

3494. Teladhare1- sugate datvā saṅghe gaṇavaruttame,
\nPañcānisaṃse anubhomi kammānucchavike mama.

3495. Sucārurūpo sugado2- susamuggatamānaso,
\nAcikkhittamano homi sabbārakkehi rakkhito.

3496. Sucighare sugate datvā saṅghe gaṇavaruttame,
\nTiṇānisaṃse anubhomi kammānucchavike mama.

3497. Cetosukhaṃ kāyasukhaṃ iriyāpathajaṃ sukhaṃ,
\nIme guṇe paṭilabhāmi3- tassa nissandato ahaṃ.

3498. Aṃsakhandhe4- jite datvā saṅghe gaṇavaruttame,
\nTiṇānisaṃse anubhomi kammānucchavike mama.

3499. Cetoñāṇañca vindāmi sarāmi dutiyaṃ bhavaṃ,
\nSabbattha succhivi homi tassa nissandato ahaṃ.

3500. Kāyabandhe jine datvā saṅghe gaṇavaruttame,
\nChānisaṃse anubhomi kammānucchavike mama.

3501. Samādhīsu na kampāmi vasī homi samādhisu,
\nAbhejjapariso homi ādeyyavacano sadā.

3502. Upaṭṭitasati homi taso vayhaṃ na vijjati,
\nDevaloke manusse vā anubandhā ime guṇe.

3503. Ādhārake jine datvā saṅghe gaṇavaruttame,
\nPañcavaṇṇehi dāyādo5- acalo homi kenaci.

[PTS Page 311] [\q 311/]

3504. Ye keci me sutā dhammā satiñāṇappabodhanā,
\nDhatā me na vinassanti bhavanti sucinicchitā.

3505. Bhājane paribhoge ca datvā buddhe gaṇuttame,
\nTiṇānisaṃse anubhomi kammānucchavike mama.

3406. So ṇṇamaye maṇimaye atho pi phalikāmaye,
\nLohitaṃkamaye ceva labhāmi bhājane ahaṃ.

1. Teladhāre, machasaṃ 2. Subhaddo, machasaṃ 3. Paṭilabhe, machasaṃ 4. Aṃsabaddhe, machasaṃ 5. Pañcavaṇṇe bhayābhāvo, machasaṃ

[BJT Page 572] [\x 572/]

3507. Bhariyā dāsadāsi ca hatthassarathapattikā,
\nItthi patibbatā ceva paribhogāni sabbadā.

3508. Vijjā mantapade ceva vividhe āgame bahu,
\nSabbaṃ sippaṃ nisāmemi paribhogāni sabbadā.

3509. Thālake sugate datvā saṅghe gaṇavaruttame,
\nTiṇānisaṃse anubhomi kammānucchavike mama.

3510. Soṇṇamaye maṇimaye athopi phalikāmaye,
\nLohitaṅkamaye ceva labhāmi thālake ahaṃ.

3511. Assatthake1- phalamaye atho pokkharapattake,
\nMadhupānakasaṃkhe ca labhāmi thalake ahaṃ.

3512. Vatte guṇe paṭipatti ācārakiriyāsu ca,
\nIme guṇe paṭilabhe tassa nissandato ahaṃ.

3513. Bhesajjaṃ sugate datvā saṅghe gaṇavaruttame,
\nDasānisaṃse anubhomi kammānucchavike mama.

3514. Āyuvā balavā viro vaṇṇavā yasavā sukhi,
\nAnupaddavo aniti ca homi cāpacito2- sadā,
\nNa me piyaciyogatthi tassa nissandato mama.

3515. Upāhane jine datvā saṅghe gaṇavaruttame,
\nTiṇānisaṃse anubhomi kammānucchavike mama.

3516. Hatthiyānaṃ assayānaṃ sivikā sandamānikā,
\nSaṭṭhisatasahassāni parivārenti maṃ sadā.

3517. Maṇimāyā kambalikā3- soṇṇarajatapādukā,
\nNimbatatanti paduddhāre bhave saṃsarato mama.

[PTS Page 312] [\q 312/]

3518. Niyāmaṃ patidhāvanti āguācārasodhanaṃ4,
\nIme guṇe paṭilabhe tassa nissandato ahaṃ.

3519. Pāduke sugate datvā saṅghe gaṇavaruttame,
\nIddhāpādukamāruyha viharāmi yadicchakaṃ.

3520. Udapuñchanake coḷe5- datvā buddhe gaṇuttame,
\nPañcānisaṃse anubhomi kammānucchavike mama.

3521. Suvaṇṇavaṇṇo virajo sappabhāso patāpavā,
\nSiniddhaṃ hoti me gattaṃ rajojallaṃ na limpati,
\nIme guṇe paṭilabhe tassa nissandato ahaṃ.

1. Asatthake, machasaṃ assaṭṭhake, syā 2. Apacito, machasaṃ 3. Kambamayā, machasaṃ 4. Niyamaṃ paṭidhāvanti ācāraguṇasodhanaṃ, simu 5. Udakapuñachanacoḷe, machasaṃ

[BJT Page 574] [\x 574/]

3522. Katatradaṇḍe sugate datvā saṅghe gaṇuttame,
\nChānisaṃse anubhomi kammānucchavike mama.

3523. Puttā mayhaṃ bahu honti taso mayhaṃ na vijjati,
\nAppasayho sadā homi sabbārakkhehi rakkhito,
\nKhalitampi1- na jānāmi abhattaṃ mānasaṃ mama.

3524. Osadhaṃ añajanaṃ datvā buddhe saṅghe gaṇuttame,
\nAṭṭānisese anubhomi kammānucchavike mama.

3525. Visālanayato homi setapito ca lohito2,
\nAnāvilapasannakkho sabbarogavivajjito

3526. Labhāmi dibbanayanaṃ paññācakkhuṃ anuttaraṃ,
\nIme guṇe paṭilabhe tassa nissandato ahaṃ.

3527. Kuñcike sugate datvā saṅghe gaṇavaruttame,
\nDhammadvāravicaraṇaṃ labhāmi ñāṇakuñcikaṃ.

3528. Kuñcikānaṃ ghare datvā buddhe saṅghe gaṇuttame,
\nDvānisaṃse anubhomi kammānucchavike mama,
\nAppakodho anāyaso saṃsaranto bhave ahaṃ.

2529. Āyoge sugate datvā saṅghe gaṇavaruttame,
\nPañcānisaṃse anubhomi kammānucchavike mama.

2530. Samādhisu na kampāmi vasi homi samādhisu,
\nAbhejjapariso homi ādeyyavacano sadā,
\nJāyati bhogasampatti bhāve saṃsarato mama.

2531. Dhumatette jine datvā saṅghe gaṇavaruttame,
\nTiṇānisaṃse anubhomi kammānucchavike mama.

[PTS Page 313] [\q 313/]

2532. Sati me ujukā hoti susambandhā nahāravo3,
\nLabhāmi dibbanayanaṃ4- tassa nissandato ahaṃ.

2533. Dipaṭṭhāne5- jāne datvā saṅghe gaṇavaruttame,
\nTiṇānisaṃse anubhomi kammānucchavike mama.

2534. Jātimā aṅgasampanno paññavā buddhisammato, 6
\nIme guṇe paṭilabhe tassa nissandato ahaṃ.

2535. Tumbake ca karaṇḍe ca datvā buddhe gaṇutatame,
\nDasānisaṃse anubhomi kammānucchavike mama.

3536. Sadā gutto7- sukhasamaṅgi mahāyasavā tathā gatī,
\nVipattivigato8- sudhumālo sabbitiparivajjito.

1. Khalitaṃ maṃ, simu 2. Setapitasalohito, simu 3. Nahāravo, machasaṃ 4. Dibbasayanaṃ, syā 5. Dipadhāre, machasaṃ 6. Buddhasammato, machasaṃ 7. Suputto, machasaṃ 8. Vibhattigatto, syā

[BJT Page 576] [\x 576/]

3537. Vipule ca guṇe lābhi samāvacaraṇaṃ1- mama,
\nSucivajjitaubbego tumbake ca karaṇḍake.

3538. Labhāmi caturo vaṇṇe hatthassaratanāni ca, 2,
\nTāni me na vinassanti tumbadāne idaṃ phalaṃ

3539. Añajalinnāḷiyo3- datvā buddhe saṅghe gaṇavaruttame,
\nPañcānisaṃse anubhomi kammānucchavike mama.

3540. Sabbalakkhaṇasampanno āyupaññāsamāhito,
\nSabbāyāsavinimmutto kāyo me hoti sabbadā.

3541. Tanudhāre sunisite saṅghe datvāna pipphile,
\nKilesakantanaṃ ñāṇaṃ labhāmi atulaṃ suciṃ.

3542. Saṇḍase sugate datvā saṅghe gaṇavaruttame,
\nKileseluñcanaṃ4- ñāṇaṃ labhāmi atulaṃ suciṃ.

3543. Natthuke sugate datvā saṅghe gaṇavaruttame,
\nAṭṭhānisaṃse anubhomi kammānucchavike mama.

3544. Saddhaṃ sīlaṃ hiriñcāpi atho ottappiyaṃ guṇaṃ,
\nSutaṃ cāgañca khatti ca paññaṃ me aṭṭhamaṃ guṇaṃ.

[PTS Page 314] [\q 314/]

3545. Piṭhake sugate datvā saṅghe gaṇavaruttame,
\nPañcānisaṃse anubhomi kammānucchavike mama.

3546. Ucce kule pajāyāmi mahābhogo bhavāmahaṃ,
\nSabbe maṃ apacāyanti kitti abbhuggatā mama.

3547. Kappasatasahassāni pallaṅkā caturassakā,
\nParicārenti maṃ niccaṃ saṃvibhāgarato ahaṃ.

3548. Bhisiyo sugate datvā saṅghe gaṇavaruttame,
\nChānisaṃse anubhomi kammānucchavike mama.

3549. Samagatto apacito5- muduko cārudassano,
\nLabhami ñāṇaparivāraṃ bhisidānassidaṃ phalaṃ.

3550. Tulikā vikatikāyo kaṭṭissā cittakā bahu,
\nVarapotthake kambale ca labhāmi vividhe ahaṃ.

3551. Pāvāriko ca muduke mudukājānaveṇiyo,
\nLabhāmi vividhatthare bhisidānassadaṃ phalaṃ.

1. Samāvacalanā, machasaṃ 2. Hatthissaratanāni ca, machasaṃ 3. Malaharaṇiyo, machasaṃ hatthalilaṅgake, syā [PTS] 4. Kilesahañajanaṃ, machasaṃ 5. Samasugattopacito, machasaṃ

[BJT Page 578] [\x 578/]

3552. Yato sarāmi attānaṃ yato patto’smi viññutaṃ
\nAtuccho jhānamañco’mhi bhisidānassidaṃ phalaṃ.

3553. Bimbohane jine datvā saṅghe gaṇavaruttame,
\nChānisaṃse anubhomi kammānucchavike mama.

3554. Uṇṇike padumake ca atho lohitavandane,
\nBimbohane upadhemi1- uttamaṅgaṃ sadā mama.

3555. Aṭṭaṅgike maggavare sāmaññe caturo phale,
\nTesu ñāṇaṃ upanetvā2- vihare sabbakālikaṃ.

3556. Dāne dame sañcame ca appamaññāsu rūpisu,
\nTesu ñāṇaṃ upanetvā3- vihare sabbakālikaṃ.

3557. Vatte guṇe paṭipatatiācārakiriyāsu ca,
\nÑāṇaṃ upadahitvāna vihare sabbadā ahaṃ.

3558. Caṅkame vā padhāne vā viriyebodhipakkhiye,
\nTesu ñāṇaṃ upanetvā viharāmi yathicchakaṃ.

[PTS Page 315] [\q 315/]

3559. Sīlaṃ samādhi paññā ca vimutati ca anuttarā,
\nTesu ñāṇaṃ upanetvā viharāmi sukhaṃ ahaṃ.

3560. Phaḷapiṭhe4- jāne datvā saṅghe gaṇavaruttame,
\nDvānisaṃse anubhomi kammānucchavike mama.

3561. Soṇṇamaye maṇimaye dantasāramaye bahu,
\nPallaṅkaseṭṭhe vindāmi phalapiṭhassidaṃ phalaṃ.

3562. Pādapiṭhe jāne datvā saṅghe gaṇavaruttame,
\nDvānisaṃse anubhomi kammānucchavike mama.

3563. Labhāmi bahuke yāne pādapiṭhassidaṃ phalaṃ,
\nDāsidāsā ca bhariyā ye caññe anujivino,
\nSmā paricarante maṃ pādapioṭassidaṃ phalaṃ.

3564. Telānabbhañajane5- datvā saṅghe gaṇavaruttame,
\nPañcanisaṃse anubhomi kammānucchavike mama

3565. Avyādhitā rūpavatā khippaṃ dhammanisantitā,
\nLābhitā annapānassa āyupañcamakaṃ mama.

3566. Sappitelañca datvā saṅghe gaṇavaruttame,
\nPañcānisaṃse anubhomi kammānucchavike mama.

1. Bimbohane upādhemi, machasaṃ 2. Tesu ñāṇaṃ uppādetvā, machasaṃ 3. Uppādetvā, machasaṃ 4. Palālapiṭhe, sīmu 5. Telaabbhañajane, machasaṃ

[BJT Page 580] [\x 580/]

3567. Thamavā rūpasampanenā pahaṭṭhatanujo sadā,
\nAvyādhi visado homi sappitelassidaṃ phalaṃ.

3568. Mukhasodhanakaṃ datvā saṅghe gaṇavaruttame,
\nPañcānisase anubhomi kammānucchavike mama.

3569. Visuddhakaṇṭho madhurasaro kāsasāsavivajjito,
\nUppalagandho mukhato upavāyati me sadā.

3570. Dadhiṃ datvāna sampannaṃ buddhe saṅghe gaṇuttame,
\nBhuñajāmi amataṃ cittaṃ1- varaṃ kāyagatāsatiṃ.

3571. Vaṇṇagandhasopetaṃ madhuṃ datvā jine gaṇe,
\nAnupamaṃ atuliyaṃ pive muttirasaṃ ahaṃ.

[PTS Page 316] [\q 316/]

3572. Yathābhūtaṃ rasaṃ datvā saṅghe gaṇuttame,
\nCaturo phale anubhomi kammānucchavike mama.

3573. Annaṃ pānañca datvā buddhe saṅghe gaṇuttame,
\nDasānisaṃse anubhomi kammānucchavike mama.

3574. Āyumā balavā dhīro maṇṇavā yasavā sukhi,
\nLābhi antassa pānassa suro paññāṇavā sadā,
\nIme guṇe paṭilabhe saṃsaranto bhave ahaṃ.

3575. Dhupaṃ datvā sugate saṅghe gaṇavaruttame,
\nDasānisaṃse anubhomi kammānucchavike mama.

3576. Sugandhadeho yasavā sighapañño ca kittimā,
\nTikkhapañño bhuripañño hāsagambhirapaññavā.

3577. Vepullajavanapañño saṃsaranto bhavābhave,
\nTasseva vāhasā’dāni patto santisukhaṃ sivaṃ.

3578. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3579. Kilesā jhāpitā mayhaṃ bhavā sabbe samuhatā,
\nNāgova bandhanaṃ chetvā viharāmi anāsavo.

3580. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā piḷindivaccho thero imā gathāyo abhāsitthāti.
\n- Piḷindivacchattherassa apadānaṃ paṭhamaṃ. -

1. Bhattaṃ, machasaṃ

[BJT Page 582] [\x 582/]

391. Selattherāpadānaṃ

3581. Nagare haṃsavatiyā vithisāmi ahosahaṃ,
\nMamaṃ1- ñāti samānetvā idaṃ vacanamabraviṃ.

3582. Buddho loke samuppanno puññakkhettamanuttaraṃ2,
\nĀsi so3- sabbalokassa āhutinaṃ paṭiggaho.

3583. Khattiyā negamā ceva mahāsālā ca brāhmaṇā,
\nPasannacittā sumanā pugadhammaṃ akaṃsu te.

3584. Hatthārohā aṇikaṭṭhā rathikā pattikārakā,
\nPasannacittā sumanā pugadhammaṃ akaṃsu te.

[PTS Page 317] [\q 317/]

3585. Uggā ca rājaputtā ca cesiyānā ca brāhmaṇā,
\nPasannacittā sumanā pugadhammaṃ akaṃsu te.

3586. Āḷārikā kappakā ca4- nhāpakā mālakārakā,
\nPasannacittā sumanā pugadhammaṃ akaṃsu te.

3587. Rajakā pesakārā ca cammakārā ca nhāpikā,
\nPasannacittā sumanā pugadhammaṃ akaṃsu te.

3588. Usukārā bhamakārā cammikā ceva5- tacchakā,
\nPasannacittā sumanā pugadhammaṃ akaṃsu te.

3589. Kammārā soṇṇakārā ca tipulohakarā tathā,
\nPasannacittā sumanā pugadhammaṃ akaṃsu te.

3590. Bhatakā ceṭakā ceva dāsakammakarā bahu’
\nYathāsakena thāmena pugadhammaṃ akaṃsu te

3591. Udahāra kaṭṭhahārā kassakā tiṇahārakā,
\nYathāsakena thāmena pugadhammaṃ akaṃsu te

3592. Pupphikā mālikā ceva paṇṇikā phalahārakā,
\nYathāsakena thāmena pugadhammaṃ akaṃsu te

3593. Gaṇikā kumbhadāsī ca puvikā macchikāpi ca,
\nYathāsakena thāmena pugadhammaṃ akaṃsu te

3594. Etha sabbe samāgantvā gaṇaṃ bandhama ekato,
\nAdhikāraṃ karissāma puññakkhette anuttare.

1. Mama, machasaṃ 2. Puññakkhetto anuttaro, machasaṃ 3. Āsisaso, simu ādhāro [PTS] 4. Āḷārakā ca suda, syā 5. Cammakārā ca, machasaṃ

[BJT Page 584] [\x 584/]

3595. Te me sutvāna vacanaṃ gaṇaṃ bandhiṃsu tāvade,
\nUpaṭṭhānasālaṃ sukataṃ bhikkhusaṅghassa kārayuṃ.

3596. Niṭṭhāpetvāna taṃ sālaṃ udaggo tuṭṭhamānaso,
\nPareto tehi sabbehi sambuddheṃ upasaṅkamiṃ.

3597. Upasaṅkamma sambuddhaṃ lokanāthaṃ narāsabhaṃ,
\nCanditvā satthuno pāde idaṃ vacanamabraviṃ.

3598. Ime tīṇi satā vīra purisā ekato gaṇā,
\nUpaṭṭhānasālaṃ sukataṃ niyyātenti1- tavaṃ2- muni.

3599. Bhikkhusaṅghassa purato sampaṭicchitva cakkhumā,
\nTiṇṇaṃ satānaṃ purato imā gāthā abhāsatha:

3600. "Tisataṃ pi ca jeṭṭho ca anuvattiṃsu ekato,
\nSampattiṃ hi3- karitvāna sabbe anubhavissatha.

[PTS Page 318] [\q 318/]

3601. Pacchimabhave4- sampatte sitibhāvamanuttaraṃ,
\nAjaraṃ amataṃ santaṃ nibbāṇaṃ phassayissatha"

3602. Evaṃ buddho viyākāsi sabbaññu samaṇuttaro,
\nBuddhassa vacanaṃ sutvā somanassaṃ pavedayiṃ.

3603. Tiṃsakappasahassāni devaloke ramiṃ ahaṃ,
\nDevādhipo pañcasataṃ devarajjamakārayiṃ.

3604. Sahassakkhattuṃ rājā ca cakakvati ahosabhaṃ,
\nDevarajjaṃ karontassa mahādevā avandiṃsu.

3605. Idha mānuseka rajje5- parisā honti bandhavā,
\nPacchimabhatva sampatte vāseṭṭho nāma brāhmaṇo.

3606. Asitikoṭinicayo tassa putto ahosahaṃ,
\nSelo itimamaṃ nāmaṃ chaḷaṅge pāramiṅgato.

3607. Jaṅghāvihāraṃ vicaraṃ sasissehi purakkheto,
\nJaṭākhārikabharitaṃ keṇiyaṃ nāma tāpasaṃ.

3608. Paṭiyattāhutiṃ disvā idaṃ vacanamabuviṃ:
\nĀvaho vā vicāho cā rājā vā te nimantito.

3609. Āhutiṃ yiṭṭhukāmo’haṃ brāhmaṇe devasammate,
\nNa nimantemi rājānaṃ āhuti me na vijjati.

1. Niyyādenti, machasaṃ 2. Tuvaṃ, machasaṃ 3. Samāpatti hi, syā 4. Pacchime bhave, machasaṃ 5. Rajjaṃ, machasaṃ

[BJT Page 586] [\x 586/]

3610. Na vatthi mayhaṃ āvaho vivābho me na vijjati,
\nSakyānaṃ nandijanano seṭṭho loke sadevake.

3611. Sabbalokahitatthāya sabbasattasukhāvaho,
\nSo me nimantito ajja tassetaṃ paṭiyādataṃ.

3612. Timbarūsakavaṇṇabho appameyyo anupamo,
\nRūpenāsadiso buddho svātanāya nimantito.

3613. Ukkāmukhapahaṭṭho’va khadiraṅgārasannibho,
\nVijjupamo mahāvīro so me buddho nimantito.

3614. Pabbatagge yathā acci puṇṇamāyeva candimā,
\nNaḷaggivaṇṇasaṅkāso so me buddho nimantito.

3615. Asambhito bhayānito bhavantakaraṇo muni,
\nSihupamo vahāviro so me buddho nimantito.

[PTS Page 319] [\q 319/]

3616. Kusalo buddhadhammehi appasayho parehi so,
\nNāgupamo mahāvīro so me buddho tivantito.

3618. Anantavaṇṇo amitayaso vicittasabbalakkhaṇo,
\nSakkupamo mahāvīro so me buddho tivantito.

3619. Vasi gaṇi patāpi ca tejassi ca durāsado,
\nBrahmupamo mahāvīro so me buddho tivantito.

3620. Pattadhammo dasabalo balātibalapāragu,
\nDharaṇupamo mahāvīro so me buddho tivantito.

3621. Silavicisamākiṇṇo dhammaviññāṇakhohito,
\nUddhupamo mahāvīro so me buddho tivantito.

3622. Durāsado duppasaho acalo uggato brahā,
\nNerūpamo mahāvīro so me buddho tivantito.

3623. Anantañāṇo asamasamo atulo aggataṃ gato,
\nGaganupamo mahāvīro so me buddho tivantito.
\n1. Paṇṇarasamaṃ bhāṇavāraṃ machasaṃ

[BJT Page 588] [\x 588/]

3624. Patiṭṭhā bhayabhitānaṃ tāṇo saraṇagāminaṃ,
\nAssāsako mahāvīro so me buddho tivantito.

3625. Āsayo buddhimantānaṃ puññakkhettaṃ sukhesitaṃ,
\nRatanākaro mahāvīro so me buddho tivantito.

3626. Assāsako vedakaro sāmaññaphaladāyako,
\nMeghupamo mahāvīro so me buddho tivantito.

3627. Lokacakkhu mahātejo sabbatamavinodano,
\nSuriyupamo mahāvīro so me buddho tivantito.

3628. Ārammaṇavimuttīsu sabhāvadassano muni,
\nCandupamo mahāvīro so me buddho tivantito.

3629. Vuddho1- samussito loke lakkhaṇehi alaṅkato,
\nAppameyyo mahāvīro so me buddho tivantito.

3630. Yassa ñāṇaṃ appameyyaṃ sīlaṃ yassa anupamaṃ,
\nVimutti asadisā yassa so me buddho nimattito.

3631. Yassa dhiti asadisā thamo yassa acintiyo,
\nYassa parakkamo jeṭṭho so me buddho nimattito.

3632. Rāgo doso ca moho ca visā sabbe samuhatā,
\nAgadupamo mahāvīro so me buddho tivantito.

[PTS Page 320] [\q 320/]

3633. Kilesavyādhi2- bahudukkhasabbatamacinodano3,
\nVejjupamo mahāvīro so me buddho tivantito.

3634. Buddho’ti bho yaṃ vadesi ghosopeso sudullabho,
\nBuddho buddho’ti sutvāna piti me upapajjatha.

3635. Abbhantaramagaṇhanti piti me bahi nicchare,
\nSo’haṃ pitimano santo idaṃ vacanamabraviṃ:

3636. "Kahaṃ nu kho so bhagavā lokajeṭṭho narāsabho,
\nTattha gantvā namassassaṃ sāmaññaphaladāyakaṃ"

3637. Paggayha dakkhiṇaṃ bāhuṃ vedajāto katañajali,
\nĀcikkhi me dhammarājaṃ sokapallavinodanaṃ.

1. Buddho, machasaṃ 2. Kelasavyādhi, machasaṃ 3. Sabbatamacinodako, simu

[BJT Page 590] [\x 590/]

3638. "Udentaṃ’va mahāmeghaṃ nīlaṃ añajanasannibhaṃ,
\nSāgaraṃ viya dissantaṃ passasetaṃ mahāvanaṃ.

3639. Ettha so vasate buddho adantadamako muni,
\nVinayanto ca veneyye bodhento bodhipakkhiye.

3640. Pipāsito’va udakaṃ bhojanaṃ’va jighacchito,
\nGāmi yathā vacchagiddhā evāhaṃ viciniṃ jinaṃ.

3641. Ācāraupacāraññu dhammānucchavisaṃvaraṃ1-
\nSikkhāpesiṃ sake sisse gacchante jinassantikaṃ.

3642. Durāsadā bhagavanto sihā’va ekacārino,
\nPade padaṃ nikkipantā āgacechayyātha māṇavā.

3643. Āsiviso yathā ghoro migarājā’va kesari,
\nMattocava kuñajaro danti evaṃ buddhā durāsadā.

3644. Ukkāsitañca khipitaṃ ajjhupekkhiya māṇavā,
\nPade padaṃ nikkhipantā upetha buddhasantikaṃ.

3645. Paṭisallānagarukā appasadā durāsadā,
\nDurūpasaṅkamā buddhā garū honti sadevake.

3646. Yadā’haṃ pañhaṃ pucchāmi gaṭisammodayāmi vā,
\nAppasaddā tadā hotha munibhūtā’va tiṭṭhatha.

[PTS Page 321] [\q 321/]

3647. Yaṃ so deseti saddhammaṃ2- khemaṃ nibbaṇapattiyā,
\nTamevatthaṃ nisāvetha saddhammasavaṇaṃ sukhaṃ"

3648. Upasaṅkamma sambuddhaṃ sammodiṃ muninā ahaṃ,
\nTaṃ kathaṃ vitasāretvā lakkhaṇe upadhārayiṃ.

3649. Lakkhaṇe dveva3- kaṅkhāmi passāmi tiṃsalakkhaṇe,
\nKosobhitavatthaguyhaṃ iddhiyā dassayi muni.

3650. Jivhaṃ ninnāmayitvāna kaṇṇasote ca nāsike,
\nPaṭimasi nalāṭantaṃ kevalaṃ chādayi jano.

1. Dhammānucchavasaṃvareṃ, simu 2. Sambuddho, machasaṃ 3. Dve ca, machasaṃ

[BJT Page 592] [\x 592/]

3651. Tassāhaṃ lakkhaṇe disvā paripuṇṇe savyañajane,
\nBuddho’ti niṭṭhaṃ gantvāna saha sissehi pabbajiṃ.

3652. Satehi tihi sahito pabbajiṃ anagāriyaṃ,
\nAddhamāse asampatte sabbe pattā’mha nibbutiṃ.

3653. Ekato kammaṃ katvāna puññakkhette anuttare,
\nEkato saṃsaritvāna ekato vinivattayuṃ.

3654. Gopānasiyo davona pugadhamme vasī1- ahaṃ,
\nTena kammena sukatena aṭṭahetu labhāmahaṃ.

3655. Disāsu pujito homi bhogā ca amitā mama,
\nPatiṭṭhā homi sabbesaṃ tāso mama na vijjati.

3656. Vyādhayo me na vijjanti dighāyuṃ pālayāmi ca,
\nSukhumacchaviko homi āvāse patthite2- vase.

3657. Aṭṭha gopānasi datvā pugadhamme vasi ahaṃ,
\nPaṭisambhidā’ehattañca etaṃ me aparaṭṭhamaṃ.

3658. Sabbavositavosāno katakicco anāsavo,
\nAṭṭhagopānasi nāma tava putto mahāmuni.

3659. Pañcathambhāni datvāna pugadhamme vasi ahaṃ,
\nTena kammena sukatena pañcahetu labhāmahaṃ.

3660. Acalo homi mettāya anunaṅgo bhavāmahaṃ,
\nĀdeyyavacano homi na dhaṃsemi yathā ahaṃ.

3661. Abhantaṃ hoti me cittaṃ acalo homi kassaci,
\nTena kammena sukatena vimalo homi sāsane.

[PTS Page 322] [\q 322/]

3662. Sagāravo sappatisso katakicco anāsavo,
\nSāvako te mahāvīra bhikkhu taṃ vandate muni.

3663. Katvā sukatapallaṅkaṃ sālāyaṃ paññapesahaṃ,
\nTena kammena sukatena pañca hetu labhāmahaṃ.

3664. Ucce kule pajāyitvā mahābhogo bhavāmahaṃ,
\nSabbasampattiko homi maccheraṃ me na vijjati.

3665. Gamane patthite mayhaṃ pallaṅko upatiṭṭhati,
\nSaha pallaṅkaseṭṭhena gacchāmi mama patthitaṃ.

1. Casiṃ, machasaṃ 2. Āvāse patte vase, syā

[BJT Page 594] [\x 594/]

3666. Tena pallaṅkadānena tamaṃ sabbaṃ vinodayiṃ,
\nSabbābhiññābalappatto thero candati taṃ muni.

3667. Parakiccattakiccāni sabbakiccāni sādhayiṃ,
\nTena kammena sukatena pāvisiṃ abhayaṃ puraṃ.

3668. Pariniṭṭhitasālaṃ hi paribhogamadāsahaṃ,
\nTena kammena sukatena seṭṭattaṃ ajjhupāgeto.

3669. Ye keci damakā loke hatthi asse damenti ye,
\nKaritvā kāraṇā nānā dāruṇena dāmanti te.

3670. Nahevaṃ tvaṃ mahāvīra damesi naranāriyo,
\nAdaṇḍena asatthena damesi uttame dame.

3671. Dānassa vaṇṇe kittento desanākusalo muni,
\nEkaṃ pañahaṃ1- kathentova bodhesi tisate muni.

3672. Dantā mayaṃ sārathinā suvimuttā anāsavā,
\nSabbābhiññābalappattā nibbutā upadhikkhāye.

3673. Satasahasse ito kappe yaṃ dānamadadiṃ tadā,
\nAtikkantā bhayā sabbe sālādānassi’daṃ phalaṃ.

3674. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3675. Kilesā jhāpitā mayhaṃ bhavā sabbe samuhatā,
\nNāgova bandhanaṃ chetvā viharāmi anāsavo.

3676. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā selo thero imā gathāyo abhāsitthāti.
\n- Selattherassapadānaṃ dutiyaṃ. -

1. Ekapañahaṃ, machasaṃ

[BJT Page 596] [\x 596/]
\n[PTS Page 323] [\q 323/]

393. Sabbakittikattherāpadānaṃ

3677. Kaṇikāraṃva jotantaṃ1- diparukkhaṃva ujjalaṃ2,
\nOsadhiṃva virovantaṃ vijjutaṃ gagane yathā.

3678. Asambhitaṃ anutrāsiṃ3- migarājaṃva kesariṃ,
\nÑāṇālokaṃ pakāsentaṃ maddantaṃ titthiye gaṇo.

3679. Uddharantaṃ imaṃ lokaṃ chindantaṃ sabbasaṃsayaṃ,
\nGajjantaṃ4- migarājaṃva addasaṃ lokanāyakaṃ.

3680. Jaṭājinadhāro āsiṃ bahā uju patāpavā,
\nVākaviraṃ gahetvāna pādamule avatthariṃ.

3681. Kāḷānusāriyaṃ gayha anulimpiṃ tathāgataṃ,
\nSambuddhamanulimpetvā santhaviṃ lokanāyakaṃ.

3682. Samuddharasi’maṃ lokaṃ oghatiṇṇa5, mahāmuni,
\nÑāṇālokena jotesi nāvaṭaṃ6- ñāṇamuttamaṃ.

3683. Dhammacakkaṃ pavattesi maddase paratitthiye,
\nUsabho jitasaṅgāmo sampakampesi medini.

3684. Mahāsamuddo ūmiyo velantambhi pabhijjare,
\nTatheva tava ñāṇamhi sabbadiṭṭhi pabhijjare.

3685. Sukhumacchikajālena sarambhi sampatānite,
\nAntojālagatā pāṇā pilitā honti tāvade.

3686. Tatheva titthiyā loke puthupāsaṇḍanissitā,
\nAntoñāṇavare tuyhaṃ parivattanti mārisa.

3687. Patiṭṭhā vuyhataṃ oghe tvaṃ hi nātho abandhunaṃ,
\nBhayaṭṭitānaṃ saraṇaṃ muttatthinaṃ7- parāyaṇaṃ.

3688. Ekaviro asadiso karuṇāmettasañcayo8,
\nSusilo asamo9- santo vasi tādi jitañajaso.

[PTS Page 324] [\q 324/]

3689. Dhīro vigatasammoho anojo akathaṅkathi,
\nVusito10- vantadoso’si nimmalo payato11- suci

1. Jalitaṃ, machasaṃ 2. Jotitaṃ, syā 3. Anuttāsiṃ, machasaṃ 4. Asambhitaṃ, syā 5. Oghatiṇṇo, syā 6. Pavaraṃ, syā vajira, [PTS] 7. Muttatthinaṃ, machasaṃ8. Mettākaruṇā sañcayo, machasaṃ saññuto, syā 9. Asamo susamo satto, machasaṃ 10. Tusito machasaṃ 11. Saṃyato, machasaṃ

[BJT Page 598] [\x 598/]

3690. Saṅgātigo hatamādā1- tevijjo tibhavattago,
\nSimātigo dhammagaru katattho hitavappatho2-

3691. Tārako tvaṃ yathā nāvā nidhivassāsakārako,
\nAsambhito yathā siho gajarājāva dassito.

3692. Thometvā dasagāthāhi padumuttaraṃ mihāyasaṃ,
\nVanditvā satthuno pāde tuṇhi aṭṭhāsahaṃ tadā.

3693. Padumuttaro lokavidu āhutinaṃ paṭiggaho,
\nBhikkhusaṅghe ṭhito satthā imā gāthā abhāsatha.

3694. "Yo me silañca ñāṇañca dhammañcāpi pakittayi2,
\nTamahaṃ kittayissāmi suṇātha mama bhāsato.

3695. Saṭṭhikappasahassāni devaloke ramissati, aññe deve abhihotvā4- issaraṃ kārayissati.

3696. So pacchā pabbajitvāna sukkamūlena codito,
\nGotamassa bhagavato sāsane pabbajissati.

3697. Pabbajitvāna kāyena pāpakammaṃ vicajjiya,
\nSabbāsave pariññāya nibbāyissatanāsavo5-

3698. Yathāpi megho thanayaṃ tappeti mediniṃ imaṃ,
\nTatheva tvaṃ mahāvīra dhammena tapapayi mamaṃ.

3699. Sīlaṃ paññaca dhammañca thavitthā lokanāyakaṃ,
\nPatombhi paramaṃ santiṃ nibbāṇaṃ padamaccutaṃ.

3700. Aho nūna sa bhagavā ciraṃ tiṭṭheyya cakkhumā,
\nAññatañca vijaneyyuṃ phuseyyuṃ amataṃ padaṃ.

3701. Ayaṃ me paccimā jāti bhavā sabbe samuhatā,
\nSabbāsave pariññāya viharāmi anāsavo.

3702. Satasahasse ito kappe yaṃ buddhamabhithomayiṃ,
\nDuggatiṃ nābhijānāmi kittanāya idaṃ phalaṃ.

1. Gatamado, syā 2. Gatatthohitavabbhuto, machasaṃ 3. Saddhammañcāpi vaṇṇayi, machasaṃ 4. Aññe deve’bhibhavitvā, machasaṃ 5. Nibbāyissatināsavo, machasaṃ

[BJT Page 600] [\x 600/]
\n[PTS Page 325] [\q 325/]

3703. Kilesā jhāpitā mayhaṃ bhavā sabbe samuhatā,
\nNāgova bandhanaṃ chetvā viharāmi anāsavo.

3704. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3705. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sabbakittiko thero imā gathāyo abhāsitthāti.
\n- Sabbakittikattherassa apadānaṃ tatiyaṃ. -

394. Madhudāyakattherāpadānaṃ.

3706. Sindhuyā nadiyā tīre sukato assamo mama,
\nTattha vācemahaṃ sisse itihāsaṃ salakkhaṇaṃ.

3707. Dhammakāmā vinitā te sotukāmā susāsanaṃ,
\nChaḷaṅge pāramippattā sindhukule vasatti te.

3708. Upapātagamane ceva lakkhaṇesu ca kovidā,
\nUttamatthaṃ gavesantā vasati pavane1- tadā.

3709. Sumedho nāma sambuddho loka uppajji tāvado,
\nAmbhākaṃ anukampanto upagacchi vināyako.

3710. Upāgataṃ mahāvīraṃ sumedhaṃ lokanāyakaṃ,
\nTiṇasatthārakaṃ kavo lokajeṭṭhassa’dāsahaṃ.

3711. Pavanāto2- madhuṃ gayha buddhaseṭṭhassa’dāsahaṃ,
\nSambuddho pibhuñajitvā idaṃ vacanamabravi

3712. "Yo taṃ adāsi madhuṃ me pasanno sehi pāṇihi,
\nTamahaṃ kittasissāmi suṇātha mama bhāsato.

3713. Iminā dhudānena tiṇasatthārakena ca,
\nTiṃsakappasahassāni devaloke ramissati.

3714. Tiṃsakappasahasasamhi okkākakulasambhavo,
\nGotamo nāma nāmena3- satthā loke bhavissati.

1. Vipine, machasaṃ 2. Vipanāto machasaṃ 3. Gottena, machasaṃ

[BJT Page 602] [\x 602/]

3715. Tassa dhammesu dāyado oraso dhammanimmito,
\nSabbāsave pariññāya nibbāyissata’nāsavo.

3716. Devalokā idhāgantvā mātukucchiṃ upāgate,
\nMadhuvassaṃ pavassittha chādayaṃ madhunā mahiṃ1

3717. Mayi nikkhantamattambhi kucchiyā ca suduttaraṃ,
\nTatrāpi madhuvassaṃ me vassate niccakālikaṃ.

[PTS Page 326] [\q 326/]

3718. Agārā abhinikkhamma pabbajiṃ anagāriyaṃ,
\nLābhi annassa pānasa madhudānassi’daṃ phalaṃ.

3719. Sabbakāmasamiddho’haṃ bhavitvā devamānuse,
\nTeneva madhudānena pattombhi āsavakkhayaṃ.

3720. Vuṭṭhambhi deve caturaṅgule tiṇe
\nSampupphite1- dharaṇiruhe sañachanne2,
\nSuññe ghare maṇḍaparukkhamule3,
\nVasāmi niccaṃ sukhito anāsavo.

3721. Majjhe mahante hine ca4- bhave sabbe atikkamiṃ5,
\nAjja me āsavā khiṇā nathidoni punabbhavo.

3722. Tiṃsakappasahassamhi yaṃ dānamadadiṃ tadā,
\nDuggatiṃ nābhijānāmi madhudāna’ssidaṃ phalaṃ.

3723. Kilesā jhāpitā mayhaṃ bhavā sabbe samuhatā,
\nSabbāsavā parikkhiṇā natthidāni punabbhavo.

3724. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3725. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā madhudāyako thero imā gathāyo abhāsitthāti.
\n- Madhudāyakattherassa apadānaṃ catutthaṃ. -

1. Supupphite, syā 2. Cappadese, syā 3. Maṇḍaparukkhamulake, machasaṃ 4. Majjhe mayahaṃ bhavā assu, syā [PTS] 5. Ye bhave samatikkamiṃ, syā [PTS]

[BJT Page 604] [\x 604/]

395. Padumakuṭāgāriyattherāpadānaṃ.

3726. Piyadassi nāma bhagavā sayambhu lokāyako,
\nVivekakāmo sambuddho samādhikusalo muni.

3727. Vanasaṇḍaṃ samogayha piyadassi mahāmuni,
\nPaṃsukulaṃ pattharitvā nisīdi purisuttamo.

3728. Migaluddo pure āsiṃ vipite1- kānane ahaṃ,
\nPasadaṃ migamesante ābhiṇḍami ahaṃ tadā

3729. Tattha’dadasāsiṃ sambuddheṃ oghatiṇṇamanāsavaṃ,
\nPupphitaṃ sālarājāṃva sataraṃsiṃva uggataṃ.

3730. Disvāna’haṃ devadevaṃ piyadassiṃ mahāyasaṃ,
\nJātassaraṃ samogayha padumaṃ āhariṃ tadā.

3731. Āharitvāna padumaṃ satapattaṃ manoramaṃ,
\nKuṭāgāraṃ karitvāna chādayiṃ padumena’haṃ.

[PTS Page 327] [\q 327/]

3732. Anukampako kāruṇiko piyadassi mahāmuni,
\nSattarattindivaṃ buddho kuṭāgāre vasi jino.

3733. Purāṇaṃ chaḍḍhayitvāna navena chādayiṃ ahaṃ,
\nAñjaliṃ paggahetvāna aṭṭhāsiṃ tāvade ahaṃ.

3734. Vuṭṭhahitvā samādhimhā piyadassi mahāmuni,
\nDisā anucilokanto nisīdi lokanāyako

3735. Tadā sudassano nāma upaṭṭhāko mahiddhiko,
\nCittamaññāya buddhassa piyadassassa satthuno.

3736. Asitāya sahassehi bhikkhuhi parivārito,
\nVanante sukhamāsinaṃ upesi lokenāyakaṃ.

3737. Yāvatā vanasaṇḍamhi adhivatthā ca devatā,
\nBuddhassa cittamaññāya sabbe santipatuṃ tadā.

3738. Samāgatesu yakkhesu kumbhaṇḍe saha rakkhase,
\nBhikkhusaṅghe ca sampatte gāthā’mā vyāhari2- jiko:

3739. "Yo maṃ sattāhaṃ pujeyi āvāsañca akāsi me,
\nTamahaṃ kintiyissāmi suṇotha mama bhāsato.

1. Araññe, machasaṃ 2. Gāthā pabyāhari, machasaṃ gāthā sabyāhari, syā

[BJT Page 606] [\x 606/]

3740. Sududadasaṃ sunipuṇaṃ gambhiraṃ suppakāsitaṃ,
\nÑāṇena kittayissāmi suṇātha mama bhāsato.

3741. Catuddasāni kappāni devarajjaṃ karissati,
\nKuṭāgāraṃ brahaṃ tassa1- padumapupphehi2- chāditaṃ,
\nĀkāse dhārayissati pupphakammassi’daṃ phalaṃ.

3742. Catubbise kappasate vokiṇṇaṃ saṃsarissati,
\nTattha pupphamayaṃ vyamahaṃ ākāse dhārayissati.

3743. Yathā padumapattambhi toyaṃ na upalimpati,
\nTathevimassa cañāṇamhi kilesā nopalimpare.

3744. Manasā vinivaṭṭhetvā pañcanivaraṇe ayaṃ,
\nCittaṃ janetvā nekkhamme agārā pabbajissati,
\nTato pupphamaye vyambhe dhārente nikkhamissati.

3745. Rukkhamule vasantassa nipakassa satimato,
\nTattha pupphamayaṃ vyamhaṃ3- matthake dhārayissati.

3746. Cīvaraṃ piṇḍapātañca paccayaṃ sayanāsanaṃ,
\nDatvāna bhikkhusaṅghassa nibbāyissata’nāsavo.

3747. Kūṭāgārena caratā4- pabbajjaṃ abhinikkhamiṃ,
\nRukkhamule vasantamhi5- kūṭāgāraṃ dhariyati.

[PTS Page 328] [\q 328/]

3748. Cīvare piṇḍapāte ca cetanā me na vijjati,
\nPuññakammena saṃyutto labhāmi pariniṭṭhataṃ.

3749. Gaṇanāto asaṃkheyyā kappakoṭi bahu mama,
\nRittakā te atikkantā pamutatā lokanāyakā.

3750. Aṭṭhārase kappasate piyadasasi vināyako,
\nTamahaṃ payirupāsitvā imaṃ yoniṃ upāgato.

3751. Idhaddasāsiṃ sambudadhaṃ6- anomaṃ nāma cakkhumaṃ,
\nTamahaṃ upagantvāna pabbajaṃ anagāriyaṃ.

3752. Dukkhassantakaro buddho maggaṃ me adesasi jino,
\nTassa dhammaṃ suṇitvāna pattomahi acalaṃ padaṃ.

3753. Tosayitvāna sambudadhaṃ gotamaṃ sakyapuṅgavaṃ,
\nSabbāsave pariññāya viharāmi anasāvo.

1. Mahanta’ssa, machasaṃ 2. Padamapupphehi, machasaṃ 3. Pupphamayaṃ vyambhaṃ dhārentaṃ, machasaṃ 4. Caraṇā, simu [PTS] caete syā 5. Casantampi, machasaṃ 6. Idha passāmi, machasaṃ

[BJT Page 608] [\x 608/]

3754. Aṭṭhārase kappasate yaṃ buddamabhipujayiṃ,
\nDuggatiṃ nābhijānāmi buddhapujāyi’daṃ phalaṃ.

3755. Kilesā jhāpitā mayhaṃ bhavā sabbe samuhatā,
\nSabbāsavā parikkhiṇā natthidāni punabbhavo.

3756. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3757. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā padumakuṭāgāriyo thero imā gathāyo abhāsitthāti.
\n- Padumakuṭāgāriyattherassa apadānaṃ pañcamaṃ. -

366. Bakkulattherāpadānaṃ. *

3758. Hivamantassa avidūre sobhito nāma pabbato,
\nAssamo sukato mayhaṃ sakasissehi māpito.

3759. Maṇḍapā ca bahu tattha pupphitā sinduvārakā,
\nKapitthā ca bahu tattha pupphitā jivajivakā1,

3760. Nigguṇḍiyo bahu tattha badarāmalakāni ca,
\nPhārusakā alābu ca puṇḍarikā ca pupphitā.

3761. Ālakā2- beluvā tattha kadali mātuluṅgakā,
\nMahānāmā bahu tattha ajjuṇā ca piyaṅgukā.

[PTS Page 329] [\q 329/]

3762. Kosambā salalā nipā nigrodhā ca kapitthanā,
\nEdiso assamo mayhaṃ sasissohaṃ tahiṃ vasiṃ.

3763. Anomadassi bhagavā sayambhu lokanāyako,
\nGavesaṃ paṭisallānaṃ mamassamamupāgami.

3764. Upetamhi mahāvire anomadassimahāyase,
\nKhaṇena lokanāthassa vātābādo samuṭṭhahi.

3765. Vicaratto araññamhi addasaṃ lokanāyakaṃ,
\nUpagantvāna sambuddhaṃ cakkhumantaṃ mahāyasaṃ.

3766. Iriyañcāpi disvāna upalakkhesa’haṃ tadā,
\nAsaṃsayaṃ hi buddhassa vyādhi no upapajjatha3-

1. Campakā nāma ketakā, syā 2. Āḷakā, machasaṃ aḷakkā, syā 3. Udapajjatha, machasaṃ *bākulattherāpadāna, machasaṃ

[BJT Page 610] [\x 610/]

3767. Khippaṃ assamamāgacchiṃ mama sissāna santike,
\nBhesajjaṃ kattukāmo’haṃ sisse āmantayiṃ tadā.

3768. Paṭissuṇitvā me vākyaṃ sissā sabbe sagāravā,
\nEkajjhaṃ sannipatiṃsu satthugāravatā mama.

3769. Kippaṃ pabbatamāruyha sabbosadhamahāsahaṃ,
\nPāniyayogaṃ katvāna1- buddhaseṭṭhassa’dāsahaṃ.

3770. Paribhutte mahāvire sabbaññulokanāyake,
\nKhippaṃ vāto vupasami sugatassasa mahesino.

3771. Passaddhaṃ darathaṃ disvā anomadassi mahāyaso,
\nSakāsane nisīditvā imā gāthā abhāsatha:

3772. "Yo me pādāsi bhesajajaṃ vyādhiñca samayi mama,
\nTamahaṃ kittayisasāmi suṇātha mama bhāsato.

3773. Kappasatasahassani devaloke ramissati,
\nVādite turiye tattha modissati sadā ayaṃ.

3774. Manussalokamāgantvā sukkamūlena codito,
\nSahassakkhattuṃ rājā ca cakkavatti bhavissati.

3775. Pañcapaññāsakappamhi anomo nāma khattiyo,
\nCaturanto vijitivi jambumaṇḍassa2- issaro.

3776. Sattaratanampanno cakkavatti mahabbalo,
\nTāvatiṃsepi khebhetvā issaraṃ kārayissati.

[PTS Page 330] [\q 330/]

3777. Devabhuto manusso vā appabādho bhavissati,
\nPariggahaṃ vivajjetvā vyādhiṃ loke tarissati.

3778. Aparimeyye ito kappe okkākakulasambhavo,
\nGotamo nāma nāmena3- satthā loke bhavissati.

3779. Tassa dhammesu dāyado oraso dhammanimmito,
\nSabbāsave pariññāya nibbāyissatanāsavo.

3780. Kilese jhāpayitvāna taṇhāsotaṃ tarissati,
\nBakakulo4- nāma nāmena hessati satthusāvako.

3781. Idaṃ abhiññāya gotamo sakyapuṅgavo,
\nBhikkhusaṅghe nisīditvā etadagge ṭhapessati"

1. Pāniyayoggaṃ katvā, simu 2. Jambudipassa, syā 3. Gottena, machasaṃ 4. Bākulo, machasaṃ

[BJT Page 612] [\x 612/]

3782. Anomadassi bhagavā sayambhu lokanāyako,
\nVivekānuvilokanto mama’ssamamupāgami.

3783. Upāgataṃ mahāvīraṃ sabbaññuṃ lokanāyakaṃ,
\nSabbosadhena tappesiṃ pasanno sehi pāṇihi.

3784. Tassa me sukataṃ sukhette bijasampadā,
\nKhepetuṃ neva sakkomi tadā hi sukataṃ mama.

3785. Lābhā mama suladdhaṃ me yo’haṃ adadakkhi nāyakaṃ,
\nTena kammāvasesena pattombhi acalaṃ padaṃ.

3786. Sabbametaṃ abhiññāya gotamo sakyapuṅgavo,
\nBhikkhusaṅghe nisīditvā etadagge ṭhapesi maṃ.

3787. Aparimeyye ito kappe yaṃ kammamakariṃ tadā,
\nDuggatiṃ nābhijānāmi bhesajjassa idaṃ phalaṃ.

3788. Kilesā jhāpitā mayhaṃ bhavā sabbe samuhatā,
\nSabbesavā parikkhiṇā natthidāni punabbhavo.

3789. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3790. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bakakulo thero imā gathāyo abhāsitthāti.
\n- Bakakulattherassa apadānaṃ chaṭṭhaṃ. -

397. Girimānandattherāpadānaṃ.

3791. Bhariyā me kālakatā putto sivathikaṃ gato,
\nMātā pitā ca bhāta ca ekacitakamhi ḍayhare.

3792. Tena sokena santatto kiso paṇḍu ahosahaṃ,
\nCittakkhepo ca me āsi tena sokena aṭṭito.

[PTS Page 331] [\q 331/]

3793. Sokapallapareto’haṃ vanantamupasaṅkamiṃ,
\nPavattaphalaṃ bhuñjitvā rukkhamule vasāmahaṃ.

3794. Sumedho nāma sambuddho dukkhassa’ntakāro jino,
\nMamuddharitukāmo so āgacchi mama santike.

[BJT Page 614] [\x 614/]

3795. Padasaddaṃ suṇitvāna sumedhassa mahesino,
\nPaggahetvāna’haṃ sisiṃ ullokesiṃ mahāmuniṃ.

3796. Upagacchi mahāvīro1- piti me upapajjatha,
\nTadā’si mekaggamano disvāna taṃ lokanāyakaṃ.

3797. Satiṃ paṭilabhitvāna paṇṇamuṭṭhimadāsahaṃ,
\nNisīdi bhagavā tattha anukampāya cakkhumaṃ.

3798. Nisajja tattha bhagavā sumedho lokanāyako,
\nDhammaṃ me kathayi buddho sokasallavinodanaṃ.

3799. "Anavahitā tato āguṃ ananuññātā ito gatā,
\nYathā’gatā tathā gatā tattha kā paridevanā.

3800. Yathāpi pathikā sattā vassamānāya vuṭṭhiyā,
\nSabhaṇḍā upagacchanti vassassāpatanāya te.

3801. Vasse ca te oramite sampayanti yadicchakaṃ,
\nEvaṃ mātā pitā tuyhaṃ kattha kā paridevatā.

3802. Āgantukā pāhuṇakā caliteritakampitā,
\nEvaṃ mātā pitā tuyhaṃ tattha kā paridevatā.

3803. Yathāpi urago jiṇṇaṃ hitvā gacchati santacaṃ,
\nEvaṃ mātā pitā tuyhaṃ santuṃ idha hīyare"

3804. Buddhassa giramaññāya sokalassaṃ vivajjayiṃ,
\nPāmojjaṃ janayitvāna buddhaseṭṭhamavandihaṃ2,

3805. Vanditvāna mahānāgaṃ girimañajarimapujayiṃ3,
\nDibbagandhena sampannaṃ4- sumedhaṃ lokanāyakaṃ.

3806. Pujayitvāna sambuddhaṃ sire katvāna añjaliṃ,
\nAnussaraṃ guṇaggāni santhaviṃ lokanāyakaṃ.

[PTS Page 332] [\q 332/]

3807. Nittiṇṇosi5- mahāvīra sabbaññu lokanāyaka,
\nSabbe satte uddharasi ñāṇena tvaṃ mahāmune.

3808. Vimatiṃ dveḷahakaṃ cāpi sañachindasi mahāmuni,
\nPaṭipadesi me maggaṃ tava ñāṇena cakkhuma.

3809. Arahā siddhipattā ca6- chaḷabhiññā mahiddhikā,
\nAntalikkhacarā dhīrā parivārenti tāvade.

1. Upāgate mahāvire, machasaṃ 2. Buddhaseṭṭhaṃ avandahaṃ, machasaṃ 3. Pujayiṃ girimañajariṃ, machasaṃ 4. Dibbagandhaṃ sampavattaṃ, machasaṃ 5. Tittaṇehāsi, katthavi 6. Vasippantā ca, machasaṃ

[BJT Page 616] [\x 616/]

3810. Paṭipannā ca sekhā ca phalaṭṭhā santi sāvakā,
\nSurodayeva padumā pupphanti tava sāvakā.

3811. Yathā samuddo akkhobho1- atulo ca duruttaro2,
\nEvaṃ ñaṇena sampanno appameyyosi cakkhuma.

3812. Canditvāhaṃ lokajinaṃ cakkhamantaṃ mahāyasaṃ,
\nPuthu disā namassanto paṭikuṭiko agacachahaṃ.

3813. Devalokā cavitvāna sampajāno patissato,
\nOkkamiṃ mātuyā kucchiṃ sandhāvanto bhavābhave.

3814. Agārā abhinikkhamma pabbajiṃ anagāriyaṃ,
\nĀtāpi nipako jhāyī paṭisallānagocaro.

3815. Padhānaṃ padahitvāna tosayitvā mahāmuniṃ,
\nCandova’bbhaghanā mutto vicarāmi ahaṃ tadā.

3816. Vivekamanuyuttombhi upasanto nirūpadhi,
\nSabbāsave pariññāya viharāmi anāsavo.

3817. Tiṃsakappasahassambhi yaṃ buddhamabhipujayiṃ,
\nDuggatiṃ nābhijānāmi buddhapūjāyidaṃ phalaṃ.

3818. Kilesā jhāpitā mayhaṃ bhavā sabbe samuhatā,
\nSabbesavā parikkhiṇā natthidāni punabbhavo.

3819. Svāgataṃ vata me āsi mama buddhaseṭṭhassa santike,
\nTisso vijjā anuppattā kataṃ buddhassa sāsanaṃ.

3820. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā girimānando thero imā gathāyo abhāsitthāti.
\n- Girimānandattherassa apadānaṃ sattamaṃ. -

1. Mahāsamuddocakkhobho, machasaṃ 2. Atulopi duruttaro, machasaṃ

[BJT Page 618] [\x 618/]
\n[PTS Page 333] [\q 333/]

398. Salalamaṇḍapiyattherāpadānaṃ.

3821. Nibbute kakusandhambhi brāhmaṇambhi vusimati,
\nGahetvā salalaṃ mālaṃ maṇḍapaṃ kārayiṃ ahaṃ.

3822. Tāvatiṃsagato santo labhāmi vyambhamuttamaṃ,
\nAññe deve’tirocāmi puññakammassidaṃ phalaṃ.

3823. Divā vā yadi vā rattiṃ caṅkamanto ṭhito ca’haṃ,
\nChanno salalapupphehi puññakammassidaṃ phalaṃ.

3824. Imasmiṃ yeva kappambhi yaṃ buddhamabhipujayiṃ,
\nDuggatiṃ nābhijānāmi buddhapūjāyidaṃ phalaṃ.

3825. Kilesā jhāpitā mayhaṃ bhavā sabbe samuhatā,
\nSabbesavā parikkhiṇā natthidāni punabbhavo.

3826. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3827. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā salalamaṇḍapiyo thero imā gathāyo abhāsitthāti.
\n- Salalamaṇḍapiyattherassa apadānaṃ aṭṭhamaṃ. -

399. Sabbadāyakattherāpadānaṃ.

3828. Mahāsamuddaṃ ogayha bhavanaṃ me sunimmitaṃ,
\nSunimmitā pokkharaṇi cakkavākupakujitā1-

3829. Mandālakehi sañachannā padumuppalakehi ca,
\nNadi ca sandate tattha supatitthā manoramā.

3830. Macchakacchapasañachannā nānādijasamotthatā,
\nMayurakoñcābhirudā kokilādihi vagguhi.

3831. Pārevatā ravihaṃsā cakkavākā nadicarā,
\nDindibhā sāḷikā cettha pampakā2- jivajivakā.

3832. Haṃsā koñcābhinaditā3- kosiyā piṅgalā bahu,
\nSattaratanasampannā maṇimuttikavālukā.

3833. Sabbasoṇṇamayā rukkhā nānagandhasameritā,
\nUjjotenti divārattiṃ bhavanaṃ sabbakālikaṃ.

1. Cakkavākapakujitā, machasaṃ 2. Pammakā, machasaṃ 3. Koñcāpi naditā, machasaṃ

[BJT Page 620] [\x 620/]
\n[PTS Page 334] [\q 334/]

3834. Saṭṭhituriyasahassāni sāyaṃ pāto pavajjare,
\nSoḷasitthisahassāni parivārenti maṃ sadā.

3835. Abhinikkhamma bhavanā sumedhaṃ lokanāyakaṃ,
\nPasannacitto sumano vandayiṃ taṃ mahāyasaṃ.

3836. Sambuddhaṃ abhivādetvā sasaṅghaṃ taṃ nimantayiṃ,
\nAdhivāsesi so dhīro sumedho lokanāyako.

3837. Mama dhammakathaṃ katvā uyyojesi mahāmuni,
\nSambuddhaṃ abhivadetvā bhavanaṃ me upāgamiṃ.

3838. Āmantayiṃ parijanaṃ sabbe sannipatātha vo,
\nPubbanhasamayaṃ buddho bhavanaṃ āgamissati.

3839. Lābhā amhaṃ suladdhaṃ no ye vasāma tavantike,
\nMayampi buddhaseṭṭhassa pujaṃ kassāma satthuno.

3840. Annaṃ pānaṃ paṭṭhapetvā kālamārocayiṃ ahaṃ,
\nVasisatasahassehi upesi lokanāyako.

3841. Pañcaṅgikehi turiyehi paccuggamanamakāsahaṃ,
\nSabbasovaṇṇamaye piṭhe nasidi purisuttamo.

3842. Uparicchadanaṃ āsi sabbasoṇṇamayaṃ tadā,
\nVijaniyo pavāyanti bhikkhusaṅghassa antare.

3843. Pahutena’nnapānena bhikkhusaṃghamatappayiṃ,
\nPaccekadussayugale bhikkhusaṅghassa’dāsahaṃ.

3844. Yaṃ vadanti sumedhoti lokāhutipaṭiggahaṃ,
\nBhikkhusaṅghe nisīditvā imā gāthā abhāsatha.

3845. "Yo maṃ1- annena pātena sabbe ime ca tappayi2,
\nTamahaṃ kittayissāmi suṇātha mama bhāsato.

3846. Aṭṭhārase kappasate devaloke ramissati,
\nSahassakkhattuṃ rājā ca cakkavatti bhavissati.

3847. Upagacchati3- yaṃ yoniṃ devattaṃ atha mānusaṃ,
\nSabbadā sabbasovaṇṇaṃ chadanaṃ dhārayissati.

3848. Tiṃsakappasahassamhi okkākakulasambhavo,
\nGotamo nāma nāmena satthā loke bhavissati.

1. Me, machasaṃ 2. Tappayiṃ, machasaṃ 3. Upapajjati, machasaṃ

[BJT Page 622] [\x 622/]
\n[PTS Page 335] [\q 335/]

3849. Tassa dhammesu dāyādo oraso dhammanimmito,
\nSabbāsave pariññāya nibbāyisasatanāsavo1-

3850. Bhikkhusaṅghe nisīditvā sihanādaṃ nadissati
\nCitake chattaṃ dhārenti heṭṭhāchattambhi ḍayhatha.

3851. Sāmaññaṃ me anuppattaṃ kilesā jhāpitā mayā2,
\nMaṇḍape rukkhamule vā santāpo me na vijjati.

3852. Tiṃsakappasahassambhi yaṃ dānamadadiṃ tadā,
\nDuggatiṃ nābhijānāmi sabbadānassidaṃ phalaṃ.

3853. Kilesā jhāpitā mayhaṃ bhavā sabbe samuhatā,
\nSabbesavā parikkhiṇā vihārāmi anāsavo.

3854. Svāgataṃ vata me āsi mama buddhaṭṭhessa santike,
\nTisso vijjā anuppattā kataṃ buddhassa sāsanaṃ.

3855. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sabbadāyako thero imā gathāyo abhāsitthāti.
\n- Sabbadāyakattherassa apadānaṃ navamaṃ. -

400. Ajitattherāpadānaṃ.

3856. Padumuttaro nāma jino sabbadhammānapāragu,
\nAjjhogahetvā3- himavantaṃ nisīdi lokanāyako.

3857. Nā’haṃ addakkhiṃ sambuddhaṃ napi saddaṃ suṇomahaṃ,
\nMama bhakkhaṃ gavesanto ābhiṇḍāmi vane tadā.

3858. Tattha’ddasāsiṃ sambuddhaṃ khattiṃsavaralakkhaṇaṃ4,
\nDisvāna cittamāpajjaṃ5- satto ko nāma’yaṃ bhave’

3859. Lakkhaṇāni viloketvā mama vijjaṃ anussariṃ,
\nSutaṃ hi me’taṃ vuddhānaṃ paṇḍitānaṃ subhāsitaṃ.

3860. Tesaṃ yathā taṃ vacanaṃ ayaṃ buddho bhavissati,
\nYannunāhaṃ sakkareyyaṃ gatiṃ me sodhayissati.

3861. Khippaṃ assamamāgantvā madhutelaṃ gahiṃ ahaṃ,
\nKoḷambakaṃ gahetvāna upagacchiṃ narāsabhaṃ6,

3862. Tidaṇḍake gahetvāna upagacchiṃ abbhokāse ṭhapesahaṃ,
\nPadīpaṃ pajjaletvāna7- aṭṭhakkhattuṃ avandahaṃ.

1. Nibbāyissatināsavo, machasaṃ 2. Mama, simu 3. Ajjhogāhetvā machasaṃ 4. Davattiṃsavaralakkhaṇaṃ, machasaṃ 5. Cittināpajjiṃ, machasaṃ 6. Vināyakaṃ, machasaṃ 7. Pajjalitvāna, machasaṃ

[BJT Page 624] [\x 624/]
\n[PTS Page 336] [\q 336/]

3863. Sattarattindivaṃ buddho nisīdi purisuttamo,
\nTato ratyā vivasāne vuṭṭhāsi lokanāyako.

3864. Pasannacitto sumano sattarattindivaṃ ahaṃ,
\nDipaṃ buddhassa pādāsiṃ pasanno sehi pāṇihi.

3865. Sabbe vanā gandhamayā pabbate gandhamādane,
\nBuddhassa anubhāvena1- upagacchuṃ tadā jinaṃ2.

3866. Ye keci pupphagandhāse pupphitā dharaṇiruhā,
\nBuddhassa anubhāvena sabbe sannipatuṃ tadā.

3867. Yāvatā himavantambhi nāgā ca garuḷā ubho,
\nDhammañca sotukāmā te āgacchuṃ buddhasantikaṃ.

3868. Devalo nāma samaṇo buddhassa aggasavako,
\nVasisatasahassehi buddhasantikupāgami.

3869. Padumuttaro lokavidu āhutinaṃ paṭiggaho,
\nBhikkhusaṅghe nisīditvā imā gāthā abhāsatha.

3870. Yo me dipaṃ padipesi pasanno sehi pāṇihi,
\nTamahaṃ nittayissāmi suṇātha mama bhāsato.

3871. Saṭṭhakappasahassāni devaloke ramissati,
\nSahassakkhatuṃ rājā cacakkavatti bhavissati.

3872. Chattiṃsakkhattuṃ devindo devarajjaṃ karissati,
\nPaṭhaviyaṃ satatasataṃ vipulaṃ rajjaṃ karissati,
\nPadesarajjaṃ vipulaṃ gaṇanāte asaṅkhiyaṃ.

3873. Iminā dipadānena dibbacakkhu bhavissati,
\nSamantato aṭṭhakosaṃ3- passissati ayaṃ sadā.

3874. Devalokā cavantassa nibbattantassa jantuno,
\nDivā vā yadi vā rattiṃ padipaṃ dhārayissati.

3875. Jāyamānassa sattassa4- puññakammasamaṅgino,
\nYāvatā nagaraṃ hoti tāvatā jotayissati.

3876. Upapajjati yaṃ yoniṃ devattaṃ atha mānusaṃ,
\nAsseva dipadānassa aṭṭhadipaphalena hi,
\nNa jayissanti’maṃ5- jantu dipadānassadaṃ phalaṃ.

[PTS Page 337] [\q 337/]

3877. Kappasatasahassambhi okkākakulasambhavo,
\nGotamo nāma nāmena satthā loke bhavissati.

1. Ānubhāvena, sabbattha, 2. Āgacchuṃ buddhasantikaṃ, machasaṃ 3. Aḍḍhakosaṃ, simu 4. Āsi, machasaṃ 5. Upaṭṭhissanti maṃ jantuṃ, syā

[BJT Page 626] [\x 626/]

3878. Tassa dhammesu dāyādo oraso dhammanimmito,
\nSabbāsave pariññāya nibbāyissatanāsavo.

3879. Tosayitvāna sambuddhaṃ gotamaṃ sakyapuṅgavaṃ,
\nAjito nāma nāmena hessati satthusāvako.

3880. Saṭṭhikappasahassāni devaloke ramiṃ ahaṃ,
\nTatrāpi me dipasataṃ jotate sabbakālikaṃ.

3881. Devaloke manusse vā niddhāvanti pabhā mama,
\nBuddhaseṭṭhaṃ saritvāna bhiyo hāsaṃ janesahaṃ.

3882. Tusitā’haṃ cavitvāna okkamiṃ mātukucchiyaṃ,
\nJāyamānassa sattassa āloko vipulo ahu.

3883. Agārā abhinikkhamma pabbajiṃ anagāriyaṃ,
\nBācariṃ upasaṅkamma sissattaṃ ajjhupāgamiṃ.

3884. Himavante vasanenā’haṃ assosiṃ lokanāyakaṃ,
\nUttamatthaṃ gavesanto upagacchiṃ vināyakaṃ.

3885. Danto buddho dametāvi oghatiṇṇo nirūpadhi,
\nNibbāṇaṃ kathayi buddho sabbadukkhappamocanaṃ.

3886. Taṃ me āgamanaṃ sidadhaṃ tosito hi mahāmuni1,
\nTisso vijjā anuppattā kataṃ buddhassa sāsanaṃ.

3887. Satasahasse ito kappe2- yaṃ dipamadadiṃ tadā,
\nDuggatiṃ nābhijānāmi dipadānassidaṃ phalaṃ.

3888. Kilesā jhāpitā mayhaṃ bhavā sabbe samuhatā,
\nSabbesavā parikkhiṇā viharāmi anāsavo

3889. Svāgataṃ vata me āsi mama buddhassa santike,
\nTisso vijjā anuppattā kataṃ buddhassa sāsanaṃ.

3890. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ajito thero imā gathāyo abhāsitthāti.
\n- Ajitattherassa apadānaṃ dasamaṃ. -

1. Tositohaṃ mahāmuniṃ, machasaṃ tositohaṃ mahāmuni, simu 2. Satasahassito kappe, machasaṃ

[BJT Page 628] [\x 628/]

Uddānaṃ:
\nPiḷindivaccho so ca sabbakitti madhundado,
\nKūṭāgāri khakkulo cagiri salalasavhayo,
\n[PTS Page 338] [\q 338/]
\nSabbado ajito ceva gāthāyo gaṇitā iha,
\nSatāni pañca gāthānaṃ visati ca taduttari.

Piḷindivacchavaggo cattāḷisatimo.

Athavagguddānaṃ:
\nPadumārakkhado ceva ummā1- gandhodakena ca,
\nEkapadama saddasaññi mandāraṃ bodhi vandako,
\nAvaṇḍañca piḷindi ca gāthāyo gaṇitā pi ca2,
\nCatusattati gāthāyo ekādasa satāni ca.

Padumavaggadasakaṃ.

Catutthaṃ satakaṃ samattaṃ3-

1. Umā, machasaṃ
\n2. Iha, machasaṃ
\n3. Catutthasatakaṃ samattaṃ, machasaṃ