[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 510] [\x 510/]
\n[PTS Page 282] [\q 282/] 

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Saddasaññakavaggo

 

351. Saddasaññakattherāpadānaṃ.

3140. Migaluddo pure āsiṃ araññe kānate ahaṃ,
\nTatthadadasāsiṃ sambuddhaṃ devasaṅghapurakkhataṃ.

3141. Catusaccaṃ pakāsentaṃ uddharantaṃ mahājanaṃ,
\nAssosiṃ madhuraṃ vācaṃ karecikarutopamaṃ*

3142. Brahmassarassa munino sikhino lokabandhuno,
\nGhose cittaṃ pasādetvā pattombhi āsavakkhayaṃ.

3143. Ekatiṃse ito kappe yaṃ kammamakariṃ tadā,
\nDuggatiṃ nābhijānāmi pasādassa idaṃ phalaṃ.

3144. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saddasaññako thero imā gathāyo abhāsitthāti.
\n- Saddasaññakattherassa apadānaṃ paṭhamaṃ. -

352. Yavakalāpiyattherāpadānaṃ.

3145. Nagare aruṇavatiyā āsiṃ yāvasiko1- tadā,
\nPanthe disvāna sambuddhaṃ yavakalāpamavatthariṃ.

3146. Anukampako kāruṇiko sikhi lokagganāyako,
\nMama saṅkappamaññāya nisīdi yavasanthare.

3147. Disvā nisinnaṃ vimalaṃ mahājhāyiṃ vināyakaṃ,
\nPāmujjaṃ2- janayitvāna tattha kālakato ahaṃ.

3148. Ekatiṃse ito kappe yaṃ kammamakariṃ tadā,
\nDuggatiṃ nābhijānāmi yavatthare idaṃ phalaṃ.

3149. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā yavakalāpiyo thero imā gathāyo abhāsitthāti.
\n- Pavakalāpiyattherassa apadānaṃ dutiyaṃ. -

1. Yavasiko, sabbattha 2. Pāmojjaṃ, machasaṃ *karavikarudopamaṃ, machasaṃ

[BJT Page 512] [\x 512/]
\n[PTS Page 283] [\q 283/]

353. Kiṃsukapujakattherāpadānaṃ.

3150. Kiṃsukaṃ pupphitaṃ disvā paggahetvāna añjaliṃ,
\nBuddhaṃ saritvā siddhatthaṃ ākāse abhipujayiṃ.

3151. Catunavute ito kappe yaṃ pupphamabhipūjayiṃ,
\nDuggatiṃ nābhijānāmi buddapujāyidaṃ phalaṃ.

3152. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kiṃsukapujako thero imā gathāyo abhāsitthāti.
\n- Kiṃsakapujakattherassa apadānaṃ tatiyaṃ. -

354. Sakoṭakakoraṇḍadāyakattherāpadānaṃ.

3153. Akkantañca padaṃ disvā sikhino lokabandhuno,
\nEkaṃsaṃ ajinaṃ katvā padaseṭṭhaṃ avandahaṃ.

3154. Koraṇḍaṃ pupphitaṃ disvā pādapaṃ dharaṇiruhaṃ,
\nSakoṭakaṃ gahetvāna pade cakkamapūjayiṃ1-

3155. Ekatiṃse ito kappe yaṃ kammamakariṃ tadā,
\nDuggatiṃ nābhijānāmi padapujāyidaṃ phalaṃ.

3156. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sakoṭakakoraṇḍadāyako2-thero imā gathāyo abhāsitthāti.
\n- Sakoṭakakoraṇḍadāyakattherassa apadānaṃ catutthaṃ. -

355. Daṇḍadāyakattharāpadānaṃ.

3157. Kānanaṃ vanamogayha veḷuṃ chetvānahaṃ tadā,
\nĀlambataṃ gahetvāna3- saṅghassa adadaṃ ahaṃ.

3158. Tena cittappasādena subbate abhivādiya,
\nĀlambanampi datvāna pakkamiṃ uttarāmukho

1. Padacakkaṃ apūjayiṃ, machasaṃ 2. Sakosakakoraṇḍadāyako, machasaṃ 3. Karitvāna, machasaṃ

[BJT Page 514] [\x 514/]

3159. Catunavute ito kappe yaṃ daṇḍamadadiṃ tadā,
\nDuggatiṃ nābhijānāmi daṇḍadānassidaṃ phalaṃ.

3160. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā daṇḍadāyako thero imā gathāyo abhāsitthāti.
\n- Daṇḍadāyakattherassa apadānaṃ pañcamaṃ. -

[PTS Page 284] [\q 284/]

356. Ambayāgudāyakattherāpadānaṃ.

3161. Sataraṃsi nāma sambuddho sayambhu aparājito,
\nVuṭṭahitvā samādhimhā bhikkhāya maṃ upāgami.

3162. Paccekabuddhaṃ disvāna ambayāguṃ adāsahaṃ,
\nVippasannamanaṃ tassa vippasannena cetasā.

3163. Catunavute ito kappe yaṃ kammamakariṃ tadā,
\nDuggatiṃ nābhijānāmi ambayāguyidaṃ phalaṃ.

3164. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ambayāgudāyako thero imā gathāyo abhāsitthāti.
\n- Ambayāgudāyakattherassa apadānaṃ chaṭṭhaṃ. -

357. Supuṭakapujakattherāpadānaṃ.

3165. Divāvihārā nikkhanto vipassi lokanāyako,
\nBhikkhāya vicaranto so mama santikamupāgami.

3166. Kato patito sumano buddhaseṭṭassa tādino,
\nLoṇasupuṭakaṃ datvā kappaṃ saggamhi modahaṃ.

3167. Ekanavute ito kappe yaṃ supuṭakamadāsahaṃ,
\nDuggatiṃ nābhijānāmi puṭakassa idaṃ phalaṃ.

3168. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā supuṭakapujako thero imā gathāyo abhāsitthāti.
\n- Supuṭakapujakattherassa apadānaṃ sattamaṃ. -

[BJT Page 516] [\x 516/]

358. Mañcadāyakattharāpadānaṃ

3169. Vipassino bhagavato lokajeṭṭhassa tādino,
\nEkaṃ mañcaṃ mayā dinnaṃ pasannena sapāṇinā.

3170. Hatthiyānaṃ assayānaṃ dibbayānaṃ samajjhagaṃ,
\nTena mañcakadānena pattomhi āsavakkhayaṃ.

[PTS Page 285] [\q 285/]

3171. Ekanavute ito kappe yaṃ mañcamadadiṃ tadā,
\nDuggatiṃ nābhijānāmi mañcadānasasidaṃ phalaṃ.

3172. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā mañcadāyako thero imā gathāyo abhāsitthāti.
\n- Mañcadāyakattherassa apadānaṃ aṭṭhamaṃ. -

359. Saraṇagamaniyattherāpadānaṃ.

3173. Āruhimha tadā nāmaṃ bhikkhu cājivako cahaṃ,
\nNāvāya bhijjamānāya bhikkhu me saraṇaṃ adā.

3174. Ekatiṃse ito kappe yaṃ ca me saraṇaṃ adā,
\nDuggatiṃ nābhijānāmi saraṇagamane phalaṃ.

3175. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saraṇagamaniyo thero imā gathāyo abhāsitthāti.
\n- Saraṇagamaniyattherassa apadānaṃ navamaṃ. -

360. Piṇḍajapātikattherāpadānaṃ.

3176. Tisso nāmāsi sambuddho vihāsi vipite tadā,
\nTusitā hi idhāgantvā piṇḍapātamadāsahaṃ.

3177. Sambuddhamabhivādetvā tissaṃ nāma mahāyasaṃ,
\nSakaṃ cittaṃ pasādetvā tusitaṃ agamāsahaṃ.

3178. Dvenavute ito kappe yaṃ dānamadadiṃ tadā,
\nDuggatiṃ nābhijānāmi piṇḍapātassidaṃ phalaṃ.

3179. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā piṇaḍapātiko thero imā gathāyo abhāsitthāti.
\n- Piṇḍapātikattherassa apadānaṃ dasamaṃ. -

[BJT Page 518] [\x 518/]

Uddānaṃ:
\nSaddasaññi yavasiko kiṃsu koraṇḍapupphiyo
\nĀlambano ambayāgu supaṭī mañcadāyako
\nSaraṇa piṇḍapāto da gāthā tāḷisameva ca.

- Saddasaññakavaggo jattiṃsatimo. -