[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 498] [\x 498/]
\n[PTS Page 276] [\q 276/]

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Ekapadumiyavaggo

341. Ekapadumiyattherāpadānaṃ.

3074. Padumuttaro nāma jino sabbadhammāna pāragu,
\nBhavābhave vibhāvento tāresi janataṃ bahuṃ.

3075. Haṃsarājā tadā homi dijānaṃ pavaro ahaṃ,
\nJātassaraṃ samogayha kiḷāmi haṃsakiḷitaṃ.

3076. Padumuttaro lokavidu āhutinaṃ paṭiggaho,
\nJātassarassa upari āgacchi tāvado jano.

3077. Disvānahaṃ devadevaṃ sayambhuṃ lokanāyakaṃ,
\nVaṇṭe chetvāna padumaṃ satapattaṃ manoramaṃ.

3078. Mukhatuṇḍena paggayha pasanno lokanāyake,
\nUkkhipitvāna gagane buddhaseṭṭhamapujayiṃ.

3079. Padumuttaro lokavidu āhutinaṃ paṭiggaho,
\nAntalikkhe ṭhito satthā akā me anumodānaṃ:

3080. "Iminā ekapadumena cetanāpaṇidhīhi ca,
\nKappānaṃ satasahassaṃ vinipātaṃ na gacchasi"

3081. Idaṃ vavona sambuddho japajuttamanāmako,
\nMama kammaṃ pakittetvā agamā yena patthitaṃ.

[PTS Page 277] [\q 277/]

3082. Satasahasse ito kappe yaṃ kammamakariṃ tadā,
\nDuggatiṃ nābhijānāmi buddhapūjāyidaṃ phalaṃ.

3083. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā ekapadumiyo thero imā gathāyo abhāsitthāti.
\n- Ekadumiyattherassa apadānaṃ paṭhamaṃ. -

1. Gandhokapujani ca, [PTS] se 2. Gandhodakavaggo, [PTS] ma se

[BJT Page 500] [\x 500/]

342. Tiuppalamāliyattherāpadānaṃ. *

3084. Candabhāgānaditire ahosiṃ vānaro tadā,
\nAddasaṃ virajaṃ buddhaṃ nisinnaṃ pabbatantare.

3085. Obhāsentaṃ disā sabbā sālarājaṃva phullitaṃ,
\nLakkhaṇabyaṭajanupetaṃ disvā attamano ahuṃ.

3086. Udaggacitto sumano pitiyā haṭṭhamānaso,
\nTīṇi uppalapupphāni matthake abhiropayiṃ.

3087. Pupphāni abhiropetvā vipassissa mahesino,
\nSagāravo gavitvāna1- pakkamiṃ2- uttarāmukho.

3088. Gacchanto patikuṭiko vippasannena cetasā,
\nSelannare patitvāna3- pāpuṇiṃ jīvitakkhayaṃ.

3089. Tena kammena sukatena cetanāpaṇidhīhi ca,
\nJahitvā mānusaṃ dehaṃ tāvatiṃsaṃ agacchahaṃ.

3090. Satānaṃ tīṇikkhattuṭca devarajjamakārayiṃ,
\nTatānaṃ paṭcakkhattuñca cakkavattī ahosahaṃ.

3091. Ekanavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

3092. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā tiuppalamāliyo thero imā gathāyo abhāsitthāti.
\n- Tiuppalamāliyattherassa apadānaṃ dutiyaṃ. -

343. Dhajadāyakattherāpadānaṃ.

3093. Tisso nāma ahu satthā lokajeṭṭho narāsabho,
\nTassopadhikkhaye disvā dhajamāropitaṃ mayā.

3094. Tena kammena sukatena cetatāpaṇidhihi ca,
\nJahitvā mānusaṃ dehaṃ tāvatiṃsamagacchahaṃ.

[PTS Page 278] [\q 278/]

3095. Satānaṃ tīṇikkhattuṭca devarajjamakārayiṃ,
\nSatānaṃ paṭcakkhattuñca cakkavatti ahosahaṃ.

*. Tiṇuppalamāliyattherāpaadānaṃ, machasaṃ 1. Bhavitvāna, machasaṃ 2. Pakkāmiṃ, machasaṃ 3. Papatitvā, syā

[BJT Page 502] [\x 502/]

3096. Padesarajjaṃ vipulaṃ gaṇanāto asaṅkhiyaṃ,
\nAnubhomi sakaṃ kammaṃ pubbe sukatamattano.

3097. Dvenanute ito kappe yaṃ kammamakariṃ tadā,
\nDuggatiṃ nābhijānāmi dhajadānassidaṃ phalaṃ.

3098. Icchamāno’vahaṃ ajja sakānanaṃ sapabbataṃ,
\nKhomadussena chādeyyaṃ tadā mayhaṃ kate phalaṃ.

3099. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā dhajadāyako thero imā gathāyo abhāsitthāti.
\n- Dhajadāyakattherassa apadānaṃ tatiyaṃ. -

344. Tikiṅkiṇipujakattherāpadānaṃ.

3100. Hivamantassāvidure bhūtagaṇo nāma pabbato,
\nTatthadadasaṃ paṃsukūlaṃ dumaggamhi vilaggitaṃ.

3101. Tīṇi kiṅkiṇupupphāni ocinitvā ahaṃ tadā,
\nHaṭṭho haṭṭhena cittena paṃsukulamapujayiṃ.

3102. Ekatiṃse ito kappe yaṃ kammamakariṃ tadā,
\nDuggatiṃ nābhijānāmi tiṇṇaṃ pupphānidaṃ phalaṃ.

3103. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā tikiṅkiṇipujako thero imā gathāyo abhāsitthāti.
\n- Tikiṅkiṇipujakattherassa apadānaṃ catutthaṃ. -

345. Naḷāgārikattherāpadānaṃ.

3104. Himavantassa avidūre hārito nāma pabbato,
\nSayambhu nārado rukkhamule visi tadā

3105. Naḷāgāraṃ karitvāna tiṇena chādayiṃ ahaṃ,
\nCaṅkamaṃ sodhayitvāna sayambhussa adāsahaṃ.

3106. Catuddasasu kappesu devaloke ramiṃ ahaṃ,
\nCatusattatikkhattuṭca devarajjamakārayiṃ.

[BJT Page 504] [\x 504/]
\n[PTS Page 279] [\q 279/]

3107. Sattasattatikkhattuṭca1- cakkavatti ahosahaṃ,
\nPadesarajjaṃ vipulaṃ gaṇanāto asaṅkhiyaṃ.

3108. Ubbiddhaṃ bhavanaṃ mayhaṃ indalaṭṭiva uggataṃ,
\nSahassathambhaṃ atulaṃ vimānaṃ sapabhasasaraṃ.

3109. Dve sampatti anubhotvā sukkamūlena codito,
\nGotamassa bhagavato sāsane pabbajiṃ ahaṃ.

3110. Padhānapabhitattomhi upasanto nirūpadhi,
\nNāgova bandhanaṃ chetvā viharāmi anāsavo.

3111. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā nāḷāgāriko thero imā gathāyo abhāsitthāti.
\n- Nāḷāgārikattherassa apadānaṃ paṭcamaṃ. -

346. Campakapupphiyattherāpadānaṃ.

3112. Himavantassa avidūre cāpalo2- nāma pabbato,
\nBuddho sudassano nāma vihāsi pabbatantare.

3113. Pupphaṃ hevamataṃ3- gayha gacchaṃ vehāsenahaṃ,
\nAddasaṃ virajaṃ buddhaṃ oghatiṇṇamanāsavaṃ.

3114. Satta campakapupphāni sīse katvānahaṃ tadā,
\nBuddhassa abhiropesiṃ sayambhussa mahesino.

3115. Ekatiṃse ito kappe yaṃ pupphamabhipūjayiṃ, 4-
\nDuggatiṃ nābhijānāmi buddhapūjāyidaṃ phalaṃ.

3116. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā campakapupphiyo thero imā gathāyo abhāsitthāti.
\n- Campakapupphiyattherassa apadānaṃ chaṭṭhaṃ. -

347. Padumapujakattherāpadānaṃ.

3117. Himavantassa avidūre romaso nāma pabbato,
\nBuddhopi samanave nāma abbhokāse vasi tadā.

3118. Bhavanā nikkhamitvāna padumaṃ dhārayiṃ ahaṃ,
\nEkāhaṃ dhārayitvāna puna bhavanamupāgamiṃ.

1. Catusattatatikkhattuṭca, machasaṃ 2. Chāpalo, syā jāpalo, machasaṃ
\n3. Hemavantaṃ, machasaṃ 4. Pupphamabhiropayiṃ, machasaṃ

[BJT Page 506] [\x 506/]
\n[PTS Page 280] [\q 280/]

3119. Ekanavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

3120. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā padumapujako thero imā gathāyo abhāsitthāti.
\n- Padumapujakattherassa apadānaṃ sattamaṃ. -

348. Tiṇamuṭṭhidāyakattherāpadānaṃ.

3121. Himavantassa avidūre lambako nāma pabbato,
\nUpatisso nāma sambuddho abbhokāsamhi caṅkami.

3122. Migaluddo tadā āsiṃ araṭñe kānane ahaṃ,
\nDisvāna taṃ devadevaṃ sayambhuṃ aparājitaṃ.

3123. Vippasannena cittena tadā tadada mahesino,
\nNisidanatthaṃ buddhassa tiṇamuṭṭhimadāsahaṃ.

3124. Datvāna devadevassa bhiyyo cittaṃ pasādayiṃ,
\nSambuddhamabhivādetvā sakkāmiṃ uttarāmukho.

3125. Aciraṃ gatamattaṃ maṃ migarājā aheṭhayī1,
\nSihena pātito2- santo tattha kālakato ahaṃ.

3126. Āsanne me kataṃ kammaṃ buddhaseṭṭhe anāsave,
\nSumutto saravegova devalokamagacchahaṃ.

3127. Yupo tattha subho āsi puṭñakammābhinimmito,
\nSahassakaṇḍo satabheṇḍu dhajālu haritāmayo.

3128. Pabhā niddhāvate tassa sataraṃsiva uggato,
\nĀkiṇṇo devakaṭñābhi āmodiṃ kāmakāmahaṃ.

3129. Devalokā cavitvāna sukkamūlena codito,
\nĀgantvāna manussattaṃ pattomhi āsavakkhayaṃ.

3130. Catunavute ito kappe nisidanamadāsahaṃ,
\nDuggatiṃ nābhijānāmi tiṇamuṭṭhisasidaṃ phalaṃ.

3131. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā tiṇamuṭṭhidāyako thero imā gathāyo abhāsitthāti.
\n- Tiṇamuṭṭhidāyakattherassa apadānaṃ aṭṭhamaṃ. -

1. Apothayi, machasaṃ 2. Pothito, machasaṃ

[BJT Page 508] [\x 508/]
\n[PTS Page 281] [\q 281/]

349. Tindukaphaladāyakattherāpadānaṃ.

3132. Kaṇikāraṃva jotantaṃ nisinnaṃ pabbatantare,
\nAddasaṃ virajaṃ buddhaṃ oghatiṇṇamanāsavaṃ.

3133. Tindukaṃ saphalaṃ disvā bhinditvāna sakeṭakaṃ, 1-
\nPasannacitto sumano vessabhussa adāsahaṃ.

3134. Ekanavute ito kappe yaṃ phalamadadiṃ tadā,
\nDuggatiṃ nābhijānāmi phaladānassidaṃ phalaṃ.

3135. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā tindukaphaladāyako thero imā gathāyo abhāsitthāti.
\n- Tindukaphaladāyakattherassa apadānaṃ navamaṃ. -

350. Ekaṭajaliyattherāpadānaṃ

3136. Revato2- nāma sambuddho nadikule vasī tadā,
\nAddasaṃ virajaṃ buddhaṃ pitaraṃsiṃva bhānumaṃ.

3137. Ukkāmukhapahaṭṭhaṃva khadiraṅgārasannibhaṃ,
\nOsadhiṃva virocantaṃ ekaṭajalimakāsabhaṃ.

3138. Catunavute ito kappe yamaṭajalimakāsahaṃ,
\nDuggatiṃ nābhijānāmi aṭajaliyā idaṃ phalaṃ.

3139. Paṭisambhidā catasso vimokkhāpi ca aṭṭhime,
\nChaḷabhiṭñā sacchikatā kataṃ buddhassa sāsanaṃ

Itthaṃ sudaṃ āyasmā ekaṭajaliyo thero imā gathāyo abhāsitthāti.
\n- Ekaṭajaliyattherassa apadānaṃ dasamaṃ. -

Uddānaṃ:
\nPadumi uppalamāli dhajo niṅkiṇiko nāḷo
\nCampako padumo muṭṭi tindukakeṭajali tathā
\nCha ca saṭṭhi ca gāthāyo gaṇitāyo vibhāvihi.

- Ekapadumiyavaggo paṭcatiṃsatimo.

1. Sakosakaṃ, machasaṃ
\n2. Romaso, machasaṃ
\n