[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 476] [\x 476/]
\n[PTS Page 267] [\q 267/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Gandhadhupiyavaggo

 

331. Gandhadhupiyattherāpadānaṃ.

2931. Siddhatthassa bhagavato gandhadhupamadāsahaṃ,
\nSumanehi paṭicchannaṃ buddhānucchavikañca taṃ.

2932. Kañcanagaghiyasaṅkā saṃ sambuddhaṃ lokanāyakaṃ1-,
\nIndivaraṃva jalitaṃ ādittaṃva hutāsanaṃ.

2933. Vyagghusabhaṃva pavaraṃ abhijātaṃva kesariṃ,
\nNisinnaṃ samaṇānaggabhikkhusaṅghapurakkhataṃ

2934. Disvā cittaṃ pasādetvā paggahetvāna añaliṃ,
\nVanditvā satthuno pāde pakkāmiṃ uttarāmukho.

2935. Catunavute ito kappe yaṃ gandhamadadiṃ tadā,
\nDuggatiṃ nābhijānāmi gandhapujāyidaṃ phalaṃ.

2906. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gandhadhupiyo thero imā gathāyo abhāsitthāti.
\n- Gandhadhupiyattherassa apadānaṃ paṭhamaṃ. -

1. Buddhaṃ lokagganāyakaṃ, machasaṃ

[BJT Page 478] [\x 478/]
\n[Verse 2937 to 2969 missing in PTS]

332. Udakapujakattherāpadānaṃ.

2937. Suvaṇṇavaṇṇaṃ sambuddhaṃ gacchantaṃ anilañajase,
\nGhatāsanaṃva jalitaṃ ādittaṃva hutāsanaṃ.

2938. Pāṇinā udakaṃ gayha ākase ukkhipiṃ ahaṃ,
\nSampaṭicci mahāvīro buddho kāruṇiko isi.

2939. Antalikkhe ṭhito satthā padumuttaranāmako,
\nMama saṅkappamaññāya imaṃ gāthamabhāsatha:

2940. "Iminā dakadānena pitiupapādenena ca,
\nKappasatasahassampi duggatiṃ nupapajjasi".

2941. Tena kammena dipadinda lokajeṭṭa narāsabha,
\nPattomhi acalaṃ ṭhānaṃ hitvā jayaparājayaṃ.

2942. Sahassarājanāmenana tayoca cakkavattino,
\nPañcasaṭṭhikappasate cāturantā janādhipā.

2943. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā udakapujako thero imā gathāyo abhāsitthāti.
\n- Udakapujakattherassa apadānaṃ dutiyaṃ. -

333. Punnāgapupphiyattherāpadānaṃ.

2944. Kānanaṃ vanamogayha vasāmi luddako ahaṃ,
\nPunnāgaṃ pupphitaṃ disvā buddhaseṭaṭhaṃ anussariṃ.

2945. Taṃ pupphaṃ ocinitvāna sugandhaṃ gandhitaṃ subhaṃ,
\nThupaṃ karitvā1- puline buddhassa abhiropayiṃ.

2946. Dvenavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2947. Ekambhi navute kappe eko āsiṃ tamonudo,
\nSattaratanasampanno cakkavattī mahabbalo.

2908. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā puntāgapupphiyo thero imā gathāyo abhāsitthāti.
\n- Punnāgapupphiyattherassa apadānaṃ tatiyaṃ. -

1. Katvāna, machasaṃ

[BJT Page 480] [\x 480/]

334. Ekadussadāyakattherāpādanaṃ.

2949. Nagare haṃsavatiyā ahosiṃ tiṇahārako,
\nTiṇahārena jivāmi tena posemi dārake.

2950. Padumuttaro nāma jino sabbadhammānapāragu,
\nTamandhakāraṃ nāsetvā uppajji lokanāyako.

2951. Sake ghare nisīditvā evaṃ cintesahaṃ tadā,
\nBuddho loke samuppanno deyyadhammo ca natthi me.

2952. Idaṃ me sāṭakaṃ ekaṃ natthi me koci dāyako,
\nDukkho nirasayasamphasso ropayissāmi dakkhiṇaṃ.

2953. Evā’haṃ cintayitvāna sakaṃ cittaṃ pasādayiṃ,
\nEkaṃ dussaṃ gahetvāna buddhaseṭṭhassadāsahaṃ.

2954. Ekaṃ dussaṃ daditvāna ukkuṭṭhiṃ sampavattayiṃ,
\nYadi buddho tuvaṃ vīra tārehi maṃ mahāmuni.

2955. Padumuttaro lokavidu āhutinaṃ paṭiggaho,
\nMama dānaṃ pakittetto akā me anumodanaṃ:

2956. "Iminā ekadussena cetanāpaṇidhīhi ca,
\nKappasatahassāni vinipātaṃ na gacchati.

2957. Chattiṃsakkhattuṃ devindo devarajjaṃ karissati,
\nTettiṃsakkhattuṃ rajā ca cattavatti bhavissati.

2958. Padesarajjaṃ vipulaṃ gaṇanato asaṃkhiyaṃ,
\nDevaloke manusse vā saṃsaranto tuvaṃ bhave.

2959. Rūpavā guṇasampanno anavakkantadehavā,
\nAkkhobhaṃ amitaṃ dussaṃ labhisasi yadicchakaṃ"

2960. Idaṃ vatvāna sambuddho jalapujattamanāmako,
\nTabhaṃ abbhuggami dhīro haṃsarājāva ambare.

2961. Yaṃ yaṃ yonupapajjāmi devatataṃ atha mānusaṃ,
\nBhoge me ūnatā natthi ekadussassidaṃ phalaṃ.

2962. Paduddhāre paduddhāre dussaṃ nibbattate mama,
\nHeṭṭhādusamhi tiṭṭhāmi uparicchadataṃ mama.

2963. Cakkavāḷamupādāya sakānanaṃ sapabbataṃ,
\nIcchamāno ca’ haṃ ajja dussehi chādayeyya’haṃ.

[BJT Page 482] [\x 482/]

2964. Teneva ekadussena saṃsaranno bhavābhave,
\nSuvaṇṇavaṇṇo hutvāna saṃsarāmi bhavābhave.

2965. Vipākaṃ ekadussassa nājjhagaṃ kathevikkhayaṃ,
\nAyaṃ me antimā jāti vipaccati idhāpi me.

2966. Satasahasse ito kappe yaṃ dussamadadiṃ tadā,
\nDuggatiṃ nābhijānāmi ekadussassidaṃ phalaṃ.

2967. Kilesā jhapitā mayhaṃ bhavā sabbe samuhatā,
\nNāgo’va bandhanaṃ chetvā viharāmi anāsavo.

2968. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekadussadāyako thero imā gathāyo abhāsitthāti.
\n-Ekadussadāyakattherassa apadānaṃ catutthaṃ. -

[PTS Page 268] [\q 268/]

335. Phusitakampiyattherāpadānaṃ.

2969. Vipassi nāma sambudedhā lokajeṭṭho narāsabho,
\nKhiṇāsavehi sahito saṅghārāme vasi tadā.

2970. Ārāmadvārā nikkhamma vipassi lokanāyako,
\nSaha satasahassehi aṭṭhakhiṇāsavehi tu1-

2971. Ajānena nivattho’haṃ vākaciradharo’pi ca,
\nKusumbhodakamādāya2- sambuddhaṃ upasaṅkamiṃ.

2972. Sakaṃ cittaṃ pasādetvā vedajāto katañajali,
\nKusumbhodakamādāya2- buddhambubhukkiriṃ ahaṃ.

2973. Tena kammena sambuddho jalajuttamanāmako,
\nMama kammaṃ pakittetvā agamā yena patthitaṃ.

2974. Phusitā pañcasahassā yehi pujesahaṃ tadā3,
\nAḍḍhateyyasahasesa hi devarajjaṃ akārayiṃ.

2975. Aḍḍhateyyasahasse hi cakkavatti ahosabhaṃ,
\nAvasesena kamemana arahattamapāpuṇiṃ.

2976. Devarājā yadā bhomi manujādhipati yadā,
\nTameva nāmadheyaṃ me phusito nāma homa’haṃ.

1. So, machasaṃ 2. Kusumodaka, machasaṃ 3. Jinaṃ, machasaṃ

[BJT Page 484] [\x 484/]

2977. Devabhūtassa santassa athāpi mānusasa vā,
\nSamantā vyāmato mayhaṃ phusitaṃva pavassati.

2978. Bhavā ugghāṭitā mayhaṃ kilesā jhāpitā mama,
\nSabbāsavaparikkhiṇo phusitassa idaṃ phalaṃ.

2979. Candanasesva me kāyā tathā gandho pavāyati,
\nSāririko mamaṃ1- gajho aḍḍhakose pavāyati.

2980. Dibbagandhaṃ sampavantaṃ puññakammasamaṅginaṃ,
\nGandhaṃ ghatvāna jānatti phusito āgato idha.

[PTS Page 269] [\q 269/]

2981. Sākhāpalāsa kaṭṭhāni tiṇāni pi ca sabba so,
\nMama saṅkappamaññāya gandho sampajjate khaṇe.

2982. Satasahasse ito kappe candanaṃ abhipujayiṃ,
\nDuggatiṃ nābhijānāmi phusitassa idaṃ phalaṃ.

2983. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā phusitakampiyo thero imā gathāyo abhāsitthāti.
\n- Phusitakampiyattherassa apadānaṃ pañcamaṃ. -

336. Sabhaṅkarattherāpadānaṃ.

2984. Padumuttarassa bhagavato2- lokajeṭṭhassa tādino,
\nVipine cetiyaṃ āsi vāḷamigasamākule.

2985. Na koci visahi gantuṃ cetiyaṃ abhivandituṃ,
\nTiṇakaṭṭhalatonaddhaṃ paluggaṃ āsi cetiyaṃ.

2986. Vanakammiko tadā āsiṃ pitupetāmahena’haṃ3,
\nAddasaṃ vipine thupaṃ luggaṃ tiṇalatākulaṃ.

2987. Disvānāhaṃ buddhathupaṃ garucittaṃ upaṭṭhahiṃ,
\n"Buddhaseṭṭhassa thupo’yaṃ paluggo acchati vane.

2988. Nacchannaṃ nappatirūpaṃ jānantassa guṇāguṇaṃ,
\nBuddhathupamasodhetvā aññaṃ kammaṃ payojaye"

2989. Tiṇaṃ kaṭṭhañca4- valliñca sodhayitvāna cetiye,
\nVanditvā aṭṭhavārāni patikuṭiko agacchahaṃ.

1. Sāririko mama. Machasaṃ 2. Padumattara bhagavato, machasaṃ 3. Pitumātumatenahaṃ, machasaṃ 4. Tiṇakaṭṭhañca, machasaṃ

[BJT Page 486] [\x 486/]

2990. Tena kammena sukatena vetanāpaṇidhihi ca,
\nJahitvā mānusaṃ dehaṃ tāvatiṃsamagacchahaṃ.

2991. Tattha me sukataṃ myamhaṃ sovaṇṇaṃ sappabhassaraṃ,
\nSaṭṭhiyojanamubbedhaṃ tiṃsayojanavitthataṃ.

2992. Tisatāni ca vārāni devarajjamakārayiṃ,
\nPañcavisatikkhattuñca cakkavatti ahosa’haṃ.

2993. Bhavābhave saṃsaranto mahābhogaṃ labhāmahaṃ,
\nBhoge me ūnatā natthi sodhanāya idaṃ phalaṃ

[PTS Page 270] [\q 270/]

2994. Sivikā hatthikkhandhena vipine gacchato mama,
\nYaṃ yaṃ disāhaṃ gacchāmi saraṇaṃ sampajjate1- vanaṃ.

2995. Khāṇuṃ vā kaṇṭakaṃ vāpi nāhaṃ passāmi cakkhunā,
\nPuññakammena saṃyutto sayamevāpaniyare.

2996. Kuṭṭhaṃ gaṇḍi kilāso ca apamāro vitacchikā,
\nDadduṃ kacchu ca me natthi sodhanāya idaṃ phalaṃ.

2997. Aññampi me acchariyaṃ buddhathupamhi sodhite2,
\nNābhājānāmi me kāye jātaṃ pilakabindukaṃ.

2998. Aññampi me acchariyaṃ buddhathupamhi sodhite,
\nDuve bhave saṃsarāmi devatte
\n2999. Aññampi me acchariyaṃ buddhathupamhi sodhite,
\nSuvaṇṇavaṇṇo sabbattha sappabhāsā bhavāmahaṃ.

3000. Aññampi me acchariyaṃ buddhathupamhi sodhite,
\nAmanāpaṃ vipajjati manāpaṃ upiṭṭhati.

3001. Aññampi me acchariyaṃ buddhathupamhi sodhite
\nVisuddhaṃ hoti me cittaṃ ekaggaṃ susamāhitaṃ.

3002. Aññampi me acchariyaṃ buddhathupamhi sodhite
\nEkāsane nisīditvā arahattamapāpuṇiṃ.

3003. Satasahasse ito kappe yaṃ kammamakariṃ tadā,
\nDuggatiṃ nābhijānāmi sodhanāya idaṃ phalaṃ.

3004. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pahaṅkaro thero imā gathāyo abhāsitthāti.
\n- Pahaṅkarattherassa apadānaṃ chaṭṭhaṃ. -

1. Sampate, machasaṃ 2. Budadhathupassa sodhane, sīmu

[BJT Page 488] [\x 488/]

337. Tiṇakuṭidāyakattherāpadānaṃ.

3005. Nagare bandhumatiyā ahosiṃ parakammiko,
\nParakammāyane yutto parabhattaṃ apassino.

3006. Rahogato nisīditvā evaṃ cintesahaṃ tadā,
\n"Buddho loke samuppanno adhikāro ca natthi me.

[PTS Page 271] [\q 271/]

3007. Kālo gatiṃ1- sodhetuṃ khaṇo me paṭipādito,
\nDukkho nirayasamphasso apuññānaṃ hi pāṇinaṃ"

3008. Evāhaṃ cintayitvāna kammasāmiṃ upāgamiṃ,
\nEkāhaṃ kammaṃ yācitvā vipinaṃ pāvisiṃ ahaṃ.

3009. Tiṇakaṭṭhañca valliñcaña āharitvāna’haṃ tadā,
\nTidaṇḍake ṭhapetvāna akaṃ tiṇakuṭiṃ ahaṃ.

3010. Saṅghassatthāya kuṭikaṃ niyyātetvāna taṃ ahaṃ,
\nTadaheyeva āgantvā kammasāmiṃ upāgamiṃ.

3011. Tena kammena sukatena tāvatiṃsamagacchahaṃ,
\nKattha me sukataṃ vyamhaṃ tiṇakuṭikāya nimmitaṃ2-

3012. Sahassakaṇḍaṃ satabheṇḍu dhajālu haritāmayaṃ3,
\nSatasahassaniyyuhā vyamhe pātubhaviṃsu me.

3013. Yaṃ yaṃ yonupapajjāmi devattaṃ atha mānusaṃ,
\nMama saṅkappamaññāya pāsādo upatiṭṭhati.

3014. Bhayaṃ vā chambhitattaṃ lomahaṃso na vijjati,
\nTāsaṃ mama na jānāmi tiṇakuṭikāyi’daṃ phalaṃ.

3015. Sīhavyagghā ca dipi ca acchakokataracchakā,
\nSabbe maṃ parivajjenti tiṇakuṭikāyi’daṃ phalaṃ

3016. Siriṃsapā4- ca bhūtā ca abhikumbhaṇḍarakkhasā,
\nTe pi maṃ parivajejanati tiṇakuṭikāyi’daṃ phalaṃ.

3017. Na pāpasupinassā’haṃ5- sarāmi dassanaṃ mama,
\nUpaṭṭhitā sati mayhaṃ tiṇakuṭikāyi’daṃ phalaṃ.

3018. Tāyeva tiṇakuṭikāya anubhotvāna sampadā,
\nGotamassa bhagavato dhammaṃ sacchikariṃ ahaṃ.

1. Kālo me gatiṃ, machasaṃ 2. Kuṭikāya sunimmitaṃ, machasaṃ 3. Sahassakaṇḍo satabheṇḍu dhajāluharitāmayo, simu 4. Sarisapā, machasaṃ 5. Na pāpasupinasasāni, machasaṃ.

[BJT Page 490] [\x 490/]

3019. Ekanavute ito kappe yaṃ kammamakariṃ tadā,
\nDuggatiṃ nābhijānāmi tiṇakuṭikāyi’daṃ phalaṃ.

3020. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tiṇakuṭidāyako thero imā gathāyo abhāsitthāti.
\n- Tiṇaduṭidāyakattherassa apadānaṃ sattamaṃ. -

[PTS Page 272] [\q 272/]

338. Uttareyyadāyakattherāpadānaṃ.

3021. Nagare haṃsavatiyā ahosiṃ brāhmaṇo tadā,
\nAjjhāyako mantadharo tiṇṇaṃ vedāna pāragu.

3022. Purakkhato sasissehi jātimā ca susikkhito,
\nToyābhisevanatthāya nagarā nikkhamiṃ tadā.

3023. Padumuttaro nāma jino sabbadhammāna pāragu,
\nKhiṇāsavasahassehi nagaraṃ pāvisi jino.

3024. Suvārurūpaṃ disvāna anejakāritaṃ1- viya,
\nParivutamarahantehi disvā cittaṃ pasādayiṃ.

3025. Sirasi2- añjaliṃ katvā namassitvāna subbataṃ,
\nPasannacitto sumano uttariyamadāsahaṃ.

3026. Ubho satthehi paggayha sāṭakaṃ ukkhipiṃ ahaṃ,
\nYāvatā buddhaparisā tāva chādesi pāṭako.

3027. Piṇḍacāraṃ carantassa mahābhikkhugaṇādino,
\nChadaṃ karonto aṭṭāsi hāsayanto mamaṃ tadā.

3028. Gharato nikkhamantassa sayambhu aggapuggalo,
\nVithiyaṃva ṭhito satthā akā me3- anumodanaṃ.

3029. "Pasannacitto sumano yo me pādāsi sāṭakaṃ,
\nTamahaṃ kittayissāmi suṇotha mama bhāsato.

3030. Tiṃsakappasahassāni devaloke ramisasti,
\nPaññāsakkhattuṃ devindo devarajjaṃ karissati.

3031. Devaloke vasantassa puññakammasamaṅgino,
\nSamantā yojanasataṃ dusasacchannaṃ bhavissati.

3032. Chattiṃsakkhatatuṃ rājā ca cakkavatti bhavissati,
\nPadesarajjaṃ vipulaṃ gaṇanāto asaṃkhiyaṃ.

1. Aneñajakāritaṃ, machasaṃ 2. Sirasmiṃ, machasaṃ 3. Akāsi anumodanaṃ, syā

[BJT Page 492] [\x 492/]

3033. Bhave saṃsaramānassa puññakammasamaṅgino,
\nManasā patthitaṃ sabbaṃ nibbattissati tāvade.

3034. Koseyyakambaliyāni khomakappāyikāni ca,
\nMahagghāni ca dussāni paṭilacchatayaṃ naro1-

[PTS Page 273] [\q 273/]

3035. Manasā patthitaṃ sabbaṃ paṭilacchatayaṃ naro,
\nEkadussassa vipākaṃ anubhossati sabbadā.

3036. So pacchā pabbajitvāna sukkamūlena codito,
\nGotamassa bhagavato dhammaṃ sacchikarissati"

3037. Aho me sukataṃ kammaṃ sabbaññussa mahesino,
\nEkāhaṃ sāṭakaṃ datvā pattomhi amataṃ padaṃ.

3038. Maṇḍapepa rukkhamule vā vasato suññake ghare,
\nDhāreti dussachadanaṃ samantā vyāmato mama.

3039. Aviññattaṃ nivāsemi cīvaraṃ paccayañca’haṃ,
\nPābhi2- antassa pānassa uttareyyasasidaṃ phalaṃ

3040. Sattahasse ito kappe yaṃ kammamakariṃ tadā,
\nDuggatiṃ nābhijānāmi vanthadānassidaṃ phalaṃ.

3041. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā uttareyyadāyako thero imā gathāyo abhāsitthāti.
\n- Uttareyyadāyakattherassa apadānaṃ aṭṭhamaṃ. -

339. Dhammasavaṇiyattherāpadānaṃ.

3042. Padumuttaro nāma jino sabbadhammāna pāragu,
\nCatusaccaṃ pakāsento santāresi bahuṃ janaṃ.

3043. Ahaṃ tena samayena jaṭilo uggatāpano,
\nDhunanto vākacirāni gacchāmi ambare tadā.

3044. Buddhaseṭṭhassa upari gantuṃ na visahāmahaṃ,
\nPakkhiva selamāsajja3- gamanaṃ nālabhiṃ4- tadā,

3045. Na me idaṃ bhūtapubbaṃ iriyassa vikopanaṃ,
\nDake yathā ummujjitvā evaṃ gacchāmi ambare.

1. Paṭilacchatiyaṃ naro, machasaṃ 2. Lābhimhi, syā 3. Selamāpajja, 4. Na labhāmahaṃ, machasaṃ

[BJT Page 494] [\x 494/]
\n[PTS Page 274] [\q 274/]

3046. Uḷārabhuto manujo heṭṭhāsino bhavissati,
\nHandamenaṃ gavesissaṃ api atthaṃ labheyyahaṃ.

3047. Orohanto antalikkhā sadadamassosiṃ satthuno,
\nAniccataṃ kathentassa tamahaṃ uggahiṃ tadā.

3048. Aniccasaññamuggayha agamāsiṃ mamassamaṃ,
\nYāvatāyuṃ vasitvāna tattha kālakato ahaṃ.

3049. Carime catatamānambhi taṃ dhammasamaṇaṃ sariṃ,
\nTena kammena sukatte tāvatiṃsamagacchahaṃ.

3050. Tiṃsakappasahassāni devaloke ramiṃ ahaṃ,
\nEkapaññāyakkhattañca devarajjamakārayiṃ.

3051. Ekasattakikkhattuñca cakkavatti ahosahaṃ,
\nPadesarajjaṃ vipulaṃ gaṇanāto asaṅkhiyaṃ.

3052. Pitu gehe1- nisīditvā samaṇo bhāvitindriyo,
\nGāthāya paridīpento aniccatamudāhari2,

3053. Anussarāmi taṃ saññaṃ saṃsaranto bhavābhave,
\nNa koṭiṃ paṭivijjhāmi nibbāṇaṃ accutaṃ padaṃ.

3054. Aniccā vata saṅkhārā uppādavayadhammino,
\nUppajjatvā nirujjhanti tesaṃ vupasāmo sukho.

3055. Saha gāthaṃ suṇitvāna pubbakammaṃ anussariṃ,
\nEkāsane nisīditvā arahattamapāpuṇiṃ.

3056. Jātiyā sattavassohaṃ arahattamapāpuṇiṃ,
\nUpasampādayī buddho guṇamaññāya cakkhumā.

3057. Dārakova ahaṃ santo karaṇiyaṃ samāpayiṃ,
\nKiṃ me karaṇiyaṃ3- ajja sakyaputatassa sāsane.

3058. Satasahasse ito kappe yaṃ kammamakariṃ tadā,
\nDuggatiṃ nābhijānāmi saddhammasamaṇe phalaṃ.

3059. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā dhammasavaṇiyo thero imā gathāyo abhāsitthāti.
\n- Dhammasavaṇiyattherassa apadānaṃ navamaṃ. -

1. Ghare, simu 2. Aniccavatthudāhari, syā 3. Karaṇiyaṃ, machasaṃ

[BJT Page 496] [\x 496/]
\n[PTS Page 275] [\q 275/]

340. Ukkhittapadumiyattherāpadānaṃ.

3060. Nagare haṃsavatiyā ahosiṃ māliko tadā,
\nOgāhitvā1- padumasaraṃ satapatte2- ocināmahaṃ.

3061. Padumuttaro nāma jino sabbadhammāna pāragu,
\nSaha satasahassehi santacittehi tādihi.

3062. Khiṇāsavehi suddhehi chaḷabhiññehi so tadā3,
\nMama vuddhiṃ samatvesaṃ āgacchi mama santike4-

3063. Disvānahaṃ devadevaṃ sayambhuṃ lokanāyakaṃ,
\nMaṇṭe chetvā satapattaṃ ukkhipiṃ ambare tadā.

3064. Yadi buddho tuvaṃ vīra lokajeṭṭho narāsabho,
\nSayaṃ gantvā satapattā matthake dhārayantu te.

3065. Adhiṭṭhahi mahāvīro lokejeṭṭho narasabho,
\nBuddhasa ānubhāvena matthake dhārayiṃsu te.

3066. Tena kammena sukatena cetanāpaṇidhīhi ca,
\nJahitvā mānusaṃ deṃ tāvatiṃsamagacchahaṃ,

3067. Tassa me sukataṃ vyamhaṃ satapattanti vuccati,
\nSaṭṭhiyojanamubbedhaṃ tiṃsayojanavitthataṃ.

3068. Sahassakkhattuṃ devindo devarajjaṃ akārayiṃ,
\nPañcasattatikkhattuñca cakkavatti ahosahaṃ.

3069. Padesarajjaṃ vipulaṃ gaṇanāto asaṃkhiyaṃ,
\nAnubhomi sakaṃ kammaṃ pubbe sukatamattano.

3070. Tenevekapadumena anubhotvāna sampadā,
\nGotamassa bhagavato dhammaṃ sacchikariṃ ahaṃ.

3071. Kilosā jhāpitā mayhaṃ bhavā sabbe samuhatā,
\nNāgova bandhanaṃ chetvā viharāmi anāsavo.

3072. Satasahasse ito kappe yaṃ pupphamabhipūjayiṃ,
\nDuggatiṃ nābhijānāmi ekapadumassidaṃ phalaṃ.

[PTS Page 276] [\q 276/]

3073. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ukkhittapadumiyo thero imā gathāyo abhāsitthāti.
\n- Ukkhittapadumiyattherassa apadānaṃ dasamaṃ. -

1. Ogāhetvā, machasaṃ
\n2. Satapantaṃ, machasaṃ
\n3. Chaḷabhiññehi jhāyihi, machasaṃ
\n4. Santikaṃ, machasaṃ

[BJT Page 498] [\x 498/]

Uddānaṃ:
\nGandhadhupo ca udakaṃ1- punnāgaekadusasiko,
\nPhusito ca pabhaṅkaro kuṭido uttariyako.
\nSavaṇi ekapadumi gāthāyo tattha piṇḍitā,
\nEkaṃ gāthāyatañceca catutāḷisameva ca.

- Gandhadhupiyavaggo2- catuttiṃsatimo. -