[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 460] [\x 460/]
\n[PTS Page 258] [\q 258/]    

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Ummāpupphiyavaggo

 

321. Ummāpupphiyattherāpadānaṃ.

2825. Samāhitaṃ samāpannaṃ siddhatthamaparājitaṃ,
\nSamādhinā upaviṭṭhaṃ addasāhaṃ naruttamaṃ.

2826. Ummāpupphaṃ gahetvāna buddhassa abhiropayiṃ,
\nSabbe pupphā ekasīsā uddhavaṇṭā1- adhomukhā.

2827. Sucittā viya tiṭṭhanne ākāse pupphasanthare2,
\nTena cittappasādena tusitaṃ upapajjahaṃ.

2828. Catunavute ito3- kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2829. Pañcapaññāsiko kappe eko āsiṃ mahipati,
\nSamantacchadano nāma cakkavatti mahabbalā.

2830. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ummāpupphiyo thero imā gathāyo abhāsitthāti.
\n- Ummāpupphiyattherassa apadānaṃ paṭhamaṃ. -

[PTS Page 259] [\q 259/]

322. Pulitapujakattherāpadānaṃ.

2831. Kakudhaṃ vipasantaṃva nisabhājāniyaṃ yathā,
\nOsadhiṃva virocantaṃ obhāsantaṃ nārāsabhaṃ.

2832. Añjaliṃ paggahetvāna avandiṃ santhuno ahaṃ,
\nSatthāraṃ parivaṇṇesiṃ sakakammena tosito4-

2833. Susuddhaṃ pulitaṃ gayha gatamagge samokiriṃ,
\nUcchaṅgena gahetvāna vipassissa mahesino.

2834. Tato upaḍḍhapulinaṃ vippasannena cetasā,
\nDivāvihāre osiñciṃ dipadindassa tādino.

2835. Catunavute ito kappe pulinaṃ yamasiñcahaṃ,
\nDuggatiṃ nābhijānāmi pulinassa idaṃ phalaṃ.

2836. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pulinapujako thero imā gathāyo abhāsitthāti.
\n- Pulinapujakattherassa apadānaṃ dutiyaṃ. -

*Umāpupphiyattherāpadānaṃ, machasaṃ 1. Udadhaṃvaṇṭā, machasaṃ 2. Pupphasantharā, machasaṃ 3. Catunnavutito, machasaṃ 4. Tosayiṃ, machasaṃ

[BJT Page 462] [\x 462/]

323. Hāsajanakattherāpadānaṃ.

2837. Dumagge paṃsukūlakaṃ1- laggaṃ satthuno,
\nAñajalimpaggahetvāna bhiyyo uccaritaṃ mayā.

2838. Durato patidissāna2- haso me udapajjatha3,
\nAñajalimpaggahetvāna bhiyyo cittaṃ padādayiṃ.

2839. Ekanavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ phalaṃ.

2840. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā hāsajanako thero imā gathāyo abhāsitthāti.
\n- Hāsajanakattherassa apadānaṃ tatiyaṃ. -

[PTS Page 260] [\q 260/]

324. Yaññasāmikattherāpadānaṃ.

2841. Jātiyā satatvassohaṃ ahosiṃ mantapāragu,
\nKulavaṃsaṃ4- adhāresiṃ yañño usasāhito mayā.

2842. Cullāsitisahassāni pasu haññanti me tadā,
\nSārathambhupanitāni5- yaññatthāya upaṭṭhitā.

2843. Ukkāmukhapahaṭṭhova khadiraṅgārasannibho,
\nUdayantova suriyo puṇṇamāseva candimā.

2844. Siddhattho sabbasiddhattho tilokambhito hito,
\nUpagantvāna sambuddho idaṃ vacanamabravi

2845. "Ahiṃsā sabbapāṇānaṃ kumāra mama ruccati,
\nTheyyā ca aticārā ca majjapānā ca ārati.

2846. Rati ca samacariyāya bāhusaccaṃ kataññutā,
\nDiṭṭhe dhamme parattha ca ete dhammā pasaṃsiyā.

2847. Ete dhamme bhāvayitvā sabbasattahite rato,
\nBuddhe citataṃ pasādetvā bhāvehi maggamuttamaṃ"

2848. Idaṃ vatvāna sabbaññu lokajeṭṭho narāsabho,
\nMamevamanusāsitvā vehāsamuggato gato

2849. Pubbe cittaṃ visedhetvā pacchā cittaṃ pasādayiṃ,
\nTena cittappasādena tusitaṃ upapajjahaṃ.

1. Paṃsukulikaṃ, syā 2. Pana disvāna, machasaṃ 3. Upapajjatha, simu 4. Kulavattaṃ, machasaṃ 5. Sārasamiṃ, hi upatitāni, machasaṃ

[BJT Page 464] [\x 464/]

2850. Catunavute ito kappe yadā cittaṃ pasādayiṃ,
\nDuggatiṃ nābhijānāmi buddhasaññāyidaṃ phalaṃ.

2851. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā yaññasāmiko thero imā gathāyo abhāsitthāti.
\n- Yaññasāmikattherassa apadānaṃ catutthaṃ. -

[PTS Page 261] [\q 261/]

325. Nimittasaññakattherāpadānaṃ.

2852. Vandahāgānaditire vasāmi assame ahaṃ,
\nSuvaṇṇamiga maddakkhiṃ carantaṃ vipite ahaṃ.

2853. Mige citteṃ pasādetvā lokajeṭṭamanussariṃ,
\nTena cittappasādena aññe buddhe anussariṃ.

2854. Abbhatitā ca ye buddhā vattamānā anāgatā,
\nEvameva virocanti migarājāva te tayo.

2855. Catunavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ phalaṃ.

2856. Sattavise ito kappe eko āsiṃ mahipati,
\nAraññasatto nāmena cakkavatti mahabbalā.

2857. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nimittasaññako thero imā gathāyo abhāsitthāti.
\n- Nimittasaññakattherassa apadānaṃ pañcamaṃ. -

326. Annasaṃsāvakattherāpadānaṃ.

2858. Suvaṇṇavaṇṇaṃ sambuddhaṃ gacchantaṃ antarāpaṇe,
\nKañcanagaghiyasaṅkāsaṃ khattiṃsavaralakkhaṇaṃ.

2859. Siddhatthaṃ sabbasiddhatthaṃ anejamaparājitaṃ,
\nSambuddhaṃ atināmetvā bhojayiṃ taṃ mahāmuni.

2860. Muni kāruṇiko loke obhāsayi mamaṃ tadā,
\nBuddhe cittaṃ pasādetvā kappaṃ saggamhi modahaṃ.

[BJT Page 466] [\x 466/]

2861. Catunavute ito kappe yaṃ dānamadadiṃ tadā,
\nDuggatiṃ nābhijānāmi bhikkhādānassidaṃ phalaṃ.

2862. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ananasaṃsāvako thero imā gathāyo abhāsitthāti.
\n- Annasaṃsāvayakattherassa apadānaṃ chaṭṭhaṃ. -

[PTS Page 262] [\q 262/]

327. Nigguṇḍipupphiyattherāpadānaṃ.

2863. Yadā devo devakāyā cavati āyusaṅkhayā,
\nTayo saddā niccharanti devānaṃ anumodataṃ.

2864. "Ito bho sugatiṃ gaccha manussānaṃ sahavyataṃ,
\nManussabhuto saddhamme labha saddhamanuttaraṃ.

2865. Sā te saddhā niviṭṭhassa mulajātā patiṭṭhitā,
\nYāvajīvaṃ asaṃhirā saddhamme suppavedite.

2866. Kāyena kusalaṃ katvā vācāya kusalaṃ bahu,
\nManasā kusalaṃ katvā abyāpajjaṃ nirūpadhiṃ.

2867. Tato opadhikaṃ puññaṃ katvā dānena taṃ bahuṃ,
\nAññepi macce saddhamme brahmacariye nivesaya"

2868. Imāya anukampāya devā devaṃ yadā viduṃ,
\nCavantaṃ ṃanumodanti "ehi devapuraṃ puna"

2869. Imāya anukampāya devā devaṃ yadā viduṃ,
\nCavantaṃ anumodanti "ehi devapuraṃ puna"

2870. Mama saṃvegamaññāya samaṇo bhāvitinduyo,
\nMamuddharitukāmo so āgacchi mama santike.

2871. Sumano nāma nāmena padumuttarasāvako,
\nAtthadhammānusāsitvā saṃvejesi mamaṃ tadā.
\n(Dvādasamaṃ bhāṇavāraṃ. )

2872. Tassāhaṃ vacanaṃ sutvā buddhe cittaṃ pasādayiṃ,
\nTaṃ ciramabhivādetvā3- tattha kālakato ahaṃ.

1. Saṃviggohaṃ, machasaṃ 2. Kaṃ su, machasaṃ 3. Dhiraṃ abivādetvā machasaṃ

[BJT Page 468] [\x 468/]

2873. Upapajjisaṃ1- tattheva sukkamūlena codito,
\nVasanto mātukucchimbhi puna dhārisa2- mātuyā.

2874. Tamhā kāyā cavitvāna tidase upapajjahaṃ,
\nEtthantare na passāmi domanassamahaṃ tadā.

[PTS Page 263] [\q 263/]

2875. Tāvatiṃsā cavitvāna mātukucchiṃ samokkamiṃ,
\nNikkhamitvāna kucchimhā kaṇhasukkamajānahaṃ.

2876. Jātiyā sattavassova3- ārāmaṃ pāvisiṃ ahaṃ,
\nGotamassa bhagavato sakyaputtassa tādino.

2877. Vitthārite4- pāvacane bāhujaññamhi sāsane,
\nAddasaṃ sāsanakare bhikkhavo tattha santhuno.

2878. Sāvatthi nāma nagaraṃ rājā tatthāsi kosalo,
\nRathena nāgayuttena upesi bodhimuttamaṃ.

2879. Tassāhaṃ nāgaṃ disvāna pubbakammamanussariṃ,
\nAñjaliṃ paggahetvāna samayaṃ agamāsabhaṃ.

2880. Jātiyā sattavasseva pabbajiṃ anagāriyaṃ,
\nYo so buddhaṃ upaṭṭhāsi ānando nāma sāvako.

2881. Gatimā dhitimā ceva satimā ca bahussuto,
\nRañño cittaṃ pasādento niyyādesi mahājuti.

2882. Tassāhaṃ dhammaṃ sutvāna pubbakammamanussariṃ,
\nTattheva ṭhitako santo arahattamapāpuṇiṃ.

2883. Ekaṃsaṃ cīvaraṃ katvā sire katvāna añjaliṃ,
\nSambuddhamabhivādetvā imaṃ vācamudirayiṃ:

2884. Padumuttarabuddhassa dipadindassa5- santhuno,
\nNigguṇḍipupphaṃ paggayha sihāsane ṭhapesahaṃ.

2885. Tena kammena dipadinda lokaṭṭhe narāsabha,
\nPattombhi acalaṃ ṭhānaṃ hitvā jayaparājayaṃ.

1. Upapajjiṃ, machasaṃ upapajjissaṃ, si sabbattha 2. Dhāreti, sabbattha ’dhārisaṃ’kammatthavasena gahetabbaṃ. 3. Jātiyā sattavassena, syā 4. Vithorike, machasaṃ 5. Dvipadindassa, machasaṃ

[BJT Page 470] [\x 470/]

2886. Pañcavisasahassamhi kappānaṃ manujādhipā,
\nAbbudanirabbudāni aṭṭha’ṭṭhā’siṃsu khattiyā.

2887. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nigguṇḍipupphayo thero imā gathāyo abhāsitthāti.
\n- Nigguṇaḍipupphiyattherassa apadānaṃ sattaṃ. -

[PTS Page 264] [\q 264/]

328. Sumanāveliyattherāpadānaṃ.

2888. Vessabhussa bhagavato lokajeṭṭhassa tādino, .
\nSabbe janā samāgamma mahāpujaṃ karonti te.

2889. Sudhāya piṇḍaṃ katvāna āvelaṃ sumanāyahaṃ,
\nSihāsanassa purato abhiropesahaṃ tadā.

2890. Sabbe janā samāgamama pekkhanti pupphamuttamaṃ,
\nKeni’daṃ pujitaṃ pupphaṃ buddhaseṭṭhassa tādino.

2891. Tena cittappasādena nimmāṇaṃ upapajjahaṃ,
\nAnubhosiṃ1- sakaṃ kammaṃ pubbe sukatamattano.

2892. Yaṃ yaṃ yonupapajjāmi devattaṃ atha mānusaṃ,
\nSabbesānaṃ piyo homi pupphapujāyi’daṃ phalaṃ

2893. Nābhijānāmi kāyena vācāya uda cetasā,
\nSaṃyatānaṃ tapassinaṃ kataṃ akkositaṃ mayā2-

2894. Tena sucaritenāhaṃ cittassa paṇidhihi ca,
\nSabbesaṃ pujino homi anakkossi’daṃ phalaṃ.

2895. Ekatiṃse ito kappe yaṃ pupphamabhipūjayiṃ,
\nDuggatiṃ nābhijānāmi buddhapujāyi’idaṃ phalaṃ2-.

2896. Ito ekādase kappe sahassāro’si khattiyo,
\nSattaratanasampanno cakkavattī mahabbalo.

2897. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sumanāveliyo thero imā gathāyo abhāsitthāti.
\n- Sumanāveliyattherassa apadānaṃ aṭṭhamaṃ. -

1. Anubhomi, machasaṃ 2. Esā gāthā machasaṃ’ potthake natthi

[BJT Page 472] [\x 472/]

329. Pupaphachattiyattherāpadānaṃ.

2898. Siddhatthassa bhagavato lokajeṭṭhassa tādino,
\nSaccaṃ pakāsayantassa nibbāpentassa pāṇito.

2899. Jalajaṃ āharitvāna satapattaṃ manoramaṃ,
\nPupphassa chattaṃ katvāna buddhassa abhiropayiṃ.

[PTS Page 265] [\q 265/]

2900. Siddhattho ca lokavidu āhutinaṃ paṭiggabho,
\nBhikkhusaṅghe ṭhito satho imaṃ gāthaṃ1- abhāsatha:

2901. "Yo me cittaṃ pasādetvā pupphachattaṃ adhārayi2-
\nTena cittappasādena duggatiṃ so na gacchati"

2902. Idaṃ vatvāna sambuddho siddhattho lokanāyako,
\nUyyojetvāna parisaṃ vehāsaṃ nabhamuggami.

2903. Vuṭṭhite naradevambhi setacchattampi vuṭṭhahi,
\nPurato buddhaseṭṭhassa gacchati chattamuttamaṃ.

2904. Catunavute ito kappe yaṃ chattamabhiropayiṃ,
\nDuggatiṃ nābhijānāmi pupphachattassi’daṃ phalaṃ2-.

2905. Catusatatatikappamhi aṭṭha jalayikhā ahu,
\nSattaratanasampanno cakkavattī mahabbalo.

2906. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pupphachattiyo thero imā gathāyo abhāsitthāti.
\n- Pupphachattiyattherassa apadānaṃ navamaṃ. -

330. Saparivārachattadāyakattherāpadānaṃ.

2907. Padumuttaro lokavidu āhutinaṃ paṭiggaho,
\nAkāse jalavuṭṭhi’va vassati dhammavuṭṭhiyā.

2908. Tamadadasāsiṃ sambuddhaṃ desentaṃ amataṃ padaṃ,
\nSakaṃ cittaṃ padādetvā agamāsiṃ sakaṃ gharaṃ.

2909. Chattaṃ alaṅkataṃ gayha upagacchiṃ naruttamaṃ,
\nHaṭṭho haṭṭhena cittena ākāse ukkhipiṃ ahaṃ.

2910. Susaṅgahitayāvaṃva dāntova sācakuttamo,
\nUpagantvāna sambuddhaṃ matthake sampatiṭṭhahi.

2911. Anukampako kāruṇiko buddho lokagganāyako,
\nBhikkhusaṅghe nisīditvā imā gāthā abhāsatha:

1. Imā gāthā sīmu 2. Ādhārayiṃ, machasaṃ akārayi, sīmu

[BJT Page 474] [\x 474/]

2912. "Yena chattamidaṃ dinnaṃ alaṅkataṃ manoramaṃ,
\nTena cittappasādena duggatiṃ so na gacchati.

[PTS Page 266] [\q 266/]

2913. Sattakkhattuñca devesu devarajjaṃ karissati,
\nKhattiṃsakkhattuṃ rājā ca1- cakkavatti bhavissati.

2914. Kappasatasahassambhi okkākakulasambhāvo,
\nGotamo nāma nāmena satthā loke bhavissati.

2915. Tassa dhammesu dāyado oraso dhammanimmito,
\nSabbāsave pariññāya nibbāyissatanāsavo"

2916. Buddhassa giramaññāya vācāsabhimudiritaṃ,
\nPasannacitto sumano bhiyyo hāsaṃ janesahaṃ.

2917. Jahitvā mānusiṃ yoniṃ devayoniṃ2- samajjhagaṃ,
\nVimānamuttamaṃ mayhaṃ abbhuggataṃ manoramaṃ.

2918. Vimānā nikkhamantassa detacchattaṃ dharīyati,
\nTadā saññaṃ paṭilabhiṃ pubbakammassi’daṃ phalaṃ.

2919. Devalokā cavitvāna manussatattañca āgamiṃ,
\nChattiṃsakkhattuṃ cakkavatti sattakappasatambhi’to

2920. Tamhā kāyā cavitvāna āgañachiṃ tidasaṃ puraṃ,
\nSaṃsaritvā’ nupubbena mānussaṃ punarāgamiṃ.

2921. Okkāntaṃ mātukucchiṃ maṃ setacchattamadhārayuṃ,
\nJātiyā sattavasso’haṃ pabbajiṃ anagāriyaṃ.

2922. Sunando nāma nāmena brāhmaṇo mantapāragu,
\nPhalikaṃ chattamādāya sāvakaggassa so adā3-

2923. Anumodi mahāvīro sāriputto mahākathi,
\nSutvā’numodanaṃ tassa pubbakammamanussariṃ.

2924. Añajalimpaggahetvāna sakaṃ cittaṃ pasādayiṃ,
\nSaritvā purimaṃ kammaṃ arahattamapāpuṇaṃ.

2925. Uṭṭhāya āsanā tamhā sire katvāna añjaliṃ,
\nSambuddhamabhivādetvā imaṃ vācamudirayiṃ:

2926. Satasahasse ito kappe buddho loke anuttaro,
\nPadumuttaro lokavidu ahutinaṃ paṭiggaho.

1. Khattiṃsakkhattuñca rājā, machasaṃ 2. Dibbaṃ yoniṃ, machasaṃ dibbayoniṃ, syā 3. Tadā, machasaṃ

[BJT Page 476] [\x 476/]

2927. Tassa chattaṃ mayā dinnaṃ vicittaṃ samalaṅkataṃ,
\nUbho hatthehi paggaṇhi sayambhu aggapuggalo.

[PTS Page 267] [\q 267/]

2928. Aho buddho aho dhammo aho no satthu sampadā,
\nEkacchattassa dānane duggatiṃ nupapajja’haṃ

2929. Kilesā jhāpitā mayhaṃ bhavā sabbe samuhatā,
\nSabbāsave pariññāya viharāmi anāsavo.

2930. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saparivārajattadāyako thero imā gathāyo abhāsitthāti.
\n- Saparivārajattadāyakattherassa apadānaṃ dasamaṃ. -

Uddānaṃ:
\nUmmāpupphañca pulinaṃ haso yañño nimittako,
\nSaṃsāvako nigguṇḍi ca sumanaṃ pupphachattako,
\nSaparivārachatto ca gāthā sattasatuttarā.

- Ummāpupphiyavaggo tettiṃsatimo. -