[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 450] [\x 450/]
\n[PTS Page 253] [\q 253/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Ārakkhadāyakavaggo

 
\n311. Ārakkhadāyakattherāpadānaṃ.

2768. Dhammadassassa munino vati kārāpitā mayā,
\nĀrakkho ca mayā dinno dipadindassa1- tādino.

2769. Aṭṭhārase kappasate yaṃ kammamakariṃ tadā,
\nTena kammavisesena patto me āsavakkhayo.

2770. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ārakkhadāyako thero imā gathāyo abhāsitthāti.
\n- Ārakkhadāyakattherassa apadānaṃ paṭhamaṃ. -

312. Bhojanadāyakattherāpadānaṃ.

2771. Sujāto sālalaṭṭhiva sobhañajanamivuggato,
\nIndalaṭṭhirivākāse virocati sadā jino.

2772. Tassa devātidevassa vessabhussa mahesino,
\nAdāsiṃ bhojanamahaṃ vippasannena cetasā.

2773. Taṃ me buddho anumodi sayambhu aparājito,
\n’Bhave nibbattamānambhi phalaṃ nibbattatu tava’

2774. Ekatiṃse2- ito kappe yaṃ dānamadadiṃ tadā,
\nDuggatiṃ nābhijānāmi bhojanassa idaṃ phalaṃ.

2775. Pañcavise ito kappe eko āsiṃ amittabho3,
\nSattaratanasampannā cakkavatti mahabbalā.

2776. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā bhojanadāyako thero imā gathāyo abhāsitthāti.
\n- Bhojanadāyakattherassa apadānaṃ dutiyaṃ. -

313. Gatasaññakattherāpadānaṃ.

2777. Ākāse ca4- natthi ambare anilañajase,
\nSiddhatheṃ jinamadadakkhiṃ gacchantaṃ ticivaṅgaṇe5-

2778. Anileneritaṃ disvā sammāsambuddhacīvaraṃ,
\nVitti me tāvade jātaṃ6- disvāna gamanaṃ mune7-.

1. Davipadindassa, machasaṃ 2. Ekattiṃse, machasaṃ 3. Amittako, machasaṃ 4. Ākāseca, machasaṃ 5. Tidicaṅgaṇaṃ, syā 6. Vitti mamāhu tāvade, machasaṃ 7. Muniṃ, machasaṃ

[BJT Page 452] [\x 452/]
\n[PTS Page 254] [\q 254/]

2779. Catunavute ito kappe yaṃ saññamalabhi tadā,
\nDuggatiṃ nābhijānāmi buddhasaññāyidaṃ phalaṃ.

2780. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gatasaññaka thero imā gathāyo abhāsitthāti.
\n- Gatasaññakattherassa apadānaṃ tatiyaṃ. -

314. Sattapadumiyattherāpadānaṃ.

2781. Nadikule masāmahaṃ nesādo nāma brāhmaṇo,
\nSatapattehi pupphehi sammajajitvāna assamaṃ.

2782. Suvaṇaṃṇavaṇṇaṃ sambuddhaṃ siddhatthaṃ lokanāyakaṃ,
\nDisvā vanena1- gacchantaṃ hāso me upapajjatha.

2783. Paccuggantvāna sambuddhaṃ lokajeṭṭhaṃ narāsabhaṃ,
\nAssamaṃ atināmetvā jalajaggehi okiriṃ.

2784. Catunavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2785. Ito tesattame kappe caturo pādapāvarā,
\nSattaratanasampannā cakkavatti mahabbalā.

2786. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sattapadumiyo thero imā gathāyo abhāsitthāti.
\n- Sattapadumiyattherassa apadānaṃ catutthaṃ. -

315. Pupaphāsanadāyakattherāpadānaṃ.

2787. Suvaṇṇavaṇṇaṃ sambuddhaṃ sataraṃsiṃ’va bhānumaṃ,
\nAvidūrena gacchantaṃ siddhatthaṃ aparājitaṃ.

2788. Tassa paccuggamitvāna pavesetvāna assamaṃ,
\nPupphāsanaṃ mayā dinnaṃ vippasannena cetasā.

2789. Añajalimpaggahetvāna vedajāto tadā ahaṃ,
\nBuddhe cittaṃ pasādetvā taṃ kammaṃ pariṇāmayiṃ.

[PTS Page 255] [\q 255/]

2790. Yaṃ me atthi kataṃ puññaṃ sayambhumhaparājite,
\nSabbe tena kusalena vimalo homi sāsane.

1. Nabhena, sīmu: machasaṃ 2. Pitaraṃsiṃva, machasaṃ

[BJT Page 454] [\x 454/]

2791. Catunavute ito kappe pupphāsanamadaṃ tadā,
\nDuggatiṃ nābhijānāmi pupphāsanassadaṃ phalaṃ.

2792. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pupphāsanadāyako thero imā gathāyo abhāsitthāti.
\n- Pupphāsanadāyakattherassa apadānaṃ pañcamaṃ. -

316. Āsanatthavikattherāpadānaṃ.

2793. Cetiyaṃ uttamaṃ nāma sikhino lokabandhuno,
\nAraññe irine1- vane andhābhiṇḍāmahaṃ tadā.

2794. Pavanā nikkhamitvāna diṭṭhaṃ sihāsanaṃ mayā,
\nEkaṃsaṃ añjaliṃ katvā thavissaṃ2- lokanāyakaṃ.

2795. Divasabhāgaṃ thavitvāna buddhaṃ lokagganāyakaṃ,
\nHaṭṭho haṭṭhena cittena imaṃ vācamudīrayiṃ.

2796. "Namo te purisājañña namo te purisuttama,
\nSabbaññusi mahāvīra lokajeṭṭha narāsabha"

2797. Abhitthavitthā sikhinaṃ nimittakaraṇenahaṃ,
\nĀsanaṃ abhivādetvā pakkāmi uttarāmukho.

2798. Ekatiṃse ito kappe santhaviṃ3- vadataṃ varaṃ,
\nDuggatiṃ nābhijānāmi thomanāya idaṃ phalaṃ.

2799. Sattatiṃse ito kappe atulyā4- satta assu te,
\nSattaratanasampannā cakkavatti mahabbalā.

2800. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā āsanatthaviko thero imā gathāyo abhāsitthāti.
\n- Āsanatthavikattherassa apadānaṃ chaṭṭhaṃ. -

1. Irine, machasaṃ 2. Santhaviṃ, machasaṃ 3. Yaṃ thaviṃ, machasaṃ 4. Atulaṃ, machasaṃ

[BJT Page 456] [\x 456/]
\n[PTS Page 256] [\q 256/]

317. Saddasaññakattherāpadānaṃ.

2801. Sudassano mahāvīro desenno amataṃ padaṃ,
\nParivuto sāvakehi vasati gharamuttame.

2802. Tāya vācāya madhurāya saṅgaṇhāti1- mahājanaṃ,
\nGhoso ca vipulo āsi āsaṃso2- devamānuse.

2803. Nigghosasasaddaṃ sutvāna siddhatthassa mahesino,
\nSadde cittaṃ pasadetvā avandiṃ lokanāyakaṃ.

2804. Catunavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ phalaṃ.

2805. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saddasaññako thero imā gathāyo abhāsitthāti.
\n- Saddasaññakattherassa apadānaṃ sattamaṃ. -

318. Tiraṃsiyattherāpadānaṃ.

2806. Kesariṃ abhijātaṃva aggikkhandhaṃ pabbate,
\nObhāsentaṃ disā sabbā3- siddhatthaṃ pabbatantare.

2807. Suriyassa ca ālokaṃ candālokaṃ tatheva ca,
\nBuddhālokañca disvāna vitti me udapajjatha4-

2808. Tayo āloke disvāna buddhañca5- sāvakuttamaṃ,
\nEkaṃsaṃ ajinaṃ katvā santhaviṃ lokanāyakaṃ.

2809. Tayo hi ālokakarā loke lokatamonudā,
\nCando ca suriyo cāpi buddho ca lokanāyako.

2810. Opammamupadassetvā kittino me mahāmuni,
\nBuddhassa vaṇṇaṃ kittetvā kappaṃ saggamhi mohadahaṃ.

2811. Catunavute ito kappe yaṃ buddhamabhikittayiṃ,
\nDuggatiṃ nābhijānāmi kittanāya idaṃ phalaṃ.

[PTS Page 257] [\q 257/]

2812. Ekasaṭṭhimbhito kappe eko ñāṇadharo ahu,
\nSattaratanasampannā cakkavatti mahabbalā.

2813. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tiraṃsiyo thero imā gathāyo abhāsitthāti.
\n- Tiraṃsiyattherassa apadānaṃ aṭṭhamaṃ. -

1. Saṅgaṇahante, simu 2. Āsi so, machasaṃ 3. Disāsinnaṃ, syā 4. Upapajjathaṃ, simu 5. Sambudadhaṃ, machasaṃ

[BJT Page 458] [\x 458/]

319. Kandalipupphiyattherāpadānaṃ.

2814. Sindhuyā nadiyā tīre ahosiṃ kassako tadā,
\nParakammāyane yutto parabhattaṃ apassito.

2815. Sindhumanucaranto’haṃ siddhatthaṃ jinamaddasaṃ,
\nSamādhinā nisinnaṃva satapattaṃva puppitaṃ.

2816. Satta kandalipupphāni vaṇṭe chetvānahaṃ tadā,
\nMatthake abhiropesiṃ buddhassādiccabandhuno.

2817. Suvaṇṇavaṇṇaṃ sambuddhaṃ anukūle samāhitaṃ,
\nTidhā pahinnamātaṅgaṃ kuñajaraṃva durāsadaṃ.

2818. Tamahaṃ upagantvāna nipakaṃ bhāvitindriyaṃ,
\nAñjaliṃ paggahetvāna avandiṃ satthuno ahaṃ.

2819. Catunavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2820. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kandalipphiyo thero imā gathāyo abhāsitthāti.
\n- Kandalipupphiyattherassa apadānaṃ kavamaṃ. -

320. Kumudamāliyattherāpadānaṃ.

2821. Usabhaṃ pavaraṃ vīraṃ mahesiṃ vijitāvinaṃ,
\nVipassinaṃ mahāvīraṃ abhijātaṃva kesariṃ.

2822. Rathiyaṃ paṭijjantaṃ āhutinaṃ paṭiggahaṃ,
\nGahetvā kumudaṃ mālaṃ buddhaseṭṭhaṃ samokiriṃ.

[PTS Page 258] [\q 258/]

2823. Catunavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2824. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kumudamāliyo thero imā gathāyo abhāsitthāti.
\n- Kumudamāliyattherassa apadānaṃ dasamaṃ. -

Uddānaṃ:
\nĀrakkhado bhojananado gatasaññi padumiyo,
\nPupphāsani santhaviko saddasaññī tiraṃsiko
\nKandaliko kumudī ca sattapaññāsa gāthakā.

- Ārakkhadāyakavaggo khatatiṃsatimo. -