[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 430] [\x 430/]
\n[PTS Page 243] [\q 243/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Citakapujakavaggo

 
\n291. Citakapujakattherāpadānaṃ.

2671. Ajito nāma nāmena ahosiṃ brāhmaṇo tadā,
\nĀhutiṃ siṭṭhukāmā’haṃ nānāpuphaṃsamānayiṃ.

2672. Jalantaṃ citakaṃ disvā sikhino lokabandhuno,
\nTaṃ ca pupphaṃ samānetvā citake okiriṃ ahaṃ.

[PTS Page 244] [\q 244/]

2673. Ekatiṃse ito kappe yaṃ pupphamabhipūjayiṃ,
\nDuggatiṃ nābhijānāmi budadhapujāyidaṃ phalaṃ.

2674. Sattavise ito kappe sattāsuṃ manujādhipā,
\nSupajjalitatāmā te cakkavatti mahabbalo.

2675. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā citakapujako thero imā gathāyo abhāsitthāti.
\n- Citakapujakattherassa apadānaṃ paṭhamaṃ. -

292. Pupphadhārakattherāpadānaṃ.

2676. Vākatiradharo āsiṃ ajānuttaravāsano,
\nAbhāññāpañcanibbattā candassa parimajjako.

2677. Vipassiṃ lokapajjotaṃ disvā ahigataṃ mama,
\nPāricchattakapupphāni dhāresiṃ satthuno ahaṃ.

2678. Ekanavute ito kappe yaṃ pupphamabhādhārayiṃ,
\nDuggatiṃ nābhijānāmi dhāraṇāya idaṃ phalaṃ.

2679. Sattāsitimbhito kappe eko āsiṃ mahipati,
\nSamantadhāraṇo nāma cakkavatti mahabbalo.

2680. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pupphadhārako thero imā gathāyo abhāsitthāti.
\n- Pupphadhārakattherassa apadānaṃ dutiyaṃ. -

[BJT Page 432] [\x 432/]

293. Chattadāyakattherāpadānaṃ.

2681. Putto mama pabbajito kāsāyavasano tadā,
\nSo ca buddhattaṃ sampatto nibbuto lokapujato.

2682. Vicinanto sakaṃ puttaṃ agamaṃ pacchato ahaṃ,
\nNibbutassa mahantassa citataṃ agamāsahaṃ.

2683. Paggayha añjaliṃ tattha vanditvā citakaṃ ahaṃ,
\nSetacchattañca paggayha āropesiṃ ahaṃ tadā.

2684. Catunavute ito kappe yaṃ chattamabhiropayiṃ,
\nDuggatiṃ nābhijānāmi chattadānassidaṃ phalaṃ.

[PTS Page 245] [\q 245/]

2685. Pañcavise ito kappe satta āsuṃ janādhipā,
\nMahāraha sanāmā te cakkavatti mahabbalo.

2686. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā chattadāyako thero imā gathāyo abhāsitthāti.
\n- Chattadāyakattherassa apadānaṃ tatiyaṃ. -

294. Saddasaññakattherāpadānaṃ.

2687. Anuggatamhi ādicce panādo vipulo ahu,
\nBuddhaseṭṭhassa lokamhi pātubhāvo mahesino.

2688. Sadadmassohaṃ tattha na ca passāmi taṃ jinaṃ,
\nMaraṇe ca anuppatte buddhasaññamanussariṃ.

2689. Catunavute ito kappe yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ phalaṃ.

2690. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saddasaññako thero imā gathāyo abhāsitthāti.
\n- Saddasaññakattherassa apadānaṃ catutthaṃ. -

[BJT Page 434] [\x 434/]

295. Gosisanikkhepakattherāpadānaṃ.

2691. Ārāmadvārā nikkhamma gosisaṃ santhataṃ mayā,
\nAnubhomi sakaṃ kammaṃ pubbakammassidaṃ phalaṃ.

2692. Ājāniyā vātajavā sindhavā sīghavāhanā,
\nAnubhomi sabbametaṃ gosisassa idaṃ phalaṃ.

2693. Aho kāraṃ paramakāraṃ sukhette sukataṃ mayā,
\nSaṅghe katassa kārassana aññaṃ kalamagghati.

2694. Catunavute ito kappe yaṃ sisaṃ santhariṃ ahaṃ,
\nDuggatiṃ nābhijānāmi santharassa idaṃ phalaṃ.

2695. Pañcasattatikappamhi suppatiṭṭhita nāmako,
\nEko āsiṃ mahātejo cakkavatti mahabbalo.

2696. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā gosisanikkhepako thero imā gathāyo abhāsitthāti.
\n- Gosisanikkhepakattherassa apadānaṃ pañcamaṃ. -

[PTS Page 246] [\q 246/]

296. Pādapujakattherāpadānaṃ.

2697. Pabbate himavantamhi ahosiṃ kinnaro tadā,
\nAddasaṃ virajaṃ buddhaṃ pitaraṃsiṃva bhānumaṃ.

2698. Upetaṃ kamahaṃ1- buddhaṃ vipassiṃ lokanāyakaṃ,
\nCandanaṃ tagarañcāpi pāde osiñcahaṃ tadā.

2699. Catunavute ito kappe yaṃ pādamabhipujayiṃ,
\nDuggatiṃ nābhijānāmi pādapujāyidaṃ phalaṃ.

2700. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pādapujako thero imā gathāyo abhāsitthāti.
\n- Pādapujakattherassa apadānaṃ chaṭṭhaṃ. -

1. Upetopi tadā, syā

[BJT Page 436] [\x 436/]

297. Desakittakattherāpadānaṃ.

2701. Upasāḷhaka nāmo’haṃ ahosiṃ brāhmaṇo tadā,
\nKānanaṃ vanamogāḷhaṃ lokajeṭṭhaṃ narāsabhaṃ.

2702. Disvāna vandiṃ pādesu lokāhutipaṭiggahaṃ,
\nPasannacittaṃ mā ñatvā buddho antaradhāyatha.

2703. Kānanā abhinikkhamma buddhaseṭṭhamanussariṃ,
\nTaṃ desaṃ kittayitvāna kappaṃ saggambhi modahaṃ.

2704. Dvenavute ito kappe yaṃ desamabhikittayiṃ,
\nDuggatiṃ nābhijānāmi kittanāya idaṃ phalaṃ.

2705. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā desakittako thero imā gathāyo abhāsitthāti.
\n- Desakittakattherassa apadānaṃ sattamaṃ. -

298. Saraṇagamanayatherāpadānaṃ.

2706. Pabbate himavantamhi ahosiṃ luddako ahaṃ,
\nVipassiṃ addasaṃ buddhaṃ lokajeṭṭhaṃ narāsabhaṃ.

2707. Upāsitvāna sambuddhaṃ veyyāvaccamakāsahaṃ,
\nSaraṇañca upāgacchiṃ dipadindassa tādino.

[PTS Page 247] [\q 247/]

2708. Catunavute ito kappe saraṇaṃ yamagacchahaṃ,
\nDuggatiṃ nābhijānāmi saraṇagamanapphalaṃ.

2709. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saraṇagamaniyo thero imā gathāyo abhāsitthāti.
\n- Saraṇagamaniyattherassa apadānaṃ aṭṭhamaṃ. -

299. Ambapiṇḍiyattherāpadānaṃ.

2710. Romaso nāma nāmena dānavo iti vissuto,
\nAmbabapiṇḍī mayā dinnā1- vipassissa mahesino,

2711. Ekanavute ito kappe yammabamadadiṃ tadā,
\nDuggatiṃ nābhijānāmi ambadānassidaṃ phalaṃ.

1. Ambapiṇḍo mayā dinno, syā

[BJT Page 438] [\x 438/]

2712. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ambapiṇḍiyo thero imā gathāyo abhāsitthāti.
\n- Ambapiṇḍiyattherassa apadānaṃ navamaṃ. -

300. Anusaṃsāvakattherāpadānaṃ.

2713. Piṇḍāya caramānāhaṃ vipassiṃ addasaṃ jānaṃ,
\nUḷuṅkabhikkhaṃ pādāsiṃ dipadindassa tādino.

2714. Pasannacitto sumano abhivādesahaṃ tadā,
\nAnusaṃsāvayiṃ buddhaṃ uttamatthassa pattiyā.

2715. Catunavute ito kappe anusaṃsāvayiṃ ahaṃ,
\nDuggatiṃ nābhijānāmi anusaṃsāvanāphalaṃ.

2716. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā anusaṃsāvako thero imā gathāyo abhāsitthāti.
\n- Anusaṃsāvakattherassa apadānaṃ dasamaṃ. -

Uddānaṃ:
\nCitakaṃ pārichatto ca sadda gosisasantharaṃ
\nPadaṃ padesaṃ saraṇaṃ ambo saṃsāvako pi ca
\nSattāḷisa gāthāyo gaṇitāyo vibhāvihi.

- Citakapujakavaggo tiṃsatimo -

[PTS Page 248] [\q 248/]

Atha vagguddānaṃ:
\nKaṇikāro hatthidado ālambaṇudakāsanaṃ
\nTuvaraṃ thomako veca ukkhepaṃ sisupadhānaṃ
\nPaṇṇado citapuji ca gāthāyo ceva sabbaso
\nCattāri ca satāniha ekapaññāsameva ca.
\nPañcavisasatā sabbā dvāsattati taduttari,
\nTisataṃ apadānānaṃ gaṇitā atthadassihi.

- Tatiyaṃ satakaṃ1- samattaṃ.
1. Kaṇikāravaggadasakaṃ, machasaṃ
\n