[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 420] [\x 420/]
\n[PTS Page 239] [\q 239/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Paṇṇādāyakavaggo

 
\n281. Paṇaṇadāyakattherāpadānaṃ.

2623. Paṇṇasāle nisinnomhi paṇṇabhojanabhojano,
\nUpaviṭṭhañca maṃ santaṃ upāgacchi mahāmuni1-

2624. Siddhattho lokapajjoto sabbalokatikicchako,
\nTassa paṇṇaṃ mayā dinnaṃ nisinnaṃ2- paṇṇasanthare.

2625. Catunavute ito3- kappe yaṃ paṇṇamadadiṃ tadā,
\nDuggatiṃ nābhijānāmi paṇṇadānassidaṃ phalaṃ.

2627. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā paṇṇadāyako thero imā gathāyo abhāsitthāti.
\n- Paṇṇadāyakattherassa apadānaṃ paṭhamaṃ. -

282. Phaladāyakattherāpadānaṃ.

2627. Sinerusamasantoso dharaṇidharasādiso,
\nVuṭṭhihitvā samādimhā bhikkhāya mamupaṭṭhito.

2628. Haritakaṃ āmalakaṃ amba jambu vibhiṭakaṃ,
\nKolaṃ bhallātakaṃ khillaṃ phārūsakaphalāni ca.

2829. Siddhatthassa mahesissa sabbalokānukampino,
\nTañca sabbaṃ mayā dinnaṃ vippasannena cetasā.

2630. Catunavute ito kappe yaṃ phalaṃ adadiṃ tadā,
\nDuggatiṃ nābhijānāmi phaladānassidaṃ phalaṃ.

2631. Sattapaññāsito kappe ekajjho nāma khattiyo,
\nSattaratanasampanenā cakkavatti mahabbalo.

2632. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā phaladāyako thero imā gathāyo abhāsitthāti.
\n-Paladāyakattherassa apadānaṃ dutiyaṃ. -

*Ekāsadamaṃ bhāṇavāraṃ, machasaṃ 1. Mahāisi, machasaṃ 2. Nisinnassa, syā 3. Catunna vutino, machasaṃ

[BJT Page 422] [\x 422/]
\n[PTS Page 240] [\q 240/]

283. Paccuggamaniyattherāpadānaṃ.

2633. Sihaṃ yathā vanacaraṃ nisabhājāniyaṃ yathā,
\nKakudhaṃ vilasantaṃva āgacchantaṃ nanarāsabhaṃ.

2634. Siddhatthaṃ lokapajjehaṃ sabbalokatikicchakaṃ,
\nAkāsiṃ paccuggamanaṃ vippasannena cetasā.

2635. Ekanavute ito kappe paccuggacchiṃ narāsabhaṃ,
\nDuggatiṃ nābhijānāmi paccuggamane idaṃ phalaṃ.

2636. Sattavise ito kappe eko āsiṃ janādhipo,
\nSaparivāroti nāmena cakkavatti mahabbalo.

2637. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā paccuggamaniyo thero imā gathāyo abhāsitthāti.
\n- Paccuggamaniyattherassa apadānaṃ tatiyaṃ. -

284. Ekapupphiyattherāpadānaṃ.

2638. Dakkhiṇambhi duvāramhi pisāvo āsahaṃ tadā,
\nAddasaṃ virajaṃ buddhaṃ pitaraṃsiṃ’va bhānumaṃ.

2639. Vipasasissa naraggassa sabbalokahitesino,
\nEkapupphaṃ mayā dinnaṃ dipadindassa tādino.

2640. Catunavute ito kappe yaṃ pupphamadadiṃ tadā,
\nDuggatiṃ nābhijānāmi buddhapūjāyidaṃ phalaṃ.

2641. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekapupphiyo thero imā gathāyo abhāsitthāti.
\n- Ekapupphiyattherassa apadānaṃ catutthaṃ. -

[BJT Page 424] [\x 424/]

285. Maghavapupphiyattherāpadānaṃ.

2642. Nammadānadiyā tīre sayambhu aparājito,
\nSamādhiṃ so samāpanno vippasanno anāvilo.

2643. Disvā pasanno sumano sambuddhaṃ aparājitaṃ,
\nTāhaṃ maghavapupphena sayambhuṃ pujayiṃ tadā.

[PTS Page 241] [\q 241/]

2644. Ekanavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

2645. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā maghavapupphiyo thero imā gathāyo abhāsitthāti.
\n- Maghavapupphiyattherassa apadānaṃ pañcamayaṃ. -

286. Upaṭṭhākadāyakattherāpadānaṃ.

2646. Rathiyaṃ paṭipajjantaṃ āhutinaṃ paṭiggahaṃ,
\nDipadindaṃ mahānāgaṃ lokajeṭṭhaṃ narāsabhaṃ.

2647. Pakkosāpiya tassāhaṃ sabbalokahitesino,
\nUpaṭṭhāko mayā dinno siddhathessa mahesino.

2648. Paṭiggahetvā sambabuddho niyyātesi mahāmuni,
\nUṭṭhāya āsanā tamhā pakkāmi pācināmukho.

2649. Catunavute ito kappe upaṭṭhākamadaṃ tadā,
\nDuggatiṃ nābhijānāmi upaṭṭhānassidaṃ phalaṃ.

2650. Sattapaññāsito kappe balasena sanāmako,
\nSattaratanasampanenā cakkavatti mahabbalo.

2651. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā upaṭṭhākadāyako thero imā gathāyo abhāsitthāti.
\n- Upaṭṭhākadāyakattherassa apadānaṃ chaṭṭhaṃ. -

[BJT Page 426] [\x 426/]

287. Apadāniyattherāpadānaṃ.

2652. Apadānaṃ sugatānaṃ kittayiṃ’haṃ mahesino,
\nPāde ca sirasā vandiṃ pasanno sehi pāṇihi.

2653. Dvenavute ito kappe apadānaṃ pakittayiṃ,
\nDuggatiṃ nābhijānāmi kittanāya idaṃ phalaṃ.

2654. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā apadāniyo thero imā gathāyo abhāsitthāti.
\n- Apadāniyattherassa apadānaṃ sattamayaṃ. -

[PTS Page 242] [\q 242/]

288. Sattāhapabbajitattherāpadānaṃ.

2655. Vipassissa bhagavato saṅgho sakkatamānito,
\nVyasanaṃ me anuppatataṃ ñātibhedo pure ahu.

2656. Pabbajja mubagantvāna vyasanupasamāya’haṃ,
\nSattāhābhirato tattha satthusāsanakamyatā.

2657. Ekanavute ito kappe yamahaṃ pabbajiṃ tadā,
\nDuggatiṃ nābhijānāmi pabbajjāya idaṃ phalaṃ.

2658. Sattasaṭṭimbhito kappe satta āsuṃ mahipati,
\nSunikkhamāti ñāyanti cakkavatti mahabbalo.

2659. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sattāhapabbajito thero imā gathāyo abhāsitthāti.
\n- Sattāhapabbajitattherassa apadānaṃ aṭṭhamaṃ. -

289. Buddhupaṭṭhākattherāpadānaṃ.

2660. Veṭambariti1- me nāmaṃ pitusantaṃ mamaṃ tadā,
\nMama hatthaṃ gahetvāna upānayi mahāmuniṃ.

2661. Ime maṃ uddisissanti buddhā lokagganāyakā,
\nTe’haṃ upaṭṭhiṃ sakkaccaṃ pasanno sehi pāṇihi.

1. Voṭambhiniti machasaṃ vedhambhiniti, syā

[BJT Page 428] [\x 428/]

2662. Ekatiṃse ito kappe buddhe paricariṃ tadā,
\nDuggatiṃ nābhijānāmi upaṭṭhānassidaṃ phalaṃ.

2663. Tevisambhi ito kappe caturo āsu khattiyo,
\nSamaṇupaṭṭhākā1- nāma cakkavatti mahabbalo.

2664. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā buddhupaṭṭhāko thero imā gathāyo abhāsitthāti.
\n-Buddhapaṭṭhākattherassa apadānaṃ navamaṃ. -

[PTS Page 243] [\q 243/]

290. Pubbaṅgamiyattherāpadānaṃ.

2665. Cullāsitisahassāni pabbajimha akiñcanā,
\nTesaṃ pubbaṅgamo āsiṃ uttamatthassa pattiyā.

2666. Sarāgā sabhavā2- cete vippasnanamanāvilā3,
\nUpaṭṭhahiṃsu sakkaccaṃ pasannā sehi pāṇiha.

2667. Khiṇāsavā vantadosā katakiccā anāsavā,
\nPhariṃsu4- mettacittena sayambhu aparājitā.

2668. Tesaṃ upaṭṭhahitvāna sambuddhānaṃ patissato,
\nMaraṇañca anuppatto devattañca agamhase.

2669. Catunavute ito kappe yā silamanupālayiṃ,
\nDuggatiṃ nābhijānāmi saññamassa idaṃ phalaṃ.

2670. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pubbaṅgamiyo thero imā gathāyo abhāsitthāti.
\n- Pubbaṅgamiyattherassa apadānaṃ dasamaṃ. -

Uddānaṃ:
\nPaṇṇaṃ phalaṃ puccuggamaṃ5- ekapupphi ca maghavā
\nUpaṭṭhākā padānañca pabbajjā baddhupaṭṭhāko
\nPubbaṅgamo ca gāthāyo aṭṭatāḷisa kitatitāni.

- Paṇṇādāyakavaggo ekunatiṃsatimo. -

1. Samaṇupaṭṭhakā si mu
\n2. Samohā, syā
\n3. Vippasannamanāvilaṃ, simu
\n4. Pharisuṃ simu
\n5. Uggamiya, simu
\n