[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 404] [\x 404/]
\n[PTS Page 230] [\q 230/]

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Ākāsukkhipiyavaggo

261. Ākāsukkhipiyattherāpadānaṃ.

2540. Suvaṇṇavaṇṇaṃ siddhatthaṃ gacchantaṃ antarāpaṇe,
\nJalajagge duve gayha upagacchiṃ narāsabhaṃ.

2541. Ekañca pupphaṃ pādesu buddhaseṭṭhassa nikkhipiṃ,
\nEkañca pupphaṃ paggayha ākāse ukkhipiṃ ahaṃ.

2542. Catunavute ito kappe yaṃ pupphamabhiropayiṃ,
\nDuggatiṃ nābhijānāmi pupphadānassidaṃ phalaṃ.

2543. Ito khattiṃsakappamhi1- eko āsiṃ mahipati,
\nAntalikkhavaro2- nāma cakkavatti mahabbalo.

2534. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ākāsukkhipiyo thero imā gathāyo abhāsitthāti.
\n- Ākāsukkhipayattherassa apadānaṃ paṭhamaṃ. -

262. Telamakkhiyattherāpadānaṃ.

2545. Siddhatthamhi bhagavati nibbutamhi narāsabhe,
\nBodhiyā vedikāyāhaṃ telaṃ makkhesiṃ tāvade.

2536. Catunavute ito kappe yaṃ telaṃ makkhayiṃ tadā,
\nDuggatiṃ nābhijānāmi makkhanāya idaṃ phalaṃ.

[PTS Page 231] [\q 231/]

2537. Catuvise ito kappe succhavi nāma khattiyo,
\nSattaratanasampanenā cakkavatti mahabbalo.

2538. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā telamakkhiyo thero imā gathāyo abhāsitthāti.
\n- Telamakkhiyattherassa apadānaṃ dutiyaṃ. -

263. Aḍḍhacandiyattherāpadānaṃ.

2549. Tissassa kho bhagavate bodhiyā pādaputtame,
\nAḍḍhavandaṃ mayā dinnaṃ dharaṇiruhapādape.

2550. Dvenavute ito kappe yaṃ pupphamabhiropayiṃ,
\nDuggatiṃ nābhijānāmi bodhipujāyidaṃ phalaṃ.

1. Chattiṃsakappamhi, machasaṃ 2. Antalikkhakaro, machasaṃ

[BJT Page 406] [\x 406/]

2551. Paññacavise ito kappe devalo nāma khattiyo,
\nSattaratanasampanenā cakkavatti mahabbalo.

2552. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā aḍḍhavandiyo thero imā gathāyo abhāsitthāti.
\n- Aḍḍhavanidiyattherassa apadānaṃ tatiyaṃ. -

264. Padipiyattherāpadānaṃ. *

2553. Devabhuto ahaṃ santo oruyha paṭhaviṃ tadā,
\nPadipe pañca pādāsiṃ pasanno sehi pāṇihi.

2554. Catunavute ito kappe yaṃ padipamadaṃ tadā,
\nDuggatiṃ nābhijānāmi dīpadānassidaṃ phalaṃ.

2555. Pañcapaññāsake kappe eko āsiṃ mahipati,
\nSamantacakkhu nāmena cakkavatti mahabbalo.

2556. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā padipiyo thero imā gathāyo abhāsitthāti.
\n- Padipiyattherassa apadānaṃ catutthaṃ. -

[PTS Page 232] [\q 232/]

265. Biḷālidāyakattherāpadānaṃ.

2557. Himavantassa avidūre romaso nāma pabbato,
\nTamhi pabbatapādamhi samaṇo bhāvitindriyo.

2558. Biḷālike1- gahetvāna samaṇassa adāsahaṃ,
\nAnumodi mahāvīro sayambhu aparājito.

2559. Biḷāli te mamaṃ2- dinnā vippasannena cetasā,
\nBhave nibbattamānemhi phalaṃ nibbattataṃ tava.

2560. Catunavute ito kappe yaṃ biḷālimadāsahaṃ,
\nDuggatiṃ nābhijānāmi biḷāliyā idaṃ phalaṃ.

2561. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā biḷālidāyako thero imā gathāyo abhāsitthāti.
\n- Biḷālidāyakattherassa apadānaṃ pañcamaṃ. -

1. Biḷāliyo, machasaṃ 2. Mama, machasaṃ *padipadāyakattherāapadānaṃ, machasaṃ * apaṇṇadipāyattherāpadānaṃ, machasaṃ

[BJT Page 408] [\x 408/]

266. Macchadāyakattherāpadānaṃ.

2562. Candabhāgānaditire ukkuso āsahaṃ tadā,
\nMahantaṃ macchaṃ paggayha siddhatthamuno adaṃ.

2563. Catunavute ito kappe yaṃ macchamadadiṃ tadā,
\nDuggatiṃ nābhijānāmi macchadānassidaṃ phalaṃ.

2564. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā macchadāyako thero imā gathāyo abhāsitthāti.
\n- Macchadāyakattherassa apadānaṃ chaṭṭhaṃ. -

267. Javahaṃsakattherāpadānaṃ.

2565. Vandabhāgānaditire āsiṃ vanacaro tadā,
\nSiddhatthamadadasaṃ buddhaṃ gacchantamanilañajase.

2566. Añajalimpaggahetvāna ullokento mahāmuniṃ,
\nSakaṃ cittaṃ pasādetvā avandiṃ nāyakaṃ ahaṃ.

[PTS Page 233] [\q 233/]

2567. Catunavute ito kappe yamavandiṃ narāsabhaṃ,
\nDuggatiṃ nābhijānāmi vandanāya idaṃ phalaṃ.

2568. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā javahaṃsako thero imā gathāyo abhāsitthāti.
\n- Javahaṃsakattherassa apadānaṃ sattamaṃ. -

268. Salalapupphiyattherāpadānaṃ.

2569. Candabhāgānaditire ahosiṃ kintaro tadā,
\nVipassimaddasaṃ buddhaṃ raṃsijālasamākulaṃ.

2570. Pasannacitto sumano paramāya ca pitāyā,
\nPaggayha salalaṃ pupphaṃ vipassiṃ okiriṃ ahaṃ.

2571. Catunavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapujāyiṃ phalaṃ.

2572. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā salalapupphiyo thero imā gathāyo abhāsitthāti.
\n- Sallapuppiyattherassa apadānaṃ aṭṭhamaṃ. -

[BJT Page 410] [\x 410/]

269. Upāgatāsayattherāpadānaṃ.

2573. Himavantassa vemajjhe saro āsi sunimmito,
\nTatthāhaṃ rakkhaso āsiṃ heṭhasilo bhayānako.

2574. Anukampako kāruṇiko vipassi lokanāyako,
\nMamuddharitukāmo so āgacchi mama santike1-

2575. Upāgataṃ mahāvīraṃ devadevaṃ narāsabhaṃ,
\nĀsayā abhinikkhamma avandiṃ santhuno ahaṃ.

2576. Catunavute ito kappe yaṃ vandiṃ purisuttamaṃ,
\nDuggatiṃ nābhijānāmi vandanāya idaṃ phalaṃ.

2577. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā upāgatāsayo thero imā gathāyo abhāsitthāti.
\n- Upāgatāsayattherassa apadānaṃ navamaṃ. -

[PTS Page 234] [\q 234/]

270. Taraṇiyattherāpadānaṃ.

2578. Suvaṇṇavaṇṇo sambuddho vipassi dakkhiṇārabho,
\nNaditire ṭhito satthā bhikkhusaṅghapurakkhato.

2579. Nāvā na vijjate tattha santāraṇi mahaṇṇave,
\nNadiyā abhinikkhamma tāresiṃ lokanāyakaṃ.

2580. Catunavute ito kappe yaṃ tāresiṃ naruttamaṃ,
\nDuggatiṃ nābhijānāmi taraṇāya idaṃ phalaṃ.

2581. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā taraṇiyo thero imā gathāyo abhāsitthāti.
\n- Taraṇiyattherassa apadānaṃ dasamaṃ. -

Uddānaṃ:
\nUkkhepi tela candi ca dīpado ca biḷālido
\nMaccho javo salalado rakkhaso taraṇo dasa
\nGāthāyo cettha saṅkhātā tāḷisaṃ cekameva ca.

- Ākāsukkhipiyavaggo sattavisatimo. -

1. Sattakaṃ, machasaṃ
\n