[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 370] [\x 370/]
\n[PTS Page 213] [\q 213/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Ālambanadāyakavaggo


\n

221. Ālambanadāyakattherāpadānaṃ.

2373. Atthadassissa1- bhagavato lokajeṭṭhassa tādino,
\nĀlambanaṃ mayā dinnaṃ dipadindassa tādino.

2374. Dharaṇiṃ paṭipajjāmi vipulaṃ sāgarapparaṃ,
\nPāṇesu ca issariyaṃ vattemi vasudhāya ca.

2375. Kilesā jhāpitā mayhaṃ bhavā sabbe samuhatā,
\nTisesā vijjā anuppattā kata buddhassa sāsanaṃ.

2376. Ito dvesaṭṭhikappambhi tayo āsiṃsu khatatiyā,
\nEkāpassata nāmā te cakkavatti mahabbalo.

2377. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ālambanadāko thero imā gathāyo abhāsitthāti.
\n- Ālambanadāyakattherassa apadānaṃ paṭhamaṃ. -

222. Ajinadāyakattherāpadānaṃ.

2378. Ekatiṃse2- ito kappe gaṇasatthā ahosahaṃ,
\nAddasaṃ virajaṃ buddhaṃ āhutinaṃ paṭiggahaṃ.

2379. Cammakhaṇḍaṃ mayā dinnaṃ sikhino lokabandhuno,
\nTena kammena dipadinde3- lokajeṭṭhe narāsabhe.

[PTS Page 214] [\q 214/]

2380. Sampattiṃ anubhotvāna kilesā jhāpayiṃ ahaṃ,
\nDhāremi antimaṃ dehaṃ sammāsambuddhasāsane.

2381. Ekatiṃse ito kape ajinaṃ yamadāsa’haṃ,
\nDaggatiṃ nābhijānāmi ajinassa idaṃ phalaṃ.

2382. Ito pañcamake kappe rājā āsiṃ sudāyako,
\nSattaratanasampanno cakkavatti mahabbalo.

2383. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ajinadāyako thero imā gathāyo abhāsitthāti.
\n- Ajinadāyakattherassa apadānaṃ dutiyaṃ. -

1. Atthadassi, simu 2. Ekattiṃse, machasaṃ 3. Dvipadinda, machasaṃ

[BJT Page 372] [\x 372/]

223. Davirataniyattherāpadānaṃ

2384. Migaluddo pure āsiṃ araññe kānane ahaṃ,
\nAddasaṃ virajaṃ budadhaṃ āhuninaṃ paṭiggahaṃ.

2385. Maṃsapesi mayā dinanā vipassissa mahesino,
\nSadevakasmiṃ lokasmiṃ issaraṃ kārayāmahaṃ.

2386. Iminā maṃsadānena ratanaṃ nibbattate mama,
\nDuve’me ratanā loke diṭṭhadhammassa pattiyā.

2387. Tehaṃ sabbe anubhomi maṃsadānassa sattiyā,
\nGatañca mudukaṃ mayhaṃ paññā nipuṇavedini1-

2388. Ekanavute ito2- kape yaṃ maṃsamadadiṃ ahaṃ,
\nDuggatiṃ nābhijānāmi maṃsadānassidaṃ phalaṃ.

2389. Ito catutthake kappe eko āsiṃ janādhipo,
\nMahārohita nāmo so cakkavatti mahabbalo.

2390. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā dviratatiyo thero imā gathāyo abhāsitthāti.
\n- Dviratatiyattherassa apadānaṃ tatiyaṃ. -

224. Ārakkhadāyakattherāpadānaṃ

2391. Siddhatthassa bhagavato vedi kārāpitā3- mayā,
\nĀrakkho ca mayā dinno sugatassa mahesino.

2392. Tena kammavisesena na passe4- bhayabheravaṃ,
\nKubhiñci uppannassa kāso mayhaṃ na vijjati.

[PTS Page 215] [\q 215/]

2393. Catunavute ito kappe yaṃ vediṃ kārayiṃ ahaṃ, 6-
\nDaggatiṃ nābhijānāmi vedikāya idaṃ phalaṃ.

2394. Ito chaṭṭambhi kappambhi apassena sanāmako,
\nSattaratanasampanno cakkavatti mahabbalo.

2395. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ārakkhadāyako thero imā gathāyo abhāsitthāti.
\n- Ārakkhadāyakattherassa apadānaṃ catutthaṃ. -

*Devarataniyathera, machasaṃ 1. Nipuṇavedanaṇi, machasaṃ 2. Ekanavutito, machasaṃ 3. Vedikā kāritā, syā 4. Na passiṃ, machasaṃ 5. Catunnavutito, machasaṃ 6. Pure, machasaṃ

[BJT Page 374] [\x 374/]

225. Avyādhikattherāpadānaṃ.

2396. Vipassissa bhagavato aggisālamadāsahaṃ,
\nVyādhitānañca āvāsaṃ uṇhodakapaṭiggahaṃ.

2397. Tena kammena yaṃ mayhaṃ attabhāvo sunimmito,
\nVyādhāhaṃ nābhijanāmi puññakammassidaṃ phalaṃ.

2398. Ekanavute ito2- kappe yaṃ sālamadadiṃ tadā,
\nDuggatiṃ nābhijānāmi aggisālāyidaṃ phalaṃ.

2399. Ito sattamake kappe eko’siṃ aparājito,
\nSattaratanasampanno cakkavatti mahabbalo.

2400. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā avyādhiko thero imā gathāyo abhāsitthāti.
\n- Avyādhikattherassa apadānaṃ pañcamaṃ. -

226. Aṅkolapupphiyattherāpadānaṃ

2401. Nārado iti me nāmaṃ kassapo iti maṃ vidu,
\nAddasaṃ samaṇānaggaṃ vipassiṃ devasakkataṃ.

2402. Anubyañajanadharaṃ buddhaṃ āhutinaṃ paṭiggahaṃ,
\nAṅkolapupphaṃ paggayha buddhassa abhiropayiṃ.

2403. Ekanavute ito kappe yaṃ pupphamabhipūjayiṃ,
\nDuggatiṃ nābhijānāmi buddhapujāyidaṃ phalaṃ.

2404. Catusattatito kappe romaso nāma khattiyo,
\nĀmuttamālābharaṇo sayoggabavāhato.

[PTS Page 216] [\q 216/]

2405. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā aṅkolapupphiyo thero imā gathāyo abhāsitthāti.
\n- Aṅkolapupphiyattherassa apadānaṃ chaṭṭhaṃ. -

*Abyādhika, machasaṃ

[BJT Page 376] [\x 376/]

227. Sovaṇṇavaṭaṃsakiyayattherāpadānaṃ.*

2406. Uyyānabhumiṃ niyyanto addasaṃ lokanāyakaṃ,
\nVaṭaṃsakaṃ gahetvāna sovaṇṇaṃ sādhunimmitaṃ.

2407. Sighaṃ tato samoruyha1- hatthikkhanvadhagato ahaṃ,
\nBuddhassa abhiropesiṃ sikhino lokabandhuno.

2408. Ekatiṃse ito kappe yaṃ pupphamabhipūjayiṃ, 2-
\nDuggatiṃ nābhijānāmi buddhapūjāyidaṃ phalaṃ.

2409. Sattavise ito kapepa eko āsiṃ janādhipo,
\nMahāpatāpa nāmena cakkavatti mahabbalo.

2410. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sovaṇṇavaṭaṃsakiyo thero imā gathāyo abhāsitthāti.
\n- Sovaṇṇavaṭaṃsakiyattherassa apadānaṃ sattamaṃ. -

228. Miñajavaṭaṃsakiyattherāpadānaṃ.

2411. Nibbute lokanāthambhi sikhimhi vadataṃ vare,
\nVaṭaṃsakehi ākiṇṇaṃ bodhipujamakāsahaṃ.

2412. Ekatiṃse ito kappe yaṃ pupphamakariṃ tadā,
\nDuggatiṃ nābhijānāmi bodhipujāyidaṃ phalaṃ.

2413. Ito chabbisatikappe ahuṃ meghabbha nāmako,
\nSattarananasampanno cakkavatti mahabbalo.

2414. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā miñajavaṭaṃsakiyo thero imā gathāyo abhāsitthāti.
\n- Miñajavaṭaṃsakiyattherassa apadānaṃ aṭṭhamaṃ. -

[PTS Page 217] [\q 217/]

229. Sukatāveliyattherāpadānaṃ.

2415. Asitonāma nāmena mālākāro ahuṃ4- tadā,
\nĀvelaṃ paggahevona rañño dātuṃ vajāmahaṃ.

2416. Asampattamhi rājānaṃ addasaṃ sikhināyakaṃ.
\nHaṭṭho haṭṭhena cittena buddhassa abhiropayiṃ.

2417. Ekatiṃse5- ito kappe yaṃ pupphamabhipūjayiṃ,
\nDuggatiṃ nābhijānāmi buddhapūjāyidaṃ phalaṃ.

*Vaṭaṃsakiyattherāpadānaṃ simu 1. Samāruyha, machasaṃ 2. Pupphamabhiropayiṃ, machasaṃ3. Pupphapujāyidaṃ, machasaṃ 4. Ahaṃ, machasaṃ 5. Ekattiṃse, machasaṃ

[BJT Page 378] [\x 378/]

2418. Pañcavise ito kappe rājāhosiṃ mahabbalo,
\nVehāro nāma cakkavatti mahabbalo.

2419. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sukatāveliyo thero imā gathāyo abhāsitthāti.
\n- Sukatāveliyattherassa apadānaṃ navamaṃ. -

230. Ekavandiyattherāpadānaṃ.

2420. Usabhaṃ pavaraṃ vīraṃ vessabhuṃ vijitāvitaṃ,
\nPasannacitto sumano buddhaseṭṭhaṃ avandihaṃ1-

2421. Ekatiṃse ito kappe yaṃ kammakariṃ tadā,
\nDuggatiṃ nābhijānāmi vandanāya idaṃ phalaṃ.

2422. Catuvīsatikappamhi vigatānandanāmako,
\nSattaratanasampanno cakkavatti mahabbalo.

2423. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekavandiyo thero imā gathāyo abhāsitthāti.
\n- Ekavandiyattherassa apadānaṃ dasamaṃ. -

Uddānaṃ:
\nĀlambanañca ajinaṃ maṃsadā rakkhadāyako
\nAvyādhi aṅkolaṃ2- soṇṇaṃ miñajaṃ āvela vandanaṃ
\nPañcapaññasa gāthāyo gaṇitā atthadassihi.

- Ālambanadāyakavaggo tevisatimo. -