[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 360] [\x 360/]
\n[PTS Page 208] [\q 208/]  

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Hatthivaggo

 
\n211. Hatthiyakattherāpadānaṃ.

2319. Siddhatthassa bhagavato dipadindassa1- tādino,
\nNāgaseṭṭho mayā dinnā īsādanto urūḷhavā.

2320. Uttamatthaṃ anubhomi santipadamanuttaraṃ,
\nAggadānaṃ2- mayā dinnaṃ sabbalokabhitesino.

2321. Catunavute ito kappe yaṃ nāgamadadiṃ3- tadā,
\nDuggatiṃ nābhijānāmi nāgadānassidaṃ phalaṃ.

2322. Aṭṭhasattatikappambhi soḷasā’siṃsu khattiyā,
\nSamantapāsādikā nāma cakkavatti mahabbalo.

2323. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā hatthidāyako thero imā gathāyo abhāsitthāti.
\n- Hatthidāyakattherassa apadānaṃ paṭhamaṃ. -

212. Pānadhidāyakattherāpadānaṃ

2324. Āraññakassa4- isino cirarattatapassino,
\nVuddhassa5- bhāvitattassa adāsiṃ pānadhiṃ ahaṃ.

2325. Tena kammena dipadinda lokajeṭṭha narāsabha,
\nSabbaṃ yānaṃ6anubhomi pubbakammassidaṃ phalaṃ.

[PTS Page 209] [\q 209/]

2326. Catunavute7- ito kappe yaṃ kammamakariṃ tadā,
\nDuggatiṃ nābhijānāmi pānadhissa idaṃ phalaṃ.

2327. Sattasattati’to kappe aṭṭha āsiṃsu khattiyā,
\nSuyānā nāma nāmena cakkavatti mahabbalo.

2328. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pānadhidāyako thero imā gathāyo abhāsitthāti.
\n- Pānadhidāyakattherassa apadānaṃ dutiyaṃ. -

1. Dvipadindassa, machasaṃ 2. Nāgadānaṃ 3. Dānamadadiṃ, simu 4. Āraññikassa, machasaṃ 5. Dhammassa, syā ka 6. Dibbayānaṃ, machasaṃ 7. Catunevute

[BJT Page 362] [\x 362/]

213. Saccasaññakattherāpadānaṃ

2329. Vessabhu tambhi samaye bhikkhusaṅghapurakkhato,
\nDeseti ariyasaccāni nibbāpento mahājanaṃ.

2330. Paramakāruññapattombhi samitiṃ agamāsabhaṃ,
\nSohaṃ nisinnako santo dhammassosiṃ satthuno.

2331. Tassāhaṃ dhammaṃ sutvāna devalokamagacchahaṃ,
\nTiṃsakappāni devesu avasiṃ tatthahaṃ pure.

2332. Ekatiṃse1- ito kappe yaṃ saññamalabhiṃ tadā,
\nDuggatiṃ nābhijānāmi saccasaññāyidaṃ phalaṃ.

2334. Chabbisambhi ito kappe eko āsiṃ janādhipo,
\nEkaphusitanāmena cakkavatti mahabbalo.

2335. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saccasaññako thero imā gathāyo abhāsitthāti.
\n- Saccasaññakattherassa apadānaṃ tatiyaṃ. -

214. Ekasaññakattherāpadānaṃ.

2335. Dumagge paṃsukulikaṃ laggaṃ disvāna satthuno,
\nAñjaliṃ paggahetvāna paṃsukulaṃ avandihaṃ2-

2336. Ekatiṃse ito kappe yaṃ saññamalabhiṃ tadā,
\nDuggatiṃ nābhijānāmi buddhapūjāyidaṃ phalaṃ.

[PTS Page 210] [\q 210/]

2337. Pañcavise ito kappe eko āsiṃ janādhipo,
\nAmitābhoti nāmena cakkavatti mahabbalo.

2338. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ekasaññako thero imā gathāyo abhāsitthāti.
\n- Ekasaññakattherassa apadānaṃ catutthaṃ. -

1. Ekattiṃse machasaṃ 2. Avandahaṃ.

[BJT Page 364] [\x 364/]

215. Raṃsisaññakattherāpadānaṃ.

2339. Udentaṃ sataraṃsiṃva sitaraṃsiṃva1- bhānumaṃ,
\nVyagghusabhaṃva pavaraṃ sujātaṃ pabbatannare.

2340. Buddhassa ānubhāvo so jalate pabbatantare,
\nRaṃse citataṃ pasādetvā kappaṃ saggambhi modahaṃ.

2341. Avasesesu kappesu kusalaṃ sukataṃ2- mayā,
\nTena cittappasādena buddhānussatiyā pi ca.

2342. Tiṃsakappasahasseto yaṃ saññamalabhiṃ tadā,
\nDuggatiṃ nābhijānāmi buddhasaññāyidaṃ3- phalaṃ.

2343. Sattapaññāsakappambi eko āsiṃ janādhipo,
\nSujāto nāma nāmena cakakvatti mahabbalo.

2324. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā raṃsisaññako thero imā gathāyo abhāsitthāti.
\n- Raṃsisaññakattherassa apadānaṃ pañcamaṃ. -

216. Saṇṭhitattherāpadānaṃ.

2345. Assatthe haritobhase saṃviruḷhamhi pādape,
\nEkaṃ buddhagataṃ saññaṃ alabhissa4- patissato.

2346. Ekatiṃse5- ito kappe yaṃ saññamalabhiṃ tadā,
\nTassā saññāya vāhasā patto me āsavakkhayo.

2347. Ito terasakappambhi dhaniṭṭho nāma khattiyo,
\nSattaratanasampanno cakkavatti mahabbalo.

[PTS Page 211] [\q 211/]

2348. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā saṇṭhito thero imā gathāyo abhāsitthāti.
\n- Saṇṭhitattherassa apadānaṃ chaṭṭhaṃ. -

1. Vitaraṃsiṃva, machasaṃ 2. Caritaṃ, machasaṃ karitaṃ, simu 3. Buddhapūjāyidaṃ, simu 4. Alabhiṃhaṃ, machasaṃ 5. Ekantiṃse, machasaṃ

[BJT Page 366] [\x 366/]

217. Tālavaṇṭadāyakattherāpadānaṃ.

2349. Tālavaṇṭaṃ mayā dinnaṃ tisasassā’ diccabandhuno,
\nGimhanibbāpanatthāya pariḷābhopasantiyā.

2350. Santibbāpemi rāgaggiṃ dosaggiñca taduttariṃ,
\nNibbāpemi ca mohaggiṃ tālavaṇṭassadaṃ phalaṃ.

2351. Kilesā jhāpitā mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsanaṃ.

2352. Dve navute ito kape yaṃ kammamakariṃ tadā,
\nDaggatiṃ nābhijānāmi budadhapujiyidaṃ1- phalaṃ.

2353. Tosaṭṭimbhi ito kappe mahānāma sanāmako,
\nSattaratanasampanno cakkavatti mahabbalo.

2354. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā tālavaṇṭadāko thero imā gathāyo abhāsitthāti.
\n- Tālavaṇṭadāyakattherassa apadānaṃ sattamaṃ. -

218. Akkantasaññakattherāpadānaṃ.

2355. Kusāṭakaṃ gahetvāna upajjhāyassa’haṃ pure,
\nMantaṃ ca anusikkhāmi kaṇḍabhedassa2- pattiyā,

2356. Addasaṃ virajaṃ buddhaṃ āhutinaṃ paṭiggahaṃ,
\nUsabhaṃ pavaraṃ aggaṃ tissaṃ buddhaṃ gaṇuttamaṃ.

2357. Kusāṭakaṃ pattharitaṃ akkamantaṃ naruttamaṃ,
\nSamuggataṃ mahāvīraṃ lokajeṭṭhaṃ narāsabhaṃ.

[PTS Page 212] [\q 212/]

2358. Disvā taṃ lokapajjotaṃ vimalaṃ candasannibhaṃ,
\nAvandiṃ satthuno pāde vippasannena cetasā.

2359. Catunavute3- ito kappe yaṃ adāsiṃ kusāṭakaṃ,
\nDuggatiṃ nābhijānāmi kusāṭakassadaṃ phalaṃ.

2360. Sattatiṃse ito kappe eko āsiṃ janādhipo,
\nSunando nāma nāmena cakkavatti mahabbalo.

2361. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā akkattasaññako thero imā gathāyo abhāsitthāti.
\n- Akkantasaññakattherassa apadānaṃ aṭṭhamaṃ. -

1. Tālavaṇṭayasidaṃ, machasaṃ 2. Ganthādosassa, machasaṃ 3. Catunnavute, machasaṃ

[BJT Page 368] [\x 368/]

219. Sappidāyakattherāpadānaṃ.

2362. Nisinno pasādavare nārigaṇapurakkhato,
\nVyādhitaṃ samaṇaṃ disvā abhināmesahaṃ1- gharaṃ.

2363. Upaviṭṭhaṃ mahāvīraṃ devadevaṃ narāsabhaṃ,
\nSappitelaṃ mayā dinnaṃ siddhatthassa mahesino.

2364. Passaddhadarathaṃ disvā vippasannamukhindriyaṃ,
\nVanditvā satthuno pāde anusaṃsāvayiṃ pure.

2365. Disvā maṃ suppasannattaṃ2- iddhiyā pāramiṅgato,
\nNabhaṃ abbhuggami dhīro haṃsarājāva ambare.

2366. Catunavute ito kappe yaṃ dānamadadiṃ tadā,
\nDuggatiṃ nābhijānāmi sappitelassidaṃ phalaṃ.

2367. Ito sattarasesa kappe jutideva3- sanāmako,
\nSattaratanasampanno cakkavatti mahabbalo.

2368. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sappidāyako thero imā gathāyo abhāsitthāti.
\n- Sappidāyakattherassa apadānaṃ navamaṃ. -

220. Pāpanivāriyattherāpadānaṃ.

2369. Piyadassissa bhagavato caṅkamaṃ sodhitaṃ mayā,
\nNaḷakehi paṭicchannaṃ vātātapanivāraṇaṃ.

[PTS Page 213] [\q 213/]

2370. Pāpaṃ vivajjanatthāya kusalassupasampadā,
\nKilesānaṃ pahānāya padabhiṃ satthusāsane.

2371. Ito ekādase kappe yaṃ aggidevoti vissuto,
\nSattaratanasampanno cakkavatti mahabbalo.

2372. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā pāpanivāriyo thero imā gathāyo abhāsitthāti.
\n- Pāpanivāriyattherassa apadānaṃ dasamaṃ. -

Uddānaṃ:
\nHatthi pānadhi saccañca ekasaññi ca raṃsiyo
\nSaṇṭhito tālavaṇṭi ca4- tathā akkattasaññako
\nSappi pāpanicāri ca catupaññāsa gāthakāti.

- Hatthivaggo bāvisatimo. -

1. Abhimānesaṃ, simu
\n2. Suppasananattaṃ, syā
\n3. Dutideva, syā tunideva ka
\n4. Tālavaṇṭañca machasaṃ
\n