[CPD Classification 2.5.13]
\n[PTS Vol Ap 1 ] [\z Ap /] [\f Ia /]
\n[BJT Vol Ap 1 ] [\z Ap /] [\w Ia /]
\n[BJT Page 350] [\x 350/]
\n[PTS Page 203] [\q 203/]   

Suttapiṭake khuddakanikāye
\nApadānapāḷi.
\nPaṭhamo bhago

Namo tassa bhagavato arahato sammāsambuddhassa.
\n   Kaṇikārapupphiyavaggo

201. Kaṇikārapupphiyattherāpadānaṃ.

2271. Kanikāraṃ pupphitaṃ disvā ocinitvānahaṃ tadā,
\nTissassa abhiropesiṃ oghatiṇṇassa tādino.

2272. Dvenavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2273. Pañcatiṃse ito kappe aṇapāṇiti vissuto,
\nSattaratanasampanno cakkavatti mahabbalo.

2274. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kaṇikārapupphiyo thero imā gathāyo abhāsitthāti.
\n- Kaṇikārapupphiyattherassa apadānaṃ paṭhamaṃ. -

202. Miṇelapupphiyattherāpadānaṃ.

2275. Suvaṇṇavaṇṇo bhagavā sataraṃsi patāpavā.
\nCaṅkamanaṃ samārūḷho mettacitto sikhisabho.

2276. Pasannacitto sumano vanditvā2- ñāṇamuttamaṃ,
\nMinelapupphaṃ paggayha buddhassa abhiropayiṃ.

[PTS Page 204] [\q 204/]

2277. Ekaṃtise ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

1. Chattañca bandhujīviñca, machasaṃ 2. Thometva, syā

[BJT Page 352] [\x 352/]

2278. Ekunatiṃse kappamhi sumedhayasa1- nāmako,
\nSattaratanasampanno cakkavatti mahabbalo.

2279. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā minelapupphiyo thero imā gathāyo abhāsitthāti.
\n- Minelapupphiyattherassa apadānaṃ dutiyaṃ. -

203. Kiṅkiṇikapupphiyattherāpadānaṃ.

2280. Kañcanagghiyasaṅkāso sababaññu lokanāyako,
\nOdakaṃ dahamogayha sināyi lokanāyako.

2281. Paggayha kiṅkiṇiṃ2- pupphaṃ vipassissā bhiropayiṃ,
\nUdaggacitto sumano dipadindassa tādino.

2263. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2283. Sattavisatikappambhi rājā bhimaratho ahu,
\nSattaratanasampanno cakkavatti mahabbalo.

2284. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā kiṅkiṇikapupphiyo thero imā gathāyo abhāsitthāti.
\n- Kiṅkiṇikapupphiyattherassa apadānaṃ tatiyaṃ. -

204. Taraṇiyattherāpadānaṃ

2285. Atthadassitu bhagavā dipadindo narāsabho,
\nPurakkhato sāvakehi gaṅgātiramupāgami.

2286. Samatittikā kākapeyyā gaṅgā āsi duruttarā,
\nUttārayiṃ bhikkhusaṅghaṃ buddhaṃ ca dipaduttamaṃ.

2287. Aṭṭhārase kappasate yaṃ kammamakariṃ tadā,
\nDuggatiṃ nābhijānāmi taraṇāya idaṃ phalaṃ.

[PTS Page 205] [\q 205/]

2288. Teraseto kappasate pañca sabbhogavā3- ahuṃ,
\nSattaratanasampanno cakkavatti mahabbalo.

1. Sumeghaghana nāmako, machasaṃ *kiṅkaṇipupphiyattherāpadānaṃ, machasaṃ 2. Kiṅkaṇiṃ, machasaṃ 3. Sabbobhavā, machasaṃ

[BJT Page 354] [\x 354/]

2289. Pacchime ca bhave asmiṃ jāto’haṃ brāhmaṇe kule,
\nSaddhiṃ tihi sahāyehi pabbajiṃ satthusāsane.

Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā taraṇiyo thero imā gathāyo abhāsitthāti.
\n- Taraṇiyattherassa apadānaṃ catutthaṃ. -

205. Nigguṇḍipupphiyattherāpadānaṃ

2290. Vipassassa bhagavato āsimārāmiko ahaṃ,
\nNigguṇḍipupphaṃ paggayaṃha buddhassa abhiropayiṃ.

2291. Ekanavute ito kappe yaṃ pupphamabhiropayiṃ,
\nDuggatiṃ nābhijānāmi buddhapūjāyidaṃ phalaṃ.

2292. Pañcatiṃse ito kappe eko āsiṃ janādhipo,
\nMahāpatāpo nāmena1- cakkavatti mahabbalo.

2293. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā nigguṇḍipupphiyo thero imā gathāyo abhāsitthāti.
\n- Nigguṇḍipupphiyattherassa apadānaṃ pañcamaṃ. -

206. Udakadāyakattherāpadānaṃ.

2294. Bhuñjannaṃ samaṇaṃ disvā vippasannamanāvilaṃ,
\nGhaṭeno’dakamādāya siddhatthassa adāsahaṃ.

2295. Nimmalo homa’haṃ ajja vimalo khiṇasaṃsayo,
\nBhave nibbattamānambhi phalaṃ nibbattate subhaṃ.

2296. Catunavute ito kappe udakaṃ yaṃ tadā adaṃ, 2-
\nDuggatiṃ nābhijānāmi udakadānassidaṃ phalaṃ.

2297. Ekasaṭṭhimbhato kappe ekova vimalo ahuṃ,
\nSattaratanasampanno cakkavatti mahabbalo.

2298. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā udakadāyako thero imā gathāyo abhāsitthāti.
\n- Udakadāyakattherassa apadānaṃ chaṭṭhaṃ. -

1. Mahāpatāpanāmena, machasaṃ 2. Udakaṃ yamadāsahaṃ, machasaṃ

[BJT Page 356] [\x 356/]
\n[PTS Page 206] [\q 206/]

207. Salalamāliyattherāpadānaṃ

2299. Kaṇikāraṃva jotantaṃ nisinnaṃ pabbatantare,
\nObhāsontaṃ disā sabbā siddhatthaṃ narasārathiṃ.

2300. Dhanumadvejjhaṃ katvāna usuṃ sannayha’haṃ tadā,
\nPupphaṃ savaṇaṭaṃ chetvāna buddhassa abhiropayiṃ.

2301. Catunavute ito kappe yaṃ pupphamabhiropayiṃ1-,
\nDuggatiṃ nābhijānāmi buddhapūjāyidaṃ phalaṃ.

2302. Ekapaññāsi’to kappe eko āsiṃ junindharo,
\nSattaratanasampanno cakkavatti mahabbalo.

2303. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā sallamāliyo thero imā gathāyo abhāsitthāti.
\n- Sallamāliyattherassa apadānaṃ sattamaṃ. -

208. Koraṇḍapupphiyattherāpadānaṃ

2304. Akkañatañca padaṃ disvā cakkālaṅkāra bhusitaṃ,
\nPadenā’nupadaṃ yanto vipassissa mahesino.

2305. Koraṇḍaṃ pupphitaṃ disvā samulaṃ pujitaṃ mayā,
\nHaṭṭho haṭṭhena cattena avandiṃ padamuttamaṃ.

2307. Rakanavute ito kappe yaṃ pupphamabhiropayiṃ,
\nDuggatiṃ nābhijānāmi padapujāyidaṃ phalaṃ.

2308. Sattapaññāsakappamhi eko vitamalo ahu,
\nSattaratanasampanno cakkavatti mahabbalo.

2309. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā koraṇḍapūpphiyo thero imā gathāyo abhāsitthāti.
\n- Koraṇḍapupphiyattherassa apadānaṃ aṭṭhamaṃ. -

1. Mabhiropayiṃ, machasaṃ

[PTS Page 207] [\q 207/]

209. Ādhāradāyakattherāpadānaṃ

2309. Ādhārakaṃ mayā dinnaṃ sikhino lokabandhuno,
\nDhāremi phaṭhaviṃ1- sabbaṃ kevalaṃ vasudhaṃ imaṃ.

2310. Kilesā jhāpitā mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsane.

2311. Sattavise ito kappe ahesuṃ caturo janā,
\nSamantavaraṇā2- nāma cakkavatti mahabbalā.

2312. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā ādhāradāyako thero imā gathāyo abhāsitthāti.
\n- Ādhāradāyakattherassa apadānaṃ navamaṃ. -

210. Vātātapanivāriyattherāpadānaṃ.

2313. Tissassa tu bhagavato devadevassa tādino,
\nEkacchattaṃ mayā dinnaṃ vippasannena cetasā.

2314. Nivutaṃ hoti me pāpaṃ kusalassu’pasampadā,
\nĀkāse chattaṃ dhārenti pubbakammassidaṃ phalaṃ.

2315. Carimaṃ vattate mayhaṃ bhavā sabbe samuhatā,
\nDhāremi antimaṃ dehaṃ sammāsambuddhasāsane.

2316. Dvenavute ito kappe yaṃ chattamadadiṃ tadā,
\nDuggatiṃ nābhijānāmi chattadānassidaṃ phalaṃ.

2317. Dvesattatimbhito kappe aṭṭhāsiṃsu janādhipā,
\nMahānidānanāmena rājāno cakkavattino.

2318. Paṭisambhidā catasso vimokkhāpi ca aṭṭhime,
\nChaḷabhiññā sacchikatā kataṃ buddhassa sāsanaṃ

Itthaṃ sudaṃ āyasmā vātātapanivāriyo* thero imā gathāyo abhāsitthāti.
\n- Vātāpanivāriyattherassa apadānaṃ dasamaṃ. -

[PTS Page 208] [\q 208/]

Uddānaṃ:
\nKaṇikāro minelañca kiṅkiṇi taraṇenaca
\nNigguṇḍipupphi dakado salalo ca kuraṇḍako
\nĀdhārakotapavāri3- aṭṭhatāḷisa gāthakā.

- Kaṇikārapupphiyavaggo ekavisatimo.

1. Pathaviṃ, machasaṃ
\n2. Samantavaraṇa, machasaṃ *pāpanivāriyattherādānaṃ, machasaṃ
\n3. Pāpacāri, machasaṃ
\n